كتب الكاتب الفاتح جبرا المتوفرة بمعرض الدوحة
|
Re: طرف من خبر الاخرة (Re: DKEEN)
|
إفتراض يا دكين ؟ هناك في شالي في نص نهاية التسعينات , بعد الهجوم , بعد التهليل , التحرير , سميهو زي ماسموهو , أو زي ما قال عادل لحظتا في تعب واضح وهو متكي علي عجل مدفع هاوزر قالا الطابور ما إنتهى ؟ إعتبر مجالدة الرصاص طابور ساي , يستحق إعفاء من تمام تسعة . جندلة و جتتين تلاتة هناوهناك أصر مصور المتحرك علي تصويرا من كل الزوايا وويزف المزفون خبر النصر وتكبيدهم خسائر فادحة في الارواح . بعد الهجوم . الكان في نص نهاية التسعينات , قلت ليك إنو كان في الوقت داك ؟ , إتلفت القائد الله يرحمو , عقيد عقد العزم إنو نحرر محور البر الغربي , شمال أعالي النيل , وتدين برون المابان لهم _ رغم معنويات متحرك القهر والعيد المكرر خدار , خدار شدر , خدار لبس ,خدار ضراعات ما قبضت علي معول بناء , قبضت علي طرف زناد وأحرقت كل عشم _ إتلفت القائد رحمة الله عليه , وإختارنا جماعة تمشيط , و ... إتقدمنا , وقفنا , تعليمات من قائد الجماعة _ الجماعة كانت حداشر , وفي زخم طغيان الموجة الجهادية بقت ستة عشر أو زيد بضع آخرين إن شئت , على حسب قوة المتحرك , رجعت حداشر بعد ما نص الفضل من ولاد البلد فضّل القعاد في أطراف الحي , أو خت في جيبو جواز أخدر برضو وبحلم بي الورق الأخدر برضو _ ( إستخدم الساتر ) جات صارخة مليانة خوف أكتر من إنها أوامر ميدان , واخدنا الساتر , وهناك .... ما كان في حلة حمد ولا حلة أي زول في أطراف شالي , في تبة عالية , أعلى الخور , أسفل الجبل , عنقريب , وخمسة جثث , لهم ولموتانا الرحمة تلاتة أكياس فحم , شوالات فحم , غطّا الأول نص الجثة الأولى من أعلى , كانت سليمة , مكتملة الملامح , رقيب في قوات الشعب المسلحة , في جيب قميص الكاكي بطاقة موضوعة بي صورة تنبيهية , من سكان أمدرمان , ملامحو من غربنا , بلا إسهاب في التفاصيل . التاني كان نصين في كيس واحد , تغيرت ملامحو بي طول الزمن . التالت كان متكي في طرف العنقريب , رامي بصرو هناك أعلى الجبل , ورا الجبل طريق الخرطوم , ما عندي علم حد بصرو وصل الخرطوم ولا كانت أمنية في خاطرو حينا . الرابع والخامس كل في كيس , مجمعة أشلاء , تكاسل حاملوها من إيصالها لطرف العنقريب , فرقدت غير بعيد , على بعد عشرة أمتار من أعلى التبّة . أستروا موتاكم , صلاة ودفن , وغيمة حزن . قلق يا دكين قلق من ميتة ما تلاقي فيها اليوصل خبرك لي حبيبة في طرف حلة حمد أو أي حلة . بعدها بي يومين طلعنا من ميدان حسب الحاسبون أنهم بلغوه ولن يتزحزحوا عنه قيد أنملة , طلعنا من شالي اللعينة , ما نزهة في غاب الطلح , طلعنا بلا زاد أو حتى ماء , في السكة لقينا بعض الجثث الأخرى ملقاة هنا وهناك , ما قدرت أو قدر زول يتبين ملامحا , كان الرصاص يطارد الجميع بلا هوادة , رصاص زي دفار إلزامية , أو زي قدر إنك ما تنعم بي أمان وعشم في بلد بتفترض في حال رجوعك إنك توصي بي دفنة في طرف حلة الحبيبة , طرف حلة حمد , وفي يومين ؟ يا لتفاؤلك يا هذا الدكين . أبنوسي
