|
|
|
 Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: Alsa7afa_30)
|
الحضور المميز لود الحاوى فى الاغنية السودانية
حضور لا يدانى
منذ ان ادخل الاكورديون فى الاوركسترا
كالة لها وجودها الذى لا تنكره الاذن
اضافة الى اغنيته التى غزت الوجدان وغذته
منذ البداية
وحتى الان
فبالاضافة الى كونه ملحن عالى النبرة
له مقطوعات موسيقية
على الاوكورديون
اما شخنا الشاعر المجدد مولانا عبد الاله
فلا شك انه اضافة لسيرورة القصيدة
تمنيت ان لو كنت معكم
يسلم كل المشاركين
وبخاصة صديقى الثمين السنى دفع الله
| |
 
|
|
|
|
|
|
|
 Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: عبدالأله زمراوي)
|
ياشباب تسلموا على ليلة الأمس ،،،
كنت سعيدا وأنا أتنقل بين الحضور ،،،
إنها الليلة الأولى التى اسهم فى تنفيذها مع نفر كريم ،،،
مجموعة من الشباب الرائعين تضمهم اللجنة الجديده لمنتدي الحروف ،،،
شكرا للثقة الغالية التى أولاني أياها القائمون على أمر هذا العمل ،،،
أن تسهم فى تنفيذ عمل ثقافى وفني وفكرى كبير فهو قمة ما يمكن أن تعطي ،،،
فشكرا جزيلا لك هؤلاء ،،، مع محبتي.
| |
|
|
|
|
|
|
|
|
|
Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: Alsa7afa_30)
|
ليلة ما منظور مثيلا ،،،
عبدالإله زمراوي أبدعت كما هى العاده ،،،
عبداللطيف الخضر ود الحاوي أدمعت عيوني بمعزوفاتك الرائعه ،،،
محمد السني دفع الله كتلة إبداع تمشي على الأرض ،،،
عادل التجاني صاحب البيت الكبير إبداعات الغناء والعزف والتلحين زانتها إبداعات المحاورة ،،،
الى كل هؤلاء ،،، أسعدتمونا أيّما سعاده ،،،
يا صحافه 30 ،،، وينك يا حلو منتظرنك ،،،
يا ود القريش ،،، وين أفلامك وين لياليك ،،،
| |
|
|
|
|
|
|
|
|
|
Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: Alsa7afa_30)
|
يبدو إنو فاتنا الشرف كلو
ود الحاوي شخصياً ؟؟؟!!
والأستاذ عبد الإله زمراوي ...!
منهنا الشديد القوي من الحضور..
بس رسلنا وليدنا ( الأكورديون )
ومن قبيل منتظرين نشوفوا إن شاء الله يكون إنستر مع (العملاق) ود الحاوي ..
تشكر يا حسام ويا هرون دياب .الذي تولى حمل الأكوديون عني لتعذر حضوري هذه الليلة الليلاء ..
والكر أجزله للفنان عادل التجاني ..
راعي الدار ..
يا أخوانا وين النادي السوداني الإحتفلنا بإفتتاحو داك ؟؟!!
مع تحياتي للجالية وللسفارة على حد السواء ...
| |
|
|
|
|
|
|
|
|
|
Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: عادل التجانى)
|
الأساتذة الكرام: الصحافة، محمد سني دفع الله ، عبد الإله زمراوي و عادل التجاني
والله عجبني تجمعكم وطلعتكم الباهية...
الملاحظ إنه اللافتة الكانت وراكم كتب فيها:
مركز أصدقاء البيئة - الدوحة
منتدى الحروف نسخة الدوحة
أولا دي لوحة لكم كل الشكر لتقديمها لينا في ظل شعور عالمي متنامي تجاه المخاطر التي يعاني منها كوكب الأرض... فأعترافكم الصريح هذا هو بمثابة الرفض العلني لكارثة بيئية توشك أن تحل بنا
ثانيا منتدي حروفكم الذي تمتعتم به بالأمس القريب هو لنا مع الأسف كان بلا حروف...
وكالعادة, وكما دأب الأخوة والأخوات أعضاء المنبر بنقل هذة المناشط بالصور فقط دونما أي نقل أو سرد لما قيل أو لما علق به ذلكم العقد الفريد المشارك في هذة التظاهرة الفنية
هنالك وعد من الأستاذ معتز القريش لتحميل الفديو قريبا ومني له دعوة بالإلتزام بهذا الوعد لرغبة صادقة منا في مشاركتكم...
هي دعوة مني للجميع للنقل التوثيقي لأحداث حرم منها الملايين وهم في أشد الحوجة لها... وللإستماع لجديد ود الحاوي ولأدب زمراوي ولباقة عادل التجاني ون/بسمات محمد السني
رجائي مواصلة هذا الجهد العظيم ودمتم
| |
|
|
|
|
|
|
|
|
|
Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: Mohamed Yassin Khalifa)
|
الأخ الكريم محمد يس
| Quote: هنالك وعد من الأستاذ معتز القريش لتحميل الفديو قريبا ومني له دعوة بالإلتزام بهذا الوعد لرغبة صادقة منا في مشاركتكم... |
كلامك صحيح مية في المية وأنا عند وعدي ان شاء الله
بس عندي مشكلة فنية ... وهي أن حجم الفيدو كبير جدا
وقد قمت بتقطيعه الى فقرات في حدود 8-10 دقائق
وبرضو طلع الحجم كبير والآن أعمل على تحويل صيغة الفيديو
وما زلت اصارع لتقليص الحجم حتى أتمكن من رفعه
.
