|
|
|
 Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Mohamed Elbashir)
|
محمد البشير العزيز..
مرحبتين بيك في بوست ناس القاهرة.. ويا تلتمية ألف مرحبا لو زرتنا عديل..
تعرف رغم ان اليوم في القاهرة ما 24 ساعة.. فقط 8 ساعات.. إلا اننا نعيش أحداث 48 ساعة تقريبا..
محاق الوقت يكون في الزحمة.. يعني لو فكرت تمشي من الهرم او المهندسين لمدينة نصر او مصر الجديدة أو المعادي.. أنسى..
اتذكر ان صديقنا وزميل المنبر الصحفي حسن أحمد الحسن قال حكمة شهيرة قبل ان يغادرنا لأمريكا، قال: انه قضى في مصر 8 سنوات 6 منها في الشارع..
ودي حقيقة..
نحتاج 24 ساعة إضافية ليومنا.. ويوم إضافي لأسبوعنا.. واسبوع إضافي لشهرنا.. وشهر إضافي لسنتنا.. ونطمع في سنة زيادة.. لأننا ما بنلحق نعمل حاجة في السنة المشت..
..
ودي..
| |
 
|
|
|
|
|
|
|
 Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
الحقيقة عندي أمنية و هي زيارة القاهرة والإلتقاء بالبورداب الظريفين المستنيرين في القاهرة
وأتمني حضور المحاضرات الأدبية الجميلة و لقاء المفكرين و بالأخص الكاتبة المستنيرة الشجاعة رجاء العباسي تلك الصحفية المتميزة التي نقرآ لها في جريدة البيان والمعروفة بالتواضع و الشجاعة و سعة الأفق و الحس المرهف و
حقيقة أقرآ مقالاتك و تغطياتك الصحفية الممتازة وأستند عليهافي قراءة الأحداث السياسية لمصداقيتها و عقلانية المنهج و أمانة النقل
ورجاء العباسي إسم ما ساهل بيخوف الحكومات و ملاك الصحف (جريدة الخرطوم مثال) لشعبيتها الكاسحة و أنا بأرشحك كنقيب للصحفين السودانين و أنتي بلا شك نجمة البورد و موضو عاتك متميزة دائمآ زي شخصيتكـ ـوبورد بدون رجاء العباسي يساوي صفر
ويدفعني الفضول لسؤال واحد هو هل لكي صلةقرابة ب الشاعر الكبير محمد سعيد العباسي وهل إنتي من أحفاد العباسي أو عباسية جعلية وياريت تكتبي لينا عن مكان النشأة ـوأنت شخصية قومية لها وزنها
| |
|
|
|
|
|
|
|
|
 Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Kamel mohamad)
|
Quote: الحقيقة عندي أمنية و هي زيارة القاهرة والإلتقاء بالبورداب الظريفين المستنيرين في القاهرة
وأتمني حضور المحاضرات الأدبية الجميلة و لقاء المفكرين و بالأخص الكاتبة المستنيرة الشجاعة رجاء العباسي تلك الصحفية المتميزة التي نقرآ لها في جريدة البيان والمعروفة بالتواضع و الشجاعة و سعة الأفق و الحس المرهف و
حقيقة أقرآ مقالاتك و تغطياتك الصحفية الممتازة وأستند عليهافي قراءة الأحداث السياسية لمصداقيتها و عقلانية المنهج و أمانة النقل
ورجاء العباسي إسم ما ساهل بيخوف الحكومات و ملاك الصحف (جريدة الخرطوم مثال) لشعبيتها الكاسحة و أنا بأرشحك كنقيب للصحفين السودانين و أنتي بلا شك نجمة البورد و موضو عاتك متميزة دائمآ زي شخصيتكـ ـوبورد بدون رجاء العباسي يساوي صفر
ويدفعني الفضول لسؤال واحد هو هل لكي صلةقرابة ب الشاعر الكبير محمد سعيد العباسي وهل إنتي من أحفاد العباسي أو عباسية جعلية وياريت تكتبي لينا عن مكان النشأة ـوأنت شخصية قومية لها وزنها |
دا كله عشان رجاء
طبعا هى تستاهل
بس كنت عاوزه اضيف ملاحظتى برضو
انا طبعا لاحظت نضجها وحسها الصحفى العالى وتحليلها العقلانى
بالمناسبه دى يارجاء امشي ارفعى بوست غبار سياسي
وضيفي ليهو من تحليلاتك شويه
انا صراحه بديت افهم لعبه السياسه السودانيه على حسك ومن البوست دا
برجع ليك تانى
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Rakoba)
|
راكوبة يا عزيز..
