|
|
|
 Re: الحكومة تحظر التمباك في الخرطوم.. (Re: محمد المرتضى حامد)
|
كوستاي يا عميل يا دنماركي،
الشلن الرميتو لينا دا شنو؟
شنو يعني كوبنهاجن؟
شوف ، صعوطنا لابديل له،
كوبنهاجن دا (كان بقا صعوط إسكندنافي) ما بجيب راس ناس المناطق (الحاره).
في واحد كدا بتاع سعوط في سوق الملجه تمباكو الكييفين بيتعاطوهو بعد ما يقعدوا في الأرض..
مكتوب على العلبه ( يمنع تعاطيه وقوفا)..
وزي ما قال خليل ( لو ما فاطر ما تخاطر)..
-
قال كوبنهاجن..
| |
 
|
|
|
|
|
|
|
|
Re: الحكومة تحظر التمباك في الخرطوم.. (Re: محمد المرتضى حامد)
|
| Quote: قرار صائب واستراتيجي بحت |
صائب عريقات؟
يا أحمد، عندي واحد صاحبن لي بيولع السيجاره بالسجاره ، قلت ليهو ياخ ما تبطل السجاير دا،
قال لي ليه أترك الحاجه الوحيده البستمتع بيها في حياتي؟
زي ما إنت عارف وانا عارف والله عارف ، في ناس التمباك دا كيفم الوحيد وممكن يهاجروا ليهو
ويضربوا له أكباد اللواري فكيف يقرر مجلس الولاية حرمانهم من الحاجه الوحيده البتكيفم؟
السجاير غالي،
النكد بالكوم،
الإحباط على قفا من يشيل ،
الشاي والقهوه؟ زادوا سعر السكر لدرجة أن أحد المُستَطلعين قال لقناة تلفزيزنيه بالأمس:
رجعنا نشرب الشاي بالبلح .
-
واحد صاحبنا قال والله مافي كيف مع شراب الشاي بالبلح
زي الفيلم المترجم ، لاتعرف تتابع المشاهد لاتعرف تتابع قراية الترجمه،
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: Rawia)
|
Quote: لا شيشه لا تمباك
_____
ننحرف يعني
نسكر ول كيف |
الغريبه يا منعم ، الوالي قال للمذيع ما معناه : الصحفيين ديل ما بجيبوا إلا الأخبار الزي دي (أخبار التمباك)
هسه نحن مددنا مواعيد الحفلات ساعه ليه ما ركزوا على الخبر الإيجابي دا؟
وهذا يعني شيئين أولا إنو وقف تراخيص محلات التمباك خبرن كعب وشين ، فإن كان كذلك فلِم تم اتخاذه؟
ثانيا إنو خبر تمديد مواعيد الحفلات خبر كويس ، فإن كان كذلك فلِم قررتم سابقا إنتهائها الساعة 11؟
---
ياخ تمديد الحفلات ساعه دا خبر كويس ، الله يديك العافيه يا مجلس الولايه ، لأنو الحفلات التي تنتهي 11
دي زي حلاوه قطن ، قبل ما تعيش معاها تلقاها إِِِِِِِِِِِِِِِِِِِِِشششششششششششششش ببح،
زي الديمقراطيه في السودان.
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: محمد المرتضى حامد)
|
Quote: وهذا يعني شيئين أولا إنو وقف تراخيص محلات التمباك خبرن كعب وشين ، فإن كان كذلك فلِم تم اتخاذه؟
ثانيا إنو خبر تمديد مواعيد الحفلات خبر كويس ، فإن كان كذلك فلِم قررتم سابقا إنتهائها الساعة 11؟ |
محمد نسيت اسلم عليك
مشتاقين يا راجل يا اصيل
والله فعلا با محمد كلامك 100 الميه
أصبحت حتى الفرحة في عهد هؤلاء الاوباش منحة تستوجب الشكر والمدح
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: محمد المرتضى حامد)
|
من ثم يكون قرار تمديد الحفلات ساعة من الزمان قد أفرغ من محتواه لأنو الناس ما حا تساهر بدون مكيفات،
_
الأعزاء،
لظروف خاصه سأتغيب عن المنبر لأيام قد تطول،
عليه أرجو التكرم بالمحافظة على (ممتلكاتي الإسفيريه) في غيابي.
