نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي..
|
إحتـلّ المرتبة الثانية في مهرجان ميلاد الأغنيات بعد الهادي الجبل، ذاك المترع بالإبداع..فوق الثمالة و حتى النخاع..
و يتنافس في المهرجان عشرات المطربين بأغاني جديدة..
كان أبوبكر من نجوم مهرجان العام الفائت أيضـآ..
عرّفني عليه الفلتة إسماعيل الإعـيســر..على طاولة غداء بائس بكافيتيريا الفنون الشعبية قبيل رمضان ببضعة أيام..أمسك بالعود و ترنـّـم ليدوزن أوتاره فصار صديقي فور الطرب..و بعد ذلك أصبحتُ من حاشيته..كلما سمعت أنه سيغني في (بكان)..سعيتُ له سعي متعطـّـشٍ للطرب..و هو لا يخذل الأسماع و الوجدان أبدآ..أبدآ..زي أعزّ اتنين حبايب..
أبوبكر سيد أحمد .. عدا مواهب التطريب و معرفة تكنيك الغنا ..و كلام ناس موصلي و عادل التجاني و عمر بانقا..هو ملحـّــن بارع..ظهر بأغنياته فنانون جدد كثر في مركز الخرطوم جنوب للغناء..هو من أبناء مدني..و استقر بالخرطوم قبل بضع سنين.. يقوم بتلحين بعض أعماله بنفسـه..هذا فضـلآ عن المعرفة بالأدب عمومآ و الشعر الغنائي تحديدآ..أوزانه..جرس موسيقاه..عمق معانيه..و يستطيع بحذق تبيين جماليات الشعر، و هو أمرٌ لا ينازعه فيه أكثر المطربين، لذا فإن ميزات أبي بكر سيد احمد كثيرة و ستسهم بحول الله في أن يتربـّـع على عرش الغناء السوداني، بي مهلة، في فترة وجيزة جدآ.
فيه روح مصطفى سيد احمد، و كلاهما من إندينا، فهو دائم التبرع بموهبته لكل المحتاجين و كثير الإنشغال بأعمال الخير لكل الناس..و فيه أيضـآ لمسة التواضع الصوفي و روح الفكاهة و الدعابة..يدخل النادي فيلاطفه الجميع..يلتقي مدير المركز و ســت الشاي بنفس سعة الإبتسامة..
سـأقوم بعد حين بإنزال أغنية هنا بصوته..
و صورة لـه..
لكن مبدئيآ..
قلت أحييه..و أعرّف البعض به..
|
|
 
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
بالأمس كان إحتفال أكتوبر في دار الأمـّــة..
تحدّث ممثلو الأحزاب..و لم يبدع أحـد..بل كان البعض (يخطب) من ورقة!!
و تتبيـّـن أنه يلحــن بيسر محزن!
و ينتهي كلامه باستلام التصفيق البروتوكولي عند نهاية فرصته..
كان ضابط البرنامج يقدم ورقة لكل متحدث يذكـّــره فيها بأن فرصته انتهت!
و جاء دور الشعر..أبدع القدّال..و..هاشم صديق..إنتزعا الإعجاب و التصفيق..
بعدهم..
غنـّـى الفنان أبوبكر سيد احمد..
أكتوبريات حلوة..و غناء وطني أصيل..
و كان الناس في نشوة و حماس..وصلوا المسرح...و بشـّــروا في الصــف الأول..
إنتزع التقدير، و هو به جدير، و حـيـّـا عبدالمجيد إمام..و تحدّث عن دوره في ثورة أكتوبر و دوره في حقن الدماء..ثم عاود صوته الطلي الغناء فأطربنا أخرى..
التحية لذكرى أكتوبر ..و دار الأمـة..و.. الفنان أبوبكر سيد احمد..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
شكرا الطيب بشير
هذا حديث يتناسب بالفعل مع شخص و موهبة الشاب الخلوق المبدع أبوبكر سيد أحمد
كان لي شرف التعرف عليه و الإستماع إليه في آخر زياراتي لأرض الوطن و تشرفت
بأن أقام لي الأحباب هناك جلسة عائلية على أنغام أبو بكر , ياله من مطرب !
هو من أفضل من بإمكانهم الحفاظ و التغني بأغنيات الفقيد مصطفى سيد أحمد
و تتشابه خصائصم الذاتية في الكثير ,
تحياتي له و ل( عماد عبيد) و (خالد) و (مصطفى ج. الدين ) و لك
أتابع معك
و كل عام و أنتم بخير
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: Elmuez)
|
الطيب بشير
كل عام و أنتم بخير
في اللقاء مع وردي في العيد و الذي اداره الأستاذ حسن ساتي و الذي لم اتمكن-للأسف- من مشاهدته كاملا...غنت أسرار بابكر من أغنيات الأستاذ وردي...و بعدها غنى الشاب الأسمر و هو يعزف على العود توعدنا و تخلف بالصورة..و يا للأبداع... هذه الأغنية أكتست الوانا زاهية و حلقت في سموات لم تصل اليها من قبل..و أقسم أن وردي كان منتشيا و فخورا و هو يستمع لذاك الشدو الجميل.
بعدهارايته مرة أخرى -في العيد برضه- غنى من أغنياته و أبدع..و في هذه المرة ظهر أسمه مكتوبا على الشاشة للحظات :أبو بكر سيدأحمد.
يا الطيب يا خوي أنا من الليله معاك في رابطة الفنان أبوبكر سيد أحمد.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: سيف النصر محي الدين محمد أحمد)
|
| Quote: يا الطيب يا خوي أنا من الليله معاك في رابطة الفنان أبوبكر سيد أحمد |
اللهم أنصر الرابطة بسيف النصر محي الدين محمد أحمد
و تعرف يا أبا السيوف أن هذه الرابطة تضم أول من تضم الفنان محمد وردي نفســه!!
أي و الله ..هو من أوائل الذين أشادوا بموهبة الفنان أبي بكر الفذّة..لكني ما رأيتُ أن أبدأ بإشادته هذا البوســت أو أجعلها في العنوان لأن أبابكرآ لا يحتاجها، بل هو الذي سيصنع جمهوره و يقنعهم بأدائه و روعة ذاته التي تتبدّى في عذاب المغني..الإختيار..التلحين ..الأداء بكل ذياك التطريب البادي التميّز.. و من ثم تعاملاته الراقية مع جمهوره و خاصـّـة أصدقائه..
أنا لم أتابع السهرة التي عنيت..كنت في طابت مع برامج المدايح و النوبات..لكن كلـّـمني عنهاأبوبكر..و استمعت لأغنية (توعدنا و تبخل بالصورة) في خيمة الصحفيين يوم استضافة الوزيرة تابيتا بطرس، و هي أيضآ فاجأتني بعيدآ عن السياسة بأشياء جميلة كثيرة، و أنا معك أستمتع بالأغنية حدّ الثمالة..
أرجو أن تقبلني في الرابطة التي اقترحــت لحبيبنا أبي بكر سيد احمد..
