سيعود الرئيس المصري إلى مصر المؤمَّنة بشهادة (بحث ) لأرض صناعية ضخمة قرب الخرطوم..
مافي زول يجي يسألني مساحتها أكبر أم أصغر من حلايب.. وما في زول يسألني ما نوع (الحق) ملك حر ، حكر ، انتفاع، إيجار..إلخ.. لأنه ببساطة لا أملك إجابة ، الموضوع دا عملوهو الأخوان بيناتم..
- نداء: يا الشامي الحبر شوفلي شأه في أي حته قنبك.
04-04-2013, 08:52 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: سيعود الرئيس المصري إلى مصر المؤمَّنة بشهادة (بحث ) لأرض صناعية ضخمة قرب الخرطوم..
ارض لوحدها دا حيعود الي مصر المؤمنة وفي جيبه الخرطوم كلها الرحلة تنظيمية اكثر منها رسمية وما علي الخرطوم الا السمع والطاعة وهكذا تربى الاخوان (السمع والطاعة) والمرشد واحد والشعب واحد وحلايب تروح في الفرقة
الشأة موجودة وجاهزة يا اخ محمد في اطار التكامل البينا
عاطر التحايا والود
04-04-2013, 10:29 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا الشامي، الرجل حشد الطائرة التي أقلته للخرطوم بقبيلة من رجال الأعمال الذين نرجو ألا يكونوا كمن سمعنا عنهم.. عموما باكر بنعرف التفاصيل الحقيقية من ناسنا زاتم عندما يختلفوا بينهم على العمولات.. مافي شي هناك إسمو سر، بالذات عند جماعتنا ديل، المثل البنغلاديشي أو الإيفواري بيقول: لاتختبئ مع جريو أو طفل أو سخله أو واحد من التتار أو زول عندو قحه لأن إندساسك لن يطول..
غايتو نحن بنغني فادن مني وخذ إليك حناني ثم أغمض عينيك حتى تراني
بس مافي زول يجي يقول لينا : يا خوف فؤادي من غد..
04-04-2013, 10:39 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الرحلة تنظيمية اكثر منها رسمية وما علي الخرطوم الا السمع والطاعة وهكذا تربى الاخوان (السمع والطاعة) والمرشد واحد والشعب واحد وحلايب تروح في الفرقة --------------------------------------------- شكرا يا الشامي عبرت عني تماما
04-05-2013, 11:07 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا الشامي لانعترض على أي استثمار أجنبي في السودان ، على العكس تماما نشجع مثل تلك الخطوة فالعالم أصبح كرة إقتصادية واحدة والدول العظمى تقدم لبعضها تسهيلات في هذا الإتجاه، لكن في ظل الفساد غير المسبوق الذي يضرب السودان الآن أصبحت تلك التسهيلات وسيلة لإثراء نفر تعرفهم جيدا.. في غياب الشفافية وتكافؤ الفرص لن يجني محمد احمد شيئا من مثل هذه القرارت ثلاثية الإبادة ..
04-05-2013, 12:55 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
للخرطوم ولا من الخرطوم ؟ حقو يفضو البلد للمصريين الجايين ويرحلو ناس بحري معاهم بالمرة انا من جانبي بمسك ليكم طارق ميرغني هنا في الرياض كمساهمة مني في مشروع الاستيطان المصري في السودان
04-05-2013, 09:14 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: حقو يفضو البلد للمصريين الجايين ويرحلو ناس بحري معاهم بالمرة انا من جانبي بمسك ليكم طارق ميرغني هنا في الرياض كمساهمة مني في مشروع الاستيطان المصري في السودان
التحية لك ولطارق الفنان.. السودان لم يعد صالحا لأمثال طارق فقررت الحكومة ملْ الفراغ ..
04-05-2013, 04:29 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
تخيل، قانون الشركات ( Sudan Companies Act ) عندنا منذ 1925 ناسك ديل كبقية شعوب الأرض فيهم من يجهل حتى موقع (كوم أمبو) ، لكن بذات القدر فيهم علماء لايشق لهم غبار، عارف يا الطيب ، الناس ديل زمان كان بيغتربوا عندنا وبيقبضوا بالإسترليني، حكت لي زميلة في جامعة الإسكندرية أن والدها كان (مغتربا) في السودان وأنه كان محظوظا بالعمل هناك وأنه لدى سماعهم الخبر كان الأهل والجيران يزورونه ليقولوا (مبروك) فقد زارته ليلة القدر باختياره للعمل في السودان وأن والدها كان من خيرة المنحازين للسودان والسودانيين بعد انتهاء فترة اغترابه هناك..
شايف الفارق بين ليلة القدر وليلة الغدر.. دنيا يا شيقا..
04-05-2013, 01:39 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
أرض ؟ و شهادة بحث ؟ يا محمد يا أخوي ما هو الحالة وأحدة . وبعدين ياخ الدقون أتلاحقت . يا محمد قالوا بعد السلام الجمهوري طوالي الجماعة شغلوا أغنية : ( الحجل بي الرجل يا مرسي سوقنا معاك ) ياخ الشعبين يحلهم الحل المنتخب الأنجليزي من روجي ميلا .
Quote: لانعترض على أي استثمار أجنبي في السودان ، على العكس تماما نشجع مثل تلك الخطوة فالعالم أصبح كرة إقتصادية واحدة والدول العظمى تقدم لبعضها تسهيلات في هذا الإتجاه، لكن في ظل الفساد غير المسبوق الذي يضرب السودان الآن أصبحت تلك التسهيلات وسيلة لإثراء نفر تعرفهم جيدا.. في غياب الشفافية وتكافؤ الفرص لن يجني محمد احمد شيئا من مثل هذه القرارت ثلاثية الإبادة ..
نعم اخ محمد الاستثمار في ظل الشفافية وتكافؤ الفرص هو المطلوب وكان المطلوب اهتمام عربي شامل في اطار الجامعة العربية لتطبيق حقيقة ان السودان سلة الغذاء العالم العربي ولكن في ظل هذه السياسة القائم على الفساد البين باعتراف اهله فالامر لا يعدو ان يكون تفريط في الحقوق ولن يجنى منه محمد احمد شئياً
04-05-2013, 10:00 PM
عماد ساتي عماد ساتي
تاريخ التسجيل: 04-04-2013
مجموع المشاركات: 375
منذ تحتمس وحتشبسوت نسمع هذا الكلمة لكن ، وبعد أن تقدم تحتمس في السن، إكتشف أن المسألة لاتخرج عن حاجة بلده لأرض وماء وحاجة أنظمتنا للبقاء .. أي حكومة عندنا تنزنق تجري لمصر دايرين تكامل..مع ترديد أنا غيرك ما حبيت .. كان مت ذنبي عليك..
نحن راضين ب 10000000000 اثيوبى يانا بنشبهم و بيشبهونا و بنطرب لغناهم و بينطربو لغنانا
يا سهام، بالله ما تحرفي لينا البوست .. إستثمار أحبابنا شرق القلب لم يتطور ونتمنى أن يتخطى الخط التقليدي الذي انحصر في المطاعم والمقاهي، عموما مرحبا بهم فهم يرفدونا بجمال موسيقاهم.... http://www.youtube.com/watch?v=0HXErgun-oY شوفي سماعات نضيفه واسمعي.
04-06-2013, 11:26 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: ولكن مع استثمارات اولاد بمبة موعودين بمزيد من الفساد
يا علي ،
آن أوان مصارحة النفس، أولاد بمبه إذا ثبت فساد أحدهم فمصيره المحاكم والسجن والبهدلة وإنت براك شايف وكان هذا ديدنهم منذ أيام توفيق عبدالحي ورشاد عثمان ومن لفهم في ثمانينيات القرن المنصرم، أما نحن فعلى الرغم من أن (المسؤولين) في الدولة يقرون بالفساد فلم نسمع عن محاكمات على الملأ والسبب كما تعلم (خلوها مستوره) ، أليس من المحزن أن يخرج تقرير المراجع العام سنويا متضمنا الإشارة إلى اختلاسات بالمليارات دون تقديم حالة واحدة لمحاكمة؟ المحاكم يا علي نصبت لمن تخالف الزي (الإسلامي) ومرتادي الحفلات ومن يناهض الفساد، يا عزيزي بلغ بنا الحال أن تعترف وزيرة إتحادية أمام وسائل (الآلام) بأن هناك فسادا يضرب وزارتها وحددت الفاسدين بدقة ، بل صعقت الجميع بقولها أنها تكتمت على الفساد بسبب (توجيهات عليا).. صدق أو لاتصدق.. شاهدتها مساء الأمس في نشرة الأخبار كما لو أنه لم يحدث شئ ...
تقول لي أولاد بمبه!!
04-07-2013, 04:08 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: يامولانا يااخ انا مغروض لي في 5 ( خمسة ) فدان بس بتحلحل لي مشاكل متيرة خلاس ان شاء الله ايجار طويل الاجل ... عمنا دة ينوبو ثواب مابديني ليها ......
تستاهل مزرعه في كافوري يا محمد ، أخوك لو لقى ليهو مترين في البكري أو أحمد شرفي بتحلحل ليهو مشاكلو كلها.. بس للأسف الإتنين إتملوا للآخر.. غايتو تاني الواحد إلا يدفنوهو جوار محطة شل كما تمنت عاشقة أندريه..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
Siham Elmugammar
أمين محمد سليمان
الشامي الحبر عبدالوهاب
خالد العبيد
الطيب شيقوق
محمد إبراهيم علي
Osman Musa
Balla Musa
Mahmoud Mustafa Mahmoud
بكرى ابوبكر
حمد عبد الغفار عمر
عماد ساتي
علي محمد الفكي
فيس بوك
تويتر
انستقرام
يوتيوب
بنتيريست