|
|
 تسعه مشاهد يوميه في الخرطوم!!
|
تسع مشاهد من حياة الزول الساكن الخرطوم اليومية ... المشهد 7 حلوووووووووووو ههههههههههههههههههه
مشهد اول..
الصباح يرسل اشعته.......تغتسل من هموم يوم مضي لتستقبل يوم جديد......ومع تساقط المياه البارده فوق جسدي.....تجول بمخيلتي احداث اليوم السابق...9حالات من السل...11حاله ايدز...27 ملاريا..صوت صراخ...صرير النقالات...رائحه الكلوركس....وسماعه الموبايل في اذنيك...fm95تعلن في اخبارها...(وزاره الصحه تؤكد خلو البلاد من الحمي النزفيه..ودحر الايدز والملاريا.....وقلت نسبه الوفيات...)تبتسم فقط.......
|
|
 
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد تالت......
في مدخل السوق....يتعلق فيك شافع صغير....ربنا يدينا ويديك...معلم الله ...ياخي فكني.......فايتنك بالصبر...وينتهي النقاش بوعد هذا الصبي ..واقناعه بأن وزاره الصحه حتصرفنا شهر 7وحاجي اديك بدل ميه الف جنيه......
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد رابع....
المواصلات مذدحمه..........وووووووووووووو ب علي ..صرخه اطلقتها طالبه جامعيه..في شنو..؟؟...وبدون تجاوبك من منظر الشنطه المفتوحه.تعرف.......موبايلها اتنشل.....و شعار..(الشرطه في خدمه الشعب..الشرطه عين ساهره..)....
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد خامس....
النبق الفارسي ...سم الفار ...زاهي للقحه والنزله..تحويل رصيد...التفاح ..المعجون...3فنايل بي 5الف...و.....والجرجير الصابون...صباع امير 3بي الف.....بسم الله نفر واحد بس فارش سوق مركزي كامل قدامو...سبحان الله...
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد سادس...
وفي انتظار الحافله....نظرت يمينا حائط مكسور..بجانبه اخصائي عرديب ..خلف الحائط كتبت عباره ممنوع ال...
وبجوارها مجموعه من الشماسه وكل يحمل قماشه في فمه.....نظرت شمالا في نفس الحائط اعلان ورقي لحفل خيري لصالح اطفال غزه يحييه الفنانون..نجاه غرزه.. ايمن الربع.. حماده بت ..اميمه علب....وهتفت بداخلي عاشت القضيه الفلسطينيه....
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد سابع....
بجوار الموقف مصلي صغير....علبه الكريستال مويه للوضوء بميتين جنيه...حلقه من مجموعه من الشيوخ يتناقشون ويحتدون في النقاش ...موضوعه..الجنه فيها جرجير واللا مافيها..واكل الباسطه بقطع الوضوء واللا مابقطع...ويحتد النقاش...وتسللت بعيدا..متجها علي الكافتريا..
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد تامن....
كافتريا الاستاد..اديني سندوتش طعميه وكولا...طيب خلي الكولا ..تذكرت اعلان يدعو لمقاطعه الكولا...
وفي ركن قصي من الكافتريا..لمحت شاب وشابه ..ودار بينهم الحوار التالي..ياسوسن انابحبك...ياعماد عارفااااااااك..بس لي متين...سوسن انتي عارفه انابس باقي لي الخدمه الالزاميه وبعديها بشتغل ..يعني ياسوسن انتي انتظرتي..6سنه غلبك تنتظريني 4سنه تاني..طيب اقوليك خلاص نأجل احلامنا دي..وتنهار احلام سوسن..
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اليسع نورين)
|
مشهد تاسع..
داخل الحافله...ممكن تديني الجريده اتصفحها...؟..وراغو عمرو اكبر من 20سنه...طمبل ماسوره ..ماماسوره...
ويميني طالبتين من الثانوي...والله تامر حسني احلي من مهند...لالا مااحلي..رموش مهند احلي ..و...واستغفر الله....
انا بشيل الصرفه الجايه...تاني بخيته دي مابدخل معاها في صندوق.اوكامبو قالو بى يهضرب..وهتافات الرد السد...
.وانتبهت للكمساري.بانت ..صيدليه الاربعين...في واحد نازل...طق طق طق..
وصمت بره....وابتسمت
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: اينانا)
|
| Quote: بجوار الموقف مصلي صغير....علبه الكريستال مويه للوضوء بميتين جنيه |
ومياه النيل المجانية على بعد 2 كيلومتر فقط من الموقف..
وبرضو يقولو البلد فيها طفرة..
حدثني قريبي الذي يملك محلاً في السوق العربي.. بجوار فندق مني السياحي..
بأن تكلفة دخوله الحمام للتبول والوضوء في اليوم أكثر من ألف جنيه..
ماذا نقول على هذه الحالة.. وكيف يتم تقييم التطور في البلد..
إذا كان هذا مستوى الخدمات التي تقدمها المحليات والولاية..
| |
|
|
|
|
|
|
|
|
|
Re: تسعه مشاهد يوميه في الخرطوم!! (Re: المسافر)
|
المشاهد في الخرطوم مابتتوقف في رقم
لان الحياه السودانيه كلها مشاهد
بس حاولنا نشير لي بعضها
وانا متأكد انه اي واحد بيقرا البوست
دا بيحس انه عايش بعض او نقول كل المشاهد
دي.
تخريمه،،
تذكر كيف يكون الحال لو ما كنت سوداني
| |
|
|
|
|
|
|
| |
ناصر جبريل
اينانا
المسافر
فيس بوك
تويتر
انستقرام
يوتيوب
بنتيريست