هوي يا ناس سلام عليكم في التبادي وانشاء الله كلكم طيبين وزينين وسمحين وديمة تكونو لامين في العديل والزين وكل السمح في الحقيقة انا من مادخلت في سودانيز اولاين ولي هسع كت ازوزي ساي من مكان لي مكان ما لاقي محل اتلم عليهو وراح علي الدرب وبيقت هاجي وطاش
لامن لاقاني محي الدين ود جبريل واستغرب ملاقاتي وقال لي ها زول الجابك هنا شنو قتلو رايح ماني لاقي شديرة انجم فيها لاني انا زول من اهل العوض عيشتي كلها ما بين القوز والحراز والهجليج والسدر والتب
وباقي كر للبهم ومخلاية قديمة مكوناتها كورة شاي سوداء من شدالشاي اللبن (بيور)وصرتين واحدة للشاي وتانية للسكر والغريبة الايام دي قالو بقوا يدسوهن في علب اجيكم تاني واقول يا جماعة الخير انتو ناسي وانا زولكم وكلامكم البتقولو دا ياهو زاتو البدورو انا واريدو وبيفتح لي طاقات قديمة تاني ما بتنسد ولكن طالما هي في البلد ومن البلد وترجع ايامنا الزمان ولو جبنا عذاب ثقافتنا وغربتنا كلو ما بدينا حبة منها حليل ايام زمان يا اهلنا الغبش
اجيكم تاني راجع واقول هوووووي من اليلة ولي قدام تاني من الدرا ماني مارق وهدي قعدة وطوهتا بيناتكم اكان رضيتو ولا ابيتوا لاني حسيت انا منكم وبكم وفيكم يلا ابقي ماريقن وقولو لي حبابك طبعا بعد المقدمة دي انا من البشاقرة شرق شرق الله البارد يعني تبعد 70 كلم من الخرطوم في اتجاه الشرق وتتبع اداريا الي محلية شمال البطانة ولاية الجزيرة
04-16-2008, 12:18 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: فرصة التخمين متاحة للجميع ..عدا.... ايمن الطيب
حاولت أفهم ما وراء هذا الإستثناء,,,ما لقيت غير سبب واحد بس يا أبوبكر,,,,شكلك متأكد كان أخوك خمن بنقر صاح ولا بطبزا مرة واحدة __________________________________________________________
Quote: كدي ورونا الحاصل شنو في غيابنا؟؟؟؟؟؟؟ وما أحلى إنجمامّتنا
يا سلمى تغيبي كتير تذاكرى أكتر!!!! بعدين إنجمامتكم ياتا دى,,,الغايبة منها السنة كلها دى ولا واحدة تانية!! وشكرا كتير للتثنية على الفكرة(دفتر الحضور)لكن شايف القصة إحتمال يبقى فيها جلد مع المدرسة الفتحت هنا دى ______________________________________________________________ سم!!!!!!!!!!!!ح ,,,
Quote: أنا كمان أؤيد الإقتراح... بس حأعتبره إقتراحك أصلو ودالطيب دا ما مفهومة نواياه
خلاص,,,نجيب نوايوميتر ونربطو تحت الشجرة دى وكل واحد فينا ياخد جلسة بس لعلمك سوء ظنون المرء من سوء نواياه خليك حريف قلنا ليك وما تتدفق بدون أسباب واضحة The game just started ya MAN وحتى إشعار آخر خلى القاعدة هى كلام سلمى وتذكروا أن الطريق إلى هناك ملئ بالنوايا الحسنة
Quote: بعدين حقوق الإقتراح محفوظة بالتأكيد للأخ أيمن الطيب...( والذي بإذن الله الواحد الأحد نواياه طيبة)
Quote: ما بلقى عندكم غُنية (( أبوي يا فارس الحوبة..أبوي دُخري السنين لينا )).. و شوية سكر و شاي ..؟؟
شايف السكر والشاى وصلوك لكن فارس الحوبة ماجا,,,(أبوى يا يابا ما تقول ليهو لأ) ينفع لحدى الوقت داك خليك هنا عشان القصة دى محتاجة شوية وزنة بالنسبة لموضوع الGender وكدا,,,,,, شايف المعانا هنا ديل بقوا بخجلو وبضايرو مرة مرة ___________________________________________________________________ القمر بوبا,,,وين يا كهربا إنتا,
أولا لو ملاحظ قصرتا ليك الشخيت عشان كان جا واحد فحط بالبوست ما تقول دا أنا ثانيا تسلم على الترتيبات لكن أخوك واجه شوية تعقيدات وفيما يبدو سوف أضطر مجبرا لتغيير الفكرة وتأجيلها قليلا,,, وهى أصلا كانت لسبب معين ولكن,,على كل,,,مافى شى بعيد بس الهجوم والمباغتات كويسة مرات ونحن ما ضيوف يا حبيب بس كلم أمريكا تلم جدادا عليها باقى أخوك قالو سواقتو كعبة _______________________________________________________________________ محيى الدين الجوال,,,
Quote: هسى كان دى واحدة من ( الصبايا ) غابت منكم زى غيبتى كان قفلتوا المنبر كلوا ومشيتو تفتشوها ودشيقوق : خوة الحريم دى ضل ضحى ( وجه ضاحك )
تانى كان غبتا والله نفتشك حتى تآمن ...لقيتك صعب عدييييل كده,,Cher che la famme دى مثل شيقا الأعلى _______________________________________________________________________
Quote: في زول بيستقبل كتاحة ؟؟ كان جا امشو قندهار (سوق الناقة) بتلقوهو وسط دخاخيين المشاوي
دخاخين المشاوى,,,,,,,,,,,,,,ولا دخاخين التيمس الوحلان كلو هين.......يا هندسة إنشاء الله يبقى كلامك صاح
والعهدة على الراوى,,,,