تحياتي
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: Elmuez)
|
| Quote: هذا حديث يتناسب بالفعل مع شخص و موهبة الشاب الخلوق المبدع أبوبكر سيد أحمد |
شفت يا المعز قـصـّــة (خـلـوق) دي ياها المكسـّـرة الناس!!
طبعآ الصوت الجميل و سائر الإمكانات تخلق (مطرب) رائع، بلا شــك، لكن الفنان البيدهش الناس هو اللي بيكمل اللوحة دي بسماحة الروح و باللطف البائن الذي تفضلت بوصفه أنت هنا ..
إن شاء الله نبلغو تحياتك..و للشباب الباقيين برضــو..و لو فاتتنا عطلتك السنة دي نقابلك ان شاء الله في العطلات الجاية..و برضو بيكون بيناتنا أبوبكر سيد احمد..
تقديري لك..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
الطيب
حامل المسك الطيب
كيف حالك ياخى وعساك شديد
والشوق كتير والله
والله يا الطيب وما طالبنى حليفة، إتمنيت أكون فى البلد عشان نلاقيك ونشوفك
وبرضو نتبرك بيك
تعرف يا الطيب
من ايام العيد كلها والله
ما طلعت بى حاجة "عليها الرك"
غير أبو بكر سيد أحمد
طوالى ومباشرة والله لفت نظرى، وإنت عارفنى أنا مهووس بالغنا السمح
والله لما غنا
الزهور اليانعة فى داخل خميلة
فتحت عن اكماما عن الوان جميلة
والله كان ماش يجننى
كان قاعد مع أمين زكى وعمر النقى
الزول ده ما عادى أبدا
عشان كدا نحن بنريد السودان، لأنه فى كل يوم جديد بمرق لينا ناس مبدعين
ونرتاح ونزيد قناعة إنه البلد حبلى ومليانة وواعدة بالحاجات الجميلة البتدى الحياة طعم أجمل
التحية والإنحناءة لى أبوبكر
وليك
| |
|
|
|
|
|
|
|
|
 Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: أبوذر بابكر)
|
العزيز الطيب البشير ..
عودا حميدا .. وكل سنة وإنت بالف خير ..
من لفت انظار كل هذه المجموعة بهذا البوست التي لا اشك مطلقا في أنها تجيد التنقيب والبحث في كيفية الغناء .. وكيفية اختيار الفنــان حسب كل المعائير والفنيات المختلفة ... لابد وأن يكون جديرا بكل هذه الحفاوة وهذه الشهادات في حقه .. وفي بالي كل ما قاله عنه العملاق محمد وردي في تلك الأمسية التلفزيونيه عندما صدح ابوبكر سيد احمد برائعة وردي ( الصــورة ) ... فكان عملاقا آخــر يوعدنا بالكثير ..ليبتدي منه جيل آخــر يتبنى خط الغناء على اصوله..
غايتو أنا في الغناء دا عندي قاعده ثابته .. يا إما بتعرف تغني يا ما بتعرف تغني ,, مافي حاجة في النص كدا ..
ابوبكر سيد أحمد دا بيعرف يغني .. غناي بالجد .. بالجد.
الملف المرفق .. قام يتنزيله الزميل الباشمهندس abubakr .. ما أحلى ساعات اللقاء...
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: ترهاقا)
|
| Quote: وعليك الله اقرا إنطباعات وردى والاخ ده بيغنى ، شكله كان بيتمنى إنو الزول ده يغنى ليهو غنا جميل لكن الراجل خزله |
يا ساطــور .. كيفك .. وكيف علاء وامو ..؟
اريتك كان حضرت الحلقة دي في ايام العيد ..
غنت اسرار بابكر المستحيل .. وغن ابوبكــر الصورة .. وديل كلهم بحضور الأستاذ محمد وردي ..
اتفق معاك إنو غناء الأستاذ سمح في خشم سيدو .. وبيعرف ليهو كويس ..
لكن في الحلقة دي بالذات .. لأول مرة اشوف وردي يتحدث عن شخص بإطراء .. ويستمتع ويصفق بعد الغناء
وبالمناسبة وردي قال إنو الجـاب ليهو الخبر بتاع إنو في زول بيغني كويس .. إبنو ( مظفر ) على ما اعتقد .. ولو ما وردي مقتنع يا ساطــور إنت سيد العارفين .. كان ممكن يوقفو في أول ( مــازورة ) ..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: tmbis)
|
يا هـلا تمبس
| Quote: .. لأول مرة اشوف وردي يتحدث عن شخص بإطراء .. ويستمتع ويصفق بعد الغناء |
أيوااا..دة الكـلام..
هذا يـؤكـّـد ما نزعم من أن أبابكرآ هذا مقنع
بدليل أن "صاحـب الزبدة" أثنى عليه بما هو أهلٌ له..و صفـّـق عند انتهاء الغناء
جميل يا علاء
| Quote: وبالمناسبة وردي قال إنو الجـاب ليهو الخبر بتاع إنو في زول بيغني كويس .. إبنو ( مظفر ) على ما اعتقد .. |
شفت الكلام دة كيف..
أول شيء هو خبر يتناقله الناس
و أن من نقله لوردي هو إبنه مظفر
و أن الخبر (زول بيغني كويس)...و تـيـّــب؟؟!!
| Quote: ولو ما وردي مقتنع يا ساطــور إنت سيد العارفين .. كان ممكن يوقفو في أول ( مــازورة ) |
وردي يوم زعلو يا علاء إن شا الله ما نكون في وشــّــو..
سمعت يوم عصام محمد نور قال:
وقفوا الغنا ع شان صلاة المغرب
.. و.. وردي رفض؟؟..
أها قام عصام محمد نور نفض يدو بي زعل و مشى على الجامع..
وردي ببساطة قال "في الميكريفون"..هـو دة منو دة ذااااتو؟؟..
مع تحفظنا على موضوع صلاة المغرب و التفاصيل، لكن الشاهد أن وردي عندو كبير الجمل..و أنه لا يجامل..فطالما أنه أثنى على أبي بكر و صفق له..فهذه شهادة ما بعدها..
لأنو كان ممكن يقول أي شيء..أي شيء على الإطلاق..
تحياتي يا تمبس..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: ترهاقا)
|
مرحبتين ملك البلاد طهرقة العظيم
و الله يا أحمد ساطور أنا أحترم رايك، جدآ بالمناسبة، و أنت عندي فنان كبير و أنا معجب "غصبآ عني" زي ما قال قريبك، أو مما يـُـنســب له، و أريدك أن تسمع الفنان أبابكر سيد احمد برواقة..و أنا أثق في تقديرك و لك حق رفضه، بالطبع، و يمكنك أن تقول فيه أكثر من الذي تفضلت به حتى الآن..أنت فنان و هذا مجالك نـتـقـحـّـمه نحن بالإحساس و تسبقنا فيه أنت بألف ســنة ضوئية..
لو سمعت أبوبكر دة بالمهلة كدة..و كتبت شهادة صادقة فيهو..أنا قبلان بي حكمك طــب..
| Quote: اخوى الطيب غنا محمد وردى ده يغنيه هو زاته وبس |
دة كــلام صاح..و حتى عندنا في طابت جمهور أحمد الطيب لا يحب سماع أغانيه من عماد إبنه..
