عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات..

Quote: ليه ياحيدر نشرت الايميل الخاص بتاع تيسير بالرغم من إنه الاتفاق كان إنك تتطلع عليهو بعد ترشيحك برضا الطرفين وتجي تقر بالحقيقة فقط (يعني ماكان مطلوب منك تنزله والا كان من باب اولى تنزلو صاحبة الشأن بنفسها)؟(كمال عباس نفذ الاتفاق كما يجب) مدياك البنفت اوف داوت في إنك نزلتو بحسن نية لكن برضو عاوزة اعرف وجهة نظرك

Quote: الصورة دي لزول معانا هنا?

Quote: وبي مناسبة البوليس دي الروري عندكـ لكن!

Quote: الروري اليروريرك يا ود الصائم هههههههههههه

Quote: في بوست لنا مهدي عن تيسير تم حوار إختتمته تيسير بعبارة لو غلطت على زول تعتذر ورجلها فوق رقبتها وإعتبرته إعتذار أخر لياسر

Quote: أبو الشوش يا عمكـ! ما سمعت بالشاعر الروري دودو بي .. سواقو عبد الحي أو كما قال!

Quote: ابو الياء لسه ما صحى من النوم ولّ شنو؟

Quote: أعزائي القراء .. ياخ معليش والله وأمسحوها لي في وشي أنا عارفة إنكم ما ملزمين إنكم تقروا نقاشات شخصية لكن حاولنا نعمل تسوية ونحلها بعيد بعيد زولكم دا أبى فمعليش وحقكم علينا وإستحملونا شوية

Quote: من يأتيني بالمنطق ويقنعني به، أقتنعت له، وسبيلي هو المنطق،

Quote: تيسير عووضة سلام لقد حيرني أمرك والله، وما كنت لأكتب لك هذه الرسالة لو لا أن مشيئة الله قدرت ووضعتني في ذلك الموقف غير المحسود عليه، هو أن أتحدث مع من قال بملء شدقيه على رؤوس الأشهاد: لا أحترمك، فماذا تبقى للمرء لكي يقول؟؟ لا شيء، خاصة حينما يؤكد المرء عدم إحترامه حتى يسمع من به صمم، وكنت أظنك تعنين ما تقولين وتقولين ما تعنين، جفت الأقلام ورفعت الصحف. المهم، تمامة لما إنقطع من حديث، ما كان لك أن تبرري الماء بالماء، فأنا لا أستحق تبريرك، إحترم عدم إحترامك لي بكامل الرضى، وإن كنت لا أعلم ما كان لك من إحترام لشخصي حتى تبتزيني به، فالحمد لله إنك لم تعلنيه من قبل وجاء لتأكيد عدم الإحترام؛ فلا أنا ولا أنت سنضيف لبعضنا شيئاً، أونطرح..فلم أرد لك في بوستك حينما سألتني لنفس السبب.. ___ فعلى كلٍ يا تيسير لا إتكسرت القزازة ولا إتدفق الفيها، أرجو أن تمسحي إسمي من ماسنجرك، وأن لا تردي على هذه الرسالة

Quote: كالصديعة سارة التي تطالبني مرة بالإعتذار لتيسير، ومرة بقبول إعتذارها،

Quote: تقبل الاعتذار لانو نفسها طيبة واعتذرت عن موضوع انتهي زماااااااااااااان... وتعتذر ليها لانك عارف انو بي البوست الفتحتو دة بتدي ايحاء انو تيسير كضابة..من حقك تشوف انها كضابة لكن ما من حقك قناعتك دي تنشرها هنا وعارف انها ممكن تثير التساؤلات للناس القاعدين علي الهبشة... وموقفك ضعيف بعد مداخلات هشام لانو هشام ما الزول العوير الداير واحد يناصرو..هشام عارف انو ممكن يكون رسلا.. خلاص انتا مالك؟؟؟ يعني انتايا ياسر بي صراحة عندك هدف من البوست دة...انتا صاريها لي تيسير من الزمن داك ومنتظرها تقع عشان تسل سكينك؟؟ الكلام دة ما صاح منك وكدة بتدي انطباع ما حلو عنك... ما تنسي ياخ.... انتا يا ياسر جاي تقنعني انو عمرك ما غلطتا في حق زول قبل كدة؟؟؟ اكيد غلطتا واحتمال تكون اعتذرتا وغالبا قبلو اعتذارك... انا بقول ليك الكلام الببكيك ما الكلام البيضحكك..لمودتي التي تعرف.. ياسر طيفور... كترررررررررررتها...