Quote: قواسيب قواسيب مودتى
04-16-2008, 12:27 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
Quote: ارجو من الاخوات مايزعلن ( انا بفتش لى جانس لكن الحجاج مامدننا فرصة ) الشدر الكبار فيهو الصمغ
محي الدين العائد من ربوع بلادى سلامات,,,
الChance ما بفتشوها يا حليو,,,الChance بتجى براها إنت بس خليك صاحى وما تعملا كلها ماشى وجاى..الحجاج ديل قليلى النوم,,,,بحسابات الطبيعة وكدا خاصة ابوى التانية دى أنا ما معاك فيها لأنها تحتمل تأويلات أخرى بعد ما جاء شيقا على ذكر ما يؤيد هذا التأويل وأسأل سم!!!!!!!!ح
والعهدة على أبشقة قمر السبوع حينما وعد البعض بعزباء يحت فيها شيبه تهانينا بسلامة العودة وأرجو أن تكون رحلتك قد كانت موفقة..نحن فى إنتظار الخلاصات,,,
تحياتى
04-16-2008, 01:18 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
إلى كل صاحب أذن موسيقية وذواق.. نعم حلو الغنا من خشم سيدو ولكن.. بعض المحاولات تستحق أن نقف عندها ولو قليلا.. خاصة إذا لم تُمس أساسيات العمل الفنى من لحن وكلمات وتوزيع..شاب فنان وصاحب أنامل ذهبية فى الغيتار وهذا ما مّيز هذا العمل,,,
الأغنية للشاب ابوسبح وأرجو أن يكون الأسم صحيحا..
دمتم...
04-16-2008, 02:59 PM
أبي بكر سيد احمد أبي بكر سيد احمد
تاريخ التسجيل: 11-27-2007
مجموع المشاركات: 339
Quote: الChance ما بفتشوها يا حليو,,,الChance بتجى براها
هوى يا السنجك ايمن ده كتييييييير اوع يخمك ساى قال لك ال Chance ما بدبّوا ليها تدبّي ال Chance بتجيك متلهماك برااااااااااها وما عليك الا تقول هذا رزق ساقه الله الىّ .
04-16-2008, 04:31 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ها زول ها كلامك دا كيفنهو والله مرحب بيك مرحب بي اليوم جابك أبقى لا داخُل إتمهل يا السمح والله يا الزين أنا كُت مافيش شلتا السوق ابيع لي شاي وبن وسكر لناس الإنجمامة ديل باقي الرطاني راسو ما ببقى بلا القهوة بسونها لي البنيات سماح دي نجيضة في بتضبطا تمام بتخلي يغني بالرطانة من شربت الفنجان البكري ولامن يشرب التني العيونات بغورن لي بعيد .. بلحقو بي البركة وهو بين نايم وصاحي تحت الشديرة ديك .. سلام عبيد عبدالقادر ومرحب وكون بيناتنا ونضمك سمح بالحيل عجبني وكُت جايهو برواقة علا شفتا اللوم في حديثك ما تفوتنا يا الحبيب
Quote: إذا قلنا بمعنى ملأها أى ترجع للعيون ملأها الدمع فما أبصر شيئا
ياريت تفتونا فى الحتة دى عشان ما أنظر ساى
قالوا إذا سطع القمر أخفى ماحوله من ضي تسلمي يا سماح غصتي وقلعتي ببديع جميل والله أعلم الغلو هو الأسراف في كل شئ وغالها الدمع اي وملئها الدمع فما عاد يرى ويبصر ...
04-16-2008, 07:21 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
بوبا وعلينا غيابك كان تقيل حمدالله على سلامة العودة وزوال المؤثر سعدين نحن لسعدكم بلقاء أيمن الطيب الطيب ومولانا أبوبكر أبوالقاسم وليتنا كنا معكم وبينكم حتى نحتفي بهم بالله كل اللقاءات تكون بالصور نحن في شوق لرؤيتكم بس شفنا شيقوق الفقر دا
04-16-2008, 07:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يبدو انو في خط ساخن مفتوح ...لأنو المعلومات بتصل بسرعه ماكوكيه
نعم التقينا باأمس .. وقبل حضورة بدقائق إنقطعت الكهرباء ...فكان اللقاء (حاراً)
عندليبنا الرائع أبي بكر سيدحمود ساخنة شديدة وليته يسخن معك نحن في شوق لمعرفة اخبارك
لكن والله واجزم سماح تخمين وتستاهل الجائزة لو اعديت جائزة للفائز اوالمخمن .... تحياتي بالله زودونا بجميل الصور في الإنجمامة عند حضور الحلوين لارض الوطن
04-16-2008, 08:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
لعلكم طيبين هسى كان دى واحدة من ( الصبايا ) غابت منكم زى غيبتى كان قفلتوا المنبر كلوا ومشيتو تفتشوها
ودشيقوق : خوة الحريم دى ضل ضحى ( وجه ضاحك )
ودجبريل سلاااام وحمدالله علي السلامة زي ماقالوا ( اللوم بجي بي الغفلات ) أمسحا لينا في وشنا إتلومنا فيك لوماً ما تشيلو الجُبال والله ماعندنا بينكم فرق أخوات وأخوان وربنا يديم مودتنا
أنا زمان قلتا ليك أختا ودشيقوق مشيت سويتا لي فكي في مايرنو تصدق الايام ديك جاتني وجعة في بطني وصداع 3 أيام وشيقوق قال لي دا الإستعراض والفلم لسع مابدأ تحياتي ودجبريل وسامحنا
04-16-2008, 08:12 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: في زول بيستقبل كتاحة ؟؟ كان جا امشو قندهار (سوق الناقة) بتلقوهو وسط دخاخيين المشاوي ...
باشمهندس تشبيه بيلغ شديد وفيه تشابه كبير شهفوفة ... شيقوق هو لما يرجع السودان مابكون فاضي يكضب علي العرب علي الحرام في مسقط أنا.. .... وعلي الطلاق في سوق الاوراق المالية بسوي ... وحرّم يوم اجتماعنا في النادي السوداني قلتا .... والعرريب فاتحين خشيماتن ومقهين يسمعوا لي ... هييييع قادل بيهم عاد فاكي الحرف .. الطشاش في بلد العمي شوف
Quote: اجيكم تاني راجع واقول هوووووي من اليلة ولي قدام تاني من الدرا ماني مارق وهدي قعدة وطوهتا بيناتكم اكان رضيتو ولا ابيتوا لاني حسيت انا منكم وبكم وفيكم يلا ابقي ماريقن وقولو لي حبابك
الحبيب العبيد الطيب ودعبدالقادر مرحب حبابك ألف يا يا ود الطيب ونحن بنادي بالكلمة الطيبة وكما قالت سماح بالمشاكسة ذات الروح الطيبة تزيل مافي الصدور ونستأنس بمحنة ومودة البيت هولك وانت بننا سيد دار لا زائر مرحب بيك تأكد ان كل اللذين تراهم في هذا البوست صدورهم تسع ألآم كل أهلنا الطيبين هيا أرتع بننا وبكانك فوق قلوبنا يا الحبيب تحياتي ومودتي
04-16-2008, 08:29 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ود المنسي عساكم طيب بصراحة كدي كنت بجي ماري بي البوست دا وزي ما قلت كنت بزازي ساي من بوست لي بوست لمن مرة جيت ولقيت ود جبريل وقال ابقي داخل وهو ما قصر معاي كلمني عنكم كتير عشان كدا اتحزمت طب وقت هدي بركة معاكم وتنقدالرهيفة وباقي سمعت من ود جبريل كتير عنكم خاصة ود شيقوق كدي بدور اسمع نضميهو اكان قاعد وباقي الجماعة كلهم وانا راجي باقي الجماعة
04-16-2008, 08:47 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ود المنسي عساكم طيب بصراحة كدي كنت بجي ماري بي البوست دا وزي ما قلت كنت بزازي ساي من بوست لي بوست لمن مرة جيت ولقيت ود جبريل وقال ابقي داخل وهو ما قصر معاي كلمني عنكم كتير عشان كدا اتحزمت طب وقت هدي بركة معاكم وتنقدالرهيفة وباقي سمعت من ود جبريل كتير عنكم خاصة ود شيقوق كدي بدور اسمع نضميهو اكان قاعد وباقي الجماعة كلهم وانا راجي باقي الجماعة
بجوك الجماعة يا المبروك العبيد الطيب عبدالقادر أصبر ليهم باقي عندنا ناس بالليل النظر ضعيف ما بشوفو بشبهو يسالمو ناس شيقوق .. وعم كمال .. وسلمى صبحي ديل كبرو شديد وربنا يديهم العافية والصحة وبقو ناس حج سااااكت وابريق جنب العنقريب ومصلاية بكانك زي ماقلت ليك بيننا يا الحبيب ومرحب بك مرة اخرى
04-16-2008, 10:34 PM
وضاحة وضاحة
تاريخ التسجيل: 01-16-2005
مجموع المشاركات: 9116
العبيد زول الشرق وكلنا فى الهم شرق,,حبابك ألف يازول والبيت بيتك وأبقى داخل ومتوهط,, الأخت الفاضلة وضاحة ....مرات عندنا حبة طوب ودراب لكن ما بعوقو ..طوب ودراب من الأخوان ما مشكلة مرّه مرّه ومرحبا بك إضافة (نوعية) لرائدات الشدرات
Quote: ناس شيقوق .. وعم كمال .. وسلمى صبحي ديل كبرو شديد وربنا يديهم العافية
يا ود المنسى سلامات ياخ... أمبارح مرقتنى من الفرقة الموسيقية شايفك مافى مشكلة أنا زاتى مرتبط وزمنى بالحيل كعب,,,,لكن دا شنو السويتو دا!!!!!!سلمى دى خاتيها وسط الرجال الكبار ديل لييه!!ولا أنافاهم غلط!!! ياخ صورة البروفايل دى براها قصة حا نفتح ليها بوست منفصل...شيقا بكون متكيف كيف السنين العجاف من كلامك الأعوج دا ,,, سلمى معليش,,المنسى دقس وأبقى مارقة وبعد دا غيابك الكتير دا جيبى ولى أمرك معاك غير كدا مافى ليك حل وما تجيبى ود جيرانكم تقولى دا ولى أمرى!!!
