نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 مكتبة دكين ( DKEEN )
|
Quote: والغربة متاعُ ُ واحسان ُ..فاحذر خلطها بالانطباعات غير الدقيقة وبمغبات النظر الفالت غير المتزن..
واحسن غربتك .. تُحسن الى نفسك واهلك والاقربون ذوي الحاجات..
|
Quote: النيل الازرق منخفض المنسوب..
انا كم يُـحزنني انخفاض مستوي هذا النيل..
البلاد رفعت عنها الرحمة والمنافقين في كل المدائن..
المضطرات الفاتنات في كل الشوارع..
والناس يركضون نحو دنياهم ركضاً..
لاتنتهي آمالهم إلا عند حافة القبر..
يعني عينهم تاني مايملاها إلا التراب..
العالمين سادرين في غيهم لامن البحر قرب ينشف..
لشد ما تحتاج البلاد الان الى شفاعة النبي..
|
من موضوع منشــور إخـلاء السودان
.................................
هي ليست دعوة للتمجيد
بل أسلوب في الكتابة يجبرك على إعادة القراءة في زمن صارت العناوين فقط ...هي كل الموضوع ..
ودعوة للقراءة الممتعة لأسطر كُتبت هنا ولم تتم أرشفتها في (مكتبات الأخ بكري )..
الغريب توجد كلمة محجوز في أرشيف بكري ومكررة كمان ...
عموماً لدكين الكثير هنا سأحاول أن أجمعه كله حباً مني لأسلوب كتابته وخوفاً من ضياعه ...
ودعونا من بعض العبارات التي قد تخدش الحياء في عرف البعض ...
الخرتوم..عرب اولاد حرام
الحنينٌ ان تغيب..الحنينٌ في المغيب
بت قضيم ..لو اعلم من اي الافاق تهب الريح
رشا شيخ الدين...ابداعُ خارج قيد الاستضعاف
ادب المراحيض
نواصـــــــــل ...
إن ترك لنا دوام هذه الديار وقت ....
|
|
 
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
دكين سال قلمـه المكين في ذات بهـو وانشـراح بفيض
عن مملكـة (البرتقال)...ارجو ان كنت من متابعي كتابات
هـذا الدكين, ان تجلب لنا رابط ذلك الخيط الذي احتفـى
فيه دكين, كما احتفينا نحن جمهـور المحبين بفاكـهة وابا.
ودي
| |
|
|
|
|
|
|
|
|
|
Re: مكتبة دكين ( DKEEN ) (Re: الخير محمد عوض)
|
الخير محمد عوض
ولك من الود مثله ....
Quote: ارجو ان كنت من متابعي كتابات
هـذا الدكين, ان تجلب لنا رابط ذلك الخيط الذي احتفـى
فيه دكين, كما احتفينا نحن جمهـور المحبين بفاكـهة وابا. |
ولك ذلك أخي .... سيأتي حتماً
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
ابو حمودي
احبك انا يا مخلص يا ممتع..
| Quote: هي ليست دعوة للتمجيد |
ليه كتير على المجد؟؟...
والله إنا ليفخر المجد بنا كائناً ماكان ها المجد..
نحنا ولله الحمد باستثناء الديون تاني ما قاعدين ناكل حق زول..
ولله الحمد شرفاء في القول والعمل وحبِ تنسم روائحِ النيل من على كبري الحديد..
نحنا حرم حبينا احلى ناس في الخرطوم.. وحملنا قلوب العذارى بين جوانحنا ..بغض النظر عن ردة فعلهم تجاه الحب ده شنو..
وتقول لي ليست دعوة للتمجيد..
المجــد لدكين
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
سلامات عمران..
شكراً لفرد هذه المساحة الجميلة ..
ببساطة كده:
دكين..اسلوب ليس كغيره..مميّز بخصوصية تحمل سلاسة غير متكلّفة
يجعلك تتقافز بين الأسطر..لكأن عيناك نفسهما في سباقٍ مابينهما حتّى أنّك قد تصاب ب ( الحوص )
وهما تعدوان مابين بداية الشاشة ومسافة إكتمال ( الحكي! )
شكراً عمران لمدّنا بهذا المعين..
