|
|
 Re: الي محمد ديكور (مدينة البهائم) تحاصرنا من جديد ! (Re: خضر حسين خليل)
|
محمد ديكور
(مدينه البهايم لن تحاصرنا اكثر مما فعلت)
وما ضرَّ غير أبَّان دقون فيها الضلالة معشْعِشِي
وفِقَراً تَغُشْ في الله .. تخُشْ بيتو وتسرْقُوا ورا العِشي
كُرْ .. من ضمير ناس .. هان قَدُرْ .. تجْلِب بِلاده وتِتْرَشِي
كُرْ .. من عَوَارْضِك يا بلدنا .. الناس تَشُوف ومَدَعْمِشِي
تسمع سماع .. ومَطَنِّشِي !!
وحاكْمَانا في اشنو .. وشان شِنُو ؟
حاكُومة ما خابْرالنا شِي ؟!؟
حِسْ أمَّها المَهَرِيِة همْ ، يجي من بعيد
يا أمُّونَة بتِّي شِن الشَكِي
ما حاشُو في الطين الرُخُسْ .. ينحاش فِ أرْضِ مَكَرِكِي
حَرْمان عليكي تقولي لا
مجبورة يا خادْمَ الفَكِي .. مجْبُورة إنتِي على الصلاة
لا تأذِي جرحو تحَكْحِكِي
وجاييك مَلَكْلَك من تِحتْ .. يا أمّونة تاني تَلَكْلِكِي
شيلي الحَرف داك رشْرِشِي
قوم يا عشاي .. قوم للعَشي
قوم .. واِنتَكِي
وقام واِنتَكَى
ويلقى الحسن في صفْحَتو وقِدَّامْ وَشِي
- إن جيت بلدنا إنكسِّرت
_ أيِِّّ .. آ .. الحسن
- كَسَرَا البحر ؟
_ أيِِّّ .. آ .. الحسن
- يابا البحر دا .. بحرْ بلدنا ؟
_ أيِِّّ .. آ .. الحسن
- الزول يكسِّر بلدو ؟؟
والضو .. سكَتْ .. طقْطَق أصابِع ولدو
.... فِسْْ .. إنجِلِسْ
... فِسْْ .. إنجِلِسْ
- يابا المدارس اندمَّرت ؟؟ صاح والجوامع اِنكسَّرت ؟؟
_ أيِِّّ .. آ .. الحسن
- يابا .. الجوامع .. هيل مِنُو ؟
_ هِيل الله .. نُــوم ..
- حتَّى المدارس حقَّتُو ؟؟
_ لا لا الْلتْ الحاكومة .. نوم ..
- هُو الزول يكسِّر حقُّو كيف ؟؟ !!؟؟
والضو يَطَلْوِحْ بُو اِندهاشْ .. ما يلقى قيف
.. لا بان لُو .. بَرْ .
وأمُّونَة صُوتا من البعيد ..
نوم .. يا .. قَشَرْ
- صِحْ يابا في الجامع ، جا تمساح واِنبَطَحْ ؟؟
_ أيِِّّ .. آ .. الحسن
- يابا التماسيح .. مسلمين ؟
_ لا مجرمين
- لابسين دقون .. لافِّين طِرحْ ؟؟
_ ..........
- ما تَضْرَبُوهُن بالسلاحْ ، وتَكَتِلُوهُن .. تاحْ .. تَرَحْ ؟
والضوْ .. سرحْ
وأمُّونة صوته من البعيد .. حَلِقَه إنجَرَحْ
: نوم يا قَشَرْ .. : نوم قبْل أجيك
- يابا البحر دا ولَدْ مِنو ؟
_ ولد المطر
- ويابا المطر ؟
_ بت السحاب
- ويابا السحاب ؟
_ خير للبشر
- ويابا البشر ؟
_ هُول ربَّنا
- ونان ربـ
وأمُّونة تجري من البعيد ..يقطع كلامو وتنْحَسُو
تَجْبِدْ أضانُو وتقْرُصُو
لا تقْلِدُو .. جيب القَشَر دا علي رفاقتو نرَقِدُو
أمُّونة هَزَّتَا تمْغِسُو
- أنا دايْر أنوم في صدر أبوي .. شان البحر
وقام إنحشر .. في صدر أبوهُو وحدَّثُو :-
في مرَّة جُونا .. رجال كبار .. كبآر
غَمَتُولِي في إيدِي .. قروش كتار .. كتآر
أمُّونة شالتا فنَّتا..