تحياتى............
04-17-2008, 08:03 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
محى الدين: ياخ الحمدلله على السلامة سألنا منك لكن قالوا شيقا ما دفع حق الفكى قام حبسك بالجن وقالوا كمان بقيت تمارس القصة لحد ما تكمل حساب شيقوق غايتو الناس دى كلها اتلمت وقالت ليك ابعد من الزول دا أبيت تسمع كلامنا مشيت باريت جدك دا وداك التوج
العبيد الطيب
Quote: تاني من الدرا ماني مارق وهدي قعدة وطوهتا بيناتكم اكان رضيتو ولا ابيتوا لاني حسيت انا منكم وبكم وفيكم يلا ابقي ماريقن وقولو لي حبابك
مرحب بيك حبابك 1000 ومعليش الجماعة ديل ما سترومنا معاك لكن السبب كتاحة ودشيقوق
أيمن
Quote: خلاص,,,نجيب نوايوميتر ونربطو تحت الشجرة دى وكل واحد فينا ياخد جلسة بس لعلمك سوء ظنون المرء
هههههههه بالغت فى دى... أنا غايتو موافقة عشان ضامنة روحى لكن رأفة بك ما حنجيبه خايك فى سترتك الساترنك ليها نحن دى
أبى بكر:
Quote: راجع الرسائل الإتبادلناها في الماسنجر ....
هو كان ما عمل رايح يعرفوه أيمن كيف
خالد:
Quote: أنا تاني بباري الحمام وأسمع هديلو
غايتو الكلام دا وراه كلام يا سلمى تعالى أشرحى لى أنا فى العربى بليييييييييدة بس كلمة حمام دى غلبتنى عديل ورينى خالد دا فاصد شنو ؟؟؟؟؟؟؟؟؟
Quote: الغلو هو الأسراف في كل شئ وغالها الدمع اي وملئها الدمع فما عاد يرى ويبصر ...
تسلم يا خالد وشكرا على المعلومة ... يعنى ما طلعت بنظر ساى
Quote: ممكن دخاخين تيمس ممكن دخاخين طاحونة أو تركتور في الماشريع ممكن دخاخين كوشة محروقة في البردانة مرمي فيها رمة نعجة ممكن دخاخين قطية محروقة وفوق رأسها بيضة نعام
الإحتمالات دى لشيقا ولا زول تانى؟؟؟؟؟؟؟؟؟
Quote: مرمي الله ما بترفع ... خليك في سجمك ورمادك ... وهيييييييييييييع التبقى ليك دُخان
قرقرقرقرقرقر
سيدنا: أنا شايفة بعد كدا نعلن النصر مافى داعى نديه فرصة زيادة لو فيه عمار كان .............. من زمان
بوبا: نفتح ليك بوست نقول بتنور ونورين ما بتلاقو أها تانى نقول السيد بوبا؟؟؟؟؟؟؟؟؟؟ والله ما قصدى أجيب الهوا
وين كيمو وفيسل هليل؟؟؟؟؟؟؟؟؟
04-17-2008, 08:59 AM
salma subhi salma subhi
تاريخ التسجيل: 06-29-2006
مجموع المشاركات: 4817
Quote: محى الدين: ياخ الحمدلله على السلامة سألنا منك لكن قالوا شيقا ما دفع حق الفكى قام حبسك بالجن وقالوا كمان بقيت تمارس القصة لحد ما تكمل حساب شيقوق غايتو الناس دى كلها اتلمت وقالت ليك ابعد من الزول دا أبيت تسمع كلامنا مشيت باريت جدك دا وداك التوج
العبيد الطيب
Quote: تاني من الدرا ماني مارق وهدي قعدة وطوهتا بيناتكم اكان رضيتو ولا ابيتوا لاني حسيت انا منكم وبكم وفيكم يلا ابقي ماريقن وقولو لي حبابك
مرحب بيك حبابك 1000 ومعليش الجماعة ديل ما سترومنا معاك لكن السبب كتاحة ودشيقوق
أيمن
Quote: خلاص,,,نجيب نوايوميتر ونربطو تحت الشجرة دى وكل واحد فينا ياخد جلسة بس لعلمك سوء ظنون المرء
هههههههه بالغت فى دى... أنا غايتو موافقة عشان ضامنة روحى لكن رأفة بك ما حنجيبه خايك فى سترتك الساترنك ليها نحن دى
أبى بكر:
Quote: راجع الرسائل الإتبادلناها في الماسنجر ....
هو كان ما عمل رايح يعرفوه أيمن كيف
خالد:
Quote: أنا تاني بباري الحمام وأسمع هديلو
غايتو الكلام دا وراه كلام يا سلمى تعالى أشرحى لى أنا فى العربى بليييييييييدة بس كلمة حمام دى غلبتنى عديل ورينى خالد دا فاصد شنو ؟؟؟؟؟؟؟؟؟
Quote: الغلو هو الأسراف في كل شئ وغالها الدمع اي وملئها الدمع فما عاد يرى ويبصر ...
