نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 صورة دكين DKEEN!!!!!
|
لقد عرض المدعو دكين صورة لجامعة الخرطوم في بوست dina..
عاوزين مساعدة يا أهلنا..
الصورة دي وين ؟؟ وفي أي كلية ..؟؟
قال لي صديقي غاضبا: ما ممكن أكون إتخرجت من الخرطوم وما أعرف مكان الصورة دي وين!!
منو العارف؟؟
توجد جائزة قيمة ..
|
|
 
|
|
|
|
|
|
|
 Re: صورة دكين DKEEN!!!!! (Re: خالد الطيب أحمد)
|
مرحب خالد
استناد للطابق العلوي وشكل الارشات في المنافذ والاشجار الصورة دي محال تختا الحتات الثلاثة دي..
1-جزء من كلية القانون
2- مدرسة العلوم الادارية
3- جزء من مباني اقتصاد
وبمزيد من التامل واستدعاء الذاكرة ممكن ننكتها ليك..
| |
|
|
|
|
|
|
|
|
|
Re: صورة دكين DKEEN!!!!! (Re: عبدالكريم الامين احمد)
|
كريم ..سلامات
Quote: مرحب خالد
استناد للطابق العلوي وشكل الارشات في المنافذ والاشجار الصورة دي محال تختا الحتات الثلاثة دي..
1-جزء من كلية القانون
2- مدرسة العلوم الادارية
3- جزء من مباني اقتصاد
وبمزيد من التامل واستدعاء الذاكرة ممكن ننكتها ليك..
|
1- بالنسبة للخيار الأول ..كلية القانون من إتجاه شارع المين مقفولة , ومفتوحة من جهة شارع النشاط
لكن ما أظن بالطريقة الواضحة في الصورة..
2- مدرسة العلوم الإدارية مقفولة من حهة شارع المين , ومفتوحة بي باب في إتجاه قسم الكيمياء والميدان الشرقي (لكن مافي شجرة لاصقة في الحيطة!)
3- إقتصاد مستبعدة تماما..
يا عبد الكريم والله كنت قايلك حتجي بالخبر اليقين..
وشكلنا بنفكر بي نفس الطريقة..
المشكلة مافي خيارات...
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
ياخالد ..
تحياتى ..
اولا الصورة دى شكلها قديمة ماصورة جديدة ..اتخيل قبل ماتنزل
بوستك دا انا شفت الصورة ورجعت بخيالى سنوات ماقدرت اعرف
بالضبط الكلية دى ..لكن بعتقد انو الصورة لكلية الاداب ( من جوه ) ..
والله اعلم ..لكن بالجد صعب انك تكون متيقن من المكان لانو
شكل المبنى الظاهر فى الصورة دى موجود فى كل الكليات ..
ودى
| |
|
|
|
|
|
|
|
|
ياكيكى ..
بألتأكيد الصورة دى ماعندها علاقة بمدرسة العلوم الادارية ..
فمدخل مدرسة العلوم الادارية بوابة فقط مافيها (برندة) فاتحة
للخارج ..
اتخيل لى ياكيكى ادارية دى لو جابوا منها صورة بتاعت (طوبة )
واحدة بس اعرفها ليك تابعة ليها ولا ..افو ..اربعة سنة تسكع
ودخلة ومرقة وووو ..
سلام
| |
|
|
|
|
|
|
|
|
|
Re: صورة دكين DKEEN!!!!! (Re: محمد عبدالرحمن)
|
ياكيكى ..
انت قايل الكبر ماحصل ..لكن اقول ليك حاجة ..
خياراتك الفوق دى ...فى خيار مستحيل ..اللهو
انو الصورة دى تكون بتاعت مدرسة العلوم الادارية ..
لانو المدرسة من بره فيها مدخل بس ..مافيها (برندة)
فاتحه للخارج ..والصورة الفوق دى فيها مداخل غير
البوابة ..دى اذا قلنا انها صورة مدخل ..اما علوم ادارية
من جوه مافيها شكل زى دا اطلاقا ..
افو ياكيى علوم ادارية دى اربعة سنة دخلة ومرقه وسربعة
ووووو ..شوف غيرها ..
| |
|
|
|
|
|
|
|
|
|
Re: صورة دكين DKEEN!!!!! (Re: غادة عبدالعزيز خالد)
|
Quote: يا خالد,
كنت قايلاك جايب
صورة لدكين (سحسيا )
لا أستطيع أن أساعدك
فلم أخطو داخل جامعة الخرطوم
حتى الآن
و نتابع
غادة |
سلام غادة..
دخلتك بالبوست كفاية..
والإجازة الجاية مدعوة لزيارة جامعة الخرطوم(دعوة رسمية)
تسلمي
| |
|
|
|
|
|
|
|
|
|
Re: صورة دكين DKEEN!!!!! (Re: محمد عبدالرحمن)
|
محمد ..سلامات
Quote: لكن بعتقد انو الصورة لكلية الاداب ( من جوه ) ..
والله اعلم ..لكن بالجد صعب انك تكون متيقن من المكان لانو
شكل المبنى الظاهر فى الصورة دى موجود فى كل الكليات .. |
محمد ..لو كانت الصورة دي في آداب تكون مصيبة..