ســـلامات ومية ألف مرحبا..
تحيتك الجميلة وصلت مباشرة لصباح لما قرأتها بنفسها.. وستقوم بالرد على هذا البوست..
ومثل ما أبنت ان صباح هي مراسلة "الشرق" القطرية من القاهرة.. وتعد من أنشط وأمًيز الصحفيين الذين يتعاملون في ملف السودان.. وقد حضرت مؤخرا من زيارة للخرطوم وجوبا..
تابعت "صباح" في المؤتمرات الصحفية واللقاءات التي تتم في القاهرة، فوجدت ان أسئلتها تكشف عن فهم عميق وليس سطحيا للمعطيات السياسية.. وأتمنى ان نتشرف بإضافتها هنا للمنبر الوطن..
ودي..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Rawia)
|
راوية يا حبيبة..
ومليون سلام وشوق ليك في القاهرة الساحرة..
طبعا ما ممكن أمشي أي مكان ما اتذكرك فيهو.. وكل ما أمشي لـ "أجنس" القعدة تمسخ لي.. وناس حسام بس يسألو منك..
حاااضر مشيت رفعت البوست.. وانا سعيدة بجد انه حقق الحصل ليك ده لأنه قطع شك حيكون ما ليك انتي براك..
ومنتظرين عودتك للحكي عن روكسي وما أدراك ما روكسي..
ودي..
| |
|
|
|
|
|
|
|
|
 Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Kamel mohamad)
|
الفاضل كامل،،
تحية ومودة وتقدير..
لا أدعي تواضعا.. ولكن كلماتك التي تكتبها في حقي ايها العزيز لهي أكبر مني.. لا أحسب نفسي إلا ترسا من تروس العمل المتكامل..
"العباسي" هي لقب لجدي لوالدي "محمد الأمين" اتخذه حينما كان يعمل مدرسا في اندونيسيا.. عندما سئل عن قبيلته وقال "جعلي" ولم يفهم السائل ماذا تعني، فأوضح له جدي.. (يعني لو الاندونيسيين كانو فهمو جعلي كان اسمي الآن: رجاء الجعلي).. ونحن من منطقة المحمية غرب، ومشرعنا المتمة.. وأهل والدي لا زالو يقيمون هناك..
..
أسرة الشاعر الكبير محمد سعيد العباسي تربطنا بهم صلة الإسم. لأن هناك من يوجه لهم نفس السؤال.. وكانت معرفة خير لنا.. ولن أشعر بفخر إضافي إلا انتمائي لهم.. فلهم كل التقدير..
..
والدي رحمه الله كان يعمل مدرسا في الثانويات.. وقد تنقلنا في مختلف مدارس السودان وخارجها.. وقضينا طفولتنا وصبانا في "الجنة" وهي بالنسبة لي حنتوب الجميلة.. ودرست واخوتي الجامعة في القاهرة التي أصبحت بلدا ثانيا لنا بعد ان قررنا الاستقرار بها..
وفي السودان مكان استقرار اهلنا هو أم درمان.. ولا زال منزل حبوبتنا في ود نوباوي وإن تفرق أخوالي في مناطق ام درمان المختلفة..
..
تسلم على حضورك.. وننتظرك في القاهرة المدينة التي تستيقظ طوال اليوم.. مدينة السحر والفن والثقافة والجمال..
