|
خلونا من البهدله في الكوره - التحكيم دا مالنا فيهو ؟ وحكايتو شنو ؟
|
التحكيم في السودان ولجنة الحكام في الإتحاد بتاع شداد دا مالها ما ليها دور في الساحه الرياضيه ؟
سواء كانت الأفريقيه والا الدوليه
هسع الجغريبه الفي العالم دي كلها ما سمعنا بي طاقم تحكيم سوداني
ادار المباره دي والا رجل رايه سوداني في طاقم التحكيم في مباريات التصفيات دي !!
ما يكون قفلو الموضوع دا !
أصلو فشلنا في الكوره دي ما عاوزه ليها شرح ،،
أها التحكيم دا مالو ؟ أحسن نركز عليهو على الأقل بيخلي إسمنا يتردد
في المحافل الدوليه والأفريقيه ما يتردد بس في البكاء على مجد على قاقرين
وأحمد عبد الحليم ومن رفع إسم السودان عالياً مثلهم
عليكم الله شوفوا الموضوع دا وأدونا المُفيد عنو حتى لو كلام كعب
زمان كان في أحمد قنديل ، وحاجات زي كدا !!
نسوي شنو ؟ غايتو بعد التحكيم دا الا نمشي لي صـناعة الشبك البلصقوا في العراضات دا !
هشام
|
|
|
|
|
|
|
|
Re: خلونا من البهدله في الكوره - التحكيم دا مالنا فيهو ؟ وحكايتو شنو ؟ (Re: Hisham Ibrahim)
|
بصراحه كدا
والله فقدت إسمنا من فتره ما إتردد في آي طاقم تحكيم
وهسع كاس القارات والتصفيات المؤهله لي كأس العالم
والتصفيات لي كأس الأنديه وكأس الكؤوس الأفريقيه !
ما جاء إسم السودان عابر ساكت
هو كمال شداد دا ما لاحظ الحكاية دي ؟
وحالياً البقوم بي تنظيم الحكام منو ؟ وشنو ؟ يعني لجنة والا إتحاد والا شنو بالضبط
دا خلل كبير وثغره في المسار الرياضي ! غايتو دي نظرتي
مع انو مشهود لينا بي النزاهه والإخلاص
هشام
| |
|
|
|
|
|
|
Re: خلونا من البهدله في الكوره - التحكيم دا مالنا فيهو ؟ وحكايتو شنو ؟ (Re: Hisham Ibrahim)
|
الأخ هشام
سلامات و ربنا يعوض علينا و عليكم....
قصة التحكيم دي عشان يبقى عندنا حكام دوليين، إجادة اللغة الإنجليزية إجادة تامة "دة في رأيي المتواضع"، و الجيل الجاي علينا دة أجاركم الله، ثقافات في الحضيض و لغة تحنن و الله، بالرغم إنو زمن عولمة و قرية صغيرة و كلام عجيب....
المهم إن شاء الله ما أكون داخلة ليكم غلط و بالرغم من إنو أسي ما بعرف أي حكم من حكامنا في السودان، و لكن يوم داك كنا بنناقش القصة دي و سببها شنو و نهايتها متين!!
| |
|
|
|
|
|
|
Re: خلونا من البهدله في الكوره - التحكيم دا مالنا فيهو ؟ وحكايتو شنو ؟ (Re: نوسة)
|
Quote: إجادة اللغة الإنجليزية إجادة تامة "دة في رأيي المتواضع"، و الجيل الجاي علينا دة أجاركم الله، ثقافات في الحضيض و لغة تحنن و الله، بالرغم إنو زمن عولمة و قرية صغيرة و كلام عجيب....
|
نوسه يا أختي
دخلتك صاح ميه الميه
وفعلاً دي يمكن تكون من أهم مقومات الحكام الدوليين ! لأنو الإنجليزي هو اللغه السائده
في المحافل دي - زي ما بنشوف في المؤتمرات الصـحـفية وإجتماعات الجوائز والقرعه للفيفا !
وكلامك عن الإنجليزي في المستوى العام للخريجين ما بسر حبيب ولا بسر اي زول
أها زي كلامك دا هو العاوزنو نحنا
هشام
| |
|
|
|
|
|
|
Re: خلونا من البهدله في الكوره - التحكيم دا مالنا فيهو ؟ وحكايتو شنو ؟ (Re: Hisham Ibrahim)
|
ومرات كتيره بكون في دورات تدريبيه دوليه
في الخارج
وفي الخارج دي يعني مصروفات على الإتحاد مما حدى بي إتحادنا وشداد بيـ
العزوف عن خوض هذه الأماكن لأنها تحتاج لدعم ومصاريف ونثريات وإشتراكات ،،،،
يعني برضو نرجع للدعم ونطلع جلا !!
المفروض نتوجه التوجه بتاع الإبداع في التحكيم طالما أصلو ما جايبين حاجه في الكورة ذاتها !
يعني نلحق المرقه وكت ما لحقنا الجداد،،، والا كيف ؟
هشام
| |
|
|
|
|
|
|
|