|
|
 Re: يا اهل كجبار... لا تصدقوهم... لا تصدقوهم... مطلقا....! (Re: Asskouri)
|
| Quote: ليس غريبا ان يقول الوالي ان ( سد كجبار هو المخرج الوحيد للمنطقه)... لقد سبق وان قالوا هذا عن خزان مروي.. ولكن ماذا حدث...!؟ |
ياجماعة والله خلاص زهجنا من الكلام الكتير ..
النيل دا مش من (المنبع الى المصب ) بس ناخد مقطع من الرصيص لغاية الدلتا..
وتعالوا نقيس المسافة في ذهننا ( جنوب وشمال السد العالي ) يعني من الرصيرص الى السد العالي ومن السد العالي الى الدلتا..ثم المصب !!
(1) لو افترضنا ان هنالك جنوب السد وشمال السد وجهة متضررة وجهة مستفيده
في كام سد مقترح شمال السد العالي ...!!!! ليه الناس دي حاطه عينها على مناطقنا النوبية " كلها جنوب السد " وسبحان الله وحتى المناطق التي اصبحت شمال سد مروي والمفترض انها تستفيد .... اصبحت مستهدفه بقيام خزانات وسدود واغراقات !!! يعني هتكون جنوب كجبار ... والى هتكون شمال كجبار هتكون جنوب ( دال ) سدود واغراقات .. وتقولوا لينا مشاريع تنموية ..
طيب كلنا عارفين ان الاتفاقيات "المنيلة " ما يتدي السودان حق في اقامة ( بابور اربع بوصة) في مناطق جنوب السد العالي ... نقوم نصدق ان الخزانات المقترحة تكون عشان تنمية المنطقة .. طيب وينها المنطقة دي ..عشان تنميتها...يعني نقول عشان كده كان قرار مصادرة الاراض لصالح هيئة السدود... - "نرجع ليه بعدين"-
ولو قلنا ان التنمية ممكن تجي من توليد الطاقة الكهربائية ... السؤال البديهي
وين حقنا من كهربة السد العالي الى وصلت تركيا .. ورايحة لغاية المغرب...
ثم خزان مروي الى ما هتفيد مناطقنا ( شمال السد) لا تمنية ولا كهرباء اصلا قامت ليه ..
نجي لكلام المهندس والى والولاية المهندس ميرغني صالح .. وهو عارف قصة قرار مصادرة الاراضي بتاع اسامه .. والمذكرات والاحتجاج .. وكمان المهندس محمد بخيت (تمنية ارض النوبة) ودراساتهم بتقول غير كده .. ومذكرة مجموعة "حسم النوبية " الى وقتها اتريق بيها احمد ابراهيم الطاهر رئيس المجلس .. على النوبيين .. كل الكتل والقطاعات والكيانات والروابط النوبية بتعرف مصلحتها مش عاوزين اوصياء لان زمن الوصاية خلاص انتهت .. حتى وقتها ماكان علينا اوصياء ..
المهم الكلام كتير واللخمة ضاربة... و الناس ديل وصل بيهم الحال الى مرحلة عدم احترام العقول ... ومستهترين بينا شديد .. والله لو ما عرفو قدرنا دي تبقى مشكلتهم !! بس نقول والله العظيم "همن الخسرانين " ..
احنا بنعتقد وشوف بنعتقد دي بتاعتنا اقوى من اي كلام تاني مكمن تقولها جهات تانية .. اننا بنقدر نفهم ونميز ... يعني يجونا بارقام ودراسات ... ونتفاكر ونقارع الحجة بالحجة.... مش عاوزينهم بالاعلام والدعاية والكلام المعسول بتاع زمان...
الاماني السندسية والوعود التنموية كل السودان شبع منه من ايام الانتخابات .. (هنمل زلط في زلط )!! شريان الشمال المدفوع من جيوب مغتربي الشمال ما وصلهم ..
ووعود الكهرباء والموية .. " حلفا" غرقت بمياه السد العالي ما عنها لا موية ولا كهرباء وبعد اربعين سنه ... عاوزين يلعبوا معانا بنفس الاسلوب!! ممكن !!؟؟
اها خدوا من كلام ... انا مسؤول منه (مناطقنا النوبية مستهدفة بالاغراقات ) ودي حقيقة تلمسناها منذ اربعين سنه واعلناها وما في اي حل الا برفع الظلم والغبن واحنا بنقاوم بوسائل حضارية .. ومش اصوات طلقات ومدافع و كلام وهرجله .. دراسات وارقام وشواهد .. ومستعدين نجالس اي جهة بوثائق ودراسات واكرر اي جهة يعني مراكز دراسات .. حتى المنظمات الدولية نقدر نقارعها بالحجج الدامغة وكفاية كلام .. ودعاية ..عاوزين دراسات تؤكد مش كلام ...
|
|
 
|
|
|
|
|
| |
welyab
فيس بوك
تويتر
انستقرام
يوتيوب
بنتيريست