|
|
|
 Re: لاح لي من صعيد برقاً كتم تعّالو (Re: أبو الحسين)
|
لاح لي من صعـيد برقـاً كـتــم تعّـالو
ذكـّرني بسمة الزول الجميـلة خـصـالو
الاخت سمية لك التحية وشكرا على هذا الابداع . لقد ذهبت بنا بعيدا الى ايام خلت عندما ننظر الى جبال فى منطقتنا اسمها جبال العروس عندما تجبد كجر التعول وتتغتى راسمة لوحة بديعة فى ايام الخريف الحلوة والسعية جاية من الكربة. ولكن اخت سمية ما شد انتباهى هى قصة البروق التى تثير لواعج العشاق وتأجج فيهم الشوق الدفين. "فتقو الليلة زيفا برقو رف صعيد" "والبروق البلسعن فى الكباد ما نامن" وحتى شعراء المديح يهيجهم البرق الذى يلمع من الشرق ويدفق فيهم الشوق لزيارة المصطفى صلى الله عليه وسلم.
فلماذا يهيج البرق الذكرى؟؟!!
ولك عاطر التحايا,,
| |
 
|
|
|
|
|
|
|
|
Re: لاح لي من صعيد برقاً كتم تعّالو (Re: أبو الحسين)
|
| Quote: ويا مثقفي وشعراء البادية الم يات الوقت بعد لفرض الدوبيت فرضا في مناهج اللغة العربية بدل شعر جاهلي ليس فيه من بيئتنا شي ؟؟؟ |
اقسم بالله الدوبيت اكان فرضوهو في المناهج اكان انت مشيت تقرا في اسوان يا رطاني .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: أبو الحسين)
|
عند منقلب الرعاء تسبق الشاة العرجاء
كتبت سمية:
Quote:
يهتم الناس دوما بالخؤولة فى بحثهم عن الأصل
وهناك قول متوارث (سمّح الخال وشوف الجنس كان يبقى بطال )
|
في الحقيقة هذا القول سمعت من ينسبه إلى الشيخ العبيد ود بدر اللهم أنفعنا ببركته وهو يقول: (سمّح الخال وخال الخال، وشوف كان جناك إجي بطال".
جابتني الصدفة في البوست الثاني أبحث عن شنتير، فوجدت سمية ، بت الحسن ود طلحة حفيدة الشيخ عبد الباقي أبشام قدس الله سره.
و تشرفت بأن أكون خال سمية، ولو من بعيد!! وحق لي أن أفخر بذلك
قالت سمية:
Quote:
حباب خالى
انا حبوبتى ام امى زينب بت حمد النيل ود امحمد اللمين
شكرية عفصية فارسابية ( فارساب و اتيماب ) وحبوبتا عركية
وحبوبتى من جهة أبواتى جعلية ( عالياب ) واكان ما اخاف الكضب حبوبتا رباطابية
لكننا بطاحين صاحباب جدنا
الشيخ عبد الباقى ابشام جبل الحديد( راجل ود ساقرتة الخاتى غلتة بضم الغين)
|
حقا، كما قيل : عند منقلب الرعاء تسبق الشاة العرجاء
وهو قول يتخذ منه الصوفية أيضا معنى رفيعا في السلوك والعرفان
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: يكفي ما فوق الارض وعقول ووجدان مؤمنة بالارض والبشر لا مفسدة ولا فاسدة ...والدوبيت وكلام الحكمات وما شابه ذلك من ارث يكفي لتعدييل عوجة المشي |
وهذه أيضا أقوال فوق الوصف
دعنى أستعيد بعض عقلى الذى أخذ وأسر بهذا الكلام
ثم أعود.
كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: الليله البـريـق حـمـل المُزن في القبلة
وانا فاقد غميدي وليهو مافـيـش سبـلـة
بـتـذكـر ربــوعــاً فـي فنـاهـن عـبـلـة
متجـرِّد من المُـلك العـظـيــم زي جبلة |
اتو نضمك سمح بالحيل حتي ولو شوي من كلماتن راحت علي بس النضمي الفوق دة اسمح من عبلة ....
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: أبوبكر أنت شفت عبلة ؟
يلا أحكى لينا وصفا بالكلام ونحن نقلبو ليك شعر. |
مش غريبة اني اتوقع السؤال منك او من العرريب ود المحرب او الفاروق وطوالي اتي تسالي "
اكيد عبلة كانت جميلة ؟؟ .. الم تكن تاجوج جميلة ؟؟ لا يصف الشعراء الذين يحولون الحرف الاخرس الي مغني جميل الانسان بجمال الا وكان جميلا؟ يقال والعهدة علي الراوي ان درجات الجمال كانت في الماضي اعلي مما هي اليوم عليه واستدلالا علي ذلك سمعت راوية يقول " هل تتخيلون ان يكون رجلا في هذا الزمان جميلا لدرجة ان تقطع النساء اصابعهن حين يطل كما حدث حين رأين يوسف عليه السلام .. "
وهيرودتس وهو يروي عن رجال النوبة ( القديمة وكانت تمتد من مناطق النوبة شمال السودان وارض البجا والاحباش ) قال انهم كانو من اجمل رجال الدنيا .. وتماثيل قديمة في المواقع الاثرية والمتاحف لنساء ورجال فيها جمال بمعايير غير التي في زماننا واجمل كثيرا ...
كانت عبلة جميلة والم فما قيل عنها وفيها يلبسها جمالا بارعا ...
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: الاخت سمية لك التحية وشكرا على هذا الابداع . لقد ذهبت بنا بعيدا الى ايام خلت عندما ننظر الى جبال فى منطقتنا اسمها جبال العروس عندما تجبد كجر التعول وتتغتى راسمة لوحة بديعة فى ايام الخريف الحلوة والسعية جاية من الكربة. ولكن اخت سمية ما شد انتباهى هى قصة البروق التى تثير لواعج العشاق وتأجج فيهم الشوق الدفين. "فتقو الليلة زيفا برقو رف صعيد" "والبروق البلسعن فى الكباد ما نامن" وحتى شعراء المديح يهيجهم البرق الذى يلمع من الشرق ويدفق فيهم الشوق لزيارة المصطفى صلى الله عليه وسلم.
فلماذا يهيج البرق الذكرى؟؟!!
|
فلماذا يهيج البرق الذكرى!؟
برقاً شلع باسمنى فى نومى قد قاسمنى
ياود النعيم بالنسبة لى أنا لأنو الليل كلامو كتيير والبرق دايماًبالليل
ليهو وقع شديد فى النفوس ,أن كان ليل العاشقين ونهارم كلو واحد.....
الليل والنهار واحد على العميان ...وليس العمى عمى البصر وحده.
والزول بالنهار بكون مشغول بالمطر ودخلوا الويكة وحطب الوقود من البلل
لكن مما يجى الليل وتنعقل الحايمة البرق بسحر بى بسمو فى الضلام بالحييل
وياأهل الله نجدتكم متل البرق جاوبو ود النعيم ...لماذا يهيج البرق الذكرى؟؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
يا بت طلحة وكت ناس ود المحرب وود اب حريرة ابو ينجدونا فى قصة البرق دحين النقول برانا!!
واحد منهم قال:
البرق البشيل رفريف
والعين لجلجت والدمعة ابت ما تقيف
الغول حالف غير بلد ام خدود ما يقيف
وجوز عينى ما سورة البناتح القيف
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
الف مرحب بيك اخ الطيب وانا ايضا سمعت عنك من الاخ ود المحرب وعثمان الرقيعة وقبلهم كنت مطلعا على بوستاتك البهية قبل ان تتاح لى فرصة الانضمام الى هذه الدوحة الغناء المترعة بكل ما هو جميل. ولله در من قال:
سمعنا باوصاف لكم كملت ** فشاقنا ما قد سمعنا واشجانا
من قبل رؤيتكم نلنا محبتكم** والاذن تعشق قبل العين احيانا
اطنان من التحايا وبركة الجيت طيب
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: ياودشيقوق زولك قالو كان شينا شنا يقطع الخميرة ...كوني رطان انا بهتم بس بالحلويين ... |
ابو بكر اخوى حرم السماحة والرأى ربنا ما جمعهما الا في الرطانة والشوايقة ؟؟؟؟؟؟؟؟؟؟؟؟ ( اكان ربي يصرفها منى سااااااااااااااى)
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: ياودشيقوق زولك قالو كان شينا شنا يقطع الخميرة |
شكرا ود شيقوق على ذكر هذا المتمرد حقيقة
"وجيش كجنح الليل يزحف بالحصى * والشوك والحطى حمر ثعالبه"
لكن اقيف النسألك انت ابو بكر دا مالو كل مرة باقيلك فى العزاها الله؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
| Quote: لكن اقيف النسألك انت ابو بكر دا مالو كل مرة باقيلك فى العزاها الله؟؟ |
الاخ ود النعيم دى ريده ساااااااااااااااااى خليها بس ما تدونى عين .
انا اتسلطت على شايقية هناااااااااااااااااااك غير الرطاني ده مافي حد بيصرفها منى وانت عارف لكل آفه صرافة .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
اها يا" ثنائ العرريب" لا عبنها دافوري ون تو براكم لحد ما اصابعين رجلينكم اتورمن من الضفاري والرطان بيعاين .. بعدين تقعو وتتعكزو عليه !!!؟ انتو درب الرطان دة ما بتقدرو عليه اها رطانى ليها كدة عشرة الف سنة وما راراحت ..جو اشكال الوان وعراريب خليناهم يرطنو ...ولما رحلونا البطانة برضو خلينا العراريب حولينا يرطنو ويغنو بالرطانة ....
دخين ان اتلمن عليكم مساخة الشايقية وملاوعة الرطان شن بتسوو....
اما ياودشيقوق بخسوس الفردة بتاعتك في قهاوي الامهريات وديسكوهات ابوظبي فيبدو انو في فترة نقاهة بعد الحت معاكم يومتا ....ياحتات
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: اها يا" ثنائ العرريب" لا عبنها دافوري ون تو براكم لحد ما اصابعين رجلينكم اتورمن من الضفاري والرطان بيعاين .. بعدين تقعو وتتعكزو عليه !!!؟ انتو درب الرطان دة ما بتقدرو عليه اها رطانى ليها كدة عشرة الف سنة وما راراحت ..جو اشكال الوان وعراريب خليناهم يرطنو ...ولما رحلونا البطانة برضو خلينا العراريب حولينا يرطنو ويغنو بالرطانة ....
دخين ان اتلمن عليكم مساخة الشايقية وملاوعة الرطان شن بتسوو.... |
كمان السمعتو انا قالوا العرب علموا الرطانة صرّير الغنم وحتيان البقر ( دى ود المحرب ما بعرفها) وعرفوا كمان وقت البهلة وجز الضان وتقدم البقر للمدرسيب . وكمان الرطانة خلو التلاجات وبقوا يحفظوا الرواب في المشلعيب ويختوا القروش الفكة في بطن القدنة وكمان يهزوا البخسة . ووووووووووووووووب منك حرم انا اترجم ليك الا تختيني الشايقية الاندرعت فيني دى .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
(الليله البـريـق حـمـل المُزن في القبلة
وانا فاقد غميدي وليهو مافـيـش سبـلـة
بـتـذكـر ربــوعــاً فـي فنـاهـن عـبـلـة
متجـرِّد من المُـلك العـظـيــم زي جبلة)
منصور اخوى ود السروراب مرحب بيك وبوجودك يزيد البوست رونقا وجمالا .
الفاروق اخوى المنبر طلق خلاص من اديتنا ضهرك . الرطانة همبتوا المنبر اكان بعرفوا الهمبته .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: الفاروق اخوى المنبر طلق خلاص من اديتنا ضهرك |
معقول عينيك زعلانة!!؟
كل الدنيا ماتسوى
دمعة من أجفانا
و لو وضعوا الكون فى كفة
عينيك يرجح ميزانا
لالالايافاروق النار ات زولا بحر ونحنا مابنبقى براك
الله يشتت عنك حزم الأحزان ويجمع شملنا بيك
والله كلنا... الهم مجتمع والجمع أشتات... لولا
إتكاءتنا على بعضناالتى تهون علبنا.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: munswor almophtah)
|
Quote: يزهدني في حب عبدة معشر
قلوبهم فيها مخالفة قلبي
فقلت دعوا قلبي وما اختار وارتضى
فبالقلب لا بالعين يبصر ذو الحب
فما تبصر العينان في موضع الهوى
ولا تسمع الاذنان الا من القلب
وما الحسن الا كل حسن دعا الصبا
وألف بين العشق والعاشق الصب |
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: وكمان الرطانة خلو التلاجات وبقوا يحفظوا الرواب في المشلعيب ويختوا القروش الفكة في بطن القدنة وكمان يهزوا البخسة |
ياود شيقوق ات معلوماتك عن الرطانة كلها من "الاعلام المضاد" وناسي وربما لا تعرف ان احسن الاغنام العالم هي الاغنام النوبية Nubian Goats وكما يلهث العالم عن سلالات الفرس الاعربي الاصيل يلهث كثيرا وراء سلالات الاغنام النوبية ... بس انت اكتب البلافرنكي دة في قوقل وفتش بشان تعرف ارلواب ذاتو شنو
.. قال ما بعرف المشلعيب قال اليدخلوك في بخسة ويعلقوك في مشعليب ..
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: وذات دل كأن البدر صورتها
باتت تغني عميد القلب سكرانا
ان العيون التي في طرفها حور
قتلننا ثم لم يحيين قتلانا |
اها يا عرريب ود شيقوق متل كلام ود مفتاح دة بتقدر تسوي دوبيت .. هو جاهز اربع اشطر .. ات بس ورينا شطارتك واللا بس نضمي ؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: الفاروق الأصم مابسمع كلام ناس قالو
ان دخل المحاص منو البخود فى مجالو
عـزيز النسـب كريمة تـب أنســـالو
من فيض الكرم ملانـة ديـمة رحـالــو
سمية الحسن طلحة |
اها الفارووق رغم انك حتات وبتاع مقاه امهرية ومصاحب العرريب ابو بدلة الا انو الملكة قالت فيك كلاما عجب بعدو ما في كلام بس تجي متلب وتعسكر هنا وخليك من العرريب ودشيقوق البودييك الديسكوهات بالنهار
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
العزيزة سمية..
معليش ...في كلام لا يمكن يتقسم زي دة !! فلذا اقتبستو كلو ... لا اظن ان شعر المراة السودانية له مثيل في المقدرة علي وصف دقائق الاشياء ووصف الحب والحنان والبعاد .. اي وصف ما في الوجدان ..وتشبيه فيه كثير من الحميمة لا تجده في شعر كثير من الرجال ... شعر يجب ان تفرد له صفحات ..