ودي..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: wadaldeem)
|
Quote:
اولا سعدت القاهرة واشرقت بمقدم الصديقة أميمة الفرجوني.. وهي بالمناسبة لا زالت طالبة تدرس في إحدى جامعات التشيك.. وحتى اللحظة لم أتشرف بلقائها المباشر وإن تحدثنا كثيرا منذ حضورها وتواعدنا ليوم الخميس.. |
الاخت العزيزة رجاء
بالله اميمة في مصر... سلامي الكثير لها
بعدين انا طالباك باقة ورد... جيت حفلتكم و عيدت عليكم و طلعت يدي فاضية
متابعة جهدك و تعبك مقدر
تحياتي الصادقة
غادة
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: غادة عبدالعزيز خالد)
|
الأحباب الفوق..
ســـلام وود.. وبعد اذنكم نراضي غادة العزيزة وأرجع ليكم..
الحبيبة غادة..
تصدقي ما شفت المشاركة بتاعتك إلا بعد كلامك ده.. عشان انا كنت متابعة وعرفت اني لاقيت كل الأحباب بهناك ومشيت للصفحة التانية..
بيني وبينك النضارة محتاجة لتغيير من يوم بوست رسالة حب في عيد الحب..
دمتي يا غادة.. والقلوب زي ما بيقولو شواهد.. ولم اندم إلا لعدم اللقاء بك حتى الآن رغم معرفتي بوالدك الجليل ووالدتك الفاضلة.. ودعيت لعقد قرانك هنا.. واتطلع للقاء قريب في القاهرة أو في الخرطوم إذا الله أراد..
وليك ولأسرتك الحلوة ولكل من حولك
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: عبد المنعم سيد احمد)
|
رجاء تحياتى
العجوزة مدينة الإعلام ,الدقى شارع سليمان جوهر, الدقى شارع السبكى, مدينة نصر الحى السابع, عمارات العبور شارع صلاح سالم, مصر الجديدة كبرى التجنيد, المهندسين شارع شهاب وشارع أحمد عرابى , حدائق المعادى .
فندق آمون, ديسكو آفريكانا وصديق العاتى, ديسكو ميناهاوس.
أيام جميلة وذكراها أحلى . أنا بالمناسبة سودانى عاصمتى القاهرة.
لك كل المودة و بخت القاهرة بوجودك المضئ.
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Balla Musa)
|
الفاضل د. بلة..
سلامات وتحياات عاطرات..
بالله انت حمتا كل المحلات دي..؟
القاهرة جميلة بجد للبيعرف وهو فيها انها كده.. لكن للأسف هناك من الناس من يأتي بفكرة مسبقة من تجربة زائر تعيس.. وهو بفكرته دي بيظلم نفسه ويظلمها معاهو..
طبعا هسع كوبري 6 أكتوبر عمل القاهرة 3 أدوار.. فمترو الانفاق هو الأول والتاني الشارع العادي.. وممكن تمشي من 6 أكتوبر لغاية مدينة نصر وانت فيهو بعد ما تاخد المحور..
ننتظرك تاني تنوًر القاهرة..
مع صادق الود..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: عبد المنعم سيد احمد)
|
الصديق العزيز منعم..
تحايا جزلة لك وللحبيبة العروسة التي توقعت انضمامها في لستة ديسمبر..
حتما هي ذكريات ندية في القاهرة.. كيف لا وقد جمعتنا أماكن غالية مثل 10 عائشة التيمورية.. واشخاص خالدين في نفوسنا كالراحل وديع.. وعمي عبدالنبي أطال الله في عمره..
..
وأتوقع ان تتحق مقولة المصريين ان من يشرب من "نيلهم"* لا بد ان يعود..
وفي انتظارك بعد ان أصبحت اتنين..
* "نيلهم" من السد وحتى البحر الأبيض.. أما "نيلنا" فسره باتع.. يجعلنا نرى في كل الأمكنة لمحة من الوطن..
ودي..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: الواثق تاج السر عبدالله)
|
واثق يا عزيز..
ســـلامات كتيراااات وحلواااااات..
