|
|
|
 Re: يا سيادة الرئيس المرتقب عثمان الريح ... الروووووووووووووووووووب (Re: نوفل عبد الرحيم حسن)
|
الأخ د. عثمان الريح
تحية طيبة
أحترم قرار ترشيحك للرئاسة وحقك فى تقديم نفسك لناخبيك وأحيى فيك روح الديمقراطية التى تبشر بها لكنك للاسف كنت أول من سقط فى امتحان الديمقراطية عندما لم تستجب لنداءات وتوسلات غالبية أعضاء المنبر بأن ترحمهم طلتك حتى أن البعض شكى لك من المعاناة من المرض غير أنك لم تستجب .
مرفق لك ما قمت بحصره من ردود واجابات بعض القراء حول بوستاتك وهو ما كان يجب أن يقوم به فريق عملك التابع لمكتبك السياسى أو الاعلامى ليوضح لك صدى حملاتك ومدى قبول الناخبين لك وها أنا أقوم بهذا العمل نيابة عنهم دون انتظار جزاء منك ..وربما أن زمنك لم يسمح لك بمطالعة جميع البوستات لكنك تجدها أمامك ويقينى أنه اذا لديك ذرة من الاحساس بعد قراءتها لغادرت فورا دون رجعة .. وقد قمت بتقسيم مجمل الردود التى قيلت لك لثلاثة أقسام هى :-
1/ ردود الذين فقعت مرارتهم وفشفاشهم وهم (حنين للبلد- مزمل خيرى – سارة على – نادر ابوكدوك ) ويقينى أن خللا ما أصاب صحتهم النفسية الآن من شدة المرارة والوجع الملاحظ فى كلماتهم وهم شباب كانو كالورود والنسيم يتراوحون فى فضاء المنبر وسوف يسالك الله عنهم .
2/ ردود من تنفسوا الصعداء بعد ان أعلنت رحيلك عن المنبر وما لهجت به السنتهم من شكر لله لمفارقة طلتك البهية .. وصدمتهم الكبيرة عند اكتشافهم أن رحيلك لم يكن الا لساعات وعدت اكثر فتكا وضراوة .
3/ ردود الساخرين من برنامجك ومنك بعد ان تاكد لهم أن ما تفعله سلوك غير جاد وغير مسئول ولا يمكن أخذه الا بمحمل الهزء والسخرية.
(كما سأمدك بأجمل التعليقات وأطرفها )
أولا: ردود الذين فقعت مرارتهم وفشفاشهم :-
1/ حنين للبلد :-
Quote: - حسبى الله ونعم الوكيل .. شكيتك للأقوى منك ومنى .. يا ريس حرام عليك .. والله بكيتنا بدموعنا
- ما ممكن كتمة النفس دى .. اتخنقنا جد .. ما ممكن اصدق انه دة طرح جادى لمرشح رئاسى جادى فى بلد جادة
- اللهم لا راد لقضائك .. امتحان عسير.. ربى لا نسألك رد القضاء.. الطف علينا يارب – الله يسامحك يا بكرى ابوبكر
- خلاااااااااااااص فقدنا السوائل ذاتها .. يا ريس الله يهديك ويهدينا .. مش وادعتنا .. الشى شنو
- أحيييييييي يا فشفاشى
- يا جماعة فى زول حاسي بى |
( لا أدرى كيف هى صحة حنين الآن لكن يقينى أنها لم تعد تشبه صورة بروفايلها الهاشة المبتسمة ولابد ان وحهها متورما الان من أثر وجع الفشفاش والمرارة وفقع الطحال )2/
مزمل خيرى :-
Quote: - يحلنا منك الحلة بلة يا دكتور .. هريتنا هرى والله .. فى أعضاء عندهم ضغط وسكرى حتسمع واحد اتلحس بسببك .. أرحمنا عليك الله
- عليك الله فكنا والله يا دكتور انت بقيت لينا فى العزيزة
- الليلة الجمعة ودة يوم راحة ريحنا عليك الله وريح الاعضاء اليوم دة بس.. تعال لينا يوم الاحد .. الله لا جاب يوم عقابك
- ياخى انت زول مؤلم جدا
- والله انت الا تترشح ريس مركب فى النيل
- جانى احساس انه الزول دة مخبول ما عارف ليه
3/
سارة على :-
Quote: - الزول دة فتلنا نفسيا .. انا متاكدة حتكون فى حالات طلاق حصلت بسببه
- الفضل لى صدمة واحدة بتاعت هارت اتاك النبى فيك لو ما جبتها لى ومشيت وااااااااااااااااى
- ما غلطتك لكن غلطة بكرى الشكله عاجباه اللياقة دى
- وكمان قال شنو ( قود باى) كمان بتكلم لغات ..هزلت
4/ نادر أبوكدوك :-
Quote: عليك الله يا دكتور أرحمنا.. النبى فيك .. أستحلفك بكل غالى .. عليك الله أرحمنا.. أرحمنا .. أرحمنا .. أرحمنا
( ورغم أن نداء نادر كان وحيدا لكن يستشف منه حجم الوجع والمعاناة التى صدرت منها هذه الآهات)
ثانيا : ردود ما بعد اعلان قرار الرحيل المرجوع عنه :-Quote:
- قطر عجيب يودى ما يجيب .
