|
|
 إ تحاد الصحفيين السودانيين بالسعودية دعوة للحق والخير والجمال
|
بدءً وقبل الدخول في اي حوار او جدل حول إخلالي بما تسمي بالائحة المنظمة للعضوية في جمعية الصحفيين
السودانيين بالسعودية.
فإني اريد ايصال معلومة, وتوضيح تقتضي الضرورة الاشارة لهما في هذا البوست
اولا و لاسباب شخصية وخاصة فإني قد تقدمت باستقالتي من الجمعية للامين العام المساعد بالمنطقة الغربية
للاخ كمال ادريس . وبعد نقاش طويل بيننا قبل الاستقالة واوعدني بتبليغ الزملاء بالرياض للتأكيد
علي ذلك اجرائياً.
كان موعد تقديم الاستقالة العاشرة من صباح السبت 20/جمادي الاخرة الجاري
وهذه صيغتها
الأخ كمال إدريس
مساعد الأمين العام لجمعية الصحفيين السودانيين بالمنطقة الغربية
السلام عليكم ورحمة الله وبركاته
بما أنك الممثل المسئول عن الجمعية بفرعية المنطقة الغربية حتى الآن
فإني أتقدم اليكم باستقالتي من عضوية الجمعية.
وهذا مع كامل تقديري للجميع
عبد اللطيف السيدح
20/ جمادي الآخرة 1430
في المساء اتصلت بالاخ كمال استفسره عما حدث
اخبرني بالاتي
ان الاخ اسماعيل لديه معلومات مسبقة عما يمكن ان يحدث منك , لكنه يريد ان تكون الاستقالة بخط اليد
وعليها توقيعك الشخصي ولن تقبل الاستقالة التي أتت عبر البريد الالكتروني.ولابد ان تكون مسببة,
قلت للاخ كمال ليس من الواجب ان تكون الاستقالة مسببة وان كان لابد مما ليس منه بد فأبلغ الاخ اسماعيل بأني
لن انسجم في كيان كل همه و شغله الشاغل هو شتيمة ولعن وسب الحكومة ومن ينتمون اليها من
التنفيذيين او المتعاطفين معها تنظيميا خاصة اولئك الذين يؤمنون بافكار وطروحات
المؤتمر الوطني واصدقك القول بأني من المتعاطفين مع الحكومة و المؤتمر الوطني , وحتي لا اكون غواصة
او بوقاً او هتيفة كما اطلقوا علي من توصيفات فمن الافضل الابتعاد عن الجمعية التي ترفض عضوا بهذه المواصفات
وأضفت للاخ كمال قائلا ( انا اخشي ان أفاجا بفصل من الجمعية استباقا لهذه الاستقالة واكون حينها
في وضعية اتهام او اخلال بالنظام الاساسي للجمعية , لذلك قررت المضي في الاستقالة وسأثبت ذلك في
المنبر, وافق الاخ كمال علي وجهة نظري ووعدني بتكملة ما تبقي من اجراءت نظامية
اخيرا
سيكون حبل الود والاخاء متصلا مع زملاء اعزهم واقدرهم جمعتني بهم المهنة والاخوة الصادقة
واري ان العمل العام ربما يفسد الود والمحبة التي نشأت بيننا.
اشكر كل زملائي السابقين في جمعية الصحفيين واخص الاخ مصطفي البشير
كما اشكر الزملاء بمنطقة الرياض علي ما وجدته منهم من تقدير
واحترام في الفترة الماضية.
ويبقي الود ما بقي العتاب
اخوكم السيدح
وبعد طي صفحة عضويتي بجمعية الصحفيين فمن حقي الحديث عن الكيان الذي جاء عنواناً لهذا البوست[/
ونواصل
|
|
 
|
|
|
|
|
|
|
 Re: إ تحاد الصحفيين السودانيين بالسعودية دعوة للحق والخير والجمال (Re: راشد فضل)
|
الأخ / عبد اللطيف السيدح
يا أخي والله هي عنزة و لو طارت ! و نردد مقولة جيرانا الشهيرة (مافي فايدة)!
نحن في زمن جمع النقائض .. أن تأتي بالفعل و تطلب من غيرك نقيضه
نحن في زمن يتباكى فيه الناس على حريةالرأي و حرية المعتقد و حرية التعبير و حرية الانتماء .. يتجملون بهذه الألفاظ و المصطلحات بينما هم أشد الناس عداوة للحريات و لا يطيقون الرأي الآخر مطلقا! هؤلاء يودون فقط سماع صوتهم ليس إلا و عليه (مافي فايدة)
و بما أنك أخي السيدح تتحدث بإيجاب عن الحكومة فأنت ظلامي و مجرم و إرهابي و مرتزق إلى آخر القائمة
أما إذا كنت عضوا بالمؤتمر الوطني فتلك جريمة كبرى في دينهم! لماذا؟ لأنهم يفهمون أن حرية الانتماء ذات اتجاه واحد فإن لم تكن معه فانت كيت و كيت و كيت.
