Quote: وبما إنوحقيبة الفن فى موسيقى الزمن الجميل طلع عندها ناسا هنا,, شيلو شيلتكم معاى,,ولكم جميعا,,,,,,ربها جيمى كليف ودا بمناسبة حضور ود الصايم لقلبة الصفحة الجديدة, ,,
تحياتى,,
أيمنوف قر قر قر قر قر قر قر ( حقت ) انت كنت راقد وبتعاين متين تقلب الصفحة تعرف انا حمدت الله لما بقت 98 مداخلة وقلت أيمن الليلة نايم ولا مشغول عملت المداخلة 99 وبعمل في تنزيل الأغنية شيقوق لخمني في الماسنجر جيت ليقيتك ختيت جمي كليف والله يسمعوك الحلاوين ألا يربطوك في فلقة ويعلقوك في السوق غايتو ضحكت ضحك لما لقيتك نزلت الأغنية
استاذنا الفاضل محمد المرتضى حامد.... يسعد صباحك ومساك.....
Quote: يا سلام عليك يا (ناسنا) ، أعدتينا إلي مزاج بنكهة الأولمبيا مع هذا الإغريقي ديمس روسس. أعدتينا إلى Lovely Lady Of Arcadia و Forever and ever ووداعا حبي وداعا Goodbye, My Love, Goodbye ورائعته Lost in Love ، لقد أدهشنا ذلك الإسكندراني في سبعينيات القرن المنصرم بجمال صوته وموسيقاه الإغريقية الساحرة وشكله اليشبه القديسين الناصحين ليوليوس قيصر بزيه الفضفاض الجميل الغرابة والساحر المهابة.
تسلم يا استاذ محمد.... وماذا عساني أن أقول على هذا الفنان الرائع... مطرب من زمن الفن الجميل ومكتسح عمالقة الغناء من السبعينيات وصاحب حنجرة ذهبية.......كم أحب أغانيه!!!
احتفظ له بالعديد من الأغاني الجميلة..... وسأهديك منها
Lovely Lady Of Arcadia
وقت ممتع..... وللجميع كذلك....
كل التقدير
05-20-2008, 05:55 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: بس خليك ماشي على العنوان ده...!! وما أحلى إنجمامّتنا .. نظل واقفين إلى يوم الفصل والدين .. وتبقى هي كلمة طيبة نغرسها + إجراءات السلامة برضو.....
تقديري
إجراءآت السلامة دى دايما محل إهتمامى,, ورغم المواقف المستفزّة لكن برضك ما بنقدر نمشى بعيد,,
لكن تظل الكلمة الطيبة هي سيدة الموقف والنقاش والونسة زاتو,,, شكرا على ديمس روسس,,Nice One ,مازلت أنتظر الفرصة لإنزال أغنية صورة البروفايل,,
تحياتى...
05-20-2008, 06:53 AM
salma subhi salma subhi
تاريخ التسجيل: 06-29-2006
مجموع المشاركات: 4817
يحكى ان تاجرا من العراق قدم للمدينة بخمارات يريد ان يبيعها لنساء المدينة وتم له ذلك فقد باعها كلها إلا الخمارات ذات اللون الأسود منها.... ولم يعرف كيف يسوّق لها! فذهب إلى ربيعة بن عامر الملقب بالدرامي يشكتى له ذلك والدارمي قد اعتزل الشعر وتنسك ولزم المسجد....
فقال الدارمي للتاجر :- ما تجعل لي على أن احتال لك بحيلة حتى تبيعها كلها ... قال التاجر العراقي :- ما شئت فقام الدارمي وترك المسجد وذهب إلى احد المغنيين لكي يغني بشعره للناس وينشره وقال له الدارمي :-
قل للمليحة في الخمار الأسود ..... ماذا فعلت بناسك متعبد قد كان شمر للصلاة ثيابه ..... حتى خطرت له بباب المسجد ردي عليه صلاته وصيامه ..... لا تقتليه بحق دين محمد
فانشرت هذه القصيدة بين فتيات المدينة وأسرعن إلى شراء الخمارات السود وقيل "فلم تبق سيدة في المدينة إلا واشترت خمارا أسود".
