علماء بزعمهم - بعض النماذج

بروف محمد الأمين التوم رجل بقامة أمة بقلم:عمر القراي
مرحبا Guest
اخر زيارك لك: 04-23-2021, 05:55 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عمر محمد أحمد عبد الله هواري(Omer Abdalla)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
12-13-2006, 12:40 PM

Omer Abdalla
<aOmer Abdalla
تاريخ التسجيل: 01-03-2003
مجموع المشاركات: 3083

للتواصل معنا

FaceBook
تويتر Twitter
YouTube

20 عاما من العطاء و الصمود
علماء بزعمهم - بعض النماذج


    نموذج "حديث":
    القناة الفضائية السودانية دائما ما تتحفنا بالجديد المثير خاص في فقراتها الدينية الكثيرة والملفت فيها هذه الأيام بصورة خاصة بعض العلماء الذين يحاولون الظهور بمظهر الحداثة بعد أن ودعوا اللبس التقليدي الذي كان يميز "العلماء" من خريجي الأزهر والمعاهد الدينية المحلية من عمامة صغيرة وجلباب وحزام بطن وكوفية فهم الآين يلبسون الزي الغربي من بدل وكرافتات (مع الاحتفاظ بالدقينة) حتى يعطوا الإنطباع بأنهم علماء مواكبين شكلا ومضمونا ,,
    بروفيسور التجاني حسن الأمين أحد هذه النماذج وقد استمعت اليه قبل قليل وهو يشرح لنا الآية الكريمة (وهو الذي مد الارض وجعل فيها رواسي وانهارا ومن كل الثمرات جعل فيها زوجين اثنين يغشي الليل النهار ان في ذلك لايات لقوم يتفكرون) .. فاستمعوا معي لما يقوله هذا العالم "البروفيسر":
    Quote: يا سلام .. دايرة تفكر وتدبر .. وحقيقة الكلام الحنقولوا دا معظمو ماكان يعرف الا بعد ما وصل ليهو العلم الحديث - العلم التجريبي الذي استعمل العقل والتفكر ..
    هو الذي مد الأرض .. مد .. كمش ومد .. طوى ونشر .. الأرض دي هو الذي مداها .. يعني بسطها طولا وعرضا لمدى ما تنظر إنت مافي زول كضاب يقول ليك أنا قعدت كدة ولو في الصحراء اللي مافيها لا جبال ولا تلال ولا أي شيء عاين لغاية بصرك بأي آلة ما حتلقى نفسك الا لانهاية لها ..


    Quote: فالجبال دي اتكلمنا عنها في حلقات ماضية ولكن نعيد الكلام .. إن هذه الجبال بالمناسبة ليست جزء من الأرض .. جات من وين؟ يعرفها رب العالمين .. جابوها ودقوها أوتاد .. شفت الوتد؟ موش يقول ليك تجيب الوتد عشان تربط فيهو حمارك الله يكرمك؟ فإذن الجبال دي ربنا بس نزلها كدا !!! ثبت لينا بيها الأرض .. هي ذاتها سماها الرواسي ليه؟ .. لأنها ثابتة .. ما شفنا لينا جبل اتحرك لي يوم الليلة .. في التاريخ دا كلو .. موش حكاية غريبة بالله؟ اتغيرت مجاري الأنهار واتغيرت الوديان ومحل البرك واتغيرت كتير .. إنتو عارفين شمال السودان دا .. الحتة الشمالية - شمال غرب دي - دي ما كانت موية .. كانت بحيرات .. هسه صحراء .. الجزيرة العربية دي كانت يوم من الأيام يعني خدار عجيب .. هسة بقت جافة .. لكن ماشفنا لينا جبل اتغير تب !!
    رواسي يعني ثبتت لينا الأرض .. قلنا الأرض دي بتلف كدة بتدور كدة .. فووووووو ... وهسه نحن ما حاسين بيها .. لو أنو خلونا كدة بدون الجبال دي تثبتها لينا .. كان كل واحد فينا أظن كان داير ينزل من عربيتو يلقى نفسو دخل باب الجيران .. لأنها لافة .. لكن خلاها كدة ثابتة ..


    اكتفي بإيراد النصوص كماهي بدون تعليق

    ونواصل
    عمر
                  

العنوان الكاتب Date
علماء بزعمهم - بعض النماذج Omer Abdalla12-13-06, 12:40 PM
  Re: علماء بزعمهم - بعض النماذج عبدالله عثمان12-13-06, 01:29 PM
    Re: علماء بزعمهم - بعض النماذج Salah Musa12-14-06, 03:04 AM
      Re: علماء بزعمهم - بعض النماذج محمد الأمين موسى12-14-06, 03:17 AM
    Re: علماء بزعمهم - بعض النماذج Omer Abdalla12-20-06, 05:27 PM
  Re: علماء بزعمهم - بعض النماذج Omer Abdalla12-20-06, 05:41 PM
  Re: علماء بزعمهم - بعض النماذج Omer Abdalla12-20-06, 05:59 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de