- الله يوفقه ويبعدنا من نيرانه
- ودعوه ياخ نشف جركاناتنا
- ودعناك الله سيدى الرئيس قديتنا وفقعت مرارتنا
- الحمد ليك يا سيد العباد واقول المنبر بقى نسمة عليلة ليه
- البعض أصبح يلهج بالشكر لذهابك
- ودع ناس الفيس بوك كمان لانهم برضو تعبوا منك
- قشة ما تعتر ليك وهاك ديل حاكسرهم وراك (صورة خمسة قلل)
- نحن كفاعدة شعبية وبريدات الكترونية لا نفقد الا عدم رؤياكم الغالية
- رجع الوجع
- مشى لكن قبل ما يصل جا راجع
- ياخ انت قلت مشتت الجابك راجع شنو
- هو انت لسة فاعد حيرتوا القراد ذاتو
( ارجو ان تجلس بمفردك جلسة صفاء مع النفس وتتأمل هذه الكلمات بمفردك دون اجهزتك ومستشاريك اللذين يبدو أنهم مضللين وتحكم ضميرك وحسك الانسانى والدينى بكل الآيات التى دعت للرحمة والرأفة بالعباد ثم تقرر ونحن بانتظارك.. والا ساتيك بالمزيد )
| |
 
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: وليد محمد المبارك)
|
كااااااااااك .. ككع ..
ياخي عافي منو رئيسنا ده ياخ ..
و لا شغال بيكم الشغلة .. شغال معط زي المعط ..
تجقلبوا و تسكلبوا و تدردقوا في الواطـة ..
و هو يمعط .. يمعط .. يمعط .
....
يا بركة إلهي و سيدي يا الله ..
يصحي بكره الرئيس عثمان ده و يلقى عندو استان في التبلوشة و كُعكُمه جنب الدُقشُر ..
و يطلع ليهو تبسور في الحنتوسة و أبو النقيط عُشاري الفصيلة جنباوي كده و مدلدل .
و بكري يقفل الميتين الأسمو سودانيز ده ..
.. أبو أم حظنا زاتو .
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: Rihab Khalifa)
|
حي انا في عينك ..
ولا ده نظام ( حقرتي في ود بقرتي ) ؟
ما هو السيد الرئيس قاعد يمعط فيك عمل ليك استنقلينة .. لمن جبت المويه ..
و جيت كبيت الجرسة و رقدت واطـة ..
ما حيحيت ليهو مالك ؟ كابي بس تحانيس
.....
إنت يا رئيس يا عصمان إنت .. بالله كلو كلو ما تخلينا ... اصلو .
أدينا في حنان طيارتنا .. و معط جنباوي كمان .
عشان بنستاهل نحنا و تستاهل البلد البتجيب لينا البيض دي ياخ .