-ومن طرائف الشعر... قال أحد الشعراء يصف بخيلا كيف أنه يخبّئ رغيفه من الضيوف : إنّ هذا الفتى يصون رغيفاً *** ما إليه لناظرٍ من سبيلِ هو في سفرتين من أَدَم الطــــائف في سلّتينِ في منديلِ ختمت كل سلّةٍ بحديدٍ *** وسيورٍ قددن من جلد فيلِ في جرابٍ في جوف تابوت موسى *** والمفاتيح عند عزرائيل
...
05-20-2008, 07:24 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
شكراً حمامة الاسلام لإعادة البوست لمساره الطبيعى بعدما قوّم نفسنا.
الشكر موصول أيضاً لأيمن لما دعا لوضع الكورة " واطة ":
Quote: نحن اطلقناها داوية اليوم,,,نحن مع سلام العالم,,ياخ كفانا خوتة ووجع راس,, وإتدفقى ما تبقى رقراق,,أبقى ياضل...يا شموس,,وغطى المساحات بالوضوح,,خلينا طوالى نسمع منك وكان طوكر مع نفسك وكان شيتا تانى مع الخيانة,,
سبقتنا حمامة السلام وسنواصل فى نفس المسار الموضوع "
Quote: حلفنا يمين ما نزح من شديراتنا نتجادع كلم طيب نغم طيب مناكفة طيبة وكلنا طيبة وتبقى هي ( الكلمة الطيبة ) تجمعنا ونفترق عليها لنعود من تاني وما أحلنا زهرات من كل صوب وحدب
نغني وحتى غنانا طيب قدامنا عقدائنا قدمناهم الباشمهندس وشيقوق والعم كمال ( بال DHL )
وأنا من زمان كنت أود التعليق على " المجادعة" الذكية المتبادلة بين الباشمهندس ( الرطانى ) وشيقوق ( العريريب ) فهى نكهة هذه
الشديرات وقد إنضم لركبهم ( ودالمنسى ) وآخرين من دونهم يمنعنى " خت الكورة واطة" من ذكرهم، وقد إنداحت الدائرة وإستمتعنا بمجادعة
بالمناسبة هذه " المجادعة" تُعد فن التسديد والتلقى أو من حسن الجواب. فكم غستمتعنا بتعليقات مستوحاة من تعليق لأحدهما لا نملك إزاءه إلا التعجب والإنبساط لملاحته ودقته.
ذكّرنى ذلك ببعض ما هو مذكور فى كتب الأدب ممّا يُعد من حُسن الجواب :
ما حُكِى أن أمير المؤمنين وقف على إمرأةٍ من بنى ثعل ،
فقال لها : ممن العجوز ؟
قالت من طى .
قال : ما منع طيّاً أن يكون فيها مثل حاتم ؟
قالت : الذى منع العرب أن يكون فيها آخر مثلك . فأعجب بقولها ووصلها.
ـــــــــــــــــــــــــــــــــــــ
ويُروى أن معاوية بن أبى سفيان قد قال مرة حين أتاه سعيد بن مرّة الكندى :
أنت سعيد ؟
فقال : أمير المؤمنين أسعد ، وأنا إبن مرّة .
ـــــــــــــــــــــــــــــــــــــ
يُروى أيضاً أن الحجاج قال يوماً للمهلب : أنا أطول أم أنت ؟
قال المهلّب : الأمير أطول ، وأنا أبسط منه قامة .
وقيل أيضاً للعباس بن عبدالمنطلب : أأنت أكبر أم رسول الله صلى الله عليه وسلّم ؟
قال : هو عليه السلام أكبر منى ، وأنا وُلْدتُ قبله .
ــــــــــــــــــــــــــــ
قيل دخل سيد بن أنس على المأمون ، فقال له المأمون : أنت السيد ؟
ماأنت يادهر في عُرف المروِّينـا ســوى ليـال نطويـهــا وتطوينــا وماالحيــاة وإن غَرّت زخارفهـا ســوى مشــاكل نفنـيـهـا وتفنيـنـا وقيمـة المرء فـيـهـــا مايخـلـّده من المآثـر إن دنـيـــا وإن ديـنا أحلى سويعاتهـا وصل على ثـقـة بين الأحبّـة نحيـيـه ويحيـيـنــــا والناس رهن ٌ بما أوتـوه من عمل جوداً وفضلا ً وإيثاراً وتـزيــيـنا
سلام ياخالد وكل الأحباب هنا صفحة جديدة رائعة إنتظم فيها العقد النضيد
05-20-2008, 09:28 AM
salma subhi salma subhi
تاريخ التسجيل: 06-29-2006
مجموع المشاركات: 4817
Quote: ماأنت يادهر في عُرف المروِّينـا ســوى ليـال نطويـهــا وتطوينــا وماالحيــاة وإن غَرّت زخارفهـا ســوى مشــاكل نفنـيـهـا وتفنيـنـا وقيمـة المرء فـيـهـــا مايخـلـّده من المآثـر إن دنـيـــا وإن ديـنا أحلى سويعاتهـا وصل على ثـقـة بين الأحبّـة نحيـيـه ويحيـيـنــــا والناس رهن ٌ بما أوتـوه من عمل جوداً وفضلا ً وإيثاراً وتـزيــيـنا
العزيزة سمية الحسن طلحة....
سلمت ...ثم سلمت...ثم سلمت
كل الود والتقدير
05-20-2008, 08:54 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
كيفكم كلكم وان شاء الله هادئين ورايقين زى روقتى دى
ود أبو القاسم: لعيب حريف جدا اتاريك بس إجراءات سلامتك فى محلها
أب شنب: الإذن معاك بس قلل التدخين بعيد عنك الكبر دخل والنفس ما تمام
شيقا: كيف اخبارك
شوق للكل أهل بيت وضيوف ــــــــــــــــــــــــــــــــــــــــــــــــــــــــــــــــــــــــــــــ يا جماعة انا معنوياتى الليلة شكلها تمام زيادة عن اللزوم الوضع دا ما ضمان يستمر كتير
05-20-2008, 09:14 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: بالمناسبة هذه " المجادعة" تُعد فن التسديد والتلقى أو من حسن الجواب. فكم غستمتعنا بتعليقات مستوحاة من تعليق لأحدهما لا نملك إزاءه إلا التعجب والإنبساط لملاحته ودقته.
السماح وسماح وسماح وسماح لا تمانع من التعليقات المستوحاة والملاحة والدقة ولكنها متوجسة من ادوات التعبير المستوحاة من ادواة لغة الهامش . صحيح نجدها مطمئنة لما يقوله المنسي وشيقا !!! ولكنها - اى سماح مع فرضية انوثتها - تعمل الف حساب لاي حرف يكتبه ايمنوف .
05-20-2008, 09:23 AM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
أصلو ما بنختلف وأى كلام تقولو حلو والله سلمى ظالمة فعلا تلزمنا بما بفوق طاقاتنا لكن برضو ناس معزتنا,,,,قول الدايرو وأنا رامى قدام,,, خلى الكركبة,,,,,,,, _______________________________________________________________ س!!!!!!!مح ( تعرف أنا خايف يوم أغلط وأكتب سما!!!!!ح تقوم تزعل وتشخصن الموقف )
أولا مبروك,,وثانيا ربنا يديم المزاج الحلو وإنشاء الله دايما لذيذ ورايق,,,وليك على تانى ما بزعلك ودربك أخدر وإنت عزيز وغالى,,,, _____________________________________________________________ ود أبو القاسم حبيبنا
Quote: السايقة واصلة كما يقولون. No more distraction
أكيد,,,بس السواقة الرايقة مهمة,,ما زى سواقتى الكعبة دى خلاص أنا سحبت منى رخصتى,,, ______________________________ محيو وين يا زول إنت,, نحن محتاجين نتناقش عن نوعية الأخبار التى توضع أمامكم لتذيعوها على مسامعنا,,, مشتاقين والله ,,,ووين بوباى اليوم ما ظاهر على الشاشات,, _______________________________________________ ود الصايم,,,حبيبنا ,,Rasta Man Live Up & Lively Up yourself, عماد أحمد الطيب عندو غنية قديمة إسمها على ما أظن جنوبيييية و الفرعون وردى قال قال وكان جنوبيا هواها
تحياتى
05-20-2008, 10:11 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا جماعة ايه الديكتاتورية دي ؟؟ اها بتكتبو بالعربي قلنا اهو حكم القوي علي الاقوي منو ! لكن لازم تراعو الناطقيين بغيرها وان قاموس الجيب هو اقصي ما هو مسموح به هنا ..يعني بعربيكم "شوية شوية .. وشعر من كتب المطالعة بتاعة اولي وتانية اولية بالاكتر ..اما الشعر الشعبي فترجمة حرفية بس مش بتاعة المسلسل المكسيكي ...." اهو الواحد راضي بنضمكم دة كمان تتفلسفو ....هسع السما السابع وبوبا وانا لو حولناها لغة اصيلة مش مستوردة شن تسووووا
