|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: فيصل نوبي)
|
سلامات ياراوية
Quote: ليه ياحيدر نشرت الايميل الخاص بتاع تيسير بالرغم من إنه الاتفاق كان إنك تتطلع عليهو بعد ترشيحك برضا الطرفين وتجي تقر بالحقيقة فقط (يعني ماكان مطلوب منك تنزله والا كان من باب اولى تنزلو صاحبة الشأن بنفسها)؟(كمال عباس نفذ الاتفاق كما يجب) مدياك البنفت اوف داوت في إنك نزلتو بحسن نية لكن برضو عاوزة اعرف وجهة نظرك
|
اتفق معك بأن الاتفاق كان أن أطلع وأقر بالحقيقة فقط لكني فضلت نشره لعدم وجود مايمنع من النشر بمعنى أنها عادية - في نظري طبعا- وليس فيها مايدعو للحرج ثانيا- الاقرار بحقيقة الرسالة كان سيتطلب منى ايراد معناها ايضا لذلك اختصرت المسألة بنشرها كما إستلمتها اسأل الله ان لا اكون قد اخطأت في ذلك وليس بيني وبين الاخت تيسير والاخ هشام الا الاحترام واتمنى ان يكون ردي هذا كافيا تقديري واحترامي لك
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: محمد عبد الماجد الصايم)
|
عودة (للمنتق).. من أراد الله به مضيعة وقت، وتمييع قضيّة، وجهجهة أفكار، وأخذ الجد مأخذ الشمار، سلّط عليه أعزّ أصدقائه الضحوكنجيّة، ولا يُحمد إلا المولى على هذه المكاره..
قال لي أحد الأصدقاء المشتركين، إنت يا ياسر تيسير دي ما صاحبة أصحابك وصاحباتك، ومفروض تكون صاحبتك، ملك معاها؟ فأردّف: يا صاحبي أنهي الموضوع ده علي كده وما تفتح ليك جبهة مع ناس كتيرة، والناس ما بخلوك، فقلت له، من يأتيني بالمنطق ويقنعني به، أقتنعت له، وسبيلي هو المنطق، ومن يأتيتني بغير المنطق رددت له بضاعته، وعندي لكل قول رد يماثله.. وقد نصحوني أصدقاء أعزاء، أجلاء، بأن أترك هذا الأمر حتى لا يروني الناس في ما لا يسُر، وأنا قبل نصائحهم أعلم أن تيسير عووضة محاطة بكم مقدر من الأصحاب/ت المشتركين وغيرهم من الأعضاء/ت، وهم من عُمادة هذا المنبر.. فوعدتهم بأن أتعامل معها بكل إحترام ولكني ماضٍ في دفوعاتي، والحمد لله حتى تاريخ كتابة هذه المداخلة لم أخرج من هذا الوعد، ولن اخرج..
فيا أصدقائي/تي ومن يهمه الأمر من حادبِ عليّ / عليها غير شمشار، ترك هذا الأمر هكذا "باركوها" مُضِر لكلينا، فنحن يا سادتي لم نختلف حول بيعة خاسرة، عشان نباركها، أرجع ليها ألفين لأنو سعر السوق عشرين ألف، وإنت بعتها ليها بي تلاتين ألف، الأمر يا أصدقاءها الحادبين يتعلق بمصداقيَّة، هل فيكم واحد ممكن يساوِم بمصداقيته، ويقبل بمصداقية إلا ربع عشان نباركها؟؟ ووالله العظيم ثلاثة، ولا حتى الأمر شخصي بالنسبة لي كما تحاوِل أن توهمكم تيسير وغيرها من الذين قرأوا الأمر بإبريق فرانكلي، كالصديعة سارة التي تطالبني مرة بالإعتذار لتيسير، ومرة بقبول إعتذارها، أي منطق هذا؟؟ والجووطة فوق كم؟؟ ما نحن حبايِب، طقة بي طقة وكفى الله القوم شر الجدال؛ تيسير لم تأتيني لتعتذر، ولم تكن أصلاً في حوجة للإعتذار، تيسير أتت لتبرر، وبررت الماء بالماء.. هل تعتذر عشان قالت: لا إحترمك، وأنا حقيقة كتبت كلام غير محترم؟؟؟ هل هذا يحتاج إعتذار منها؟؟ ولّ مفروض انا أقدم ليها إعتذار مع بقيَّة القراء؟؟؟ ولّ جاية تعتذر عن عدم إحقاقها الحق وعدم مصداقيتها في تناول الأمر بإدانتها للفعل ورد الفعل؟؟؟ طيِّب! لو دايرة تعتذر عن الفعل ده، مكانو وين؟؟ ماسنجري الخاص؟ وهل لو كتبت تيسير متأسفة وبحكم كميَّة الأصدقاء المشتركين قبلت إعتذارها، هل إعتذارها في الخاص سوف يزيل عنها صفة عدم الأمانة وعدم المصداقيّة؟؟؟ يا ناس، أنا لما سألتها إنتي دايرة تعتذري عن شنو ؟ ما كان عبط مني، كان من أجل الدِقة.. أنظروا لقولها الذي اكدته راويّة: "إنو أصدقاءها المشتركين قالو ليها ما مفروض كان تجيبي موضوع عدم إحترامك ليهو وتخلي رأيك زي ماهو" ديل أصحاب شنو؟؟؟ البقولو ليك إعتذري عن كلامك الصاح، وخلي عدم أمانتك وعدم مصداقيتك كما هي؟؟؟
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
تيسير عووضة..
Quote: أعزائي القراء ..
ياخ معليش والله وأمسحوها لي في وشي أنا عارفة إنكم ما ملزمين إنكم تقروا نقاشات شخصية لكن حاولنا نعمل تسوية ونحلها بعيد بعيد زولكم دا أبى فمعليش وحقكم علينا وإستحملونا شوية |
كلامك ده تدليس الأمر ده ما كان أمر شخصي، كان أمر عام في منبر عام، إنتي من اتى به لخاصتي.. إعتذري للقراء بطريقتك، لكن لا تحشريني بإعتذارك.. مين قال نقاشات شخصيَّة؟؟؟ هل أنا كان عندي معاك نقاش شخصي ؟؟؟ كان نقاش عام وإنتي من حشره في خاصتي..
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: تيسير عووضة)
|
Quote: من يأتيني بالمنطق ويقنعني به، أقتنعت له، وسبيلي هو المنطق، |
منطق شنو ياخينا وين المنطق في الاستشهاد بي صورة رسالة مسنجر من نجر اجتهادك الشخصي قد تحتمل الخطا والصواب؟؟
يجب ان تبحث عن اسباب اخرى اكثر معقولية لتخسر اصحابك..
مرة واحد من اصحابي فلقني بي كتاب عشان بت ليست مهمة..وعمل فيها زعلان مني وانتشر الامر في الجامعة.. عشان القى ليهو تبرير معقول معقول مشيت شحدتا حبيبتو..
فقال الناس عزيز شحد حبيبة صحبو فقام خسرو..
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
طالما تيسير قالت أصحابها عارفين موضوع المكالمة والمكالمة ما سِر، إليكم تفاصيلها المملة.. يوم 7 ديسمبر 2008 بعد ثلاثة أيام بالتحديد من بوست تيسير جائتني إضافة من [email protected]، والإسم العليها تيسير حاجة كده، ركزت في كلمة تيسير وقلت يا ربي دي تيسير منو ولقت إميلي من وين، لأنو بعرف كم تيسير كده في الدنيا، أبداً ما جات في خاطري تيسير عووضة لأنو أنا أصلاً ما بعرفها، إضافة لرأيها الصريح الكتبتو في بوست حدادي مدادي، بعد ساعة تقريباً غيرت الماسنجر من أوف لاين لي اون لاين، جاتني رسالة "هاي"، إسم تيسير الشفتو قبيل داك إتغيَّر، قلت ليها هاي، ما سألتها حتى عن إسمها مني، منتظر الزول الأضافني ده يعرفني بي نفسو، سألتني معاك مايك؟؟ قلت ليها يس معاي مايك، رسلت دعوة لمكالمة وقبلتها، قالت لي عرفتني؟ قتل ليها ما عرفتك والله، قالت لي بي شفتنتك في النت دي كلها وما عرفتني؟؟ هنا ختيت إحتمال إنها تكون تيسير عووضة، قلت ليها بعرف كم تيسير، وقدر ما حاولت أخمن دي ياتو تيسير ما عرفت، قالت لي أنا تيسير عووضة؟ قلت ليها شنو؟ لو كان جاني ظن ساكت ممكن تكوني تيسير عووضة ما كان قبلت الإضافة دي، قالت لي: ليه، قلت ليها موش إنت كتبتي لا إحترمك يا ياسر؟ البخليني إتكلم لي مع زول ما بيحترمني شنو؟ - صوت طفل بيبكي- قالت لي دقيقة، قطعت المكالمة، وعاودتها بعد خمس دقائق تقريباً، من هنا بدأ التبرير، قالت: بالمناسبة أنا ام يا ياسر وما تنسى إحساس الأم وتراجي أم، صدقني لو الكلام ده كتبو (فلان) ولّ (فلان) ولّ (فلان)، انا ما كنت فتحت بوست أساساً لأنو ديل أنا ما بحترمهم، ولكن الكلام ده ما بقدر أقولو في البورد، قلت ليها: إنت زولة ما أمينة، وغير حقانيَّة، نعم أنا كتبت كلام كعب كرد فعل، وأنا عارف كلامي غلط، وأصحابي ذاتهم لو قالوا لي ياياسر كلامك ده صاح، انا ذاتي ما بحترمهم، قلت ليها الناس الحقانين أدانو الفعل ورد الفعل، وحتى ذكرت ليها إسم واحدة من صديقاتها قلت ليها فلانة دي أنا بحترمها جداً لأنها زولة حقانيَّة؛ قالت لي: أنا والله ما كنت فاهمة كلام تراجي لامن أبوي شرحو لي، وقال لي إنت ظلمتي ياسر طيفور، وكلام تراجي لي ياسر طيفور بتفهم زي كلامو ليها؛ لكن إنت يا ياسر كترتها، الكلام ده لو قلتو لي حيطة كان إتهدّت، والبشرط دمورك ما تشرط حريرو، والبقد عينك، قد عينو ما تكتلو ووو جاني تلفون، قلت ليها دقيقة، المكالمة كانت طويلة شويّة، لما رجعت للكمبيوتر لقيتها مافي.. رسلت ليها الرسالة التالية:
