وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر
لطشتها من احد المنتديات العروبية ..
06-23-2009, 12:17 PM
هويدا شرف الدين هويدا شرف الدين
تاريخ التسجيل: 04-16-2008
مجموع المشاركات: 2068
عندي قصة ما لقيت موضوع قبل دا أحكيها فيه بس أهي فرصة زوج متعود يتأخر شديد بره البيت وكل مرة الزوجة شكلة وياخي تعال بدري وحرام عليك تتأخر التأخير دا كله شفقتنا عليك وهسي لو واحد من العيال مرض نقول يا منو؟ والراجل دمه تقيل جدا والحكاية أصبحت عادة . ذات يوم إحلوت الجلسة مع الأصحاب ولم يعد إلا عند الفجر فوجد الزوجة في سجادة الصلاة وقد فرغت من صلاة الصبح ... بادرها الزوج ... بتعايني لي مالك! أها عايزاني أبدر من كده أجيك متين ؟
ــــــــــــــــــــــــ البوست دا لو حاحيتي منو حيدر ما بتجيه عوجة تب.
06-23-2009, 01:44 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
رد عليها قدام أصحابه: عليكم الله شوفوا دي!! هي نانسي عجرم غسلت في الطشت* لامن إنتي !!! ....
___ *(الطشت إستخدمته نانسي عجرم في فيديو كلب)
Quote: دخل على زوجته في ليلة الزفاف بغية الدخلة .. مرتبكاً يغالب الرجفان قلبه... والارتعاش يديه.. والتسيب ركبه ..
وضع يده على رأسها.. ثم أخذ يردد الدعاء المأثور عند ركوب الدابة:
(سبحان الذي سخر لنا هذا وما كنا له مقرنين وإنا إلى ربنا لمنقلبون)!!.
القصتين الفوق ديل يا هدير اختى ريحونى شديد وكنت قرفان من الصباح بس بعد قريتهم يومى إستعدل وبقى تماااااااااااام. لكما الشكر هدير والزول القاعد بغيظ فى النسوان مع إنو ما متزوج (حيدر ود الزين) هههههههههههههههه
يا سلاااااااااااااااام ياخ
06-24-2009, 12:30 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: الأستاذ/ حيدر مشكور علي البوست والقفشات الجميله - ومعليش لسرقة العنوان في بوست اخر
النساء بعد الزواج ..... قصص قصيره .... النساء يمتنعن
الأخت العزيزة هويدا قلتي لي قايلة فاتح البوست دا حيدر ؟؟!! وقمت جري فتحتي داك؟ ههههه دي أحلا غلطة!!! ... لأنو البوست داك طلع في صالح النساء وكسر لي ناس الدش في يدهم! .... لووووول
تسلمي على المتابعة والمرور الكريم وتشكري كتير على المشاركة الظريفة
06-24-2009, 01:25 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: القصتين الفوق ديل يا هدير اختى ريحونى شديد وكنت قرفان من الصباح بس بعد قريتهم يومى إستعدل وبقى تماااااااااااام. لكما الشكر هدير والزول القاعد بغيظ فى النسوان مع إنو ما متزوج (حيدر ود الزين) هههههههههههههههه
يا سلاااااااااااااااام ياخ
الأخ العزيز جدآ شول والله ليتك تعرف كم أسعدتني مداخلتك وكمان سعيدين إنو غيرنا مزاجك المعكر مع نهارات الخرطوم الحارقة وإستعدلنا ليك يومك!! جد سعيدين. ودا والله غرض البوست يعني ما كان أبدآ للنيل منكم ...
