زول سَمِح ..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
التحية و الانحناء لشهداء الثورة السودانية ...شهداء ثورة ديسمبر ٢٠١٨
مرحبا Guest
اخر زيارك لك: 22-01-2019, 08:09 PM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-02-2009, 12:52 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    آااااااه!
                  
|Articles |News |مقالات |بيانات

19-02-2009, 02:55 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    عبدالوهاب علي الحاج ،
    وحياة ابتسامتك ، يا عزيزي ، شرفتنا وشرفت حتى البوستات المجاوره على قول
    البلابل : نوَّر بيتنا وشارع بيتنا يوم ما جيتنا يا الطلّيت...
    شايف كيف دنيا الريد عجيبه ؟
    بالله انتقالك - في فك التسجيلات الأخيرة - من ناس السياسة لناس الغنا مش خطوه
    تاريخية وموفقه؟ هسه لو قالوا ليك تقضي ساعه مع أوكامبو ولا مع الكحلاوي
    حا تختار منو؟؟؟
    وطيِّب.
    هناك ممكن تكون مناضل حتى الساعه 12 ليلا بتوقيت غرينتش وبعد انتهاء المفاوضات
    ودخول القصر الساعه واحده تبقى خاين واحتمال ظلامي ويمكن أمنجي ، شوفت كيف.
    ياخ قلنا ليك خليك هنا وبلاش تفارق.
                  
|Articles |News |مقالات |بيانات

20-02-2009, 05:47 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    Quote: بالله انت لابد بى جاى يامحمد المرتضى

    أقبِّل وين يا ناهد؟ يعني لما الغَارات تتوالى على مدينة أين يذهب المساكين؟
    الملاجئ بس يابت بشير ،

    Quote: ياخى ود اللمين ده نغمة لاى حاجة فى حياتى

    بالطبع يا ناهد ، أداء الزول ده من أكثر الأجهزة فاعلية لدوزنة اليوم
    وإزالة البشتنة وترتيب الفوضى ، كثير من أهل المحبة ذوي الحظوة
    يوصون بالمداومة على تراتيل من هذا النوع عند اللزوم.
    والله يا ناهد من أنجع مضادات الياس قوله ( من بعد فرقتنا ديك
    مين كان بيفتكرك تعود .. مين كان) ،
    شوفي مافي شئ بعيد على الله

    Quote: والاغنية شىء

    عجيييييييييييب

    دي ما أغنية يا ناهد ، دي وزارة للجمال.
                  
|Articles |News |مقالات |بيانات

20-02-2009, 06:29 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    مافي عيشة بلاك بتبقى ..مافي نشوة و مافي ريد، بس سلمى دي منو؟
                  
|Articles |News |مقالات |بيانات

20-02-2009, 11:30 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: لحدى ما يقول
    أقيف وسط البلد وأهتف

    برييييدك يا صباح عمرى
    أنا بريدك


    دي من باب تبني الشفافية والتحدث بالنعمــة ،
    الذين يؤمنون بجوهر الحب يهمــهم نـشر تلك الحالة العطريه وإشاعتها بين العباد،
    الزول البريد مشيتو ذاتا مختلفة يا إقبال، حتى إن كان جسديا في الخلف لكنه في
    الواقع يتقدم الصفوف (مرفوع الهامة يمشي) يغمره الفخار بما على صدره من أوسمه ونياشين
    تزين قلبه.
    شوفي زي عابر الطريق الفات ونام في العيون ارتاح ولما وصل وسط البلد وقف في ميدان عام
    وهتف برييييدك يا صباح عـــمري دا بيستهدف نشر الفضيله والخضرة ورش الرذاذ المنعش في
    هجير البشر ، يعني بيقوم بعملـــية صندلة للجو سرعان ما تنعكس على النفوس ،
    دا زول عارف إنو بيعمل في شي كويس وبيسوي في شنو،
    كل واحد من الكتبوا الكلام دا درره براها، لكن في رأيي الزول السمح هو البيقدر يلملم
    الحاجات دي من سيادا ويبث فيها الروح بموسيقاه ويمنحها القدرة على النفاذ إلى الأفئدة،
    ويسعد بيها حياة الناس.
    ربنا يجعلا ليهم في ميزان حسناتم
                  
|Articles |News |مقالات |بيانات

21-02-2009, 01:32 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: بس سلمى دي منو؟

    يا سعد،
    سلمى دي الجاب سيرتا كوجان بتاع المشاكل دا في مداخلتو في الصفحه السابقة.

    Quote: يجعلني أتذكر واجبا قدإختبافي حنايا النسيان.. وصبيه صغيره إسمها سلمي الان
    هي ام لفريق صغير من الاطفال








    قَوَّمتَ نَفَسي ياخ.
                  
|Articles |News |مقالات |بيانات

20-02-2009, 09:02 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    لو
    Quote: آااااااه!
    تفيد مجروح.














    _________

    سعد ، طَمِّنا عليك ياخ.
                  
|Articles |News |مقالات |بيانات

20-02-2009, 09:18 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    كانت اذنا فؤادي تلتقط يا انة المجروح..
    الحبو فيك يا جميل معنى الجمال مشروح،
    و انا استمع لاثر ال After shock على الباش.
    يا مرتضى
    الباش اشبع كل نص جميل لحنا
    فأنجب اقمارا و كواكب و افلاك
    و اجسام لم تعرف بعد.

    (عدل بواسطة saadeldin abdelrahman on 23-03-2009, 05:09 AM)

                  
|Articles |News |مقالات |بيانات

21-02-2009, 05:02 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    استاذ محمد المرتضى
    اسمح لي أن أكمل حديثي وأدخل من مداخل أخرى ولكن في نفس سياق الموضوع....

    الكثير من الناس يصب جُلّ غضبه على الريد وسنينه إن (لم يوفّق أو تعثّر) وقد يسمع من هذا أو ذاك فيصيبه عمى البصر والبصيرة وتصبح العقول ذواهل، في حين انه لو جلس فقط يوماً أمام البحر وتأمّل لعرف لما البحر أحياناً حنون وفي مرات أُخر مجنون ولما الموج يعلو فوقه موج فيسيرجع أكثر تفهما وإحتراماً للكثير...ولو رجعنا الى الشعرالعربي الى عهد (عنترة بن شداد) و(امرؤ القيس) وغيرهم هل قرأنا عن أكثرهم يوماً بانه لعنه مع ان الحظ لم يكن حليفهم بل بالعكس كتبوا في ذلك معلّقات من أروع الأبيات وما زالت باقية حتى اليوم وتدّرس في مادة الأدب العربي..فهم يذكرون صاحبه رحمهم الله بكل جميل وأدب واحترام رغم الصبـابـة والفـكـر وعنترة بن شدّاد قال...
    ولقد ذكرتك والرماح نواهل.....مني وبيض الهند تقطر من دمي
    فلننظر فقط الى الموقع الذي ذكره فيها ( والرماح نواهل مني وبيض الهند تقطر من دمي).
    وهاهو أبو العلاء المعرّي...
    ولقد ذكرتك يا أمامة بعد ما
    نزل الدليل إلى التراب يسوفه
    والعيس تعلن بالحنين إليكمُ
    ولغامها كالبرس طار نديفه
    وهواك عندي كالغناء لأنه
    حسنٌ لديّ ثقيله وخفيفه
    يعني بشكل عام ...قفا نبكي بذكر حبيب ومنزل مش يقول ليك لعنة الله على كذا وكذا...فسبحان الله!!

    *وقفة أخرى *!! ومواصلة لحديثي العام عن هذا الموضوع ...ليه بعض الناس ممكن تمشي لي بعيييييييد!! فهذا الحديث أيضاً لو الناس فكرت فيه من زوايا تانية وبتفكير إيجابى آخر حتجد جوانب أكثر نُبلاً وطُهراً وإشراقاً....فالأمر لا يقتصر على عنوان واحد وورؤيا وحيدة بل يصّب في قالب آخر جميل الا وهو ( حب الرجل لزوجته )...ويقول الله عزّ وجل في كتابه الكريم..{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} اية 21 سورة الروم ...(لقوم يتفكرون) فيها دعوة للتدبّر والتفكّر لجميل الدلالات والمعاني...وأيضاً لنا في رسول الله ( صلى الله عليه وسلّم) قدوة وأسوة حسنة....وبعدين معروف الزول التفكيرو بيمشي لي بعيد بيدخل في كذا خانة منها..( من راقب الناس مات همّاً)...وقال الشاعر
    من راقب الناس لم يظفر بحاجته....وفاز بالطيبات الفاتك اللهج
    وكذلك (إن بعد الظنّ إثم) فيسهو عن الحقيقة وما هلكت الدول ولا الممالك ولا هتكت الأعراض بغير النمائم والكذب وسوء الظنّ والله تعالى في كتابه الكريم يقول (وَيْلٌ لِكُلِّ هُمَزَةٍ لُمَزَةٍ) آية (1) سورة الهمزة.
    وعن القالب الجميل الذي ذكرت ساتوقف مع بعض أبيات لقصيدة ( بلقيس ) للشاعر نزار قبّاني وهي من أروع ما قال في زوجته
    بلقيسُ ..
    يا كَنْزَاً خُرَافيّاً ..
    ويا رُمْحَاً عِرَاقيّاً ..
    وغابَةَ خَيْزُرَانْ ..
    يا مَنْ تحدَّيتِ النجُومَ ترفُّعاً ..
    مِنْ أينَ جئتِ بكلِّ هذا العُنْفُوانْ ؟
    بلقيسُ ..
    أيتها الصديقةُ .. والرفيقةُ ..
    والرقيقةُ مثلَ زَهْرةِ أُقْحُوَانْ ..
    بلقيسُ ..
    يا عِطْرَاً بذاكرتي ..
    ويا قبراً يسافرُ في الغمام ..
    بلقيس..
    ليستْ هذهِ مرثيَّةً
    لكنْ ..
    على العَرَبِ السلامْ