Quote: تيسير عووضة سلام لقد حيرني أمرك والله، وما كنت لأكتب لك هذه الرسالة لو لا أن مشيئة الله قدرت ووضعتني في ذلك الموقف غير المحسود عليه، هو أن أتحدث مع من قال بملء شدقيه على رؤوس الأشهاد: لا أحترمك، فماذا تبقى للمرء لكي يقول؟؟ لا شيء، خاصة حينما يؤكد المرء عدم إحترامه حتى يسمع من به صمم، وكنت أظنك تعنين ما تقولين وتقولين ما تعنين، جفت الأقلام ورفعت الصحف. المهم، تمامة لما إنقطع من حديث، ما كان لك أن تبرري الماء بالماء، فأنا لا أستحق تبريرك، إحترم عدم إحترامك لي بكامل الرضى، وإن كنت لا أعلم ما كان لك من إحترام لشخصي حتى تبتزيني به، فالحمد لله إنك لم تعلنيه من قبل وجاء لتأكيد عدم الإحترام؛ فلا أنا ولا أنت سنضيف لبعضنا شيئاً، أونطرح..فلم أرد لك في بوستك حينما سألتني لنفس السبب.. ___ فعلى كلٍ يا تيسير لا إتكسرت القزازة ولا إتدفق الفيها، أرجو أن تمسحي إسمي من ماسنجرك، وأن لا تردي على هذه الرسالة |
فردت عليّ بالرسالة التاليّة:
Quote: لم أشعر بحجم الأذى الذي سببته لك إلا أمس من طريقة نقاشنا موقفي من كلامك لايزال كما هو إعتذرت لأن "أسلوبي" في معالجة خطأ ما كان غير لائق ولم أنتبه لذلك غير أمس عندما تحدثنا عن بذل النصائح بصورة علنية كما أنه ليس بمثابة تراجع عن رأيي فيما حدث فأنا لا أعتذر عن آرائي بل عن الطريقة التي تم بها عرض الرأي هذا كل ما في الأمر ومرة أخرى تقبل أسفي على الأسلوب الجارح فمن يريد الإصلاح لا يجب أن يخرب سوف أقوم بمسح الإسم من الماسنجر كما طلبت ولن أزعجك مرة أخرى وعيدك مبارك |
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
Quote: كالصديعة سارة التي تطالبني مرة بالإعتذار لتيسير، ومرة بقبول إعتذارها، |
تقبل الاعتذار لانو نفسها طيبة واعتذرت عن موضوع انتهي زماااااااااااااان... وتعتذر ليها لانك عارف انو بي البوست الفتحتو دة بتدي ايحاء انو تيسير كضابة..من حقك تشوف انها كضابة لكن ما من حقك قناعتك دي تنشرها هنا وعارف انها ممكن تثير التساؤلات للناس القاعدين علي الهبشة... وموقفك ضعيف بعد مداخلات هشام لانو هشام ما الزول العوير الداير واحد يناصرو..هشام عارف انو ممكن يكون رسلا.. خلاص انتا مالك؟؟؟
يعني انتايا ياسر بي صراحة عندك هدف من البوست دة...انتا صاريها لي تيسير من الزمن داك ومنتظرها تقع عشان تسل سكينك؟؟
الكلام دة ما صاح منك وكدة بتدي انطباع ما حلو عنك...
ما تنسي ياخ.... انتا يا ياسر جاي تقنعني انو عمرك ما غلطتا في حق زول قبل كدة؟؟؟ اكيد غلطتا واحتمال تكون اعتذرتا وغالبا قبلو اعتذارك...
انا بقول ليك الكلام الببكيك ما الكلام البيضحكك..لمودتي التي تعرف.. ياسر طيفور... كترررررررررررتها...
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
Quote: تقبل الاعتذار لانو نفسها طيبة واعتذرت عن موضوع انتهي زماااااااااااااان... وتعتذر ليها لانك عارف انو بي البوست الفتحتو دة بتدي ايحاء انو تيسير كضابة..من حقك تشوف انها كضابة لكن ما من حقك قناعتك دي تنشرها هنا وعارف انها ممكن تثير التساؤلات للناس القاعدين علي الهبشة... وموقفك ضعيف بعد مداخلات هشام لانو هشام ما الزول العوير الداير واحد يناصرو..هشام عارف انو ممكن يكون رسلا.. خلاص انتا مالك؟؟؟
يعني انتايا ياسر بي صراحة عندك هدف من البوست دة...انتا صاريها لي تيسير من الزمن داك ومنتظرها تقع عشان تسل سكينك؟؟
الكلام دة ما صاح منك وكدة بتدي انطباع ما حلو عنك...
