|
|
|
 Re: "وين بت طلحة من غنياتها يوت نتبرّك " - عايزين "دوبيت" (Re: Ahmed Yousif Abu Harira)
|
| Quote: دية وصيتي وانتو مسئوليين |
أبوبكر الأصم الديمة باقى معانا
تبرا من الوصية البقولوا أمانة
وتبرا من المرض البمشوا لى الشفخانة
بإذن الله السلامة ليك منى ضمانة
سلامتك ياالأصيل ألف سلامة ليك
سحروك وحسدونا فيك
لوبإيدنا العافية نديك
والمرض مايحوم عليك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــوالله ماتستاهل ياأبوبكر أنا زعلانة جدا
لكن شدة وتزول انشاء الله.
| |
 
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: abubakr)
|
Quote: Quote: حرَّمْ الكلام جنس دة يقولوهو فوقي علا أرْكز و ما يحلني علا البطان .. كان سوط كان سوطين
|
أبوبكر وقع ليك كلامى....
أنا ما قلت ليك أبوجهينة ده زولنا عديل
أصلو مابتغالتو فيه إتنين
دحين أبعدو منو غادى
هسع فى راجل غيرو هنا حركو الكلام ده لمن
ركز لى البطان؟؟؟
والله ذكرنى أهلنا ممايسمعوا دقة الدلوكة
والنحاس والغنا (يابلالى أنا يابو زينب لى أنا)
الواحد يدخل يرجف أعمى وأطرش الإ يباطن حتى يثبت
فى الوطا وعينيهو يفتحن.
| |
|
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: abubakr)
|
Quote: هسع فى راجل غيرو هنا حركو الكلام ده لمن
ركز لى البطان؟؟؟ |
اها خدوه معاكم ممثلا لنا ؟ انتو تجلدوه ونحن نضرب الطار ونرقص ...؟اصلو ضرب الطار والرقيص والغناء النوبي يا بخلي القاصدنا بخير يبقي معانا وما يرجع او القاصدنا بشر يفز بعد ما راسو تلف وخصوصا لو صفوفنا في الرقيص كانت طويلة والطيران كتار ...
| |
|
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: abubakr)
|
| Quote: كيف أصبحت انشاء الله كويس |
كويس بوجودكم واللمة .. ما شايفة البدوبي برطانة دة ..اها بعد الحمي بقي يدوبي وانا منتظر الحمي تروح بالمرة بشان ادوبي باية لغة ..والمهم نور الهادي ما رسم لينا هنا نمة دوبيت لسه ..وود عمي ياخد لو سوطين تلات ..
بالمناسبة ياناس ما شفتو "شنبو " !! ؟ ودالمحرب وشنبو ...
| |
|
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: الطيب شيقوق)
|
Quote: دية وصيتي وانتو مسئوليين
Quote: أبوبكر الأصم الديمة باقى معانا
تبرا من الوصية البقولوا أمانة
وتبرا من المرض البمشوا لى الشفخانة
بإذن الله السلامة ليك منى ضمانة
سلامتك ياالأصيل ألف سلامة ليك
سحروك وحسدونا فيك
لوبإيدنا العافية نديك
والمرض مايحوم عليك |
بموجب هذه الوثيقة اقر انا ود شيقوق المحامي وموثق العقود بان اهلي البطاحين والشكرية وقبائل عموم رفاعة الهوى والشرق اقر بانهم ومن خلال ابيات الدوبيت اعلاه بانهم قد قبلوا جميعهم منح المهندس المعماري المخضرم ابا بكر سيد احمد الرطاني ابو لسان ..... شهاة التبعية لتلك القبائل ومن ثم يكون من حقه مطاردة اي من ابناء تلك القبائل لشرح اى عبارة او مقطع يرى من الصعوبة استدراكه ولا يجوز لهذا المهندس ان يستعمل مصطلحات القبيلة في اى تعبير من انشائه الا بعد الرجوع لاي من ابنائها او بناتها وذلك لاننا لم نطمئن بعد على تمكنه من استعمالها .
المراجع
ود المحرب
ود ابو حريرة
بت طلحة
ام احمد
على ان يكون الفاروق ود حامد محكما في اى نزاع ينشا بين التابع والمتبوعين وعليه بحكم علاقته بوسائل الاعلام نشر هذا الخبر في صحيفتين يوميتين بلغة اهل البادية وان يناى بقدر المستطاع من اى مصطلحات بندرية قد تخل بتلك الاهداف النبيلة .
| |
|
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: الطيب شيقوق)
|
مو زول فارغة بتلافا الحديث ويتلقّا
مما قام لى شيل التقيلة موقّا
مابتزعلو الكلمة وجريف أنطقـا
وافر ضرعة لى أوصاف البشكـِّر حقـا
| Quote: على ان يكون الفاروق ود حامد محكما في اى نزاع ينشا بين التابع والمتبوعين وعليه بحكم علاقته بوسائل الاعلام نشر هذا الخبر في صحيفتين يوميتين بلغة اهل البادية وان يناى بقدر المستطاع من اى مصطلحات بندرية قد تخل بتلك الاهداف النبيلة . |
| |
|
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: abubakr)
|
| Quote: بموجب هذه الوثيقة اقر انا ود شيقوق المحامي وموثق العقود بان اهلي البطاحين والشكرية وقبائل عموم رفاعة الهوى والشرق اقر بانهم ومن خلال ابيات الدوبيت اعلاه بانهم قد قبلوا جميعهم منح المهندس المعماري المخضرم ابا بكر سيد احمد الرطاني ابو لسان ..... شهاة التبعية لتلك القبائل ومن ثم يكون من حقه مطاردة اي من ابناء تلك القبائل لشرح اى عبارة او مقطع يرى من الصعوبة استدراكه ولا يجوز لهذا المهندس ان يستعمل مصطلحات القبيلة في اى تعبير من انشائه الا بعد الرجوع لاي من ابنائها او بناتها وذلك لاننا لم نطمئن بعد على تمكنه من استعمالها . |
اولا يا محامي البورصة انت القبائل دي وكلتك واللا بس عايز بكرة تسالهم عن الرسوم ؟ هم براهم من غير عقودك "الموثقة" خلوني مجاور بشان اتعلم عربي وات جيت داخل توش سلبطة بشان تطلع ليك جنيهات تاخد بيهن تذكرة الرجوع بعدما ال pre-paid cards خلصت وبقيت ع الحديدة وقاعد في بلكونة الطابق التاني تعاين في الماشيات والجايات ??
ات بس عليك بالعربية التيمس والحت وعبور النهر الجاف وقهاوي الامهريات وقعدة البلكونات ونا براي عارف دربي معاهم ....قال "موثق عقود " ات شغلوك تربط العقود بسلبة ؟؟؟
| |
|
|
|
|
|
|
|
|
|
Re: "وين بت طلحة من غنياتها يوت نتبرّك " - عايزين "دوبيت" (Re: فاروق حامد محمد)
|
غايتو يافاروق النار من السنة الفاتت تسوى لينا فى أبشر يا كمون بى الروا!!!
ـــــــــــــــــــــــــــــــــــــــــــــــــــــــــــــــــــــــ
مما قام لى شيلة التقيلة موقــّا
أبوبكر أرجو صادقة أن تدون لى معنى هذا البيت من منظورك أنت وحسب وقعه على نفسك دون الرجوع إلى أى مصدر ، لأننى بصدد إعداد بحث يرتكز أحد أهم محاوره على سؤال إجابته طي إجابتك على هذا السؤال
ولك منى إحترام
راسخ في النفس
كما الرواسى الشامخات
وسلام.
سمية الحسن طلحة
| |
|
|
|
|
|
|
| |
abubakr
Ahmed Yousif Abu Harira
ود محجوب
خالد المحرب
munswor almophtah
ابو جهينة
الطيب شيقوق
فاروق حامد محمد
فيس بوك
تويتر
انستقرام
يوتيوب
بنتيريست