05-20-2008, 10:56 AM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
قيل له أبدأ فوقف وحكَّ الرأس عله يجد مايقول...الحمد الله الذي جمعكم كلكم على طيب كلمة طيبة وفطر قلوبكم عليها فهي سعادة في الدنيا والمنجية يوم الهول يوم لا ينفع مال ولا ولد .. كل الكلام طيب لكن قلت أبدأ بأطيبه
Quote: ود المنسى :
ومن رعى غنماً فى أرض مسبعة **** ونام عنها تولّى رعيها الأسدُ
ودأبوالقاسم سلااام يا طيب
أنتم الراعي وأنا الغنم
05-20-2008, 02:15 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: قل للمليحة في الخمار الأسود ..... ماذا فعلت بناسك متعبد قد كان شمر للصلاة ثيابه ..... حتى خطرت له بباب المسجد ردي عليه صلاته وصيامه ..... لا تقتليه بحق دين محمد
حمامة سلامنا تسلمي على هذا الكلام الطيب وزيدي من هديلك يا حمامة
Quote: بس فك الشرك الكاجى هنوك دا بعوق ليهو شافع حسب قوانين السلامة المحلية وكدا,,
دا كان فكا البمرقّو من الإسنا شنو ( إسنافيك ) ايمنوف مانجردوا من كل الوشائل خلي واحدة بس ...
Quote: ويُروى أن معاوية بن أبى سفيان قد قال مرة حين أتاه سعيد بن مرّة الكندى :
أنت سعيد ؟
فقال : أمير المؤمنين أسعد ، وأنا إبن مرّة .
حسن البديهة هبة من الله تسلم يا أبويكر
Quote: سلام ياخالد وكل الأحباب هنا صفحة جديدة رائعة إنتظم فيها العقد النضيد
الريحانة الغائبة سلاااام طيب يا طيبة
والله ديل ما بحلوك نحن عشمانين في الكثير منك يا محوى الأدب وطيب الكلم
05-20-2008, 02:56 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا جماعة مجرد اقترااااااااااح !!!! ( وبعد إذن صاحب البوست الأخ خالد المنسي )
ممكن مداخلة من كل واحد فيكم وتكون عبارة عن هدية للجميييييييع أغنية.....شعر.....كلمة....أي شي جميل ممكن........ ودي أول هدية مني للجميييييييييع يا صوتها لما سرى وقت ممتع...ودمتم بألف خير
سلمى
إّذنك معاك ولكل فرد من الإنجمامة .. الإنجمامة حقتنا ونحن أهلها وما أحلى الصوت لما يسري عبر الأثير معطرّ دمت بخير مودتي
Quote: يابت شندى المأصلة ومفصلة
محي الدين سلااام وحمدالله على السلامة الليلة لقيت فرقة شكراً كتير على المهاتفة وحاول يخفي نفسو وهل يخفى القمر في سماهو أبداً لا وطبعاً لا شفناهو شفانو تحياتي ومودتي
Quote: نترفع ولا بقولو شنو عن الرد لزوم إجراءات سلامة
كيفكم كلكم وان شاء الله هادئين ورايقين زى روقتى دى
ود أبو القاسم: لعيب حريف جدا اتاريك بس إجراءات سلامتك فى محلها
أب شنب: الإذن معاك بس قلل التدخين بعيد عنك الكبر دخل والنفس ما تمام
وعيلك السلام قمرنا السبعتين هذا اقتراح نأيده بالذات ريحة دخان السجارة لا برنجي ولا بنسون كأنها بتاع واو ( غايتو بنسأل أبارو نجيض وبجيب خبرها )
Quote: يا جماعة انا معنوياتى الليلة شكلها تمام زيادة عن اللزوم الوضع دا ما ضمان يستمر كتير
إن شاءالله دائماً يا رب ليوم الفصل والدين
Quote: يا عمك ود جبريل
أخبارك وكدا
الصايم سلاام ماتقول لي ماشوفتني وريحة سجارتك تخلي الواعي يعرض