عرفت الواثق من المنبر ولم أكن اعرف انه في القاهرة.. وعلمت من صديق مشترك ان الواثق الذي يكتب هنا يقيم ايضا هنا.. وكان ان اتصل بي في أمر يتعلق بمهمة كلفه بها احد الأساتذة واعطاه رقمي.. وتحدثنا زي البنعرف بعض من مليون سنة كده.. وما التقينا إلا بعد كده بسنة.. في ورشة عمل أقامها مركز القاهرة لحقوق الإنسان.. وطبعا عرفتو طوااالي.. رغم ان الصورة بتقول انه زول أخدر ومربوع حسب ربطي لصوته بصوت العزيز فتحي الضو..
..
أنا هي تلك المحظوظة يا واثق بوجودك وبقية الأحباب هنا..
..
حأرجع تاني..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: معتصم الطاهر)
|
العزيز معتصم،،
لنت يا القاسي
فارقتها الروقة
بين غمضتي وحاسي
دبت في ذوقها
يا تبقى من ناسي
أو تبقى معشوقا
XXX
زولة.. القمر دونها
كمل الوصف فيها
الزهر من لونها
الدر مكنونها
الأرض وما فيها
الشمس.. وما فوقها..
..
عندما التقيت بمعتصم فوجئت بكم الجمال والأريحية التي يحملها بداخله.. وتلك الحكايات الخلاًبة التي يرويها.. اعتبره محظوظا لحياته في كل تلك البقاع في السودان.. واعتبر ان الخدمة المدنية حتما فقدت أحد أهم تروس العمل بها..
اثناء حديث معتصم استشفيت قدرا عاليا من الاحترام للمرأة.. فحديثه عن زوجته حديث رجل تتمنى أي إمرأة ان يكون عنها.. يدافع عن أحقيتها في العمل، وفي ان تحس بأنها عضوا فاعلا في مجتمعها وأسرتيها الكبيرة والصغيرة.. ومن هنا أحيي تلك السيدة الكريمة التي شاركت معتصما حياته وروعته.. والتحية لأبنائهما المحظوظين..
..
حزنت لعدم معرفتي نظم الشعر.. فالموقف يعجز وصفه نثرا،،
حارجع تاني،،
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: محى الدين ابكر سليمان)
|
العزيز محي الدين..
مية مسا على الناس الكويًسة..
طبعا انا اعجبت بمحي الدين وببوسته الحلو بتاع المريسة والكديسة.. وابدا ما خطر ببالي انه معانا هنا في القاهرة.. ويوم الزيارة داك.. ولما نزار ناداهو بـ : محي الدين ابكر.. عرفت ان الدنيا دي صغيرة قدر شنو..
التقينا بنصه التاني.. مدام لبنى.. وهي من الناشطات في المنظمات العاملة للمرأة هنا في القاهرة.. وأتمنى ان تنضم لينا برضو.. طبعا هم الآن في انتظار مقدم أول أطفالهم.. ربي يسعدهم ويهنيهم..
..
محي الدين.. غول حكايات خطيرة.. تابعوه وانتو تعرفو انا قلت كده ليه..
له الود وللبنى..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
العزيزة رجاء
بالفعل الباشمهندس معتصم الطاهر
رجلا نادرا تستطيعى ان تحكى عنه الكثير والكثير
وانا فى اشد الاسف لاننى لم اتمكن من اللقاء به فى القاهرة . وقد تشرفت بلقاءه بين عامى94-95
فى مدينة الحصاحيصا وكنت حينها طالبا فى كلية النسيج جامعة الجزيرة - وتحديدا فى وفاة
بروفسير بشير الفاضل عميدكلية النسيج - وهو رجل له كثير من الصفات فهو سياسى وشاعر وفنان
وانسان ............