أنت و الفنان الكبير محمد وردي بينكما ما بينكما من علاقات عميقة و تجد عندنا كل تقدير و احترام، ربما تجعلك ترفض أن ترى له مقلدآ..أحب أطمئنك، جدآ، أن الفنان الرائع أبابكر سيد احمد لن يمكث في مرحلة التقليد أكثر مما مكث فيها محمد وردي نفسه!! و عما قريب ستجد الفنان المدهش أبوبكر سيداحمد ملء السمع و البصر..و ح يعجبك يا ترهاقا..خـذ عني..
أهلي طيبين و بألف خير..و العيال اتعودوا على السودان، الحمد لله، أبلغ تحاياي لأهل بيتك ..و كل عام و أنتم بألف خير..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: ترهاقا)
|
Quote: غنا محمد وردى ده يغنيه هو زاته وبس
|
الاخ الطيب بشير
تحياتي
ليس تقليلا من شان الفنان ابوبكر سيد احمد ، قد تكون خامة صوته قوية لكن من خلال متابعتي للقاء الاستاذ وردي والاغاني التي قدمت بصوت ابو بكر سيداحمد واسرار بابكر اتفق تماما مع رأي ترهاقا انه غنا وردي ما بينفع يغنيهو غير وردي وبس
زي ما قلت ليس تقليلا لامكانياتهم الصوتية والفنية ممكن يجيدوا اداء اغاني اخرى تماما ،لكن صراحة اغاني وردي لها ميزتها اللحنية والموسيقية البتخلي من الصعوبة انه يمكن تلقيها بنفس السهولة من اي فنان سوى وردي نفسه
| Quote: غنت اسرار بابكر المستحيل .. وغن ابوبكــر الصورة .. وديل كلهم بحضور الأستاذ محمد وردي .. |
الاخ تمبس
حسب راي البسيط اسرار بابكر لم تجيد اداء اغنية الارادة غنتها بصعوبة شديدة لدرجة انه الاغنية نفسها قربت تضيع ملامحها
برضو بقول ممكن اسرار او ابوبكر سيد احمد يؤدوا اغاني تانية باجادة عالية ، لكن اغاني وردي تحديدا بتحتاج لاسلوب خاص يصعب توفره في اي فنان
| |
|
|
|
|
|
|
|
|
 Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: maia)
|
| Quote: ليس تقليلا من شان الفنان ابوبكر سيد احمد ، قد تكون خامة صوته قوية لكن من خلال متابعتي للقاء الاستاذ وردي والاغاني التي قدمت بصوت ابو بكر سيداحمد واسرار بابكر اتفق تماما مع رأي ترهاقا انه غنا وردي ما بينفع يغنيهو غير وردي وبس |
..| Quote: ،لكن صراحة اغاني وردي لها ميزتها اللحنية والموسيقية البتخلي من الصعوبة انه يمكن تلقيها بنفس السهولة من اي فنان سوى وردي نفسه |
.. سلامات يا مايا..
بالنسبة لي ابوبكر سيد أحمد عندو الخامه الصوتية البمتاز بيها .. وطبيعة الغناء البتتوافق مع امكانياتو ..
محمد وردي ربما بيغني بي عمر ابوبكر سيد أحمد .. مرت مراحلو الصوتية بعدة سنوات واتشكلت اسمعي وردي زمان .. ووردي الآن .. امكانية وردي الصوتية الآن غير أمكانية وردي الصوتية قبل تلتين سنة .. وفي كل المراحل دي اطلاقا ما راح يتطابق صوت ابوبكر سيد أحمد مع وردي ولذلك يا مايا ما نحكم بي حتمية تطابق صوت ابوبكر مع صوت محمد وردي .. لانو لكل بصمة صوت محددة .. وردي مدرسة لا يمكن أن تتكرر إلا بواسطة وردي .. وأنا القدامك دا .. ضد فكرة التقليد بي كل الجهات
لو كانت مقارنتك فيها محاولة التقارب بين صوت ابوبكر وتقليد لصوت وردي .. أنا بتفق معاك انو مافي مقارنة ودا لصالح صوت وردي .. لكن ابوبكر تغنى بملته الخاصة .. كما تغنى وردي بملكته الخاصة وهنا التميز .. اتفق معاك في غناء وردي له ميزته الخاصة لكن اختلف معاك في إنو برضو ممكن نسمع لي وردي من اصوات تاني .. فيها كل المقومات الموسيقية الممكن تقنعنا .. من تطريب .. إلى باقي الملكات التانية .. علشان كدا قلت لي الطيب البشير الغناء دا بالذات ما فيهو في النص .. يا بتعرف تغني يا ما بتعرف تغني ..
| Quote: حسب راي البسيط اسرار بابكر لم تجيد اداء اغنية الارادة غنتها بصعوبة شديدة لدرجة انه الاغنية نفسها قربت تضيع ملامحها |
بالنسبة لي اسرار برضو يا مايا عندها طريقته الخاصة في الغناء الخاصة بيها .. والبتتوافق طبعا مع صوته .. وشخصيا يا مايا عجبني اداء اسرار برضو لي اغنية الإرادة .. واكيد بيكون لاقى استحسان البعض وبنفس الطريقة ما راق للبعض ..
ربما يكون استماعك لوردي .. بشكل مكثف والتعود على صوت وردي بملامحو الخاصة خلق نوع عدم قبول لتعاطي اي من أعمال وردي .. بغير وردي .. ودا شئ طبيعي برضو ومتواجد عند الكثيرين البيعرفو القيمة الحقيقية لمحمد وردي .. وبتعصبو للجميل الموجود في محمد وردي ..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: maia)
|
العزيزة مايا
مرحبتين و الله ..و العيد السعيد يزيد فرحك بالكتير
أنا سعيد بمداخلتك، بشكل خاص، و بتمنى إنو نسمع منك المزيد عن أبي بكر و عن تجاربه في غير غناء وردي..و في أعماله الخاصة..
زي النقاش بقى..هل أبوبكر بيقدر (يقلـّـد) وردي؟..أم لا؟!!
طبعآ دة ما قصدي أنا من الكتابة عن أبي بكر..
و لا أظنو هدف الفنان أبوبكر سيد احمد من الظهور كفنان مترع الأحاسيس
هي تجربة من بين تجارب أخرى كثيرة
يعني لمن غنـّـا في دار الأمـة (أنا سـوداني)..ما كانش بيقلد العملاق حسن خليفة العطبراوي..و لمن أبدع في (تباريح الهوى) في ألبومه الأخير لم يتقمـّـص أداء الأوحـد المتفرّد محمد ميرغني..بل هي نزعات روحـه تخرج في أغنية خلـّـدها صاحبها بأدائه المتميز..و جاء من بعده من يضيف لها أبعادآ أخرى ببصمة خاصة، و التعبير الحلو لتمبس، و نكهة أخرى متميزة و ليس بالضرورة أجمل أو (أشبه)..بل يكفي كونها أخرى..زي وردي لمن غنـّـى (حتى الطيف رحل خلاني)..أو زي ود اللمين لمن غنى (مكتول هواك يا كردفان)..أو كابلي في شريط كاااااامل لأغنيات حسـن عطية..و تجربة زيدان و خالدي لأغاني الراحل المقيم الشفيع ...و زيدان في (يا خائن) و...و...و...