|
|
|
|
|
|
|
العنوان |
الكاتب |
Date |
طرف من خبر الاخرة | DKEEN | 02-07-04, 09:41 PM |
Re: طرف من خبر الاخرة | DKEEN | 02-07-04, 10:03 PM |
Re: طرف من خبر الاخرة | ali othman | 02-07-04, 10:20 PM |
Re: طرف من خبر الاخرة | DKEEN | 02-07-04, 10:55 PM |
Re: طرف من خبر الاخرة | ملكة سبأ | 02-08-04, 00:57 AM |
Re: طرف من خبر الاخرة | ملكة سبأ | 02-08-04, 00:58 AM |
Re: طرف من خبر الاخرة | Tumadir | 02-08-04, 01:25 AM |
Re: طرف من خبر الاخرة | AlRa7mabi | 02-08-04, 07:48 AM |
Re: طرف من خبر الاخرة | ابو جهينة | 02-08-04, 08:21 AM |
Re: طرف من خبر الاخرة | ترهاقا | 02-08-04, 08:42 AM |
Re: طرف من خبر الاخرة | ايهاب | 02-08-04, 09:20 AM |
Re: طرف من خبر الاخرة | اساسي | 02-08-04, 08:53 AM |
Re: طرف من خبر الاخرة | Tabaldina | 02-08-04, 09:03 AM |
Re: طرف من خبر الاخرة | Habib_bldo | 02-08-04, 10:07 AM |
Re: طرف من خبر الاخرة | DKEEN | 02-08-04, 09:30 PM |
Re: طرف من خبر الاخرة | DKEEN | 02-08-04, 09:39 PM |
Re: طرف من خبر الاخرة | DKEEN | 02-08-04, 09:46 PM |
Re: طرف من خبر الاخرة | tabaldy | 02-08-04, 10:49 PM |
Re: طرف من خبر الاخرة | معتصم دفع الله | 02-09-04, 12:36 PM |
Re: طرف من خبر الاخرة | Tumadir | 02-09-04, 12:47 PM |
Re: طرف من خبر الاخرة | ودقاسم | 02-09-04, 01:27 PM |
Re: طرف من خبر الاخرة | DKEEN | 02-09-04, 10:38 PM |
Re: طرف من خبر الاخرة | Tumadir | 02-09-04, 10:45 PM |
Re: طرف من خبر الاخرة | DKEEN | 02-09-04, 10:44 PM |
Re: طرف من خبر الاخرة | tabaldy | 02-10-04, 02:34 AM |
Re: طرف من خبر الاخرة | شتات | 02-10-04, 03:27 PM |
Re: طرف من خبر الاخرة | Rawia | 06-17-04, 03:35 PM |
Re: طرف من خبر الاخرة | tmbis | 11-04-04, 00:01 AM |
Re: طرف من خبر الاخرة | برهان تاج الدين | 11-04-04, 06:41 AM |
Re: طرف من خبر الاخرة | Rawia | 11-04-04, 05:19 PM |
Re: طرف من خبر الاخرة | المسافر | 11-13-04, 09:31 AM |
Re: طرف من خبر الاخرة | Abdel Aati | 11-13-04, 10:29 AM |
Re: طرف من خبر الاخرة | jini | 11-13-04, 11:10 AM |
Re: طرف من خبر الاخرة | Abdel Aati | 11-14-04, 01:17 PM |
Re: طرف من خبر الاخرة | walid taha | 11-14-04, 02:13 PM |
Re: طرف من خبر الاخرة | الوليد محمد الامين | 11-15-04, 02:07 AM |
Re: طرف من خبر الاخرة | jini | 11-15-04, 04:51 AM |
|
|