|
(عمار محمد ادم )وسبب اتهامى بالجنون
|
عندما كنت معتقلا فى بيوت الاشباح من 1993 وحتى1994 حدث حدث مزوع فى المكان واخرجونا من الزنازين الى مكان اخر كان من المعتقلين نفد الله وسيد احمد الحسين وما متاكد يوسف حسين كان حاضر ولا لا كان يودوا السجن وتانى يرجعوا ليناالمهم انا مااتحملت المشهد اصبحت اضرب واكسر بشكل هستيرى مع صيحات عالية الجو كان متوتر جدا والجماعة منزعجين خالص قلت اطور الموقف عشان اتخارج حاولت الاضراب مع كارلوس عن الطعام مانفع طلبت من الحراس يكلبشونى والا حا اكسر اى حاجة لا ادرى لماذا فعلت ذلك مددت لهم يدى لهم بالشباك وكانوا مرعوبين وبيرجفوا قالوا لى خلاص حنكلبشك وكلبشونى الدكتور مجدى (احد المعتقلين) كان فى مريض يتعاطى حقن مهدئة وانا مكلبش طعنى بى حقنة من حقن الراجل داك يبدو ان الحقنة كانت قوية واصبح حسمى منهار الجماعة انزعجوا جدا فى ذلك الجو المضطرب وعملوا بى سرعة اجراءات خروجى وسلونى ود عمى ضابط فى الجيش وربنا كريم ورفضت ود عمى يوصلنى البيت ومشيت كدارى وانا لا اصدق اننى نجوت بهذه البساطة فقد كانوا يقولون لى انت ح تقعد هكدة وبس ..لانهم ما عارفين الله قادر.
|
|
|
|
|
|
|
|
Re: (عمار محمد ادم )وسبب اتهامى بالجنون (Re: amar adam)
|
يا عمار سلامات .. اتحداك لو عرفتني
اديك مساعدات . لو مجنون بتتذكر
كلما التقيناك زمان انا والصديق الاستاذ صلاح عووضة يقول ليك تعرف ده كنت بتقول كيف ده انقذني
تذكر مشكلتك مع حسين خوجلي .. ومكتب المستقلة في واحد جاءك هناك .. عموما انا برة البلد وما تقابلنامنذ فترة طويلة .. لك التحايا والاشواق
| |
|
|
|
|
|
|
Re: (عمار محمد ادم )وسبب اتهامى بالجنون (Re: راشد فضل)
|
ايوا اتذكرك جدا واتذكر انفعالاتك النبيلة وانت تهرع لاهثا لتخبرنى انو ناس الامن يحاصروا مكتب الاستاذغازى سليمان لاعتقالى بعد ما عرف بمحاولة اغتيال حسين خوجلى انا ما عارف اتت عرفت مكانى كيف وانا فى البدروم بتاع برج البركة..بعد داك انا شتت بى باب القراش .
| |
|
|
|
|
|
|
Re: (عمار محمد ادم )وسبب اتهامى بالجنون (Re: amar adam)
|
Quote: سبب اتهامى بالجنون |
تعرف السبب شنو يا عمار ؟
اعلان اضمامك للحزب الاتحادى و بعد شوية جيت لابس احمر فى مؤتمر الحزب الشيوعى و انت اصلا اسلامى جبهجى و كمان اخدت هبرة ايرانية
ده شنو ده ؟ ده ما الجن ذاتوووووو
احييك صديقى و اشهد بعبقريتك و شاعريتك و قولك الحق
| |
|
|
|
|
|
|
Re: (عمار محمد ادم )وسبب اتهامى بالجنون (Re: راشد فضل)
|
القصة انو انا فى ندوة فى قاعة الشارقة قلت حسين خوجلى دا كل مرة يكتب عن الدبابين حسين دا مايبقى دباب قلت بالمناسبة حسين دا لو بقى دباب واتفجر حيعمل خسائر كبيرة فى العدو..قام حسين فى عمودوا لالوان كلمة كتب بعنوان الرجل الحلقوم وكان كلو عنى طلعنى كسور وبواقى ربع صحفى ونص طالب وسدس سياسى ويقول الشهداء فطايس ضربت ليهو تلفون قال لى اوع تفهم غلط انا مابتكلم عنك انا بتكلم عن ظاهرة قتلو ليهو الكلام كلو ظاهر عنى وكنت منفعل جدا قال لى لو عنك اشتكى قلت ليهو انت عارف انا ما بشتكى قال لى ورينى رجالتك بعد داك حصل ما حصل قرب كبرى بحرى واليوم التانى الوان طلعت بمنشيت (رئيس التحرير ينجو من محاولة اغتيال)
| |
|
|
|
|
|
|
Re: (عمار محمد ادم )وسبب اتهامى بالجنون (Re: amar adam)
|
Quote: ما تربية كمال حسن بخيت لازم تطلع كده. |
عمار
عيب و الله
اغلط فينى انا ما مشكلة
لكن ما فى داعى لى جنس ده !!!!