أبوبكر أحدث ســنآ..و..تجربة
لكن نحســب أن خطه هو هذا..
و ليس غايته التقليد بأية حال من الأحوال
هو عندو شريط في السوق أظنو نفد أو في آخرو ..لكن لو نزّل شريط جديد أبقي أسمعي غناهو الخاص و تجاربو في أغاني غير وردي..
شكرآ ليك كتير..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
Quote: زي النقاش بقى..هل أبوبكر بيقدر (يقلـّـد) وردي؟..أم لا؟!!
طبعآ دة ما قصدي أنا من الكتابة عن أبي بكر..
و لا أظنو هدف الفنان أبوبكر سيد احمد من الظهور كفنان مترع الأحاسيس
هي تجربة من بين تجارب أخرى كثيرة
يعني لمن غنـّـا في دار الأمـة (أنا سـوداني)..ما كانش بيقلد العملاق حسن خليفة العطبراوي..و لمن أبدع في (تباريح الهوى) في ألبومه الأخير لم يتقمـّـص أداء الأوحـد المتفرّد محمد ميرغني..بل هي نزعات روحـه تخرج في أغنية خلـّـدها صاحبها بأدائه المتميز..و جاء من بعده من يضيف لها أبعادآ أخرى ببصمة خاصة، و التعبير الحلو لتمبس، و نكهة أخرى متميزة و ليس بالضرورة أجمل أو (أشبه)..بل يكفي كونها أخرى..زي وردي لمن غنـّـى (حتى الطيف رحل خلاني)..أو زي ود اللمين لمن غنى (مكتول هواك يا كردفان)..أو كابلي في شريط كاااااامل لأغنيات حسـن عطية..و تجربة زيدان و خالدي لأغاني الراحل المقيم الشفيع ...و زيدان في (يا خائن) و...و...و...
أبوبكر أحدث ســنآ..و..تجربة
لكن نحســب أن خطه هو هذا..
و ليس غايته التقليد بأية حال من الأحوال
هو عندو شريط في السوق أظنو نفد أو في آخرو ..لكن لو نزّل شريط جديد أبقي أسمعي غناهو الخاص و تجاربو في أغاني غير وردي..
|
الاخ الطيب بشير
اكيد ما القصد من المداخلة تحويل البوست لنقاش حول هل اجاد الفنان ابوبكر سيداحمد تقليد وردي ام لأ!! لكن جزء من الكلام جا من خلال تناول مشاهدة الناس للقاء وردي وغناء ابوبكر سيداحمد لاغنية وردي
فطبيعي الناس حتتناول تجربته في غنائه لوردي حتى لو كانت من خلال اغنية باعتبار انه اغاني وردي صعبة الاداء وبتحتاج لامكانيات صوتية كبيرة ، ومن خلالها ممكن تحكم على خامة صوته كيف !
اتفق معك ومع الاخ تمبس ، انه المسالة ما تقليد ، لكن هي بصمة خاصة بصوت الفنان واحساس في المقام الاول بيصل للمستمع بسلاسة
ولم اقل انه مقلد او قلد وردي ، مرات كتيرة ممكن فنان يغني لفنان اخر بدون ما يقلده وبرضو ما يعكس الاحساس الخاص للاغنية ، يعني ممكن تضيع معالم الاغنية نفسها
و للفنان ابوبكر سيداحمد التقدير لانه اي اضافة جيدة للفن السوداني يجب احترامها.
ولك تقديري
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: tmbis)
|
أهـلـين حبيبنا علاء تمبس، ملك الميديا المتوّج
و الله يا تمبس لولا أني ضـد فكرة كتابة ماسنجر لأجل بوســت لطلبتُ منك الدخول و الكتابة هنا..لكن أهو جابك أبوبكر بروعته و سماحه الشامل..رأيك يا علاء مهم جدآ..لا يقل عن مشاهير الطرب و أساطينه ..و شكرآ أن أتيتني به هنا..و جميل أن أبابكر أقنعك حد الطرب..
| Quote: من لفت انظار كل هذه المجموعة بهذا البوست التي لا اشك مطلقا في أنها تجيد التنقيب والبحث في كيفية الغناء .. وكيفية اختيار الفنــان حسب كل المعائير والفنيات المختلفة ... لابد وأن يكون جديرا بكل هذه الحفاوة وهذه الشهادات في حقه .. |
هو و الله كذلك..
جدير، بالحــيل، بهذه الحفاوة
و هي مسألة وقــت فقط، برأيي، قبل أن تملأ روعة أبي بكر كل أسماع السمحين
و معك أحيي كل ضيوف هذا البوســت الذين تنادوا لأجل المرهف أبي بكر..
| Quote: .. وفي بالي كل ما قاله عنه العملاق محمد وردي في تلك الأمسية التلفزيونيه عندما صدح ابوبكر سيد احمد برائعة وردي ( الصــورة ) ... فكان عملاقا آخــر يوعدنا بالكثير ..ليبتدي منه جيل آخــر يتبنى خط الغناء على اصوله.. |
و طبعآ معروف أن الفنان الكبير محمد وردي لا يشهد بالسهولة، أو بصعوبة، لأحـد لا يسـتحق!!
لهذا فقط تأتي أهمية شهادته..
و أعجبني وصفك أبابكرآ بالعملاق القادم بقوة..لعل هذا يعطي الشباب أملآ في أن محطات الحقيبة و الكاشف و وردي و مصطفى سيدأحمد، على جمالها، إلا أن ارتيادها ممكن و متاح..و..على الأقل..حلم مشروع..
Quote: غايتو أنا في الغناء دا عندي قاعده ثابته .. يا إما بتعرف تغني يا ما بتعرف تغني ,, مافي حاجة في النص كدا ..
ابوبكر سيد أحمد دا بيعرف يغني .. غناي بالجد .. بالجد. |
موش كدة بالله؟؟
مسك الغـُـنا دة يقـعـّــد فيهو..قعـّــدك..قعـّــدك..لمن أطرب الناس البيعرفو السمح..أها دة قـصـّــر؟؟..
أبدآ و الله..
تسلم يا حبيب على اللنك..
بوسـت ناس ممكونة دة شكلو فيهو غنا..
أنا لا شايف لا سامع..
و ما عارف هل دة من السودان..و الله من جهازي
لكن الله في..
لك الشكر..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: أبوذر بابكر)
|
الحبيب أبوذر بابكر..المطر ..و.. الخير ..و..الدعاش
أتنفسـّــك مـلء البورد عافية..و أرحـّـب بهطولك في هذا البوســت
Quote: والله يا الطيب وما طالبنى حليفة، إتمنيت أكون فى البلد عشان نلاقيك ونشوفك
وبرضو نتبرك بيك |
و أنا لأول مرة أشكر بخل الزمان و الخرطوم!! ما كنتُ لأطـيق لقاءك و صلاح شتات في نفس العام..كنت simply راح أموت فيها..و أنا زول أبو عيال ..خلينا نوفـّـر هطولك فوق قفر حياتنا لعطلتك القادمة..و نتبرّك نحن بي وجودك إذا خطب النسيم و قال إنك في الطريق.
