|
|
|
 Re: خـــبــر ســار.. الــمــســيــنجر رجــع (Re: yasiko)
|
العزيز ياسيكو..
اتفكينا من الرسائل الملغومة والفورووردات القاعدة تحصل لايميلات المنابيذ الالكترونية..
والتي تملأ شرق الأرض ومغاربها..
واعتقد ان ود قاسم متواطئ مع بكري في ارجاع المسينجر.. شفتا بوست البوردابية والبوردابي..
لووووووووووووووووووووول
تحياتي
| |
 
|
|
|
|
|
|
|
|
Re: خـــبــر ســار.. الــمــســيــنجر رجــع (Re: Raja)
|
يا رجاء بكري اليومين ديل مزاجة رايق و شغال تحت تحت
زي رقم صفر بتاع المغامرين الخمسة داك
و شغلة نضيف و مبشر بالخير
قبل يومين فتح التسجيل للعضوية الجديدة و اللية الماسنجر
شكله كدي ورث ليهو كم فدان باندودث لووووووووووووووووووول
الله يزيد و يبارك
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: نصار)
|
نصار العزيز..
ســـلام..
هو داب رواقة..
والحمد لله في الورثة دي.. تعرف لو بس شفتا الصفحة الأولى تعرف ان القرار ده سليم قدر شنو..
بجد مشكلة تعرف تلفون زول لأمر عاجل او ايميلو دي فضيحة هنا..
المهم..
نحنا في جاه الملوك نلوك..
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: Raja)
|
لوووووووووووووول
تعرفوا
أنا كنت بحس بعزلة لمان الناس يتكلموا عن
اخبار الماسنجر و أنا كافي البلي في السنة
القي لي رسالة واحدة
اها اتاري الماسنجر مستوليات عليهو الاخوات
و دا واضح من كون الاغلبية بين المحتفين بعودة
منهن.....
بس بالله ما تتقلن عليهو عشان ما تبقي علينا
حكاية رجوع الحكومة السعودية من قرارها
بتاع مجانية المكالمات الهاتفية المحلية
قال ليك النسوان ما ختن سماعات التلفونات الا
بعد ما لغوا القرار ههههههههههه
بكري لمان كنا نقول ليهو رجع الماسنجر يحك
صلعته لمان يقرب يقوم ليهو شعر تاني و يرفض
بشدة مؤكد انه الماسنجر بستهلك اكبر قدر
من الباندودث
اها ما نبعزق ليهو الميراث دا يقوم يقفل
الارشيف او يحدد عدد البوستات و الردود لكل
عضو في اليوم
و الله يديك تترا بايت ملك حر و يدينا القدرة
نستفيد منها كلها
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: نصار)
|
لووووووووووووول يا نصار  ..
هسع عليك الله انتا ما فرحان زينا..؟
غايتو انحنا ما بندس فرحتنا.. خاصة وانه انا راسي اتقطع واضطريت اكتب ايميلي اون لاين عدة مرات.. والزول ما ناقص هوا..
واهو فرصة عشان نعرف منو البسيئ استخدامه من عدمه..
والمسينجر بينما ..
لوووووووووووووووووول
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: Raja)
|
Quote: العزيز محمد الأمين..
ســـلام..
لما سألنا شهرزاد قالت:
بلغنني ايها الملك السعيد.. ذو الراي السديد.. ان المنبر الحر كان به مسينجر.. يتفقد به الزملاء احوالهم.. ويسألون عن أي شئ صالح.. ويحاولون الا تتسبب المشاكل الشخصية بين الزملاء في تغيير صفحة المنبر الى اللون الكالح.. فكان الأجاويد يتدخلون.. ليقربو بين وجهات النظر ويصلحون..
كما ان البعض أخذه وسيلة للشتم.. وهو اي المسينجر برئ مما في الذمم.. وكل شخص يعي موضع القدم..
وعليه.. هو اختراع راقي.. يمكنك ان تكسب به صداقات.. او تستفسر عن معلومات.. او ارقام تلفونات.. بدل ما تتبهدل وتكوس عليها في المنبر.. ومليون عين عايزين يعرفو ما الخبر ..؟ |
الاخت العزيزة رجاء
شكرا على شرح
يعنى انا شهريار
والله الشرح وافى كافى
طيب اسه عايزين نعمل (Test)
طماع انا مش
| |
|
|
|
|
|
|
|
|
 Re: خـــبــر ســار.. الــمــســيــنجر رجــع (Re: مريم بنت الحسين)
|
مريوما الحبيبة..
حمد لله على السلامة..
طبعا الفرحة ما حصلت..
امبارح عندي صديقة رسلت لي.. قالت لي نفسها تعرف انحنا بنعمل شنو بالمسينجر عشان نفرح بيهو قدر ده  ..
طبعا السؤال ده شايفة نصار زاااتو محتار فيهو  ..
اوكي.. حنقول ليكم سر المسينجر عند الجندر ..