تعرف انت بتكتب فى كلامك ده انا كنت بفتش لى صورة صورتها ليك و كنت عايز اسألك خليت ناس الاضواء يصرفو مرتبتهم كيف لكنك انتحيت بالكلام مناح اخرى لى حدى هنا خلينا فى موضوع البوست
| |
|
|
|
|
|
|
Re: (عمار محمد ادم )وسبب اتهامى بالجنون (Re: amar adam)
|
الحبيب تكعيب عمار
Quote: ياود الشيخ تحياتى عبد الحميد اتصل بى وما تمشى فى التاويل بعيد الموضوع اكبر من كده. |
انا مشيت بعيد لكن اسوي شنو كل جماعتي المعاي بورداب وغيرهم اعلنو تأويلهم خاصة وهم يعرفوناني كنت زبون معتمد سابق لدى بيوت الأشباح(المصدر حميد). على كل حال نديك يومين كدى تفصح لينا اكتر قبل ما نقوم نثبت الأمور. ولك 15 طن من الود و لحميد اقل منها.
| |
|
|
|
|
|
|
Re: (عمار محمد ادم )وسبب اتهامى بالجنون (Re: ناذر محمد الخليفة)
|
عمار محمد ادم ... المجنون
كيف يا صاحبي في بيت الاشباح .. والله كتبنا بعضاً من تلك الفترة ، ولاني اعتقلت اكثر من اربعة مرات في بيوت الاشباح ، اصبحت تتداخل علي الفترات وبقيت اتلخبط ، لكن في الفترة التي كنا فيها سوياً عام 1993 ومعنا المناضل الكبير الامير نقد الله البسه الله ثوب العافية ورفعه من رقدته ، عبدالله غابات ، والمناضل سيد احمد الحسين امد الله في ايامه ، ويوسف حسين ،فاروق زكريا ونبيل الحلبي ومصطفى الطريفي ، والحسن احمد صالح ، وجماعة التفجيرات المزعومة والذي اوشى بيهم الهادي بشرى ، وكارلوس
تعرف يا عمار تلك الفترة من اصعب الفترات في بيت الاشباح ، من تعذيب واهانات ، ناس الامن في الوقت داك كانوا عمك عمر ابو دقن اللي ساكن الموردة ، حسن ابوكلابيش المتهم بقتل دكتور علي فضل ، وطوكر ، دكين ، حسين بتاع سلاح الذخيرة - سمعت انو توفي في الجنوب وكان من اكتر الناس يتفشى بتعذيب المعتقلين - عبدالوهاب (بوب) ، السوحي ، ساتي ، نورين ، قمر الفقري ، جدو ، امجد ، مجاهد اخو ابودجانة
كدي نجيك بي رواقة ، ونذكر يوم جابو كارلوس يوم جمعة عصراً ... واذكر انك تحدثت معه في مكان الوضوء ، عمار تلك فترة اذا تذكرتها افزع من النوم ... ومع دة يجي واحد تافه يقول نضال كي بورد ...
| |
|
|
|
|
|
|
Re: (عمار محمد ادم )وسبب اتهامى بالجنون (Re: مصطفي سري)
|
اسمو طوكراوي يا سري, بعدين كان في بتاع امن وجية و مسيكين كده (نسيت اسمو) كان ببيع حصتو من السكر و التموين للمعتقلين . 39 دي كان فيها عبدالله التاي - صلاح العالم - جماعة انقلاب الانزال بتاع بورتسودان الاخوين (صلاح و التاني نسيت اسمو ) كانو معاي في 18 و كان في دكتور فاروق في 7 و كمال الجزولي اعتقد كان في 3 او 2 و بشير حسن بشير كان في 1 سيد احمد الحسين كان في الغربيات و علقو الحيوان الاسمو حسن كلابيش من يدو الواحده دي قدامنا. من ناس الغربيات كان في عمك ابوالدهب و كان في مصري طوالي ببكي و شايل مرتبوتو و حايم .
