السلام عليكم ........... أكيد عارفين قصة الكهربجي والجرس احتياطاً سنحكيها وتحكي ببساطة عن الزول الخرب عندو جرس الباب مشى كلم الكهربجي فوعدو انو يجيء يشوفو ليهو بعد كم يوم لاقاهو وسألو: ليه ما جا شاف موضوع الجرس بالرغم من وعده فأجابه الكهربجي: والله كل يوم اجي أدق الجرس ...مافي زول بيفتح لي الباب !!!! ....... قناة الشروق السودانية قناة جميلة متوازنة ويبذل القائمون عليها مجهوداً جيداً في تطويرها وخاصة قسم الأخبار الذي اهتم بالمدن السودانية المختلفة وعينت مراسلين لها بمعظم مدن الأقاليم هذه القناة الإضافة تعاني أيضاً تدني في الإدارة الإحترافية الحديثة فقد فوجىء متابعوها بإختفائها وظهور قناة أخرى مكانها تسمى المعالي ولم يفلح البحث الدوؤب عنها ... حاولنا الدخول لموقعها على الانترنت فوجدناه تحت الصيانة أخبرني صديق انه بالصدفة وأثناء بحثه عن القنوات وجد قناة الشروق تحت اسم (ERTU ) وفعلاً حينما بحثت عن اسم ERTU وجدت فيه قناة الشروق المضحك انني وجدتهم بين الحين والآخر يعرضون ترددات القناة على نفس القناة ..... عموماً وكمساعدة من شخصي الضعيف فهذه هي الترددات الجديدة 11766 87500 H أفقي ..... كما يجب الانتباه إلى أن اسم القناة التي ستظهر سيكون (ERTU ) .......
06-20-2009, 04:19 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5454
السلام عليكم ...... بالمرة شوف معاك هارموني في عند الجماعة ديل ولا في اختصارات عشوائية تانية ...... والله يا عبد اللطيف يا خوي فعلاً قناة هارموني اختفت وحلت محلها راديو الب ب سي بالفارسي أما موقعهم على النت فأسوأ حالاً من قناة الشروق فهو لا يفتح اطلاقاً..ولا صيانة ولا يحزنون غايتو لو عندك وقت قلب القنوات الموجودة على الرسيفير كلها وأكيد حا تطلع معاك هارموني في واحدة منها بس يمكن اسمها يطلع ليك Porta reco أو أي حاجة ثانية فما تستغرب وأنصحك بالقنوات المكتوب عليها Test فغالباً تكون واحدة منها ولما تلاقيها ...أجدع لينا بالله تردداتها ينوبك ثواب ... طبعاً حا يكونوا بيعرضوها على القناة نفسها .....
تحياتي
06-21-2009, 05:52 AM
مصطفى توفيق
مصطفى توفيق
تاريخ التسجيل: 05-06-2009
مجموع المشاركات: 929
يبدو جلياً ان القنوات السودانية الشروق ـ هارمونى ـ ساهور ـ زول .. الخ تجد صعوبة فى الالتزام بترددها نسبة لفشل ادارى واحيانا مادى لذا تضطر ان توقف من تردد انتهت رسومه لتسجل بعد فترة لتجدها فى تردد اخر او فشل فى المواصلة البرامجية والاحتياجات الادارية والفنية لظروف ماليه بحته ..
_____________
الناس دى باعو القنوات عشان كدا اتغيرت المسميات ولا كيف ؟؟
06-22-2009, 12:38 PM
Giwey
Giwey
تاريخ التسجيل: 09-03-2003
مجموع المشاركات: 2130
ولماذا البحث عن (الشروق)... نسخة أخرى غير معدلة من (تلفزيون السودان) ذات الطعم واللون والرائحة ... أى قناة منهما تكفيك من الأخرى ... لذلك لا داعى للبحث
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة