مدرسة الحوش الثانوية / لها علينا يد سلفت و دين مستحق

Quote: الاخ / الطيب تحياتي لك ,,, سوف اكون معاك في هذا البوست الي اخر مدي من اياما قضيناها مرحا نحن طلاب سكن الدندر والرهد والان بفضلك تم التواصل مع الاخ/ اسامة الخليفة والبقية سوف تاتي كذلك من اتذكر الطباخ / عمك ودالنقر وعمل بدوي سائق بالمجلس والد كلن من الزملاء الرشيد وسامي هجو التوم او التوم هجو من الدوحة عمر عبدالفضيل الشبونات عبدالباقي (يحب الصعود زي عيونو) من الشبونات ساكن بجوار علي الفكي ودالنو نزار وموسي من الدوحة واحد انصار سنة من ودشنان دائما يقول ادبني ربي واحسن تاديبي وكثير المشاكل مع الجنوبيين أسعد وابن عمة الجيلي عبدالله – المسلمية مناها كمال عبدالحليم ود المهندس 77 الري دائما لعب كرة البنغ مع العربي واسامة طبعا مرة زملائي الجيلي واسعد مشيت معاهم المسلمية وطبعا المشوار كداري الي ترعة الخزان الرئيسي ممكن 10-15 كيلو وبعدين المعدية قارب معلق في سلك ببكرتين مشدود من الجانبيين يعني المركب لو بالطرف الاخر لازم يكون في راكب لوصولها لك انت بالطرف الاخر أي خدمة ذاتية Serve your self لتحريك الركب أي انتظرنا ممكن ساعتين بعد داك جانا الفرج من الضفة الاخري المسلمية كلها اهل أي كلهم اولاد اعم بعد عمك عبدالله راجل نكتة اولادة متعلقين بي كثير لانو والدتهم متوفية قام عمك وصل من مدني فسالة احد ابنائة هل احضرت لنا مجلة الدوحة فقال له لا احضرت ليك الشريف مختار خالص التحايا للجيلي وأسعد