وأهو شايف حيدر سكن في البوست سكنة وقاعد لي بالمرصاد قايل الموضوع هجوم كاسح .... لوووول
بعدين حيدر لو كان متزوج ما كان بقدر يجيب النكت دي لأنو الحكومة كانت حا تدي عين حمراء
تسلم على المرور الكريم أخي شول
06-24-2009, 02:54 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
نظرت إليه ، وقد طال صمته، يعبث بلحيته، سارحا غير عابيء بوجودها جواره، غاظها بروده وعدم اهتمامه بها، خرجت من طورها ثم قالت بانفعال: مالك يا راجل سارح بعيد وشايل هموم الدنيا كلها في راسك؟ الناقصك شنو؟ عندك الخضرة والماء والوجه الحسن، ما أن سمع كلمة الوجه الحسن، نظر إليها مستخفا وضحك باستهزاء وقال وينو الوجه الحسن؟!!!
06-24-2009, 07:01 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: رسالة في الخاص: لكن يا مريم عليك الله ثقالة (بعض الرجال) ديل بعد العرس ما طقشت أضانك كان من واقع كان من تلفزيون ؟؟
أخوانا الرجال ديل أي نعم بعض منهم ببقو ثقيلين مع نسوانن بعد العرس ... إلا لكن ما بنرضى فيهم أييييي تريقة
انتو الحمام الزاجل بطّل يطير ولاشنو ؟
هدير يا عزيزة اول شكرن على شعورك النبيل و التعزية و شكرن تاني على مراعاة مشاعرنا من الكرمشة ..
Quote: (بعض الرجال)
لكن النحبطك في حاجات ما بنفع تبعيضها .. الكشنة ما بتبقى بلا بصل و البصل ريحتو واحدة !! . . الفرق فرق مقدار بس . . . اها خمن و صرن
بمناسبة الكشنة دي خليني احك ليك قصة ما قصيرة لكن ! . . . سمح ؟ قالوا واحدة متزوجة ليها واحد منجضا نجاض السنين لما بي غادي ذاتو. .. لمن روحا حرقت و طلعت شياط عديل و مطلّع البلاء الازرق على جتتاّ . . الملح دا ملاحو كتير مالو ؟ الشفع ديل ما بنطموا ؟ و ما تسكتيهم يا فقر ! . .. الواغ غاغ غاغ .. . و بلا بلا بلا . . . بلاء يخمك ويريحنا منك ! و اختنا صابرة و محتسبة و مكنكشة في حلف راسخ مع الطنطنة و الدعاء على الراجل دا في سرها اتدخلت الاقدار و حسمت الصراع ( غير المتكافئ ) دا ببلاء مستعجل خم الكان بدعو بيهو و هو ظالم لنفسه بحفر حفرة السوء و ما وسع مراقدو فيها . . . و اهو اكد انو الدعاوي بتلف و تلف وترجع تدق بب سيدا بديباجة " بضاعتكم رُدت اليكم مع تحيات ابليس !!! المهم ( ودي ماحقت تبارك . . . دا واحد مهم تاني ) صاحبتنا قررت تكرر التجربة بتعديل شرطي : الا يكون من امثالكم و تعني الـ ex الراحل رحيمو الله . ما يعادل بالعربي كدا " اضينة ساي " و لا عُضر لمن انُضرا ، و قدكان لها ما ارادت . و اقتصت لنفسها و زادت بهناك عديل . و ورتو " المكشن بلا بصل " و دا في حال السكون . و كان اتحرك يبقى يمشي على عجين ما يخلبطوش ! و على حالي السكون و الحركة و فق قانونها الخاص ( الكشنة و العجين ) و لا عزاء للبصل ، و بتبادلهم مشت حياتم رتيبة ، لما يوم صاحبنا من كترة القهر قام انتفض لنفسو و هاج ليك فيها و شخط فيها. . . بس ما شخطش خالص اوي كدا يعني . صاحبتك لا ارادياً كدا لمن لبدت ، و حليمة رجعت لي قديما - بالمناسبة زولتنا دي مااسمها حليمة و لا حاجة حليمة دي ست اللسم - اها صحابتنا الما اسمها حليمة دي انزوت في قهرها الاثير و بقت تطنطن بدعاء المظلوم الاثير " الله ياخـــــــــ . . . " و فجأتن كدا اكتشفت ليك انها طلعت من المربع دا زماااااااانك و انتقلت لمربع الظالمين " الببطل مفعول الدعاء ذاتو . و كشرت عن انيابها و قامت شاهرة عليهو " البرطوش القديم " غير عابئة بإتفاقية " منع اسلحة الدمار الشامل " و هي تردد : المتلك انت دا كمان بشكوه لي الله ؟!!