ما تنسي ياخ.... انتا يا ياسر جاي تقنعني انو عمرك ما غلطتا في حق زول قبل كدة؟؟؟ اكيد غلطتا واحتمال تكون اعتذرتا وغالبا قبلو اعتذارك...
انا بقول ليك الكلام الببكيك ما الكلام البيضحكك..لمودتي التي تعرف.. ياسر طيفور... كترررررررررررتها... |
سارة ياخ والله ماعارفة اوديك وين ياسر بالمناسبة الاسبوع الفات وقبل حتى بوست ود الباوقة كنت مع تيسير في ابوظبي وكان موضوعك دا في أجندة حوار جميل وطويل بيني وبينها وقلت ليها وجهة نظري القلتها هنا في البوست دا لكن إنت هسة بعمايلك وإصرارك الغريب دا وعنقدتك وفتح البوست دا تحديدا وإتهام تيسير بتزوير الرسالة حيرتني حيرتني عدييييل
______________ ياخ أنا هسة متحسسة وماقادرة حتى أتصل بياسر أخوي قبل كل شي وصديقي البعزو وبريدو وبحترمو عشان بس ماتتلخبط الحاجات عليك الله إنتهي من الموضوع دا وبسرعة وبالطريقة البتريحك خلي يرجع لينا ياسر البنعرفو
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: rosemen osman)
|
Quote: النصيحة لله ...خوفتونا والله يا ناس سودانيز ... الزول بتعامل بحسن نية وما قايل الناس بتشيل فى نفسها قدر دا وتمسكه وتحفظ التفاصيل بالشهور والسنين علشان تجى تزيعه على الملأ وكل الشفناه اليومين ديل ... يعلم الله القلتو أمس ما بكون مذكراه |
أنا ما نقلت أمر خاص، ولا كان بيني وبين تيسير أمر خاص، هذا حوار أجبرت عليه، وحُشِر في الخاص، تيسير نفسها ذكرت بعضاً منه، وقالت هو أمر ما سر، وما كان له أن يكون أصلا في غير موضعه، لوإمتلكت الشجاعة.. هذا كل ما دار، هل هذا إعتذار؟ وهل فيكم من يرضى بأن يوضع في موضع الرافض للإعتذار لأنه فقط لا يريد الإعتذار؟ أو لأنه يريد أن يتحرش بها ويضايقها كما قالت؟؟ أنا دخلت في بوست لنا مهدي حينما كانت تصف فيه تيسير بالصدق والشجاعة و و و، تاني ما تداخلت معها في أي بوست آخر، ولكن حينما فتحت بوست النفاق، تداخلت و قلت لها: هل النفاق هو إظهار خلاف ما نبطن، ولّ عندو تفسير تاني؟ ومن ثم تداعّت البوستات تباعاً..
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
يست تيست تيست .. واحد اتنين تلاااتة .. ون تو ثريييييي ون ون تو تو ثري ون تو تو ون تو ثريي.. اوففف اففففف افففففف.. طق طق طق طق .. ارفع الزر لي فوق يا عمر الفيهو أون اوف .. ايوااا بس كده شغال .. بسم الله الرحمن الرحيم .. ابائي المعلمين .. إخوتي الطلبة .. والله انا عندي احساس كده وفكة في روحي من النوع اللطيف وانو كل بوست بخش فيهو بيكون عندي فيهو لمسة ما جميلة تفرتق البوست وتقوده لعوالم اخرى لا علاقة لها بي الموضوع الأم (دي زي البيضة الأم).. شايف البوست ده من زمااان وما حبيت اتداخل ( دي وهمة منبرية والله ولااا جايب ليهو خبر لكن اهو دي حركات ناس كده ..) وبما انني واحد من اشهر الشمشارين في المنبر ومن اكثرهم محبة لإثارة الفتن والتمتع بها كان لابد لي من وضع بصمتي في هذا الدلو (ولا هي بيقولوها كيف بتاعت الدلو ديك؟) اولا وتانيا وتالاتا لا ياسر لا تيسير بيني وبينهم مسنجرات خاصة عشان كده جيت ادلو بدلوي (احححححي ظبطت كده..) ولو كان الموضوع فيهو ناس ناس كده كنت عملت حمد لبد بافتراض السترة والمسنجر متباريات وان شاء الله يا ناس هناية يوم شكلنا ما يجي او يجي لكن وقتها تقوموا يا ناس هناية تنسو البوتجاز مولع وانتو بتعملوا في البخور ويقووم كده يحرق ليكم كمبيوتراتكم