نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 معذورة يا مطر الندى لو كان غناك نازراهو شان النيل فدا ...
|
معذورة يا مطر الندى
لو كان غناك
نازراهو شان النيل فِدى
روح الحروف من سر غمامك
لابس وشاح ريدك ِردا
وطلة الشمس البتشرق من عيونك
راجية من شرقك نِدا
شان تشوف روعة النيل المجرتق
بي شوق غناك وكوم قصايد
ممتدة في جواك مدى ..
معذورة يا مطر الندى
ومعذور معاك كل الحنين الفي غناك
البيهو حرفك كم شدا
وخليك كدا
منتظرة لي موسم تباشير الخريف
والليل إناغم رشة المطر الهِِدا
ولما الصباح أنوارو لاحت في المدى
تلقيني مستنيك مع الأمل الفَراش
ومتلفحك نسمة دعاش
ومسدار غنا رفرف مع الصمت الصدى
واتظللك غيمة فرح جابت المرح
خلت مسافة الخطوة ليك مخضرة يانعة مفرهدا
وخليك شمس خجلانة من بينات السحاب
شان تسقي عتمات الدروب بي نور هدى
واتظللك نيمة وعبير
وأشواق تطير
فرحانة بي وعد الندى
مطرانة بي مطر الندى
عشمانة في المطر البدا
واتظللك
طلة صباح لابسة الوشاح
فاردة الضفائر بي انشراح
واتظللك
هودج رحيل لي الشوف بدا
جاب الفرح لي قليب بيسأل عن حبيبتو وإنشدا
معذورة يا مطر الندى
ومعذور معاك كل الحنين الفي غناك
البيهو حرفك كم شدا
واتظللك في الليل نسيم
مازج سلاف نيلا حميم
قالع عبير مطرا وسيم
واتظللك
في الصيف ندى
معذورة يا مطر الندى
معذورة يا مطر الندى
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست