كتب الكاتب الفاتح جبرا المتوفرة بمعرض الدوحة
|
Re: هذا هو الشهيد الذى خانه نميرى واعدمه هو الان يرتاح فى قبره (Re: محمد عادل)
|
يامحمد بن عبدالله
ياخي الكلام الكتبته دا غلط في حقك كفرد وكأنصاري وكزول خريج جامعي وكرياضي وكسياسي أن تجعل إنفعالك أكبر من عقلك.
الفرح لموت أو الجزعً من الموت من الأمور المرزولة فالموت هو الخاتمة الطبيعية لكل إنسان.
والفرح الحقيقي لكل السودان هو إشتراك مواطنيه في الثروة والسلطة وإنتهاء نظام الإستغلال والتهميش في صوره المدنية وفي صوره العسكرية.
بعدين تعال منو القال ليك البطل الشهيد هاشم العطا ما كان مرتاح في قبره وراجي نميري يموت عشان يرتاح؟
ياخي قول لا إله إلا الله محمداً رسول الله وإستغفر للناس جميعاً
| |
|
|
|
|
|
|
Re: هذا هو الشهيد الذى خانه نميرى واعدمه هو الان يرتاح فى قبره (Re: Al-Mansour Jaafar)
|
يا محمد عادل ياخ هاشم العطا دا ذاتو انحنا عندنا تحفظ كبير على مسيرتو،، أمسكنا عن كل ذلك لأنه بين يدي الحكم العدل!!
ماذا لو مت يامحمد عادل وصاح معظم البورداب هنا : اليوم يشيع الشامت في الأموات بالأمس؟ من ترجوه يدعو لك وأنت بمثل هذه القسوة؟؟؟؟
إتق الله وراعي حرمة الموتى وأحزان ذويهم وأدع لهم بالصبر الجميل ولموتانا أجمعين بالعفو والعافية فهم السابقون ونحن اللاحقون!!!
(إنا لله وإنا إليه راجعون))
| |
|
|
|
|
|
|
Re: هذا هو الشهيد الذى خانه نميرى واعدمه هو الان يرتاح فى قبره (Re: عبد اللطيف بكري أحمد)
|
قرأت الكثير من التعليقات حول إنطواء صفحة المشير م. جعفر محمد نميري فالرجل لم يكن مواطنآ عاديا.. بل كان حاكما للسودان و لمدة ستة عشر عامآ.. بالتأكيد هنالك من له الحق في توجيه النقد لفترته وخاصة أولئك الذين تضرروا من حكمه .. وسيظل إنتقاد مايو وجوانبها السلبية قائما سواء مات النميري أو ظل حيآ فهذا تاريخ من مسيرة الدولة السودانية لن يتغير. ويبقى من شيم تقاليدنا أن نترحم على روح (المواطن) جعفر نميري لأن الموت هو أبلغ خطبآ وخطاب. يرحمكم الله.
| |
|
|
|
|
|
|
Re: هذا هو الشهيد الذى خانه نميرى واعدمه هو الان يرتاح فى قبره (Re: SHIBKA)
|
يامحمد ياهلالى,,,
انت زعلان من نميرى لانه كان مريخابى
ياخى نحن جيل نميرى,, ولدنا وعشنا وقرينا وتمتعنا فى حكم نميرى
الدراسة مجان,,العلاج مجان,, تصدق ياصديقى,,كنا فى الداخليات يوزع لنا حتى كاسات الشاى وبطاطين الغطاء,,وفنايل الكرة اما الكراسات والكتب دى على قفا اها زول زى دا وبعدين تعال انت شيوعى ام حزب امة هاشم العطا محسوب على الشيوعين
اسى بذمتك احسن نميرى ام البشير مايو ام الانقاذ
خلينا نقول الله يرحم الاموات ويخلصنا من حكم الحيين
البركة فيكم قالو الارباب مات
| |
|
|
|
|
|
|
Re: هذا هو الشهيد الذى خانه نميرى واعدمه هو الان يرتاح فى قبره (Re: Zomrawi Alweli)
|
يا محمد عادل
ضحايا نميري المظلومين
الامام الهادي لانه وصل لتسوية مع حمدالله وتم الغدر به و محمود محمد طه لانه قتل بدون سبب خالص والشفيع لانه لم يكن يعلم بانقلاب هاشم العطا على حسب شهادة زوجته.
البقية قتلو لانهم عملو انقلابات و شاركوا فيها ياقاتل يامقتول....
اي زول يعمل انقلاب يا قاتل يا قتلو ولاكيف؟ اقعد اقرا بعدين تعال اكتب
وحاكم الناس والتأريخ والله يرحم نميري
| |
|
|
|
|
|
|
Re: هذا هو الشهيد الذى خانه نميرى واعدمه هو الان يرتاح فى قبره (Re: بشير حسـن بشـير)
|
نميرى مات و يرحمه الله ... و هو بين يدى غفور رحيم سيحاسبه على كل شئ... ... إنتو لو دايرين تاخدو حقكم ... أبوالقاسم محمد إبراهيم قاعد يتقس ليوم الليلة ... حايم من سوق خرفان لسوق خرفان ... لا حراسة و لا يحزنون.... و خالد حسن عباس قاعد... و مامون عوض أبوزيد ما بعرف البقى عليهو شنو... ما تجو تتضرعو فى الأسافير... و كمان زول تانى حسنى مبارك ضرب الجزيرة أبا بالميج 21 و ليوم الليلة قاعد أشتكوه ودوهو لاهاى...
مسعول من الخير ...الزول الخاتى صورتو فوق ده و من أمبارح إرتاح فى قبره "الله يرحمو" مش كان عضو مجلس قيادة ثورة ساعة ضرب الجزيرة أبا الكان أسم دلعها "معقل القوى الرجعية"...نميرى شن عرفو بجنس الكلام ده و لو كان إنقلابو نجح كان حا يدى النميرى نيشان ؟ ... و تعرف لو أخدتو حقكم من الحيين الفضلو ديل ... بتشجعونا عشان عندنا حسابات كتيرة مع القاعدين هسع و القبالهم و قبال القبالم... باقى يا اللخو نحن لينا فترة قررنا إنتظار يوم القيامة و بقينا دايرنها تقوم بسرعة عشان نشوف العالم دى بتسوى شنو ....
| |
|
|
|
|
|
|
Re: هذا هو الشهيد الذى خانه نميرى واعدمه هو الان يرتاح فى قبره (Re: Tabaldina)
|
..
القبح يظهر الجمال ..
تريث كثيرا وأكتب قليلا تنال شيئا من التوفيق ..
حسني مبارك أحد الذين ضربوا الجزيرة أبا وأنت تمدح مصر ليل نهار .. لم نسمع منك كلمة في ذلك وها أنت اليوم تسبح عكس التيار ..
بعض الشخوص يمثل إنتمائهم لجهة معينة وصمة لتلك الجهة فكن وصمة خير يتذكرها الناس لك يوم موتك ..
فبمجرد أن يكون الشخص في ذمة الله تكون العدالة الربانية هي التي تتولاه والنباح حول رجل في ذمة الخالق تعادل عدم الثقة في عدالة الله ..
أكبر يكبر من تنتمي إليهم .. أصغر تصغر أنت أولا ثم الذين حولك ..
..
| |
|
|
|
|
|
|
|