    وأخيراً....
    ما عالج الناس مثل الحب من سقـــم و لا بـرى مـثـلـه عـظـمــا ًو لا جــســداً

    تحّياتي

    (عدل بواسطة salma subhi on 21-02-2009, 05:22 AM)

                  
|Articles |News |مقالات |بيانات

21-02-2009, 07:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: salma subhi)

    Quote: أو تدري يا صديقي أن من أنبتته أرض الجزيرة الخضراء وارتوت جذوره من مياه سليل الفراديس العذبة ، ورضع من إلفة ومحبة أهل ود مدني الطيبين لا بد أن يكون سمحا ، مرهفا، مبدعا وكثير البكاء أيضا

    يا سلام على ودمدني وناس مدني وابوي الحضري والمدني ، زمان لما كنا سغار يا مي كنت فاكر
    إنها كلمة ضد عسكري ، بحق وحقيق أهلها يتدفقون إبداعا ولا يجوز لي التحدث عنهم أو إيراد
    مجرد نماذج لأني سأكون من الظالمين إن لم أعدد كل رموزها وحتى شوارعها رغم أن تجاوز
    الكاشف في هذا المنحنى يستوجب سجود السهو إن لم يعتبر جنحة وإساءة للأدب ، الشعراء
    الأصائل الذين كتبوا روائع ترتج لها الأضلع قبل المسامع وبعضهم لايقرأ ولا يكتب حرفا ،
    شوفي بالله ناس ما فَكَّت الحرف تتمتع بهذا القدر العالي من المعرفة والثقافة والفلسفة
    وناس نالت أعلى الدرجات العلمية و (تتمرغ) في الأمية ، الله قادر يا مي.
    لا أدري لماذا ينتابني إحساس بأن ثمة علاقة خفية وحبل سري بين ودمدني والمسالمة فهما
    رفدتا الشعب السوداني المجيد بعباقرة ، كنت عايز أقول (كوكبة ) لكن خلّيتا لأنو الكلمة
    دي مسّخا واحد من قضاة طوارئ جعفر نميري ، عباقرة يعني عباقرة جد جد على رأسهم البنات
    السمحات والشعراء والفنانين وبتاعين الكوره وإداريين وتكنوقراط ( كيف تكنوقراط دي؟)
    وناس قطن ظل يغيث مليون ميل موجَّع سنين عددا، يا سلام على بانت وودازرق والحي اللاتيني
    السوداني ، وظهرت لي محبه في مدني شارع القبه ، الناس البكايين ديل ، زي ما قُلتي ،
    لازم تظهر من مَنقَدُم شراره تحرقنا بي نارا ، ناس أبواللمين الشايلين الجمر السمح
    ديل ، ولولا أن ودمدني هي ودمدني لما ابتدرتِ الحديث عنها قبل الخرطوم وبربر أبوقصيصه
    كأنك ترددين مع أرسلان:

    وأبيتُ أُشرك فيك في دين الهوى ...... وأكون للتوحيــــــــــــد أول مدّعِ
    وتظلُ تشرُد بي لغيرك صبـــــوة ....... هي من سجــونك في المحـــل الأمنــعِ

    تسلمي
                  
|Articles |News |مقالات |بيانات

21-02-2009, 02:49 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    لا زلت اذكرهن، حين عاد الباشكاتب في 94
    و تلقفه الجمهور باحتفاء في نادي الضباط
    فاكتظ لآخره بل كان الزحام بامتداد الشارع.
    كان نصيبنا أن نتقرفص ارضا قبالة المسرح
    الذي شع سحرا و لحنا و كان الفلوت و طائر الاحلام
    و حلم الاماسي ثم: قلنا ما مكن ..
    و لما تدفق: اقل حاجة تخلي سفرك حتى لو اسبوع اقلو
    ، التفت الى العتبة خلفي ،لارى البنات دفن وجوهن
    في الطرح و كانت اخاديد الدموع المشربة بالكحل،
    حي ووب!

    (عدل بواسطة saadeldin abdelrahman on 23-03-2009, 05:15 AM)

                  
|Articles |News |مقالات |بيانات

21-02-2009, 04:19 PM

مي أبوقصيصه

تاريخ التسجيل: 14-11-2006
مجموع المشاركات: 123

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    أشكرك أيها الأستاذ الصديق الأديب على هذي الكلمات الرقيقات في حق مدينة ود مدني.

    و سلِم القرطاس والقلم الذي مجَّد قبة أبونا الشيخ ودمدني السني .

    الآن فقط أدركت أن ذاك الصمت الطويل ، الذي أعقب مداخلتي، لم يكن عبثا بل كان "فوق راي".

    مدني المحفورة في ذاكرتي هي العراقة والأصالةهي نادي الخريجين ونادي الجزيرة والنشيشيبة والمدبغة ومدارس مدني الثانوية بنين وبنات وجامعة الجزيرة وسينما "الخواجة" والحي السوداني وجزيرة الفيل والحديقة الطبيعية "أم بارونا" وحديقة البلدية وصيدلية آل بحيري ومشروع الجزيرة ومركز الأبحاث الزراعية ، جلها معالم خضراء تنبعث منها رائحة الطين المرتوي بماء النيل الأزرق.

    ليت شعري، مدني في ذاكرتي هي الأطباء الإستشاريين والأختصاصيين بمستشفى ود مدني : د/ حسن حسين النعيم،د/ صلاح عبد الرحمن على طه ، ود/ صلاح طه، ود/ هادي الزين النحاس ود/عوض محمد أحمد المشهور بعوض القون وآخرهم العالم الأديب الذي واراه الثرى في الأسبوع الماضي د/ بشرى عمر أحمد أخصائي الأمراض الجلدية(رحمهم الله جميعا) ود/ عباس رمزي ، د/ حافظ الشاذلي ، د/ عثمان الناير ود/ محمد عجلاوي ، والجراح د/ ميرغني سنهوري(أطال الله عمرهم وأبقاهم).

    نحن والله نظل مفتونين بكل شبر في ربوع هذا المليون ميل موجع ومسكونين بحبه وحب من يحبه.

    ولك صادق الإعزاز

    (عدل بواسطة مي أبوقصيصه on 21-02-2009, 04:23 PM)

                  
|Articles |News |مقالات |بيانات

22-02-2009, 04:33 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: مي أبوقصيصه)

    يا أخوانا عمدة دا غيابو مريب!
                  
|Articles |News |مقالات |بيانات

22-02-2009, 06:05 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: يا أخوانا عمدة دا غيابو مريب!

    نستأذن أختنا سلمى صبحي لرفع هذا البوست متسائلين
    عن غياب عماد محمد عبدالله (عمده)
    وطارق أبوعبيده (خدر).
                  
|Articles |News |مقالات |بيانات

22-02-2009, 10:21 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    Quote: هذا البوست به كمّ من المشاعر والكلمات والمعاني الجميلة التي لا تخفى
    الا على (غير الناطقين بها).

    عجبني التعبير يا سلمى، حِتَة ( غير الناطقين بها )،
    شوفي الزول دا عمل عزف منفرد على العود في حفل خمسينية وردي ، برضو وردي بكى ،
    بداها ليهو ب (بشوف في شخصك أحلامي) وعرّج على ( لو بهمسه) ، أذكر أنه في ذات
    الحفل تغنى أبواللمين ووردي ب (لو بهمسة) والإتنين اشتغلو دويتو وغرّزوا في منطقة
    خوفي منك خوفي تنساني و تنساها الليالي فسكر السمار والخمار والجدران وستائر المسرح
    ، ياخ تلفزيوني لي هسه حردان ، وأعتقد إنك عارفه إنو تلك الجزئية من الأغنية ، جزئية
    خوفي منك ، منعت بقرار من الوكالة الدولية للطاقة الذرية باعتبار أن الإشعاع الصادر
    منها يزيد على 360 ملي ريم في الثانيه مش في السنه، عنوان القرار كان رفقا يا حبيبي.
    يا سلمى الكلام في الريده وعنها صعب ، تعايني السلك العريان تفتكريهو فاضي تلحقي تمسكيهو
    ... كل من عليها فان.
                  
|Articles |News |مقالات |بيانات

23-02-2009, 06:27 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)
                  
|Articles |News |مقالات |بيانات

26-02-2009, 06:02 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    *
                  
|Articles |News |مقالات |بيانات

26-02-2009, 12:08 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: ياخ تلفزيوني لي هسه حردان ، وأعتقد إنك عارفه إنو تلك الجزئية من الأغنية ، جزئية
    خوفي منك ، منعت بقرار من الوكالة الدولية للطاقة الذرية باعتبار أن الإشعاع الصادر
    منها يزيد على 360 ملي ريم في الثانيه مش في السنه، عنوان القرار كان رفقا يا حبيبي.
    يا سلمى الكلام في الريده وعنها صعب ، تعايني السلك العريان تفتكريهو فاضي تلحقي تمسكيهو
    ... كل من عليها فان.