-------- سوري على المط و التطويل . . .
06-24-2009, 07:09 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: و فجأتن كدا اكتشفت ليك انها طلعت من المربع دا زماااااااانك و انتقلت لمربع الظالمين " الببطل مفعول الدعاء ذاتو . و كشرت عن انيابها و قامت شاهرة عليهو " البرطوش القديم " غير عابئة بإتفاقية " منع اسلحة الدمار الشامل " و هي تردد : المتلك انت دا كمان بشكوه لي الله ؟!!
-------- سوري على المط و التطويل . . .
الأخ العزيز قيقراوي
سعيدة جدآ بعودتك هنا وسعيدة بخروجك ولو قليلآ عن دائرة الأحزان .. وبكينا معكم عماد كأننا نعرفه مثلكم .. والموت يختار خيارنا. ولله ما أعطى ولله ما أخذ. والحمد على كل شي.
----------------- والله لكن ضحكتني ضحك شديد!!! قلت لي الحاجة قالت تاخد حقها بيدها -أووبس- أقصد ببرطوشها لأنها بقت خارج الخدمة ؟ لووووووووول مبالغة
يا ريتنا نعرف متين نكون داخل وخارج الخدمة عشان نقوم باللازم بأنفسنا! متى عرفنا الله غضبان ولن يستجيب
مط و تطويل شنو! ياخ عليك الله تعال كل يوم هو نحنا لاقين نطلعك من الحزن دا؟
شكرآ على مجيئك هنا وتعال تاني بالله
06-24-2009, 09:13 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
حيا الله صديقي ( ع . ع ) فقد كان رجلاً يعرف كيف يعبر عن قناعاته بطرق تشد من يستمع إليه . ساعدته خبراته القانونية وعمله في مجال التسويق . كنا ذات يوم في جلسة عائلية ضمت أكثر من سبعة أصدقاء وزوجاتهم . تطرق الحديث لأحد أصدقائنا الذي تزوج حديثاً ( للمرة الثانية ) . وموقف زوجته الأولى ، انتابت صديقنا دهشة حقيقية
" يا أخي أنا ما قادر استوعب أنو يكون في زول متزوج وزوجته موجودة معاهو ، يفكر مجرد تفكير أنو يتزوج للمرة التانية.... "
في هذه الأثناء كانت زوجته تنظر للسيدات الأخريات بمنتهى الغبطة والسرور بأنها في مأمن من ( هاجس النساء الأبدي ) .
لكن صديقنا ( ع.ع ) لم يدعها تتهنى كثيراً بهذا الإحساس فواصل حديثه ورمى قنبلته التاريخية
" يا أخي في زول دخل الفيلم الهندي دا يقوم يعيدوا تاااااني من الأول ؟؟؟ "
_____________________
سلامات هدير
06-28-2009, 09:21 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: فواصل حديثه ورمى قنبلته التاريخية " يا أخي في زول دخل الفيلم الهندي دا يقوم يعيدوا تاااااني من الأول ؟؟؟ "
الأخ المحترم عاطف عمر
أسفة جدآ لتأخر الرد .. وأشكرك أخي على كريم تفضلك بالمرور هنا وشكرآ على المشاركة الظريفة ... لكن إنتو مش من معجبي الأفلام الهندية؟ لووول .. بنهزر والله طيب الأفلام الأمريكية كيف؟؟
تحياتي وإحترامي يا ملك ولا عدمناك
06-28-2009, 09:42 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
بلغت من الكبر عتيا، واشتد بها المرض فنادت أبا الصديق ثم قالت: " الماسكني دا ما فاكني، ومرض الموت بين، دحين بعد ما أموت عاوزاك تغسلني كويس وتكفني كويس وتمشي قدام الناس في جنازتي وتنزلني في القبر "بي شيش"، وتخت لي طوبة تحت راسي، وتبكي علي شديد، وبعد إسبوع واحد تقوم.... قاطعها باستعجال أعرس؟ فنهضت من فراشها كأن لم تكن مريضة وقالت بغضب شديد: "تعرس ركبيك...!! فضحك وقال: أها أعمل شنو ؟ فقالت بجدية: " تجي لاحقني طوالي وما تتأخر!!"