يا أخي (مافي فايدة) و الله المستعان و حمد لله على السلامة
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: عبد اللطيف السيدح)
|
يعني يا السيدح يشهد الله و انا بأقرى خطاب الاستقالة العصماء ترترق الدمع في
عيناي بس أول ما لاقني قشر الحوت، و الحوت طبعا بيشبه الغواصة
طوال دموعي نشفت و طلعت لي انياب ...
يا اخوانا ... جيبو قُلة ...
مافي؟
طيب جيبو زير ..
مافي زير؟
خلاص اكسرو كوز ...
قشة ما تعتر ليك يا اللخو، و لعلك ما زعلت من صورة الغواصة الختيتها ليك؟
يقطعني ما كنش قصدي ..!!
قبال ما تمشي، تعال نعمل رفريش ليه انت غواصة وليه انت محتفي بالكيان الوليد ...
طبعا لانو انت غالي علينا،
ما ماااااابقدر اخليك تفوت ساي كده من غير حفلة وداع تليق بمقامك
و انجازاتك في الجمعية ...
النقوم نلملم الكوتات و اللينكات علشان ندي عزيزي القارئ صورة مستفيضة عن اسباب
الفراق الأليم ....
________________________________
| Quote: واصدقك القول بأني من المتعاطفين مع الحكومة و المؤتمر الوطني |
في ذمتك، في زول بتعاطف مع حزب حاكم و ماسك السلطة؟
يعني يا السيدح انا تعبت معاك ... يعني حتى طريقة مشاعرك ما راكبة عدلها ..
اموت صغيرة حسي يقولو كتلها السيدح كمدا؟
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: الصادق خليفة)
|
إخوتي اعضاء وقراء المنبر
للمعلومية فقط
انا شخصيا لن ادخل في اي ردود علي ما تقوله الاخت عزاز في هذا البوست بالذات
حتي لا اقع في فخ الاستفزاز مرة اخري ويحدث بيننا ما لا يحمد عقباه
واحتراما لعهد قطعته مع الاخ مصطفي البشير بعدم الاستجابة لا ستفزازاتها وإشاراتها الخاطئة التي
ترسلها
بإيحاءات من شياطين الانس بالمنبر.
واخشي ان اعود للردود وفق ردات الافعال فيعود الضغط والسكر والمستشفي وحكاية الحقوني ووقفوا مني
الزول ده تاني .
اعتذر للاخت عزاز وتبقي عزيزة واحترامها ملزم للجميع
اما ناس الموج وبقية الرجرجة والدهماء التي ستأتي معه الي هذا البوست فأعددنا لهم( سما قدر غداهم)
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: الصادق خليفة)
|
Quote: الأخ السيدح
كيف بك تحتج البارحة من انعقاد الجمعية من غير علمك.. وتاتي اليوم لتقول أنها محلولة .. فهل هذا تشكيك فى الجمعية الأم؟؟ |
بالله نقول شنو ؟
ولي منو ؟؟
السيدح امبارح محتج كيف تعقد جمعية عمومية دون علمه , وان ذلك تهميش ووووالخ الان يأتي ليتقدم بإستقالته وفجأة يشير الى حل الوزير للجمعية وهو عضوها حتى الان على اقل تقدير حسب الترتيبات الادارية الى حين الانعقاد من اصحاب الشأن والافتاء بخصوص استقالة
سعادته الحقيقة تقتضي ان نقول ان السيدح ما عارف هو وين وداير شنو لان البوست اعلاه يعلن عن قيام اتحاد للخير والحق والجمال بدعوة منه وكذلك لن تكون دعوة بريئة ... عموما الله يشفينا ويشفيك ياسيدح فيبدو ان بعض المراجعات يجب ان تتم .
..........................................................................................حجر.
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: الرفاعي عبدالعاطي حجر)
|
انتو يا جماعة السادة الصحفيين والإعلاميين كلكم كده ... كان من جماعة الإنقاذ ولا المعارضة .. الحضروا المؤتمر والما حضروا ..
عندي ليكم اقتراح بدل ما تقعدوا تتشاكلوا كده .. وكل يوم في عاك عيك ومنو الشرعي والما شرعي ..
انتو ليه ما تجتمعوا بي ربطة المعلم كده .. وتمشوا تكلموا "نايف" ده يشوف موضوع تغيير المهن للسودانيين ..
ومنها تكون خدمتو أولاد الناس خدمة شديدة خلاس ...
أو كمان على الأقل تنوروا "الرأي العام" وتوروهو المتسبب في الموضوع ده منو .. السفارة السودانية ولا الداخلية السعودية ؟
انحنا زمان اتأذينا من الموضوع ده أذية شديدة خلاس ..
والسفارة كالعادة متخلية عننا كانت .. وهي أصلاً عبارة عن نقطة جباية وتحصيل ليس إلا ..