مع بعض من الاسكيرتات والبلوزات وشنطة الميك اب اضافة لي جوابات غرامية من سنة اسكت .. اها النديكم النجيضة وبدون حركات صاحبتي وصاحبتك وخزلت فيك وخزلنا فيك ويا لك من تفة ويا لي من اعتذرت وسجل لي وووب انا سجل الريدة سجل لي دهب امك .. والله ياسر ده انتو شانين عليهو حملة ساااااااااااي ومن لا شئ .. حشرتو روحكم في داقوسو وقلتو ليهو لديك غرض مع انو من قولة تيييت وفوووق قال ليكم انا ما عندي غرض .. اها جيتو لولوتو الموضوع وفتلتوهو لحددددددددي ما طلعتو الغرض بي الرجااااالة كده ذكرتوني دكتور محمد عبدالله الريح قال مرة سايق عربيتو في حتة ما بيعرفا وين لقا رجال كبار بيلعبو ضمنة .. قام من راااسو كده نجر ليهو اسم زول (عوضين الجاك) وقام وقف عربيتو سالهم وقال ليهم بتعرفو عوضين الجاك؟ طق واحد خت الضمنة ومشى عليهو قال ليهو الزول ده شكلو قيف؟ قال قمت اديتو ليك وصف السودانيين العاام داك لا قصير لا طويل لونو اسمر كده شعرو حبة .. المهم زولك بقا يسالني ويسالني ويسالني وفي النهاية ركب معاي العربية ولفينا في الحلة لحددددددي ما فعلا طلعوا لي واحد اسمو عوضين الجاك من وين مااااا بعرف !!! اها ديل انتو ديل جيتو سكيتو ياسر ده من وين ما بعرف لمممن طلعتو الكمونية والدكوة كلها .. ياسر ادلتو القالها دي مية المية الايميل شغالين فيهو ودي ما دايرة درس عصر بس الشغل الفيهو ما شغل تزوير بقدر ما هو شغل حق زول عايز يأكد للناس بدون ما يكون في ثغرات للتشكيك بافتراض إنو تعب شديد عشان يقنعهم بي انو في ايميلات داخلية .. طالما تيسير محتفظة بي المسنجرات الداخلية في ملف وورد فقطع شك انها ما حفظتها في شكل صورة (خصوصا اذا كانت ما متخصصة كمبيوتر لانها عملية طويلة وفيها برينت اسكرين وكوبي بيست وتقطيع ما لم يكون بيوريها زول..) يبقا هي بتحتفظ بيها ااز تيكست بس لمن احتاجت ليها قررت تعملا في شكل مسنجر كامل وبالتالي طلعت الاغلاط دي .. محتوى الرسالة ما فيهو اييي عيب وما معدل وما مزيود ولا منقوص حرف بس صدقوني الكوبي بيست ما بيعولق ولا بيغير الرسومات لكن يبدو والله اعلم انو تيسير استعانت بي سمكري ادوب فوتو شوب عشان يضع المحتوى في القالب الصحيح وده اللي جاب ثغرات منطقية من ياسر.. اها بي قدرة قادر وتوشك توشك الموضوع اتقلب من مسنجر وادوب لي مجموعة مصفقاتية لا تحتاجهم تيسير فهي يبدو انها قاادرة ترد وتدافع عن وجهة نظرها فجاء الثعالب بسمتاً في شفتيها (ولا هو داك اسماعيل؟) المهم استفزو ياسر وواله ووالله ووالله معظم الناس اللي جات كتبت نأسف لهذا الذي يحصل بينكم يا ياسر وتيسير والله مبسوطيييييين ومستمتعييييين (غايتو انا عن نفسي مستمتع) والواحد منهم بيكون منتظر رد ياسر وتيسير بي فارق الصبر والعجب لو طلع من نوع يوجد مسنجر ويوم قلت لي ويوم قلت ليكوضربت لي وضربت ليك بينما المداخلات من نوع يا ياسر اعتذر لك ويا تيسير قبلت اعتذارك بتزهجهم وتقفلا معاهم .. ياسر ليهو حق يزعل ويطرشق من تيسير ووالله ووالله بي مبدأ التفكير الزكوري التقليدي دااك عااااااافي منك يا ياسر دنيا واخرة لانو الزول البيقولوا ليهو ما محترم ده انا متاكد بيكون وقتها سرح في امو وابوهو وكيف انو الكلام ده هبشهم هم ووالله بيفقدك اعز صديق خليك من عرفة نت تزول بزوال المؤثر في كثير من الاحيان !!! العفو عند المقدرة ده موضوع تاني ومن حق ياسر يقبل او يرفض فما تجي الناس تزحمو ساي بي اقبل.. لحددددي اسة ما شوفت لي زول جا لام تيسير على كلامها مع انو تيسير ست الحق اكتر زول بيأنب نفسها على غلطتها لكن المطبلاتية كلهم شابكننا نحن نعرفك يا تيسير وتيسير وما ادراك ما تيسير شغالين بي مبدأ انصر اختك ظالمة او مظلومة .. انا لست بغرض فتح باب جانبي للنقاش مع تيسير ولا عايز اقيف في صف ياسر ضد تيسير وتيسير النصييحة كفت ووفت والعندها كمل وزي ما قالت اي كلام لي قدام حا يكون مكرر بالنسبة ليها .. تيسير جات ونشرت كلام هشام بعد مااا ولدت الناس ولااادة وكلللللهم كانوا متشمرين ويمووتو ويشوفو هشام قال ليها شنو ولمن نزلتو الناس هااجت في هشام وما لامت تيسير مع انهم كانو بيترجوها ترجججي نزززليهو نززززليهو .. اسة ياسر عشان ما حنستوهو وقام برااااهو كده نزل ليكم كلامو مع تيسير عملتو فيها الشريف الرضي؟؟؟ اجي ياااااااااااااااااا بري!!!!؟؟؟ اسة لو ياسر كان عذبكم ومرمطكم وقال ليكم لدي ما يثبت ان تيسير تحرشت بي وان تيسير هاجمتني وان تيسير فعلت لي كان جيتو بكيتو ليهو بكا يا سر ارجووك نزل الكلام.. ياسسر لا تتكلم من فراغ وهات بي البراهين .. ياسر نحن نعرف تيسير ولا يمكن لتيسير ان تفعل مثل هذا .. سيبو النفاق البتسوو فيهو ده الله يرضى عليكم وخليكم حلويين كده وواضحيين شمشارين زيي كده وما تدسو الشمشرة .. عن نفسي اعرف كل خبايا وكواليس سودانيز اون لاين البي تحت ولو احتج ليها في الوقت المناسب بجي اطرشا ليكم هنا زي السلام عليكم .. ارررررررررششششششششششششششششكم ؟؟؟؟؟؟؟؟؟؟؟؟ حييييييينا قلبكم اتقطع مش؟ والله لا خبايا لا يحزنون ما تخافوا لكن اسهل شي في الدنيا دي الاشاعة عبر النت وممكن بكرة بكرة دي اجي اكتب ليكم موضوع عن فلانة وحا تصدقوهو ولو ما صدقتوهو حا تحتفظوا بيهو في السنام عشان ممكن تحتاجوا ليهو بعد فترة وتقولوا ليها : حيييييييييييينا نسيتي ؟؟ يوم عمر كتب ليك داك ؟؟ مااااااااااا تعملي لينا فيها الشريف لارضي نحن عارفين عنك كلللللل شي.. وزي ما بيغني الاستاذ الموسيقار احمد بوتسودان : انت لي اييييي شي.. انت لي كللللل شي.. خلاصة ما بين ياسر وتيسير.. ياسر اتهم في دينه وسب بي سبة ما بيحسها الا هو انو زول ما محترم .. تيسير حست بي الغلط اعتذرت .. رفض ياسر الاعتذار وفي جواهو غبيينة وليهو حق.. حاولت تيسير تنزل حمل تقييل من روحا لانها بت ناس وعارفة يعني شنو لمن تهين ليك زول .. يظل الاساءة لي ياسر هاجس لي تيسير.. وتظل اساءة تيسير هاجس لي ياسر.. حا يجي يوم ما حا يحلوا مشاكلهم دي براااهم بعيدا عن عيون الشمشارين من نوعية عمر الفاروق وهناية بت هناي ال هناي.. ياسر مبدئيا لا يصفي في حسابات .. تيسير حاليا لا تود استرجاع الماضي.. هتفت امل العرس العرس.. هتف بدر الفلس الفلس.. زعلت امل .. وضحك بدر.. قررت امل تتزوج عرفي .. وقرر بدر تبني كلب من دار هانوفر .. وعلييكم الله ما شفوتو ؟؟ بري بري ماا شوفنا عندو فلجة ما شوفتو ؟؟ بري بري مااا شوفنا والليييييلة تتشري.. يا اللابسة موووضة ..تتشري.. يا العاااملة كوووزة تتشري.. وهااااك هااااااااااك البجغلي ده ..هاااك هااك البجغلي ده .. صفقققققققققة والما بتصفق ان شاء الله ماااااا يعرسوها والمعرسة ان شاااااااء الله يطلقوها .. غنتو الحفلة دي ما فيها فلاتة ؟
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
سارة بت علي:
Quote: اقرم من التورتة دي..