الأخت / هدير شفت جنس غيرة حبوبتي دي ، برضو دا من عمايلنا!!! خالص التحية
06-28-2009, 06:52 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
حيا الله الصديق ( س ) ، ذلك الرجل الهادئ الطبع ، طويل البال كان لصديقنا ( س ) زوجة راقية ذات ذوق رفيع .. رفيع بمعنى الكلمة ولها حاسة قوية تعرف بها أرقى المعروضات التي تصل المدينة في ذات يوم وصولها . وكان ذلك سبب شقاء صديقنا ، فميزانيته على الدوام في حالة جدولة وإعادة جدولة إلى أن هدته عبقريته أو ربما هى الحاجة أم الإختراع لفكرة ( سياسة إرهاق العدو ) تتخلص في هذا السيناريو تأتيته زوجته لتخبره بأنها رأت ثوباً جميلاً وبسعر لا يقاوم في المكان الفلاني يذهب معها للمكان الفلاني هذا ، ويثني على ذوقها لكن
" خلينا نشوف السوق كمان إمكن نلقى حاجة أحلى من كدا تليق عليك "
ومن محل لمحل ومن مركز تسوق لمركز تسوق ومن سوق لسوق وكلما تتعب المسكينة أو تبدي تذمراً يعاجلها
" ما أهو أنا زاااتي الما بحب الأسواق ماشي معاك وبفتش معاك ، معقول أرضى ليك بأى حاجة كدا ؟؟ "
وهكذا عندما تخور قوى المسكينة ترغب في الخلاص من هذا ( العذاب ) بأى ثمن ترضخ وترضى بأى توب من أى محل بأى سوق
والله ضحكتونى عديل كدا قبل ساعات من الأن وكانت الساعة حوالى العاشرة مساءا اتصل بى صديقى وزميلى وقال لى معها واحد زميلنا ايضا بقول ليك لو انتى صحى ما بتخاف من زوجتك تعال لينا هسع ولحسن حظى كانت زوجتى مبيتة فى بيت ابوها لظروف مرض والدتها دورت العربية و مشيت ليهم قلت ليهم اوريكم رجالتى الليلة و نشوف البمشى اول منو وتسامرنا حتى الساعة واحدة صباحا لمن هم اقتنعوا بأنى كاسر قيده زاتو وقالوا كل زول امشى على بيتهم اشوف ليه مخرج من الورطة الوقعتهم فيها دي وركبت عربيتى وبعد دورتها قبلت عليهم وقلت ليهم انتو هسع لو قلت ليكم زوجتى قاعدة فى البيت وانا اقعد معاكم لحد هسع؟وتحركت تتبعنى لعناتهم وانا اضحك
اتنين كانو سـاكنين عزابة مع بعض , قام واحد منهم عرس بعـد فترة العزابي : - بالله العرس كيف المتزوج :- يا خي العرس دا باختصـار ميـز بين اتنين بس واحـد بيدفـع حق الميز , والغريب المابدفع عامل فيهـا ســيد الميز ............. بالله يا هديـر شـوفي الميـز دا لما يبقى فيهـو 4 , 5 , مش حقـو الما بدفع يتنازل عن إدارة الميز
06-30-2009, 10:55 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
الأخ حبيب الكل سعدت بمرورك الكريم ... وإنشاءالله دايمآ ضاحك .. وفي النهاية مقلبتهم وقلت ليهم بما معناهو المابخاف من مرتو ما بخاف من الله؟ .. ودا بالمناسبة تعليق أضحكني قريتو بالمنبر هنا.