.
وان شاء الله ساصل الى حل ... فأنا عنيد جدا مع التكنولوجيا
ولا استطيع ابدا تحمل الهزيمة من هذه المدعوة تكنولوجيا
| |
|
|
|
|
|
|
|
|
|
Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: haroon diyab)
|
Quote:
استاذ / عبد الاله زمراوي
مساء الخير
وحقا لقد كانت ليلة من ذات الليالي امتعتنا انت وود الحاوي ....
متع الله لياليكم ....
اما عن المزيد
ونسبة لاعتزام قناة الشروق لتقديم الحلقة فما عاوزين نحرق ليهم الفلم
تابعنا وفالك طيب
ودي واحترامي
هارون دياب |
حبيبنا دياب
سريناقمي...
طبعا لا نملك هنا الشروق، لكننا سنعتمد عليكم...
تحياتي لكل أهل الدوحة الأخيار...
وشكرا لك يا قريبي.
| |
|
|
|
|
|
|
|
|
|
Re: ود الحاوي و عبد الإله زمراوي ... في ليلة مميزة بمنتدى الحروف (صـور) (Re: Alsa7afa_30)
|
الصديق الصحافة30..حبابك
و حباب ضيوفك هنا..
اتمنى ان تسمحوا لينا بالخروج التالي عن النص.. ان امكن..!
تلاوين الوجدان..
جواب من زول عادي.. للأستاذ حضر عبد اللطيف..
زمان .. قبال المس الكول..و الإيميل.. كنا بنحب و بنعشق بكلام الغنا و المزيكا.. اول ما تشوف ليك واحدة.. و قبل ما تكتبها و تكتب زفرات روحك و شهقاتها ، بتقوم بتغنيها..و لمن تغنيها.. بيكون ما عندك رصيدك الذاتي .. غير التجربة المبذولة قدامك.. تحن و تشتاق بتجارب الناس التانيين..حتى تصل لقناعة انو الحب في السودان كتبوه ناس محددين..
و الشعر براهو.. ما بفيد في كتابة الحب.. لازما تكون معاهو مزيكا.. و تنصهر التجربة.. كلمة..و لحن..و اداء..و اختيار (دي منك انت لمن تدخل حالة حب بعينها)..و جوابات تمشى و جوابات تجي..
بعد شوية .. بتلقى تأريخك الشخصي .. ملون ببصمات ناس تانيين.. مش الناس الحبيبة (الزولة).. لكن ناس بيكون تأثيرهم ابعد ..و اكتر..
واحد من الناس اللونو وجداني .. كزول سوداني بيقدر يحب .. لكن ما بيقدر يكتب و يلحن و يغني.. استاذنا ود الحاوي.. ياخي الزول ده.. ياما كان بيني و بين حبيباتي..بألحانو البعرفها براهو.. لأنو ما بتتكرر.. بدينا " ببالي مشغول.."..و ياما سافرنا و دكينا المحاضرات.. عشان الواحد في اخر الليل سمعها..و قام في حال تاني..
و لمن تبقى العوارض بينك و بين الزولة الحبيبة .. برضك بتترجاها بـ "وشاية"..و لمن تتحسر على فرقة محموقة.. براها كده تقوم تقيف في دربك.. بتبقى تتحسر على الزمن الماشي بسراع "يازمن..وقف شوية.."..و لمن يغلبك الحال..و تحس بأنك ممكن تتحدى.. ترفع عقيرتك و تصيح في وش الدنيا " لو داير تسيبنا"..و برضك ممكن تتمسكن ..و تعاتب قدر ما الله يديك..و سلطان العشق يلهمك..و تترنم "ما بعاتبك ..ما بلومك.."..ياخي الحان و الحان..
ده كلو كان وكتين كنا بنسمع.. قبل تكنولوجيا التواصل..و صدقني يا استاذي.. ناس كتار متمنين يشوفوك.. عشان يحددوا شكلة البوصلة..بين قطبي السمع و الشوفة..
كنت قايل صلعتك ليها ضل.. عشان زمان غشونا..و قالوا لينا العبقرية ما تبقى من غير صلعة..و زي ما كسرت الحواجز في عالم المزيكا.. اهو برضك كسرت الحواجز في عالم المثيولوجيا الشعبية..
اما بخصوص القطر.. كنت بسافر كتير..و اجمل السفر عندي لمن يكون بالقطر..و نفس الفواصل البين ا لقضبان الواحد كان بيحس انو فيها حاجة كده.. لكن ما قدر تلحق "سال من شعرها الذهب"..
كل الأمنيات ليك بالعافية..و الفرح..و صدقني لو الواحد رجع يحب بنات السوداني تاني.. برضك ح يحبهم بألحانك الجميلة..
اها عقبال الواحد يشوف المخرج معتصم فضل..
كبر
(داعية لتأسيس رابطة معجبي/معجبات الحان ود الحاوي)
| |
|
|
|
|
|
|
| |
Alsa7afa_30
سلمى الشيخ سلامة
محمد خليل ساني
هاشم أحمد خلف الله
عادل التجانى
الطاهر ساتي
Mohamed Foto7li
معتز القريش
Maawya Hussein
لؤى
محمد أبوالعزائم أبوالريش
محمد الطيب حسن
haroon diyab
Mohamed Yassin Khalifa
Azhari Nurelhuda
كمال سالم
السر عبدالله
Kabar
فيس بوك
تويتر
انستقرام
يوتيوب
بنتيريست