لووووووووووووووووووول
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: Raja)
|
بت الحسين ازيك
تعرفي
زي ما قلت فوق الماسنجر محتل من الجنس اللطيف
احتمال الجنس اللطيف القصدته تماضر في بوستها
الشهير
و هو شهرا ما عندي فيهو نفقة لكن بس اضافة
للمنبر و المستفيدين/ات (اول مرة استخدم الطريقة الجندرية دي لاني راقد لي فوق راي لوول)
قالوا/ن أنه بأدي خدمة لمصلحة الافراد و المنبر عشان كدا باركنا و فرحنا
و أذا بقت لينا نفقة كمان ح نطالب أنه موش بس يستمر بل نطالب أنه يكون خدمة قائمة بذاتها لمان يبقي باهمية الهوتميل
| |
|
|
|
|
|
|
|
|
 Re: خـــبــر ســار.. الــمــســيــنجر رجــع (Re: motaz)
|
معتز العزيز..
انتا الطمع ليك شنو.. داير الرسايل القديمة كمان..؟
اها بالمناسبة دي لازم احكي النكتة دي:
قالو ناس البريد وهم بيفرزو في الجوابات لقو جواب مكتوب عليهو عنوان: السموات العليا.. ربنا القدير.
ما عرفو يعملو شنو.. قامو اتفقو يفتحوه.. وفعلا لما فتحوهو لقو زول غلبان كاتب رسالة لربنا طالب مبلغ 100 جنيه (أيام النكتة جديدة) اها قالو ان الزول ده لو ما متقفلة في وشو ما كان كتب الجواب ده.. فاتفقو على التبرع ليهو وفعلا لمًو ليهو القروش المعاهم كلها وطلعت 99 جنيه ودخلوها في ظرف وكتبو العنوان الكاتبو الراجل.
اها بعد اسبوع جا جواب بنفس العنوان الفات.. عرفوهو صاحبهم.. لما فتحو الجواب لقوهو كاتب شاكر ربنا انه افرجها عليهو.. لكن المرة الجاية حقو يرمي ليهو القروش في البيت ما يرسلها بالبوستة.. عشان ناس البوستة حرامية سرقوا منها جنيه ..
أحمد ربك..
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: Raja)
|
يا رجاء انتى البتاع ده قاعد وين
و الله انا عندى زول بفتش فيهو لى مده
و قبل يومين قريت ليهو مقال فو البورد
و أكتشفت انو معانا بس ما خاتى بياناتو
عشان أرسل ليهو أو اتصل عليهو
فبالجد انا محتاج للمسنجر شديد
و خبرك فرحنى بس و الله قدر ما فتشت
على المسنجر ده بكرى بقى خاتيهو و ين
ما عرفته عليك الله فهمينا حاجه
تحياتي ... ناصر البطل
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: siddieg derar)
|
تفتح البورد كراع برا وكراع جوة قرفان يراودك الشعور بقفل هذا البورد البقى تلات ارباعو شكل ولكن قبل ان يعاودك الغثيان تاتيك الاشارة بان لك رسالة في المسنجر فتنسى كل شى ويطير قلبك فرح فهناك من يفتقدك او يواسيك اويحنسك في شكلة واحيانا يحرشك اوي يلومك ,دائما هناك حركة تسري اليك فتعشق البورد من جديد .. شكرا بكري لاعادة الامل وشماك حار يا بت العباس بشارة خير ..
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: siddieg derar)
|
تفتح البورد كراع برا وكراع جوة قرفان يراودك الشعور بقفل هذا البورد البقى تلات ارباعو شكل ولكن قبل ان يعاودك الغثيان تاتيك الاشارة بان لك رسالة في المسنجر فتنسى كل شى ويطير قلبك فرح فهناك من يفتقدك او يواسيك اويحنسك في شكلة واحيانا يحرشك او يلومك وملاسي يعاتبك لكلمة كتبتها غلط ويطير بيك الفرح ,دائما هناك حركة تسري اليك فتعشق البورد من جديد .. شكرا بكري لاعادة الامل وشماك حار يا بت العباس بشارة خير ..
| |
|
|
|
|
|
|
|
|
|
Re: خـــبــر ســار.. الــمــســيــنجر رجــع (Re: معتصم دفع الله)
|
| Quote: ايهاب, you have 1 new messages |
دي طبعا يا رجويه كانت بتكون من اسعد اللحظات اللي الواحد بيقضيها في البورد
لحظه انو تجيك رساله من صديق او زميل في المنبر يسال عنك او يشاغلك او حتى يشاكلك او يكاويك وينبهك لي اي حاجه
حقيقه افتقدناهو و خلف غيابو فراغ كبير في التواصل بين الاعضاء
كل سنه وانت طيبه و ربنا يبشرك دايما بي كل خير ويجعل ايامك كلها LoOoOoOOoOoOolz
| |
|
|
|
|
|
|
| |
Raja
lana mahdi
Hussein Mallasi
yasiko
نصار
Rawia
Ishraga Mustafa
محمد الامين احمد
Kostawi
Ehab Eltayeb
إيمان أحمد
yumna guta
مريم بنت الحسين
حبيب نورة
motaz
nasiradin
مهاجر
عشة بت فاطنة
معتصم دفع الله
ايهاب
أبو ساندرا
فيس بوك
تويتر
انستقرام
يوتيوب
بنتيريست