دي كل يوم طالعين منها وداخلين فيها.. وشاربين فيها شايي وللا قهوة!!!
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
يا خالـد
دا الجزء الشرقي من كلية القانون
مقابل المين روود
يظهر في الأعلى جزء من قاعـة الشهيد بابكر عبد الحفيظ
مع العلم بأن كلية العلوم الإدارية هي أيضا نسخـة معمارية من كلية القانون
وتقع إلى الشرق منها
مع التحيـة
أحمـد الشايقي
| |
|
|
|
|
|
|
|
|
|
Re: صورة دكين DKEEN!!!!! (Re: أحمد الشايقي)
|
Quote: يا خالـد
دا الجزء الشرقي من كلية القانون
مقابل المين روود
يظهر في الأعلى جزء من قاعـة الشهيد بابكر عبد الحفيظمع العلم بأن كلية العلوم الإدارية هي أيضا نسخـة معمارية من كلية القانون
وتقع إلى الشرق منها
مع التحيـة
أحمـد الشايقي |
أحمد..سلامات
أنقذتنا من رسم وشخبطة ووصف ومغالطات طويلة جدا..وبعد ماأصبنا باليأس ..
وغضب صديقي الحاد علي نفسه , وكيف لا يعرف مكان الصورة(بإعتباره قال مقددها)
عرضت عليه أن بالمنبر حتما سنجد الخبر اليقين..
وفعلا..إقتنع صاحبي..وأنا ذاتي إقتنعت..بس دكين ده إختار زاوية قانونية حادة جدا
1000 شكر وتقدير أحمد..
| |
|
|
|
|
|
|
|
|
|
Re: صورة دكين DKEEN!!!!! (Re: اساسي)
|
أساسي..
سلامات
Quote: انت بجدك يا خالد؟؟؟
ياخي انا الكنت بضهب في جامعة الخرطوم عارف انه دا جزء من كلية القانون؟؟ |
والله يا اساسي نحنا ما عارفين..وما كنا بعيدين عن قانون وإدارية..لكن كل المشكلة كانت زاوية الصورة
وما عارف ليه إختار دكين الزاوية دي بالذات؟؟!!
لكن حكاية إنك عارف إنو الصورة جزء من قانون دي ما بصدقها..الموضوع ما بالسهولة دي..
و كمان حالتك مضهب..
| |
|
|
|
|
|
|
|
|
|
Re: صورة دكين DKEEN!!!!! (Re: أحمد الشايقي)
|
محمد وخالد
..
حقوا تخلو الجائزة دي قريب لانو مولانا احمد الشايقي قطع قول كل خطيب
وجاب لي راسي وبعد ده مافي ليكم طريقة خالص خالص.. ..
انا كنت شاكي تماما في حجم المدخل بتاع كلية القانون تجاه المين (رود)
وبنحت وبسال ياربي المدخل ده كان قدر شنو..؟؟
شي تاني يدعم تماما نظرية احمد الشاقي هو السياج الظاهر في الصورة
فكلية القانون كانت من الداخل بها نجيلة (مسورة) علي شاكلة السور الذي ظهر في الصورة...
...
انا مع نظرية ونظر احمد الشايقي تماما
| |
|
|
|
|
|
|
|
|
|
Re: صورة دكين DKEEN!!!!! (Re: محمد عبدالرحمن)
|
Quote: مع انو
قانون دى (فاتحة ) فى (وشنا) ...لكن زى مابقولوا
اهلنا بشوف القلب ....
ياخالد رجعتنا لايام ياخى .. |
محمد..
فعلا بشوف القلب.. والتحية لهذا المدعو دكين وهو يجبرنا للتجوال
من بعيد في داخل هذه الكليات..
أتخيل يا محمد أثناء محاولتنا أنا وصديقي) علي معرفة مكان الصورة ..كنت بغمض
عيوني وبسرح..وأتخيل كمان إني مشيت بره السنتر ..مشيت (تربية) ورجعت سريع..
ومشيت شمبات وبرضو كمان رجعت بنفس السرعة..والمجمع الطبي ..وإسكول وإدارة الجامعة..
والعمادة..لكن فضلت أحوم بين قانون وإدارية..لحدي ما حسمت الموضوع ببوست المساعدة ده..
وما قصر الجميع..
| |
|
|
|
|
|
|
|
|
|
Re: صورة دكين DKEEN!!!!! (Re: عبدالكريم الامين احمد)
|
الاخ عبد الكريم تحياتي
زمن طويل يا عبد الكريم ما التقينا طويل جدا , من ما سافرت انت أول مرة لنزوى , صحيح ؟
المهم الغرفة التحت دي كان يسكن فيها العم عبد الوهاب (رحمه الله تعالى) من مواطني منطقة ود رملي وهو رجل حبيب لكل الدفعات تغمده الله بالرحمات
والنجايل دي عزيزة علينا جدا
ليك التحية مرة أخرى
أحمـد الشايقي
| |
|
|
|
|
|
|
|
|
|
Re: صورة دكين DKEEN!!!!! (Re: عبدالكريم الامين احمد)
|
مرحب احمد الشايقي
وسلام ولعلك يا احمد تقصد اخي الاكبر احمد الامين احمد فهو من سافر الي نزوي في سلطنة عمان بعد
تخرجه من الاداب 89..