إنشاءالله بلغت كامل الصحة والعافية أخي ..
وشكرآ على المشاركة اللطيفة .. ودمت أبدآ بخير
06-30-2009, 11:44 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: المتزوج :- يا خي العرس دا باختصـار ميـز بين اتنين بس واحـد بيدفـع حق الميز , والغريب المابدفع عامل فيهـا ســيد الميز
الأخ عبدالله احيمر ما ياهو واحد من إتنين: يا ندفع .. ولا نطالبكم بماهية (تربية الأطفال ورعايتهم ومتابعتهم وعلى النضافة والغسيل وإكرام ضيفانكم وووووو ...). ماهية حتى لو كانت الزوجة شغالة (يبقى عندها ماهيتين )
عشان كدا أبقو صابرين على سيد الميز دا من غير نقنقة .. لووول .. عشان ما نقوم نعمل ليكم جمعية مناصرة ربات البيوت (العاملات منهم وغير العاملات) ...
تشكر على المرور والمشاركة أخي ..
06-30-2009, 11:29 AM
هويدا شرف الدين هويدا شرف الدين
تاريخ التسجيل: 04-16-2008
مجموع المشاركات: 2068
الحاج عايش مع اولادو ومرتو الحاجه عيشه حلوه لا يشوبها شايب المهم بعد داك يوم بنضف في الخور للمطر لقي ليك دابي كبير قتلو جا البيت حكي لي للحاجه قالتلو البوديك تقتلو شنو والله الا يجي رفيقو ياخد تارو - المهم مرت كم يوم كدي عمك ماشي صلاة المغرب اتناول جلابيتو من الشماعه اكان يحس ليك بي حاجه ناعمه في ضهرو - اها سرعه سرعه طلع الجلابيه وكورها في شكل كوره ونادي ناس البيت قال ليهم اعفو مني خلاص دا اخو الدابي داك جاي ياخد التار اها يا ولدي حل الدين ويا بتي ما تقصري اها بالحاجه اعفي مني انا في الحله الوره معرس لي مره وجايب لي منها ولد بعد كدي فتح الجلابيه اكان الضب جا واقع
06-30-2009, 11:56 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
هذه المرة أحكي لك ولضيوفك سياسة ( داويها بالتي كانت هى الداء ) القصة لصاحبنا ( س ) السابق ذكره والسيدة الفضلى حرمه اللذان كانا يقيمان بدولة الإمارات العربية المتحدة .( جزئية الإقامة مهمة للسياق ) إشتغلت الزوجة في مكتب علاقات عامة مهمته الرئيسة تخليص المعاملات المختلفة في دوائر الخدمة . فاجأت زوجها ذات يوم بأنها بعلاقاتها التي كونتها في العمل قد تمكنت من استخراج فيزا زيارة لوالدتها ولشقيقتها وأطفال شقيقتها الثلاث ليقضوا معهم إجازة الصيف ذات الثلاثة أشهر . وأنها اشترت التذاكر وحجزت لهم وسوف يحضرون بعد غد . بالهدوء الذي تميز به صاحبنا ( س ) أجابها
" ألف مرحب بيهم ، ينورونا ,أولادنا زاتم يحسوا بالإنتماء لجذورهم ، لكن توارد خواطر عجيب .... "
قاطعته زوجته كيف بالله توارد خواطر يعني إنتا كنت ناوي تجيب ناس أمي......