دكين..لاتجعله ينضب.
| |
|
|
|
|
|
|
|
|
|
Re: مكتبة دكين ( DKEEN ) (Re: تماضر الخنساء حمزه)
|
الأخت الفاضلة : تماضر الخنساء حمزه
(تملكين تركيبة إسم مدهشة يا سيدتي )
Quote: دكين..اسلوب ليس كغيره..مميّز بخصوصية تحمل سلاسة غير متكلّفة
يجعلك تتقافز بين الأسطر..لكأن عيناك نفسهما في سباقٍ مابينهما حتّى أنّك قد تصاب ب ( الحوص )
وهما تعدوان مابين بداية الشاشة ومسافة إكتمال ( الحكي! )
|
يا سيدتي عرضحال( منشور إخلاء السودان) ...جمع كل خيباتنا (إجتماعياً وسياسياً وإقتصادياً ) وكان سبباً مباشراً لكل هذا ...
لا أنكر أن الفكرة كانت موجود من قبل ولكن هذا الموضوع تحديداً كان السبب الأخير ...
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
الفطحل دكين,,,
خمير العجين,,,
مكثر, مقل,,,
ماكر, عدل,,,
محب .مضل,,,
حر , ضل,,,
ياسق نخيل,,
دافر نيل,,,
نهار, ليل,,,
شمس , قمر,,,
رجل ضكر,,,
خير , شر,,,
محيط , بحر,,,
سهل , حجر,,,
قريب, بعيد,,,
فهيم , وليد,,,
عابر الفجاج,,,
متصوف حلاج,,,
ملح للبورد,,,
صخر جلمود,,
ياتى بالدرر,,,
من امهات الفكر,,,
علالى المقام,,,
جميل الهندام,,,
راقى كالشوام,,,
عجيب
هذا الدكين,,,
منقول
من
ادب الجوطة
لاحمد ابقوتة
شكرا عمران
| |
|
|
|
|
|
|
|
|
|
Re: مكتبة دكين ( DKEEN ) (Re: abuguta)
|
Quote: الفطحل دكين,,,
خمير العجين,,,
مكثر, مقل,,,
ماكر, عدل,,,
محب .مضل,,,
حر , ضل,,,
ياسق نخيل,,
دافر نيل,,,
نهار, ليل,,,
شمس , قمر,,,
رجل ضكر,,,
خير , شر,,,
محيط , بحر,,,
سهل , حجر,,,
قريب, بعيد,,,
فهيم , وليد,,,
عابر الفجاج,,,
متصوف حلاج,,,
ملح للبورد,,,
صخر جلمود,,
ياتى بالدرر,,,
من امهات الفكر,,,
علالى المقام,,,
جميل الهندام,,,
راقى كالشوام,,,
عجيب
هذا الدكين,,, |
ابو قوتا المدهش
كرعت الجركانة كلها باين عليك..
موش قتا ليكي خلي لي فرقة معاك؟؟
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
الممتع في كتابات دكين ليس فقط اسلوبه الساخر الممزوج بجد الكتابة القرن-اوسطية بل ايضآ يبهرك بكتابة فكرة أو طرفة أو حكمة أو أي جملة بزاوية تطربك وتستعجب كيف كانت غائبة عنك رغم وضوحها وبساطتها !!.. وذلك فن الكتابة الذي لا يحتاج لمحسنات اللغة البديعية بقدر ما يعتمد علي ذكاء الكاتب وعمق نظرته للامور وتناولها بزاوية غائبة عن العوام .. ورغم ذلك لا يري نفسه مبدعآ ولا متميزآ .. فالابداع عنده ينساب علي السليقة ساكت .. لا يلقي له بالآ ..
التحية لدكين ..
والشكر لك اخ عمران ..
| |
|
|
|
|
|
|
|
|
|
Re: مكتبة دكين ( DKEEN ) (Re: Munir)
|
Quote: الممتع في كتابات دكين ليس فقط اسلوبه الساخر الممزوج بجد الكتابة القرن-اوسطية بل ايضآ يبهرك بكتابة فكرة أو طرفة أو حكمة أو أي جملة بزاوية تطربك وتستعجب كيف كانت غائبة عنك رغم وضوحها وبساطتها !!.. وذلك فن الكتابة الذي لا يحتاج لمحسنات اللغة البديعية بقدر ما يعتمد علي ذكاء الكاتب وعمق نظرته للامور وتناولها بزاوية غائبة عن العوام .. ورغم ذلك لا يري نفسه مبدعآ ولا متميزآ .. فالابداع عنده ينساب علي السليقة ساكت .. لا يلقي له بالآ ..
|
ولك يا صديقي كل الحب وأنت تلخص فكرة الرسالة من هذا البوست ......