فانا يامولانا اتلاقينا ايضا وبصحبة عمار يس وعثمان الطيب الريح (اولاد الدويم) دفعة 85
ولك تحياتي وخالد رجعنا للزمن الجميل والناس الاجمل
| |
|
|
|
|
|
|
|
|
|
Re: صورة دكين DKEEN!!!!! (Re: عبدالكريم الامين احمد)
|
| Quote: ولك تحياتي وخالد رجعنا للزمن الجميل والناس الاجمل |
عبد الكريم..دكين شكلوا عارف إنو أي صورة لجامعة الخرطوم ما بتمر علي عيون طلابها وخريجيها بسهولة..
والمشكلة إنو دكين جا و رمي الصورة في البوست وطلع براااااحة!!
وخلانا لمدة يومين نفكر فيها!
والدليل كلام محمد عبد الرحمن .. كان برضو بيفكر فيها.
| |
|
|
|
|
|
|
|
|
|
Re: صورة دكين DKEEN!!!!! (Re: Mohamed Abdelmotalib Hassan)
|
تقيف عند مدخل المكتبة ووجهك ناحية الجنوب (ناحية المين رود)
تعاين في اتجاه الجنوب الغربي – حتشوف الصورة دي بالضبط
ولو رجعت خطوتين للخلف حتلاقي الزول الاخد الصورة دي خالط في الممرات بتاعت المكتبة
ولو عاينت لساعتك حتلاقيها عشرة صباحا
| |
|
|
|
|
|
|
|
|
|
Re: صورة دكين DKEEN!!!!! (Re: Dr_Bringy)
|
Quote:
ولو رجعت خطوتين للخلف حتلاقي الزول الاخد الصورة دي خالط في الممرات بتاعت المكتبة
ولو عاينت لساعتك حتلاقيها عشرة صباحا
|
عشرة صباحا!!!!!!!!
دكين قال من الساعة 4 للساعة 7 مســـاء...!!!
كيف الكلام ده!
| |
|
|
|
|
|
|
|
|
|
Re: صورة دكين DKEEN!!!!! (Re: Mohamed Abdelmotalib Hassan)
|
ممحمد .
Quote: هذه الصوره هي
بالظبط الجزء الشمالي الشرقي لكلية القانون
والي الجنوب مباشرة للغرفة الشمالية الواضحه في
الصورة يوجد مكتب سكرتارية الدراسات العليا
للكلية.
الصوره مأخوذه من البوابه الأرضية الاولي بعد المكتبه
الواقعة في نهاية الممر الذي يؤدي الي البوابه
الغربية للجامعه اسفل كبري المشاه.
وذلك بعد المرور من خلال ممر صغير يمر بنشاط طلاب كلية القانون
خاصه الجرائد الجائطية.
في هذا الجانب من الصورة يوجد مكتب دكتور كولدا ماتير.
صحيح أن نفس المشهد والتصميم موجود في مدرسة العلوم الادارية
لكن الفرق واضح وبين , فهذا المشهد في مدرسة العلوم الادارية
يظهر من نفس هذه الزاوية في ناحية الشمال الغربي بينما في كلية القانون
الي الشمالي الشرقي.
ويوجد في نفس المكان في مدرسة العلوم الادارية مكتب الدكتور أبو ذر الغفاري بشير
عبد الحبيب.
كما أن شكل السياج الأرضي للنجيلة يختلف في وضعه في علوم ادارية. |
والله يا محمد ما قصرت وكلامك ده تأكيد لي كلام مولانا أحمد بالإضافة لتفاصيل إضافية
والمقارنة الجميلة بين الكليتين , وملاحظة إختلاف السياج بين الكليتين ما بسهولة تمييزها
إلا لأبناء الكلية , أو شخص دقيق الملاحظة..
في علوم إدارية ربما تلك الأشجار الواضحة تستبعدها ..لأنها غير موجودة بهذا الشكل..وده كان سبب إستبعادي ليها مع عدم التأكد..وطول المدة أيضا.
ويا ريت لو عندك أو عند أي من المشاركين صور توضح مشاهد لأي من الكليتين أتمني إدراجها...
....مساعدة قيمة ..
| |
|
|
|
|
|
|
|
|
|
Re: صورة دكين DKEEN!!!!! (Re: عبدالكريم الامين احمد)
|
Quote: محمد وخالد
..
حقوا تخلو الجائزة دي قريب لانو مولانا احمد الشايقي قطع قول كل خطيب
وجاب لي راسي وبعد ده مافي ليكم طريقة خالص خالص.. ..
انا كنت شاكي تماما في حجم المدخل بتاع كلية القانون تجاه المين (رود)
وبنحت وبسال ياربي المدخل ده كان قدر شنو..؟؟
شي تاني يدعم تماما نظرية احمد الشاقي هو السياج الظاهر في الصورة
فكلية القانون كانت من الداخل بها نجيلة (مسورة) علي شاكلة السور الذي ظهر في الصورة...
