|
|
 شيٌ من العفن
|
قام احد اولاد الحلة ُمتمهلا جداً والسطلة قد اخذت منه كل الواقع فاعتلى كومة طوب عند اول الشارع ، ثم بال عليها وحمد الزمان وقال : دولة الكيزان شيء من العفن ...
واخذ يكررها دون اكتراث محدداً بالبول كافة الطوب حتى تعب فرقد علي تلك الكومة غير هياب فقد حازها بإهراق البول .
حازها وهو لا يملك من الدنيا إلا الأعضاء التي وهبها الله له ، يأخذ منها قدر حاجته ثم يسلمها إليه .
رقد ومن يعتِقدن انهن جميلات من بنات الحلة ينظُـرن إليه من سطوح ضو البيت ومن ثقوبٍ في حيا ِتهن .
ود الحلة هذا لا يملك برستيج ولكني رايته َيبِرُ بوالديه شغوفا باشجار الجهنمية عند ابواب البيوت ..
ما حاك في نفسه شيئا قط وكره أن يطلع عليه الناس ..
وليس له دين معروف لكنه دين (باي ديفولت) ..
فطرياً هُديَّ إليه كما سائر الحيوانات .
ــــــــــــــــــــــــــــــــــــــــــــــ
دخلتُ معكِ في دين ود الحلة فهل تقبليني منتعلاً كاسيا ..
ُمتحلِلا من الدنيا لأن الدنيا ابتني ..
ِعلقاً منها بكل أرزالها لأنني ما أبيتها ..
وضيعا فيها لانني ما ابقيت شيئا اُعز به ..
ضميـني اليكِ شاكياً ُمتَحلِلا علِقا ...
مجُللا بوضاعتي ..
وانظري – يرحمكِ الله - كم من البول قد اهرقنا وما حُزنا على شي ..
مروان العبادي – من تاج الحفيان
دكين- من راس الحفيان نفسو
|
|
 
|
|
|
|
|
|
|
|
Re: شيٌ من العفن (Re: DKEEN)
|
والله انا خايفك من راس الشيطان بترعرفو؟؟
دا في كوستي ..
خلاص فقدن يقينك باي حاجة ودا مذهبك بقي..!!
اذا اتي يومك الذي تنتظر وننتظر معك !
وما كنت اظنه ابدا بغير هذه العفونة ..!
انت مافي اي وازع في الدنيا دي بتقيف وراهو او بتحترموا..!
انت عارف مافي اي حاجة بتخيرك عن المجانين الذين يفترشون ارض
برندات السوق العربي والافرنجي ويتلحفون مكائن السيارات وعوادمها
يقتاتون مما تنبت قمامتها من دسمها ومتخثرها سوي انه في الرياض
مافي محطة وسطي
يا اخوي زولتك دي الا تبقي البلدية حتي تقبلك ...
في زول بحب البلدية يا ناس
كان ما عفن
| |
|
|
|
|
|
|
|
|
|
Re: شيٌ من العفن (Re: DKEEN)
|
احبتي ..
بولوا تغنموا
بولوا على مساحات مفتوحة واشياء اخرى ..
بولو على كل شي تعثرون عليه ..وكل شي تقفون عنده ..وكل عمارة يعجبكم رسمها ..
حَــدِدوها في جماعات او فرادى ..متحركين كنتم أو واقفين أو على جنوبكم ..
عسى تملكونها ..
ما تحددت لكم حيازة من قبل ليس لانكم بغير مال ولكن لانكم ما فتئتم تبولون على ثقب صغير في منازلكم ..
انتم احبتي بالكاد تملكون مراحيضكم حيث حددتم حيازتكم ..
قد بال خياركم على خيرنا فملكوا كل شي ..
ونحن ندفع لهم في السفارات لتتسع مساحات بولهم وحيازاتهم ذات الرائحة
ولا يستغربن أحدا منكم إن رأيتموني انزل من الطائرة في خريف العام القادم فأبول على مدرج الطائرات فاملكه ، فامنع السفر ..