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
Quote: ود الحلة هذا لا يملك برستيج ولكني رايته َيبِرُ بوالديه شغوفا باشجار الجهنمية عند ابواب البيوت ..
ما حاك في نفسه شيئا قط وكره أن يطلع عليه الناس ..
وليس له دين معروف لكنه دين (باي ديفولت) ..
فطرياً هُديَّ إليه كما سائر الحيوانات . |
شيٌ من العفن
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
تعرف قبل سنتين تلاتة كدا كتبت بوست بنفس المعني دا بس كانت المكتبات بي قروش الزمن داك اقترحت فيهو مكتبتين لي بت قضيم وشيري مدفوعات والتالتة (ملح) لي دكين لكن وحاتك بكري ما قال لي انت منو زاتو والحمد لله انا زاتي اسع ندمت علي الموضوع دا زاتو
السنة القبل الفاتت اتهورت واديتك الفارة دا اوسكاري اسع سحبتو منه واديتو ا
| |
|
|
|
|
|
|
|
|
فليهتف البورد
المجد لدكين..
ورفع دكين كلتا يديه باسماً ..
وملوحاً باليمنى جهه قلب السماء ..
ذكرى استقبال دكين في الكدرو والحلفايا والدروشاب جهة بحرى ..
| |
|
|
|
|
|
|
|
|
|
Re: مكتبة دكين ( DKEEN ) (Re: حمد فتح الرحمن)
|
والله بستاهل بورد عديل كده
الولد ده مليان .. ومتفرد ... وواضح
ياخ انا قريت ليه رد لي تراجي على ما اعتقد بيعترف فيه بعنصريته
يشهيك العنصرية زاتها
بوريها انو العنصرية ما كعبة الا اذا استخدمت في الحاجات الكعبة وكانه يجسد حدث المصطفى ( خياركم خياركم لاهله )
| |
|
|
|
|
|
|
|
|
|
Re: وليد محمد المبارك (Re: بكري اسماعيل)
|
عمران والاحبة هنا
قريت البوستات زي كاني بقراها لاول مرة
تخيلو لقيت نفسي من 2003 ولحدي هسي
حابي لي اكتر من 13 بت!!!!
ده حالتي في الفترة دي قاعد في بلد مافيها بنات بتشافو..
ولابتحسو..
ولابحسو بيك
| |
|
|
|
|
|
|
|
|
|
مكتبة دكين ...من كتابات 2004 م (Re: عمران حسن صالح)
|
Quote: تشكل هذه البت خطرا ضمن اخطار اتتني متوالية في العام الاخير من تسعة وعشرين عاما ...
سأعود إليها حاملا تقويم ام القرى ..
لن احدثها عن مسغبتي هنا ..وسأترك التقويم بين يديها..
ستشهد ايامه باني كتبت خلف كل يومٍ عن يومي ..
ما يحدث عند كل صباح وعن مساءآت الرياض .. تواريخ ماساة مسطرة .. |
طرف من خبر الاخرة
.....................................................................
Quote: من قال اننا خارج البلاد وهذه الجبايات تشهد اننا لازلنا في اعمق اعماق البلاد ؟؟
من قال اننا داخل البلاد وهذه الجوازات تشهد اننا خارجها ؟؟
من قال اننا اشرف الامم ؟؟وبيوتٍ هنا تشهد بغير ذلك..نحن لسنا من هنا ولسنا من هناك ! |
باطلون بمحض إرادتنا
| |
|
|
|
|
|
|
|
|
|
بكري إسماعيل (Re: عمران حسن صالح)
|
Quote: كثيراً ما تساءلت : لماذا لا تكن للمبدع
دكين مكتبة خاصة بأعماله كسائر المبدعين
والرجل يستحقها بجدارة وبدون مجاملة |
ومعك نتساءل أخي بكري إسماعيل ....
| |
|
|
|
|
|
|
|
|
|
Re: بكري إسماعيل (Re: عمران حسن صالح)
|
عمران يا صديقي
ما يميز كتابات دكين بالإضافة الى عمقها و صدقها هو بساطة الفكرة وصغرها لكن دكين يستطيع رعايتها ويكسوها لحم الكلمات حتى تتمخض عن مولود رائع ...