منون لك ولصويحباتك المتالقات
Quote:
يهــف لي من جـــديد زي التقــول ناديــتو
زي هبــة نســيم تفتح دريب ســـديتـــو
يجــفاني الغميــد ليــل الســهر خاويــتو
زي جاهــــلي الصحى يــومي النســيت غتيــتو
أســـافر لي بعيــد أزور الحبيـــيب في بيـــتو
والقانـــي قاعــدة هنــاك كأني ما غبيــتو
والعجــب العجيـــيب زعلي كان ما لفيــتو
زي طفـــلاً بيبكــي ويضحــك أكــان رضيـــتو
ســـري الــداني زي حبوبتــي كم حجيتــو
حليل بيـــتي الكبيــر توب الغـُتــا الفريــتو
يا ريحـــة الهــدم جديـــد وما فشـــيتو
يا الشــوف والسـمع زي النعاس لوليتــو
يا غيــمي العميم ريحــة الدِعاش شـميتو
في أهــلي العقاب حارســيـن وما خليتـــو
أمــي العزيــزة ليــك منـي الســلام اهــديتو
حقك علي كان الجــواب ما مامضيتــو
حقــك علي إن فاتني شيــتاً سيــتو
حقــك علي كان في الصبــاح ما طريــتو
وكان بالليـــل نٍعســــتٌ قــبُـــل ما اقـــول أمســـيتو
وكـــان طولــت الغيــاب ودينــي ما حليــتو
ونسيــت الحســـاب والعنـــدي ما عدَيــتو
وحيـــات النبــي مغبـــــــونة من خليـــــــتو
ا
لله يجـــازي للســفر البعيــــــــــد مارضيــتو
أريتـــِك كـان حِــــضرتًي يـــوم قلت لا ولاويتـــــــو
واريتني كان ختيــــــت مُشـــرعي العــديتو
أتلفــت وراي زي القليــــــبي نســــــــــــيتو
كمـــلت اليقيــــن فتشـــــــــتو مانـي لقيتــو
لحنـــت الحنيـــــــــــن في شـــعري كم غنيتــــو
ساهرت الليــــــالي ونــوم العيون جافيـــــــــــتو
والطاعـــــــــم مِســـــخ والمٌــــــــر براكٍ حســـيتو
مشــــتهياك يمـــــــة وشوقي ليـــــــك مديتـــــــــو
وجايــــــــأك بُكــــــــرة أحكيلـــــك القاســــــــيتو
أتونــس حِـــــــداك قولاً كتيــــــــر ما حكيتـــو
واتنفـــــس هــــــواك يا داب النفــــــــس ختيـــــــتو |
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote:
العزيزة سمية..
معليش ...في كلام لا يمكن يتقسم زي دة !! فلذا اقتبستو كلو ... لا اظن ان شعر المراة السودانية له مثيل في المقدرة علي وصف دقائق الاشياء ووصف الحب والحنان والبعاد .. اي وصف ما في الوجدان ..وتشبيه فيه كثير من الحميمة لا تجده في شعر كثير من الرجال ... شعر يجب ان تفرد له صفحات ..
منون لك ولصويحباتك المتالقات |
الاخ العزيز ابوبكر
لك الود كله
فصلحة شاعرة سامقة كالنخل
كلامها له رائحة تراب البلد ودعاش الخريف و.....
رباب
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
عزيزتي رباب
| Quote: فصلحة شاعرة سامقة كالنخل |
نعم فالذي قراءته اثبات لذلك .. ما يهمني انه في غياب رعاية مؤسسية واعلام غير منحاز لابداعات شاعرات السودان المتالقات مثل صلحة واخواتها النضرات فلابد من ايجاد منافذ لاشراقاتهن ..لولا هذا المنفذ الاليكتروني الحر فربما لم اكن اسعد بما قراءت لهن ...؟
خلق منافذ اخري بامكانات متاحة كالمدونات والمواقع والمنابر الاليكترونية ربما هو المتوفر حاليا املا في غد يجد ملح الارض السوداني ما يستحق من رعاية الدولة في كل مناح حياتهم ...
لك مودتي
ابوبكر
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: اهدي لبوستك الرائع هذا احدى اابداعات شاعرتنا المقيمة بيننا صلحة خليل الكارب
مودتى لك
رباب
|
الأخت الحبيبة/ رباب خليل الكارب
أتيتى الينا حاملة الزنابق والورد والرياحين أيتها القرنفلة
عبق المكان برائحة البن يقلى على نار أحر من جوى العشاق تحمله
نسائم دعاش أطيب من قلوب المحبين وأرق من مشاعرهم وألطف من ذوات الخدور.
أتابع كل ماتكتبين عن هذه العملاقة الشاعرة / صلحة الكارب
لك الشكر فلا تبخلى ومن عذب نبعك أنهلى حتى نرتوى
لك حبى
سمية الحسن طلحةِ
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: لا اظن ان شعر المراة السودانية له مثيل في المقدرة علي وصف دقائق الاشياء ووصف الحب والحنان والبعاد .. اي وصف ما في الوجدان ..وتشبيه فيه كثير من الحميمة لا تجده في شعر كثير من الرجال ... شعر يجب ان تفرد له صفحات |
العزيز / أبوبكر سيد أحمد
شهادة نفخر ونعتز بهاأنا وصويحباتى
ونضع كل حرف منها وسام ونيشان
لك منا كل الود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: Quote: وذات دل كأن البدر صورتها
باتت تغني عميد القلب سكرانا
ان العيون التي في طرفها حور
قتلننا ثم لم يحيين قتلانا
اها يا عرريب ود شيقوق متل كلام ود مفتاح دة بتقدر تسوي دوبيت .. هو جاهز اربع اشطر .. ات بس ورينا شطارتك واللا بس نضمي ؟؟ |
رسمك فالق الحبّة وعديل صبّاك
أيضاً بى جمال ليلى وزليخة كساك
يارمز السماح كل النفوس تهواك
أصلك فتنة مولاي للعباد خلاك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
نعم هذه هي البوستات التي أشارت لها الأخت عفاف أبوحريرة....شكراً أخت عفاف والكلام بجيب الكلام
أولا أنا آسف جدا لأنني جئت متأخر بالحيل.وعذري أن الوقت المتاح أمامي للدخول لم يكن كافي.