|
Quote: ودي حقتي براي ومافي زول يمد يدو.. |
يبقا ما بتعرفيني يا سارة ياخ .. انا ما بشيل الكرتة والله .. ماتشوفيني نفسي عزيييزة والله .. وزي ما قال القدال: كملت كووتة التمباك بلعنا الجررررة .. اها انا ما من البييبلعو الجرة.. بعدين ياخ انا عامل رجييم وتورتتك دي فيها 42 سعرة حرارية .. والله يا سارة ما خرمجة وكلامي فيهو ثغرات ما بيناتنا لكن ياسر ما غلطان وما قال كلام معيب.. تيسير غيرت في المسنجر مش غيرت بس لالالا تيسير شالت الكلام ولصقتو في مسنجر .. تيسير ما كانت محتاجة تجيب المسنجر اصلي كان ممكن تكتفي بي وضع كلام هشام في كوت وخلاص .. لكن تيسير اصرت تقدم المسنجر بي صورة حقيقية وواقعية .. تخريمة : تورتتك دي ما معاها شاي؟ اكلا ساااي ناشفة كده؟
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
تيسير يا عووضة : سلامات .. وياخ اهلا ومخاطبة مباشرة عشان ما تحسي كل مرة اني بجيب ليك الكلام بي فوق فوق.. كلامك صاح والكوبي بيست العادية بتشيل المسنجر بي الوانو ورسماتو(يبدو انو اكتر من رسمة منفصلة ) لكن زي ما شلتيهو كوبي بيست رجعيهو بيست كوبي زي ما هو خصوصا في حكاية الخطوط دي.. ياخ نقوول ياسر شكك في مصداقية التغيير وين المشكلة ؟؟ مش حق مكفول ليهو ؟ وحقك تبرري وتدافعي ان لزم ونحن كلللنا بافتراض واعيين وفاهميين(استثني سارة من الوعي ده).. تيسير معليش عندي ليك سؤال خارج النص انتي بتحفظي كللللل الايميلات ولا ايميلات محددة ؟؟
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: تيسير عووضة)
|
للجميع:
السبب الذي دعاني لفتح هذا البوست لقد قلته لصديق مشترك بعد أول مداخلة، قلت له أنا لا أريد أن أكذب الرسالة نفسها، وقد اوضحت ذلك بقولي في مستهل البوست" أنا لا يهمني محتوى الرسالة، ولكن لي ملاحظات حول الجزئيَّة المصورة من الرسالة" وقلت له إعتراف صاحب الرسالة هو بمثابة قول جُهيزة، حيث لا حديث بعده، ولكن يا صديقي ما يحدُث بالماسنجر يظل به، وحتى لا تصير الماسنجرات حُجة لنا أو علينا في المستقبل، وهي قابلة للتعديل، وليس بيِّنة، ولماذا حكم الناس لها بعد إنزال صورة الرسالة وهي ليست بيِّنة؟ وماذا لو حصل نفس السيناريو في المستقبل وأنكر المدعى عليه بعد إنزال رسالة مصورة كما حدث؟
ووالله ما كنت لأزيد حرفاً واحداً لو أقرّ لي الجميع بحق التشكيك والتساؤل، ولكن وجود هيئة دفاع تبني دفوعاتها على الصداقة والشللية، ومن ثمّ محاولات تيسير من وصفي بـ"الغرض مرض"، وإعتذرت له ولم يقبل، ولماذا تضايقني؟ وما تلاه حديثها من أدلة كاذبة، أومبتورة، قليلها صحيح وكثيرها تدليس، لما وصلت معها لهذه النقطة، ولم أضع ما دار بيننا من حوار صوتي ومكتوب، وما كنت أصلاً راغب فيه، ولكنها قالت إن أمر المكالمة ليس سر وما تلاها من رسائل، أصدقائها يعرفونها، وإستشهدت بمن شهد لها بذلك، وكان علي لزاما أن أنزله بنفسي حتى يطلع عليها من علمه منها ومن قرأ مقتطفات منه أنزلتها تيسير، ويروا بأنفسهم؛ وأنا أصلا لا إعتبر مادار بيننا من كلام ورسائل امر خاص، لأن الأمر الخاص هو للخاصة، ولم تكن تيسير من خاصتي ولم أكن من خاصتها، وإنني إعتبرته مواصلة لحوار عام في مكان عام.. وحينما كتبت : Quote: صدقني لو الكلام ده كتبو (فلان) ولّ (فلان) ولّ (فلان)، انا ما كنت فتحت بوست أساساً لأنو ديل أنا ما بحترمهم |
لماذا لم أضع أسامي ثلاثتهم وإكتفيت بفلان وفلان وفلان؟؟؟ سؤال ليس للإجابة..
فبعد ان أثبت الذين ليس في قلوبهم مرض، بأن حق التشكيك مكفول لمن يتشكك، وأن ما عُرض من أدلة يمكن تعديله وتوجيهه، وطالما هنالك أشخاص يتضررون من المواصلة ورفع البوست لأعلى، سوف أرفع يدي عنه، وإن كان لدي ردود كثيرة لكل المتداخلين فرداً فرداً، كل حسب ما أدلى به..
خلاصة: من اليوم وصاعداً، مافي زول/ة يجينا يقول فلان كتب لي في الخاص وكتبت ليهو، ما يحدث بالماسنجر يظل به، وأي خصام ماسنجري آتٍ، مرده لصاحب الحوش..
والسلام..
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
ياسر طيفور
أنت فاكر نفسك في أدب خانة وهذا قد يكون صحيح فما فعلته تفوح منه رائحة الفتنة بين أثنين وهي أشد نتانة من الأدب خانة
يا راجل يا عديم الموضوع
هسّع عملت البوست عبارة عن تجربة لتوضيح أنّ الماسنجر لا يصلح كدليل
يا راااااااااجل
إنت لو عندك قنبور وبليد ما تفتكر الناس زيّك
يعني تجي جاري وتقول وجدتهااااااا
وترمي في هبالتك وبلادتك وجهلك
وترمي بالفتنة بين أثنين ولو لا لطف الله وتنبيه العقلاء وأنّ الإثنين أوعى من أن يقعوا في مثل هذه الفتنة الساذجة
لكان لها من الأثر البليغ على الإثنين والمنبر كلّه
لكن الحمد لله جات منّك يا ياسر طيفور
فأنت جد معذور
كمال
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
تيسير: لالالالا حاشاك والله .. عن نفسي اسوأ حاجة ممكن تخليني اكره لي زول ولو بقا تاني قبلة ما اقبل عليهو لو بس قال لي يا عمر انت كذاب!!!!!! ياخ دي حاجة شيينة خلاص لمن تكون عارف نفسك ما بتحب الكذب ويجو الناس يقولوا ليك كذاب.. ياسر قالا من البداية وما اظن قال كذابة بس وضح اختلافات ... انا عن نفسي ما من حقي اصلا اصلا احدد كذبك من مصداقيتك لانو دي حاجة حقتك وحقتك انتي وبس.. صدقيني حا نطلع بي سلااام وسلام شدييييد وانتي ست العارفين البينا على قدر حبوبيتا(دي من حبة يا ناس اللبط عشان تقروها شي تاني) فهي اكتتتر من عامرة ولا تشوبها شائبة زيي قلبي ده بالضبط:) يا ستي نقفلوا بس عليك الله ما تظلمي ياسر ده معاك ساي والقصة ما تصفية حسابات صدقيني انا ما بعرف ياسر لكن ظااهر عليهو حتى من ردودو الجاافة ليك من خلال ما نشر فهو زول ما بتاع لولوة ولا بتاع حركات وتشويه سمعة او اشانتها والله ما بعرف ياسر لكن كل كتاباتو بتوضح انو ما ممكن يكون من النوع الانتي اتوقعتيهو اسة .. يازولة حبابك وزي ما قال المثل: ربة صدفة لم تلده امك ..
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Amin Mohamed Suliman)
|
أمين وعليكم السلام ورحمة الله وبركاته
سأظن بك الخير وأنّ مداخلتك جاءت عن حسن نية
أولا أنا لا أنبّد مثل هذا المتهافت ولا يستحق مني أن أنزل لدرك لغته السمجة والمبتذلة
بين مداخلتي قبل الأخيرة والأخيرة أكثر من ثمان ساعات وقد كانت فعلاً أخر مداخلة أدليت بها
ولكن تداخل هذا المتهافت بنفس اللغة في بوستي عن مشاهد عن الخرطوم
ولذا كلت له الكيل بخير منه وانزلت مداخلتي أعلاه هنا فانا لا أكيل بكيله المنتن ولغته المنتنة
فإن كان لك قول يا أمين فلا تساوي بين لغتي ولغته وكلماتي التي تتناول البوست وكلماته التي تتناول الشخصي
هذا المتهافت يظن أن السكوت عنه ضعف وهوان
ومعاذ الله أن اضعف أمام أمثال هذا المتهافت
لغته "الأدب خانية" لن تسكت كيبوردي
وكن بخير
كمال
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
Quote: Quote: Get lost. Loser & Get a life |
You have not answered my question.. the question is: يا متأسلِم ماهو حكم من يأخذ إعاشَّة شهريَّة من ما جمعته الدولة من ضرائب من بينها الخمر والميسر؟؟؟ ___ I will keep chasing you untill you hide in your old dirty and rusty " a$s-washing-pot", you heard!
a$s-washing-pot تعني إبريق دخلت الإنقليزيَّة قبل إسبوع وسوف تدخل الألمانيَّة بعد أن تتوفر لها الترجمة المناسبة، وحتى نسهل للدولة الألمانيَّة التعرف على بعض الأواني الإسلاميَّة طالما الدولة في طريقها للإعتراف بالديانة الإسلاميَّة ودعمها.. |
Looooooooooooooool YasirGanboooooooor
U R Not Only The Biggest Loser But Also The Dumbest
U R Stands For Unideaed Reptilian
| |
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: نادية عثمان)
|
الأخت الفاضلة نادية عثمان
تحية طيبة وتقدير
أولاً أحب أن اوضّح لك أنّ مداخلاتي في هذا البوست الغير موضوعي ياتي كنتيجة وكردة فعل وليس استباقاً
فأنا لا أسعى للمهارتات والإسفاف واحيد عنها بقدر ما استطعت من قوّة
ولكن هناك أمور تفرض عليك فرضاً ومداخلاتي هنا واحدة منها فبعض الصبية الهلافيت عديمي الموضوع يظنّون أنّ إعراضنا عن مهاتراتهم إنّما هو ضعف وهوان
فيا أختي كما يقول المصاروة
احنا اللي ضربنا الهوا بوية ولبّسنا الشمس نظارة وعبّبينا البحر ميّة
يأتي هلفوت مثل YasirGanboor ليتقنبر علينا؟؟؟؟؟
غني عن الذكر أنّ مداخلتي هنا يقصد بها أي من الأطراف الإخرى غير المتهافت YasirGanboor
أنا شخصياً أعطي نفسي كامل الحق في ردّة الفعل المناسبة بالطريقة المناسبة في المكان المناسب الذي أراه أنا, وبطبيعة الحال لن أتداخل في هذا البوست بعد الأرشفة أو أن يطالب صاحبه بحذفه الآن
تحياتي وتقديري كمال
| |
|
|
|
|
|
|
|