ليضيق المرحاض بعدها بالجميع ..
| |
|
|
|
|
|
|
|
|
|
Re: شيٌ من العفن (Re: DKEEN)
|
عفن يا دكين
تغيرات اللغه سمحت بان تصبح كلمة عفن فى الرندوق وكلام "الشماشه" الزيي كده ان تصبح تعبير عن الاطراء والاعجاب..
| Quote: ومن ثقوبٍ في حيا ِتهن |
..من ليس له ثقب فى حياته فليرمها بحجر...وليتحسس اعضاءه التى وهبها له الرب ..لربما منحت له ناقصه ... لحكمة ان لا يفعل التبول على الطوب او الرؤوس...سيان
ابحث معى عن سروال يستر عورة هذا الزمان..
| |
|
|
|
|
|
|
|
|
|
Re: شيٌ من العفن (Re: DKEEN)
|
غريبة العفانات دي ما عجبت جماعة البورداباب!!!
اساسي ده بوستك الافتراضي الطبيعي ..
مفروض تاني ما تخش غير في هذا الكنيف..
مراويد
اذا خرجت فقدم قدمك اليمنى ..
| |
|
|
|
|
|
|
|
|
|
Re: شيٌ من العفن (Re: DKEEN)
|
دكين ازيك..
هل هنالك ثمة علاقة ما بين "شئ من العفن" و"جيفة المساء"؟
فى قاموسك الفكري (الفقري)ً..؟ ام هى محاربة صحة البيئة؟
اكاد اجزم بأنك ازحت الستار مرة اخرى..
ما خطب مروان العبادي؟
الرجاء الابتعاد عن اللاانهزاميين..
الرياض- صيف 2004م
| |
|
|
|
|
|
|
|
|
|
Re: شيٌ من العفن (Re: DKEEN)
|
غريبة العفانات دي ما عجبت جماعة البورداباب!!!
Quote: غريبة العفانات دي ما عجبت جماعة البورداباب!!!
غريبة العفانات دي ما عجبت جماعة البورداباب!!! |
غريبة العفانات دي ما عجبت جماعة البورداباب!!!
دكين
بوست ما يخرج من السبيلين!
ليه يا خويا شايفنا ألتجية!
| |
|
|
|
|
|
|
|
|
 Re: شيٌ من العفن (Re: DKEEN)
|
نعم يادكين ..افهم غضبتكم علي "سارق الماسنجر" ولكن في اللغه مفردات اخري مهذبه وجميله لاظهار الامتعاض والادانه ..فما تري ..ولك تحيه مني وارجوا ان تتقبل حديثي ..والسلام ..محب ..
| |
|
|
|
|
|
|
|
|
 Re: شيٌ من العفن (Re: Muhib)
|
أخونا في الله محب
رئيس جماعة الأمر بالمعروف والنهي عن المنكر في البورد؟؟؟
نفسي أشوفك بتدافع عن قضية عادلة يا محب شخصيا ما شفت ألفاظ
بتفوق في بشاعتها ألفاظ موكلتك العسولة.
الأخ دكين
معليش عادي أنا شخصيا تلقيت حاجات بايخة زي دي وأكتر
لكن هذا زمان الفسق في البورد فلا تحزن
| |
|
|
|
|
|
|
|
|
|
Re: شيٌ من العفن (Re: Muhib)
|
دكين
خريف البطانة البترى
الليلة من كلامك جاتك تترى
ام قديم الشنقلوها وتترى
رقرق عريقة خاف البترة
من ام حدين الفي جفيرة بتبرى
اخاف ام شديدة الضارية جابت فقرك
ودبيب الخلا كايس وراك يعقرك
تتوسد القديمة انشاء الله ثابت أجرك
وصابون العفن الليلة يغسل صقرك
ات يا دكين شايف طويرك حايم
ماخلى الجيف ماخلى العفين النايم
بتلوي الكلام شايفك قاعد وقايم
بتشوف الببقى وشقة فريع القايم
أوعك تكون زعلت
بزعل منك هه
| |
|
|
|
|
|
|
|
|
|
Re: شيٌ من العفن (Re: DKEEN)
|
محب
شاكر لك توجيهك الكريم ..
لكن
هل المزعج في هذا الامر مفردة البول في حد ذاتها كمفردة لغوية ..
او مسالة اني ابول على احدهم دونما تحفظ ..
لو ان المزعج في هذا الامر المسالة الاولى ..
