|
|
 آية من سورة الرحمن
|
(دخل المساء وإرتحلت فاطمة الوالهة. غابت عن أعينهم تحت قطع من الليلِ، وبدأت سياحتها العظيمة. أما هم فقد تعاقبت أجيالهم في ردهات الزمن ، لكن وفاء لذكري فاطمة الوالهة ، لم يبدلوا في مشاهد ذكراها إلا القليل القليل ، وكذلك تفعل النفوس . ما إن يمر بتلك الناحية سرب من الطير إلا تحدثوا مجدداً عن فاطمة ، فيهم من يتأسي وفيهم من يبتسم . كان ميراثهم منها حديقة خفية في سريرة كل من الرجال والنساء والصبية والأطفال علي تعاقب الأجيال . أما فاطمة كانت توغل في سياحتها العظيمة بين الفدافد والواحات ، يلتقي بها جن الصحاري وصغار اللصوص وبعض العاشقين ممن أضر بهم العشق وإبتلعت أنَّاتهم صحاري ذلك الزمان . كل أولئك يقضون بين يديها طرفاً من الليل يطلبون شفاءً مما هم فيه ، منهم من يؤوب ومنهم من يتوب)
انتهى.
مابين القوسين اعلاه
مقتطف من "حضرات" الدكتور احمد عبد العال الله يرحمو
كتب كلاما شجياً غايةً في الامتاع عن هذه الفاطمة، دارت احداث هذه "الحضرة" في نواحي كسلا، تحديدا عند جبل توتيل ناحية الضريح..
كتب عن هذه "الحضرة" بصورة آسرة وتكلم كيف انها كانت حييية(من حياء) وبالغة الجمال وذات فؤاد طيب حبيب،
اها ياودود الابتسامة، اسميعها مني وانا صادق:
ان العباد في الدنيا يتعثر بعضهم فوق جثث بعض ابتغاء الحياة الدنيا..
يركض الناس للارزاق ركض الوحوش في البرية..
واستكبر اولى الامر فعتو عتواً كبيراً ..ياكلون السحت لمماً لمماً.. صودرت الحريات وعادت الرقابة القبلية.. وطورد خليل ابراهيم كرة اخرى بالانتربول بعد ان صافح البشير بالدوحة..
طريدٌ يطلب طـريداً..
والحال يميل باهل السودان منذ الازل والى مالانهاية تلوح.. واعمال العباد تسوء، والصابرون زلزلوا زلزالاً شديداً
وماينظر الناس إلا صيحة إلا صيحةً واحدةً تاخذهم وهم يخصمون..
نص:
اها انا من خوفي عليك من (سورة الرحمن) دي بلاي رجاءً لو فكرتي تقريها من مصحف، ماتخلي المصحف قريب شديد من وشك..
ففي كل هذا الخصام الخضم والحال المدلهم انا اخشى ان يسترد الله امانات آياته على وجه الارض فتكونين اول المُـستردين واكون اول الهالكين بعدك يامنية الفؤاد.
فكم اخاف ان تنسلين الى داخل الآيات فلا يجد اهل بيتك بعدها سوى مُـصحفٍ على سجاد واساورَ من فضةٍ وحلقٌ حجري عليه نقشٌ قديم..
|
|
 
|
|
|
|
|
|
|
|
Re: آية من سورة الرحمن (Re: محمد سنى دفع الله)
|
Quote:
انا اخشى ان يسترد الله امانات آياته على وجه الارض فتكونين اول المُـستردين واكون اول الهالكين بعدك يامنية الفؤاد.
|
وحتى متى وهي حا تظل مسجلة في دفتر الأمانات
نفيدك بتوفر استمارات تحويل الملكية...
وإثبات القيد...
وقيد الحياة...