حي انا قال .. بالله ؟
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: حمور زيادة)
|
احبائى
ماعدا زيادة حمور ( الباقى )المؤتمر الوطنى
============================
اريد ان اعلمكم ان ما نقوم به فى موقع سودانيز ان لاين وموقع الفيس بوك وموقع ماى اسبيس وموقع تاجيت وموقع تويتر وموقع النيلين ، لا يمثل كل مجهودنا فى صنع الحملة الاعلامية ، فهو مجرد خلق شعبية فى مواقع الانترنت ، وهنالك من يقوم بعرض البرنامج الانتخابى فى الاقاليم ، للمواطنين الذين لا يتعاملون مع الانترنت ، فلقد بلغ عدد المسجلين لدينا حوالى 722 الف مواطن .
اما عن الحملات الانتخابية الحقيقية فهى لم تبدأ بعد ، وستقوم بمجرد التقديم للترشح وتقديم الناخبين للتزكية .
اما مانقوم به فهو لا مثيل له هنا فى السودان ، فباقى الاحزاب السياسية لا تبذل ربع ما نقوم به من دعاية ، ولا داعى ان نقارن انفسنا مع دول الغرب وامريكا فظروفنا وامكانياتنا تختلف ، كما ان شعبنا يختلف. اما ان كنتم خارج السودان فيجب ان اعلمكم ان التحول الديمقراطى هنا يسير ببطء وما نقوم به يعتبر انجازا ضخما رغم المعوقات التى تضربها الحكومة فهى مسيطرة على الاموال والاعلام ، كما انك لا تسلم من المضايقات التى تنسف كلام الرئيس البشير الذى قال فى حوار صحفى فى صحيفة الصحافة : انه لا توجد مضايقات سياسية ولا توجد بيوت اشباح
========================================================================
http://www.sudaneseonline.com/vb/showthread.php?t=64883
اخوة المنبر الاعزاء
أؤكد لكم اننا سنعمل على اعطاء السودانيين المقيمين خارج السودان الفرصة فى الانتخاب ، ثانيا أؤكد لكم اننى حرصت على المواصلة معكم بنفسى طيلة هذه المدة لثلاثة اسباب ، الاول لأعرفكم على نفسى ليعلم كل سودانى ان كان داخل السودان او خارجه ان هنالك جيل جديد وسياسة علمية جديدة فى السودان .
ثانيا لأعادة ثقة المواطن السودانى فى ساسته ووطنه ولكى احض السياسين فى السودان ان يحترموا عقلية المواطن السودانى وليساعدوه لكى يكون فاعلا وان يشارك فى صنع القرار بدلا من ان يفضل الغربة على الرجوع لوطنه .
ثالثا حرصت على ان ارد بنفسى على اسئلتكم لكى اعبر لكم عن الفكر الذى احمله بين جنبى ولا اظن ان احدا سيوصله بالنيابة عنى ، ولعلمى بلهفة السودانين المغتربين الذين يحلمون بتغيير افضل لواقع بلدهم المرير ، وما يؤكد ذلك انه وبالرغم من طلبى اكثر من مرة من الذين يختلفون معى فى ايدلوجياتى وسياستى فى المنبر ، بالرغم من اننى قلت لهم ان كانت بوستاتى تضايقكم فيمكنكم ان تمروا فيها ولا تفتحوها فهنالك متصفحون غير مشتركين فى المنبر يريدون قراءة البرنامج الانتخابى كما ان هنالك اسئلة ارد عليها ، اجدهم وللهفتهم بشؤون السودان يعودون ويفتحون البوستات دون ان يشعروا بالرغم من ان هنالك عشرات البوستات التى تعاد وقد وصل عدد القراء فيها 57 الف ولكن لأنها لا تحمل معنى التنافس السياسى لم يعترض عليها احد .
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: ناذر محمد الخليفة)
|
ياوليد
بما أن دكتور عثمان من بورداب الخرطوم..
فأنصحه بتوسيع حملته الإنتخابية لتشمل المشاركة فى كل مناسبات بورداب الخرطوم..
من قندهار حتى ست الكوارع وحتى لو مشيتو لعزاء ست الشاى..
على أن يكون لديه ساوند سستم وويرلس مايك مع الإحتياط بمكرفون وكرتونة حجار بطارية فى كل رحلة..
إنشالا يبراكم وين ماتقبلوا فى الاستاد بى إسناد وفى قندهار يدق الطار ويمدح ليكم مدحة الموية والنور وقصة العنوسة وغلاء المهور.
قولوا آمين
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: حمور زيادة)
|
يجب ان اخبركم ان هنالك اسلوب مستعمل فى هذا البورد كتب من قبل فى صحيفة الصحافة وهو ان البعض يهاجم بترتيب مسبق حتى يفرغ عنوان البوست من محتواه ، ولا يناقش محتوى البوست والبعض له اجنده حزبية حتى تجدى ان هجومه ليس مبررا ، انا لا اعمم اكيد هنالك من يريد الاستفسار فأرجو ان لا تنطلى عليكم مثل هذه الاساليب ، انا هنا قدمت مبررات واضحة لأدانة الصحفى ففضل البعض الجنوح فى امور فرعية لينحرف عن الموضوع الاصلى ، مما جعل منبر فى بعض المواقع مثلا موقع النيلين يكتب اعلان بأن لا يسى احد للآخر .
اما حريتى فى الكتابة فى بوستاتى فهذا حق لى وانا لم اذهب للبعض واكتب فى بوستاتهم ، كما اريد ان اعلمكم ان اغلب اعضاء المنبر مسيسون اصلا وما يفعلوه هذا للكسب السياسى هذه الحقيقة علمناها مسبقا غير اننا نميز ما بين النقد البناء والاستهتار ، اما اخى زيادة حمور فهذا البرنامج تم صياغته بواسطة علماء ولكن انا كنت المايسترو الذى وجه الفريق . اخيرا رجاءا هنالك متصفحون غير اعضاء فى هذا المنبر وهم سودانيون يتصلون بى يريدون مصلحة الوطن رجاءا اعطوهم فرصة ، صدقونى من خلال مراسلاتهم تأكد لى ان هذا الشعب زكى جدا صدقونى كلما زاد التهكم والاستهتار والسب رفع ذلك من اسهمى فهذا الشعب لا يستطيع احد ان يشوش على فكره .
تحياتى .
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: osman elrayah)
|
Quote: يجب ان اخبركم ان هنالك اسلوب مستعمل فى هذا البورد كتب من قبل فى صحيفة الصحافة وهو ان البعض يهاجم بترتيب مسبق حتى يفرغ عنوان البوست من محتواه ، ولا يناقش محتوى البوست والبعض له اجنده حزبية حتى تجدى ان هجومه ليس مبررا ، انا لا اعمم اكيد هنالك من يريد الاستفسار فأرجو ان لا تنطلى عليكم مثل هذه الاساليب ، انا هنا قدمت مبررات واضحة لأدانة الصحفى ففضل البعض الجنوح فى امور فرعية لينحرف عن الموضوع الاصلى ، مما جعل منبر فى بعض المواقع مثلا موقع النيلين يكتب اعلان بأن لا يسى احد للآخر .
اما حريتى فى الكتابة فى بوستاتى فهذا حق لى وانا لم اذهب للبعض واكتب فى بوستاتهم ، كما اريد ان اعلمكم ان اغلب اعضاء المنبر مسيسون اصلا وما يفعلوه هذا للكسب السياسى هذه الحقيقة علمناها مسبقا غير اننا نميز ما بين النقد البناء والاستهتار ، اما اخى زيادة حمور فهذا البرنامج تم صياغته بواسطة علماء ولكن انا كنت المايسترو الذى وجه الفريق . اخيرا رجاءا هنالك متصفحون غير اعضاء فى هذا المنبر وهم سودانيون يتصلون بى يريدون مصلحة الوطن رجاءا اعطوهم فرصة ، صدقونى من خلال مراسلاتهم تأكد لى ان هذا الشعب زكى جدا صدقونى كلما زاد التهكم والاستهتار والسب رفع ذلك من اسهمى فهذا الشعب لا يستطيع احد ان يشوش على فكره .
تحياتى . |
الله يحرق يوم الكوبي و ينعل يوم البيست زاتو
يا دكتور ما ده القلنا منو الروب زاتو.