Quote:
من ايام العيد كلها والله
ما طلعت بى حاجة "عليها الرك"
غير أبو بكر سيد أحمد
طوالى ومباشرة والله لفت نظرى، وإنت عارفنى أنا مهووس بالغنا السمح
|
و الله العيد عندك
طبعآ شهادتك للفنان أبي بكر تأتي قوية لكونك خبير..و ما ينبؤك مثل خبير
هنيئآ لك الخروج بكل هذا (الرّك) من تلفزيون السودان ..و ان شاء الله حبيبنا أبوبكر يظهر في سماء الإبداع و يقنع، بي حـقـّــو، كل من يستمع إليه..
Quote: والله لما غنا
الزهور اليانعة فى داخل خميلة
فتحت عن اكماما عن الوان جميلة
والله كان ماش يجننى
|
لأ..لأ
أبوبكر بريء من ذهاب عقلك ذاك المهتريء..
إنت أصلآ مجنون..من بدري..
و تفرّقت المسؤولية الجنائية لعقلك، هذا الذي تريد أن تحاسب به أبابكر، بين عيون عسلية في جهة من الوطن..و خدود أسيلة خارج مضارب العربان..و قوام ممشوق ترقص قامته الفارهة بنغم مترع بالزغـني و الإنجيرا فيها دليخ خفيف ..
قال (ماشـي) يجنني..قال..
Quote:
الزول ده ما عادى أبدا
|
آآي و الله يا أباذر..أديتو حقو طــب..و ريحت بالي..الله يريح بالك
هو بالجد مااااا عادي..
الله يحفظو..و يحفظك..و يحفظ كل مبدعي بلادنا السمحين
و معك أردد، في آخر إقتباس لكلامك المن حلاوتو اقتبستو كلو، و أكرر قولك..
Quote: التحية والإنحناءة لى أبوبكر
|
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: سمندلاوى)
|
ألــف أهـلآ بالفنان الموسيقار الرائع بكري السمندلاوي
و الله منوّر و مشـرّف..و يعود عليك بالهنا و الســرور..
Quote: تحية واعجاب بهذا المقدم القوى وابوبكر ذا الصوت
القوى الرنان مزين بالتطريب والحليات البراقة يكاد
سناها يضئ ماحوله من اداء وتفاعل ولعب بالكلمات
العذبة,, |
و بقولك تنتقل الشهادات نقلة نوعـية هائلة الأهـميـة..كلامك سمح..و أنت تقاسمه الإسـم (أبوبكر) و تشاركه المزيكا و تتسابقان في روح الإخاء الإنساني المعافى..و الله أسعدني كلامك الدقيق عن صوته ووصفك له بالقوة و الرنين و مقدرات التطريب..و نتمنى أن يقرأ الفنان أبوبكر سيد احمد هذا البوسـت قبل أن نخبره به ليرى بأم عينه وصفك لأدائه و إطراءك على تفاعله بالكلمات و انفعاله بها.
Quote: تحية واعجاب مرة اخرى لابى بكر ولك عزيزى!
تسلم ياحبينا على الطرب |
نحييك بأحـســن منها..و نبادلك إعجابآ بمودة و ريد..
و الطرب يا صديقي ينتظركم فاردآ شغاف وجدانه..فــ..هل من عودة تاني؟؟..أم هي مستحيلة؟؟..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: عبد الدائم سيد أحمد)
|
سلام الطيب بشير ..
وكل سنة وانت طيب..
ابوبكر ممكن يكون فنّان له مستقبل..
وينقذنا من براثن المتفنّنين..
وممكن يكون فنّان مطّلع ومثقّف..
وكله مكسب للسودان ..
بس معليش.. أغنية الصــورة -بكل كرم وأريحية- اديهو فيها تقدير مقبول.
____
يا تمبس..
وردي قاعد.. وممكن يبتسم ويصفق (في الآخر الأغنية أغنيته )..
لكن في راسه بيكون في كلام تاني.. (واسألوا استاذ ساطور)
____
أسرار..
اغاني وأغاني كان إختبار قاسي لإمكانياتها..
يرجى منها.. بس تحتاج لدروس في تقنيات الصوت
قبل الطيران والتحليق..
| |
|
|
|
|
|
|
|
|
 Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: نجوان)
|
| Quote: اديهو فيها تقدير مقبول. |
الحمد لله رب العالمين والله دي براه عايزه ليها كرامة يا نجوان .. إنو فلت منك بالسهولة دي .. Quote: وردي قاعد.. وممكن يبتسم ويصفق (في الآخر الأغنية أغنيته )..
لكن في راسه بيكون في كلام تاني.. (واسألوا استاذ ساطور) |
.. والله صدقيني يا نجوان وساطور دا هو الكان بيكلمني بي وردي .. أنا مقتنع والله لو ابوبكر دا ما وقع لي وردي .. صدقيني كان عديل كدا قال ليهم يا انا يا ابوبكر دا مستحيل يقعد معاهو .. وفي التلفزيون كمان ..؟
Quote: أسرار..
اغاني وأغاني كان إختبار قاسي لإمكانياتها..
يرجى منها.. بس تحتاج لدروس في تقنيات الصوت
قبل الطيران والتحليق.. |
الزولة دي بتقرا في معهد الموسيقى والمسرح علي حسب الاسم القديم .. لو اصلو في خير في المرفق دا .. ح تشوفي الكتير من اسرار .. علي الكتير العندها دا ..
كدي بلاي راجعي نفسك في بجي منها دي .. دخليها لينا مقبول والباقي بنتمو موية
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: نجوان)
|
مرحبتين يا نجوان
و العيد يعود عليك بتحقيق الأماني العذبة
Quote: ابوبكر ممكن يكون فنّان له مستقبل..
وينقذنا من براثن المتفنّنين..
وممكن يكون فنّان مطّلع ومثقّف..
وكله مكسب للسودان .. |
آآي و الله..شفتي بالتحديد مطـّـلع و مثقف دي من أهم ميزاته..
طبعآ فضلآ عن الصوت البديع و الحـس الختري..
و أستطيع بذل وعــد إصالة عن قناعاتي به و إنابة عن كل معذّبي السودان بأنه سينقذنا من براثن المتفننين ..الذي يعتمدون على الساوند و البجاحة و العرقي ليقيموا حفلهم..
| Quote: بس معليش.. أغنية الصــورة -بكل كرم وأريحية- اديهو فيها تقدير مقبول. |
..مقبول؟؟.. ..مقبول يا نجوان!! إن شا الله ربنا ما يقعدني في class تحت رحمة كرمك و أريحيتك..كما أرجو من الله ألا يكون في مادة الإحصاء!! ..لكن زي ما قال ليك تمبس، و شكلو عاااارفك "فقريـّـة" نقبل منك المقبول كمدخل للوصـول..و موعدنا الطرب.