الراجِل أبْ دِقناً كبير .. سبَّاله دنْقَر لقَّطَا
وأنا قُم بكيت
أمُّونة فكَّت صُرَّتَا .. وأدتني صندوق بسكَوِيت
_ بعدين ؟
- سكَتّ .. وأمُّونة قامت .. شَوّ .. بَكَت
وتلْفَح نعالَه .. وتَفْلَعُو ..
نوم .. يا .. قَشَرْ
نوم .. قَبْلَ أجيك
- أنا داير أنوم في صدر أبوي .. شان البحر
وقام إنحشَرْ .. في صدرَ أبو
ونام الحسنْ .. في آخر المسا
وصنَّت عيون النوم يجيها بعد تعَبْ ..
سرْسارو داخل المدرسة .
والضو غَمَد
صِحَى .. بِي صياح الأمهات .. وأطفالَه مِنطلْقِين بِكِي
كل فردِة تبكِي على بلد
بكَّاهَا حِسْ الطائرات .
والضو .. ضحك ..
لمَّا البنات قالَن لُو طُقَّهَا بِي حَجَرْ !
يا الضو تَطُقَّهَا بي حجرْ .. في الجو ..
تَرمِّي لنا الخِيام ..
يا قطْرَِةَ التَرَاكُومَا ..
يا سكَّرْ .. دقيق .. ومعلبات .
ومنام .. منام
جات البلد .. تَعَتِبْ .. جراحَه مَسَبَبات
لون القمح ..
طعم التُمُرْ ..
ريحةَ الطَلِحْ ..
ضُل البرندات القُدام
البُرتُكان .. والمنقة .. والليمون
يجوهو .. منام .. منام
طُورِيْتُو .. فِطْنَ الكونْشِبِر .. مرْكُوزة تالا السام
تجيهو .. منام .. منام
المُشْرَع .. البنْطُون معَدِّي .. ودوْشَةَ العمال .. تجيهو .. منام .. منام
الروضة والأطفال .. بنات الإبتدائي .. العام .. تجيهو .. منام .. منام
الشارع الوسطاني .. والزاوية .. الَسَلام والناسْ ..
يجوهو .. منام .. منام
الصَفْقَة .. والطنْبُور .. ووِزَّاً عام .. يجيهو .. منام .. منام
الناس تقاومْ في البحرْ .. مرْيُوقَة .. مِتْماسكِين تمام ..
في القيف يجوهو منام .. منام
الأرْزَقِي أرباب البنوك .. شُلَّةْ حَرامِيْةَ الضلام
المُلُّسْ .. السادة الكرام .. لافِّين عليهُن زيْ غَفَر .. قاشْرِين
يجوهو طُمام .. طُمام
السُوق .. غَلاها .. الشُفَّع الأيتام ..
يجوهو .. دِيوش .. دِيوش ..
وبلا قروش .
اللجنة .. تجَّار الرصيف .. المسْخَرة .. الهدَّام ..
يجوهو .. كروش .. كروش
والضو يدُوش !
أصبح صباحِك .. يا البلد
واللاَّ العَفاريت أصبحت
يصْبِحْ صباحِك يا البلد
تَبْرِي وجرحْ بالك برد ..
والضو يعافِر في الجبل
مرُّوا بُو سابع يوم وِلاد
يا الضو حمارْتكْ .. طفَّحَت
أمِس الكلاب بَعَجَنَّهَا
كلبةْ مدينِة .. وديكا .. عِيك .
دحشك .. معاهُو دحيش غريب
خلِّينا فوق قوز الرماد
أدِّينا عيش وصبيط تَمُرْ .. يبقالو زاد
إسبوع يعيش كان الله اراد
أنا بُكْرَة صادْ .. كان الله راد
والضو خنس .. قنَّب حكَى
حكَى للوِلاد قصَّة تساب كم واربعين
حكَى بي مَغَسْ ..
كيف جِدُّو فات الدنيا .. فاكر الإنجليز ضربُوا البحر بالطائرات
شان يشْرَق المشروع يموت والأمَّة تنْشَتت .. شتات
قال وإنتكَى ..