...
انا مع نظرية ونظر احمد الشايقي تماما |
والله مولانا أحمد فعلا حسم الأمر تماما..
وجاب رأسنا كلنا..بتصدق يا عبد الكريم أنا ذاتي كان شكي في قانون بسبب المدخل ..أو بالاصح زاوية الصورة الظهر بيها المدخل..
لكن يا كيكي صراحة الصورة بالطريقة دي ما واضحة إلا لأهل قانون..
أو زول مضهب دائما فيها..زي أساسي مثلا..
| |
|
|
|
|
|
|
|
|
|
Re: صورة دكين DKEEN!!!!! (Re: عبدالمنعم خيرالله)
|
Quote: والله يا ناس جامعة الخرطوم ,جامعتكم وما عارفين مداخلها
النجيكم بالخبر اليقين يا حبيب محمد عبدالرحمن ,المبنى
ده ياما تجولنا فيهو مع الحبيب فتحى مادبو وده طوالى بيضهر كافتريا
اقتصاد وحتى بالامارة فيهو ست شاى شربنا عندها قهوة بالحليب ,انتو بعد ده
شوفو المبنى البقع فى ضهر كافتريا اقتصاد شنو , وليكم الود والمحبة
وللمعلومية انا فراعى لكن كنت كاسر ركبة فى اقتصاد |
عبد المنعم..سلامات
فعلا في شبه.. لكن كلامك ما صاح..
ولما ترجع السودان أرجع نفس المكان وجيب لينا الصورة دي..
ولو في السودان برضو منتظرين الصورة دي نفسها من كاميرتك..
مكانك الوصفتو وشاي خالتنا هناك فعلا صاح لكن ما ممكن أبدا يظهر نفس المنظر ده بالزاوية دي ..
| |
|
|
|
|
|
|
|
|
|
Re: صورة دكين DKEEN!!!!! (Re: عبدالمنعم خيرالله)
|
عبد المنعم
Quote: اتمنى انى اكون فى السودان عشان اافتش من جديد للمنظر ده
لكن شاءت الظروف اننا نكون برة ,وحتى لو كنا فى السودان
ما بتلقانا كتير فى النت مش لانو ما عندنا ليهو وقت ولكن
الغبش الزينا لمن يكونو ا فى السودان مكانهم الطبيعيى ,اما مناضلين
ضد الجبهة او مكابسين للرزق ومناضلين ضد الفقر , ربنا يحقق المقاصد
وما المطلوب انو النت يصل كل بيت فى الاحزمة الطرفية للخرطوم والاقاليم
لكن نتمنى الخدمات الاساسية نور كهربة موية صحة تعليم اكل وشراب
لل95% من فقراء السودان بعد داك ممكن نفكر نقعد فى النت ,لانو الميزانية
بتاعت البيت ممكن تفضل ,الواحد ممكن يشترى منها كاميرا تصوير , ويدخل منها نت
والواحد فينا هنا برة محظوظ لان شهر الانترنت بى 24 دولار وكل زول ممكن يلقاهو فى كندا
وممكن تشترى كمبيوتر بالتقسيط , ولو بقيت بخيل ممكن تمشى الببلك لايبررى وتعمل فيها
اشتراك والنت متاح فى اى مكان بس انت كيف تفضى ليهو نفسك |
أتمني رجعتك المرة الجاية تلقي البلد في عهد جديد ديمقراطي..
والأوضاع تتحسن ..
وربنا يحقق مقاصدك ..وترجع سالم وغانم..
لك تحياتي
| |
|
|
|
|
|
|
|
|
|
Re: صورة دكين DKEEN!!!!! (Re: عبدالكريم الامين احمد)
|
Quote: محمد وخالد
..
حقوا تخلو الجائزة دي قريب لانو مولانا احمد الشايقي قطع قول كل خطيب
وجاب لي راسي وبعد ده مافي ليكم طريقة خالص خالص.. ..
انا كنت شاكي تماما في حجم المدخل بتاع كلية القانون تجاه المين (رود)
وبنحت وبسال ياربي المدخل ده كان قدر شنو..؟؟
شي تاني يدعم تماما نظرية احمد الشاقي هو السياج الظاهر في الصورة
فكلية القانون كانت من الداخل بها نجيلة (مسورة) علي شاكلة السور الذي ظهر في الصورة...
...
انا مع نظرية ونظر احمد الشايقي تماما |
وأنا معاكم كمان ويا دوب إتخيلت المنظر تماما..وإتخيلت كمان محل دكين واقف..
والتحية لمولانا أحمد وأهل مكة أدري بها..أما بالنسبة للسياج يا كريم فبزنس برضو
يوجد بها نفس السياج الآن.. وبنفس الشكل..لكن ربما الزاوية والشجرة في المدخل الواضح هو الذي
إستبعد بزنس , أو كما أوضحه أحمد لنا..
| |
|
|
|
|
|
|
|
|
|
Re: صورة دكين DKEEN!!!!! (Re: سفيان بشير نابرى)
|
سفيان..سلامات
Quote: الصورة النزلتها انت دي نزلت في بوست حقي أنا وهي صورة الوغد مروان العبادي
دفعة دكين والكان بيخرتو في كل شي (ركز ركز في كل شي دي)
بالنسبة لموضوع الجائزة عن الصورة دي شايف الشباب لسع ما اتناقشوا فيهو عموماً
انا اديتك الخبر اليقين وقصة الجائزة دي انا شايف احسن تلغيها لانو لو الشباب
وافقوا عليها يبقي معروفه ماشيه لي وين .
بالمناسبة انا ذاتي عافيها ليك يكفيني جداً خرت مروان العبادي لي دكين ويكفيني
جداً انو الصورة دي تاني تظهر هنا وتذكروا زمن هو كيشه ومخروت يعني يكفيني :-
(سهر دكين ولا نومو) |
شايف دكين عامل ميت ..وزي الما قرا كلامك ده يا سفيان..
التحية لمروان الزاكي ..
المشكلة صاحبي لما شاف صورة مروان دي قال لي دي صورة واحد إسمو (عبد العزيز) آداب..!!
يعني بكده لقي إجابات لكل أسئلتوا..
ويا دكين ..ما قريت كلام سفيان ؟؟؟
ــــــــــــــــــــــــــــــــــــــــــــ
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
الصورة الاولى تقبل احتمالين ..
ممكن تكون كلية العلوم الادارية من الجزء الداخلي ماخودة من برندات الجهة الشمالية..
وممكن تكون كلية القانون - قدس الله سرها- من الجزء الداخلي من برندات الجهة الجنوبية قدام مكتب الدكتورة سهام سمير..
والصورة الاخيرة
ممكن تكون لي كلية العلوم الادارية من برندات الجهة الجنوبية ..
وممكن برضو تكون لي كلية القانون من برندات الجهة الشمالية قدام مكتب بروف الضرير..
نظام المرايا المعماري بين كلية القانون وكلية العلوم الادارية بديع خالص..
أي منظر لي كلية العلوم الادارية من الداخل او الخارج موجود داخل الكلية التانية ..
نظام المرايا ده برضو يمكن ملاحظتو بصورة مذهلة في الاكزام هول من الداخل للذين امتحنو بها اكثر من امتحان..
حتلقى رقم جلوسك في شكل مرايا مذهل مع ارقام الجلوس التانية من حولك في كل امتحان جديد..
للضمان كده الصور دي اخدتها في الاجازة الاخيرة بتاريخ موضح في خصائص الصورة في 1/3/2007م
والصورتين لي مقر مجلس الاستاذة الموقر بكلية القانون..
Staff Room
الشي الوحيد (المعماري )البخليك تفرز المبنى ده في ادارية او قانون هو شي واحد فقط..
واتحدى العارف بالله مولانا الشايقي وجميع خريجي كلية القانون والضهب بتاعين امتداد ناصر والفراعة الطاشين يعرفهو..
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
Quote: والصورتين لي مقر مجلس الاستاذة الموقر بكلية القانون..
Staff Room
الشي الوحيد (المعماري )البخليك تفرز المبنى ده في ادارية او قانون هو شي واحد فقط..
واتحدى العارف بالله مولانا الشايقي وجميع خريجي كلية القانون والضهب بتاعين امتداد ناصر والفراعة الطاشين يعرفهو.. |
والله ده كمان سؤال محير فعلا..
لكن ..الصورتان الأخيرتان واضحتان تماما..
ونخلي سؤال التحدي للناس القدرو يا دكين..
شايف معظمنا إتفقنا علي قانون..
بينما تظهر بيزنس بين الفينة والأخري في بعض المداخلات..
وده المحير فعلا..!!
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
للقاعدين في الخرطوم ..
والحينزلو الخرطوم قريبا..
في الحتة دي ومن الساعة اربعة وحتى السابعة مساء ..
في اجمل اربعة بنات بجو ماشين بجانب هذه الخميلة..
كل بت في شلة مختلفة..
وذلك رأفة بالعباد ..
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
اولا شكرا ليكم ياشباب بصفةخاصة لانك رجعتوني لذكريات جميلة
ستظل محفورة للابد في ذاكرتي ..جامعة الخرطوم وكلية القانون .
بالمناسبة مبني كلية القانون من اجمل المباني واميزها بالجامعة ..
بس ماكان مكتشف للكثيرين ..واحتمال لاننا جيران كنافي الاداب
اكثر قربا من قانون ..ودي فرصة لمعرفة بورداب جامعة الخرطوم .
مع تحياتي
اميرة
| |
|
|
|
|
|
|
|
|
|
Re: صورة دكين DKEEN!!!!! (Re: Abd Alla Elhabib)
|
Quote: ولشدّ ما كان دكينا.. كثيف الولع بالجهنميّات
كان ولا يزال رعاه اللّه يذوب وجدا فى البنيّات. |
عبد الله الحبيب..
كلام والله!!
إيه هو سر الجهنمية؟
وولع دكين الكثيف بها؟
رعاه الله وحفظه..