فلك خالص التقدير الاستاذ معتصم
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
العزيزة رجاء
تصوري اني مريت بالقاهرة عدة مرات و في واحدة من المرات دي كان مفروض ادخل البلد و اقيم في فندق موفمبيك لكن ناس الانقاذ الله لا يكسبن متوصين بينا في كل مكان، كانوا بدوا مشاكل مع المصريين بتحويل اسم جامعة فرع القاهرة في الخرطوم و مضايقة موظفي الري المصري و الاساتذة المصريين بس الكويس اننا مشينا في فترة اعادة مضايقة المسافرين في مطارات البلدين التي اعقبها اهانات اكتر مثل الضرب و الاعتقالات يعني الحمد لله ما ادقينا في مطار القاهرة و ادونا غرف في فندق داخل المطار لحد ما دبرنا امور مواصلة رحلتنا في اليوم التالي. بكلامك بتاع الزحمة المرورية لو فكرت اجي القاهرة ما ح احجز فندق و لا شقة طالما 90% من الزمن بقضيها الواحد في الشارع العشرة في المية بتدبر لووووووول.
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: نصار)
|
نصار يا غالي..
ســـلام مربًع..
انتا بس أنوي تجي القاهرة وكلها تتسهل.. وعليك علينا يستقبلوك ناس عند باب الطيارة كمان.. الله.. هو انحنا بنلعب..
الزحمة خلتنا نعمل مواعيد إما في أوقات نعرف انها ساهلة شوية (مع انه الفترة الأخيرة مافي اي وقت ساهل).. أو أيام الجمعة قبل الصلاة والسبت بالصباح.. وهي الاوقات الفيها اجازات.. لكن يوم الاتنين ما تفكر تعمل اي مشوار إلا بعد الساعة 12 بالليل.. ويوم الخميس أنسى..
إجازة المدارس في نص السنة والصيف فيها شوية رحمة بالصباحات.. لكن في المسا الكل ماشي يتفسح.. ياخ المصريين ديل كتار بشكل.. عندي صديق قال لي والله خايف انو يوم القيامة مع المصريين والصينيين وناس الهند ونيجريا انحنا ينسونا..
 لووووووووووووول..
ودي..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
الأحباب الفوق كلهم..
ســـلامات طيبات..
طبعا ما قادرة أوصف سعادتي اليوم بلقاء (الوسيمة) أميمة الفرجوني.. وهي إبنة الفنان الرائع أحمد الفرجوني.. عرفت ذلك منذ أول اتصال لها.. يا مشتاق مشينا لبيتزا هت وجبنا سيرتك.. حتكون مشروق اليوم كله.. ده غير الـ 402 زول القلنا عليهم ناس رايعين ومحترمين من الزملاء المعانا هنا..
هذا الموجز.. التفاصيل قادمة..
ودي..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: alfatih)
|
الفاتح يا غالي..
مرحبتين حبابك..
طبعا اي زول عاش يوم في القاهرة واااااضح من البورداب (عارفاها عنصرية).. وزي ما بيقول اهل الخليج (غير)..
..
القاهريون زي البتعرفهم كده ليك مية سنة.. وعندي ميزة حلوة.. أنا بعرفهم كلهم.. لكنهم ما بيعرفو بعضهم كلهم.. وبعمل لأننا نتقابل كلنا يوم..
..
معتصم الطاهر جانا ضيف خفييف.. ومشى وساب فراغ كانه قاعد معانا.. شفت كيف..؟
بتذكر لما جانا عاصم الحزين من سنة ونص.. قعدنا زي شهرين عشان نتأقلم بعده..
..
ومنتظرين حضورك.. وملاييين المراحب..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: سجيمان)
|
سيجيمان الغالي..
سلام ومودة
ليه شلتا مشاركتك..؟
والله العظيم وان شا الله اتكسًر حتة حتة جاية ارد عليك وما مطنشاك..
وحيت عشان اقول ليك لو ما شالتك القاهرة تشيلك رؤوسنا.. وده يوم المنى يوم تجينا بي جاي.. وكنت بقطع امبارح مع واثق فيك.. قلتا ليهو لما سيجيمان يجي.. حنعمل حفلة بندى القلعة..
الرسول كما رديت علي..
