حسن جا .. حسن ما جا .. وحسن ما عارف الزهور راجيا

Quote: اول مرة اسمع بحسن جا حسن ما جا دى..

Quote: وياريت لوكنت حافظها.....

Quote: ونحن ايضا في انتظار حسن ان شاء الله يجي بسرعة بس احسن حاجة نرسل ليهو واحدة من بنات البورد احتمال يجي هههههههه

Quote: حسن دة يكون مع عوض هو انتو ما شفتوا عوض ياناس

(عدل بواسطة علاء الدين حيموره on 06-06-2008, 09:04 PM)

Quote: طبعا يا رأفت انا معلقه معاي عليقه بت لزينه لا قوافي ولا جن رغم إنو بعف الاسكوتلنديين لهجتم قريبه من الشوايقه وعندهم الكلام بيتجرجر زي الماحصل شي!! رأيك شنو أفتش ليك واحد إسكوتلندي وكده.؟؟ يمكن ينفع غايتو ربنا يحلها !!

Quote: وفي متن البوست زاتو، رادي واحد على السؤال أعلاه بالآتي: يا أخوي الشوايقة بس في الشعر حُنان وأضاف آخر بنفس القافية: لو ما مصدقني أسألوا علي عثمان

أها كده جمّعت لينا نص الخبر .. نرجى حنية الشايقية ويجوبوا لينا الأغنية زاتا

Quote: ياسلام عليك ياخي رجعتني كمين سنه لي ورا اصلا حسن دا تاجر وفاتح جنبو ترزي وكان الترزي شغال وحسن مافي فجات بنت سألت من حسن وقالو ليها مافي وجات سألت منو تلاته مرات وفي التلاته مرات الترزي مارفع عينو شافها وفي المره الاخيره عاينليها وكانت بنت حلوه جدا عشان كدا قال القصيده : حسن جا .... حسن ما جا... حسن جا ..حسن ماجا حسن ما عارف الزهور راجا وياريت لوكنت حافظها..... تحياتي

Quote: . ما لكن على كلمات شيخ العاشقين / عبدالله محمد خير ( رجاء لكل مرتادى مزيكا سودانية وكل محبى اشعار شيخ العاشقين ارفغوا اكفكم بالدعاء واسالوا الله الشافى ان يشفى شاعرنا الفخيم شيخ العاشقين من كل داء وبلاء وان يمن عليه بالصحه والعافيه وان يحفظه لكل مريديه ومحبى اشعاره ) مالكن على وليه يا نهيدات الجدى سويتا العجب العجيب فى قلبى بهدلتنو لى نوسرتن الجرح القديم الكان مسهد لى عينى ومــــــن شفتكـــــــن ما شفتن الحاصل على ما شفتن القرن القبيل كت قايلو مات تاريهــــــــــو حـــــــــى تاريهو زى ما كان زمان ينبض ... شباب ... وشجون ... وغى ***** ليه يا نهيدات الجدى يا برتكانات استون فوق عودن اللدن الطرى مضمور محل .... متبور محل نجضان ونى لين هنا ... ونديان هناك وسط ............قوى بس عندو سيد مرات عنيد مرات ............... هدى ***** ليه يا نهيدات الجدى واقفات بلا قببا فقيرن ديمه شالع فوقو ضى ينشاف قريب ... وينشاف بعيد بتق فى احساس جديد ينتر شديد لا عرفتو ريد لا عرفتو جن دايرلو قيد وقفت حدود معرفتى فوق حلما صبى يرجف ..... يغازل النسمه كان هبهب هوى ****** مالك على آ بنى هوى مالك على وانا عمرى ما اتحدث مع زولا اسمو ( مـىّ) بس قولى شن قارنى فيك لاك عارفى ( هوىّ ) ****** لاك عارفى (هيى ) لاك عارفى هىّ وللشىء البعجبك ما بتعرفى تقولى ( سىّ ) ****** يا بت عليك ( زاد الشجون ) وبوب مارلى والحزن القديم اتمهلى لا تستهزى بىّ عمك انا ... وجدك كمان لكن مصيبتى على العلى ّ بهوى الجمال وبهوى السبيب كلما هو طال وبهوى الصدير كل ما حضن رمان وشال وبهوى البنات كلما بقن شبه الغزال وما فيش بلا الهوى بين ايدى ّ ****** وانا من زمن بارى السراب سارح معاهو ودىّ ودىّ كل ما اقول بى داك عمار ادنالو القى هويد وصىّ ****** ليه يا نهيدات الجدى يالزى ( نواطير) الترك فى العالى ما طلاها رىّ يا الزيكن .... ما شفنا زى ّ طماع انا ..!! ومابرضى بى شيتن شوىّ وما بيسعد المكتوبلو فى المحفوظ ( شقىّ ) .

Quote: يا حسن... ود حسونة. جبتها دى من وين ؟ زى الدعوات الحريمية! تقول الواحدة فى جلسة قهوة مرتبة.. يا حسن منك ! جا .... ولا ما جا...

Quote: برضو مشتااااااااااااااااااااقون

Quote: ما لقينا حسن نشوف ليك حسين ولو ما لقينا حسين نشوف ليك حسنيين ولو ما لقينا حسنيين نشوف ليك حسنات ولو ما لقينا ديل كلهم تلقى السني طمني بجافي لك اهلي واسكن معاك \ مدني مدني الجمال وانا مالي

مدنى السماحة الهادة فيك سماحتا الما هبشا الزمن
السنى مدنى .. ومدنى أهلى .. وشوق عمرى ..

حسن مالقيتو يا السنى .. لكن لقيت زول سمح إسمه عبدالله محمد خير
ما عارف ليه عمرى ده كلو ما بعرفوا .. أهو الشايقى لقينا منو فايدة أخيرآ

أخص مداخلتك الندية دى بالتسجيل النادر ده للشاعر الفنان

وكل من يمر من هنا ما يحرمنا من الدعوات الطيبات للشاعر فى أوجاعه ومرضه