Quote: سارة ياخ والله ماعارفة اوديك وين

Quote: النصيحة لله ...خوفتونا والله يا ناس سودانيز ... الزول بتعامل بحسن نية وما قايل الناس بتشيل فى نفسها قدر دا وتمسكه وتحفظ التفاصيل بالشهور والسنين علشان تجى تزيعه على الملأ وكل الشفناه اليومين ديل ... يعلم الله القلتو أمس ما بكون مذكراه

Quote: هذا حوار أجبرت عليه

Quote: يا ياسر يا ود امي مافي زول جبرك..

Quote: اقرم من التورتة دي..

Quote: تيسير غيرت في المسنجر مش غيرت بس لالالا تيسير شالت الكلام ولصقتو في مسنجر ..

Quote: صدقني لو الكلام ده كتبو (فلان) ولّ (فلان) ولّ (فلان)، انا ما كنت فتحت بوست أساساً لأنو ديل أنا ما بحترمهم

Quote: هام! قبل الشروع في الرد عليك مطالعة الأدلة، والإتيان بضدها إن كان لك رأياً آخر، أي مداخلة غير مسنودة ببيِنة ومنطق وعقل يُردُ لها بمثلها.. أنصح كل من يريد التداخل سلباً أو إيجاباً بعمل الآتي: الـ tools المستخدمة سهلة جداً، وهي paints وهو موجود مع الويندوز، ولو في زول ما عندو أو ماموجود لسبب ما، ممكن نمده به، أيضاً تم إستخدام Microsoft photo Editor وتوجد مع الـoffice تحت Microsoft Office tools، أستخدمت للتكبير، عشان أي زول نظرو زي حمودي قبل فك التشفير يشوف.. *أرجع لصورة الإيميل كما وضعت بالبوست الأصل، وأعمل ليها حفظ في كمبيتورك حتى تتحكم في تكبيرها وتصغيرها وتدليعها إن رغِبت.. * أفتح الماسنجر الداخلي وحدد أي أيميل، من الأفضل ان يكون الراسل والمرسل إليه إسم من جزئين وباللغة العربية حتى يتطابق المثالين.. *بعد فتحك للماسنجر، أضع الجزء المراد من الإيميل بوسط الصفحة، ثم أضغط على المفتاح "Prt Scm Sys Rq" ما عارف بالعربي بتسموهو شنو، المهم بيعني أطبع الصفحة.. * أفتح برنامج بينتس paints او Microsoft Photo Editor وأعمل click على Edit ثم على paste، بعد كده حدد الجزء موضع الخلاف وأحكم بنفسك.. *من هذا التوضيح، لا يهمني محتوى الرسالة او تصديقه.. قبل البدايَّة، * أي زول به رواشة وعُرِف عنه "القرايَّة بالإضنين والفِقرة" مايتسرع، ينتظر جماعتو الأصحاء كتبو شنو يجي يأمِن على كلامهم، ما قاصدك بالكلام ده يا صبري الشريف، ولكن ورود القراءة بالأذنين، والشيء بالشيءِ يذكر.. من هنا نبدأ: وهذه صورة الإيميل كما ورد بالبوست الأصل، وللحيطة والحذر، مافي زول يستخدم الصور الموضوعة هنا للتلديل بها، وقد يكون تلاعبّ بها ماهر، والعاقل من إتعظّ بغيره، وقيل المحظوظ، أيضاً.. 1) وهنا الجزء موضع الشك، أخذ من الإيميل الأصل وكُبر 400 مرة حتى يتبيّّن لضعيفي النظر والحنك.. كما أنصح بعم الأخذ به قبل التجريب من المصادر الأصليَّة. 2) وهنا صورة من رسالة أرسلها لي الأخ العوض المسلمي، وأعتذر له مقدما، ولكني إستخدمتها لأن إسمه من جزئين، ويُكتب باللغة العربيَّة، والصورة مكبرة 400 مرة، كما أنصح بعدم الخذ بها حتى يتم التجريب من المصادر الأصليَّة.. _____ يتبّع لتوضيح الأرقام 1، 2، 3، 4 بالصورة رقم 1..

(عدل بواسطة Frankly on 06-22-2009, 10:04 PM)

Quote: ولكن وجود هيئة دفاع تبني دفوعاتها على الصداقة والشللية،

Quote: أما ذلت