ودعتكم لسيد الوداعه..
وأرجو أن يسود الود والتسامح دائما.
والعفو والعافيه إن أخطأت في حق أخ أو أخت هنا أو هناك..
محبتي
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: Ashraf el-Halabi)
|
شوف يا مرتضى الحكومة دي لا الفديوهات ولا المظاهرات بتغيرها لكن اكان هبشت التمباك دا ليك علي الجنقو - مش ناس الكي بورد - يقلبوها ليكم ضحى .
جميع الجنود العاملين في القوات المسلحة وجميع العاملين في الشرطة وجميع العاملين في المطافئ وجميع العاملين في شرطة الحياة البرية وجميع الامرين بالمعروف والناهين عن المنكر سيتمردوا ضد هذا القرار .
الحكومة دي احسن ليها ما تهبش العقرب في ضنبا.
قلت اجرب الاخضر بس
عملت شاهد قبل النشر
لقيتو ليك هيييييييييييع وطوالي فتحت ال ... واديتها جغمة
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: الطيب شيقوق)
|
| Quote: لقيتو ليك هيييييييييييع وطوالي فتحت ال ... واديتها جغمة |
ات قاصد الحقه اديتا سفه
مولانا صباح الخير
الجمرى محظور فى الخرطوم عاصمة ممنوع السف وضرب الكف
القرار يطبق على الجميع مش سواقين لوارى الطوب بس و عمال الكماين
لا للسف
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: خالد المحرب)
|
التمباك بعيداً عن أضراره الصحية والبيئية فهو الخيار الوحيد للشعب والقرار الوحيد الذي يمكن أن يتخذه المواطن دون إملاءات أو ضغوط ، فقد سفت الحاجة بت المنى في نهار رمضان وبعد أن (جوووووط) بصقت نبهها حفيدها إلى ذلك وقال ليها يا حبوبه إنتي ما صايمه قالت ليهو أجي كيفين ماني صايمه يا ولدي قال ليها يا حبوبه لكين إنتي ما سفيتي قالت ليهو بِس الطرطشه هو التمباك بقي يفطر كمان.
أحد أعداء التمباك قال أن الشجرة الملعونة هي شجرة التمباك لا شجرة الزقوم.
وقال حاج أبكرونا وهو من ألد الخصام لكل من دنكل سفة بسبب وجع الُضرس أو خرمة كيف أو سواهما محاولاً إثبات حالة كون التمباك رجس قال فض فوه:
كان إنت راكب فوق الجمل الطويل دا
والجمل فوقو سرج
والسرج فوقو فروه والفروة تحتها بردعه
أها كان الجمل عفص التمباك وإنت متوضئ وضوك بيكون إتنقض
فضحك صاحبنا وقال ليهو والله دا مش لو تمباك دا لو تيار كهربائي بقوة خمسمائة فولت ما تجيك عوجه.
==
تخريمة: أخّدر زرعي كيتن على السنيح ود شيقوق
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: Rawia)
|
لوووووووووووووووول
قالو الزول الخرمان دا ممكن يعمل اي حاجة
اها يلا بعد دا الاالمعارضة تهجج بالموضوع دا
لانه بمس اي زول في الشعب رجالا ونساء واطفالا
تكوة ثورة شكل ضبان الوش..