الأخت /سمية (يا بت البيوت المن بعيد معنيه)
لم أكن أعلم إن خيمتك الشعرية منصوبة هاهنا
أنا مسافر السودان لمن أرجع لينا معاكم كلام تاني
أنتو كلامكم دا دايرلو قعدة
نتواصل كان بقينا حيين
للجميع محبتي....
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب الشيخ)
|
| Quote: يعني ودشيقوق بتاع البورصات عرريب وانتي عرريب ..؟؟ هسع هو بيعرف يدوبي كدة ؟ |
ود شيقوق اهله ما بخلوهو يغني مدوعل ساااااااااااااااااااااى للزيكم ( مدوعل يعنى بعلقوا ليه صباح ومساء يا رطاني عشان يسمنوهو للحارة ) يعلقوا ليهم دى توريك ليها ام احمد هسع.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: nourelhadi awad)
|
Quote: يا بت طلحة وكت ناس ود المحرب وود اب حريرة ابو ينجدونا فى قصة البرق دحين النقول برانا!!
واحد منهم قال:
البرق البشيل رفريف
والعين لجلجت والدمعة ابت ما تقيف
الغول حالف غير بلد ام خدود ما يقيف
وجوز عينى ما سورة البناتح القيف |
لمـّاع البروق الجاب دعاش النال
ذكرني العرب والدكة والتوتال
من حسس الظبيّة الشارفة للتعـّال
بقت الغمدة طلبا مستحيل ومحال
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: هكذا في خيالي إحتمال أن أراك
كل المودة
عفوا إن كان بك علي غضب |
بالله يانور شوية صنفرة وتش اب تخليهو همباتي لانو اليوميين دييل قال ما بعرف يعني شنو "الهمبتة" وانو زول بتاع "بورصة" وبس بيحب المقاه الامهرية ؟؟؟ عرريب وببدلة لا ملفحة لا توب دة كلام ؟؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: لمـّاع البروق الجاب دعاش النال
ذكرني العرب والدكة والتوتال
من حسس الظبيّة الشارفة للتعـّال
بقت الغمدة طلبا مستحيل ومحال |
يا بت طلحة سلام
العبادى عاود الرفريف ومزنو يبقبق
ذكرنى المصوبر ديـسو ما هو تلتق
شايل زيفو كرفك البى الخمر متعتق
نبيح الليل عليك صبح لسانى مبقق
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
Quote: هكذا في خيالي إحتمال أن أراك
كل المودة
عفوا إن كان بك علي غضب |
اخي الاستاذ والفنان القدير نور الهادي
يا الله من هذا الابداع ربنا يحفظك والله انا فكرت اغير الصورة الحقيقية الفي بوست بما رسمته اناملك فلله درك اخي من هذا الابداع .
لك معزتي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: لمـّاع البروق الجاب دعاش النال
ذكرني العرب والدكة والتوتال
من حسس الظبيّة الشارفة للتعـّال
بقت الغمدة طلبا مستحيل ومحال |
والله يا بت طلحة كلام - بس انا احس بمرارة الالم بانو في اخوان ربنا حارمهم من الاستطعام بهذه الابيات الجميلة . لكن دعيني اشرح الابيات علهم يدركون مقاصدها .
لماع البروق يا ابا بكر ده البرق البيشلع في الضلام ( الظلام) وسحابتو تعلا تتناولو بالحنكول . تكون في الوقت داك ما ربطت بهائمك ومع كرت السحابة عايز تتطلع من البيت تتفقد البهائم وما عندك بطارية اها يا ابا بكر العراف بينظر شلعة الجاب دعاش النال ده عشان يضوى ليك وامانه يا ابا بكر ما ماتو رجال من صواقعة الله يكفيك شرها .
دعاش النال ووووووووووب منو والله انا حسي شاميهو ده عطرا ربنا جاعله يفوح مع الخيرصان وقت قشة النال تشيل شبالها وتجي مطرة ليلية تقيلة ووقت نمشى الصباح الخلاء تلقى شبال النال منتكي في اتجاه واحد ويفوح منو دعاش حلوووووو . بس انتو الرطانة ديل اكان طارت ليكم منو فرة ( الفرة طيرة بتخلع ) ريحة النال بتنسوها وبتبقوا في تولا .