تسلم يا خالد وشكرا على المعلومة ... يعنى ما طلعت بنظر ساى
Quote: ممكن دخاخين تيمس ممكن دخاخين طاحونة أو تركتور في الماشريع ممكن دخاخين كوشة محروقة في البردانة مرمي فيها رمة نعجة ممكن دخاخين قطية محروقة وفوق رأسها بيضة نعام
الإحتمالات دى لشيقا ولا زول تانى؟؟؟؟؟؟؟؟؟
Quote: مرمي الله ما بترفع ... خليك في سجمك ورمادك ... وهيييييييييييييع التبقى ليك دُخان
قرقرقرقرقرقر
سيدنا: أنا شايفة بعد كدا نعلن النصر مافى داعى نديه فرصة زيادة لو فيه عمار كان .............. من زمان
بوبا: نفتح ليك بوست نقول بتنور ونورين ما بتلاقو أها تانى نقول السيد بوبا؟؟؟؟؟؟؟؟؟؟ والله ما قصدى أجيب الهوا
وين كيمو وفيسل هليل؟؟؟؟؟؟؟؟؟
بجيهك يا سجمانة طالما بتعملي quoting للكلام البسواء وما بسواء وتمسكي اى كليمة منو تفتيها فت وانا والرطاني جاية عاصرة ابص وماشة سايرين فينا ساااااااااااى لا كوتنج ولا تعليق .
04-17-2008, 09:15 AM
salma subhi salma subhi
تاريخ التسجيل: 06-29-2006
مجموع المشاركات: 4817
Quote: القمر بوبا,,,وين يا كهربا إنتا, Quote: أولا لو ملاحظ قصرتا ليك الشخيت عشان كان جا واحد فحط بالبوست ما تقول دا أنا ثانيا تسلم على الترتيبات لكن أخوك واجه شوية تعقيدات وفيما يبدو سوف أضطر مجبرا لتغيير الفكرة وتأجيلها قليلا,,, وهى أصلا كانت لسبب معين ولكن,,على كل,,,مافى شى بعيد بس الهجوم والمباغتات كويسة مرات ونحن ما ضيوف يا حبيب بس كلم أمريكا تلم جدادا عليها باقى أخوك قالو سواقتو كعبة
يا ايمن الشخيت خليه ...لكن التفحيط ححصل لكن طال عمره صاحب الانجمامة شايفه بسحب رخص
تعرف الليل كلو اضحك عشان سواقتك الكعبة القلتها دي ...لكن اقول ليك حاجة يازول سوق وما عليك...غير من مانوال لاتوماتيك قير بديك امان اكتر...وتوصل بالسلامة يالحبيب
Quote: وبوبا ( ضابط الصوت .. ساون سيستم )
المنسي هسة البلابل وحبة زيادة ديل بشتغلوا علي ياتو سلم ....لو جبنا سيرة سلم العرريب حينعس برضو
Quote: بوبا: نفتح ليك بوست نقول بتنور ونورين ما بتلاقو أها تانى نقول السيد بوبا؟؟؟؟؟؟؟؟؟؟ والله ما قصدى أجيب الهوا
هسة يا سموحة دا هوا لي ولا ليك انا تأميني وانضرب وطلع السيد الاخ بوبا...عشان نضرب تأمينك ده نسوي شنو للضمان كدة بكرة الجمعة اقري جريدة الدار بمش ليهم الليلة بعمل مؤتمر صحفي عن فتاة الانترت سماح متنكرة واسمها الحقيقي سامح ومالك جايبة سيرة النور...نحن يادوب انتهينا من قصة الامام البولع بالليل واللبراليين
Quote: الأخت الفاضلة وضاحة ....مرات عندنا حبة طوب ودراب لكن ما بعوقو ..طوب ودراب من الأخوان ما مشكلة مرّه مرّه ومرحبا بك إضافة (نوعية) لرائدات الشدرات
مرحبتين وضاحة بس دراب وطوب علي خفيف زي ما قال ايمن ما بعوقوا
04-17-2008, 09:54 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
كيفك يا اخى بقال ده وصف بيتى خطأ ، أنا بيتى فى حى الدرجة شارع الوادى ، بين ال19 والمطبعة العسكرية ، يعنى من التلفزيون لبيتنا 11 كيلو فقط . بعدين يوجد ترحيل لأى زول جايى ( كده كيف )
Quote: ما قلنا قبل كدا هم الساس وتقديرنا واحترامنا ليهم ما بتقاس.