منتظراك..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
رجاء
Quote: والله العظيم وان شا الله اتكسًر حتة حتة جاية ارد عليك وما مطنشاك..
|
الحليفة دي بتاعتي انا......يعني دي سرقة ادبية
وبعدين انا ما قاعد ازعل من الطناش دا انا ملك الطناش..... لكن لقيت الضيوف في البوست كتار وقلت شوية اديهم فرصة....وانا سيد بيت"بوست"....وبرضو اجلت الجيه بتاعتي للموسم الجاي.........انتي الناس ديل بيجو يسو شنو؟.... عُمرة؟
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: سجيمان)
|
سيجيمان الغالي الممسوخ  ..
أمانة في ذمتك شوفني رديت لي منو بعدك..؟
انتا الرطبطة دي ما تسويها إلا فيني..؟
انا اصلو ما بطنش زول.. في البكان ده عندي 4 تنفار بس ما قاعدة لا اقرأ ليهم ولا برد عليهم لو دخلو لي.. ولا واحد فيهم الحرف الأول فيهو "سيجيمان"  ..
بمناسبة السرقة الأديبة.. انتا ما سمعت انو هكرة العلم حلال ..
لوووووووووووووول ..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
الأخ الواثق
تحية وشـــــوق
وذكرى وذكريـــات
وكلية النسيج حيث كنتم نسيجا فريدا ...
صنعتم من مبانى كلية ..
كان طلبها يؤمنون بأن الجامعات تبنى بأيدى الكل
وليست من الحكومات
كل من كان فاعلا فى تلك الفترة ..
صار علما ..
وشكرا للاطراء
حاولت الاتصال بك .. ولكن يبدو أن حظى ما تحرك ..
نلتقى قريبا ..
بالمناسبة عليك ببكرى الجاك ..
هو أحد أركان الحج فى القاهرة ..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: محمد عكاشة)
|
الرائعة
رجاء العباسى
لكم سعدت بلقائك
اخذت يدك مصافحة وما كان الا وارتمينا فى "مقالدة" سودانية تتوق الى لم الشتات المتراكم فى
الدواخل فاذا بك اخت تضمضم تبعثراتى وتأسر كلماتك الدافئة برد شتاءاتى.
راقبتك وانت تحكين وتدندنين بهمة اشواقنا الحراقة للوطن وقضايانا الجندرية المشتركة، وانت
تنثرين اطاييب الصفات بكل من التقاك من البورداب ضيوفا وقاهريين.
وكما يسطر قلمك الصادق ينطق لسانك بنفس التفانى.
تصطحبك عفوية سودانية ذكية يقظة تطغى على حواجز أى لقاء أول دون تكلف لتتواصل ومرافى
الوجدان ، ويتبعك حضور قوى يفرض تواجدك المضى ، واجتماعات خصال تنزع الاحترام.
قرأت على صفحة محياك مشاعر ترحيب ودود بللت بها جفافا قد كان بالقلب حيثما ترك كثر الفراق.
هنيئا لى وبورداب القاهرة بك.
نقطة : مازالت تتقمصنى انتلجستيا ثرثرتنا تلك ، أطمع فى المزيد.
فالى لقاء مرتقب وجميع بورداب القاهرة .
خالص معزتى
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
الاستاذة رجاء
عبرك احى وارسل التحايا لك بورداب ام الدنيا (مصر) نعم طال بعادى عن قاهرة المعز ولكن كما كان يقول لنا الشعب المصرى ونخن طلاب علم بها (سوف تأتون يوما الى القاهرة طالما شربتم ماء النيل ) كنا نستعجب من القول فالنيل يمر بنا قبلهم ولكن ربما تكون حكمة فرعونية هم أدرى بها واتمنى ان تتحق فى حضور بورداب القاهرة
تحياتى
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
رجاء
_________
صحيح البورداب أخوان في الإنسانية ،وزي ما قلتي أنت في بوست كده ، صارت ونساتنا في بيوتنا وكل معارفنا هم البورداب ، ولو عرفتي في اليوم الواحد انا بتكلم مع كم بوردابي لأشفقت على جيبي المثقوب .
وبرغم جيبي المثقوب لو الكارثة معتصم الطاهر قال لي انا ماشي القاهرة كان حملته جوابي وهدايا من سوق واقف وهناك البيع الكوم بي قرش .
بعدين انا لمن كنت في القاهرة ماكنت بتعتني بي مالك ، غايتو التحية لكل بورداب القاهرة زوار وفي الإنتظار ، وتحية للصاروخ القاهر وكفر طهرمس وشقة الأقليات وإسكان الضباط وزهرة البستان وزهرة الباهي.
معتصم الطاهر
___________
إنت تتبارك وما تتشارك ، لو كان أشركتني معاك في الفكرة كنت متعتك بقاهرة غير ، وعلمتك أسرارها وفكيت ليك شفرة الدخول لطقسهاوسهراتها وجنونه ومجونها وده كلو رجاء ما عارفه فيهو التكتح ، يللا خم وصر .
وبعدين عازمني كسرة ومفروك متين ؟
مولانا إسماعيل التاج
____________________
إنت دايمآ تحب تدخل بين البرتكانة وقشرتها ! متذكر لمن وقفت بيني وبين {قشرتي} وإتلصقت فيها حتى فاحت رائحة البرتقال منك وكنت بنكهة عصير ، والله مشتاق ليك ، تصدق!
أها وعملت لي شنو في موضوع العزيز فيصل عثمان الحسن؟
الإستاذة صباح موسى
__________________
صباح الخير بالليل ، أوع تكوني أخت النور موسى ، البور موسى ، ده كان من الناس الحلوين بجد فقدته الإذاعة السودانية التي ترملت من بعده!
يااخ عندي واحد صاحبي بحبو وبعزو وهو بيحب مصر والسودان وشعاره المفضل وحدة وادي النيل ، بنبله وكرمه خفف عنا مكابدات شظف العيش في القاهرة بل وعلمنا سبل كسب العيش فيها وعلمناه كيف يحتسي الفرح المعبأ في الزجاج وكبدة الأبل وصار سوداني حتى ربى شنبو ، أبحثي لي عنه في زهرة البستان ، مع المثقفين والإعلاميين ، مع الشغيلة والناس البسطاء فهو حبيبي ، صابر نايل ، شفتي إزاي في إسمو يجري نيل موحد بيننا ، لو لقيتيهو ليك هدية معتبرة من سوق واقف ، رشوة محترمة
نتمنى ان نراك في المنبر الحر قلم رشيق وجميل ومصادم ومنحاز للنور
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: أبو ساندرا)
|
الغالي أبو ساندرا واخواتها وأمهن..
يا تلتمية الف مرحبا..
قلت لي كنتا حتجيب لي من سوق شنو..؟ بركة الما عرفتا بسفر معتصم..
غايتو اقل من اسورة دهب فيها ألماظ ما بقبل من زول عندو البنات وبيعرف معناتها شنو..
المشكلة لما كنت في القاهرة كنا يا دووب متخرجين.. ودايشين..
وسلامك وصل من عندنا لكفر طهرمس والصاروخ القاهر والمريوطية عند خالد عبدالنور.. وشقة الأقليات وإسكان الضباط وزهرة البستان وزهرة الباهي كمان..
ومنتظرينك الصيف ده مع رشيدة.. ولو الامور ما مشت رسلو لينا ماهيتاب وساندرا..
ودي..