التحية لصديقي دكين في تجلياته الصادقة ً
| |
|
|
|
|
|
|
|
|
|
Re: صديق رحمة النور (Re: Sidig Rahama Elnour)
|
| Quote: ما يميز كتابات دكين بالإضافة الى عمقها و صدقها هو بساطة الفكرة وصغرها لكن دكين يستطيع رعايتها ويكسوها لحم الكلمات حتى تتمخض عن مولود رائع ...التحية لصديقي دكين في تجلياته الصادقة ً |
العزيز / صديق
وذلك يا صديقي بيت القصيد ....!!!
| |
|
|
|
|
|
|
|
|
|
دكين يزوغ عديل كدة ........ (Re: عمران حسن صالح)
|
Quote: عمران والاحبة هنا
قريت البوستات زي كاني بقراها لاول مرة
تخيلو لقيت نفسي من 2003 ولحدي هسي
حابي لي اكتر من 13 بت!!!!
ده حالتي في الفترة دي قاعد في بلد مافيها بنات بتشافو..
ولابتحسو..
ولابحسو بيك |
التوقيع : DKEEN
| |
|
|
|
|
|
|
|
|
|
Re: دكين يزوغ عديل كدة ........ (Re: عمران حسن صالح)
|
الاخ عمران
نناشد دكين بتعبئة البروفايل
حتى ينشى له بكرى مكتبة باسمه
وجود معلومات عن العضو شى اساسى لانشاء المكتبة
بعدين انا متاكد فى بنات كتيرات بيكونوا عايزين
يرتبطوا بدكين لكن مانعهم عدم معرفة اسمه الحقيقى
خايفين اسمه يطلع البلولة ولا عوض الجيد ولا فضل السيد
| |
|
|
|
|
|
|
|
|
|
Re: احمد التجاني احمد (Re: احمد التجانى احمد)
|
أهلين يا باشمهندس :
Quote: نناشد دكين بتعبئة البروفايل
حتى ينشى له بكرى مكتبة باسمه
وجود معلومات عن العضو شى اساسى لانشاء المكتبة
|
كان على البروفايل هينة يا أخي احمد ...
سيد الحوش محتاج دفرة من الواصلين !!!!!!
نحن هنا نناشد من وراء حُجُب 
| |
|
|
|
|
|
|
|
|
|
Re: DKEEN (Re: احمد التجانى احمد)
|
Quote: تخيلو لقيت نفسي من 2003 ولحدي هسي
حابي لي اكتر من 13 بت!!!!
ده حالتي في الفترة دي قاعد في بلد مافيها بنات بتشافو..
ولابتحسو.. |
دكين يستخدم مهاراته في الدفاع عن نفسه تمهيداً للوضع الجديد !!
| |
|
|
|
|
|
|
|
|
|
Re: DKEEN (Re: Marouf Sanad)
|
| Quote: سامي عز الدين وعادل امين وسليمان مكين وعمر العلمين وجهاز المغتربين |
يا النبي نوح !!!!
شنو يا ناس الساحل الشرقي رسلوا لينا فهَامة...!!!!
Quote: شيئان في الدنيا
يستحقان المنازعات الكبيرة
وطن حنون، وامرأة رائعة
أما بقية المنازعات
فهي من اختصاص الديكة |
دي واضحة (ولذيذة) .......
| |
|
|
|
|
|
|
|
|
|
Re: DKEEN (Re: عمران حسن صالح)
|
| Quote: شنو يا ناس الساحل الشرقي رسلوا لينا فهَامة |
والله تقول شنو خشينا لقينا الناس بتنضم قلنا نساهم شوية في عملية رفد البوست.
بعدين الديكة حقتي مش احسن من ديكين صاحبك دا.
| |
|
|
|
|
|
|
|
|
|
Re: ملخص ما سبق ........ (Re: عمران حسن صالح)
|
مالا رفد عيبا لي, انا قاصد رفد, انتا قايلني قاصد دفر , انا ما قاصد دفر, جني وجن الدفير , انا قاصد رفد ياخي, رفد بمعنى انك ترفد, فهمتا, يعني ذي تقول, وقد تم رفد البورد باقلام شابه, منها جآءت رافد , يعني النيل الابيض من روافد النيل , وبحر الجبل من روافد النيل الابيض.
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
شنو يابو حمودي
انا سويت لي مداخلة هنا واختفت في ظروف غامضة
؟؟؟؟؟؟
بعدين شايفك بقيت تنزل بوستات الاخوان وكده..