Quote: البوست ده سائب ما عندو سيد ارمى العندك واقدلي ساى يا جماعة ايه الديكتاتورية دي ؟؟ اها بتكتبو بالعربي قلنا اهو حكم القوي علي الاقوي منو ! لكن لازم تراعو الناطقيين بغيرها وان قاموس الجيب هو اقصي ما هو مسموح به هنا ..يعني بعربيكم "شوية شوية .. وشعر من كتب المطالعة بتاعة اولي وتانية اولية بالاكتر ..اما الشعر الشعبي فترجمة حرفية بس مش بتاعة المسلسل المكسيكي ...." اهو الواحد راضي بنضمكم دة كمان تتفلسفو ....هسع السما السابع وبوبا وانا لو حولناها لغة اصيلة مش مستوردة شن تسووووا
باشمهندس سلااام نثني أقتراحك يا هندسة أيمن خفف شوية لك منا المودة يا هندسة
Quote: لاحظت وتكرر مدخلاتكما أن تأتي متتالية .. فجمح بي الخيل قليلاً .. كنت أتخيل
( كأنكم بتجو مترادفين في عجلة دبل لحدي باب الإنجمامة وبعد داك كل واحد فيكم يمسك لي ورقة وقلم ويكتب الفي راسو ويختها في عنقريب وتصدو راجعين )
كتلتنتى من الضحك يا ود المنسى ...
تعرف انا فى مدينة على بعد ساعتين بالسيارة من مسقط وفى نهاية الاسبوع بكون فى مسقط واى واجب اجتماعى محمد المرتضى بخليهو لنهاية الاسبوع عشان نمشى مع بعض... لكن موضوع العجلة ده بالغت فيه ... الله يجازى محنك ياود المنسى ...لك الو
05-20-2008, 05:43 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
إنت والرطانة اليومين دى بسحروكم خاتين الكورة فى الواطة
والله يا محيو الرطانة ديل ماعارفنهم .. أهل عشرة وجميل وكرم وتب مابنسو العشرة .. أنا علاقتي مع واحد من الرطانة منذ سنة 1989 ولا بالغلط ما غلط علي يباشرك باسم ويوادعك باسم ما عاوز أجيب إسمو لأنو معانا في الإنجمامة لكن بديك الحرف الأول من أسمو ( فيسل محمت هليل ) بس ( جيري ) هو البهبش ويجري ويشتكي ) هسي يجيني ناطي كديس من نطاك
Quote: القاسم - كيفك يا اخي وانت هسع وين في مسقط ولا السودان؟
في ( مسقطدان )
Quote: يا ود الصايم ريتا مارلى إستلمت الراية صاح,,
تحياتى,,,,
يا أخوانا الحلاوي دا مالو ( الله يجازيك يا بت صبحي ماكنا في كلامنا السمح دا ) العريبي لما يتفلهم بركب في تكت لباسو لمبة بطارية ...
Quote: وقد صادفت معه الفنّان ( حسين شندى ) وهو فى غاية التهذيب و ودود للغاية.... وقد أخذنا فى الونسة ، ولما عِرف إنو
أنا سبق وصادفت أحداث يوم الإثنين الأسود وهذه " الغزوة " لم يتمالك من مداعبتى بأن قال للعميد:
بالله عليك أسرع وخلّص معاملته عشان يرجع كل مرة جائى وجايب لينا " القَلل " معاه .......... قرقرقرقرقرقرقرقرقر.
تعرف يا ودأبوالقاسم حسين دا كل عائلتهم لطيفة وناس حلوين .. زمان أول ما حسين شندي بدأ الغناء في الخرطوم كان أيامها من نفس القرية ( الدويمات جنوب شندي ) مذيع في التلفزيون أسمه أحمد سلمان ( غير ضو البيت عليه الرحمة ).. المهم وكان ينادوه في التلفاز بأحمد سليمان .. وأبوه زعلان شديد من الحكاية دي .. مرة وفي مناسبة ذكر هذا الموضوع وقال الأولاد ديل نعلم فيهم وهم يسو في عمائلهم ولدي ينكر أسمي مالو بخجل بدل سلمان يقول سليمان .. ضحك عمك جبريل أبو حسين شندي وقال له أخير أنت أضافو ليك ياء بس أنا سموني ( شندي عديل ) ...