اصلو مافى شك وما بنختلف بس ود أخوك حساباتو كانت غلط شوية(الشبك لزوما شنو مع شيقا ودفعتو)
Quote: هو كان ما عمل رايح يعرفوه أيمن كيف
يا سم!!!!!!!!ح يا ولد,,,يا ولد اقعد ساى...ياخ ما كفانا إنتحال الشخصية العاملو دا كمان جابت ليها تنظير
Quote: كيفك يا اخى بقال ده وصف بيتى خطأ ، أنا بيتى فى حى الدرجة شارع الوادى ، بين ال19 والمطبعة العسكرية ، يعنى من التلفزيون لبيتنا 11 كيلو فقط . بعدين يوجد ترحيل لأى زول جايى ( كده كيف )
يا محى الدين والله ذكرتنى السودان وأزمات البنزين وأيام الجامعة..وحسابات المسافات بالكيلو والمتر أخوك من البيت فى برى لحدى الإذاعة 12 كيلومتر بالظبط وبعد دا من التلفزيون لبيتكم العامر 11 كيلو المجموع 21 كيلو ما بعيدة عشانك يا حبيب..ونتشرف بزيارتكم,,,
Quote: ايمن الشخيت خليه ...لكن التفحيط ححصل لكن طال عمره صاحب الانجمامة شايفه بسحب رخص تعرف الليل كلو اضحك عشان سواقتك الكعبة القلتها دي ...لكن اقول ليك حاجة يازول سوق وما عليك...غير من مانوال لاتوماتيك قير بديك امان اكتر...وتوصل بالسلامة يالحبيب
القمر بوبا... بعد ما تضحك أهم حاجة تلم جدادك أكان عندك جداد حايم بالحلة السواقة بالحيل كعبة كان مانوال ولا أوتوماتيك) وتسلم يا حبيب ومن وكل معك...
04-17-2008, 10:41 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
انت عارف سماح دى تاني ما بتباري بالبوست ده بس انا خايف تبقى علينا ميتة وخراب ديار لا نحن نلقاها ولا المنسي يلقاها - لكن بيني وبينك فكيك ابو حجبات ده اكان سماح دخلت في جحر بطلعها ليك .
والله انتي يا سماح تأمينك فات الوندوز فيستا وخشي علي اللاينكس ستة سنة زول ما قادر يعرفك ؟؟؟
عموما يا محيو لو خطتك نجحت واشك في ذلك ان بمر عليها بجيبها معاي....لكن هسة هي حست بخطورة الموقف بتكون شغلت كل اجهزة الانتي اسباي وحتشتغل في ليك سبف مود.زي الاقتباس التحت ده
Quote: التوقيع: خالتك سماح
فهمت قصدي يا محيو؟؟؟
04-17-2008, 12:04 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
ماتخزلنى ، الفطور معاى يوم السبت فى المكتب ، ولا خليها براحتك حدد وقوللى أنا جايى متين ، وكان جيت باكر أكلت معاى القراصة فى البيت تكون حاجة تمام ، وماتنسى فطور الجمعة طبعا
04-17-2008, 01:29 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: عموما يا محيو لو خطتك نجحت واشك في ذلك ان بمر عليها بجيبها معاي....لكن هسة هي حست بخطورة الموقف بتكون شغلت كل اجهزة الانتي اسباي وحتشتغل في ليك سبف مود.زي الاقتباس التحت ده Quote: التوقيع: خالتك سماح فهمت قصدي يا محيو؟؟؟
Safe Mode منو دا والله إنت طلعت راجل طيب بشكل بس خليك فى ال Safe Mode لحدى ما تشرب موية الغسيل,,, خالتى سماح!!!!!والله القصه لو قصة خالة الخالة ما بطالة بتمشى الحالة لكن الكلام كلام يطلع الزول ده مننا وفينا وفى الساعة ديك تقبلوا وين !!!!!!!!الشفت دا لاعب حريف نحن نشهد ليه لكن قولو ليه حواء والدة ولا عذر لمن أنذر,,,فهمتى قصدى يا القمر... إنت لم جدادك وخلى حق الناس بلموهو براهم.. سبحان الله جاي تلم جداد الناس وجدادك حايم!!!
Quote: بطا استهبال قال مرتبط قال فى الحقيقة بعد كم تجربة كدا تأكد لينا غنو أيمن دا أشتر عشان كدا اتكش برا الفرقة لكن ما مشكلة ممكن نخليك الbodyguard على حسب ما سمعنا هههههههههههههه
يا الشفت أنا ما قلت ليك أقعد ساى وما تهبش السلوك العريانة الخرطوم دى غير الكتاتيح والناس المسخنة ما فيها حاجة اصحى وخلى بالك من الماسورة المسكناك ليها دى
Quote: سموحة والله سكيناك سك شديد الليلة....ماتضايقي....لكن عموما لو محلك ما بضرب التأمين خليكي كدة والله احسن
غايتو جنس سك سك...يا محيو أهاChance Are يا حبيب وزى ما قالت أسرار بابكر راحت عليك,,,غايتو با ناس الخرطوم (حالة سعبه ولاهى) غايتو أنا الحرامى ده كان قبضتو بجى اكفت معاكم(ودور بينا البلد دا نحرق الجزلين البابور جاز)
_____________________________________________________________________________________________ محيو,,,إنت يا خوى راجع من الخلا وشكلك ناسى قوانين السلامة وكدا لكن نذكرك يا الحبيب..
Quote: وده تلفونى 00249912209577
دا شنو الشتات دا!!!!!!!! الدفاق دا شنو!!!!!!!!! وتمشى وين من عمك شيقا الليلة بجيك بالليل وليل الخميس طويل طول النيل,, وبكسى بيك العرايا,,أنا ما قلت ليك الراجل ده نومو قليل بحكم السن و سواقتو كلها بالليل غايتو أصبر وشوف التلفون المجانى اللصقتو هنا دا حا يحصل ليك شنو بسببو,,
بعد شيقا بجيك المنسى.. وتلك لرواية أخرى ستأتى ليلا لنشهد فصولها,لكن للضمان كدا,,,دق الصيوان بين الحارة 19 والمطبعة العسكرية ولى قدام
وبعد ما يخلصو اهل العروس ويمشو بجيك أنا آخر الليل,,,والسواى ما حداث!!!!!!!!!