انتا اي شي عندو علاقة بي دكين حتنزلو ولا كيف؟؟
عندي حبيباتي بلاي ماتنسي تنزلم لي معاك
| |
|
|
|
|
|
|
|
|
|
عااااااااااااااااااجل (Re: عمران حسن صالح)
|
عمران اخوي
في واحدة صحبتي قالت عايزة بوست احوال النوار
وقدر ما حاولتا اخش الارشيف عشان ارسلو ليهاغلبني ..اظنو في مشكلة تقنية في جهاز ياو في البورد ..
لذلك بلاي حاول نزل البوست ده هنا عشان البنية منتظرة على الجانب الاخر في محل نت في الخرطوم..
يعني قاعدة بي قروش وكده..
بعدين بيني وبينك ده اول بوست مفروض كان تنزلو ياخ
انتا ماعارف معزتنا للنوار ده قدر شنو؟؟
المثل بقول
نوار في اليد .. تملا كفة اليد
| |
|
|
|
|
|
|
|
|
|
Re: صديق الموج (Re: صديق الموج)
|
أهلاً بود الموج
| Quote: فهمت يا نقاش؟؟،،،،، |
ما فهمت يا دهَـان ...
..............
سؤال يا ود الموج ...؟؟؟
لمَ الغيـــــــــاب في ليلة الونسة ؟؟؟؟؟؟؟
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
Quote: أهلاً بود الموج
Quote: فهمت يا نقاش؟؟،،،،،
ما فهمت يا دهَـان ...
..............
سؤال يا ود الموج ...؟؟؟
لمَ الغيـــــــــاب في ليلة الونسة ؟؟؟؟؟؟؟ |
لانى اعلم ان دخول الاستراحات ليس كالخروج منها
صراحة خفت ما بعد الونسة،،،،
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
تصور ياعمران ياخوي
قريت البوست بتاع احوال الزوال بصعود نجم سناء..
اتكيفتا من روحي لامن دقيت الواضة بي كراعي..
ياخي انا مفترض يعملو لي مكتبة في الكونغرس الامريكي ذاتو موش سودانيز اون لاين...
حرم بكري ده لو عايز يسوي لي مكتبة إلا يدفع لي قروش شهرية..
المجد لسناء
| |
|
|
|
|
|
|
|
|
|
Re: مكتبة دكين ( DKEEN ) (Re: DKEEN)
|
Quote: ياخي انا مفترض يعملو لي مكتبة في الكونغرس الامريكي ذاتو موش سودانيز اون لاين...
حرم بكري ده لو عايز يسوي لي مكتبة إلا يدفع لي قروش شهرية..
|
موضوعك منفس ( مخستك يعني ) لأنو بكري عارفك وغد ....
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
عمران اخوي
تصور في الاجازة دي لاقيت سناء مرة واحدة
مشيت ليها محل شغلها وانا متردد
لاقتني بي حفاوة فيها خلعة ودهشة..
من شدة سماحتها وهيبتها وقوامها الجميل والكيرف الفي حواجبينها لامن غلبني اقيف معاها اكتر من دقيقة...
ومن روعة عيونها والنضارة ذات الفريم الانيق وتاريخ الفتوحات التركية البجيك من خلال النظر اليها..انا لامن حسيت بي نفسي عبارة عن جرس بدق في مسجد..
حسيا باني حاجة مزعجة وشاذة..
والله ما متذكر قتا شنو ذاتو في تلكم الدقايق..
غفر الله لي
ليه ما ختيتها في شوال سكر ومرقتا بيها؟!!!
| |
|
|
|
|
|
|
|
|
|
Re: مكتبة دكين ( DKEEN ) (Re: DKEEN)
|
Quote: احمدوه على وجودها يزدكم طولا في الاعمار ..
وتخيروا الحلال ثم اسألوه السلامة يستجب لكم..
|
وحسب رواية أهل نجد:
إنعل أبو إبليسك يا دكين.......
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
واخيراً
إلى السيد / بكري (سيد البيت) ...
دكين ممن يدفعون إيجار حوشك ويأكثر مما ( قد) تطلب
بمشاركات جميلة البناء والفكرة ( عدا بعض زبد)...
فما باله لا يُحظى ببعض إهتمام ...
ما بالك لا تبادل المعروف
ببعض معروف ...
أتمنى أن يصلك السؤال ...
فبمثل ما الغالبية هنا لا يقرأوون للأغلبية
فلا أظنك ستكون قد تواجدت هنا ..
عشمي أن يصلك السؤال ( أو التذكير ) ... بأن
دكين يستحق
..