أجابها مواصلاً ( نجر ) سياسة داويها بالتي كانت هى الداء التي أتت لتفكيره لحظة إخبار زوجته له بمفاجأتها
" توارد الخواطر إنني قد إستخرجت تأشيرة زيارة لأمي ولشقيقتي وطفليها وأرسلت لهم التذاكر وسوف يحضرون بعد إسبوع وبرضو كنت ناوي أعملا ليك مفاجأة "
طبعاً هذا لم يكن حاصلاً في تلك اللحظة لكنه بالفعل نفذه
فكانت الشقة المكونة من غرفتين وصالة تعج بكل هذا الحضور الكريم وصاحبنا في منتهى السعادة
والنتيجة
تضايق كل الضيوف من الشقة الضيقة وشعروا جميعهم بعدم الراحة
وبعد عشرة أيام من حضور والدته وشقيقته
سافروا جميعهم أهله وأهلها بطائرة واحدة ولسانهم ينطق بجملة واحدة
Quote: الحاج عايش مع اولادو ومرتو الحاجه عيشه حلوه لا يشوبها شايب المهم بعد داك يوم بنضف في الخور للمطر لقي ليك دابي كبير قتلو جا البيت حكي لي للحاجه قالتلو البوديك تقتلو شنو والله الا يجي رفيقو ياخد تارو - المهم مرت كم يوم كدي عمك ماشي صلاة المغرب اتناول جلابيتو من الشماعه اكان يحس ليك بي حاجه ناعمه في ضهرو - اها سرعه سرعه طلع الجلابيه وكورها في شكل كوره ونادي ناس البيت قال ليهم اعفو مني خلاص دا اخو الدابي داك جاي ياخد التار اها يا ولدي حل الدين ويا بتي ما تقصري اها بالحاجه اعفي مني انا في الحله الوره معرس لي مره وجايب لي منها ولد بعد كدي فتح الجلابيه اكان الضب جا واقع
الغالية هويدا أختي في القصص القصيرة قلتي لي إلا يتعصرو حتى يمرقو المستخبئ ؟؟ ههههههه أمانة ما وقع راجل لكن!!!!
قصة تبدو أكثر واقعية خاصة في الزمن العجيب دا. الراجل ولدو المسكين رسل لي قروش يصلح بيها البيت العجوز مشى عرس بيها هههه. ما دايرا أقول ليك الرجال ديل جنو ولا شنو؟!!! عشان فليع الطوب ما يجيني وكدا ... لووول...
سعدت للغاية بمرورك هنا يا هويدا وما عدمناك أختي
06-30-2009, 12:36 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: هذه المرة أحكي لك ولضيوفك سياسة ( داويها بالتي كانت هى الداء )
الأخ عاطف عمر سعدت بمرورك الكريم المرة تلو المرة والله .. وما عدمناك أخي
لكن نظرياتك المطبقة على أرض الواقع دي مش خطرة على جنسنا دا ؟!!!!! .. لووول ... هسه تكون صحصحتا لينا النايمين والغافلين عن النظريات دي ويكونو بدأو في التطبيق على الواقع .. خاصة والصيف شرفنا جدآ
________________
عليك الله يا عاطف كفاية كدا أخوانا الرجال ديل كفاهم نظريات كيدية مجربة وناجعة
06-30-2009, 02:33 PM
مهيرة مهيرة
تاريخ التسجيل: 04-28-2002
مجموع المشاركات: 946
حاجة التومة امرأة شديدة المراس، جاءها زائرا يوما أحد أقاربها المغتربين، سلمت عليه بفتور، أدخل يده في جيبه وأخرج رزمة من الجنيهات "وغمتها" في يدها، "نتلت" يدها بعنف وقالت : "القروش ما دايراهن، أنا دايره الـ بشوفوه الناس". زي ما قالوا الدنيا سمع وشوف.
06-30-2009, 05:42 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: بنعاين من بعيد ياهدير بتى..لامن نشوف آخر حكاوى الرياييل!