    يضحك نهارك يا مرتضى أوكما قال ابن خالد

    يا اخوانا!
    مافي طريقة تجازفوا لينا "بتتعلم" دي.. بصورة نقدر نخليها في الموبايل?
    فيديو..اوديو اي حاجة
    ان شاء الله بس المقطع الموجود بصدر البوست
    اخوكم مغرووووووض
    و كلنا حيجي يوم و ننغرض الغرضة المنيلة دي

    و بكرا الريـــد وأنا ما مذاكر
    ابـكي ليكم يعني?
    حالة سعبة!
                  
|Articles |News |مقالات |بيانات

26-02-2009, 03:35 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: و بكرا الريـــد وأنا ما مذاكر

    ياخي بُعد الشر عليك،
    والله يا سعد في امتحان الحب نتمنى ليك بُكرا تنجح وبعد بُكرا تعيد.
                  
|Articles |News |مقالات |بيانات

27-02-2009, 00:39 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    يا مرتضى
    عليك الله تحليق الباشكاتب العمودي دا ما يخوف?
    تعرف مرات -جبانة كدا- بقول دكين ده معاه حق و عاطفيته اقتصادية جدا
    مالو و مال النشيج و العذاب ده!..
    "من طرف" دا خيار الخواف ربا عيالو/ضاير قليبو الاسلم..
    ارجع لي: تقول يا ريتني لو حبيت زمان من بدري!!
    يعني الباشكاتب دا يقص ليك بالدو زاتو..والله الا تبقى حاوي!
    اغرب حاجة يا مولانا انه في دخلتي الاولى لبوستينا العملته ساساقة دا جيت
    واقع اعشى و بدون ما اشاهد أو اسمع اليوتيوب المرفق ..و المـقـطع الوحيد
    الخطر لي هو بكرا الريد..لاجده هو فيما بعد!
    "انا لله" أو كما صاح عمدة.
                  
|Articles |News |مقالات |بيانات

27-02-2009, 12:52 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: "من طرف" دا خيار الخواف ربا عيالو/ضاير قليبو الاسلم..

    خذها مني، يا سعد ، المثل البيقول الخواف ربا عيالو ده مثل اتضح عدم صحته من حيث الشكل والمضمون والرواية،
    إطلب الموت توهب لك الحياة ، هكذا يقولون ، لكن كمان ما لدرجة التهور يا سعد.
    أما الجزئية الخاصة بمبدأ التقية فهي لاتجدي في حالات التسونامي ، يومها لاعاصم من الماء يا سعد،
    صدقني ، حين ياتي الطوفان ، وظني أنه أتاك ، لامركب ترسيك على (جُودِي) بس تسال الله حسن الخاتمة.
                  
|Articles |News |مقالات |بيانات

27-02-2009, 09:44 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)




    الهيئة العامة للسماحه في الزمن السمح ويتوسط الصورة - كخير الأمور - السيد الرئيس التنفيذي
                  
|Articles |News |مقالات |بيانات

28-02-2009, 07:26 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    ويا سعد ، زي ما قال الكاشف في (غصبا عنك يلفت نظرك) ، مهما تحاول تاخد حذرك تصبح عاشق غصبا عنك ،
    قلت لك لاعاصم يومها من الماء.
                  
|Articles |News |مقالات |بيانات

28-02-2009, 09:23 PM

الرشيد شلال
<aالرشيد شلال
تاريخ التسجيل: 27-11-2006
مجموع المشاركات: 378

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)


    سلام الشيخ سيدى ود مرتضى ، هى اول مداخلة فى هذا البوست من المرهف هشام حفتى تنقل عبرها بجمال بقدر شفافية هشام وباسلوب ممتع حيث افاض وقال :-

    قبل أربعة وخمسة سنين كان لي حبيب من شوفتو طولنا إعتبرته عابر طريق عاش الحب والظروف لأنه عاين من الشباك حتى زادت الشجون لديه من كثرة قراءة الجريدة سألته هل ممكن أشوفك بكرة في الموعد أجابني يا أسمر جميل لازم تتعلم من الأيام حتى لا يقولوا متألم شوية.
    يا حاسدين غرامنا .
    دي أول مرة أعمل مداخلة في المنبر العام عن طريق أحد الأخوان والمرة دي شعرت بأنه يجب أن أدلو بدلوي لأنو الزول ده سمح ولزيز وممتع ومؤلم وحلو و..و..و.. بإختصار الزول ده دافي ممطر ليلاً وصباحاً وحار وجاف برضو ليلاً وصباحاً
    في أغاني الواحد بيسمعها سنين وسنين ولا يمل ولا يسأم
    في أغاني الواحد يسمعها ويعيد سماعها مرة ومرتين وتنتهي ويعيد سماعها للمرة المليون لحدي ما الشريط يبوظ ويلحق الديناصور
    في أغاني الواحد يسمعها ويتمنى أن لا تنتهي
    في أغاني الواحد يسمعها لحدي ما شعر جلدو يقوم زي أبوالقنفد لا تعرف نفسك بردان ولا حران ولا جعان ولا عطشان ولا زهجان ولا فرحان.
    في أغنية عم عبد الرحيم مثلاً للراحل المقيم مصطفى بكيت بي سبب إحساسي بي ألم عم عبد الرحيم أما في هذه الأغنية فرشت عديل كده.
    الألم مختلف في الإثنين من حيث الكم والحجم واللون والرائحة حتى الدمعة مختلفة
    ومن تذوق طعم الدمعة يعرف تماماً أن طعمها مر زي موية الملح وفي الحالتين موية الملح دي كان طعمها مختلف.
    كان عندنا دكان في بيتنا
    مرة طلعت أشتري حاجة لقيت أغنية لودالأمين شغالة في الرادي بتاع صاحب الدكان وكان ودالأمين يقول (بريدك قبل ما أعرفك) جات واحدة جنوبية عاوزة تشتري وسمعت المقطع ده قامت طوالي قالت (والله ودالأمين ده كداب كدب .. كيف يأني بريدك قبل ما أأرفك .. وووه .. ما مأكولة أسلو)
    يعني الجنوبية دي لو كانت سمعت الأغنية دي كان قالت شنو ؟ يمكن كانت مشت حفظت جدول الضرب عشان تتعلم من الأيام وتعرف إنو الريد فيهو ضرب وقسمة وقتل كمان.
    ويا ريت بعد ده كلو إحنا زاتو نتعلم ... وما أعتقد إنو حنتعلم لأنو العلم القاصدو ود الأمين ده صعب علينا كلنا لا دبلوم يحلك ولا ماستر ينجدك.
    كان حبيت تتألم وكان إنجرحت تتألم وكان عرست تتألم وكان طلقت تتألم كان قعدت ساكت تتألم كان سمعت ودالأمين تتألم يعني نعمل شنو؟
    وزي ما قال الحاج مزكر لي صاحبو منوفلي (كان حبيت تنجرح وكان زرعت أردب تجيب نص أردب وطوالي رافعين شعار تحب إنت ويخش غيرك ودايماً حقوقنا العاطفية مهضومة).
    الغريبة إنو ودالأمين بيقول (مصيرك بكرة تتعلم) ولمن بكرة يجي تسمعو تاني يقول ليك (مصيرك بكرة تتعلم) طيب بكرة ما جا وبعد بكرة زاتو جا وبما إنو الأغنية عمرها 31 سنة يعني مرت 11315 بكرة والحال ياهو نفس الحال .. جنس بلادة.
    حتى ودالأمين زاتو .. هل هو إتعلم .. ما أظن إنو إتعلم
    لأنو لو كان إتعلم ما كان بكى
    براهو عملا في نفسو وفينا
    الله يديهو الصحة والعافية ويطول عمرو وعمركم
    قولوا آمين
    هشام عبد الغفار علي الصغير

    لك التحية ايها العزيز هشام ومتعك الله بالصحة والعافية – سيدى ود مرتضى لى عودة خاصة فى مداخلة اخرى .
    كل الود والاحترام
                  
|Articles |News |مقالات |بيانات

28-02-2009, 10:52 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: الرشيد شلال)

    يا هشام
    ذكرتنا الحلاق المعلق على مرايته: بكرا الحلاقة مجان!

    .. يا مولانا
    لا ملاذ من الماء و لا عاصم الا البنا
    حين غنى: قوللو يا المكحول طبيعي غير ثماد،
    يا الفريعك شال ثماره وخصره ماد،
    يا المحجب في الغرف ذات العماد،
    لو سهم عينيك صدف راسي الجماد..
    غير شك دك الحجارة و همدا!

    (عدل بواسطة saadeldin abdelrahman on 23-03-2009, 05:17 AM)

                  
|Articles |News |مقالات |بيانات

01-03-2009, 11:47 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الرشيد شلال)

    الأغنية يا الرشيد وحفتي ليها 41 سنه وليس 31 ولكني أعلم
    أنها كانت مكتوبة قبل مليار عام ونيف ، إذا عملنا تنويم
    مغنطيسي استرجاعي للحلنقي ومحمد الأمين (ريقريشن هيبنوزس)
    ستجدا أنهما مرا بتلك الأغنية في حيواتهما السابقة على اثينا
    كأقرب محطة زمنيا.
    بُكرا الريد دي لاتحسب بالتقويم الجريجوري وحساب أهل الأرض
    البسيط دا ، القصة أكبر من كدا وما تدخلونا في مشاكل بتصنيفنا
    ضمن الصابئين والعياذ بالله.
                  
|Articles |News |مقالات |بيانات

01-03-2009, 03:58 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    ان نجوت في تلك يا مولانا ، يحلك الله في : بريدك قبل ما اعرفك!
                  
|Articles |News |مقالات |بيانات

02-03-2009, 09:00 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: ان نجوت في تلك يا مولانا ، يحلك الله في : بريدك قبل ما اعرفك!

    الحِته دي يا سعد كتبت عنها سابقا في بوست الأخ دكين ( النداء الأخير) وقلت أن
    الأصل فينا أننا في حالة عشق مستدام غض النظر عن توفر المريود ذاتو.
    ليس بالضرورة أن يكون هنالك شخص في الأرض تحبه لتعيش الحب يا سعد..
    كلامي كان ما وقع ليك ناغمني بالطاقه أو النفاج،
    الناس الشهادتم عربيه يمتنعون.
                  
|Articles |News |مقالات |بيانات

01-03-2009, 07:05 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: مافي طريقة تجازفوا لينا "بتتعلم" دي..

