|
|
 بورداب النكد والنحيب قفلتوها معانا
|
بورداب يصيبوك بالاحباط عندما تقرأ لهم , وكانهم ينظرون للعالم عبر نافذة الماساة , كل مداخلاتهم عبارة عن بكاء ونحيب حار , بورداب احترفوا النكد والحزن , نظرتهم دائما قاتمة السواد لكل الاشياء , وجودهم في المنبر عبارة عن (جعير) متواصل , اتقنوا اخراج الدموع وسط الفرح , ينكدون علي الاخريين وانفسهم بمداخلاتهم المرة وكانهم يستقون من حنظل حياتهم مدادا لاقلامهم , بورداب لا مناص ( قافلنها معاك) صباح مساء , ضلت الابتسامة طريقها اليهم وضلوا عن ايجاد الفرح , سعادتهم الحقيقية في ان ينغصون علي انفسهم والاخرين , صباحهم ليل حالك , وليلهم لا صباح له , شمسهم تستقي ضوئها من العتمة , يؤذن في فجرهم البوم , يطرزون لانفسهم من ديباج العتمة اقنعة من سواد ويطلون بها علينا , غنائهم بائس وموسيقاهم جنائزية , ورقصهم اشلاء , مدحهم تنكيل وهجائهم دائم . يعيشون الماساة في كل تفاصيل حياتهم ويسحبونها علي الاخرين, ما ان تري اسمهم يسار عنوان البوست الا ويتراى لك صيوان عزاء بالداخل وقبل القراءة لهم حتي اؤلئك الذين ينشرون الغم والنكد .
ـــــــــــ
فكرة هذا البوست برعاية راشد الحاج ومداخلته Re: The stoning of Soraya وان كنت اشمل الكثيرين بحديثي اعلاه من كتاب البرود الماساويين .
ـــــــــــــــــــــ
اخر الحكي
المرأة التي احبها
تحتل مسامي ..
تحترف الفرح ..
تهيئي لي من رمشها...
متكأ من ضياء..
تنتشي به أفراحي
تبثني أشواقها...
إذا ما أويت ..
تهديني وسادة من حلم
تطرز لي من خيوط العتمة ...
ديباج من ضياء..
بطعم الهدؤ..
ورائحتي
يهديني حلما برسم الصباحات
تجلس قبالتي ..
وتنسج في عصب الحلم ..
رؤى منضومة بشكل حبات المطر
وامنحها ابتسامة بحجم المكان
|
|
 
|
|
|
|
|
|
|
 Re: بورداب النكد والنحيب قفلتوها معانا (Re: abuguta)
|
Quote: ياسمانى
جيب معاك البانبرز
لا تنسى الصباحى
ترمى الزبالة
قريبتنا والدها توفى
وفلانة ديك مسافرة
لازم نهدى ليها توب
انت مش وعدتنى
تدينى قروش الصندوق
قالو بتصرفو من يوم 20
دهبى دا قدم
فى سوق الندى
ظهرت دقه جديدة
شفتها عند سحر
فى الاستراحة
انت ليش ما قاعد
تطلعنا زى جيرانا
ديل ,,كل يوم
قاعدين يمشو الاسواق
انت قادينا بالاسواق
الجنبنا دى
قالو غالية
الناس كلها بنت بيت
لا نحن
تانى لما ننزل
نقعد مع ناس امك
|
صباح الورد يا اب قوتة
يا لذيذ ربنا يعينك لكن اخوك ربنا راضي عليهو , حركات مغتربين التمانينات دي ما عندنا ,
اقول ليك تحترف الفرح تقول لي بامبرز !
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: abuguta)
|
..
.
| Quote: يعيشون الماساة في كل تفاصيل حياتهم ويسحبونها علي الاخرين |
فعلا يا صديق ..
يشعرونك بالاحباط .. يرسمون صورة قاتمه للحياة
وغمائم من الاحزان وقتل الفرح فى النفس بذكريات واشياء
قد يكونها بعضها واقعا وبعضها خيالاً
لا نقول ان الحياة لا تخلو من المآسي والمعاناة والاحزان
وهذه سنتها
ولكن حفرها بصورة دائمة والتركيز عليها تقتل الامل وتشعرك بالمرض ولا يتحيح
مساحة لزرع امل اخضر هنا او هناك ..