نواصل
وووووووووب سمية اختى من الظبية الشارفة للتعال _ دى ابو بكر الصيدة العطشانة بتتشابة للتعل والتعل هو السحابة المزرقنة وقريبة من الراس .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: Quote: وذات دل كأن البدر صورتها
باتت تغني عميد القلب سكرانا
ان العيون التي في طرفها حور
قتلننا ثم لم يحيين قتلانا
البدرالتمام شَبَهِك عليو دلانا
من يوموالهلال قلوبنا بيو سكرانا
ود العين مزرقن وبالدلال كاتلانا
من غير دوشكا بس سهم العيون كفانا
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: مدثر ابراهيم سعيد)
|
Quote: Quote: ويا مثقفي وشعراء البادية الم يات الوقت بعد لفرض الدوبيت فرضا في مناهج اللغة العربية بدل شعر جاهلي ليس فيه من بيئتنا شي ؟؟؟
|
ياأبوبكر كدى شوف كلام بشار بن برد :ـ
Quote: Quote: وذات دل كأن البدر صورتها
باتت تغني عميد القلب سكرانا
ان العيون التي في طرفها حور
قتلننا ثم لم يحيين قتلانا
و دوبيت مدثر إبراهيم سعيد :ـ
البدرالتمام شَبَهِك عليو دلانا
من يوموالهلال قلوبنا بيو سكرانا
ود العين مزرقن وبالدلال كاتلانا
من غير دوشكا بس سهم العيون كفانا
أنا والله وبدون تحيز أطالب بتدريس الدوبيت بدل الشعر الجاهلى
شكرا مدثر أيها المتألق دوما لهذا الإبداع.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
| Quote: على الطلاق تدخلوا تدريس الدوبيت في المناهج الرطانة ديل كلهم يرحلوا منكم اسوان |
غلطتيين يالعرريب :الاولي : عباس محمد العقاد يارب كان رطاني ؟ شن وداهو اسوان ؟
الثانية : وادي حلفا هي عاصمة الرطانة في السودان واسوان عاصمة الرطانة في مصر.. عندك فكرة واللا الحت والاسبيكيولشن نسووك حتي الرسم البياني ...
وبعدين الدوبيت دة ما عربي زي عربي الشنفري وتابط شرا والحطيئة والمتنبي والا ما عربي ؟ يعني كيف كلام عرريب الجزيرة العربية ما ودت الرطانة اسوان وعرريبنا تودينا اسوان....
انت باقي لي ودرت والبندر خربك ومما لبست البدل وخليت التوب والملفحة ونسيت الدوبيت وبقيت تغني مع الامهرية اها حكايتك بقت حكاية ؟
حاجة مهمة جدا: انا حذرتك قبل كدة من حلفان الطلاق ساااي ...؟ انت ما سمعت بالخلع ؟ احسنلك ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: غلطتيين يالعرريب :الاولي : عباس محمد العقاد يارب كان رطاني ؟ شن وداهو اسوان ؟
الثانية : وادي حلفا هي عاصمة الرطانة في السودان واسوان عاصمة الرطانة في مصر.. عندك فكرة واللا الحت والاسبيكيولشن نسووك حتي الرسم البياني ...
وبعدين الدوبيت دة ما عربي زي عربي الشنفري وتابط شرا والحطيئة والمتنبي والا ما عربي ؟ يعني كيف كلام عرريب الجزيرة العربية ما ودت الرطانة اسوان وعرريبنا تودينا اسوان....
انت باقي لي ودرت والبندر خربك ومما لبست البدل وخليت التوب والملفحة ونسيت الدوبيت وبقيت تغني مع الامهرية اها حكايتك بقت حكاية ؟
حاجة مهمة جدا: انا حذرتك قبل كدة من حلفان الطلاق ساااي ...؟ انت ما سمعت بالخلع ؟ احسنلك ؟ |
انا محزّن مع الفاروق ما برد عليك بس اوريك انا جهزت بوست جديد بعنوان / ما بين (ابو آمنة حامد) و (ابو بكر سيد احمد)
تذكر ما قاله هذا العملاق ابو آمنة ( لا تسالونى كيف كان الملتقى وكيف في دروبها مشيت)
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
Quote: العبادى عاود الرفريف ومزنو يبقبق
ذكرنى المصوبر ديـسو ما هو تلتق
شايل زيفو كرفك البى الخمر متعتق
نبيح الليل عليك صبح لسانى مبقق |
برقاً بيفجِّر في سحابتو بلاوي
ذكرني العقيدن بى نجيعن ناوي
طلعن بى قنوباً ونزلن بى مهاوي
أحمن ساتر الدوف فوق عضامي يساوي
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: برقاً بيفجِّر في سحابتو بلاوي
ذكرني العقيدن بى نجيعن ناوي
طلعن بى قنوباً ونزلن بى مهاوي
أحمن ساتر الدوف فوق عضامي يساوي |
لجلوس العصــر دايرنــك
جيبى النار امرقى العدة نسفى بنك
البرق البشيل عبادى فرت سنك
جننتينى والجن كلوا طالع منك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
| Quote: يا ود شيقوق بتعرف البقاقة؟؟ وما هو الفرق بينها وبين النفحة؟!! |
افو يا ود النعيم ات اظنك ماك مننا انا والله البقاقة دى احضر ليك فيها دكتورة
ابداها ليك من بقاقة مسكة الرسن لابو اصابعن نيّة لبقاقة الحشرة الرمادية الفيها رويشة حمراء في ضنبها البتطلع ليك في ضهرك وقت هجيرك في الحش .
