|
Re: بعد أداءٍ رائع جداً ( الحكم الجزائري ) يهزم الأهلي القاهري ( 3/0 ) (Re: ثابت محمد)
|
Quote: قبل البدء دي مقدمة لابد منها عشان ماتقولو كده ولا كده كسوداني يسعدني تقدم كل أنديتنا في البطولات المختلفة مريخ هلال أو غيرهما ويسعدني أكثر تقدم المنتخب القومي وهنا فقط تتجلى الوطنية
أما ما يحدث من مناكفات بين قبيلة المريخ والهلال فهذه فاكهة الكرة ونكهة التشجيع تصورو لو الرشاشات بشجعو المريخ مش الكاسات المحمولة جواً دي كانت تكون بايخة ؟؟ أو تخيلو لو فوزكم الليلة ده مافي مريخابي تكاوهو مش مسيخ ؟؟ |
هذا ما كتبناه في بداية البوست وأعلى صدره. .
Quote: لو كان الحكمُ عادلاً ومنصفاً لو أنه لم يتعرض للتخويف وتكرار مسرحية لاراش لو أنه لم يتعرض لشيء آخر لأخرج المعز حارس الهلال ورتشارد جاستن قبل منتصف الشوط الأول بالبطاقة الحمراء وكل من يشكُ في ذلك عليه مراجعة شريط المباراة
المعز قام بعنف مقصود ضد عماد متعب كانه يقصد كسر رجله الكرة كانت في أيدي المعز وتحرك متعمداً إيذاء عمادمتعب الحالة أكثر من مخجلة والتعدي بدون كرة
رتشارد جاستن بعد نيله البطاقة الصفراء في أول عشر دقائق قام بتعطيل المهاجم عماد متعب وهو شبه منفرد الحكم وبعد إحتساب الفاول كان يهم بإعطاء رتشاد الكارت لكنه تذكر أن ريتشارد يحمل كرتاً أصفراً |
وهذا هو موضوع البوست الرئيس
عشان ماتجو تلعبوا بره الشبكة .. ومريخابي وحاقد وكوز وكلام غير موضوعي الحكم تساهل معكم ولاعبيكم وإدارتكم وجمهوركم مارس الإرهاب هذا مربط الفرس ..
المودة للجميع
| |
|
|
|
|
|
|
Re: بعد أداءٍ رائع جداً ( الحكم الجزائري ) يهزم الأهلي القاهري ( 3/0 ) (Re: ثابت محمد)
|
سلامات يا ثابت
Quote: عليك الله لو بكرة لعبتو في نفس البطولة مع الأهلي في القاهرة تتوقع شنو ؟؟ |
طيب ما سألت نفسك ليه ده ما حصل للزمالك ،ياخى الاجواء دى كانت مبررة ورد فعل للحصل من الحضرى بعداك اتوقع ليه ما حصل وانتهى البص وكسرو واجهتو ولو قريت فى المواقع الاخبارية بعد مباراة القاهرة فى تحليلات اتكلمت عن خطأ الحكم الكان قاصمة الظهر للهلال
نقطة اخيرة عن الكوت الفوق ، ما اظنك يا ثابت خائف على الهلال
Quote: نا بقول في حقاااائق عندها إنعكاسات مستقبلية |
الكلام ده برضو انا كتبتو خوفاً من انعكاسات مستقبلية:
Quote: الحاجة الغافلين عنها المريخاب ديل انو التبخيس والشماتة حتخلى الناس مترقبة مباريات المريخ وفى اول عترة ليهو الناس بردلب حتقع فى المريخ استهزاء وده كلو من باب رد المكايدة الحاصلة هسه دى .. ياخى ما كفاية التحسس الحاصل فى السياسة حتى الرياضة حنقلبها مكايدات وشماتة..هسه زى البوست ده والبوستات المشابهة عليك الله ما بخست حق المريخاب الشفنا علمهم مع الهلال فى القاهرة وامدرمان..
الشماتة دى ما قاصدك بيها يا ثابت لكن التبخيس ياهو بوستك ده |
Quote: بتقصد ياتو ليق البمشيهو ؟؟ تعال وريني بعدين بقول ليك ( شنو ) |
قصدى الليق الجنب ميدان المولد،لانو الليق ده يا ثابت لما تحضر فيهو كورة بتشوف العجب العجاب عنف المدافعين القانونى وغير القانونى ده طبعاً غير الاستفزاز من الباكات خصوصاً سيرة الليق دى جات عشان اقول ليك الكورة دى فيها عنف غير قانونى الحكم مرات بدقس فيهو
كمان يا ثابت اليشوف اصرارك على موضوع الحكم يقول خلاااااااااص افريقيا فيها تحكيم
ولاحظ انى لى هسه بتكلم بمنطقك بتاع الحكم اتساهل مع ريتشارد والمعز وانا برضو ما مقتنع
| |
|
|
|
|
|
|
Re: بعد أداءٍ رائع جداً ( الحكم الجزائري ) يهزم الأهلي القاهري ( 3/0 ) (Re: ثابت محمد)
|
القاهرة : وصف لاعب وسط الأهلي المصري محمد بركات مباراة فريقه أمام الهلال السوداني بدوري أبطال أفريقيا بأنها كانت من أقوي مباريات فريقه في الفترة الأخيرة .
وكان فريق الأهلي قد تلقي هزيمة قاسية أمام الهلال السوداني بثلاثة أهداف نظيفة ، وهي أكبر هزيمة يتعرض لها فريق مصري من نظيرتها السودانية .
وقال بركات "إن فريقه لم يكن في مستواه ولو لعب المباراة مائة مرة لما استطاع أن يهزم الهلال بسبب القوة والحماس في تشجيع الجماهير للهلال كما أن ارضية الملعب الصلبة كانت تحول دون التحكم الجيد بالكرة إضافة إلي أن لاعبي الهلال لعبوا طوال زمن المباراة بحماس غريب .
من جهة أخري نشرت تقارير صحفية التقارير الفنية لمراقب وحكم مباراة الهلال والأهلي المصري التي جرت الأحد الماضي في الجولة قبل الأخيرة من دوري الثمانية لبطولة الأندية الأفريقية .
وجاء في تقرير مراقب المباراة الجزائري محمد بن زوة إن المباراة أقيمت في توقيتها الملعن ، وأشار مراقب المباراة إلي التنظيم الجيد داخل استاد الهلال رغم الكثافة الجماهيرية الكبيرة التي حضرت المباراة اضافة إلي أن طاقم التحكيم الجزائري نجح في إدارة المباراة والخروج بها إلي بر الأمان ووضع المراقب تسع نقاط من أصل عشرة في تقييمه النهائي للمباراة في الناحيتين الفنية والتنظيمية.
| |
|
|
|
|
|
|
|