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: عبد الدائم سيد أحمد)
|
تعالوا الى كلمة سواء
محمد وردى هو محمد وردى
لايتغير ولايتبدل ولايخشى فى الفن لومة لائم.... وتلك حقيقة لاينكرها الا مكابر.
تحبه ....تكرهه... تزهج منه... كل شئ جايز ولكنك مهما أوتيت من قدرة... لن تستطيع تجاوز اغنياته!!
صدق من قال ان عنده كبير الجمل ... ومن يعرفون وردى عن قرب يعرفون ايضا ان الجمل فى احيان كثيرة جدا يكون عند محمد وردى اصغر من السمسمة!!
وفيما يتعلق بفن الغناء خاصة وبفن الموسيقى عامة ... وردى لايجامل حتى مظفر ابنه!!!!
تعالوا الى كلمة سواء
الذى يجد فى نفسه الجرأة لكى يغنى اغنية لمحد وردى وفى حضوره وعلى الهواء مباشرة ...... لابد انه واثق من نفسه ثقتى فى اننى لا أفهم فى الغناء شيئا!!
ابوبكر هذا.. جذب اهتمامى لحظة نقرشته الاولى للعود!!! وعند ناس محمد وردى، كجيل.. فان طريقة نقرشتك للعود هى مدخلك الى الجنة او الى النار!! لا احتمال ثالث حتى الالفية القادمة.
ثم فتح الرجل حنجرته واطلق اولى طلقاته الغنائية!!! الله اكبر ولله الحمد
الرجل احسبه ينتمى الى قبائل العماليق.. وانا لا ادرى.
تعالوا الى كلمة سواء.
قد نتفق او نختلف مع محمد وردى فى شان ادارته لحياته... ولكننا ولابد متفقين فى ان كلمة التقييم التى تخرج من فمه تعادل شهادات الكونسرفتوار والتى تمنح بعد خمس سنوات دراسة بواسطة لجنة تقييم من سبعة او ثمانية جهابذة.... فما بالك لوصفق طربا!!!!! هى الدكتوراه اذن!!!
يا ساطور ياحبيبى
بعد السلام والتحية فان قريبك هذا قد اعطى الرجل شهادة سيتنازع نقاد واساتذة معهد الموسيقى والمسرح خلال الخمسين سنة القادمة لينزعوها منه ولن يقدروا....صدقنى انا اعرف قدرات محمد وردى جيدا.
يا أهل التكنلوجيا
ادام الله عليكم تكنجتكم
هل لى فيكم من يبعثر افئدتنا باغانٍ اخرى للرجل!!! والله قد طال زمنى وانا انظر علنى اعثر على محارة من محارات الطرب والتطريب. ولقد ارهقتُ اليوتيوب بحثاً وقوقلتُ ذات اليمين وذات اليسار ولم اجد سوى قلة من ذوى الحناجر التى تشدك شدا الى الاصغاء... وهو اول مراتب الطرب.. فيما احسب
والفن من وراء القصد
اخوكم
منعم الجزولى
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: Gazaloat)
|
.
و جاء من أقصى المدينة رجلٌ بقامة عبد المنعم الجزولى
قال:
| Quote: الذى يجد فى نفسه الجرأة لكى يغنى اغنية لمحد وردى وفى حضوره وعلى الهواء مباشرة ...... لابد انه واثق من نفسه |
| Quote: ابوبكر هذا.. جذب اهتمامى لحظة نقرشته الاولى للعود!!! وعند ناس محمد وردى، كجيل.. فان طريقة نقرشتك للعود هى مدخلك الى الجنة او الى النار!! لا احتمال ثالث حتى الالفية القادمة. |
| Quote: ثم فتح الرجل حنجرته واطلق اولى طلقاته الغنائية!!! الله اكبر ولله الحمد |
| Quote: الرجل احسبه ينتمى الى قبائل العماليق.. |
| Quote: قد نتفق او نختلف مع محمد وردى فى شان ادارته لحياته... ولكننا ولابد متفقين فى ان كلمة التقييم التى تخرج من فمه تعادل شهادات الكونسرفتوار والتى تمنح بعد خمس سنوات دراسة بواسطة لجنة تقييم من سبعة او ثمانية جهابذة.... فما بالك لوصفق طربا!!!!! هى الدكتوراه اذن!!! |
Quote: يا ساطور ياحبيبى
بعد السلام والتحية فان قريبك هذا قد اعطى الرجل شهادة سيتنازع نقاد واساتذة معهد الموسيقى والمسرح خلال الخمسين سنة القادمة لينزعوها منه ولن يقدروا....صدقنى انا اعرف قدرات محمد وردى جيدا. |
ثم قال:
| Quote: والفن من وراء القصد |
و لسـنا أقل عنك انبهارآ بأهل الكنولوجيا، لكن سنأتيكم بتسجيلاته ان شاء الله غدآ الصبح، أليس الصبح بقريب؟!!
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: Elmosley)
|
مرحبتين أستاذنا موصـلـي..
بركـة الجـيت..
دة الكـلام..
رايك الاستفتاحي دة بداية ممتازة جدآ يا أســتاذ موصـلي..
و طالما الخامة حـلــوة..عوجة مافي طـب..
| Quote: بس انو لصوته شخصية مستقله ده المهم |
الله يخليك..و يعليك يا موصلي...
دة المهم..موش كـدة..أهو شخصية صوتو المستقلة دي الكايسها أنا من الصباح..Academic Jargon
| Quote: بس سمعونا عمل من اعماله التي لحنهاعشان الصوره الاوليه تكتمل |
جـدآ..
هذا المســاء و حتى الصباح ان شاء الله سنكمل إنزال بعض الغناوي..
و انتظرونا..
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: mamkouna)
|
مرحبتين الممكونة..الـ..بالذوق و الجمال مســكـونة..
الفيديو الفي حوشــكـم سمح..و بطن بيتك عامر بالحيل..
تسلمي..
تقديري للمكون و كافة آل مميكين..
الفنان أبوبكر سيد احمد، و الله، يا ممكونة مو داير مني شكر و لا تشكير..
لكن أنا لقيت "حاجة"..و أعجبتني..قلت أكلمكم عنها..تلحقوها..
لو ما أنا عملت كدة..هو برااااهو كان ح يظهر بعد شوية و يملا الدنيا جمال و تعرفوهو..
اتصـنّـتي لي حديثي دة..يمشي و يجي..تقولوا الطيب قال..
العيد مبارك عليك..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
طلعّت روحنا يا ابو الطيب .. انا لى يومين بساسق فى البوست دا عشان اسمع الغنا .. قمت لفيت ليك النت كلو عشان اشوف لو زول منزل ليهو غنا .. اها ياسيد ناس راكوبة ديل عندهم زى كم اغنية كدا قمت فرحت ليك شديد ، بس يا حسرة زيما قالو المصريين (جات الحزينة تفرح ، مالقتلهاش مطرح) طلع لينك فشنك (بالتعبير العسكرى بتاعكم)
اها ياجماعة الزول دا غناى ، دى مافيها اتنين تلاته وطريقة .. وما اعتقد انو فى مجال نعمل مقارنة بينو وبين (الديناصور) وردى /خمسين سنه غنا وتلحين .. زيما بيقول اخونا الله يطراهو بالخير/ ناجى القدسى .. خاصة وانو لسه شخص فى بداية طريقو.