انا زمان الحشرة دى بخليها تسبح سااااااااااااى عشان اكان هبشتها بتف ......... فيك وبتبقق ( انت تم لي يا ود النعيم الحروف المفقودة محل النقاط دى )
اولاد البندر غيروا كلامهم الزمااااااااان لجكسوياتهم كانوا بيقولو هذه جكسوية ولعة وهذه جكسوية سكرة وصارت يا حبيبي الان هذه جكسوية ( بقاقة ) يعنى حلوة الملمس ولطيفة وظريفة .
والبقاقة يا ود النعيم اخوى بعد تنفقع ( تنفجر يا ابا بكر ) بتترك ليها عوارة .
انا اها عرفت البقاقة انت حصل ركبت ليك حما سلكك ما هو التسلك ود النعيم ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
| Quote: انا زمان الحشرة دى بخليها تسبح سااااااااااااى عشان اكان هبشتها بتف ......... فيك وبتبقق |
ود شيقوق تحياتى، اولا الحشرة التى تعنيها انت نحن بنسميها الزرناخة، ولهذه الحشرة سائل اذا تفتو على جسمك بتور ما يشبه البقاقة، ونحن زمان كنا نستعملها على ايادينا فنصنع بلعابها ما يسمى الشطارة التى تصنع بالنار. اما ما قصدته انت من بقاقة الرسن نحن بنسميها النفحة ، وهى التى تظهر فى اليد النيه زى ما قلت ، ولكن بعد اليد ما تنجض تسمى "التفنة" كالتى تظهر على رقبة الثور من كثرة الحراثة
اما التسلك فيصيب من يركب الحمار "عزاك الله عرى" بدون شديد ، وكنا ونحن صغار نتحاشى مثل هذه الركبة. وكان الواحد لمن يقولو اخوه تعال اركب يقولو لا "انا مسلك" وهى طبعا حارة جدا خاصة فى الصيف والجسم عرقان. فهمتنى يا ود شيقوق؟
وانا قصدى كان تدينى رايك فى الزول اب لسانن بقق من النبيح دا.
تحياتى بلا حدود
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
يوسف قال
يشوف لى برق هناك متل الزناد بق بقه
وفلح قلبى بى سلاحا ولا بتلقه
عاين فيه عقبان رفه طبق البقه
وزكرنى ام ضميرا رقه
قنب يرف ويخلف فى السحاب ويسوق
عاودنى الحنبن وفوادى تاعبو الشوق
بعد مو برق بقن لامات تلاته بروق
واتوزن جميع سندن سحابن فوق
من قدام عديييبل جر السحاب عانينه
والبرق فيه فج لمعاتو حاده سنينه
ماشه علينا جرت دايره كان تروينه
فوقنا اتحكرت حاميه تمشى الحينه
اناقاعد بره لى المطره دى تصب كانى منتظر ه بعاين فيها
لكن المكان مختلف والزمان مختلف وشتان بين هذا وذاك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: b_bakkar)
|
ياخى والله هيجت فينا الذكرى حقيقة بهذه الصورة وذكرتنا السوارى والبرق البشيل حرقوص. كما وذكرتنى ايضا برائعة ود بادى العكودابى وهو فى اعالى العوتيب "وهو وادى عنيف فى منطقتنا" عندما يقول:
حصل جربت كب السارية
فى القلعة وخلا العتمور
وشفتا بروقو تتلقص وتتحرقص
تقول منطويه فى قرقور
وعاوى الزيفة ينفخ فى جبال النقعة زى الصور
والحصحاص يجرفوا السيل
يكنسو على مهاوى الخور
وقلب الصاقعة يطرقش
يكب النار دمار وشرور
وشفتا الحال عرق مقلوع
جبل متروم فرع مكسور
جمال غرقانة بى حالا
وحد المويه فى الغرغور
ود اب نادم المسكين نجاتو تحت قرون التور
والعوتيب عنيف يجرى
يشيلك وانت ما بتدرى
شكرا على هذا المنظر البديع الذى افصح وابان
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: الطيب شيقوق)
|
Quote: قنب يرف ويخلف فى السحاب ويسوق
عاودنى الحنبن وفوادى تاعبو الشوق
بعد مو برق بقن لامات تلاته بروق
واتوزن جميع سندن سحابن فوق
|
يا ود المحرب الكلام دا زمان داسو وين.