يا سلاااااام ياخ!! الدكتورة مهيرة! نورتي البوست يعلم الله وعطرتي المكان .. الرياييل (على قولتك) يكونو حلوييين أيام الخطوبة وفجاءة كدا بعد العرس يبقو كيف كيف وغايتو العشرة ما بتهون عشان كدا بث
أسعدني مرورك الكريم أختي وما عدمناك مع فائق التقدير والإحترام
_______ من يوم الليلة إسمهم الرياييل!
06-30-2009, 05:52 PM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
Quote: حاجة التومة امرأة شديدة المراس، جاءها زائرا يوما أحد أقاربها المغتربين، سلمت عليه بفتور، أدخل يده في جيبه وأخرج رزمة من الجنيهات "وغمتها" في يدها، "نتلت" يدها بعنف وقالت : "القروش ما دايراهن، أنا دايره الـ بشوفوه الناس". زي ما قالوا الدنيا سمع وشوف.
الأخ العزيز إسحاق بله
هي حجة التومة لي يوم الليلة عشمانة ؟؟؟؟!!!!!
يديك ألف عافية أخوي على المشاركات اللطيفة خالص والبيت بيتك أخوي ما تنقطع ....
مع كامل التقدير والإحترام
07-01-2009, 02:57 PM
إسحاق بله الأمين إسحاق بله الأمين
تاريخ التسجيل: 06-29-2006
مجموع المشاركات: 1371
"أم تلاليش "بنية مسكينة وطيبانة، مرة كانت طالعة بمزاج فوق "كبوت" العربية، تسلم على الماشي والجايي، فجأة ظهرت ليها "أم شوتال"، وهي امرأة لئيمة وكريمة عين ، البنية مما شافته اتضايقت والقلوب بيناتن شواهد، وقبال ما تسلم عليها قالت ليها : "أنزلي من عربية الناس يا العويرة"، البنية أصلها ما تلفتت وردت بسرعة : " عويرة أنا يا العوراء"، قامت "أم شوتال" جارية واتلفتت ناحية البنية وقالت: "أريته عوارة التاباني" زي ما قالوا: " اللي بلعب مع القطط بخربشنه"
07-02-2009, 10:18 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: إرسال هذه الرسالة لكل أنثى ذكية تعرفها، ولكل رجل يعتقد أنه أكثر ذكاء من النساء!
...... ..... .... ... .. . كان هناك رجل يعمل طوال حياته ، وقد وفر كل ما لديه من أموال، وكان حقيقة 'بخيلا' عندما يتعلق الأمر بالمال. قبل وفاته ، قال لزوجته: (عندما أموت، أنا أريد منك أن تأخذي كل أموالي وتضعيها في النعش معي أود أن أخذ أموالي إلى الآخرة معي ). وحصل على وعد من زوجته بذلك من قلبها أنه عندما يتوفى فإنها ستضع كل الأموال في النعش معه. عند وفاته كان موضوعا في النعش وزوجته كانت تجلس هناك والجميع يرتدون ملابس سوداء، وصديقتها كانت جالسة إلى جوارها. عندما انتهى العزاء، وقبل الاستعداد لإغلاق النعش، قالت الزوجة: (انتظر لحظة.. إنها علبة معدنية صغيرة سأضعها في النعش) ثم أغلق النعش ورحلت بعيدا. ثم قالت صديقتها: (أنا أعلم أنك لست مغفلة لوضع كل المال مع زوجك). ردت الزوجة المخلصة : (اسمعي ، أنا متدينة وأنا لا يمكن أن أعود في كلمي. وعدته أن أضع هذه الأموال في النعش معه). الصديقة: (هل تقصدين انك وضعتي الأموال في النعش معه!؟!؟!؟) قالت الزوجة : (أنا متأكدة مما فعلت، حصلت على كل شيء، وضعته في حسابي، وكتبت له شيك.... إذا كان يستطيع صرفة، يمكنه أن ينفقه).
07-02-2009, 10:43 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hadeer Alzain
هويدا شرف الدين
HAIDER ALZAIN
جعفر محي الدين
شول اشوانق دينق
إسحاق بله الأمين
قيقراوي
عاطف عمر
7abib_alkul
مهيرة
عمران حسن صالح
انعام عبد الحفيظ
فيس بوك
تويتر
انستقرام
يوتيوب
بنتيريست