واكيد لو استمعنا لى اعمال خاصة بيهو برضو حيكون حكمنا قاصر لأنو لازال فى بداية الطريق ولكن دا ما بيمنع انو نقول عنو إنّو عندو حس فنى عالى وقدرة على التطريب.
وحأقعد احاحى ليك فى البوست دا يا الطيب لغاية ما تجيب الغنا المدكنّو دا
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: bushra suleiman)
|
.
الحبيب الغالي ..بشرى سليمان
و الله متابعتك للبوســت دة في حـد ذاتها شـرف لي و لأبي بكر..
و بالطريقة دي أنا راح أحســدو..
| Quote: اها ياجماعة الزول دا غناى ، دى مافيها اتنين تلاته |
يتباركن أيامك..
حسـمت الموقف ..
دة كلام الشعراء و نحن نتبعهم ..
| Quote: عندو حس فنى عالى وقدرة على التطريب. |
باقي ليك دي موش أهـم حاجـة؟..
و يعجبني أخرى أن تتطابق الآراء حول حسه الفني و مقدراته على التطريب..
و الغنا المدكـّــن جاييك يا محروم
بس روق..
تقديري يا أمير
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: فتحي البحيري)
|
كل ما شعرت باليأس من تغيير الأوضاع في أمازونيا تظهر لي بارقة أمل ( تغير الأوضاع لا يقصد به نظام الحكم فقط ) بل مناحي حياتنا فبعد اليأس من وجود فن جميل ونظيف لاحظ نظيف دي ( لا لكزس ) لا حواء دكوة . بالأمس في قناة النيل الأزرق حضرت حلقة لفنان إسمو أبوبكر سيد أحمد برفقة الشاعر مدني النخلي صوت يجمع بين تطريب مصطفى سيد احمد وقوة الهادي الجبل وعزوبة أحمد شاويش .اما الكلمات فدي حاجة تانية خالص . عندما ترى مثل هؤلاء الشباب تعرف إن جزور هذا الشعب لا تزال بخير ولم يصلها التلوث بعد وتعلم أن هناك أناس مثلك لا يزالون يقاومون ولا من خلال الكلمة المغلفة كل الغثاء المطروح في مختلف مناحي الحياة . كم تمنيت في تلك اللحظة لو أنني أملك تلفونات الجميع لاطلب منهم إدارة قناة النيل الأزرق . فيا محمد لا تحزن إن الله معنا
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: فتحي البحيري)
|
الحبيب فتحي البحيري
كان رائعآ أن ألقاك يومها بالبشير الريح في حضرة عالم عباس و د. أبكر آدم اسماعيل و منعم الكتيابي..في الليلة ديك قابلت أيضآ الفاضل كباشي، صديقي الذي أضعته لنحو عقدين من الزمان..و ضربتُ يومها فولآ شديد التصـليح بدعوة كريمة من الدكتور محمد جلال هاشـم الأمين العام لاتحاد الكتاب السودانيين..و رجعت البيت مدوزن أغني حتى اتهمتني أم بشير بأنني لا زلتُ في ضلالي القديم..بيد أنها لم تقل (تالله)..
الســودان سمح يا فتحي..سمح شديد بي ناس زي ديل..
و جميل أنك وجدت كل هذه الروعـة في صديقي ابوبكر سيد احمد
كلامك عنو يؤكـد زعمنا بأحقيته بالعرش..و لو بعد حين
و نتمنى أن يجد الجميع فرصة سماعه..
مدني النخلي وقع قبلي في أسـر صـوت أبي بكر...و ان شا الله أسرآ دايم..
لأن ثماره الفنية آتت أكلهاalready
تقديري يا الحبيب..و لازم تلفونات..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب برير يوسف)
|
حبيبنا الطيب برير
كيف حالك يا صـديق..و الله ليك وحشـة..
و جميل أن يجمعنا حـبّ أبي بكر أخرى، عسى أن نلتقي في زمانٍ جميل كتلك الأيام..
أما أغنية تيه و اّتـاكا، فهي و تباريح الهوى و لفحة نهار و رائعة سعادة عبدالرحمن (إن عصرن علي التتيقة..عزّ القـُـرّة يا الفارد نهارك صـي)،كلها في تسجيل لم يبرح مسجل سيارتي منذ عثوري عليه..و زي ما قلت طريقة أبي بكر في الغنا عمومآ و في (تيه و اتاكا) تحديدآ لو لقتك في طرف عشــق فأنت في خطر..
تقديري و الوداد..
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
| Quote: هذا على سبيل التحية..و برجع ليك للرد بالتفصــيل على كلامك اللطيف‘ و الذي يفيض بتواضع العلماء. |
خالص مودتي وشكري وخوفي كذلك بان اعتبر عالما وما انا الا بناء وهو عالمي ..اخشي عالم العلماء واليست انت القائل في مكان غير هذ:
| Quote: في بلادنا يفشـل الساسة و لاعبو كرة القدم، وبرغم ذا هم أهل المال و الشهرة و السلطة، و ينجح المبدعون و الأكاديميون فتملأ شهرتهم الآفاق و يحترمهم كل العالم، لكن لا أحد يحتفي بهم في السودان سوى إخوانهم في الصدق و.. الفقر. |
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: abubakr)
|
مرحبتين العالم الفـذ أبوبكر سيداحمد
و الله كلامك لطيف..و غاية المرح..لكن أنا كنت مشغول البال
و الخاطر | Quote: مكسور زي عمود النور |
..
هسع جيت قريتو للمرة التالتة و قعدت أضحك
إتخيلتك و أنت تقابل معجبي الفنان أبي بكر سيداحمد ذات ورطـة، و أنت أكاديمي ملء السمع و البصر في الخارج و مهضوم إندينا، كما ورد في بروفايلي و أراك اقتبســته أعلاه، و يكونوا المعجبين ديل سمعوا أبابكر سيداحمد في الرادي بس..و لمن سمعوا إسـمك هرولوا باتجاهك ..و قام واحد شليق منهم جاب العود من عربيتو..و قال ليك بس دندنة يا أستاذ..و يكثر عليك الضغط العاطفي منهم و تزداد طلباتهم..أها تقوم تغني بصوتك الوارد وصفه بالمداخلة قبل السابقة..لووول..
مسألة إنك عالم دي تفضـّـل بها في مداخلة فوق رجل يكتب باسـم (مـو)..
و من مداخلاتك هنا و هناك واضح أنك إنسـان، و هي صفة بااااائـرة!! لا يزدحم على بابها الكثيرون!! لأن تبعاتها باهظة، و يسعدنا أن أن نلتقي بالإنسـان فيك على شرف الإنسـان الذي نكتب عنه..و نؤكـد للبنيات السمحات في دارك العامرة أن والدهن هو أبوبكر سيداحمد..و ممكن يغني، على مسؤوليته الخاصـة ، و هو أفضل لهن من توم آند جيري، و نحن، إن غـنـّـى، سـنشـد من أزركـن..