وهاك واحدة من ود الشلهمة
مسك القبلة فى كوع الشمال براقك
وقشط سدرو فى عامر سحابو وساقك
تبونك قرنن والسيل دهك شقاقك
الضايق نشوقك حار عليهو فراقك
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
| Quote: تبونك قرنن والسيل دهك شقاقك |
يا حلاوتك ود النعيم ذكرتنى غناي الدنادر القال
الخبر الاكيد ود سيد احمد جابو ( ده ابو بكر)
قال الصورني سال واتقرنن تبابو
لا صاحب قرش ولا زولا بنسلابو
نحن معانا ناس ود النعيم بدورو خرابو
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: مدثر ابراهيم سعيد)
|
Quote: الاخ ابو بكر تحياتى
ياخى زولك ود شيقوق دا تراك ان شكيت منو ليك الحق!! زولا ممحون بلحيل الله يديهو العافية |
ياااااااااااااا راااااااااااااااااااااااااجل !!!!!!!!!
ود النعيم إت لقيتوني غايب وحقرتو بصاحبي
سااااااي كان إت... كان أبوبكر !!!
حرم البرش ود شيقوق بحرف نرشو بمقال .....
أعملوا حسابكم !!!!!!!!!
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: فاروق حامد محمد)
|
ود النعيم
ود شيقوق
البرق له رمزية وأسرار عميقة
ناوي أتناولها عندما يسمح الوقت إن شاء الله
فيكم واحد حافظ أغنية من أغنيات الربابة بتقول حاجة زي:
" البريق طراني زولي شق قلبي وزاد خلولي"؟؟
أو شيء من هذا القبيل
مجادعتكم سمحة بلحيل
فاروق
سؤالك ضحكني بلحيل
تعرف أنا كنت عاوز أنزل دوبيت حي جزء من فيديو مصورو التلفزيون السوداني فيما يشبه البطانة
لكن غيرت رأيي
أولا الدوبيت فيه وصف للمرأة بليغ عند العرب لكن ما عجبني، والثانية كمان لما شفت شعار التلفزيون السوداني شعرت بقفلة نفس
والثالثة: الزمن ماآسعني
فأجلت الموضوع
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
| Quote: انتو بس الملكة انشغلت شوي واها سرحتو ؟؟؟ انا رئيس العسعس كلو واحد ينتظر وما يقول حرف زيادة ؟؟ راجع لكم يايه ؟ |
هوى يا نوبي ده كلام خطير وانت ما بتعرفه اصلك . برق الصعيد ده كان اصلا شالع وتور ليهو سحابة تقييييييييييلة ام رهيد لكن واحدا من الفقراء اتحكر ليهو وحوطو ( ابو بكر حوطو يعني شربه جيييييييييييب مغريبة)
اها يا ابوى نحن سوينا كنيش كنيش ( كنيش كنيش يعني البليلة حقت العيش يسوها كيمان ويوزعوها على الناس مجان سااااااااااى والوليدات الصغار يحبوا بركبهم عشان برق الصعيد يقوم تاني يتور تعل يلاقي العالي والواطي .
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: سمية الحسن طلحة)
|
Quote: هوى يا نوبي ده كلام خطير وانت ما بتعرفه اصلك . برق الصعيد ده كان اصلا شالع وتور ليهو سحابة تقييييييييييلة ام رهيد لكن واحدا من الفقراء اتحكر ليهو وحوطو ( ابو بكر حوطو يعني شربه جيييييييييييب مغريبة)
اها يا ابوى نحن سوينا كنيش كنيش ( كنيش كنيش يعني البليلة حقت العيش يسوها كيمان ويوزعوها على الناس مجان سااااااااااى والوليدات الصغار يحبوا بركبهم عشان برق الصعيد يقوم تاني يتور تعل يلاقي العالي والواطي . |
ده شنو دة .. انت اتعلمت لغة صينية متين ؟
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: abubakr)
|
Quote: البرق الشلع قبلي ويسوي كَرَوْ
ما بيختا بيصيب لم البطان من ضَو
|
الاخ مدثر والله صدقت لانو نحن زمان عندما يشيل البرق القبلى كبارنا بقولو "الليلة البرق قبلى " وهذا معناه ان المطر مضمون مائة بالمائة وعلى الكل ان يجهز حاله من بدرى.
لك التحية.
| |
|
|
|
|
|
|
|
|
|
Re: لاح لي من صعيد برقاً كتم تعّالو (Re: على احمد النعيم)
|
| Quote: ده شنو دة .. انت اتعلمت لغة صينية متين ؟ |
دى مش صينية يا ابا البتول ده التعل المزرقن وبجود بصبيبة زيكم انتو يا النوبة المارقين من الملة بيركبكم ببردوا يخليكم تترصدوا يمين وشمال وتقولوا دى تسونامي جاتنا. وده التعل بيجيبكم ليكم الصواقع يخليكم تتلبدوا جوة البطاطين الواحد بعد السماء يكشف برضو بعاين بيقول بجيب صاقعة .
دى يا ابا بكر . المرة دى اشرح انت لود النعيم الكلام ده لانو كلام نوبة .
| |
|
|
|
|
|
|
| |
على احمد النعيم
الطيب شيقوق
abubakr
خالد المحرب
munswor almophtah
Mohamed Abdelgaleel
إسحاق بله الأمين
Rabab Elkarib
الطيب الشيخ
مدثر ابراهيم سعيد
ماجدة عوض خوجلى
فاروق حامد محمد
Muna Khugali
فيس بوك
تويتر
انستقرام
يوتيوب
بنتيريست