فانا لست من صنع اللغة .... ولست وحدي الذي يبول على وجه الارض وكللكم تبولون وكلكلم مسؤلون عن مكان اهراق اليورين ...
وللعلم يا محب اللغة دي ذاتا لي يوم الليلة لاتزال لاتفي بحاجتي من المعاني ....
واضطر في احايين كثيرة ان اتم الباقي كواريك واشارات املا ان تكون ذات دلالات على مقاصدي في الارض ...
ولو انها المسالة الثانية
فانه من دواعي سروري ان اخبرك بان الحر العاقل البالغ المختار له ان يبول اينما يشاء ووقتما يشاء..
وعلى من يشاء ...لايحبسه في ذلك حابس ..
غير انه إن تبول على شخص بالاوصاف المعتبرة شرعا جاز للاخير ان يعترض او يتساءل عن السبب..
وهو بالخيار في رد الفعل نفسة على البائل ذي المزاج السي ان استطاع الى ذلك سبيلا ..
وانا رايت ان ابول على من اشاء ..وشئت ذلك الشخص المعنى المنحط ..وهو نكرة وليست له شخصية معتبرة شرعا حتى الان ..
ولهذا النكرة فقط الحق في الاعتراض على استخدامي له كمرحاض ..
وبما انكم لستم ذلك الشخص ..
وكما انه ليس للنكرات الحق في الاعتراض ...
اضافة الى عدم وجود قواعد فقهية تمنع البول على نكرة منحط ..
خلي اليجي ويقول لي انا ذلك الشخص ولست نكرة ...فلماذا تبول على بلا تحفظ..
حينها فقط ساتحفظ.. ولكني ساواصل البول عليه ...
البول بتحفظ شديد ..
| |
|
|
|
|
|
|
|
|
|
Re: شيٌ من العفن (Re: DKEEN)
|
تلقيت محط سفالات وجبن ..
ولا حزن بالجوار وانما انا اقضى وقتي فيما يمتعني ...
شاكر مرورك من هنا
الاستاذ عادل
انتو نجيب سرور ده منو ؟؟
ما يكون كمان بوال وبتاع ملايات بتتغير كل يوم ...عقدتونا انتا وراوية ....
مع محبتي انا ايضا
المسافر
اخاف ام شديدة الضارية جابت فقرك
ودبيب الخلا كايس وراك يعقرك
تتوسد القديمة انشاء الله ثابت أجرك
وصابون العفن الليلة يغسل صقرك
ات يا دكين شايف طويرك حايم
ماخلى الجيف ماخلى العفين النايم
بتلوي الكلام شايفك قاعد وقايم
بتشوف الببقى وشقة فريع القايم
عليك امان الله ده اشعر شعر بطاينة يلاقيني ..
يا زول الكلام ده ناجرو من راسك ولا من كراسك ...
حتة ماخلي الجيف ما خلي العفين النايم دي قلبتا فيها هوبة عديييييييييييل وتؤكد لي انك ناجر الكلام ده من راسك ..وان كان الامر كذلك فانت ده ما مكانك او انك لست انت وانتا زول تاني جاينا بي اسم مسافر ..
انتا ما ركبتني في سرج واحد مع الضرير وود ضحويه
ارختا لي عديل ..
والله دي علا ارسلها لي شنتير واهل العوض عشان يشوفو دكين دخل التاريخ من اعفن ابوابه ..
| |
|
|
|
|
|
|
|
|
|
Re: شيٌ من العفن (Re: DKEEN)
|
دكين
يبدو أن تركين الوالدة قد ( أنساك ) أحبابك. سآتي و أسرق البرطمان يوما ما.
يقال في عطبرة ،، أن كان أحدهم يذهب يوميا للإنداية ، و يملأ بطنه بالمريسة ،، ثم عندما يقترب من منزله و يرى جاره و غريمه اللدود واقفا ،، يبدأ في كتابة إسمه بالبول على أرضية الزقاق الضيق.
و في يوم ، يبدو أن اليورين لم يكن كافيا ،، فقد نفد منه البول قبل إتمام إسمه ، فقال لغريمه : تعال كمل لى الإسم دة عشان بولي إنتهى.
فقال له غريمه المحلق بفعل سيجارة : أنا خطي بطال
| |
|
|
|
|
|
|
|
|
|
Re: شيٌ من العفن (Re: ابو جهينة)
|
بشئ من التقليدية وبعض الايحاءات التى لازمت الردود هنا .. ربما يحتم على حياء الانثى ان اطالع هذه النص (بالضرا) واحتفظ باعجابى او امتعاضى منه لنفسى !
لكن
الصدق يلزمنى ان اهتف لدكين باعجابى المفرط لنصوصه وقدرته العالية على ايصال ما يريد تماماً .. كما يريد!!
وفى راى الشخصى ان بعض الافكار تستلزم التنقيب فى منجم اللغة بحثا عن مفردة تساوى مقال وتغنى عن السرد الطويل
حقاً ... اجدت فابنت يا دكين
تسلم
| |
|
|
|
|
|
|
|
|
|
Re: شيٌ من العفن (Re: dreams)
|
دكين ...السلام
تقدمه !
ليس محب بعالم من الازهر وليس محب فقيها في الدين وقد يكون لا دين يدين به محب.....
اعرج لقولك
هل المزعج في هذا الامر مفردة البول في حد ذاتها كمفردة لغوية ..
او مسالة اني ابول على احدهم دونما تحفظ ..
كان تعليقي علي المفرده فقط ومسائله انك"تتبول" علي شخص واحد او مجموعه" فهذا امر يخصك وحدك وانت كما قلت انك بالغ وحر وانا لا دخل لي في ان اقول لك "افعل او لا تفعل" ..كان ولازال تحفظي علي المفرده التي لا اريد ترديدها لقناعتي ان مكانها "ليس" هنا.يمكنك عدم تقبل تحفظي وسوف احترم رؤيتك ..والسلام وشكرا للتفهم
| |
|
|
|
|
|
|
|
|
 Re: شيٌ من العفن (Re: DKEEN)
|
طالما اسمى مكتوب فى المعلقه بتاعتك بعد دا ممكن ادخل ليك بوستك المصنن دا
الذى يذكرنى الجنرال فى متاهته الاخيره ووصف الحمى عند غارسيا ماركيز
ويذكرنى صنع الله ابراهيم فى احدى رواياته ووصفه لفعلته فى احد صالونات المهمين فى مصر الجديده
ويذكرنى نجيب سرورحينما يغضب من شخص وما يفعله- حسب روايه صديقى المصرى المشترك مع نجيب سرور- (نجيب سرور من ضمن ما يفعله حينما يغضب فانه يتحدث ويشتم باللغه الروسيه) والباقى معروف
| |
|
|
|
|
|
|
|
|
|
Re: شيٌ من العفن (Re: صديق الموج)
|
النافر العنيد الليلة قًلبو ديسو
زايد العناد كلما ازيد تحنيسو
مابي الهجعة بايت بعيد من ميسو
سرق الفكر دمدم عليه رويسو
ات يا دكين كلامك اوزنو قيسو
وقلبك ثبتو ما تزيد عليه رقيصو
الفهم القبيل غاب عليك غميسو
ودر عليك دود الخلا من تيسو
هادل الكتيفات حقك تصونو تسيسو
ما تزيد همو الصعب عليك تنفيسو
شربكت الشبك والشوك يزيد تغريسو
وعكرت النقى وزد في تطميسو
أوعك تكون زعلت
بزعل منك هه
| |
|
|
|
|
|
|
|
|
|
Re: شيٌ من العفن (Re: DKEEN)
|
دريمز
اقدر لك الشجاعة التي اتت بك هناكاول المشاركات ...
وشاكر لك اطرائك الجميل ..
انه الانسان يا دريمز ..
تكتبين عن سيدي رومانس والدمع في المقل ..
ويكتب المطر عن الياسمين والفراشات تعتلي الذاكرة ..
واقرا لكم انا واكتفي بما كتبتم واكتب عن الجانب الذي ما تطرقتم به لانه لا يشبهكم ..
هكذا الحياة وكلو زول بختار طريقو ...
راوية
مرنا اليوم احد المهندسين ...
وكان قد ولد في السكوت و قرا في احدى الجامعات المصرية ..ثم درس الهندسة في الجامعات الروسية وقضي وقتا طويلا في روسيا بين الروس ومسرح البولشوى..