تفقد دفتر التوفير يا فتى..
| |
|
|
|
|
|
|
|
|
|
Re: آية من سورة الرحمن (Re: DKEEN)
|
| Quote: واكون اول الهالكين بعدك يامنية الفؤاد. |
يا صديقى أسمعا منى :
يلزمك عُمرة وتعلق بأستار الكعبة
ولا بأس من بضع حبات من دمع على خدك
أركب تعال
| |
|
|
|
|
|
|
|
|
|
Re: آية من سورة الرحمن (Re: walid taha)
|
دكين
المايك معاك
انبرش
قاتلك الله ها انت تتصفح وجعا حميما
وكتابة احم
ومن آيات الكتاب تخرج بوعي يخص حنينك
امسك المايك وما تفترنا بالانتظار ..
| |
|
|
|
|
|
|
|
|
|
Re: آية من سورة الرحمن (Re: فيصل عباس)
|
(كُلُّ مَنْ عَلَيْهَا فانٍ . وَيَبْقَى وَجْهُ رَبِّكَ ذُو الْجَلالِ وَالإكْرَامِ ) - سورة الرحمن
سورة الرحمن
هذه السورة المكية ذات نسق خاص ملحوظ . إنها إعلان هام في ساحة الوجود الكبير ، وإعلام بآرء الله الباهرة الظاهرة ، في جميل صنعه ،إبداع خلقه ، وفي فيض نعمائه ، وفي تدبيره للوجود وما فيه ، وتوجيه الخلائق كلها إلى وجهه الكريم .. وهي إشهاد عام للوجود كله على الثقلين : الأنس والجن المخاطبين بالسورة على السواء ، في ساحة الوجود على مشهد من كل موجود ، مع تحدياهما إن كانا يملكان التكذيب بآلاء الله ، تحدياً يتكرر عقب بيان كل نعمة التي يعدها ويفصلها ، ويجعل الكون كله معرضاً لها ، وساحة الآخرة كذلك .
ورنة الإعلان تتجلى في بناء السورة كله ، وفي إيقاع فواصلها .. تتجلى في إطلاق الصوت إلى أعلى ، وامتداد التصويت إلى بعيد ، كما تتجلى في المطلع الموقظ الذي يستثير الترقب والانتظار لما يأتي بعد المطلع من أخبار .. الرحمن كلمة واحدة . مبتدأ مفرد .. الرحمن كلمة واحدة في معناها الرحمة ، وفي رنتها الإعلان ، والسورة بعد ذلك بيان للمسات الرحمة ومعرض لآلاء الرحمن .
وبيدأ معرض الآلاء بتعليم القرآن بوصفة المنة الكبرى على الإنسان . تسبق في الذكر خلق الإنسان ذاته وتعليمه البيان .. ُثم يذكر خلق الإنسان ، ومنحه الصفة الإنسانية الكبرى ..البيان ..
ومن ثم يفتح صحائف الوجود الناطقة بآلاء الله .. الشمس والقمر والنجم والشجر والسماء المرفوعة . والميزان الموضوع . والأرض وما فيها من فاكهة ونخل وحب وريحان . والجن والإنس . والمشرقان والمغربان . والبحران بينهما برزخ لايبغيان . وما يخرج منهما وما يجرى فيهما .
فإذا تم عرض هذه الصحائف الكبار . عرض فنائها جميعاً . مشهد المناء المطلق للخلائق ، وفي ظل الوجود المطلق لوجه الله الكريم الباقي . الذي إليه تتوجه الخلائق جميعاً ، ليتصرف بأمرها بما يشاء .
وفي ظل الفناء المطلق والبقاء المطلق يجيء التهديد المروع والتحدي الكوني للجن والإنس : ( سنفرغ لكم أيها الثقلان . فبأى الآلاء ربكما تكذبان)
ومن ثم يعرض مشهد النهاية . مشهد القيامة . يعرض في صورة كونية . يرتسم فيها مشهد السماء حمراء سائلة ، ومشهد العذاب للمجرمين ، والثواب للمتقين في تطويل وتفصيل .
ثم يجيء الختام المناسب لمعرض الآلاء : ( تبارك اسم ربك ذي الجلال والإكرام ) ..
المصدر : في ظلال القرآن - سيد قطب .
| |
|
|
|
|
|
|
|
|
|
Re: آية من سورة الرحمن (Re: Sidig Rahama Elnour)
|
Quote: اها انا من خوفي عليك من (سورة الرحمن) دي بلاي رجاءً لو فكرتي تقريها من مصحف، ماتخلي المصحف قريب شديد من وشك..
ففي كل هذا الخصام الخضم والحال المدلهم انا اخشى ان يسترد الله امانات آياته على وجه الارض فتكونين اول المُـستردين واكون اول الهالكين بعدك يامنية الفؤاد.
