|
Re: القرد في عينه أمه غزال !!!! (Re: عواطف ادريس اسماعيل)
|
الأُستاذة / عواطف إدريس .
مُشتاقين واللهِ .. وكيف حالك .
Quote: ( القرد في عينه أمه غزال !!!!) |
والغزال في عين أُمو شنو يا أُستاذة ؟ ههههههههههه
الله يدِّيك العافية يا عواطف ، فالموضوع مهمٌّ جدًّا ،
وفعلا واللهِ بعض الآباء ما بأدِّبوا أطفالُنْ بالطَّريقة الصَّحيحة وما بِوَرُّوهُن إنُّو دا غلط ودا عيب ودا صاح ،
وطبعًا دي مُشكلة كبيرة ، وكل كلامك القلتيهو صحيح ميَّة بالميَّة ،
فوَ اللهِ أنا عندي كم صاحب كِدَة ، عندهُنْ جِنِسْ شُفَّعْ ( لا حولَ ولا قوَّةَ إلا بالله ) ، ولمَّن الواحد من أبواتُنْ
يتَّصِـلْ عليْ ويقول لَيْ :
- كيف حالك ياخي ، وكيف أخبارك ، ياخي جاينَّكْ اللّيلة أنا والعيال ، أوْعَ تكونوا مارقين
ليكُنْ فِجَّة.
- حاضر ، حاضر ، وأبشر تشرِّفوا في أيِّ وَكِتْ .. ( واللهِ إنْ بقيتَنْ عندنا مشوار ضروري نخلِّيهوا
عشان خاطِرُنْ ، شفتي المُجاملاتْ دي كيف ) .
أها لمَّنْ يجوا وحاتِكْ يا عواطف ، البيت يقلبوهو لينا ( حلبة مُصارعة ) ، وأوْعَكْ تقوم تنهر ليك
واحِدًا فيهُن ، مُؤكَّد بقولوا الزُّول دا ما داير النَّاس .. لأنُّو ما في زولا بِرْضَى ينهرولو شُفَّعوا وزَيْ ما
بقول لَيْ واحد من أصحابي ، وأظنُّ أنَّ مقولتَهُ بها كثيرٌ من الصِّدق ، لمَّا قال لَيْ : ( ياخي أولاد
المغتربين ديل أكتر أولاد في الدُّنيا دي قليلين أدب وخمجانينْ وراسُنْ قَوي وما بِسْمَعُوا الكلامْ ) .
وأنا من زمان مقتنع بي حاجة ، إنُّو الشَّارع بِرَبِّي الطِّفِل ، أها أولاد المغتربين ديل بيفتقدو لهذا
الشَّارع الجميل ، وأقصِد بالشَّارع زَيْ ما عارفة ، إنُّو زمان لمَّا كُنَّا صُغار ونطلعْ نلعبْ في الشَّارع وقِدَّام
البيوت ، أها ويقوم الواحد مِنَّنا يعمل ليهو حاجة غلط ، أها بتلقي أيِّ واحد من ناس الحِلَّة جايي
ماشي بالطَّريق بِنْهَرَكْ وبقول ليك : يا ولد ، لا ، ما تعمل كَدي ، ودا عيب ، يعني زمان كان في تقويم
للطِّفل داخل البيت ( الوالدين ) وخارج البيت ( ناس الفريق ، الحلة ، الأهل ) ، أها أولاد
المغتربين ديل باقيين علي تربية البيت فقط ، والوالدين في البيت زَيْ ما عارفة بعضهُن ماهو فاضي
وبعضهُن مُتساهِل في الموضوع ، لذلكَ التَّربية في الغربة بتفتقد لبعض عناصرها الأساسيَّة والضَّروريَّة ،
ولا أعتقدُ أنَّ البيتَ وحده سيكونُ كافيًا إلا فيما نَدَرْ ..
* وأمَّا بالنِّسبة لضجيج شُفَّعْ الضُّيوف والخمجْ حقَّهم ، أقول ليك يا عواطف غايتو المُعادلة صعبة خلاس ،
إنْ إتْكلَّمتَ معاهُنْ يقولولَكْ ماك داير النَّاس ، ويمرقوك زولا كَعَبْ بلحيل ، أها وإنْ بقيتَنْ سكتَّ ومسكتَ
خشمَكْ عليك أها بيتكْ بِقِلبوهو ليك * هريسة .
ومافي حَل غير إنُّو النَّاس كُلَّها ( خاصَّة الواليدن ) توعَى بي دور التَّربية وتعرف أهميَّتَا ،
ويحاول كُلُّ منَّا يربِّي أولادو التَّربية الصَّحيحة والقويمة .. وأظُنُّ أنَّ إحدى خالاتي كانتْ صادقةً حينما
كنتُ صغيرًا وأنا أسمعُها تستأنَسُ مع إحدى جاراتِها وتقول :
- التَّربية يا يُمَّة قَـرِشْ حَصْحاصْ .
*** وغايتو أكَّان في عائلة من عوائل الشَّثفَّع قليلين الأدب ديل إتَّصلوا عليك وقالو ليك
نحنا جايينِّكْ يا عواطف ، ما عليك إلا تقولي ليهُن ، أيوة تعالو عشان دايرين نمرُقْ كُلَّنا
علي الحديقة الفلانيَّة ، أها بعد دا ما عليكم إلا تَخُمُّوهم وتقعوا بيهن في حديقة من الحدائق
البعيدة من بيتِكْ والقريبة من بيتُنْ ، عشان ما في النِّهاية يقومو يعرِّجو مُجدَّدًا علي بيتُكُنْ. أخيرًا أقولُ لكِ مازحًا :
_ أها الليلة يا أُستاذة عواطف مارقين فِجَّة ، عشان بندور نجيكم أنا والعيال ؟؟؟؟
هههههههههههههها .
ما تخافي شُفَّعي صُغار ومُؤدَّبين ، ومن هسَّة أنا قاعد أوَرِّيهم دا غلط ودا صاح ، ومِعَلِّمُنْ من صُغار علي
أكل الكسرة ، وآخر مَرَّة مشوا فيها السُّودان ضربو ليك الكِسْرة دي زَيَّ التَّرتيب وزَيَّ الماحصل حاجة ،
لمَّا أهلي هناك استغربو وقالو لَيْ ياخي أولادك ديل كانو عايشين في السُّعوديَّة ولّا في السُّودانْ ؟.
وصدقّيني أيِّ طفل في هذه الدُّنيا بِسْمع الكلام إنْ وجدَ الدَّليل ، اللَّهمَّ إلا ما يلقى المُرشِد الصَّحيح ،
وأعتقدُ جازمًا أنَّ الْعِبءَ الأكبرَ يَقَعُ على الوالدينْ .. ليسَ أكثَرْ ..
احتراماتي الشَّديدة .
أخوك / محمَّد زين . ____________________________________________ * هريسة : قصدتُ منها كِسِّير لمبات الكهربا بالجِدِّيع حقَّ الشُّفَّع ، ووِسِّيخْ الملايات بي كِرعيهُنْ وكسِّير السَّراير بالنِّطِّيطْ بتاع شُفَّع الضيوف . والمعنَى أكيد ما بِغَبى السَّامع والقاريء الكريم ، اللَّهُمَّ إلا أنْ يكون ما جَرَّبْ نوع شُّفَّع الضيُوف البنتكلَّم عنَّهُنْ فوقْ ديل .
* قَـرِشْ : أكِلْ بي صوت يُضرِسُ السَّامع والأسنانْ ، وفيه شبه استحالة للإنسان العادي لِذلكَ من صُعوبتِهِ يُضربُ بهِ المثلُ ، لكنَّهُ يعودُ أخيرًا بفائدةٍ عظيمة .
|
|
|
|
|
|
|
العنوان |
الكاتب |
Date |
القرد في عينه أمه غزال !!!! | عواطف ادريس اسماعيل | 05-31-09, 06:26 AM |
Re: القرد في عينه أمه غزال !!!! | محمَّد زين الشفيع أحمد | 05-31-09, 08:22 AM |
Re: القرد في عينه أمه غزال !!!! | عواطف ادريس اسماعيل | 05-31-09, 08:55 AM |
Re: القرد في عينه أمه غزال !!!! | عماد محمود علي | 05-31-09, 09:29 AM |
Re: القرد في عينه أمه غزال !!!! | عواطف ادريس اسماعيل | 05-31-09, 10:16 AM |
Re: القرد في عينه أمه غزال !!!! | ترهاقا | 05-31-09, 09:23 AM |
Re: القرد في عينه أمه غزال !!!! | عواطف ادريس اسماعيل | 05-31-09, 10:24 AM |
Re: القرد في عينه أمه غزال !!!! | وليد الطيب قسم السيد | 05-31-09, 10:55 AM |
Re: القرد في عينه أمه غزال !!!! | elfadl abdellatif | 05-31-09, 11:14 AM |
Re: القرد في عينه أمه غزال !!!! | عواطف ادريس اسماعيل | 05-31-09, 01:48 PM |
Re: القرد في عينه أمه غزال !!!! | Dalal Ezzaldin | 05-31-09, 11:21 AM |
Re: القرد في عينه أمه غزال !!!! | عواطف ادريس اسماعيل | 05-31-09, 01:50 PM |
Re: القرد في عينه أمه غزال !!!! | الطيب شيقوق | 05-31-09, 11:34 AM |
Re: القرد في عينه أمه غزال !!!! | elfadl abdellatif | 05-31-09, 12:21 PM |
Re: القرد في عينه أمه غزال !!!! | عواطف ادريس اسماعيل | 05-31-09, 01:56 PM |
Re: القرد في عينه أمه غزال !!!! | عواطف ادريس اسماعيل | 05-31-09, 01:52 PM |
Re: القرد في عينه أمه غزال !!!! | عواطف ادريس اسماعيل | 05-31-09, 01:41 PM |
Re: القرد في عينه أمه غزال !!!! | محمد عثمان عبدالله | 05-31-09, 11:52 AM |