هؤلاء قوم يرزخون فى الحزن الدائم
ويعيشون احزنا متواصلة ويصيبون بها اخرون
________
كن جميلاً ترى الوجود جميلاً
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: وليد محمد المبارك)
|
Quote: الأخت العزيزة د/ شذي....سلالام وتحية....بس عتاب رقيق...دائمآ بوستاتك فيها لمحة حزن ...وإن كان نبيلآ....يا خبر وفاة...يا مرثية لصديق توفي...يا رجم...يا إضطهاد المرأة ....حتي إنك إرتبطي في عقلي الباطني بالحزن...مجرد فضفضة خواطر لدكتورة حسساسة.....ودي وتقديري
راشد |
والحق يقال انو كلام راشد فيهو ادب وتهذيب في الطرح..
وقد صدق راشد فيما قال..
البت شذى دي فيها آسى عالي وعاملة زي ليل الشجن..
بعدين طوالي لابسة اسود تقول هادينها دولاب آرامل...
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: DKEEN)
|
القانوني دكين
صباح الخير
Quote: والحق يقال انو كلام راشد فيهو ادب وتهذيب في الطرح..
وقد صدق راشد فيما قال..
البت شذى دي فيها آسى عالي وعاملة زي ليل الشجن..
بعدين طوالي لابسة اسود تقول هادينها دولاب آرامل... |
الاخت شذي من كتاب المنتدي المميزين لديها قلم جيد جدا ولكن الظروف الايدلوجية حصرتها في منطقة الحزن , وانا بعتقد انه المشكلة ما فيها هي
المشكلة في (حق) , من يوم ما قامت حركة حق وفي كج مصاقرها , بداية بوفاة الخاتم عدلان , حادث رئيسة حق , وفاة عمر وفاة عماد , نكبات ورا نكبات
لذا العضوية تخرج من حزن وترتمي في اضان الاخر , مما حيز مساحة كبيرة للاخت ايزابلا لما تجيد من ادب النحيب .
ـــــــــــــ
اعتقد انه حان الوقت لتؤمن القيادة في حق ببعض الخرافات , اتمني ان يتم تبخير دار الحزب وكتاب دستور الحزب او اي كان مسماه , وان تستبعدوا امجد درئا للعين والحسد
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: وليد محمد المبارك)
|
يا وليد :
اووعا يكون الراجل طلع اشاشي!!!
:) :) :)
اساسي ..أقووووول إسكت بس تراك ذبحتنا :)
وبعدين ياخ زولتك دي نصيحتي ليها تحبك بحجمك انت لأنو حجم المكان البعرفو انا في السعودية ده الشقة ما بتفوت ليها 30 متر ده لو خلاااص كانت تلاتة غرف وحمامين وصالة :)
تخريمة :
ياخ انت طلعت زول ساااااااااااااااااااااااااي والله
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: عمر الفاروق)
|
Quote:
تخريمة :
ياخ انت طلعت زول ساااااااااااااااااااااااااي والله |
عمر الفاروق
صباح الخير
يا اخوي انت ما ملاحظ انه ليك فترة بقيت مفرمل في الجملة دي ؟ ما ملاحظ انك بقيت مكرر
لدرجة اني فكرت انسخ فرمالتك دي واضيفها بعد اي بوست اكتبه , منها حفظا لجهدك , وماء وشك
لكن تعرف الجميل في الموضوع شنو , اني انا من يومي عارف اني زول ساي
المشكلة فيكم انتو اي حاجة تمشي فيكم , كباري , كباري بس
شكرا يا الق لمرورك
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: مجدي عبدالرحيم فضل)
|
Quote: لقفلة بت هارت ولا ولد شيريا المهم تفتح ياصحبي ولو أديتا لف بنجر خمسين
أمس القعدة كانت شحمانه جدا ناقصاك وبس .
،،،،أبوقصي،،،، |
ابو قصي
صباح الخير
يازول دا وست تسمي مربوطة زميلك يقول باس ويدخلوك وانت مفرمل بي بلي شيريا والاتو يحتو من يدك زي صفق النيم في الشتا , وتاخد الاسنا سفري
قعدة شنو البتكون شحمانة ؟؟ ما قهوة محمود !!