لك الشكر بكري وأعلم أن بعض الُستأجرين قد يطلبون من
المؤجر عمل بعض الإصلاحات هنا أو هنالك ...
فأعتبرها (مع الرجاء ) جزء من إصلاح نسألك إياه .....!!!!!!!
عفواً قد يكون هنالك بعض البوستات لم تنزل ولكني أحس بأن الأمر قد طال وقد يمسخ بتواجد هذا البوست أعلى القائمة دائماً ..
فأعذروني ...
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
تعرف يا عمران
اهلنا الدناقله ديل
لمن يبدعو بيفجروا
والله الفتى دكين مسكون بالابداع
ويشهيك القرايه
لكن عيبه الدين و0000000000000000000000
Quote: غفر الله لي
ليه ما ختيتها في شوال سكر ومرقتا بيها؟!!! |
شفت المحن يا عمران
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
الاخ عمران
تحياتي
تشكر لهذا المجهود الرائع في تجميع الجمال الدكيني
| Quote: لفت النظر بما يفعله هذا الوغد الجميل قد تمَ |
أتمني أن تكون قد نجحت في لفت نظر الكثيرين وأولهم صاحب الحوش
لكمية الإبداع الموجود في كتابات الزميل دكين
تشكر
ابو شهد
| |
|
|
|
|
|
|
|
|
|
Re: مكتبة دكين ( DKEEN ) (Re: عمران حسن صالح)
|
| Quote: بدلاً من الجمال الدكيني |
طبعا مسالة اني زول وجيه دي لايتناطح فيها إلا تورين..
ولايضحك عليها إلا زول حاسد ساي..
هسي اعمل ليكي استفتا في البورد ده اوقف ليك الجكس على قدم واحدة زي ابو سعن..
عمران ما تخش في تحديات فاشلة في وجاهتي..
| |
|
|
|
|
|
|
|
|
|
Re: مكتبة دكين ( DKEEN ) (Re: انعام عبد الحفيظ)
|
عمران
لي صديقة تعمل في منظمة دولية تموت في كتابات دكين
كل مرة الف ليها حزمة مقالات (للجدع) ده وارسلها ليها بالايميل لانشغالها الشديد في العمل (مع
توصية بالقراءة بعد منتصف الليل)
ولما دكين يطوَل مايدخل المنبر تدخل في حالة (خـرم) لايجدى معه اي شيئ
حاولت اتقمَص روحو في الكتابة لسد الفراق اللئيم ده
لكن نوع الكتابات العاشقة دي تغلب (اجعص) ضكر
وترجع لي صديقتي قائلة" دي ابدا ما بتكون كتابة دكين "
ساعتها أعترف لها مرغما بالغش في سيرة الفتى دكين .. وانا (مفروس) منه
أغفر لي ياقريبي
ناشر الحب ليس بـ ..
| |
|
|
|
|
|
|
|
|
|
Re: مكتبة دكين ( DKEEN ) (Re: حيدر حسن ميرغني)
|
| Quote: تموت في كتابات دكين |
جلّـت بي بونط..
مرة خالي كان بسكر في البرندة الجنب الماسورة قمتا جيت ماشي جنبو ودقشتاالطربيذة كسرتا كباية وانا ماقاصد..
قام عاين لي قال لي: انحنا نشرب وانتو تسكرو؟؟
هسي انحنا نكتب ياحيدر وانتو تحبو ؟؟
غايتو
لو حلوة زي بتك الفي الصورة دي حب ساي ..بس انشالله ماتنفعك..
| |
|
|
|
|
|
|
|
|
|
Re: مكتبة دكين ( DKEEN ) (Re: DKEEN)
|
Quote: مكتبة دكين عشا البايتات
صحبك الظاهر بعد سوى المكتبة شالها رماها في الخور.. |
\
معقولة .. يرميها الخور ..
معقولة بس يا بكري ..
ومنو يا بكري .. منو؟ دكين؟ دكين يا بكري ؟
| |
|
|
|
|
|
|
|
عمران حسن صالح
الخير محمد عوض
حيدر حسن ميرغني
abuguta
tariq
Munir
اساسي
الطاهر ساتي
القلب النابض
حمد فتح الرحمن
وليد محمد المبارك
Sidig Rahama Elnour
احمد التجانى احمد
Marouf Sanad
عمر الفاروق
صديق الموج
طارق عبد اللطيف نقد
محمد خليل إسماعيل
انعام عبد الحفيظ
فيس بوك
تويتر
انستقرام
يوتيوب
بنتيريست