تلصق تلفونك هنا,,,,,,,برااااااااااااااااك ولا دفروك !!!!!!ولا دردقوك ناس القمر قال سيف مود قال,,,إنت صدقت الكلام دا شكلك
بجيك تاااااااااااانى راجع زى ما قلت ليك...باقى إت راسك قوى وما بتسمع الكلام من أول مرة
الرجاء الإتصال على الرقم المجانى المرفق أعلاه
04-17-2008, 01:59 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: سبحان الله جاي تلم جداد الناس وجدادك حايم!!!
وله هنا؟
Quote: يا حبيب وزى ما قالت أسرار بابكر راحت عليك,,,غايتو با ناس الخرطوم (حالة سعبه ولاهى) غايتو أنا الحرامى ده كان قبضتو بجى اكفت معاكم(ودور بينا البلد دا نحرق الجزلين البابور جاز)
خليك راجل ديجتال وما تراوغ...
شيقوق كيفك بالله مع تشتيت الجهود القام بيها اخوك؟؟؟رطاااااانة يا رسول الله والماشاف القولد ما يفكر في حلفا
04-17-2008, 03:05 PM
salma subhi salma subhi
تاريخ التسجيل: 06-29-2006
مجموع المشاركات: 4817
زولك ده برلم في الشغلانية خلوهو يشتت بكره بغير رقمو
انت يا عشاء البايتات قائل الكتبت ليها الرقم دى بنية؟ لم رقمك عندك لانو حيجيك اتصال من جكسوية الوليد سماح وجكسوية سماح تدي الرقم لجكسوية فلان الى ما لانهاية .
04-17-2008, 04:31 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: خلييييييييك على كدا بس.... بعدين.............!!!!! سبحان الذي سخّر لنا هذا وما كنّا له مقرنين وإنّا الى ربنا لمنقلبون تحياتنا
سبحان الله وإنشاء الله بالسلامة وعمرة مقبولة إنشاء الله,,,,
القمر ,,,بالله طلعت صهيونى
Quote: ديشااااااااااااااااااك ايمن الكلام ده كلو كبيته متين انت
لمن كنت بتتكلم مع محيو بتاع الرقم المجانى بخصوص فطور السبت والله صحي اسياد بلد نقعد نقوم على كيفنا,,والله فطوركم دا غايتو بس إتذكرونا بالخير وإنشاء الله دايما مجتمعين فى خير وحب ...
Quote: ايمن انت مشكلتك هنا وله هنا؟
هنا
Quote: خليك راجل ديجتال وما تراوغ...
بديت تتأثر بما تقراه هنا يا قمر ياخ خليك منصف تعرف كان فتشت تلقانى أنا اكتر زول ماشى عديل وأسأل عمك شيقا,,,
Quote: هوى يا ايمن ومحى الدين شنو سماح سماح ما فى انثى غيرها هنا ولا ثنو رفقا بالقوارير والله تشوفوا اصبح رجلى الصغير تنسو سماح دى قال سامح قال ولا شنو يا ود شيقوق
يا وضاح درابك عينة,,,,ما إنت فاهم أهو قوارير شنو ياخ راجع ما تحته خط اعلاه واتمنى ان يقع ليك تانى ما تعمل كده المرة دى سماح,,,
والله محبتى لكم لا تحدها حدود,,,, ولسة فى إنتظار ناس وردية الليل يجو يشوفو البسوو فيهو القمر ومحيو دا شنو,,,
04-17-2008, 04:38 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: شنو الرسميات دى انا شكلى شوت دفارى لما خشيت المنتدى بس والله لانى جديدة ومافاهمة شى كلامى كلوا فى طرف لسانى وحبيت اكسر الروتين وكلام السياسة ومافى نفسى غير الخوة ولاحترام يا سيدى لك العتبى حتى ترضى
الأخت الفاضلة / وضاحة ليست رسميات أختي الفاضلة لا تحملي الموضوع اكثر من حجمه نحن هنا ننجم نتناول كلمة طيبة أصلها ضارب الأرض وفرعها يناطح عنان السماء نتشاكس لكن مشاكستنا حلوة يكسوها كل ماهو ناصع ابيض من مزاح لا سياسة بيننا نتجادع شعرا ونثرا وحديثاً طيبا
اختي الفاضلة لك التحية
04-17-2008, 05:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا ود المنسى سلامات ياخ... أمبارح مرقتنى من الفرقة الموسيقية شايفك
أيمن الطيب والله ما نسيت لكن سقط مني كنت خاتي لك عزف على الجيتار قلتا مادام الرطاني مسك اليزجيتار انت الجيتار كيف لي أن أنساك يا الحبيب قريب الحبيب المهم يا سيدي امسحها لي في وشي وزي ما قلت قبل اللوم بجي بالغفلات رضيت يا أيمن واوسط ليك ودشيقوق
04-17-2008, 05:38 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
ياولدى لمن تجيب غنا سمح زى دة لازم تنزل جنبو الكلمات
عشان تكتمل متعة الاستماع وهذة هى كلمات الاغنية للشاعر
