غبتا يومين وجيت لقيت في حاجات سمحات أضافهم بكري.. قلتا كدي النجرًب واحدة فيهم..
طبعا إخترتا رمز الصور لقياس نسبة الفضول ..
تخريمة: يا بكري بالله ما تقول لي البوست ده إهدار للباندويث.. انا لي 3 شهور كتبت فيهم 3 بوستات بس.. بمعدل جماعة هنا لسة فاضل لي 1359 بوست من الكوتة بتاعتي ..
ودي..
09-04-2007, 05:51 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
أولا حمد لله على سلامة طلًتك إنتي ذاااتك الجواب ده هو اللفت إنتباهي.. تصدقي؟ وجاتني فكرة كتابة البوست لما شفته وعجبني.. تاني غايتو بوستاتي كلها جوابات..
تخريمة: بعد ما كتبت ليك الرد، مشيت أعمل الجواب. لقيت في حركتين زيادة.. إتفضلوا : ،
تحياتي للمعاك..
دمتي ودام ودنا
09-04-2007, 09:36 PM
jini jini
تاريخ التسجيل: 02-05-2002
مجموع المشاركات: 30716
Quote: عدد البوستات: 1043 تاريخ التسجيل: 17-04-2002
تخيلى يا رجاء انا اليوم بس لاحظت انى مسجله لى اكتر من 5 سنيين و مشاركاتى اكتر من الف بشويه.... و عشان بكرى ما يقول ليك اهدار و بتاع انا متنازله ليك عن نصيبى ...القديم باثر رجعى....قلتى شنو??
09-04-2007, 10:08 PM
jini jini
تاريخ التسجيل: 02-05-2002
مجموع المشاركات: 30716
Quote: تخيلى يا رجاء انا اليوم بس لاحظت انى مسجله لى اكتر من 5 سنيين و مشاركاتى اكتر من الف بشويه.... و عشان بكرى ما يقول ليك اهدار و بتاع انا متنازله ليك عن نصيبى ...القديم باثر رجعى....قلتى شنو??
دخيلك! الا فرانكلى جنى
09-04-2007, 11:25 PM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
أولا ألف حمد لله على سلامتك وبركة في الشوفة بالف خير.. أشعر أن وقتي يحرجني كثيرا في الفترة الأخيرة. أهم شئ يحرمني من التواصل مع إناس أخترتهم ليكونوا اهلا واصدقاء.. ساتصل بكم قبل رمضان..
دمت ودام ودنا
09-05-2007, 06:20 PM
Raja Raja
تاريخ التسجيل: 05-19-2002
مجموع المشاركات: 16054
تعرفي كان في فكرة إنه أي عضو يكتب 3 مواضيع في الأسبوع، ناقشناها مرة في بوست بتاع الغالي عاطف عمر.. بغض النظر على مداخلاته في باقي المواضيع. إن شا الله يرد ويكتب في كل البوستات.. طبعا الفكرة ضاعت شمار في مرقة
أنا غايتو قانعة بي 3 بوستات في الـ 3 شهور..
حبي
09-05-2007, 06:00 PM
Raja Raja
تاريخ التسجيل: 05-19-2002
مجموع المشاركات: 16054
طبعا غيري وكم نفر ما بيفوتو عدد أصابع الايدين من الناس الليهم 5 سنين.. مافي زول من أولاد الدفعة عمل 2000 بوست.. في ناس في دفعة نوفمبر 2004 عملوا الـ 2000 بوست براااحة قبل ما تجي سنة 2005.. أها في فترة غبتا فيها.. ولما جيت في فبراير الفات.. لاحظتا (باكات) من الدفعات الجديدة عندها العدد 2000 زي السلامو عليكو ، براحة ممكن يقفلهم في يومين بس كل العليهو يفرش أوضة المنبر الولانية والتانية بعشرة مواضيع، والأوضة التالتة والرابعة بيكون فيهم بس 17 موضوع تانين ..
ومعاك مليون المية إنه العدد في الليمون
تحياتي وودي الأكيد
09-04-2007, 11:36 PM
الملك الملك
تاريخ التسجيل: 01-02-2005
مجموع المشاركات: 5756
غايتو أنا مرات بعرف أنزًل صور وغنا بالطريقة القديمة ديك..
طبعا في ناس هنا شفوت لما يحيروك .. بتذكًر مرة لنا علمتني أعمل الصفحة الملونة وأكتب فيها حاجات تمشي من فوق لتحت ومن يمين للشمال.. فرحت بيها زي الحركات دي، وعملت لي بوست .. وحاتك هسع إتبخرت زي الترتيب
رمضان كريم.. وإن شا الله تصوميه إنتي ودهباية وتفطرو على خير
09-06-2007, 01:58 PM
Raja Raja
تاريخ التسجيل: 05-19-2002
مجموع المشاركات: 16054
أولا سلامات كتيرااات ومشتاقة لدرجة لا إنت ولا حسن سنادة ولا سارة حمزة ولا مياسة تقدروا تتخيلوها.. لكن أكيد حأقلع لي إن شا الله 5 يوم وأجي السودان..
تانيا.. طبعا أنا لما أغيب وأجي راجعة، عيني زي ود المشًاطة بتلقط أي حاجة .. وبمناسبة ود المشاطة دي. كان زمان بتجي عند حبوبة الله يرحمها مشًاطة ومعاها ولدها حليوووني إسمه شهاب.. أها كنت بباري شهاب ده زي ضله عشان اعرف عينو مختلفة من عيوني بي شنو وليه بيقدر يشوف الما بنشوفه .. طبعا طلعت إشاعة ساكت زي التيمان الكدايس ..
رمضانكم كريم.. حاسداكم على ريحة الجو الكله حلو مر..
وكل يوم وإنت زي ما إنت يا هميم
09-06-2007, 04:59 PM
الملك الملك
تاريخ التسجيل: 01-02-2005
مجموع المشاركات: 5756
دائما ما اتذكر مكالماتك التلفونية لمتابعة مقالتك المرسلة لصحيفة الخرطوم.. ولن أنسى أنك من أخبرني برحيل كبيرنا القائد يوسف كوًة.. وعندما إتصلت بمكتب الحركة الشعبية بالقاهرة لم يكن الخبر قد وصلهم بعد، وبعد إتصالين تلفونيين عادوا لي ليؤكدوا الخبر فقلت لهم أن مصدري ثقة..
ولا زلت ثقة لدي..
رمضان كريم وكل عام وانت ومن معك بألف خير..
ودي الجزيل
09-07-2007, 09:04 PM
Raja Raja
تاريخ التسجيل: 05-19-2002
مجموع المشاركات: 16054
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Raja
..
..
عاطف عمر
معاذ حسن
نهال الطيب
: 
jini
smart_ana2001
خالد المحرب
..
الملك
سلمى الشيخ سلامة
.. 
طارق جبريل
الفاتح ميرغني
غادة عبدالعزيز خالد
Kostawi
فيس بوك
تويتر
انستقرام
يوتيوب
بنتيريست