معليش ابيخ ليك متعتك دى ياخ ههههههههههههه اول شئ الحته الفيها التصوير دى هى بيت الفنون القصة دى مفبركه و متفقين عليها و دي بالنسبة لى واضحه لسبب و احد هو أنو الزول المواطن العادي دا هو العامل المشرف على الكهربا في بيت الفنون و عارف و ناقش اي حاجة و بالنسبة لى انو ربيع طه (صاحب الكاميرا الخفية) متفق مع الزول دا .
و كدا بتكون اهم حاجة في الكاميرا الخفية اتنفت صح؟
بالجد لو كانت ما مطبوخه كان بتكون متعه .
و شكرا
12-04-2011, 06:33 AM
Munir Munir
تاريخ التسجيل: 02-11-2002
مجموع المشاركات: 10496
يا سفيان .. ياخي لو قلبت هوبة زاتو ما حتخرب لي متعة الموقف ده .. بعدين لو أصلو متفقين لزوم التنكر والنظارة شنو.. ياخي لو الزول أبو بنطلون ده بيمثل يكون أحسن ممثل .. الموقف ده لو بقي تمثيل برضو إبداعي للطيش ..
ثم هل إنت متأكد إنها مطبوخة أم ده استنتاج منك ساي؟؟
12-04-2011, 08:34 AM
قلقو قلقو
تاريخ التسجيل: 05-13-2003
مجموع المشاركات: 4742
Quote: بعدين لو أصلو متفقين لزوم التنكر والنظارة شنو
عشان يقنعوا المشاهد ياعم منير . لكن مهما يكن من أمر فمن الواضح جدا انو الشعب السودانى جاد اكتر من اللازم (وبدون مبرر واضح) و سريع الأستجابة للأستفزاز والأستثارة ويفتقد لروح المرح الفطرى كالذى يتمتع به الشعب المصرى مثلا وهناك كثير من الأمثلة من حلقات (الكاميرا الخفية) التى تظهر ذلك .
12-04-2011, 02:54 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
اهو يا منير سوالك ردا عليهو اخونا قلقو رد صحيح ... فعلا ربيع متنكر عشان يقنع المشاهد .
اما سوالك دا:-
Quote: ثم هل إنت متأكد إنها مطبوخة أم ده استنتاج منك ساي؟؟
انا متأكد انها مطبوخه لعدة اسباب هى الفني بتاع الكهرباء دا ما فني ساي و السلام دا زول بيفهم و بيعرف و كان بيقعد معانا بالساعات داخل بيت الفنون في و نسه و حوارات(انا عملته فتره ببيت الفنون) و بيعرف ربيع حق المعرفه مش لو ربيع اتنكر لو ربيع قطع رقبتو وجاب رقبه تانيه برضو بيعرفو. الحاجة التانيه ياخ محرجه فاعفينى منها لووووول . المهم انا قصدى افطس ليك البوست و فطستو انتقام عددددديل فى الموضوع داك البهناك ههههههههههههههه .
كيفك يا قلقو ياخ.
و تحياتى للجميع.
12-04-2011, 03:37 PM
elsawi elsawi
تاريخ التسجيل: 06-13-2003
مجموع المشاركات: 4340
سلام يا منير وسلامات لضيوفك ربيع طه زول مبدع وكوميدي بالفطرة وبالمناسبة هو صديق عزيز وزميل دراسة في الثانوي، ياخي ربيع ده زمان لما كنا نطلع الشارع من المدرسة بعد انتهاء اليوم الدراسي ونكون عايزين نقطع شارع الظلط وتكون في عربات كتيرة كان بعقد في الأرض ويعمل فيها مشلول اها العربات كلها بتقيف ليهو وبقوم يحبى يحبى يحبى لغاية ما يقطع الشارع وبعداك بقيف على حيلو ويتنففض ويضحك عليهم طبعاً البرنامج بتاعو الإسمه حالة خفية كان ظريف جداً ومثل فيهو حلقات كتيرة في السودان ومصر وسوريا وكل الحلقات موجودة في اليوتيوب لكن اكتر حلقة عجبتني كانت بتاعة الجرسون التحت دي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Munir
سفيان بشير نابرى
قلقو
elsawi
فيس بوك
تويتر
انستقرام
يوتيوب
بنتيريست