|
حوار لتلفزيون السودان مع الرئيس عمر البشير الثامنة مساء اليوم السبت
|
حوار لتلفزيون السودان مع الرئيس عمر البشير الثامنة مساء اليوم السبت
تجري الفضائية السودانية حواراً فوق العادة مع السيد رئيس الجمهورية المشير عمر حسن البشير يبث الساعة الثامنة من مساء اليوم السبت ، ويتناول الحوار مع البشير القضايا التي تهم المواطن السوداني، فضلا عن قضايا المنطقة والعالم ،كما يعقد اللقاء مقارنة بالاوضاع التي كانت عليها البلاد قبل عشرين عاما والتطور الذي وصلت اليه في كافة المجالات.
ولا تغفل اجندة حوار البشير قضايا السلام وآفاقه، استكمال سلام دارفور، السودان والعالم والمحور الاقتصادي، ويأتي حوار الفضائية السودانية مع الرئيس البشير في اطار البرامج والحوارات السياسية التي يجريها التلفزيون مع القادة الافارقة.
--- موقع تلفزيون السودان
إن شاء الله خير.. يار بي عاوز يعترف بشنو؟؟؟
|
|
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: AnwarKing)
|
Quote: إن شاء الله خير.. يار بي عاوز يعترف بشنو؟؟؟ |
خالد عايز بعمل لنفسه دعاية انتخابيه ولحزب المؤتمر الوطنى مجانا فى تلفزيوننا القومى.. مازال سيادته والمذيع المتملق المعاه يتحدثون عن الانقاذ وناسين ان معهم اربعه او خمسة وزراء من ما يسمى حكومة الوحده التسوليه اين حكومة الوحده الوطنية التى يزعمون؟؟؟ سوف تستمر الانقاذ ولايمكن لهولاء ان يتنازلوا اويفاوضوا او يحاوروا دون فرض اجندة الانقاذ كامله.. لك الله ياشعبى الذى ينتظر التحول الديمقراطى،،،
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: صديق الموج)
|
Quote: خالد عايز بعمل لنفسه دعاية انتخابيه ولحزب المؤتمر الوطنى مجانا فى تلفزيوننا القومى.. مازال سيادته والمذيع المتملق المعاه يتحدثون عن الانقاذ وناسين ان معهم اربعه او خمسة وزراء من ما يسمى حكومة الوحده التسوليه اين حكومة الوحده الوطنية التى يزعمون؟؟؟ سوف تستمر الانقاذ ولايمكن لهولاء ان يتنازلوا اويفاوضوا او يحاوروا دون فرض اجندة الانقاذ كامله.. لك الله ياشعبى الذى ينتظر التحول الديمقراطى،،، |
.
اخي العزيز صديق الموج تحياتي وتقديري.. انت عارف الرئيس كذب جنس كذب.....والله هذا الرجل لا يستحي أبداً.. قال ان 76% من الشعب السوداني صوت على الدستور.. والله كضب السيح والريح..
نحن كنا داخل الحكومة.. غالبيتنا ما صوتنا .زبل ما كنا نعرف مكان التصويت أصلاً.. د. الترابي جمعنا نحن صحافيي (الحركة الاسلامية) وانتقد موقفنا من الدستور منتقداً عدم اهتمامنا به في مقالاتنا وعملنا الصحفي. يعني هذا الدستور لم يصوت عليه إلا الترابي وعدد قليل من المواطنين الذين لهم علاقة بالنظام السياسي آنذاك.
والكضب ..كتير... لا حد لا عد.. وتكلم عن التنمية والتلفزيون السودان قبل ساعات بس كان بشحد للتبرع لعلاج فتاة سودانية نزفت الدمع الهطال بعد ان فقدت سمعها.. تنمية قال..
فعلا التنمية طالت كل مؤيدي المؤتمر الوطني في الداخل والخارج..بالفعل مؤيدي الحزب الحاكم حصل ليهم طفرة في حياتهم المعيشية..هذه هي التنمية لكن الشعب المسكين ده لسه ما شاف تنمية.
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: khalid abuahmed)
|
أحيّ أنا من الفنسة بتاعة أمريكا...
لووووووووووووووولز...زي التقول قطبية أمريكا دي أخترعوها أمبارح!!!
بعدين ود البشير بيقول الإدارة الأمريكية السابقة كانت موش عارف أيه وما عارف كيف...
أول شئ يا عمر البشير وضّح لينا...أي إدارة تتحدث عنها؟
يا عمك أنتا قاعد حاكم السودان ليك 4 إدارات الآن...
حضرتا بوش الأب، كلينتون، بوش الأبن...والآن الأبن أوباما...ابن بالنسبة ليكم طبعاً!
المهم...