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: الرفاعي عبدالعاطي حجر)
|
Quote:
لحقيقة المنبر محبط بعض الشئ لكن لقيت يااساسينا حكاي برضو يلا قوم اكتب لينا رواية او اقول ليك قصة عن
حسن زبالة .
|
حجر
صباح الورد
يازول محبط بعض الشي شنو محبط عديل , لكن عليك الله كان تكتب قصة حسن *
اسع انا بقيت ملاوز اي زول يجيب سيرة حسن* في البوست دا .
ـــــــــــــــ
* جالية الغربية
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: اساسي)
|
Quote: يا وليد
نهارات الصبر واقفات وكلام المثاقفة بتاع الجماعة وكدا
ان شاء الله دايما مبسوط
حالتي لسع ما هترشت |
يا جبيبنا انت غالي علينا
عشان كده بنبلعها بي موية وبنمشيها
هاهاهاهاهاهاهاها
لكن اكون طالبك واحده
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: haroon diyab)
|
هارون يا غالي
Quote: ياعمكـ....
كلم بكري يشغل الاكواد
وليك علي افتحه معاك
باغنية تلومك عليها الاعراب.....!!!
بس هو كيف يسمع الكلااااااااااام
سلام |
اكيد انت من الذين يحترفون الفرح ما دام لونك الاساسي الاصفر والاحمر
الوان بهجة ومن وراها كل البهجة
دمت رايق والقعوي* مضايق
ـــــــــ
القعوي هم الهلالاب
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: Tabaldina)
|
التبلدي يا تبلدينا يا زول يا رايق
كيفك يا صاحبي
Quote: يشعرونك بالاحباط .. يرسمون صورة قاتمه للحياة
وغمائم من الاحزان وقتل الفرح فى النفس بذكريات واشياء
قد يكونها بعضها واقعا وبعضها خيالاً
لا نقول ان الحياة لا تخلو من المآسي والمعاناة والاحزان
وهذه سنتها
ولكن حفرها بصورة دائمة والتركيز عليها تقتل الامل وتشعرك بالمرض ولا يتحيح
مساحة لزرع امل اخضر هنا او هناك ..
هؤلاء قوم يرزخون فى الحزن الدائم
ويعيشون احزنا متواصلة ويصيبون بها اخرون |
والله ما قلت الا الحق , ناس تقلها معاك باطن وظاهر من الصباح
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: Hussein Mallasi)
|
Quote: اخر الحكي
المرأة التي احبها
تحتل مسامي ..
تحترف الفرح ..
تهيئي لي من رمشها...
متكأ من ضياء..
تنتشي به أفراحي
تبثني أشواقها...
إذا ما أويت ..
تهديني وسادة من حلم
تطرز لي من خيوط العتمة ...
ديباج من ضياء..
بطعم الهدؤ..
ورائحتي
يهديني حلما برسم الصباحات
تجلس قبالتي ..
وتنسج في عصب الحلم ..
رؤى منضومة بشكل حبات المطر
وامنحها ابتسامة بحجم المكان |
وإبتسامة بحجم المسافة البينى وبينك لك يا أساسى...........
تسلم يا جميل...خليك شمعة وسط العتمة...حارب سواد الحزن بروعة الفرح............مودتى..إسماعيل محمد احمد عباس....
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: ismeil abbas)
|
صباح الخير يا سمعة
Quote: وإبتسامة بحجم المسافة البينى وبينك لك يا أساسى...........
تسلم يا جميل...خليك شمعة وسط العتمة...حارب سواد الحزن بروعة الفرح. |
تسلم يا زوق , واكيد وجدك والبشوشين امثالك هو ما يجعل المكان ممكنا
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: ولياب)
|
الزميل والصديق ولياب
ليك وحشة يا صديق ومختفي مدة
Quote: يا صاحبي لولا سواد الليل لما بزغ الفجر ولولا الحزن لما أتى الفرح
الحزن النبيل من يحزن لأحزان الناس ومن يشعر بمآسي الغير
أما النكد أن تنكت الحزن من لا شئ
|
بالتاكيد يا صاحب لكن المفارقة تاتي في انه لا صباح يلوح في الافق , وان النكد اصبح ملازما للبورد , وكلنا يشعر بماسي الغير ويتحدث فيها ولكن ان تكون فرمالة ولا موضوع غيرها
هو ما ينكد
كن بخير يا عزيز
| |
|
|
|
|
|
|
|
|
 Re: بورداب النكد والنحيب قفلتوها معانا (Re: اساسي)
|
اساسى يا زول من زمن الكتابة السمحة... والمنبر الحر...مش "البنبر العام"....
عندما أتيت للعالم ووعيت لقيت "حبوبتى"...خالة أبوى لابس توب نواح "ابيض" من الدمورية و قد قاربت السبعون عاماً من العمر (ربنا ارحمهم جميعاً). عندما تفتحت مواعين الادراك...سألتها و أنا طفل "انت يا حبوبة ما عندك "توب" تانى" قالت لى: أصلى التوب دها ما اخليه الا أموت، لانو أنا حزنانا على أختى الماتت قبل 30 سنة".
مرات كتيرة أسال نفسى الخواجات ديل ما عندهم أحساس، الراجل ميت "متكلينوأ" فى التابوت و يضربوأ ليك فى البرارى و الموسيقى "مولعة" واخر انبساط و هذه عادة تسبقف الدفن تسمى "التابين".
وهذأ المنبر اصبح يسمى "منبر المعزين"...والله الواحد بقى يعرف الميتين قبل "نشرة الساعة سته بتاعت أم درمان"
رباطابي دخل المستشفى سألوه: زيارة؟ رد: لا عمره.
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: Siddig A. Omer)
|
| Quote: وان كنت اشمل الكثيرين بحديثي اعلاه من كتاب البرود الماساويين . |
ياااااخي أنت قاصد الشايقية في النسب مالك ناااس مساوي ديل ناااس حلوين وسمحين بالحيييل أساسي .
ومايجوك ناااس الكُنيسة يكنسوا ليك بوستيك ده 
ولو ما أخاف الكذب يجيك صاحبنا زول مروي يعملينا سد هنا (ود حجـــــــر).
،،،،أبوقصي،،،،
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: Siddig A. Omer)
|
اخوي صديق عمر
التحايا النواضر
| Quote: عندما أتيت للعالم ووعيت لقيت "حبوبتى"...خالة أبوى لابس توب نواح "ابيض" من الدمورية و قد قاربت السبعون عاماً من العمر (ربنا ارحمهم جميعاً). عندما تفتحت مواعين الادراك...سألتها و أنا طفل "انت يا حبوبة ما عندك "توب" تانى" قالت لى: أصلى التوب دها ما اخليه الا أموت، لانو أنا حزنانا على أختى الماتت قبل 30 سنة". |
ياها المشكلة انه الحزن متجزر فينا واصبح يورث تالد عن تالد وجيل عن كابر , الحزن مثلما سمعت هو ادمان , هناك الكثيرون الذين يحبون ان يعيشوا الماساة , يتفانون في ايجاد الدمعة وسط الفرح , هؤلاء وهم كثيرون في الحياة وفي هذا المنبر يشعروني بالنكد , حتي اغانينا وتراثنا الموسيقي كله ملي بالحزن او الحزن والشجن هو عاموده الفقري , اظننا شعب ادمن البؤس
وتسلم علي البسمة وسط الفرح
وبمناسبة الرباطابي اديك دي
رباطابي فتح دكان جديد وجاب واحد فلاتي قرأ ليهو سورة يس , بعد زمن الفلاتي سمع انه الرباطابي ربح اربعة مليون , جاهو قال ليهو الا تقسم معاي عشان قريت ليك يس , الرباطابي قال ليهو انت قايل سورة يس دي من تاليفك ؟
قديمة عارفها بس لذيذة
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: اساسي)
|
أساسى.....بمناسبة الحزن المتجزر فينا دى.......
واحد قريبنا مات...و انا كنت.....ضارب "شتات...يافردة" فى أطراف العالم....ابحث عن رزق...ناهيك عن "فرحة"....و فعندما اتاءنى الخبر....الذى وصلنى كالبرق من خلال كل الوساطات الموجودة فى ذلك الحين...قمت بالواجب و اتصلته على كل من له صلة بالمتوفى.....و منهم كثيرون ماتوأ بعده....و لم ارجع الى البلاد "المحزون بآهله".....الا بعد انقضاء "مليون سنة كدها"... و بعد يومين من حضورى أذ بالوالدة تسالنى أن أزور اولاد فلان "عشان..اديهم الفاتحة فى أبوهم"....
يا حاجة فلان دها ما مات ليهو مئة سنة و أنا عزيتهم مليون مرة صرفت لى فيها 200 دولار و بكيت معاهم فى التلفون...والله وكمان "كبيت تراب فوق راسى"....قالت لى الناس ديل قالوأ أصلوأ ما حا يجوأ اسلموا عليك الا تعزيهم فى أبوهم المات قبل عشرة سنوات؟؟؟؟
ياخى معقول؟؟؟؟؟؟؟
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: Siddig A. Omer)
|
مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين !!؟؟
**********
مسطول مرتو ماتت قالوا ليه :نديك اختها قال:دي نسابة ولا شركة تأمين
**********
حلفاوى "مرتو" ماتت......بعد "اربع شهور و عشرة يوم" .. مشى لاخوه صالح و قال ليهو يا صالح ياخى أنا داير أعرس...أخوه قالليهو "يا عثمان ياخى أنتى مجنونة...ربنا أخد يايدك واخد "ألمرة" تانى تقول دايرأ تعرسى؟؟"
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: اساسي)
|
أساسي الأساسي
سلامات وعساك ومن معك من أساسيين بألف خير وسلامة يارب
عاين
زمان كان بجانب بوستات النكد بتلاقي بوست لخدر مثلاً فيهو غنية
أو الصحافة تلاتين جايب غنية لوردي .. أو حميدة أو تمبس أو هيثم ومعاوية
ديل كلهم وغيرهم في المكان ده بجلبوا الفرح والغناء البهيج عبر أكواد بكري المعطلة
أها هسي لا تمبس وحميدة في لا الأكواد شغالة !
إذاً بكري قفلها مع الجميع صاح ؟
عليك الله العندو بت زي لولا وولد زي حمودي ممكن حاجة في الدنيا تقفلها معاهو ؟!
بالغت فوكا عديل ياخ !
ربي يفكها في وشنا جميعا قول آمين
| |
|
|
|
|
|
|
|
|
 Re: بورداب النكد والنحيب قفلتوها معانا (Re: حنين للبلد)
|
اساسى الاساسى .. ..
تحية تساوى روعة البوست .. ..
حقيقةالمنبر بقة نشرة تلاته فى الكوارث .. ..
( اساسى ياخوى صورتك الفى البروفايل طششت بى ماقادره اقراء كويس البرق قرب يشيل بصرى عشان نتابع معاك شيل الرعده دى من هنا ) ..
كن بخير .. ..
| |
|
|
|
|
|
|
|
|
|
Re: بورداب النكد والنحيب قفلتوها معانا (Re: سارة كرودى)
|
العزيز أساسي الأساسي...تحية وسلام.....ياخي والله أنا ما شفت البوست بتاعك دا إلآ هسة.....بعدين موضوع الحزن في البورد دا أصبح شئ مبالغ فيه....ياخي والله نحن الفينا مكفينا.....الواحد بيجي هارب من جحيم الدنيا....لواحة البورد عسي ولعل يجد النسيم العليل والخضرة والماء والوجه الحسن....لكن تقول شنو يا عمك....بره نار وجوه نار....يعني الواحد بس يقول ووووب علي....أرجو د/شذي ما تاخد في خاطرها....أعصابنا بقت تالفة ورهيفة وما بتتحمل الحزن الكتير ده والله .....بعدين يا السماني شيل الكهربة الخاتيها في بروفايلك دا...جهرت الناس ياخي...لك الود
راشد
| |
|
|
|
|
|
|
| |
اساسي
abuguta
عبد المنعم سليمان
haroon diyab
وليد محمد المبارك
عمر الفاروق
الرفاعي عبدالعاطي حجر
مجدي عبدالرحيم فضل
Hussein Mallasi
حيدر حسن ميرغني
العوض المسلمي
محمد عبد الماجد الصايم
ismeil abbas
ولياب
Siddig A. Omer
على محمد على بشير
Rashid Elhag
فيس بوك
تويتر
انستقرام
يوتيوب
بنتيريست