Re: القرد في عينه أمه غزال !!!! | عواطف ادريس اسماعيل | 05-31-09, 01:59 PM |
Re: القرد في عينه أمه غزال !!!! | حافظ حسن ابراهيم | 05-31-09, 02:01 PM |
Re: القرد في عينه أمه غزال !!!! | عواطف ادريس اسماعيل | 06-01-09, 06:35 AM |
Re: القرد في عينه أمه غزال !!!! | الطيب شيقوق | 06-01-09, 07:26 AM |
Re: القرد في عينه أمه غزال !!!! | عواطف ادريس اسماعيل | 06-01-09, 08:01 AM |
Re: القرد في عينه أمه غزال !!!! | الطيب شيقوق | 06-01-09, 08:06 AM |
Re: القرد في عينه أمه غزال !!!! | عواطف ادريس اسماعيل | 06-01-09, 08:23 AM |
Re: القرد في عينه أمه غزال !!!! | حافظ حسن ابراهيم | 06-01-09, 08:06 AM |
Re: القرد في عينه أمه غزال !!!! | عواطف ادريس اسماعيل | 06-01-09, 08:27 AM |
Re: القرد في عينه أمه غزال !!!! | الطيب شيقوق | 06-01-09, 10:30 AM |
Re: القرد في عينه أمه غزال !!!! | عواطف ادريس اسماعيل | 06-01-09, 11:45 AM |
Re: القرد في عينه أمه غزال !!!! | عبد الدائم سيد أحمد | 06-01-09, 12:25 PM |
Re: القرد في عينه أمه غزال !!!! | Muna Khugali | 06-01-09, 02:10 PM |
Re: القرد في عينه أمه غزال !!!! | عواطف ادريس اسماعيل | 06-02-09, 09:16 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:11 AM |
Re: القرد في عينه أمه غزال !!!! | سيف الدين مصطفى كرار | 06-01-09, 06:08 PM |
Re: القرد في عينه أمه غزال !!!! | عبدالعزيز الفاضلابى | 06-02-09, 03:22 AM |
Re: القرد في عينه أمه غزال !!!! | الفاتح ميرغني | 06-02-09, 03:46 AM |
Re: القرد في عينه أمه غزال !!!! | عبدالعزيز الفاضلابى | 06-02-09, 03:59 AM |
Re: القرد في عينه أمه غزال !!!! | Abdlaziz Eisa | 06-02-09, 06:09 AM |
Re: القرد في عينه أمه غزال !!!! | الطيب شيقوق | 06-02-09, 06:26 AM |
Re: القرد في عينه أمه غزال !!!! | علاء الدين حيموره | 06-02-09, 06:54 AM |
Re: القرد في عينه أمه غزال !!!! | الطيب شيقوق | 06-02-09, 07:48 AM |
Re: القرد في عينه أمه غزال !!!! | elfadl abdellatif | 06-02-09, 09:26 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:55 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:50 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:48 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:44 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:40 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:29 AM |
Re: القرد في عينه أمه غزال !!!! | عواطف ادريس اسماعيل | 06-02-09, 09:25 AM |
Re: القرد في عينه أمه غزال !!!! | ناهد بشير الطيب | 06-02-09, 10:01 AM |
Re: القرد في عينه أمه غزال !!!! | عواطف ادريس اسماعيل | 06-02-09, 10:09 AM |
Re: القرد في عينه أمه غزال !!!! | حذيفه ابراهيم الكباشي | 06-02-09, 10:11 AM |
Re: القرد في عينه أمه غزال !!!! | الفاتح شلبي | 06-02-09, 10:33 AM |
Re: القرد في عينه أمه غزال !!!! | المسافر | 06-02-09, 11:15 AM |
Re: القرد في عينه أمه غزال !!!! | عواطف ادريس اسماعيل | 06-03-09, 12:48 PM |
Re: القرد في عينه أمه غزال !!!! | عواطف ادريس اسماعيل | 06-03-09, 12:43 PM |
Re: القرد في عينه أمه غزال !!!! | عواطف ادريس اسماعيل | 06-03-09, 12:36 PM |
Re: القرد في عينه أمه غزال !!!! | عبدالعزيز الفاضلابى | 06-03-09, 07:55 PM |
Re: القرد في عينه أمه غزال !!!! | الشفيع محمد صادق | 06-03-09, 09:24 PM |
|
|
|