..
| |
|
|
|
|
|
|
|
|
|
Re: صورة دكين DKEEN!!!!! (Re: اميرة الحبر ادريس)
|
الأحتمال الراجح أن الصورة من مباني بزنس جوار قاعة النيل الأزرق
ومكتبة شعبة الإجتماع فلو كانت من كلية القانون لكانت جوار مسجد
قانون لشوهد عدد من المصلين الذين لا تخلو منهم هذه المنطقة
ما لم تكن الصورة مأخوذة يوم الجمعة ..
أميره الحبر إنت درست اقتصاد وحوّلت آداب لأنو وجهك يبدو مألوف
في اقتصاد ؟
جيل ناس دكين قد يكونوا سبقونا بالجامعة وهو العهد الذي سبق
طوق العزلة الذي ضربه حافظ الشيخ الزاكي على مباني كلية القانون
واللا أنا غلطان يا دكين ؟
| |
|
|
|
|
|
|
|
|
|
Re: صورة دكين DKEEN!!!!! (Re: اميرة الحبر ادريس)
|
Quote: اولا شكرا ليكم ياشباب بصفةخاصة لانك رجعتوني لذكريات جميلة
ستظل محفورة للابد في ذاكرتي ..جامعة الخرطوم وكلية القانون .
بالمناسبة مبني كلية القانون من اجمل المباني واميزها بالجامعة ..
بس ماكان مكتشف للكثيرين ..واحتمال لاننا جيران كنافي الاداب
اكثر قربا من قانون ..ودي فرصة لمعرفة بورداب جامعة الخرطوم .
مع تحياتي
اميرة |
أميرة... سلامات
والبوست ده حيلم كل مشتاق , وصاحب ذكريات جميلة في تلك البقعة ..سواء من أساتذتها..خريجيها.. طلابها ..أو كمان من المضهبين كـــ(أساسي) مثلا..
وهي كما قلت فرصة جميلة لمعرفة أجيال متعاقبة وذكريات جميلة بجامعة الخرطوم..
تحياتي..
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
Quote: في الحتة دي ومن الساعة اربعة وحتى السابعة مساء ..
في اجمل اربعة بنات بجو ماشين بجانب هذه الخميلة..
كل بت في شلة مختلفة..
وذلك رأفة بالعباد .. |
معني كده ..لو عاوزين نلقاك ..عرفنا مكانك وكمان زمن تواجدك..
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
| Quote: انا ماقريت قانون يا حبيب انا قريت فلك.. |
ماتفول كدة من البداية يا دكين أتاري كل مايجيبو
سيرة معاوية شداد يذكروك ،، اللخو دفعة واللا شنو ؟
| |
|
|
|
|
|
|
|
|
|
Re: صورة دكين DKEEN!!!!! (Re: بكري اسماعيل)
|
Quote: ماتفول كدة من البداية يا دكين أتاري كل مايجيبو
سيرة معاوية شداد يذكروك ،، اللخو دفعة واللا شنو ؟ |
يا بكري ..سلامات..
ياخي دكين ده دجال..
يكون قاصد فلك تاني,,هو عارفوا براهو!!
الفلك ده ما بالضرورة عند دمعاوية شداد أو كلية العلوم كما فهمت من إجابة دكين!!
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
| Quote: خضرة وجامعة واميرة الحبر... |
فعلا نعمة كبيرة..
ودي فرصة زي ما قالت أميرة إنو الناس تتعرف علي البورداب من جامعة الخرطوم..
أساتذة ..خريجين..طلاب..و هم عدد مقدر جدا..
| |
|
|
|
|
|
|
|
|
|
Re: صورة دكين DKEEN!!!!! (Re: Adil Osman)
|
يا دكين الصورة الاخيرة دي تشبه المكان التحت الاندرلاب
في قلب كلية العلوم والقريب من بيزنس ..
و لو طلع هو تكون بالغت في الصورة دي
ويابكري سلام شكلنا بنتعارف ..لكن انا خريجة اداب ومعظم اصدقائي
من اقتصاد وقانون..انت وين من دفعة مدني عباس مدني .
شكرا ليكم تاني يادكين
اميرة
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
Quote: يا دكين الصورة الاخيرة دي تشبه المكان التحت الاندرلاب
في قلب كلية العلوم والقريب من بيزنس .. |
حرام عليكي ..انتي متاكدة انك قريتي في الجامعة دي؟؟
بعدين ياخي ما اسمو التحت الاندر لاب
ياخي هو اصلا under lab
تاني تحتو كيف يعني؟؟
لشد ما كان يغيظني البرالمة حين يردوون
شارع المين روود
تحت الاندر لاب
The main road
The under lab
والله لو ماطلعتك البهية دي كان قتا ليكي فراعية ساي..
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
شكرا يا دكين علي التنوير ..وتحديدا الاماكن في الجامعة كنا بناخدها
كاعلام بغض النظر عن المحتوي يعني ممكن تقول فوق في سطوح مبني الجغرافيا
عادي يعني ..علي الاقل ده قديكون خاص بجيل ما بعد مامون حميدة ..
لكن الصورة ماليهاعلاقة بكلية العلوم؟
مع تحياتي
اميرة
| |
|
|
|
|
|
|
|
|
|
Re: صورة دكين DKEEN!!!!! (Re: اميرة الحبر ادريس)
|
Quote: عادي يعني ..علي الاقل ده قديكون خاص بجيل ما بعد مامون حميدة ..