الياس فرحات:ـ
يا عروس الروض يا ذات الجناح يا حمامه سافري مصحوبة عند الصباح بالسلامه واحملي شوقَ محبٍ ذا جراح وهُيامه سافري قبل ان يشتد الهجير بلنزوحي واسبحي ما بين امواج الأثير مثل روحي فأذا لاح لكِ الروضُ النضير فاستريحي خبريها ان قلب المُستهام ذاب وجدا واسئليها كيف ذياك الغرام صار صدا فهُيامي لم يعد بعده هُيام بل تعدى ذكريها بي إويقات اللقاء والتصابي يوم كنا كل صبحً ومساء في اقترابي علَ بتذكار لي بعض الشفاء من عذابي فإذا ما اظهرت عطفًا وليناً واشتياقا فاجعلي ما بيننا عهداً وثيقاً واتفاقا فاسئليها رأيها في اي حينٍ نتلاقى فإذا ابدت جفاءاً وصدوداً واعتسافا فاترُكيها انها في ذا الوجود ستكافا سوف يأتيها زمانً فتريد فتجافا فإذا ما اقبلَ الفصلُ المخيف برعوده ما الذي يبقى من الغصن الوريف غير عوده ان للفصلِ ربيعً وخريف في وجوده ـــــــــــــــــــــــــ الى ود شيقوق انا فاهم قصدك لانو كنتة زبونك فى شارع الجمهورية الى سموحى واللة موجودين انا وهليل بس الحكاية جابت ليها نمر تلفونات وايميلات ودى بنسميها سرقة الباك ودة شعر ماعندنا ليهو رقبة لكين برضو انا جاهز انزل تلفونى وايميلى بس انت تأمر ..ياجميل الى محى الدين وراك وراك والزمن طويل واللة ماكنتة قايلك وزن الريشة عمكم بتاع السكسفون او كما قال
04-17-2008, 09:06 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ياولدى يا ايمن انا قلتة فى نهاية المداخلة عمكم بتاع السكسفون واذا رجعتة للكشف بتاع الفرقة حتعرف منو بتاع السكسفون انتة بقيت تهضرب مالك زى واحد اخونا الظاهر جاب ليهو فايرس للبوست...علىاى حال ردك مقبول اصلو انا وفيسل حالتنا واحدة رغم انف الاخوة الاعداء عمك كيمو يا بتاع العداد
04-17-2008, 09:42 PM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: ياولدى يا ايمن انا قلتة فى نهاية المداخلة عمكم بتاع السكسفون واذا رجعتة للكشف بتاع الفرقة حتعرف منو بتاع السكسفون انتة بقيت تهضرب مالك زى واحد اخونا الظاهر جاب ليهو فايرس للبوست...علىاى حال ردك مقبول اصلو انا وفيسل حالتنا واحدة رغم انف الاخوة الاعداء عمك كيمو يا بتاع العداد
عمو كمال أنا ما قلت ايك إنت شايل صوتك بتفتش ليك فى واحد مطرف تجلده باقى الليل دا
اسه البهضرب منو فينا؟؟؟؟؟؟ ياخ حقك على تقبل إعتذارى
04-17-2008, 09:57 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: المنسى دايرين نلم ناس الإنجمامة الفى السودان ديل
ده إقتراح منى ، وبيتى مفتوح للجميع ، نعتبره دار الإنجمامة فرع السودان
يا سلام يا ود جبريل نسعد نحن بلمتكم وتكون إنجمامة بحق وحقيقة ونواة لي لمتنا في حين عوادتنا المتباعدة ... ومعكم يحلو القعاد واللمة .. اجعلو الحلم يتحقق بكم انتم ساكني الخرطوم القمر بوبا .. وانت .. وابي بكر .. وسماح وقريبا زيارة ايمن الطيب وشيقوق وابوبكر ابوالقاسم وممكن لو ربنا هون انا .. معكم نحن قلب وقالب يا ربي سماح بترضى ؟ سمعتها قالت واحد .. مش واحدة وماعارف قاصدة شنو ؟؟؟ ما دايرا تنزل من خط السير الذي الذي رسمه مرمي الله الما بترفع ( ودشيقوق )
04-17-2008, 10:18 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: المنسي هسة البلابل وحبة زيادة ديل بشتغلوا علي ياتو سلم ....لو جبنا سيرة سلم العرريب حينعس برضو
شيقوق مالو ومال السلالم خلي تحت المسرح بنوم ولما تنتهي الحفلة صحو يوصل الناس بيوتهم بعد يملى كريشتو بزغلل العوينات الزي قدود الجلد ديل وبنوم وكان سمع غنية فيها حت بقوم احت وبرجع كرسي تاني ينوم
04-17-2008, 10:30 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبي بكر سيد احمد
GamarBoBa
abubakr
محي الدين جبريل
العبيد الطيب عبدالقادر
أيمن الطيب
الطيب شيقوق
خالد علي محجوب المنسي
وضاحة
فيصل محمد خليل
salma subhi
sama7
ممدوح أبارو
فيس بوك
تويتر
انستقرام
يوتيوب
بنتيريست