سالته عن هذا النجيب سرور
فرد : في حد ما بعرف نجيب سرور ؟؟
اخبرني عن مصري سكير لايخشى الله يبول في االشراب حين يغضب من الاصدقاء ويعمل بالمسارح الحكومية ويرتاد النوادي السودانية في القاهرة ويشارك الشودانين افراحهم ولياليهم الشعرية شيوعيا بسيطا له مسرحيات واشعار تقدمية ..وانه كان يجالسه شخصيا ...
ظل يتكلم عن هذا النجيب وهو منتشيا حتى ظننته لن يسكت ..
وعدني ان ياتيني بكتاب شعري لنجيب سرور اسمو فظيع ولا يتقال في منبر عام ..
ولؤلاء وجود ك انتي ودرمز بهذا بالبوست لذكرت الاسم لااخشى في ذلك إلا بكري ابو بكر ..
عموما شاكر لكي انتي وعادل عبد العاطي تشبيهي بذلك الذي مات وهو مجنون- رحمه الله –
اظنه كان محبوبا وما بيده لغيره ...
رحمه الله وغفر له ..
صديق الموج وانا اشكرك نيابة عن عادل وراوية ..
ووحاتك ما اطلعتا على طرطوف المذكور ...
وريني دربو اخش اشوفو واطلع عليه ...
مع ودي
coolcom
معزتي واحترامي
طبعا رديت عليك/ي في الاعلى ولكن سقط الاسم في اول الجملة فبدت الجملة معنونة لمجهول واتمنى انك تكون/ي لقطتها/تيها...
وذكرت ، انه لاحزن بالجوار ولكني احب ان اقضي وقتي في اشياء تمتعني ..
والله حركات الجندرية دي ما بتعجبني لكن غلبني اعرفك زول ولا زولة .
خاطبتك فوق كانك زول وجا محب حيرني عديل ...
وقال ليك (تتحدثين)
واشكرك تاني على تفهمك لي اعجميتي
| |
|
|
|
|
|
|
|
|
|
Re: شيٌ من العفن (Re: DKEEN)
|
المسافر
زولي السمح والزين الفي القليب مقياسو
في مدني السرور ساكن باهلو وناسو
وقت الناس غفت دكين ده فتشو كاسو
ده المسكون بالجمال والهمبريب جلاسو
لو جاتك رضا تقول شراب في كاسو
والزعلت عليهو حرم ببول في لباسو
(ايمو) التقيلة الزينة الفي العلوم بشهادة
ماها العفينة الشينة الفي الرجال مريادة
صيادة الخلوق حرم تقول جبادة
مليانة الصلب ماخاتا ليها وساده ..
| |
|
|
|
|
|
|
|
|
|
Re: شيٌ من العفن (Re: DKEEN)
|
دكين
دار القمر وإدلى تالا الريف
وحوحى الهمبريب لجلاجه هادي ظريف
طريت القنجرت ما بان لي منها طريف
حل المهلة ان كنت في وقافي أقيف
حي دار دكين شقت بروقه خريف
ودودر يتاقي فارد قليبه رهيف
بعد التقلة وتوبو اللابسو نضيف
عادى المهلة شايفو الليلة ماشي خفيف
أب ديساً نزل فوق الكتيفات كيف
بسومو ترومو تلقاه ليك وليف
وإن عافرت العقال مابتلقى قبضة طيف
خاتية المهلة السارحة العافت الكتيف
اوع تكون زعلت
بزعل منك هه
محمد حمد المسافر
| |
|
|
|
|
|
|
|
|
|
Re: شيٌ من العفن (Re: المسافر)
|
دكين
HI
DAKEEN
الليلة القمر من شوفة الجميل متواري
من زولن ظهر باهر عيونه تراري
فرعاً طويل مبين حكمة الباري
لفتاته التقول علماً بهز في صواري
حي دار دكين وشيل ليه من أخباري
قول ليه الجواب منك تجيبه قماري
اديها التمام خاطراً سريعاً طارئ
والقول الزمان ياريتك تكون طاري
سوداني المساير الكنت من دوام بتباري
ويلاقي السلام منك خصوصي إجباري
في خاطرك بسيط وفي خاطره امره كبار
متحسس يكون وات بيه ما داري
أوعك تكون زعلت
بزعل منك هه
| |
|
|
|
|
|
|
|
|
|
Re: شيٌ من العفن (Re: DKEEN)
|
دكين علك طيب
عفن مافي شك ،وعلي حد تعبير الاستاذ صلاح الذين(يطراهو الله بالخير) في
عنهمها الاكليل والانتظار ،(انهم كعفن العانه ينمون) وحقيقه ده عفن
مابعدوا تاني غفن
| |
|
|
|
|
|
|
|
|
|
Re: شيٌ من العفن (Re: DKEEN)
|
تقول العرب عنه قضاء الحاجة ..
