وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها

Quote: ايمن ما وريتنا كنت وين ... ياللخو مشاويرك غريبة لكن عديلة عديل...وسواقة الليل دي ياخوانا دي حدها الليلة انا قلبت نهار المنسي رضي رضي لو مارضي له مطلق الحرية ان يعاملني كمرفود...بالليل في حاجة اسمها مسنجر وفيس بوك ...بنلقط فيهم عيش وكدة والحيمشي يفتش ما حيلقانا الحساب وقفناه...لكن بتلقوا غيرنا

يا منسى يا رقيق الثنايا وجميل الحنايا,,

Quote: نعم أخي بوبا لقد هزني موقف سامي عندما أرتمى على ابنه وأطبق عليه تخيلت نفسي مكانه وكنت بعيد من أبني كل هذه السنين .. فعلا كان موقف صعب تجرى له الدموع تترا ......

صدقنى إذا قلت أن التعبير قد خاننى ولم أستطع أن أصف حتى لنفسى
ما شعرت به لعودة سامى الحاج سالما إلى أهله رغم كل شى ,,
إنه موقف رهيب رغم إختلاطه بلعبة السياسة القذرة ولكن يبقى موقفا
إنسانيا يندر أن نشاهد مثله,, وساءنى من سارعوا بفتح جبهات ميتة
مستثمرين إنسانية ذاك الموقف متاجرين بقضية ذاك الإنسان وبعضهم جاء
ليحاسبه هو نفسه كأنما كان الرجل فى إجازة صيفية...

Quote: الناس الكبو الزوغا ديل خليهم ساااكت ناس سماح وبت ود طلحة أصبر لي فيهن لكن هسي بتقريفن وبجن لي قهوة الرطاني .....

يا خالدا,,الناس مشاغل يا حبيب وبمشو وبجو صادين تانى وصدقنى
ما كبو الزوغة,,إلا يكون فى زول زعلم مننا ولا حاجة لا سمح الله
حا نعتذر ليهم,,أخوات كريمات وإحترامنا لهم لا حدود له..

ابوبكرناالباشمهندس

Quote: ايمن انت صاحبي لانك جبت هنا "خليل اسماعيل "

يا هندسة كما هى بعض المشاريع عندكم تكون Extreme Engineering
بلغتكم فإن خليل إسماعيل لم يكن سوى Extreme Artist رحمه الله
وهذه الأغنية فى رايى هى واحدة من أجمل أغنياته ,,أنا شاكر لك
هذه الصحبة الجميلة والرفقة الممتعة,,وتانى نجيب خليل إسماعيل.

Quote: أيمن ماتتوصى كُب الموية جيب الدبيب مارق

يا خالدا ,,,,مالك علينا بالليل دا!!!دبيب دخل جحره خلى فى جحره
بعدين موية ليه وصل ليه خرطوش من العادم خلى يسخن بيه لمن يآمن
زاتو وتانى الجحر دا كان جا ماشى بى جنبو بعمل أضان الحامد طرشا

Quote: ونقول والتراب الفيهو روحي ليهو بشتاق يا قماري ياني يا نيل ليكا راجع ومنك أشرب وأطفي ناري

تانى مافى كلام,,,

وسلامى لكم وبكرة نفرح بعودة الغايبين كلهم,,