لكن الصورة ماليهاعلاقة بكلية العلوم؟
مع تحياتي
اميرة |
يا أميرة ..أنا فهمت قصدك وهو النجيلة جنوب الأندرلاب..والتي تفصل بين لابات علوم ومباني العلوم الإدارية ..لكن يا أميرة النجيلة ديك ما فيهاسياج بالشكل ده..وفيها كمان مساطب جلوس لا تقل عن خمسة
مساطب بشكل دائري...وأذكر هنا جزء من قصيدة (البرلوم الشهيرة) والتي يغنيها الطلاب دائما بلحن(السراي الجافو النوم وعقدوا الراي)!!
يا برلوم ..يا برلوم
الجــامعة ما بتدوم
يا حليل سنة أولي علوم
------------------
يا حليل الأندرلاب..
والخلطة الجوة اللاب
يا حليل سنة أولي علوم!!
وأيام يا أميرة!!
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
الصورة ماخوذة من داخل مدرسة العلوم الادراية والتي تعتبر اصغر كلية في جامعة الخرطوم يا ما مررت بهذا المكان فان انحرفت الي يمناي امر بمكاتب الاساتذة وما زلت ازكر مكتب د التجاني سيسي وبعده مكتب عميدة الكلية
وسر هذا المكان هو ليمون البزنس فكافتريا العلوم الادرية مشهورة بعصيرها المثلج في هجير الخرطوم بالرغم من انني من كلية العلوم الا ان كل اصدقائي وصديقاتي كانوا بها
| |
|
|
|
|
|
|
|
|
|
Re: صورة دكين DKEEN!!!!! (Re: Dr.Saeed Zakarya Saeed)
|
Quote: الصورة ماخوذة من داخل مدرسة العلوم الادراية والتي تعتبر اصغر كلية في جامعة الخرطوم يا ما مررت بهذا المكان فان انحرفت الي يمناي امر بمكاتب الاساتذة وما زلت ازكر مكتب د التجاني سيسي وبعده مكتب عميدة الكلية
وسر هذا المكان هو ليمون البزنس فكافتريا العلوم الادرية مشهورة بعصيرها المثلج في هجير الخرطوم بالرغم من انني من كلية العلوم الا ان كل اصدقائي وصديقاتي كانوا بها |
د.سعيد زكريا..تحياتي
والتحية لكل أسرة كلية العلوم..
المشكلة يا دكتور إنو لما تعبر من شارع المين من خلال إدارية وتطلع بقسم الكيمياء فمدخل إدارية ما أطن بيظهر بالشكل ده!
وده سبب إستبعادنا ليها ..وأخذ إجابة مولانا أحمد وشكلها ما مقنعة بالنسبة ليك!.
أما بخصوص (عصير الليمون الشهير في كفتريا إدارية) فتقريبا تم تحويل الكفتريا قبل فترة من داخل الكلية إلي خارجها في الركن الجنوبي الغربي للميدان الشرقي..وبتحويلها يا دكتور إختلف مذاق عصير ليمونها المحبب و سندوتشاتها أيضا بالنسبة لي ..وأتمني إعادتها مكانها القديم.
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
الاخ الحبيب عبد الكريم
رحم الله ذلك الزمان وتحياتي للأخ أحمد الأمين أيا كان الان,
كانت رفقة طيبة وذكريات طيبة أعادتها صـور النابغة دكين ذو الحبل الموصـول,
تلك الســوح تخرج الثقات فكان منهم من كان , اصبح بعضهم من أصحاب التصانيف وبعضهم قضى بالأسى المكتوم دون صـراح
تحياتي لكم وأنتم تهيجون من أشـجـانها ما تهيجـون ,
ودعونا ندعـو لأرواح رافقتنا هـنـاك , بالصـحــة وطول العمـر,
ألـيـس كذلك أخي دكين؟؟؟
أحمـد الشايقي
| |
|
|
|
|
|
|
|
|
|
Re: صورة دكين DKEEN!!!!! (Re: المسافر)
|
تحياتي يا خالد
كلام دكين الكلو توريات دة ما من اختصاصي نسبة لإختلاف الأجيال وكدة ..
على كلٍ بخيت وسعيد عليهو قرايتو ..
يا بت الحبر انا دفعتي في الكلية الجيلي عمر الجيلي (صاحب شجرة الجيلي عند تقاطع مدخل بزنس مع المين رود علي يدك الشمال ) وجلال أري وحسن اسماعيل ومحمد دفع السيد (أكيد معروف في آداب ) ..
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
رجعتونا للذي مضى يا جماعة
جرسة الامتحانات وليمون بزنس ..main road....وووووووووووو...الخ
تحياتي للكل..