05-20-2008, 05:57 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
وعلى اى حال بالنسبة لى ياشيقا ارجو ان تكتب تلفونك فى البوست دة وحاكون اول واحد يتصل
عشان اديك البصمة الصوتية بس مشكلتك انو كل ناس الانجمانة حيتصلو بيك الا ...سموحى..يحنننننننن
كما سعدت بعودة الاخ(الاخ دى بعد نشر الصورة) ود ابو القاسم وبهذة المناسبة نرجع للنضمى الجميل
مع تحياتى القلبية لكم من دون فرز...............كييييييييييمو
شوف عناقد ديسها تقول عنب في كروم شوف وريدا الماثل زي زجاجة روم القوام اللادن والحشا المبروم والصدير الطامح زي خليج الروم خلي جات متبوعة الصافية كالدينار في القوام مربوعة شوفا عالية منار موضة آخر موضة هيفا غير زنار روضة داخل روضة غني فيها كنار شوف جبينا الهل ضوّ فوقه فنار منه هل الشارع منه بقّ ونار طالعة ما بتقابل زي لهيب النار تحرق البتهابل والبعيد في نار
05-20-2008, 06:17 PM
salma subhi salma subhi
تاريخ التسجيل: 06-29-2006
مجموع المشاركات: 4817
Quote: لكن هاك الهدية دى ، صورة إلتقطها وأنا فى طريقى بطريق التحدى قادما من عطبرة قبل أسبوعين تقريبا ، للطريق بين البسابير والبكاش ، وقت مغيب الشمس
يا سلاااااااام على الهدية....قمة الروعة!! تسلم يا أخ محي....
أهل الجنينة
الأخ خالد المنسي عمو أبوبكر استاذ الطيب شيقوق استاذنا أبوبكر أبو القاسم استاذ فيصل خليل استاذ أبي بكر سيد أحمد استاذه سمية وأخواناالقمر بوبا ممدوح أبارو و سمووووووووحة مع المعنويات العالية دي لازم إهداء حلو!
الاعزاء منسوبى (حلوة منسوبى ) الانجمامة اسمحو لى اليوم ان اعود بكم الى ذلك الزمن الجميل والذى كنا نشاهد فية الفنانون السودانيون يغنون فى الافلام المصرية مثل الراحل احمد المصطفى والراحل سيد خليفة ولقطة اليوم من فيلم اسماعيل يسن طرزان ويفنى فيها الفنان ابراهيم عوض اغنية اظهر وبان عليك الامان والتى ركب على لحنها فيما بعد اغنية احب مكان عندى السودان..ويظهر معة الفنان الراحل خالد العجبانى...................كيييييييمو
05-20-2008, 06:53 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
تعرف انا فى مدينة على بعد ساعتين بالسيارة من مسقط وفى نهاية الاسبوع بكون فى مسقط واى واجب اجتماعى محمد المرتضى بخليهو لنهاية الاسبوع عشان نمشى مع بعض... لكن موضوع العجلة ده بالغت فيه ... الله يجازى محنك ياود المنسى ...لك الو
والله يا ودالقرشي أنا من حتّا الدبل ذاتا في محلات تقوم نفسك بلد بتنزل فيها الرمل في بكان المطر أنا من شندي ( شندي فوق حلة نمر ) ... قطع شك بتعرف أهلي في الأبيض ( ناس القب من البسابير ) تسلم يا ود القرشي ومروك شديد بسعدنا بس طوالي اردف ودالمرتضى وتعالوا لينا في الإنجمامة ..عجلتك فيها بوري ولا جرس
تحياتي
05-20-2008, 07:15 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
منسي رطاني فيصولي سلومة ايمنف بوبا محيو القاسم كيمو عبيد ابارو سموحي
Quote: والله يا محيو الرطانة ديل ماعارفنهم .. أهل عشرة وجميل وكرم وتب مابنسو العشرة .. أنا علاقتي مع واحد من الرطانة منذ سنة 1989 ولا بالغلط ما غلط علي يباشرك باسم ويوادعك باسم ما عاوز أجيب إسمو لأنو معانا في الإنجمامة لكن بديك الحرف الأول من أسمو ( فيسل محمت هليل )
لم كلامك عندك انت قابض يا سجم الرماد.