وبنقول في دارجيتنا مستراح ..
وأيضاً تقول العرب فلان ذهب إلى الخلاء
وعندنا علان مشى بيت الأدب ..
أما ليك يمكن فرضاً تقول عن هذا الشي من العفن ( سين ) لو غلبك التعبير
زي تبقى (ثم سين عليها )
وهكذا حتى نهاية قضاء الحاجة العفن
وما تنسى تكتب في نهاية البوست
بين المراجع المستخدمة في تأكيد إن فعل السين هذا فعلُ طبيعي تقوم به كل دواب الأرض المكرّم منها بعقلانية أو غير ذلك, بين مراجعك وبين توقيعك السيني ..
ما تنسى تكتب .. حاشية ,
لتوضيح أن ( سين ) تعني ما عنيته لك هنا بسين ,
مع العلم أنو في سبعة وعشرين حرف ممكن تستخدما رمز , ممكن تكسر بيها حاجز( سين ) القراية الهدّت وهدت ود الحلة سطلة
خلّتو يفعل ( السين ) دي ,
وهدتو كمان كمّين زمن ضياع في بعض بلاد عسكر أو غربة عسر إختيار .
بي مناسبة العسكر ,,,
واحد مستجد عمر يومين ,
طيلة فترة وجودو ما إقترب من خلاءات العرب ولا مستراحات بلدنا ,
فكر يخلّل( سينو ) , يبخّرو _من بخار _ أو يتبرع بيهو لحفر أي ترعة ,
ولما غلب حيلة قاصد السلك ,
وما علم إن سلك المعسكر مربوط أساساً كساتر من قارس الشتا
وكحامي من قاهر تفكير المستجد بإن ينعم بلحظات في عالم مستراحات الملكية لو فكر يقد السلك
قاصد المستجد عمر يومين ,
المستجد لاعن عاتر حظو واليوم الخلاهو يفكر يقرا ونهاية قرايتو تكون مستجدية واستجدا لي بكرة غياب ,
قاصد سلك حوش العسكر وقرر أن يسميها خلاء , ولسوء حظو ولعثر حظو مرة تانية , صادف الرقيب النوبتجي بعد أن شرع في فعلته ,
تمت إعلان ترقيته إلى حكمدار خلاءات المعسكر ونال شرف الإشراف على نظافتها لوحده إلى حين التخرج ولم يتخرج ,
لعن القراءة وقضاء الحاجة والعسكرة في حكم العفن
ذاك الشي من الزمن
شارب بولو
| |
|
|
|
|
|
|
|
|
|
Re: شيٌ من العفن (Re: DKEEN)
|
شلال وطاح بي خربة_ مثل تونسي
شلال: بوال خربة:خرابة طاح: عثر
احلت البورد إل مصنع أمونيا /نشادر
أخشى أن يازمك بكري بإرنداء دايبارزDiapers
جني
| |
|
|
|
|
|
|
|
|
|
Re: شيٌ من العفن (Re: DKEEN)
|
دكين ود ضحوية
ليس هذا طلبا .. بل قرار صادر من هيئة راس الحفيان فرع الرياض بأن تعود فورا ( بشيء من الجمال )
| |
|
|
|
|
|
|
| |
اساسي
jini
Muhib
Abdel Aati
المسافر
ابو جهينة
Rawia
صديق الموج
Ahmed Al Bashir
حسن الملك
فيس بوك
تويتر
انستقرام
يوتيوب
بنتيريست