    يا سعد الأغنية دي الإستماع إليها بحد ذاته مجازفة.
    لفترة طويلة كنت أتعجب لإستعمال بعضهم كلمة مجازفة
    لكن مؤخرا ( رسّوها) لي ،
    يا ناس الآي تي شوفوا لينا مقترح سعد دا.
                  
|Articles |News |مقالات |بيانات

01-03-2009, 07:48 AM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    كنا

    عصبة رمى بها الزمان في شقة بالطابق الخامس في عمائر يسمى صاحبها لاكوظ

    نتعاطى الكلية نهارا

    والهارت والويست ليلا في حالى غياب الجراد وقمل الخشب

    وحينما يفتلنا الحنين وكثيرا ما فتلنا الحنين ننتجاذب طرب ذلك الزمان الحالي

    وذات ليلة لعبت خمر الطرب برؤوسنا فاذا باحد المخمورين طربا ينزلق تحت الكنبة والكرسي وهو يتاوه
    فصار مثلا للانجذاب وسمي الشيخ البطاح
                  
|Articles |News |مقالات |بيانات

01-03-2009, 03:46 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: د.محمد حسن)

    Quote: في حالى غياب الجراد وقمل الخشب ،

    وأين الحصحاصة والفورتسيلا يا ابن معديكرب؟
    ألا رحم الله البطّاح والليالي المِلاح .
    ما زلت أذكر المهندس طه حسين كلما
    سمعت أبواللمين فهو في شيعته رافضي متطرف.
    سلامات يا حماده.
                  
|Articles |News |مقالات |بيانات

01-03-2009, 04:48 PM

سوسن عبد الله

تاريخ التسجيل: 28-03-2007
مجموع المشاركات: 181

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    يا سلام على الكلام السمح والجميل
    ود الأمين الله يديهو العافية عشان يتحفنا كمان وكمان


    Quote: الهيئة العامة للسماحه


    (وش ضاحك)
                  
|Articles |News |مقالات |بيانات

01-03-2009, 09:22 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: سوسن عبد الله)

    سوسن عبدالله،
    كيفك،
    في نوع من الشعر الواحد بيشوفو زي الونسه ، لكن الزول السمح ده بيديهو وصف تاني
    يعني كلامو في زاد الشجون ( كنت بحتاج ليك بشده وانت عني بعيد مافي عيشه بلاك بتبقى
    ومافي نشوه ومافي ريد ) كلام زي دا بيتسمع إبتداءا من نخاع العظام باتجاه الخارج نحو السطح،
    زي التسخين بالمايكرويف ، الزول يلقى جسمو في درجة الحراره العاديه 37 لكن القلب والعُضام نار الله الموقده ،
    قولي ربنا يحفظ عبادو بس.



                  
|Articles |News |مقالات |بيانات

02-03-2009, 09:03 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    Quote: زي التسخين بالمايكرويف


    هيييييييييييع حكي ملون ومدغلب زي حلاوة مولد

    (عدل بواسطة الطيب شيقوق on 02-03-2009, 09:04 AM)

                  
|Articles |News |مقالات |بيانات

02-03-2009, 01:16 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    يا الطيب،
    سؤال وداللمين في زاد الشجون ما زال ينتظر جوابا لن يأتي
    العشق كالليل الذي هو مدركنا وإن خِلنا المنتأى عنه واسع كما قال الشاعر
    أها ، وين حا نهرب منو وين؟


    ___
    ملون ومدغلب وحلاوة مولد!!!
    جاتك حاجه من السودان يا شيقا؟
                  
|Articles |News |مقالات |بيانات

02-03-2009, 09:47 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    بعدما قال للسمحه عويناتك ترع لولي وبحار ياقوت قام الزول ده الليله أسمعنا يا قريب ومني بعيد متى دهري بيك يجود،
    الجميل في سهرة الليلة ، في القناة الرسميه السودانية ، إنو لأول مرة أشاهد عازفة للكمنجة في أوركسترا التلفزيون ويبدو
    إنها عارفه بتسوي في شنو ، ربنا يحفظا.
    عيب سهرة الليلة إنها (إلزاميه) ، سد مروي وكدا ، يعني زي كورة الليلة واكل الإسبتاليه، لكن تجاوزنا ذلك وسَكَتنا عندما قال
    أبواللمين : خايفاك بُكرا تتوجع وأتوجع أنا.
                  
|Articles |News |مقالات |بيانات

02-03-2009, 09:53 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    Quote: جاتك حاجه من السودان يا شيقا؟


    الحطب السمح كمان شقيق يا المرتضى
                  
|Articles |News |مقالات |بيانات

02-03-2009, 10:37 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    يا الطيب ،
    بالجد المولد والحمصيه والفوليه والسمسميه عبدالله ما جاب منهم حاجه؟

    (عدل بواسطة محمد المرتضى حامد on 02-03-2009, 10:39 PM)

                  
|Articles |News |مقالات |بيانات

02-03-2009, 11:12 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    Quote: بالجد المولد والحمصيه والفوليه والسمسميه عبدالله ما جاب منهم حاجه؟


    جاية في الطريق عبد الله جاب الدكوة الطاعمة سريعة النهمة البتتلافاك ساعةالضيق خاصة لو كنت عزابي تتناولها سريع وتهبر لبوستيك
                  
|Articles |News |مقالات |بيانات

03-03-2009, 02:28 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    لو بقدر اشيل من الزمن وقتي..بموت في لحظة و اوهب ليك عقاب عمري. الا قاتل الله المايكرويف!
                  
|Articles |News |مقالات |بيانات

06-03-2009, 09:53 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    معليش يا سعد ،
    دورنا ينحصر في الكتابة والبكاء،
    و(مسح) الحروف والدموع دور حصري لبكري والهكر.
    برضو بُكرا الريد.
                  
|Articles |News |مقالات |بيانات

06-03-2009, 12:16 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    يا مرتضى، في عودتي السنة الفاتت بعد 13 سنة..
    كل خطوة كنت بقدل (رجع البلد)
    و قبل ما الشتاء يكتمل كنت حادف سريري في الحوش
    و ليل طويل لايقاسمني فيه الا بعض المكالمات
    و الركشات و نهيق حمار بعيييييد
    أو نباح كلب في الحلة - لاحظت نقصان عدد الكلاب و الغنم-
    و بعد السنين المرة يادوب العيون سهرن هجد..
    كنت اغوص عائدا في الزمان و المكان اجدد عهد وفاء..
    بلدنا حلوة و ناسا حنان، ربنا يحميهم و يغطيهم.

    (عدل بواسطة saadeldin abdelrahman on 23-03-2009, 05:20 AM)

                  
|Articles |News |مقالات |بيانات

06-03-2009, 01:47 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


وين ح نهرب منو وين؟ (Re: محمد المرتضى حامد)

    Quote: أها ، وين حا نهرب منو وين؟


    الهروب ليكون منه وإليه!!!








    ــــــــــ
    تحياتي محمد المرتضى وسعد والمتداخلون

    دائماً ما أرجع لهذه الواحة الوريفة
                  
|Articles |News |مقالات |بيانات

08-03-2009, 10:57 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: وين ح نهرب منو وين؟ (Re: انعام عبد الحفيظ)

    Quote: الهروب ليكون منه وإليه!!!

    (وهل يأبق الإنسان من ملك ربه فيخرج من أرض له وسماء؟)
    سلامات يا إنعام وحمدا لله على السلامة،
                  
|Articles |News |مقالات |بيانات

07-03-2009, 11:44 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: لو بقدر اشيل من الزمن وقتي..بموت في لحظة و اوهب ليك عقاب عمري.
    الا قاتل الله المايكرويف!

    قلت ليك يا سعد ، قبل التهكير الأخير ، إنو روي عن سيدنا آدم إنو عُرضت عليه ذريته التي ستعمر
    الأرض من بعده ومن بينهم الأنبياء بأسمائهم ، قيل أنه أعجب بحفيده سيدنا داؤود عليه السلام وسأل
    عن عمره فقيل له أنه سيعيش لأربعين فحزن والتمس أن يمنح مثلها خصما على عمره هو وتم له ذلك ،
    والله أعلم ، برضو سيد خليفه عندو غنيه كنا بنسمعا لما كنا سغار سناً بيقول فيها ، يشيل من عمري
    أنا ويديك الله يخليك. نعم هي الأغنية التي يقول فيها يا حبيب طبعك ما زي زمان وين حِنِّية قلب الفنان
    الخ.. يعني مسألة عملية تسوية الأعمار بأدجسمنت سريع هي بعض من السيرة الدينية والأشعار الدنيوية
    زي ناس ياجميل يا مدلل اللي قال للحبيب ( أهدي ليك الروح وانت بيها ما تقبل أكون محروم)..
    أعيش محروم.
    محروم.
                  
|Articles |News |مقالات |بيانات

07-03-2009, 08:00 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    Quote: جاية في الطريق عبد الله جاب الدكوة الطاعمة سريعة النهمة البتتلافاك ساعةالضيق خاصة لو كنت عزابي تتناولها سريع وتهبر لبوستيك



    يا شيقوق الدكوه دى مع الطماطم ولا ام فتفت .... حرام عليك بوست بتاع بتتعلم من الايام داير تقلبوا لينا تُكل
                  
|Articles |News |مقالات |بيانات

08-03-2009, 11:41 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: Ahmed al Qurashi)

    تعــــال فـــرح لياليـنـا
    سمعت المقطعين الآخرين من علوم الأيام
    لا الباش لم يغنيها يامولانا
    كان يضوع ..
    ذاااااب عدييييييل!
                  