مودتي وعامل كيف؟
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: الطيب شيقوق)
|
Quote: محرب
يوماً عشانا ربيت
و يوماً نكتح التابا و عليها نبيت
يا جبت مالاً فرح أم سوميت
يا فوق جبال تقلي انجدعت ما جيت |
الاخ الطيب كان البينسون العلبه ال 10 سجاير مكتوب عليها صنع خصيصا
للسودان كان الزول البسجر البينسون بكون من الناس المميزين انذاك وكانت ريحة السجاره
بجيك من مسافه بعيده وليها نكهه خاصه زى ريحة العربيه عندما تاتى ريحة الديزل او البنزين
تبقى لمده طويله انا ما عارف لان الجو كان صافى
اما موضوع المهاجرة كان المتاح عندهم هو التباكو الكدوس والتنباك ودا فيه تفصيل
هو كان شى من التقليد القدامو بسفو انا لازم اسف كا ثبات بانك بقيت راجل يعنى
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: فيصل محمد خليل)
|
Quote: الاخ الطيب كان البينسون العلبه ال 10 سجاير مكتوب عليها صنع خصيصا
للسودان كان الزول البسجر البينسون بكون من الناس المميزين انذاك وكانت ريحة السجاره
بجيك من مسافه بعيده وليها نكهه خاصه زى ريحة العربيه عندما تاتى ريحة الديزل او البنزين
تبقى لمده طويله انا ما عارف لان الجو كان صافى
اما موضوع المهاجرة كان المتاح عندهم هو التباكو الكدوس والتنباك ودا فيه تفصيل
هو كان شى من التقليد القدامو بسفو انا لازم اسف كا ثبات بانك بقيت راجل يعنى |
المحريييييييييييب
والله كلامك دا كلو صاح . وكمان عربات الضباط الاداريين الزمان ( اللاندروفرات) كان عندهن حلاة ريحة تتكرفها زى المتكرف ليك فلير دمور .
فيسل
المسنوح - قال بطلق كمان
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: doma)
|
هااااا ناس هوووووى ..وتانى هووووى
على الحلف تمباك وااااااحد بتمنع من
السودان دا مافى ..
الناس ديل هناك شوف عينى ماقول قالو
الواحد من الصباح قبال يفتح عينة بتحسس
الحقة .. والعجب كان لقاها فاضية .. اها
اليوم داك يوم العدو... يعنى مابدور ولا
بالدفرة..
الناس الطيبين ديل تدويرتهم بسفة يعنى
لا كبتشينو ولا نسكافى ولا تركش كوفى..
حتى التماك ده استكتروه على الناس
قالو بيعمل سرطان .. اها اصبرو شوية
كده لان السجاير برضو جاية الدور سمعنا
السجاير قالو تحت تحت بيعمل (بواسير)
يالطيف
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: عوض حمزة)
|
عوض حمزة
الناس ديل هناك شوف عينى ماقول قالو
الواحد من الصباح قبال يفتح عينة بتحسس
الحقة .. والعجب كان لقاها فاضية .. اها
اليوم داك يوم العدو... يعنى مابدور ولا
بالدفرة..
الناس الطيبين ديل تدويرتهم بسفة يعنى
لا كبتشينو ولا نسكافى ولا تركش كوفى..
ههههههههههههههها وحاة الله كلامك صاح
| |
|
|
|
|
|
|
|
|
|
Re: الحكومة تحظر التمباك في الخرطوم.. (Re: الطيب شيقوق)
|
محمد المرتضى ....
| Quote: وأهم مشاكلنا حلت بتمديد مواعيد الحفلات إلى 12 منتصف الليل* عوضا عن الحادية عشرة. |
إنت من زمن الساعة 12م تمثل منتصف الليل والساعة 12ظ تمثل منتصف النهار؟ .... ياخ إنت قديم خلاص ..
برضو كيف؟
زمان (درّاج المحن) الذي محّن الشعب السوداني ... عمل في الناس ما عمل .... وأوّل ما هبشهم في الكورة، وفرتق الهلال والمريخ، وتاني هبشهم في كيفهم (فاقوا) ليهو وغتّسوا حجرو ..... دحين الناس ديل ما قروا التاريخ؟
| |
|
|
|
|
|
|
| |
محمد المرتضى حامد
jini
Kostawi
عبد الخالق امن الله
Rawia
احمد معتصم الطيب
مرتضى احمد عبد القادر
عبد المنعم سليمان
mamkouna
صديق الموج
saadeldin abdelrahman
Ashraf el-Halabi
Elbagir Osman
الطيب شيقوق
ايهاب
ابوبكر قسومة
اسيا ربيع
BAKTASH
Ahmed al Qurashi
فيصل محمد خليل
doma
عوض حمزة
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست