|
|
 دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخيرة !!
|
التحية والتجلة والتقدير للجميع
كذلك الاحترام لكافة الاخوة في حزب الأمة القومى
وهو احد اهم الاحزاب السودانية في تاريخ السودان
ومنذ بداية تكون الاحزاب إلي الأن وظل هذا الحزب
مُحرك رئيسي في كافة القضايا والاحداث التي تحدث
في السودان مما يرجح تأهل كادره في كل الموضوعات
التي تؤكل اليه .
ومن خلال رؤيتى هذه ومتابعتى في الفترة الاخيرة وعن
كثب لحزب الامة وما يحدث فيه من ازمات عقبت المؤتمر
العام الاخير لا بل سبقته بمراحل متقدمة نتج عنها ازمة
المؤتمر العام وجدت ومن خلال المنبر كوادر رآت في نفسها
الكفأة والتقدم لتكتُب معبرة عن مفاهيم الحزب وعن عمله
وتعاطيه السياسي وهذه الكوادر في وجهة نظرى اطلقت في
رأسي سؤال ظل يتردد كثيراً وبشكل يومي حتي غدا هاجس
دائم ليّ رايت اشراككم فيه علنا نتوصل لموقف واضح نجلئ
به ما يحدث او نقارب المُشكل المتواجد وهذا السؤال هو :-
(هل مستوى تاخر كادر حزب الامة في التعاطي الحوارى والنقاشي
ظل لتفشي خطاب الهيمنة الاسرية علي الحزب واستمرارية خدمة
الاسرة وتغييب الشخصية المستقلة داخل المؤسسة)؟
أتمني حقاً أن لا يساء فهم السؤال لانه بكل بساطة ومن اقرب
بوستات العضوية الجديدة لحزب الأمة في هذا المنبر يمكننا
أن نجد من الامثلة الكثير والكثير جداً .
لكم كامل المحبة والتقدير
سفيان نابرى
|
|
 
|
|
|
|
|
|
|
|
Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير (Re: محمد عبدالرحمن)
|
خالص التحايا
محمد عبدالرحمن
ابو حميدياخ ايامك يازول ، انت قصتي معاك طويلة خلاص ده خليهو بحتاج لي حتة تانية ، وحبيت عشانك كسلا. .
بعدين ياباشا ..البتعمل فيهو معاي ده ترويض عديل ما كفاك ناس الوالي والبقية..
ثم حكاية الشيوعي دي بس عشان الواحد لقى حاجتو زي حاجات ناس الشيوعي خضر لااكثر عشان ماتمشى بعيد..
يعني انت انسف ناس خضر ولا شوفوا ليك طريقة اطردوهم من البلد بنقبل عليكم. .
انا ذاتي دلوقت نوعا ما ليست لدي رغبة الكتابة حاسي روحي بعيد منها ده غير الجري ، فمرات الواحد بتاوق يطرق اصابعينو ، يعنى البوست ده حيكون نصب العيون لو اتفكت العقدة..
يعني لو اتفكت العقدة يا محمد الا تقوم جاري ولا تقفلوا شبابكم ده...
التحايا النواضر..
| |
|
|
|
|
|
|
|
|
|
Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير (Re: معتز تروتسكى)
|
العزيز النابري ..
(هل مستوى تاخر كادر حزب الامة في التعاطي الحوارى والنقاشي
ظل لتفشي خطاب الهيمنة الاسرية علي الحزب واستمرارية خدمة
الاسرة وتغييب الشخصية المستقلة داخل المؤسسة)؟
خدمة الأسرة أو طاعة القيادة وتغييب الشخصية المستقلة داخل المؤسسة الحزبية أو فصلها .. ليست من سمات حزب الامة فقط ..!!
كل الأحزاب السودانية سواسية في تلك السمات
وعليه يبقى السؤال الحنظل :
إلي متى تغييب الديمقراطية داخل أجهزة الأحزاب السودانية ..؟
وما الحل ..؟
........
معليش يا النابرى على تجنيح البوست
( حزب الامة جزء من الكل)
| |
|
|
|
|
|
|
|
|
|
Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير (Re: الطاهر ساتي)
|
| Quote: معليش يا النابرى على تجنيح البوست |
الطاهر يا مجنح مشتاقين يازول يعلم الله
Quote: خدمة الأسرة أو طاعة القيادة وتغييب الشخصية المستقلة داخل المؤسسة الحزبية أو فصلها .. ليست من سمات حزب الامة فقط ..!!
كل الأحزاب السودانية سواسية في تلك السمات
|
طبعاً الغلات معاك انت مابينفع ههههه وعموماً كلامك بيبقي صاح
لو كنا عايزين نشخص الازمة داخل كافة المؤسسات لكن
جد انا حددته حزب الأمة القومي هنا تحديداً لانه اخر
حزب حصد اكبر عدد من مقاعد البرلمان في ماسمي بالحكم
الديمقراطى الاخير وفي نفس الوقت يا الطاهر سبب تحديدى
للنقاش ده كتبتو واضح جداً جداً وهو ظهور عضوية هنا في
سودانيز اون لاين ده وفي الفترة الاخيرة تحديداً تكتب
وتنافح وتدافع عن حزب الأمة القومي (وهذا من حقها بالطبع)
لكن طريق دفاعها ومنافحتها ولغ في حدة وفقدان للمنطق واستخدام
اساليب مقززة وجارحة وفي بعضها منفرة لا عقل لها بل تسعي للاقصاء
دون اي وأعز واظنك تدرك هذا جيداً وتتابعه .
سلامي لك يا الطاهر وطالبك عودة عشان تقول رايك في البيحصل ده
وهل عندو علاقة بتلك الهيمنة الاسرية وخدمة اغراضها ؟
| |
|
|
|
|
|
|
|
|
|
Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير (Re: محمد عبدالرحمن)
|
Quote: سفيان اخبارك وامورك ..ماعندى لا رغبة لازمن.. عشان اكتب
فى البوست .. لكن ماعندى اعتراض انك تكتب فى الموضوع
دا .. من حقك ...
|
سلام يا محمد عبد الرحمن
كيفك ياخ والبركة فينا وفيكم
في الفقيد الحكاية عماد ...
ياريت يامحمد تجيك رغبة وتكتب
وتتداخل في الحكاية دى لانه جد
الموضوع بقي فيه مافيه من تحجيم
وتقزيم لحزبكم والسلطة الاسرية
اضحت اكثر هيمنة عن زمان سابق
رغم انو حزب الأمة القومي هو حزب
الأمة إلا اننا في زمان سابق كنا
نشعر نوعاً ما بوجود مؤسسية لكن
الفترة الاخيرة حتي الاحساس ده غاب
وظهرت السيطرة عليه بشكل كامل
كما أنه هنا في الفترة الاخيرة ظهرت
عضوية لحزب الامة القومي تعنف وتكتب
ما لا يصدق بانه ياتى من حزب أمة قومي
وتجاوزو في خلافاتهم كل منطق وكل عقل
ولا أظن الامر يخفي عليك ولأ اظنك مِن من
يسكتون علي هذا ...
لك المحبة والتقدير .
| |
|
|
|
|
|
|
| |
سفيان بشير نابرى
معتز تروتسكى
محمد عبدالرحمن
الطاهر ساتي
lana mahdi
فيس بوك
تويتر
انستقرام
يوتيوب
بنتيريست