فكم اخاف ان تنسلين الى داخل الآيات فلا يجد اهل بيتك بعدها سوى مُـصحفٍ على سجاد واساورَ من فضةٍ وحلقٌ حجري عليه نقشٌ قديم.. |
حاضرين سيدى وانحناءة لـ اهل الحضرة ..
بحاول اخلى المصحف بعيد بقدر ما يمكننى
من القراءة وطرد الدجل ..
هسه شوف المشهد بتاع تنسلين وما يلقوا
غير الحلق والغويشات والحقنة والدرب دا ؟؟
والله دى فى توم اند جيرى ما تحصل !!
بعدين طول عمرى كنت قايله تنسل دى معناها
تمرق خارج الشىء لكن تنسلين الى الداخل
دى جديدة لنج .. يا النبى نوح تكون قاصد تتسللين .
. تسلل يعنى (المقام ليس مقام لووووول )
عاين كلام تهلك بعدى دى انا ما مصدقاه ،، انت اووووووول ..
ماهى الحضرة ؟؟؟
هل هى ضرب من السحر والشعوذة ؟؟
ـــــــــــــــ
غايتو بس ال بعرف ليكم اساسى دا يتنااااااول البوست
بطريقتو .. ويسبح فيه قلبه وعدله غير أبه بفكرة صاحبه
اصلى والله يا اساسى .. اى زول يجى يقول ليك الكلام دا يعنى شنو
اردمو بى قرضاوى ، ابن تيمية ، البنا ،،قطب الاخر راقدييين ,,
| |
|
|
|
|
|
|
|
|
|
Re: آية من سورة الرحمن (Re: DKEEN)
|
| Quote: ولكن الذي حضر هو قلبي. عودوا الى ما انتم فيه وعليكم السلام!! |
وعليك مثلهما .. ومدهامتان
وأغيب ولا يجئ القلب غير مضغة لا تقوى على شهود المقام .. و
أغيب تانى .. مدهامتان فى الغياب .. و
دين التى علمتنى الحروف ..
| |
|
|
|
|
|
|
|
|
|
Re: آية من سورة الرحمن (Re: محمد حيدر المشرف)
|
مدهامتان ,,, فتعال
ولا تعبأ بتفاصيل الطريق التى نريد ..
..
تعال لما تريد .. و
فعال لما يريد ..
..
حتى وإن كان سرابا بقيعة يحسبه الظمآن ماءا ..
فدعه وشأن السراب .. ومالك ان ابتلت عروقنا بالسراب !
..
يا زول اكتب .. ما شئت
وشاء
| |
|
|
|
|
|
|
|
|
|
Re: آية من سورة الرحمن (Re: DKEEN)
|
معليش انا حابدا من الاخر
ـــــــــــــــــــــ
| Quote: كوت/ باكر بعد باكر تفرنب و تسل ضنبك .. بتبقى الحكاية دي في وشك ../ كوت |
باكر ياعماد
باكر؟؟
هو فضل فيها باكر ياالحبيب
والله اني لا احسب العمر ماضٍ بي إلا الى غير النهايات
ومصائب الدنيا على يجتمعن يوما ويزدادون يوما بعد يوم..
والله قريت كلامك مرتين مرتين
وضحكتا وسر بالي مرتين مرتين
واسعدني اني نلت كل هذا الرد والرضا القريب جدا مني
ومنك انتا بالذات
وابشرك لوشال صاحب الوداعة الوديعة دي، ياني القعدتا لباس وطريت ناس بسم الله بلا وجل
ياخي انا تعبتا وروحي انسلت
وتقول لي انتا وحيدر المشرف امسكو عليك واكتمو
وحاتك لو بقدر كان سويتا..
ياخي انا قبل شوية جاي افتح باب الشقة قمتا مرقتا مفتاح العربية ودست الريموت والباب ما انفتح قمتا استغربتا
دستو تاني وبرضو ما انفتح
في المرة التالتة اكشتفتا انو الباب القدامي ده باب الشقة وليس باب العربية..
قال اكتمو قال
ياخي انا لو كتمتو الباب ده ما عندو خشم باب؟؟
شارع الظلط ده وانا سايق الصباح ماشي على الشغل بستغرب ليه انا شايفو قدامي وكت انا اصلا عيني اتملت..
ليه ظلط وليه بنايات بالجنبة تملا فراغ نظري وانا اصلا عيني مليانة..
ياعمدة
كل الاشياء الان تفضحنى وتتكلم.. الموضوع اكبر مما تحسون واكبر من مبالغ علمكم وعمق احاسيسكم..
ده شي تاني ..
البتسموهو الحب بتاعكم وبتاع ناس ابو صلاح وود البناء وماعارف مصطفى بطران افندي ده انا عركتو وعركني وخلصتا حصتو وكملت الكوتة بتاعتو عندي يا معلم..
اعمامك ديل قدام الانا فيهو ده حرم قاعدين سهلة ومعلمين الله ساي..
انا حرم بي حبي اب جبة القتو ليها ده اسوي ليها قبة في الشمالية
انتا بي صحك؟؟
بعدين حس منو البتشيلو يا الحبيب..
هو القعد ليكم هنا منو عشان تشيلو ولا ماتشليو؟
اها النبشرك انا ذاتي حاسي بي انو ده اخر بوست لي في فجتكم دي..
ان لقيتني تاني شيلها هي ذاتا خلي حسي..
انا ياخي فاضي ليكم؟؟
اباريكم لا متين والعالمين هنا ساكة الفارغة والمعايير وخليل في مطار انجمينا والدوري الممتاز ودلاليك اخرى يضج بها المكان..
شغلتتم انفسكم في غير مشغلة واستهلكتم فيوض انفاس الرحمن السمحة الفيكم..
انشغلتم بالاستدراج في هذا المكان عن مشاهدة الحق وعن جانب النفس السمحة فيكم بالونسة والدقشمان وبنعيم القراية الآجل..
وتقول لي كاتب الانكحة؟؟
الانكحة دي عندكم هناك يا بلدينا
هنا اسمو (ياآخينا) كده ساي بدون أي اضافات..طبعا لاانتا ولاغريك فهمو شي ..ماضروري
اضيفو الى اللغة الصينية والى ما يحصل ببلاد السودان..
وعشان محبتك عندي ومعزتك الذي افرزها عن كثيرين ازيدك في الاسم جملة ، اسمو (يا آخينا بريدك) ( وازيك ياعزيز)
وبعدين ياخي ..
انا حرم ما محتاج لي كتابة زاتو لي القصة ديى لا انكحة ولا غيرو.. كان كتب وكان رسم ما بهمني
انا يكفي اني عرفتا انا وين من هامش صفحة الدنيا التافة ال######## ده..
اصلا لو قدر لغيري ان يصيب نصيبها.. فانا على الاقل حاكون عرفتا اني حقي راح
ومابهمني بعد داك شي ..على الاقل ما بفتش تاني وحاخش من طرف ..فكلهن بعدها صابون
انشالله اطأ بعدها جنيفر استون ذاتو..
الفي شنو والمافي شنو؟!
ياعمدة
انا خلقت للحب فكيف وانا بدونه خمسة وتلتين سنة
ياعمدة
انا احبها ومستعد اعتذر عن أي شي تاني
| |
|
|
|
|
|
|
|
|
|
Re: آية من سورة الرحمن (Re: DKEEN)
|
Quote: ده شي تاني ..
البتسموهو الحب بتاعكم وبتاع ناس ابو صلاح وود البناء وماعارف مصطفى بطران افندي ده انا عركتو وعركني وخلصتا حصتو وكملت الكوتة بتاعتو عندي يا معلم..
اعمامك ديل قدام الانا فيهو ده حرم قاعدين سهلة ومعلمين الله ساي.. |
والأولاد بتاعين ليلى وبثينه وتاجوج ديك كلهم قعدتهم أم فكو ؟؟!!
يأخ والله قصتك عجيبه !!
الله يعرس ليك وتخش فى فيلم الوحم والبامبرز والتسنين وسهر الليالى
والغاز قطع ,, وجيب معاك كهرباء ودايره لى توب لعرس بت خالتى ووو !
وخلينا بعدين نشوف نوع كتابتك .
اللهم يا الله أجعل أخونا دكين فى هذه الحاله من الوله والهيام
إلى يوم يبعثون ,, أأأأأمين . ( طبعا شبه مستحيله بعد العرس ) .