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: AnwarKing)
|
هوووووووووووووي يا عمر البشير، ما تفكها ساي... حتى بعد 11 سبتمبر، بوش الأبن بهبالتو دي...قال أنو الإسلام يعني السلام...
وما كان في أي تفرقة دينية في أمريكا...
التفرقة الدينية حكر خاص على حكومة الإنقاذ...
الله أكبر، وبعدها قذيفة هاون في راس أهلنا في الجنوب!
ولا نسيت وكدة؟
أمريكيا روسيا قد دنى عذابها...!
ومالي أراك تكرهين الجنة؟
بعدين بوش الأبن عصركم وعملتوا إتفاقية السلام...ما تبخس الناس أشياءهم وكدة...
يا عمك!
______________ خالد أبو أحمد تحياتي شديد ياخي
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: صديق الموج)
|
السيد رئيس السودان انت كذاب كذاب وبعضمة لسانك قلت انه لمن استلمت الحكم كانت الخزينة فاضية وانه الامن ما مستتب وانه الزول كان بياخد وقية سكر انت كذاب وبعدين تتكلم عن افغانستان وناسى او متناسى ما حدث ويحدث فى السودان تتحدث عن الابادة الجماعية وانت مدان بذات التهمة ياخ انت ريس انتيكة الله يرحمنا من عذابك بعدين قال شنو؟ لمن كنا بنحارب فى الجنوب الضباط ماقدرو يقعدو بدون ناموسيات نكتة صفيقة لانه هم ماشين حرب ولا شهر عسل ؟ قال للمحاور ـ اتخيل انه المناطق ديك والباعوض الفيها احى يا الباعوض دى لغة رئيس ؟ وقال شنو السودان كان يعانى من السوق الاسود قبل نحنا مانجى سجمنا والحاصل هسى شنو ؟ هنا امكن يكون كلامك صاح لانه مابقى فى سوق زاتو ياخ اتلهى ياخ
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: صديق الموج)
|
اول شىء لم نسمع فى حياتنا انه مدير تلفزيون ينصب نفسه مقدم برامج ويعمل لقاء مع رئيس الدولة الا زولنا محمد حاتم انظرو الى كل الفضائيات العربية هل قام احد مديريها بعمل لقاء مع رئيس او وزير لم نرى فى حياتنا مدير تلفزيون يتجول مع رئيس الدولة فى الزيارات الرسمية الى محمدحاتم يبدو انه مدير مركب مكنة وزير اعلام الحوار كان ركيك و الأسئلة يبدوا انها غير مرتبة وغير لائقة بان تسأل لرئيس دولة
آخر حاجة استفاد مدير التلفزيون من هذا اللقاء بانه يريد ان يلمع نفسه
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: ود الباوقة)
|
أها يا ود الباوقة...محمد حاتم ده ما أديتو صقرية برضو؟
ووين صاحبك السيدح الزمن ده؟
_____
حمور يا حبيب...ياخي عمر البشير ده داير ليهو الرشيد بدوي عبيد وتعليقو عقب خسارة المنتخب ديك...متذكرها؟ لوولز ...وعشان كدة ما بنفوّت مسرحياتو أبداً...
البشير للدجل والكذب...وبعد إنتهاء اللقاء دعاية بصوت مصري: حا أثبتلكو أني موش عارف مين بيحبني!
ناقص عنصر واحد في المسرحية دي: شغالة آسيوية وكدة!
لولز أنور
| |
|
|
|
|
|
|
Re: حوار لتلفزيون السودان مع الرئيس عمر البشير الثامنة مساء اليوم السبت (Re: AnwarKing)
|
عمر البشير قال بيتفاضو مع حركات دارفور في أكتر من منبر...ودايرين يوحدوا المنبر للمباحثات...
أيه رأيك يا ود البشير...تجي تتفاضو عندنا هنا في المنبر العام ده؟؟
أصلو منبر من لا منبر له...وصوت من لا صوت له...
لووولز
بعدين شايف خط لغتك أتصلح شوية...وين الخاين خليل والدايرة تدور على الطابور... وعبد الواحد الصهيوني والخ...؟؟؟
وين الكلام ده؟
أول حاجة لو دايرني أصدقك يا ود البشير في أنك صادق، مع أنو دجلك لا تخطأه عين... تقوم تقول للعيال الحايمين في اليوتيوب ديل...يصلحوا من لغة الشتايم بتاعتهم شوية...
فاكنهم في خلايق الله، عاملين عمايل...
بعدين برضو كلّم الهكرز -بتوعونكم ديل- يوقفوا الهجمات الجهادية دي...لأنو الديموقراطية بتتطلب ناموسيات وكدة...عارف زي سودانيزأونلاين دي فيها باعوض عجيب وكدة يا سعادتك
المهم...
| |
|
|
|
|
|
| |