وما كنا أصلاً عارفين إنو في حاجة اسمها اتحاد الصحفيين السودانيين بالسعودية "أو أياً كانت اليافطة" !
أها أسي وكت الله جابكم دعاة " للحق والخير والجمال " أو كما تقولون ..
ما تخدموا أولاد أهلكم ديل
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: عبد اللطيف السيدح)
|
Quote: الاخ الهادي هذا الذي ندعو له نحن
بس اياديكم معنا وسترون انجازات باذن الله
ليس للاعلاميين فقط بل لكل المغتربين بالسعودية. |
والله كلامك تمام يا أخوي السيدح ...
يعني ممكن نعتبركم متكفلين بحل الإشكالية دي واللي بتأرق مئات الآلاف من السودانيين العاملين بالسعودية، وبل وتسببت للعديد منهم في مآسي وضياع أموال ما بين كفيل ومعقب وإدارة جوازات ... وحتى أدخلت البعض منهم للسجون ؟؟
يعني على الأقل تقوموا بي دوركم "كإعلاميين وصحفيين" في التوضيح والتنوير للرأي العام .. منو المتسبب في ده ؟؟
وليه السودانيين الوحيدين "من بين كل الجنسيات الأخرى في السعودية" ممنوعين من تغيير وتعديل المهن ... ويواجهوا العديد من العقبات والمشاق في هذا الأمر ..
هل صحي زي ما سمعنا إنو في أمر من "نايف" وزير الداخلية السعودي ويقوم هو شخصياً أو مكتبه أو من ينوب عنه بالمراقبة الصارمة لمنع السودانيين من تعديل المهن كما يتداول السودانيين وأيضاً كما يقول بهذا الأمر من العديد من العاملين في إدارة الجوازات السعودية!
أم الأمر كله راجع لطلب من السفارة السودانية أو من الخرطوم كما يقول البعض الآخر ..
عاوزين نعرف الحقيقة !
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: Deng)
|
Quote: اعتذر للاخت عزاز وتبقي عزيزة واحترامها ملزم للجميع
اما ناس الموج وبقية الرجرجة والدهماء التي ستأتي معه الي هذا البوست فأعددنا لهم( سما قدر غداهم) |
يازول عزاز دى ما بتقدر عليها عشان درشتك درش شديد والحاله بنصف لسان.لوووول
اها قلت تحقر بالرجرجه والدهماء ناس الرفاعى حجر ودينق شكرا شايفك
استثنيتنى عشان قلت ود الموج وبقية الرجرجه والدهماء باعتبارى ما مع البقيه
ديل اعد لهم ما استطعت من قوة ومن رباط الباندويث وادهجم دهج
ان شاء الله ما مرقوا منها بعد استثنيت ودعمك ،ما اصلو الدم بحن هيييييييييع،،،،
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: الرفاعي عبدالعاطي حجر)
|
السيدح
سلام دهماء نعم دهماء وأرجع لمختار الصحاح عشان تعرف كلمة دهماء ماذا تعني ونحن هنا عشان تنتهي التعمية ونكون أكثرا وضوح من بوستك بتاع الرافضة وأنت لو كنت صادق وحقاني ورجل خير رجع حق التذكرة و1000 دولار لخزينة حكومة السودان ياخي يا حليل الحق والخير والجمال
واليك معني كلمة دهماءالدهماء: مؤنث الأدهم: والأدهم القديم من آثار الديار وفى القديم عراقة الماضي وعبق التاريخ وجمال الذكرى والدهماء: ليلة تسع وعشرين من الشهر القمري حيث يلف الظلام كل شيء وتصان الأسرار والدهماء: الحديقة التى اشتدت خضرتها فمالت الى السواد من نعمتها وريها والدهماء: عامة الناس وسوادهم وهم القاعدة الشعبية واليد العاملة المنتجة وفيهم خير وبركة
| |
|
|
|
|
|
|
|
|
|
Re: إ تحاد الصحفيين السودانيين بالسعودية دعوة للحق والخير والجمال (Re: زهير عثمان حمد)
|
طيب يازُهير والرجرجة
يازهير يااخوي ما تعب نفسك كتير بالشرح
نحن مجموعة الشعب السوداني جامدين لا نتحرك
الواحد يقول اتحادي او شيوعي يفضل ول حصل ما حصل
يظل متمسك نحن جامدين وبعدين لا نعرف أدب الاعتذار
فالسيدح لن يعترف لك بال1000 دولار وربما يقول لك
مشيت من جيبي الخاص عموما انت ح تنتظر معااااااي
يلاك وقفنا .
..............................................حجر.
| |
|
|
|
|
|
|
| |
عبد اللطيف السيدح
صديق الموج
الصادق خليفة
الرفاعي عبدالعاطي حجر
Elhadi
Deng
زهير عثمان حمد
فيس بوك
تويتر
انستقرام
يوتيوب
بنتيريست