|Articles |News |مقالات |بيانات

09-03-2009, 09:12 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    نعم يا سعد، الباش ذاب في (تعال فرِّح ليالينا) لكن أنا عايزك تراجع
    لما قال ( أقابلك وكُلِّي) حِنيَّه ، عليك الله أرجع ليها في الرابط أدناه
    اللي جبتو ليك تاني ، فور إيز أوف ريفرنس ، وحكِّم ضميرك وارجع لي.
    عودا ل (تعال فرِّح ليالينا) ، يا سعد ، (الحِته) دي - زي ما كان بيقولوا
    بنات وأولاد الجبهة الديمقراطية في الجامعه - الحِتّه دي فيها صدق سقفه لايُرى ،
    في ناس يا سعد تغدو الليالي في غيابهم كوالح مسهدات ، تنتظر مجيئهم لكي
    تحتفل خلاياك وتندلع الكرنفالات في أحياء القلب وكل الشوارع الممتدة بين
    الفؤاد والقفص الصدري والكبد والعيون ( مناطق العمليات) ،
    البصر يقدح فتيل المشاكل والرحلة تكملها البصيرة،
                  
|Articles |News |مقالات |بيانات

09-03-2009, 02:17 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    عفوا يا سعد، رابط الأغنية موجود في اليوتيوب إلا أن الرابط نفسه عَلِق به موضوع
    آخر رأيت معه ألا أورده رغم أن ناقل الكُفر ليس بكافر كما يقولون.
    مودتي.
    أحمد القرشي ، صاحبك في الأصل ما كان عايز يعمل البوست (تُكُل) ،
    كان عايز يرميهو في حُفره.
    تأبط شرا.
                  
|Articles |News |مقالات |بيانات

09-03-2009, 07:34 PM

حيدر امين
<aحيدر امين
تاريخ التسجيل: 13-07-2008
مجموع المشاركات: 2840

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    اقو ليها عيـــونك ...
    زى سواد قــــدرى ... لاحولـــــه
    مكحله عمرى من بدرى
    ولو اقدر اسافــــر .....
    فى بريق لحظك .. و ما ارجع
    تقول لى ... خايفاك بكره تتوجع
    آه ... تتـــــــوجع

    استغفر الله


    شوف جنس الكلام السمح البوجع ده يا مرتضى

    (عدل بواسطة حيدر امين on 09-03-2009, 07:35 PM)
    (عدل بواسطة حيدر امين on 10-03-2009, 08:57 PM)

                  
|Articles |News |مقالات |بيانات

10-03-2009, 11:09 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: حيدر امين)

    Quote: اقو ليها عيـــونك ...
    زى سواد قــــدرى ... حولـــــه
    مكحله عمرى من بدرى

    دا يا حيدر تجديد للبيعة مع المريود بس بحروف مكندشه ، يعني المرحوم عمر البنا
    لما قال إيه الحياة غير ليمك من بُعدك أصبح حظي زي لون هضليمك يا نعيم الدنيا
    كان قاصد المعنى ذاتو بس المشبه به في الأولى كان الشعر الأسود الفاحم في (الهضليم)
    ، وهو ذكر النعام ، وفي الأخرى ، أي قصيدة عويناتك للشاعر د. مبارك بشير إن اسعفتني
    الذاكرة الخؤون ، كان المشبه به القدر الكالح .
    والله يا حيدر بالفعل لون الهضليم لما تعاين فيهو بتغرق في سوادو، طبعا الجزئية دي
    تناولها الشعراء كثيرا وفي البال قصة إتعكر صفاي وبياضي أصبح حالك والحال العلي يا
    ريتو لو يوحالك ( يوحى إليك) وهي قصيدة أرضها من ذات الإقليم.
    عموما لو فتحنا باب الحظ العاثر مقروءا مع الظُلمة فلن ننتهي قبل العام القادم ،
    رغم أني أرى أن التعميم مخل ، فاللون الأسود في كثير من المواضع سماحتو بتودي الآخره
    عديل والأبيض أحيانا يكون صنو المرض ومن علاماته.
    بالله ما تغيب.
                  
|Articles |News |مقالات |بيانات

10-03-2009, 09:26 PM

حيدر امين
<aحيدر امين
تاريخ التسجيل: 13-07-2008
مجموع المشاركات: 2840

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    مــاهو باين فى العـــيون
    وين حنهرب منو ... ويــن؟؟
    الهوى ... البعث الليـالى
    الحــالمه .. فى ذات الشجون

    قالوا متألم شويه... ياخى بعد الشر عليك
    النضاره الفى شبابك .. والطفوله الفى عينيك
    والقلوب الحايمه حولك .. باحلو بتتمنى ليك

    عيونو نعسانه .. فتاكه فتانه
    سهامو آسرانا .. ولونو ده الاسمر

    سارحه مالك با حبيبه ؟؟ .. ساهيه وافكارك بعيده
    بقرأ فى عيونك حياتى .. وانت مشغوله بجريده



    الزول السمح ده قصتو مع العيون شنو؟؟
                  
|Articles |News |مقالات |بيانات

10-03-2009, 09:35 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: حيدر امين)

    دكتور القرشي

    Quote: حرام عليك بوست بتاع بتتعلم من الايام داير تقلبوا لينا تُكل


    انت عارف يا احمد اخوى التكل دا ذاتو ماعون السماحة ومحل الضربة الاولى للسماحة . انت مسكين يا اللخو ما عارف جميع افلام السماحة so to speak تبدأ من التكل مع مراعاة ان ينأى الطرفان عن بعض ال items التي قد تفسد السماحة .

    اخوك شيقا

    خبرة 35 عام داخل اضابير السماحة

    هييييييييييييييييييع
                  
|Articles |News |مقالات |بيانات

10-03-2009, 09:40 PM

حنين للبلد

تاريخ التسجيل: 04-06-2003
مجموع المشاركات: 4796

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    محمد المرتضى ذكرتنا ايام الشباب....هييييييييي يلا حسن الختام على قول وهبة...










    بوست يوجع..
                  
|Articles |News |مقالات |بيانات

10-03-2009, 09:56 PM

Alsa7afa_30
<aAlsa7afa_30
تاريخ التسجيل: 06-02-2003
مجموع المشاركات: 6618

للتواصل معنا

FaceBook
تويتر Twitter
YouTube


Re: الأغاني الكبيرة (Re: حنين للبلد)

    أ.محمد المرتضى


    سلامات و تحايا



    ليس لدي ما أقوله بعد قراءة هذا البوست

    و لكن إليكم هذه








    شايف عماد عبد الله زاغ من هنا !!!!

    إن شاء الله يكون بخير بس ...
                  
|Articles |News |مقالات |بيانات

12-03-2009, 08:56 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: Alsa7afa_30)

    Quote: و لكن إليكم هذه

    و(هذه) استنطقت القلم يا صحافة 30،
    صورة تكفي عن مقالات طوال وهي ملخص كل ما كتبته وما لم أستطع،
    يا حسام أتيت بموجز الفيديو الذي استهللت به هذه المساحة،
    عماد عبدالله الحكّاي الأصل فيه الإختفاء لذا أسميته (الوناس الخناس)،
    شكري ليك على الصورة من القلب فقد جمّلت المساحة.
                  
|Articles |News |مقالات |بيانات

11-03-2009, 04:07 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: حنين للبلد)

    Quote: محمد المرتضى ذكرتنا ايام الشباب

    تعرفي ، عندي ليك خبر أهمْ
    جايبو بي أشواق شديدةْ
    أسمعي وطاوعيني مرّة
    أيوة، ما تخليك عنيدهْ
    عايز أقول لكْ
    ليه أقول لكْ
    ما بقولكْ
    مش مخير
    ساعة مرت ساعة واكتر
    والوقت روّح تأخر
    زى عنادك عايز اعاند
    لكن يظهر ما حا أقدر
    امرى لله كنت عايز اقول،
    زي ما قال أحمد ناجي
    إنت لسا شباب بدري.
    يا حنين


    Quote: بوست يوجع..


    والحاله لسا ماعرضنا لحليفة الزول ده في (وحياة ابتسامتك) ،
    جهِّزي ال pain killer
                  
|Articles |News |مقالات |بيانات

11-03-2009, 11:28 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    Quote: انت عارف يا احمد اخوى التكل دا ذاتو ماعون السماحة ومحل الضربة الاولى للسماحة

    تعرف يا شيقا ، يبدو لي انك من الجماعه اللي بيمشو يجيبو الصينية
    من المطبخ في المناسبات ، الغدا والشاي والقهوه إلخ..، ويكحل بزاوية
    45 درجة، يا اخوانا الجَبَنه ما خِلست ؟ بُن حبشي يا شيقا ، ويجيك صوت يخترق
    سرعة الصوت ذاتو ، دقيقه دقيقه دقيقه هاك الفناجين النضيفه دي في الأول..
    عملنا ليها المِستِكه وعملنا ليك الذبحه ، مع بسمه بتطوِّل عُمـُر.
    شقي يا شيقا.
    شقي ومجنون.
                  
|Articles |News |مقالات |بيانات

11-03-2009, 07:13 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: حيدر امين)

    حيدر ،
    (يا معاين من الشباك)
    Quote: الزول السمح ده قصتو مع العيون شنو؟؟

    هو براهو؟
    طبعا الزول دا عجبتو (بدور القلعة) بالتحديد عشان أبوصلاح قال:
    العيون النوركن بِجهرا غير جمالكن مين السهَّرا.
    لكن معاهو حق يا حيدر، فهذا الرجل الجميل شأنه شأن معظم الشفيفين،
    ( طبعا شفيفين دي هلكوا بعيرها في المنبر دا) رجل هدمت أسواره وقلاعه العيون،
    والعيون يا العزيز تتراوح بين "الكاتيوشا" و"التوبل إم" ، ورغم أن الكاتيوشا
    لها تأثيرها المعروف لكن "التوبل إم" يا حيدر عابر للغارات وله قدرة عاليه
    على اختراق جميع منظومات الدفاع الجوي، ساحق ماحق ، آثاره التدميرية الله لا ورّاك
    ليها ، ولاّ أقول ليك ، الله يسعدك بيها وتقابلني.
    تسلم.
                  