بس أبعدوني من دكين شغال لي محلل لكل كلمة باكتبها ما بعرف ماله معاي؟؟؟
..........
| |
|
|
|
|
|
|
|
|
|
Re: صورة دكين DKEEN!!!!! (Re: salma subhi)
|
salma subhi
| Quote: بس أبعدوني من دكين شغال لي محلل لكل كلمة باكتبها ما بعرف ماله معاي؟؟؟ |
يعني دايرانا نصدق انك مضايقة من تعليقات دكين بخصوص صورك وكتاباتك ؟
ياخي البوست عنوانه صورة دكين تدخلي وتقولي ابعدوني من دكين ؟
انا غايتو ما مصدق كلامك دا وشايفك مبسوطة من ملاحقات دكين وتعليقاته
| |
|
|
|
|
|
|
|
|
|
Re: صورة دكين DKEEN!!!!! (Re: salma subhi)
|
يا سلمي انا ما قصدك اهاجمك زي ما بدا ليك وبادرتي بالرد عن سعة صدرك انا اجبت عن تساؤلاتك واظن ما كانت اجابتي واضحة
قلتي
| Quote: بس أبعدوني من دكين شغال لي محلل لكل كلمة باكتبها ما بعرف ماله معاي؟؟؟ |
ماله معاك يا سلمي ؟
دكين معجب بيك وبي كتاباتك وبي صورك بس دكين غشيم ما بعرف يعبر عن نفسه ما عنده شجاعة ادبية كافية ليقول ليك عن اعجابه بطريقتك عن اثارتك لشجونه وانت تذكريه رسومات الاقباط وكلنا يعرف هوس دكين بهذا بكل ما هو قبطي ...
بعدين الواضح انه الموضوع دا ما بيضايق عشان نبعده منك؟
| |
|
|
|
|
|
|
|
|
|
Re: صورة دكين DKEEN!!!!! (Re: اساسي)
|
والله أبداً ما ختيت حاجة ذي دي يا أساسي ...كلكم أخوان عزيزين.
وقصدي بصدري رحب اني بأتحمل مشاكسة دكين الظريفة....وعمري ما أشيل من زول في قلبي حاجة.
مودتي واحترامي لكم جميعاً
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
ياسلمى صدقيني بس ذكرتيني بي زولة عزيزة كان جنها صور الثقافة القبطية دي..
قتا بس استعيد بي مشغالتي ليكي دي بعض من تلك العزيزة..
كان جنها صور اقمار ونيازك وشهب ..
وفراشات وكائنات باجنحة فراشات وبنات حلوات ماسكين عصايات بترقش ..
وحاجات كده لاتشبه في جملتها سوى زول عايش عالم براهو مصنوع من حكايات بيتربان ومجلة قوز قزح..
| |
|
|
|
|
|
|
|
|
|
Re: صورة دكين DKEEN!!!!! (Re: خالد الطيب أحمد)
|
| Quote: بس دكين غشيم ما بعرف يعبر عن نفسه ما عنده شجاعة ادبية كافية |
مشكور يااسئس على انك مسكتا المايك بدلي وكده..
آسرتني شجاعتك الادبية الكافية..
حاجات سلمى دي لاقتك وين قبل كده؟؟
سلمى
اُسئس ده من عرس والبوصلة بتاعتو طشت..
بقى أي شي بحاول يصلحو يطبزو...
ياخي لكن صورك بالجد بتذكرني بي اعياد ملاد النصارى؟؟
انتي قريتي في كاتدرائية ولا قريتي في جامعة الخرطوم؟؟
| |
|
|
|
|
|
|
|
|
|
Re: صورة دكين DKEEN!!!!! (Re: DKEEN)
|
حاجات سلمي دي لاقتني يا دكين في بيت ناس رادا .. رادا دي كانت مراة كبيرة تسكن جوارنا ...كانت احيانا تستعين رادا بخدماتي في الذهاب الي الدكان والبقالة .. كانت هناك لوحة كبيرة للعذراء والمسيح في مدخل صالة منزلهم هذه اللوحة واخريات للمجدلية وبعض تصاوير لملائكة او رهبان لا ادري ولكن هذه التصاوير واللوحات ما كانت تدخل الرهبة في قلبي مثلما تفعل تلك اللوحات في الكنيسة الجمب الكمبوني فالالوان الذاهية التي استخدمت فيها ازالت كل رهبة عنها ..دائما ما كانت تذكرني بالمولد وحلاوة مولد .. احيانا احس بالجلبطة . رغم كل هذه الالوان الا اني لم اري رادا يوما سوي بفستانها الاسود والذي ما ظننت انها تملك غيره لولا انه في يوم زواج احد ابنائها كان مختلفا بعض الشئ فهو اقصر منا لمعتاد .
رغم الصليب وتصاوير المسيح وذهابهم الكنيسة يوم الاحاد الا ان كل اندادي في الحي كانوا يصرون علي تسميتهم اليهود ؟ الي الان لا ادري لما؟
| |
|
|
|
|
|
|
|
عبدالكريم الامين احمد
محمد عبدالرحمن
غادة عبدالعزيز خالد
أحمد الشايقي
اساسي
Mohamed Abdelmotalib Hassan
عبدالمنعم خيرالله
سفيان بشير نابرى
اميرة الحبر ادريس
Abd Alla Elhabib
Adil Osman
Dr.Saeed Zakarya Saeed
المسافر
salma subhi
فيس بوك
تويتر
انستقرام
يوتيوب
بنتيريست