05-20-2008, 07:28 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الأخ خالد المنسي عمو أبوبكر استاذ الطيب شيقوق استاذنا أبوبكر أبو القاسم استاذ فيصل خليل استاذ أبي بكر سيد أحمد استاذه سمية وأخواناالقمر بوبا ممدوح أبارو و سمووووووووحة مع المعنويات العالية دي لازم إهداء حلو!
وين هداياكم الجميلة !!!!!!!
يا حمامة السلام الجميلة أسجعي وزيدي من هديلك هديتنا كلمات للشاعر إبراهيم بشير
مهما تلاقي الزول صِعاب ويضيق علي الكون الفسيح وأحلامو تصبح زي سراب أو بالأصح تشيلا الريح صدقني مهما كان وكان أنا قولي بالواضح صريح باكر معَ الأيام تعود الضحكة لي الزول الجريح الدنيا ساعدا بي الصبر ماتبقى فوق دارك طريح وقوم أسعى لو رزقك شحيح أوعك تسلّم للحزن والله يكتلك الوحيح وزي مابقولوا الناس دوام تب .. مابصح غير الصحيح لأنو علمني الزمن يا خللا درساً ماقريتّلو كتاب إنو الدنيا مهما تبقى كلها في سؤال وجواب اللقّى يا رفاق من الله وكذلك الإنجاب والحظ ما بتجيبو القوة والشَقى مابزيلو عِتاب والبكى مابجيب الرايحة لو جرت الدِموع صباب والأفراح تدور يمشوّلا والأحزان تجيك في الباب والداير السعادة يكوسّا بينها وبين حُزنا حِجاب أَولا في رنين الضحكة وقمتا في لقا الأحباب يا أخوانا التفائل نعمة وديما يريح الأعصاب والزول البكون متشائم العصفور يشوفو غراب ألذا شئ أهمَ شئ إنك تعيش في الدنيا منتشي حتى الحزن لو زاد عليك حاول تضاري من الوشي ماالدنيا أصلها يوم عليك ويوم ضاحكا زي قمر العشي ويوم تكون محبط عديل لآمن تكجّن اي شي نحن العمر لوكان نحسبو بالسنين ماكان سعدنا وشوفنا شي لو كان سعادة الزول عمر ماناس كتيرة غلبا المشي لكن سعادة الزول صدق أحساس هو إنو منتشي
يلا إنتشو وتبقى هي الكلمة الطيبة مفتاح سعادتنا في الدنيا والآخرة
تحياتي حمامة السلام
05-20-2008, 07:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: الاعزاء منسوبى (حلوة منسوبى ) الانجمامة اسمحو لى اليوم ان اعود بكم الى ذلك الزمن الجميل والذى كنا نشاهد فية الفنانون السودانيون يغنون فى الافلام المصرية مثل الراحل احمد المصطفى والراحل سيد خليفة ولقطة اليوم من فيلم اسماعيل يسن طرزان ويفنى فيها الفنان ابراهيم عوض اغنية اظهر وبان عليك الامان والتى ركب على لحنها فيما بعد اغنية احب مكان عندى السودان..ويظهر معة الفنان الراحل خالد العجبانى...................كيييييييمو
والله غطيت علي غيابك كلوووو بالاغنية دي
عليك الخوه وترس القوه ما تنقطع
05-21-2008, 07:42 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: أصحى يا أيمنوف طلا الصِبيح أولك أيمنوف سبقونا ها الحُصادي هات المنجل والمندوس وألحقني بيا الزوادي قوم عجل الله يخليك صار لي ساعة بفيق فيك صلو قبل صياح الديك بيك ينطر بالوادي
يا خالد بعد كلامك دا تانى حرّم مافى كلام,, لكن يا خالد تصحينى لشيقا إن بقيت صحى نايم,,خلينى شيقا ده أكمل نومى وأقوم ألحقو وألحم لى فى ختراتو, ختراتوالفى وجناتو,وما بفوتو عشان الأقدمية,,, وعشان إحتمال يوحل ويغرز... إنت أظنك ما سمعت قصة حمدان أبوعنجة لمن صحوه للخليفة التعايشى أبوعنجة زول دواس ما بصحوه ساااااااااااااااااى ____________________________________________________________________
05-21-2008, 03:08 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
تحت شعار "الانجمامة وطن يسع الجميع" اتفاقية التراخي العرريبي الرطاني
الثوابت: التدوير recycling (هيييع وعيييك وهيييع وعيييك ) تكرار اغاني الحت السما السابع هي سماح سائقي الليل معفيين من رسوم الباركنق شيقا دة واحد غلبان شيقا يقول للصبوحة "ياختي" الرطانة لغة رسمية دييل سدنة للانجمامة-الاسماء وفق ترتيب شيقا منسي رطاني فيصولي سلومة ايمنف بوبا محيو القاسم كيمو عبيد ابارو سموحي ____________
توقيع :انا مالي
05-21-2008, 09:05 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الفضل يعود لسلمى بت الحسن قالت لي ود المنسي ده ما بدور كلام الافرنجي املاهو دوبيت سااااااااى ومحل رهيفة تنقد.