بواصل معاكـ بس خليني ابلع لي حبوب طُمام و ارجع
| |
|
|
|
|
|
|
Re: (عمار محمد ادم )وسبب اتهامى بالجنون (Re: خدر)
|
عمار ازيك (والله يقدرنا ننسى انا قايلك متذكر الموضوع. )
انا ما نسيت ولا يمكن ان انسى ابداً تلك الفترة ، بس قلت ليك في لخبطات بتحصل ، لكن لو انت بتتذكر انت وانا ودونا التحقيق سوا في بحري وكانت الساعة اتنين بعد منتصف الليل بالعربية الصغيرة ، ودونا مباني الامن في الخرطوم ومنها الى بحري عمارة الامن جوار موقف شندي واعتقد ناس الامن بسموها شندي برضو ، انت ادخلوك لعبدالغفار الشريف بتاع الامن التافه وبتاع التعذيب وعارف انو من الذين قاموا بتعذيبك ، ومحمد عثمان اللي يقوم بمراقبة الصحف هذه الايام وهو من قال انو انت جنيت ، واذكر انو كان بجيك في الزنزانة رقم (16) ويقول ليك انت جنيت
| |
|
|
|
|
|
|
Re: (عمار محمد ادم )وسبب اتهامى بالجنون (Re: خدر)
|
عمار آدم
تحياتى
أراك قد اعدت انسانيتك واصبحت خفيف الدم وخفيف الظل بعد ما كنت ثقيل الدم والظل معا فى ايام الجامعة فى الثمانينات ، وهذا والله ولعمرى من الحسنات التى انتزعتك من تلك الشخصية التى كانت تتلبسك ، أكتب يا أخى عن تجاربك فهى سوف تريحك وتفيد كثيرين ولتكون توثيق لتجاربك والتى اعتبرها ثرة جدا ، ومن الآن انا اضمن لك ان كتابك سوف يحوز اعلى المبيعات.
لنا بعض التجارب معك لو تتذكر
1 - منها فى ابريل 1984 وكنا طلابا فى جامعة الخرطوم ، كلية القانون كنا قد اتينا بقافلة قانونية سيرتها رابطة القانون بالكلية الى بورتسودان وكسلا وكنا كلنا معارضين لحكومة النميرى ، عند وصولنا لبورتسودان وقبل ان نفتتح معرضنا ونقيم ندواتنا اعلن نميرى حالة الطوارى فمنعنا من اقامة المعرض والندوات فذهبنا الى كسلا وهناك منحنا مدرسة لاقامة معرضنا فيه وكانت اغلب البوسترات فيه هى انتقاد لقانون الامن وقوانين سبتمبر وفى صباح يوم تركيب المعرض حضرت أنت لدخول المدرسة التى فيها المعرض ولكننا منعناك من الدخول وقلنا لك أن المعرض لم يفتح بعد وقلت لنا أنا زميلكم بالجامعة فقلنا لك أنت ليست زميلنا وكنا نعرفك جيدا بعداءك لنا وبعد هذه الحادثة بساعتين جاءنا رجال الامن وامرونا بقفل المعرض وعدم اقامته واقتادونا نحن جماعة الى مكاتبهم فظننا انك وشيت بنا .
2 - كان هناك ركن نقاش تحت الشجرة المقابلة لكلية الآداب والقانون وكنا متجمعين نسمع فى ركن النقاش وكان الصديق حسن ( ألان بكندا ) وهو طالب فى كلية الاقتصاد يجلس على ضهر التور المقابل لركن النقاش واتيت انت من ناحية باب شارع النشاط وعندما رأيت حسن كبرت وذهبت عليه فما كان منى الا أنت تعلقت برقبتك ووقعنا أنا واياك سويا الى الارض حتى اجتمع الناس وفرقونا من بعض .
تحياتى
تلك ايام كان لها ايقاع ( مش ايقاع حسين خوجلى )
| |
|
|
|
|
|
|
Re: (عمار محمد ادم )وسبب اتهامى بالجنون (Re: wadalzain)
|
احلف بالله قصتك بتاعت ضهر التور ما عندها اصل من الصحة انا اذكر كل شى بدقة متنتاهية واشهرها قصة لالا النور عثمان ابكر بت الطب التى صفعتنى ثم ضربى بواسطة ثلاثة من ال anf اماقصتك دى فيبدو انك قاطعها من راسك.موضوع معرض بورتسودان اتذكره ولو انا عاوز اوشى للامن ليه اظهر ليكم الواحد فيكم يتخيل حاجات ويصدقها ويجى يتكلم بيها.