أما سورة الرحمن فلطالما تمنيت أن أسمعها بصوت أم كلثوم( تلاوه
وليس غناء ) . فالسوره فيها موسيقى تشبع الروح .
| |
|
|
|
|
|
|
|
|
|
Re: آية من سورة الرحمن (Re: كمال سالم)
|
Quote: الله يعرس ليك وتخش فى فيلم الوحم والبامبرز والتسنين وسهر الليالى
والغاز قطع ,, وجيب معاك كهرباء ودايره لى توب لعرس بت خالتى ووو !
وخلينا بعدين نشوف نوع كتابتك . |
لكن كدا ما دمرتو يا كمال
وترجمة ليهو الآلام ذاتها !!
العرس دا الحاجه الوحيده ( الما بيشيلو ليها الزول من أباطـو ) !!
بخلوهو يغتس براهو - عشان لمن يلاقي القلتو دا،
ما يلوم غير نفسو الامارة بالزواج !!
بنصـفه التاني !
واصل يا دكين ولا تغب عنا فإنا ها هنا جوار خطـ سته مُنتظرون !!
ليكـ وحشه يا دكين ،،
هشام
| |
|
|
|
|
|
|
|
|
|
Re: آية من سورة الرحمن (Re: Hisham Ibrahim)
|
محمد حيدر المشرف
اشهدني الحق بمشهد بهاء الوجه وقال لي:
(عليه الاعتماد وهوالامر الذي لايرد، من حضرة الجلال صدر، وفي مستقرها ظهر، فلاتحذرة اذا بدا لك)
انما استخرجناها لك من من الخزائن المقفولة في غيبات الازل، المصونة عن طوارق الاغراض والعلل..
اسعدني مرورك ..
وزاد سعدي بتكرار طلتك..
فكن ملازمي وابقى قريب..
| |
|
|
|
|
|
|
|
|
|
Re: آية من سورة الرحمن (Re: DKEEN)
|
والله يادكين
لولا قراءة من يعرفونك وتفسيراتهم لما كتبته هنا, لقلت أنك خرجت من حب النسبى الى المطلق..
وعلى أسوأ الفروض أنك أحببت الخالق فى مخلوق..
أو أنك فى طريق رابعة العدوية..
لكن لو كل هذا المكتوب فى بنية فما عليك إلا كتابة عقد سجنك ثم تستغفر عما بدر منك هنا.
| |
|
|
|
|
|
|
|
|
|
Re: آية من سورة الرحمن (Re: Balla Musa)
|
دكين المكين
سلام ماكن
فكم اخاف ان تنسلين الى داخل الآيات فلا يجد اهل بيتك بعدها سوى مُـصحفٍ على سجاد واساورَ من فضةٍ وحلقٌ حجري عليه نقشٌ قديم..
هذا و الله فيه خلط ما بين العهد النوبي القديم و ما بين مآلات البشر في الكتاب الكريم.
أما بعد
فاطمتك لو حدث لها ما خفت أنت منه عليها فلها البشرى يا هذا ، و لك فقط ما تبقى ( و قيل في رواية أخرى فقط الحلق الحجري ذي النقش القديم ) فأنت أعلم بمكنونه
دمتم
| |
|
|
|
|
|
|
|
|
|
Re: آية من سورة الرحمن (Re: walid taha)
|
دكين...مرحبآ بالعودة ..
Quote: اها النبشرك انا ذاتي حاسي بي انو ده اخر بوست لي في فجتكم دي..
ان لقيتني تاني شيلها هي ذاتا خلي حسي..
انا ياخي فاضي ليكم؟؟
|
أتمنى إحساسك يخونك ويكون هذا ما اخر بوست لك/B]
تسلم على السرد الممتع..تقديرى واحترامى...
| |
|
|
|
|
|
|
| |
محمد سنى دفع الله
المسافر
ندى عثمان حسن
walid taha
فيصل عباس
Sidig Rahama Elnour
دينا خالد
مامون أحمد إبراهيم
محمد حيدر المشرف
قرشـــو
Emad Abdulla
كمال سالم
Hisham Ibrahim
ابو جهينة
ismeil abbas
فيس بوك
تويتر
انستقرام
يوتيوب
بنتيريست