" الإنجليز أذنابَه في .. وكم وأربعين مويات وجات"
صنَّة و بكى
بكى ما بكى
بكَّاهُو حِسْ الطائرات
بكَّاهُو قُدْرَتُو تنتهي
بكَّاهُو يرْجَى المعجزات
ابتداء من حيث انتهيت والاخرون ياصديقى اتزكر حيدر على الحسن وكيف كان هذا الشاب صادقا عندما يقدم قصيدة حميد
بقيت ماك محمد جنا سوق بلاله ومترة المرين
كواريك رفاقتك فى نصت نهار
مشيتو الجناين وجبتو الكداد
خذ النار خذها بباس وقوة
فلن تستطيع مع النار صبرا صراصير يونيو ومافيا الظلام
كلما اتزكر هذا الشاب يجينى يقين قاطع باننا لن نظل محاصرين بمدينه البهايم هذه كثيرا .ويوما ما سناتى بهم عراة الى محكمة التاريخ وسنقتص لناديا صابونه وللذين ماتو غبينة(موت الله والرسول)
اوعى البشغل والعربات والحيكومه السمها فايروحرة قلبك
محمد ديكور
|
|
 
|
|
|
|
|
| العنوان |
الكاتب |
Date |
| الي محمد ديكور (مدينة البهائم) تحاصرنا من جديد ! | خضر حسين خليل | 05-14-09, 09:35 AM |
| Re: الي محمد ديكور (مدينة البهائم) تحاصرنا من جديد ! | المسافر | 05-14-09, 09:45 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-14-09, 09:56 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-14-09, 10:17 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-14-09, 10:53 AM |
| Re: الي محمد ديكور (مدينة البهائم) تحاصرنا من جديد ! | الفاتح شلبي | 05-14-09, 12:11 PM |
| Re: الي محمد ديكور (مدينة البهائم) تحاصرنا من جديد ! | حنين للبلد | 05-14-09, 12:48 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 07:01 AM |
| Re: الي محمد ديكور (مدينة البهائم) تحاصرنا من جديد ! | Suad I. Ahmed | 05-14-09, 12:49 PM |
| Re: الي محمد ديكور (مدينة البهائم) تحاصرنا من جديد ! | Emad Abdulla | 05-14-09, 01:46 PM |
| Re: الي محمد ديكور (مدينة البهائم) تحاصرنا من جديد ! | معتصم ود الجمام | 05-14-09, 02:03 PM |
| Re: الي محمد ديكور (مدينة البهائم) تحاصرنا من جديد ! | Ahmed Abdallah | 05-14-09, 03:25 PM |
| Re: الي محمد ديكور (مدينة البهائم) تحاصرنا من جديد ! | الوليد محمد الامين | 05-14-09, 09:08 PM |
 Re: الي محمد ديكور (مدينة البهائم) تحاصرنا من جديد ! | Eng. Mohammed al sayed | 05-14-09, 09:31 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-15-09, 05:55 PM |
| Re: الي محمد ديكور (مدينة البهائم) تحاصرنا من جديد ! | Rahma Awad | 05-15-09, 06:18 PM |
| Re: الي محمد ديكور (مدينة البهائم) تحاصرنا من جديد ! | محمود أكمنتود | 05-15-09, 08:56 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-17-09, 08:42 PM |
 Re: الي محمد ديكور (مدينة البهائم) تحاصرنا من جديد ! | خضر حسين خليل | 05-18-09, 06:21 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-17-09, 01:42 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 08:45 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-17-09, 08:23 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 10:39 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 10:34 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 10:30 AM |
 Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 08:15 PM |
| Re: الي محمد ديكور (مدينة البهائم) تحاصرنا من جديد ! | شادية عبد المنعم | 05-15-09, 11:41 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 06:25 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-18-09, 07:58 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 10:24 AM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-16-09, 06:56 AM |
| Re: الي محمد ديكور (مدينة البهائم) تحاصرنا من جديد ! | باسط المكي | 05-16-09, 07:05 AM |
| Re: الي محمد ديكور (مدينة البهائم) تحاصرنا من جديد ! | سلمى الشيخ سلامة | 05-16-09, 11:29 AM |
| Re: الي محمد ديكور (مدينة البهائم) تحاصرنا من جديد ! | ibrahim kojan | 05-17-09, 01:20 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-18-09, 09:47 AM |
| Re: الي محمد ديكور (مدينة البهائم) تحاصرنا من جديد ! | ياسر بيناوي | 05-18-09, 06:56 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-19-09, 01:32 PM |
| Re: الي محمد ديكور (مدينة البهائم) تحاصرنا من جديد ! | خضر حسين خليل | 05-20-09, 09:59 AM |
|
| |
خضر حسين خليل
فيس بوك
تويتر
انستقرام
يوتيوب
بنتيريست