|Articles |News |مقالات |بيانات

12-03-2009, 01:27 PM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    عارف يامحمد المرتضى اخر حفله عامة وكانت اول حفله احضرا لمحمدالامين كانت فى دار الاوبرا المصريه فى2007 وتمانيه وتحديدا
    اغسطس طبعا بسمع ليهو لكن بقصد مباشر .. والله يامحمدالمرتضى رجعت سنيين وسنيين لى ورا ولاول مرة اشوف اهلنا المصريين مستمتعين
    بغنى سودانى وقادرين يفهمو البيتغنى شنو تخيل بالرغم من انى سمعت اغانى ليهو كتيرة فى شرايط لكنى اكتشفت انى مااستمعت ليهو
    كويس .. والله يامحمد انا كنت مقررة انى مااقعد كتير فى الحفله احضر لى بس اغنيه او اتنين والسبب انى كنت مغادرة القاهرة تانى
    يوم لكن لقيت نفسى نسيت ليك السفر وابوسنين السفر وحضرتها للنهايه والله مافضل لى الا امشى اوصلو محل مانازل والنتيجة كانت فاتتنى الطيارة عديل لكن والله ماندمت ..ياخى ده انسان جميل بشكل خرافى وبيختار كلمات اغانى بتشبهو .. معنى على حسب تخيلى كلمات الاغانى البيغنيها دى تحديدا مااظن كانت ممكن تنجح لو فى زول تانى هو الغناها .. اغنيو دى من احب اغانية الى قلبى واظنها هى بتكون السبب
    وحياة ابتسامتك ياحبيبى وحياة عينيك
    قلبى حاذرك ومن زمان سائل عليــك
    كلو لمسه فى خيالى عن جمالك هى فيك
    قبل ماشوفك كنت فاكر الريد مستحيل
    كنت هايم فى طريق خـــالى طويـــل
    لليلى دون الناس كللو ااهات ولويل
    تشهد الايام ويشهد الليل والنحيب
    قلبى عاشق ودربى خـــالى من حبيب
    لكن ياحــــبــــيــــبــــــــى
    من يوم ماشفتك قلبى للدنيا ابتسم
    اشرقت دنياى وفارق دربى الــهم
    فى انتـــــظــــــــــــارك
    ياحبيى رايح ارعاك بى حنـــانى
    القى فى قربك سعادتى وانــــسى
    تعذيبى وهوانى يبغرو العشــاق
    من هوانا فرحة الــريد والامانى
    ياحبيبى عشت لليـــا وعشت ليك
    هــاك عهدى وهات ايـــديـــك
    وحيــاة غرامى اهدى عمـــــرى
    وروحى ليك انــــا روحى ليــك
    تســـلم يارب من كل شـــر ...
                  
|Articles |News |مقالات |بيانات

12-03-2009, 06:37 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: ماجدة عوض خوجلى)

    Quote: مع بسمه بتطوِّل عُمـُر.


    نان دي ما البسمة البتنشف الريق وتخليك تبلع في ريقك وتعتر في العتبة وماك بتفرز بين الضيف الداخل ومارق
                  
|Articles |News |مقالات |بيانات

13-03-2009, 12:46 PM

Magdi Ahmed Elsheikh
<aMagdi Ahmed Elsheikh
تاريخ التسجيل: 11-03-2008
مجموع المشاركات: 7720

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    Quote: في نوع من الشعر الواحد بيشوفو زي الونسه ، لكن الزول السمح ده بيديهو وصف تاني
    يعني كلامو في زاد الشجون ( كنت بحتاج ليك بشده وانت عني بعيد مافي عيشه بلاك بتبقى
    ومافي نشوه ومافي ريد ) كلام زي دا بيتسمع إبتداءا من نخاع العظام باتجاه الخارج نحو السطح،
    زي التسخين بالمايكرويف ، الزول يلقى جسمو في درجة الحراره العاديه 37 لكن القلب والعُضام نار الله الموقده ،
    قولي ربنا يحفظ عبادو بس.



    شكرا ليك يامحمد...!!
                  
|Articles |News |مقالات |بيانات

14-03-2009, 12:54 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: Magdi Ahmed Elsheikh)

    د. مجدي، الشكر مبذول لك أنك كنت أول من أتى زائرا هذه المساحة،
    أتمنى على المولى دوام الود والتواصل،
    عفوا ، أحيانا نمد أرجلنا إلى ما بعد (اللحاف) ونُجري تشبيهات
    طبية على سبيل الترويح وليس طلبا لها لحد ذاتها ، يعني نتغول
    على تخصصاتكم ، المهم بالله مشّوها لينا ، يعني كان كررنا مقولة
    ودالرضي وقلنا : جدله مملوخه وفي معالق الجوف موسو مجلوخه ، مشّوها
    لينا واعتبروها نتائجا لأفعال السمحات في ال gastrointestinal tract.
    تسلم يا حبيب.
                  
|Articles |News |مقالات |بيانات

14-03-2009, 09:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    Quote: Quote: مع بسمه بتطوِّل عُمـُر.



    نان دي ما البسمة البتنشف الريق وتخليك تبلع في ريقك وتعتر في العتبة
    وماك بتفرز بين الضيف الداخل ومارق


    يا شيقا ، شابكنا هيييع هيييع ، هسه بسمه نشّفَت ريقك وخلَّتك تزازي؟
    ذكّرتني بادي رحمة الله عليه في غنية العبادي لما قال في (شيخ ريّا):
    (صيَّح سرور وتلاهو اللمين وضلّت قلــوب العالمــين
    عاقلنا، يلزمني اليمين ما عارف شمالو من اليمين)
    تاني حذاري تقول هيييع يا الطيب ، حوا والده ، البسمه البطوِّل عمر والنظره
    البتذوِّب حجر دي ما خرافه،
    يحفظك مولاي من الليزر ومن قاما وبيتا وتحت الحمراء
    وفوق البنفسجيه.
                  
|Articles |News |مقالات |بيانات

13-03-2009, 04:12 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: ماجدة عوض خوجلى)

    Quote: لكن لقيت نفسى نسيت ليك السفر وابوسنين السفر وحضرتها للنهايه والله مافضل لى الا امشى اوصلو محل مانازل
    والنتيجة كانت فاتتنى الطيارة عديل لكن والله ماندمت

    العزيزة ماجدة،
    لاشك أنك اتخذت القرار الصحيح ، الطائرات ملحوقة ولا أظن أن أيا من مئات الرحلات تركت في نفسك أثرا
    أو ذكرى إن لم تكن صاحبتها حادثة بعينها وذهبت كلها طي النسان ، لكن الرحلة التي (وفقك) المولى بعدم اللحاق
    بها لن تنسى فقد اكتسبت مساحتها في الذاكرة بسبب الزول السمح ، ووالله لو كنتِ لحقت بتلك الرحلة لكان شأنك شأن
    قوم موسى ممن يستبدلون الذي هو أدنى بالذي هو خير .
    أغنية وحياة ابتسامتك تحديدا ، للراحل محد علي جباره، من الأغنيات التي يعتقد كل من يستمع إليها أنها كتبت له
    ومن ثم يتبنى علاقة شخصية معها وعندما يبدأ الزول دا في تأديتها يعتقد صادقا أن محمد الأمين قال ليهو يا فلان
    تعال داير أقول ليك كلام بيني وبينك ... وبين حبيبي بالطبع. عندي إحساس صادق يا ماجده إنو ناس أمريكا اللاتينية
    وسكان التبت وحضارة الأنكا وبعض قبائل الإسكيمو مظلومين لأنهم ما سمعوا الغنيه دي وبالذات من غرق من قارة أتلانتس
    الراحو فيها ساكت وناس التايتانك كمان ، أسال الله تعالى أن يعينهم على حالة النقص تلك ويجعلها لهم كفارة عن
    ذنوبهم ويعوضهم عنها خيرا.
    وحياة ابتسامتك؟ لا حول ولا قوة إلا بالله.
    غايتو ، زي ما قالت حنين ربنا يدينا حسن الخاتمة.
                  
|Articles |News |مقالات |بيانات

14-03-2009, 10:22 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    يا مولانا الماجدة خالتو اكيد سمعت قلنا ما ممكن تسافر
    و هي محظوظة طبعا انه القرار كان بيدها..
    جيرانا كان عندهم حفل زواج احياه الباشكاتب
    وين.. في الكلاكلة القبة و هو اصلا قلما تجده في مناسبة
    متين..قبل يوم من امتحانات الشهادة الابتدائية!
    الحاجة الله يطول عمرها بالعافية وهي تعلم حبي للزول السمح
    صرحت: تكمل مراجعتك بدري و تجي تحضر ليك فاصل واحد و بعدها على سريرك!
    لم تجدي اي اعتراضات أو "تسويات" معها..
    قمت بالمطلوب و شهدت فاصلا به هواي تستبعدوا و قالوا متألم شوية و اغنية
    او اتنين غيرهن..و مع انه قضيت باقي ليلي دون الناس و انا ملقي السمع
    الا أنني دخلت تلك الامتحانات و سكينة غريبة تغمرني
    يا غالي ليـــك هـويـنـا
                  
|Articles |News |مقالات |بيانات

14-03-2009, 02:01 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: gastrointestinal tract


    وجع - 16

    اهلك بالحيل قروك آآآ جني
                  
|Articles |News |مقالات |بيانات

15-03-2009, 07:58 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: و شهدت فاصلا به هواي تستبعدوا و قالوا متألم شوية

    صدقني يا سعد لو كان الغنيتين ديل فاتوك وقعدت للمذاكره ما كان نجحت.
    زمان لما أبو اللمين يغني أغنيته الحوارية عويناتك ، أقوليها تقول لي أقول ليها إلخ...،
    وسعد يعزف على الكيبورد وبعد الفاتح حسين يخُج الليد جيتار يقوم سعد (يمسح) مفاتيح
    الكيبورد من الشمال لليمن برشاقه في صوت يشبه إنهيار بناية من مليون طابق ،
    ترجع البيت وأنت تتجشأ نغم وتتمدد في سرير الحوش الضاربو الهمبريب بعيدا عن حائط
    السور خشية توالي الإنهيارات.
                  
|Articles |News |مقالات |بيانات

15-03-2009, 08:24 AM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    يا محمدالمرتضى
    ياخوي أنا جنس كلامكم دا ما بقدر عليهو
    دا داير ليهو نفس طويل ونحن نفسنا اتقطع من زمان.
    أنا بس خلوني اعاين بي عيوني واستمتع بهذا الحكي الجميل.
    عندك مانع؟!


                  
|Articles |News |مقالات |بيانات

15-03-2009, 08:40 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد أحمد الخضر)

    ود الخضر

    Quote: أنا بس خلوني اعاين بي عيوني واستمتع بهذا الحكي الجميل.