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
رجوية العسل
ما بتقصري يا كريمة يابت الأصول
تعرفي ماهيتاب جننتني ، داخله في رأسها فكرة سفر وإلى أي مكان تسافر وبس ، والعبدلله منسجم مع الفكرة وطنين النحلة في أذني لكن { الجيب } كان مقدود من الخلف ، قد من دبر ، من كتر الأيادي الداخلة فيهو ، البناء ، الجامعات { ودي برضو بناء ومهم } المصاريف اليومية المواصلات ، الساندوتشات ، وآفة جديدة إسمها الموبايل ، حيث يتوجب علي تعبئة الرصيد بالكروت والكرت ب25000 تصدقي ، على أن أدفع الونسات والغزل والرسائل الملتهبة ، وده كلو كوم ، هناك المصاريف السرية ، حق الكوافير ، حق الحنانة ، لمن زهجت وقبلت مبدأ تعدد الأزواج ، واحد يكون الزوج الطبيعي للأعمال المنزلية والتاني للمصاريف و مشاوير الجمرة الخبيثة
المهم ، تدخلت رشيدة وقالت ليها : { يا بت هوي مافيش سفر براك / لوحدك }
وتبسمت انا المخدوع في سري وقلت الولية عاقلة وخايفة على جيب ، هذه المرة جيب بدون قوسين جيب حر ، قلنا حاولت حماية جيب بعلها
ولمن كنت متآمر بطبعي قلت إستثمر الموقف من الجهتين فقلت : { والله بالغت يارشيدة أنت قاعدة وين ، انت ما عارفة ناس خالدة زاهر سافرن براهن زماااان وقبل ما يلدوك ، أيه التخلف ده
وإبتلعت ماهيتاب الطعم ، ووقفت مع البابا بولس الثاني، ونسيت فكرة السفر
وتبسمت
علا المرة أم وش الإسمها رشيدة العسل { برضو } أحبطت مؤامرتي قائلة : لا { بالطريقة المصرية } انا ما قاصدة ما تسافر براها زي ما إنتو فهمتو ، أنا قاصدة نحن كلنا محتاجين نغير جو ونفسنا نمشي القاهرة
وأسقط في يدي ، وقلت ليهم انا ذاتي عايز أغير جو وأغير الجو ذاتو وبديت أغير هدومي إستعدادآ للخروج من المأزق والوقف بين يافطتين { رشيدة وبتها الأحلى منها } المطلعة دين قرمبوز وأصحابو
المهم أكان الحال إنعدل { بطرشها } لك
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
العزيزة رجاء العباسي ...
معروف عنكم ظرفكم و لباقتكم التي تأبى
أن تسمي الأشياء بمسمياتها .. و هذه ميزة
نادرة حباكم بها المولى عز و جل ..
ذلك لأن المعتصم ود الطاهر الرواسي لا أخاله
(ينستر) مهما جال في العواصم و عبر المحيطات ..
دحين أطلعي من كياستك دي شوية و ورينا الحقيقة ، و ماذا
عن الخبر المنشور في جريدة الجمهورية القاهرية بعنوان
(مهندس سوداني يسرق الرسومات الهندسية لتمثال رمسيس) ؟؟؟
  
| |
|
|
|
|
|
|
|
|
|
Re: بـورداب القاهـرة وضيوفهـا.. حاجـة تسًـر العيـن وتبهـج النفـس.. (Re: Raja)
|
| Quote: وأسقط في يدي ، وقلت ليهم انا ذاتي عايز أغير جو وأغير الجو ذاتو وبديت أغير هدومي إستعدادآ للخروج من المأزق والوقف بين يافطتين { رشيدة وبتها الأحلى منها } |
العزيز ابو ساندرا ..
أزهرى محمد على ..
قال لى نغيّـر الجمة الجاية .. ونمرق من البيوت
.. وضاحته .. قالت له : فكرة جميلة :
أزهرى قال : ( طيب نحن دايرين نغّير من منو؟ )
| |
|
|
|
|
|
|
| |
Raja
Mohamed Elbashir
Tumadir
Kamel mohamad
Rawia
Sinnary
Rakoba
معتصم الطاهر
mo
غادة عبدالعزيز خالد
الواثق تاج السر عبدالله
Omayma Alfargony
عبد المنعم سيد احمد
Balla Musa
مشتاق
Agab
معتصم دفع الله
إسماعيل التاج
نصار
alfatih
nada ali
سجيمان
محمد عكاشة
بلدى يا حبوب
عثمان فضل الله
أبو ساندرا
Marouf Sanad
قاسم المهداوى
فيس بوك
تويتر
انستقرام
يوتيوب
بنتيريست