هيييييييييييييييييييييييييييييييع
شايفك عوجتا كزيمك وبقيت عامل فيها وليد بندر
Quote: الاعزاء منسوبى (حلوة منسوبى ) الانجمامة اسمحو لى اليوم ان اعود بكم الى ذلك الزمن الجميل والذى كنا نشاهد فية الفنانون السودانيون يغنون فى الافلام المصرية مثل الراحل احمد المصطفى والراحل سيد خليفة ولقطة اليوم من فيلم اسماعيل يسن طرزان ويفنى فيها الفنان ابراهيم عوض اغنية اظهر وبان عليك الامان والتى ركب على لحنها فيما بعد اغنية احب مكان عندى السودان..ويظهر معة الفنان الراحل خالد العجبانى...................كيييييييمو
عم كمال يا حلو ودمك شربات مكملو فيصل بقى يلبت برسائلك مابنزلها .. وهو ذاتو غايب الأيام دي اشترى لي عربية لكن قاعد اليوم كلو يغسل فيها قال فيها ريحة بعر خرفان إظنو اشتراها من قروي .. شوف لينا طلبات ودأبوالقاسم دي والله مغرودين فيها كلنا..
Quote: تاوقنا عشان نشوف سواقة الليل ووجدنا الحصاد كبير ووفير وممتع.
ودأبوالقاسم كلامك دا ذكرني ناس السودان زمان لما تتاوق يدوك دعوة تقرب تقصر أجلك يقولو ليك ( ما تاوق يتاوقو ليك بي الشباك وإقولوا أخير أمبارح ) تعرف دي معناها شنو يابوبا معناها تكون في العناية المركزة وممنوع الدخول للزيارة بس الناس بعاينو ليك بالشباك.
Quote: خليه يهبر في كراع شيقا كان يبطل الترسي البسوي فيه ده ويهجس
إتخيلتو هبر في وناطي ويسب ويلعن ( الله ياذا الشفع ديل )
Quote: حاولت أعمل ضغط ما نجح ، هل فى طريقة غير إرسال الصورة مجزأة ؟
خت الصور تحت العنقريب وارقد
05-21-2008, 07:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا خالد بعد كلامك دا تانى حرّم مافى كلام,, لكن يا خالد تصحينى لشيقا إن بقيت صحى نايم,,خلينى شيقا ده أكمل نومى وأقوم ألحقو وألحم لى فى ختراتو, ختراتوالفى وجناتو,وما بفوتو عشان الأقدمية,,, وعشان إحتمال يوحل ويغرز... إنت أظنك ما سمعت قصة حمدان أبوعنجة لمن صحوه للخليفة التعايشى أبوعنجة زول دواس ما بصحوه ساااااااااااااااااى
والله عملها هو ولحم ليك فرفور مع الأغنية بتاعتك دي ( فكي مايرنو )
05-21-2008, 07:49 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
يا جماعة والله فاقد بوبا الظريف سماح قمر سبعتين ودالبشرى ضو القبائل محي الدين مراسلنا الريحانة زهرة الحسن ودطلحة العبيد ودعبدالقادري خريف البطانة والجميل لؤي خفيف الظل ممكونة وصابرا والله يصبرك
05-21-2008, 11:07 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
أيمن الطيب
,, 
الطيب شيقوق
العبيد الطيب عبدالقادر
salma subhi
أبوبكر أبوالقاسم
محمد عبد الماجد الصايم
sama7
محي الدين جبريل
abubakr
ممدوح أبارو
Ahmed al Qurashi
فيصل محمد خليل
حاتم هاشم
فيس بوك
تويتر
انستقرام
يوتيوب
بنتيريست