    حكي المرتضى علا تجيهو صاري مختار الصحاح اوالمصباح المنير في اباطك . وكان جفل بيك صوب الكلام الطبي بحشرك في ال ICU توووووووش
                  
|Articles |News |مقالات |بيانات

15-03-2009, 10:13 AM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    شيقوق:
    Quote: حكي المرتضى علا تجيهو صاري مختار الصحاح اوالمصباح المنير في اباطك


    لا يا مسنوح دا اسمو السهل الممتنع
                  
|Articles |News |مقالات |بيانات

15-03-2009, 11:48 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد أحمد الخضر)

    Quote: دا داير ليهو نفس طويل ونحن نفسنا اتقطع من زمان.

    أستاذنا الجليل الجميل ودالخدر،
    يا سيدي بزيارتك بيتنا نوّر كلو زينه زي ما غنَّى إبراهيم عوض عبدالمجيد
    ربيب المسالمه وحي العرب.
    يا عزيزي إنت الشباب ذاتو لكن قبلنا عذرك الديبلوماسي في ردَّك الأساسي
    ( شايف اثر الهبوط على لغتنا؟ ولو جيتني بعد سنه حا تلاقيني نسيت
    "يا نديمي" وقاعد أغني سي سي في سي سي في وريدي الرئيسي والله ما
    حاتعرف إنك في المنبر ولا في شفخانه).
    إنت نَفَسَك ما بِنقَطِع من بوستاتنا السغيره دي لكن قول مشغــول
    بسباق اختراق الضاحيه عن طرائف التدريس الذي يزحف نحو أرقام
    المنبر القياسية،
    والرحلات الجميله في السيب.
    مودتي يا سيدي.

                  
|Articles |News |مقالات |بيانات

15-03-2009, 04:05 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    ود الخضر

    Quote: يحفظك مولاي من الليزر ومن قاما وبيتا وتحت الحمراء


    قال سهل ممتنع : هسع دى اكان قالوا ليك احيلها لدائرة الاختصاص في مدرستك بتوديها على وين التربية الاسلامية ولا الفيزياء ولا الاحياء ولا الجغرافيا؟
                  
|Articles |News |مقالات |بيانات

16-03-2009, 10:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    كلام للحلوه من هاشم صديق
    لما شفتك ليلِى ضَّو وبَقَّ نور

    ونرجس الجنه المفرهد

    رفّ بى جِنحَات عطور

    وغنَّى فارسِك

    خَتَّ صورتِك فى الإطار

    فى الليالى نَجِم يِلالى

    ونسمه فى وهج النهار

    وقال فى وَصفِك لما بنتى

    أحلى مِنِّك . برضُه إنتِى

    وما فى غيرِك زول معانا

    حتى كان يا سمحه غِبتى



    ومَرّه جَالَن الف خَاطِر

    بى عيون عقلى المسَاهر

    فجأه عينيكِ الحبيبه

    !قالو سارح وين مِسَافِر؟

    عِشتَ قولِن شيل وصَفقَه

    وقُلت بس يا ريتنى القى

    همسه فى حُلم الأميره

    أو سَبَايب فى الضفيرة

    أو عِقيد فى تِبرِ جيدها

    أو قليب فى راحة ايدها

    يا زمان أسمعنى واكتب:

    البَرِيدها وريدها سِيدى

    وريدِى سِيدَها

    الزمان لوحتى بالغ

    ما أظِن فى زول يعيدها.

    يا حَلاتِك

    مره همسه .. ومره نَسمَهومره هَلّت نَجْمه غابت

    ومره صَحْوَة غمزه نامت

    ومره ضحكه تَرَضِّى شوقنا

    ومره كلمه تضِّوى فوقنا

    ولمّا نسرح فيكِ قَادلَه

    زى ملايكه علينا نازله

    بَس نغنى:

    يا حلاتكُم يا أهَلنَا

    يا مصابيحنا ونجومنا

    الضّاويَه فى واحات زَمَنَّا

    خمَج
                  
|Articles |News |مقالات |بيانات

15-03-2009, 04:28 PM

سوسن عبد الله

تاريخ التسجيل: 28-03-2007
مجموع المشاركات: 181

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    هلا ...
    Quote: سوسن عبدالله،
    كيفك،
    في نوع من الشعر الواحد بيشوفو زي الونسه ، لكن الزول السمح ده بيديهو وصف تاني
    يعني كلامو في زاد الشجون ( كنت بحتاج ليك بشده وانت عني بعيد مافي عيشه بلاك بتبقى
    ومافي نشوه ومافي ريد ) كلام زي دا بيتسمع إبتداءا من نخاع العظام باتجاه الخارج نحو السطح،
    زي التسخين بالمايكرويف ، الزول يلقى جسمو في درجة الحراره العاديه 37 لكن القلب والعُضام نار الله الموقده ،
    قولي ربنا يحفظ عبادو بس.

    تعرف بالذات أغنية زاد الشجون حفظتهابنفس طريقة أداء ود الأمين وانا طفلة لما كان الوالد (الله يديهو الصحة والعافية ويطول في عمره) يستمع للأغاني السمحة دي كنا وقتها بمدني الجميلة... يااااه .. زمن.
                  
|Articles |News |مقالات |بيانات

15-03-2009, 06:52 PM

محمد أحمد الخضر
<aمحمد أحمد الخضر
تاريخ التسجيل: 14-07-2008
مجموع المشاركات: 1302

للتواصل معنا

FaceBook
تويتر Twitter
YouTube


Re: الأغاني الكبيرة (Re: سوسن عبد الله)

    Quote: يحفظك مولاي من الليزر ومن قاما وبيتا وتحت الحمراء

    شيقوق:
    قمت على جنك
    ات البوديك للحاجات دي شنو؟!
    أشرح لي تحت الحمراء دي تكون كيف؟
    !
                  
|Articles |News |مقالات |بيانات

15-03-2009, 07:31 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد أحمد الخضر)

    الخضر

    Quote: أشرح لي تحت الحمراء دي تكون كيف؟!


    اشرح ليك شنو ؟ بتتحودب بعمتك الماكنة دى الزي عمة الفنان خلف الله حمد وكمان تقول السهل الممتنع .

    التحت الحمراء خبرها بتلقاهو عند فيسل هليل الما عندو قشة مرة
                  
|Articles |News |مقالات |بيانات

17-03-2009, 12:20 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    لما شفتك ليلي ضوا وبقا نور
    يا سلام
                  
|Articles |News |مقالات |بيانات

17-03-2009, 12:40 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    دحين يا اخوانا مولانا دا ما موذي؟
    يا مرتضانا أنا ماشي اتحالف مع عمدة
    نقاضيك بتهمة الاذى الجسيم.
    عايز افت ليك صاحبي حمور
    كمان قال ما بطيق غنا الباش،
    خالتو قالت ليهو ذوقك بتاع عنقالة
    ..لوووول عفيت منها و رثيت لصاحبي!

    (عدل بواسطة saadeldin abdelrahman on 23-03-2009, 05:22 AM)

                  
|Articles |News |مقالات |بيانات

17-03-2009, 01:51 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    هاشم صديق زاتو ما نصيح، يكون مخاوي؟
    ليلي ضو و بق نور!
    دا ما زولنا ابفانوس
    البظهر للناس في الخلاء داك..
    شفت الصاغ محمود : في مسايرو نجمي ضال؟
    و في الصباح يحمد القوم السرى.

    (عدل بواسطة saadeldin abdelrahman on 23-03-2009, 05:24 AM)

                  
|Articles |News |مقالات |بيانات

17-03-2009, 03:47 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    المرتضى

    اهلنا الحبش كلهم سمحين صاح؟
                  
|Articles |News |مقالات |بيانات

17-03-2009, 06:26 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: الطيب شيقوق)

    Quote: اهلنا الحبش كلهم سمحين صاح؟

    يا الطيب ، سألتك بالله ما تجيب لي مشاكل،
    الحبش ديل لا سمحين لا بيعرفوا يرقصو ولا الزغني بتاعم طاعم وأنجيرتم ذاتا مسيخه،
    وغناهمل لا يطرب ولا الإسكِستا بتاعتم ظريفه ولا شهقتم بتودي الآخره وقهوتم ما بتنشرب.
    وأديس ذاتا كلها كتاتيح وحر وعرق.
    خلاس ارتحتا؟

    سعد، بالله شغِّل لينا (أسمر جميل فتان).
                  
|Articles |News |مقالات |بيانات

17-03-2009, 03:55 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    هاشم صديق يا سعد زول شاعر بالباب عديييل ،
    عندما تقرأ أشعاره ينتابك أنه كتب في اللوح المحفوظ شاعرا،
    هنالك شعراء تقرأ لهم وتحس أنهم سعوا للشعر لكن هاشم تأتيه
    القصيدة (منقادة تجرجر حروفها),
    في همسة شوق قال:

    بريدك
    كلمه كان رفّت
    يِهش ثغر النجوم ويسطعَ
    ولما ينادى همس الشوق
    يقيف كل الزمن ويسمع

    شوف الكلام البيشخِّت حواشي الكبد دا،
    وبعدين يا سعد ، الزمن مش يقيف ويسمع وبس،
    أبدا ، القصة ما بالبساطه دي ،
    في رواية أخرى يسمع ويرجع،
    وعلى قراءة إبن مريود ، يركع.
                  
|Articles |News |مقالات |بيانات

17-03-2009, 04:24 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: الأغاني الكبيرة (Re: محمد المرتضى حامد)

    هاشم شاعر مولود بقوافيه وخلجانه و انواءه.. الملحمة عمدته في الموضع الكلاسيك للشاعر كلسان "شعب" و ليس قبيلة فقط.. مصطفى غنى ليه برضو كم قصيدة.. تعجبني جدا "كرهت تفاهة الثوار".. عيونك ديل عيون اهلي حنان زي نغمة في مقطع؟ الليلة لا حولا!
                  
|Articles |News |مقالات |بيانات

18-03-2009, 09:44 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: الأغاني الكبيرة (Re: saadeldin abdelrahman)

    Quote: هاشم شاعر مولود بقوافيه وخلجانه و انواءه.. الملحمة عمدته
    في الموضع الكلاسيك للشاعر كلسان "شعب" و ليس قبيلة فقط..