| |
|
|
|
|
|
|
Re: (عمار محمد ادم )وسبب اتهامى بالجنون (Re: Marouf Sanad)
|
حكاية مجنون دى ماتشتغل بيها كتير يا عمار ... انسى ياخى وعش حياتك بما يحقق لصغارك مستقبل كويس في وطن يسع الجميع واتذكر ( اذا اتتك مذمتي من ناقص فهى الشهادة ووووو... الى اخره ) ولو قعدت تبارى قالو وقلنا بالجد بتجن يديك العافية
| |
|
|
|
|
|
|
Re: (عمار محمد ادم )وسبب اتهامى بالجنون (Re: الطاهر ساتي)
|
الحبيب 3 عمار ياخي باقي لينا من الزمن 36 ساعة فقط ارجو ان ترسل لي رقم تلفونك على الأيميل بتاعي او تعمل لي نص كول على تلفوني المنشور في البروفايل عشان اتصل بيك و نعمل تسوية قبل حضوري الخرتوم الشهر القادم . انت يامصطفي سري مشارك في الجريمة 36 طن من الود
| |
|
|
|
|
|
|
Re: (عمار محمد ادم )وسبب اتهامى بالجنون (Re: MOHAMMED ELSHEIKH)
|
الاخ محمد الشيخ سلامات (انت يامصطفي سري مشارك في الجريمة 36 طن من الود )
جريمة شنو كف الله الشر ، عمار محمد ادم يعرف الكثير من الاسرار وعندما كان يتردد علينا في صحيفة (الايام) قلت ليهو استغل الجنون المؤقت - زي افراج مؤقت- واكتب ما بدالك ، واكشف الاسرار التي تعرفها ، وهو لا يحتاج طبعا الى جنون مؤقت وللا شئ واعرف انه قال كلمته في ايام صعبة وباكرة حتى لا يقول احداً ان عمار محمد ادم يريد ان ينفذ بجلده او غير ذلك ،وعمار تلقى التعذيب بصبر يشهد له الكثيرين ، والان يا عمار اسرد كما تبغى وانا ساناولك - الطوب - لتكتب عن تلك الفترة ، ولعلك تشاهد او تقرا للكثيرين من يكتبون عن تلك الفترة ...
| |
|
|
|
|
|
|
Re: (عمار محمد ادم )وسبب اتهامى بالجنون (Re: Marouf Sanad)
|
Quote: والان يا عمار اسرد كما تبغى وانا ساناولك - الطوب |
-
اها بس نحن دا الدايرينو ذاتو ان شاء االله نوعدكم ببوست كارب من العمارة الحمراء مرورا بدار المحامين وصولا لكوبر ودبكبرفقة الأستاذ دينق ما شام. عمار حب 3 بقي من الزمن 29 ساعة اناشد الأخ ناذر الوقوف معي حتى النهاية
| |
|
|
|
|
|
|
Re: (عمار محمد ادم )وسبب اتهامى بالجنون (Re: عبدالله عثمان)
|
نعم انا ياهو من هتف سقط هبل ولااله الا الله محمد رسول صلى الله عليه وسلم وقديما قالوا مجاهد قد قنل شهيد دا بمعيار الشريعة مجاهد وداك بمعيار الحقيقة شهيد قالها موسى ثلاث فى وجه الخضر وبينما كان الحلاج يحتضر جاءه من يقول له( الم ننهك عن العالمين ) انا على قدم نبى الله موسى لم يقل له خسئت ولكنه قال له(انك لن تستطيع معى صبرا) وقديما قالوا باحوا فاستبيحت دماؤهم....ويقولون عش بالشريعة مع الناس وعش مع بالحقيقة مع نفسك هل تاملت هبل ان كنت من العارفين وما اظنك منهم وما كذا اخلاقهم..خسئت
| |
|
|
|
|
|
|
Re: (عمار محمد ادم )وسبب اتهامى بالجنون (Re: amar adam)
|
يا سبحان الله ... من يغير ولا يتغير
فعلا يا عمار أنت جنيت و كما بتهرف بما لا تعرف....
أنا تركت السودان قبل ميلاد بيوت الأشباح ...
لو هي أصلا إتولدت خلال العقدين ونصف الماضيين.
وبالتالي الحمدلله، الذي لا يحمد على مكروه سواه ... إنك لا تذكرني .....
وأنا كمان شطبتك.
| |
|
|
|
|
|
|
Re: (عمار محمد ادم )وسبب اتهامى بالجنون (Re: amar adam)
|
أنا بتكلم عن:
عمار محمد آدم
أظنه من أبناء كسلا ... أو له علاقة بكسلا.
تخرج في كلية الآداب - جامعة الخرطوم.
صوته جهوري جدا ... أي حلقومة كبير.
وهو عبارة عن كتلة كبيرة من العظم واللحم.
تعرفت عليه داخل السودان في حدود 1981م أو ما بعدها قليلا...
وبالرغم من الحجم الضخم حينها فله وجه طفولي ودود.
هذا هو سبب تذكر الإسم والرسم.
ولكن ما علينا شكلك يا عمار كأنك مسحت حقبة من عمرك ...
| |
|
|
|
|
|
|
|