شكرآ ليك كتير على الزيارتين..
و نلتقي بإذن الله تاني..
تقديري..
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
| Quote: مرحبتين العالم الفـذ أبوبكر سيداحمد |
يالطيب الطيب وانا الخلعة كاتلاني كلما اشاهد عنوان البوست بتاعك دة تجيني بالاصعب " عالم " وكمان "فذ" اخوناوبلدياتنا شعبان سعيد (مو) كان شربكني في مسئولية بهذا الحجم فاحتمالات انو ضمان الجنة بعد ان قترنا من بحث ضليلة في الدنيا حتبقي شائكة.. فالعلماء مسئولياتم في الدنيا والاخرة كتيرة وياريت جماعات الالقاب "البروفات" الكترو في الفضائيات السودانية والمكاتب والاندية والمنابر يفكرو شوية في الحكاية دية فالنار درجات كما الشهادات ...وحال بلادنا وحالنا لايعكس اننا تعلمنا فمنتوج العلم يجب ان يكتب بخطوط عريضة في صفحة الواقع...
"انسان" دي بالدنيا ومستعد اكافح ما بقي لي من عمر وهو اقصر من المضي لان انال درجه من درجات الانسانية ..
وحتي لا يزعل الجمهور ويعتبرناانصرفنا عن موضوع المغني والاسمو زي اسمي وبيغني اكرر ياخلق الله انو اي معادلة في الدنيا ما ممكن تجعل مني مغني والمرات الوحيدة التي كنت اردد فيها غناء في العلن هو عندماكنت - قبل عقود كثيرة مضت- اردد وراء فنانينا النوبيين في الاعراس .. فاعراسنا النوبية تستوجب ان يردد الراقصيين في صفوف طويلة من الجنسيين وراء "الشار" او المغني والشار اسم ماخوذ من اللقظ العربي "الشاعر" حيث ان المغني النوبي شاعر والشاعر النوبي مغني...
ولك مودتي وامتناني
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: abubakr)
|
.
Quote: "انسان" دي بالدنيا ومستعد اكافح ما بقي لي من عمر وهو اقصر من المضي لان انال درجه من درجات الانسانية ..
|
صديقي أبوبكر سيد احمد الإنسـان، الذي هو غير صديقي أبوبكر سيد احمد الفنان المطرب و الذي هو الآخر يسابق الجميع في وصفه بالإنسـان!!
لا لا لا يا أخ أبوبكر دي كدة بتكون قصة طويلة..أحسن لينا نقول إنت العالم الفذ..و داك الغناي الفذ
كدة أريح..
ياخ نحن سودانيين..القاف ذااااتها لمن أتعبتنا عملناها غين!!
تقوم تطالبنا بجملة طوييييييييلة زي الفوق دي للتفريق بينكم؟؟!!
أبدآ..إنت العالم الفذ و "خلاس"..كدة كيف؟
*
ملهوزة...تذكرت هذا البوست بعد كتابتي اليوم عن ثلاثة فنانين..محمد شبكة..عادل التجاني..و..سيف الجامعة..لمن رجعت فتشت البوست لقيت رد العالم الفذ أبي بكر سيد احمد و قد طال برده الأمد دون رد من طرفي و في ذلك قلة لطف لا تليق به و لا بي..(إني أعتذر)..
تقديري الأكــيد
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
.
Quote: أبوبكر سيد أحمد .. عدا مواهب التطريب و معرفة تكنيك الغنا ..و كلام ناس موصلي و عادل التجاني و عمر بانقا..هو ملحـّــن بارع..ظهر بأغنياته فنانون جدد كثر في مركز الخرطوم جنوب للغناء..هو من أبناء مدني..و استقر بالخرطوم قبل بضع سنين.. يقوم بتلحين بعض أعماله بنفسـه..هذا فضـلآ عن المعرفة بالأدب عمومآ و الشعر الغنائي تحديدآ..أوزانه..جرس موسيقاه..عمق معانيه..و يستطيع بحذق تبيين جماليات الشعر، و هو أمرٌ لا ينازعه فيه أكثر المطربين، لذا فإن ميزات أبي بكر سيد احمد كثيرة و ستسهم بحول الله في أن يتربـّـع على عرش الغناء السوداني، بي مهلة، في فترة وجيزة جدآ.
فيه روح مصطفى سيد احمد، و كلاهما من إندينا، فهو دائم التبرع بموهبته لكل المحتاجين و كثير الإنشغال بأعمال الخير لكل الناس..و فيه أيضـآ لمسة التواضع الصوفي و روح الفكاهة و الدعابة..يدخل النادي فيلاطفه الجميع..يلتقي مدير المركز و ســت الشاي بنفس سعة الإبتسامة..
|
.
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: الطيب بشير)
|
الحبيب ود بشير أبو بشير
أزيك ياجميل
اللقي أحبابه نسي أصحابه!!!!
أولا يادوبك فى الويك إند الفايت عرفت إنك إستقريت فى السودان
والله قايلك فى إجازه طويله.. عموما أمنياتي من عمق الدواخل بالتوفيق والسداد
والله زولك الفنان ده غناي بالحيل ولفت نظري يوم العيد وهو يغني توعدنا وتبخل بالصوره مع وردي وأطربي حد الفرح..
كان الله مدًه فى الأيام بنتلاقي فى القريب
أجع لي تلفونك المحمول فى الأيميل
سلم علي عروستنا وحارسها بشير ووالدتهم الفضلي
عزيز ورفاقه
| |
|
|
|
|
|
|
|
|
|
Re: أبوبكر سـيد احـمد..فـنـّـان السـودان القادم بقـوّة .. صـوت باذخ و إدراك موسـوعـي.. (Re: عزيز)
|
.
مرحبتين الفنان عزيز..كيف حالك يا صديق
و الله ليكم وحشة
و لازم نتهاتف..ستجد "محمولي" ببريدك..و سلام للبريدك..و الفنانين طرفكم
| Quote: والله زولك الفنان ده غناي بالحيل ولفت نظري يوم العيد وهو يغني توعدنا وتبخل بالصوره مع وردي وأطربي حد الفرح.. |
طبعآ دة رأي متخصـص..و كلام الفنانين عن الفنانين مهم جدآ
تقديري..و أنا سعيد أنك سمعت هذا الصوت الختري..
نتمنى أن ينجح إعلامنا، الذي أدمن الفشل، في إتاحة الفرصة لأبي بكر سيد احمد ليسعد شعبنا المغبون..
مرحب تاني يا عزيز دنياي
.
| |
|
|
|
|
|
|
| |
الطيب بشير
bushra suleiman
Nasr
محمد سنى دفع الله
ترهاقا
mo
أبوذر بابكر
tmbis
سمندلاوى
عبد الدائم سيد أحمد
نجوان
Gazaloat
Elmosley
mamkouna
Alsa7afa_30
ابو جهينة
haroon diyab
ياسر ميرغنى عبدالرحمن
فتحي البحيري
جمال سعيد
Imad Khalifa
الطيب برير يوسف
abubakr
عزيز
فيس بوك
تويتر
انستقرام
يوتيوب
بنتيريست