    كلام سمح يا سعد،
    سمح بالحيل،

    وقال:

    بحبك ومافى غيرك نور
    يهِل ويغمرُ طريق الشوف
    وما فى بَلَاك نور بِسْطَع
    ولا فرحاً يسوقنى يطوف

    إتخيل الفرح يسوقك من إيدك يلف بيك الدنيا،
    تنظيم العرض بين طيات السحاب.


    كرنفالات الريو.
                  
|Articles |News |مقالات |بيانات

17-03-2009, 09:28 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


معقول لكن!!! (Re: محمد المرتضى حامد)

    لقيت الأغنية بتاعت السهرة دي عند إستريو سجلها لي في شريط

    ما قدرت اسمعها كلها مره واحده إتخيلوا بسمع فيها شوية شوية !!!
                  
|Articles |News |مقالات |بيانات

18-03-2009, 01:22 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: معقول لكن!!! (Re: انعام عبد الحفيظ)

    Quote: ما قدرت اسمعها كلها مره واحده إتخيلوا بسمع فيها شوية شوية !!!

    تصرف لا تعوزه الحكمه يا إنعام،
    سبق وأن ذكرت أعلاه بأن أغاني أبواللمين يُنصح بالإستماع إليها على جرعات،
    الإستماع إلى أغنية زي بتتعلم من الأيام دفعة واحدة بيعتبر overdose غير محسوب العواقب.
    هذا ما ورد في النشرة المرفقة.
                  
|Articles |News |مقالات |بيانات

18-03-2009, 02:14 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: معقول لكن!!! (Re: محمد المرتضى حامد)

    أخي الأصغر أحمد لما كان طفل
    و يادوبك بمشي و رجليه ما شايلاه حتى،
    يقيف قدام الاستريو و يأشر بصباعه
    على مكان الشريط صائحا: هبيبي..هبيبي!
    فأفهم انه الأخ بطالب ب" يا حاسدين غرامنا"
    لكي يرقص على انغامها بساقيه المكلوجتين.
    طفلنا الحب طفل من نار ..
    طفل بيعيش اغرب اطوار..
    يضحك الحان..يبكي اشعار..
    يإمر الناس يمشوا مشوار ،
    اربعة سنين!

    (عدل بواسطة saadeldin abdelrahman on 23-03-2009, 05:26 AM)

                  
|Articles |News |مقالات |بيانات

18-03-2009, 04:47 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: معقول لكن!!! (Re: saadeldin abdelrahman)

    Quote: طفلنا الحب طفل من نار

    شوف الناس لما تستصحب حقيقة الخلق من جهة وتتبحر في علوم الأديان
    واللاهوت ، يخال لي أن الشاعر أخذ هذا المضمون من الزرادشتية
    أو الأزيدية الذين يرون أن العالم تحكمه قوتان هما الخير والشر
    والأولى أصلها نار الضياء التي يولد منها الحب وأما الثانية
    فيولد منها الكذب والأوبئة والرذيلة ، والعياذ بالله. أها الطفل
    المن نار دا كلام في العقائد مافي داعي نمشي فيهو بعيد لأن الجان
    نفسه خلق من مارج من نار، يعني من لهب مختلط بدخان أسود والله أعلم.
    قلت ليك شغِّل لي (أسمر).
                  
|Articles |News |مقالات |بيانات

19-03-2009, 12:54 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: معقول لكن!!! (Re: محمد المرتضى حامد)

    Quote: " يا حاسدين غرامنا"

    في ذات الفترة التي فازت فيها أغنية بتتعلم من الأيام بالمركز الأول ،
    وهي 1979 ، إن لم تخني الذاكرة ، كانت أغنية يا حاسدين غرامنا هي الأغنية
    الأشهر في الحفلات بلا منازع ، رغم أنو واحد من ناس مدني برضو اكتسح الساحة ،
    مع الفارق ، وهو عبدالعزيز المبارك بأحلى جاره وأخواتها من الأغنيات
    الراقصة التي يؤديها بعد أن يكون الجميع شبع بكاءا من ( ما كنت عارف) والتي
    كانت تبثها الإذاعة المدرسية بما يشبه الإنذار بما سيؤول إليه الحال بعد الإمتحانات.

    _______

    أخوك السغير البيشابي للشريط دا يا سعد أيضا ينطبق عليه وصف ( الوعي المبكر والعاطفه النبيله).
                  
|Articles |News |مقالات |بيانات

19-03-2009, 01:52 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: معقول لكن!!! (Re: محمد المرتضى حامد)


    عيونو نعسانة..
    فتاكة فتانة..
    و قامته كالبانة
    يتهادى لو يخطر.
    اضف لما سبق، الانجيرا الكثيرة من مسببات ال Reflux ‎
    كما ان سكر الجبنة قد يعبث بنسبة الجلكوز في الدم.

    (عدل بواسطة saadeldin abdelrahman on 23-03-2009, 05:40 AM)

                  
|Articles |News |مقالات |بيانات

20-03-2009, 10:18 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: معقول لكن!!! (Re: saadeldin abdelrahman)

    ما ظنيتني احسد لي ناس في غرامهم،
    لكن يا انعام أنا حاسدك عديييل في تسجيلك دا!
    .. و كمان تسمعي بالقطارة يا غتيتة،..
    ياخ أنا ما فردتك؟

    (عدل بواسطة saadeldin abdelrahman on 23-03-2009, 05:42 AM)

                  
|Articles |News |مقالات |بيانات

20-03-2009, 11:53 AM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: معقول لكن!!! (Re: saadeldin abdelrahman)

    Quote: ما ظنيتني احسد لي ناس في غرامهم، لكن يا انعام أنا حاسدك عديييل في تسجيلك دا!.. و كمان تسمعي بالقطارة يا غتيتة،.. ياخ أنا ما فردتك؟


    سعد الدين يا فردة ههههههه

    بطّل حسادة ياخ انا لما جيت أشتري الشريط كنتوا في بالي

    وإشتريت عدد 2 كاسيت زيادة واحد ليك وواحد لـ ود المرتضى

    ود المرتضى بيصلو قريب بس الدور والباقي عليك في البلد دييييييييك

    رسل العنوان البريدي عشان نرسلو ليك على الـ دي أتش أل ههههههههههههههه


    ـــــــــ
    تاني ما تحسد الناس ياخ
                  
|Articles |News |مقالات |بيانات

20-03-2009, 12:31 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: معقول لكن!!! (Re: انعام عبد الحفيظ)

    Quote: الحبش ديل لا سمحين لا بيعرفوا يرقصو ولا الزغني بتاعم طاعم وأنجيرتم ذاتا مسيخه،
    وغناهمل لا يطرب ولا الإسكِستا بتاعتم ظريفه ولا شهقتم بتودي الآخره وقهوتم ما بتنشرب.
    وأديس ذاتا كلها كتاتيح وحر وعرق.


    صاح ما سمحين ولا شهقتهم بتسل الروح

    ما سمحين؟؟؟؟؟؟؟؟؟؟؟


    الزاكي عبد الحميد قال يا الطيب انت بوستيك بتاع الحبش عدد قرائه 4000 - قال لي انا براي متصفحو 100 غير نوع المرتضى البيجي بتاوق مسارقة ويلف على بوست زول سمح .
                  
|Articles |News |مقالات |بيانات

20-03-2009, 02:18 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: معقول لكن!!! (Re: انعام عبد الحفيظ)

    Quote: وإشتريت عدد 2 كاسيت زيادة واحد ليك وواحد لـ ود المرتضى

    ود المرتضى بيصلو قريب بس الدور والباقي عليك في البلد دييييييييك

    للتوثيق والتذكير فيما سيأتي من أيام لو عشنا.

    تذكرت بيت جرير الشهير: زعم الفرذدق أن سيرسل الكاسيت... فابشر بطول سلام يا الشريط.
                  
|Articles |News |مقالات |بيانات

20-03-2009, 03:05 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: معقول لكن!!! (Re: محمد المرتضى حامد)

    وبعيدا عن الفرزدق ، يا إنعام ، قال جرير أصدق بيت قالته العرب:

    إني لأرجو منك خيرا عاجلا
    والنفس مولعة بحب العاجل

    مسكين جرير ، ليته عاش زمن سودانيزأونلاين وال DHL .
                  
|Articles |News |مقالات |بيانات

20-03-2009, 06:48 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: معقول لكن!!! (Re: محمد المرتضى حامد)

    المرتضى السمح خلقة وخلقا كيفك يا الحبيب ؟
                  
|Articles |News |مقالات |بيانات

23-03-2009, 05:54 AM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: معقول لكن!!! (Re: الطيب شيقوق)

    و هجعة زول بعد ترحال
    و تنية حلوة للشبال
    و دنيتنا و مشاويرنا اللي ما بتتقال
                  
|Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de