منو هي التجد في البوست ده ؟
و صحفي شنو الادنتو هنا ؟
و زيادة حمور سألك متين في البوست ده من استراتيجية ؟
ثم يا دكتور الحاجة الاهم :
| Quote: اما حريتى فى الكتابة فى بوستاتى فهذا حق لى وانا لم اذهب للبعض واكتب فى بوستاتهم |
ده يا ريس بوست وليد محمد المبارك .. يعني انت جيت للناس في بوستها.
وله انت قلعت البوست ده للصالح العام ؟
يا وليد ما تقبل بتعويض اقل من مداخلتين ناصية و سعر باقي البوست بسعر السوق يا زول.
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: osman elrayah)
|
يادكتور عثمان الريح
ياخي وليد أخونا دا فاتح بوست وقال في الرووووب منك،،،،،
طيب عشان نحن نقبلك وانت زول طارح نفسك خليك موضوعي رجاءً،
تعال قول ليه وليد ياخي إنت زعلان مني في شنو ؟ أو قول ليه ياوليد ناقشني في برنامجي؟
لكن معليش أنا ماقادر أفهمك !!!!!!!!!
يا إنت قاصد تطنش الناس ودا مامن السياسه لانو بخسرك مابكسبك،
او إنت بتحتقر الاعضاء عشان كده عامل منهم طناش ودي كده الخسران زاااتو،
________________________________________________________________________________
ياوليد ياخي نقول شنو الحمدلله غايتو.
| |
|
|
|
|
|
|
|
|
 Re: يا سيادة الرئيس المرتقب عثمان الريح ... الروووووووووووووووووووب (Re: السيد المسلمي)
|
يا وليد والجماعة الممعوطين الهنا ديل كلهم,,
أخوكم الحمد لله ما متابع الحملة الإعلامية الشرسة
بتاعت مرشحكم دا,,,
لكن شوف عينى عناوين سااااااااااى!!!!
البحصل دا ما معط!!!!!
القصة شايفا تعدت المرحلة البتتكلمو عنها دى بمراحل!!!
كامل تضامنى معكم,,,
تحسبو لعب!!!!! حمله إنتخابيه وكدا,,,,
عفيت منو ود الريح,,,,
زمزغة أسلية,,,
مع الإعتذار لصاحب الأغنية,,(ودالباوقة)
| |
|
|
|
|
|
|
|
|
|
Re: يا سيادة الرئيس المرتقب عثمان الريح ... الروووووووووووووووووووب (Re: وليد محمد المبارك)
|
وليد ؟؟
Quote: يا دينا
يا زولا ما جاني براي
الزول ده قال احبائي |
دى حنين حنين يا وليد ما دينا
انا والله البوست دا يعمينى فى الا الليلة
من قبيل بضحك بى صوت عاااالى بس الكويس بيتنا فاضى ..
يازول مالك على الرجل ؟؟ كمان دا بقى ليكم شروق ؟
هى الرئاسة دى بالخشم سااااى ما تخلو زول يصلها ؟؟
شاحده ربى يحكمكم عشان يا وليد تضوق قسيم البيتزا بالبيوت ..
وتشتهى المفاققه بالانترنت ..
ويمرق لعماد الفى راسو دا قااااااادر يا كريم !
ــــــــــ
واللللللهى غلتانين انتو !! البوديكم شنو تضغطوا
على هكذا بوستات ؟؟ تصدقوا وتامنو بالله كان ما كلامكم دا
ما بعرفو بقول فى شنو!! خليكم شعب راشد .. وناقش ! كرهتونا
| |
|
|
|
|
|
|
| |
وليد محمد المبارك
naeem ali
نوفل عبد الرحيم حسن
سمير شيخ ادريس
Emad Abdulla
نصار
حيدر حسن ميرغني
omer osman
مزمل خيرى
Rihab Khalifa
HAIDER ALZAIN
معاوية المدير
محمد الجيلى
عبدالكريم الامين احمد
Maawya Hussein
rani
وليد الطيب قسم السيد
حمور زيادة
osman elrayah
ناذر محمد الخليفة
ناصر احمد الامين
عبدالكريم أحمد الامين
أيمن الطيب
محمد حيدر
ALZOLZATOO
Nader Abu Kadouk
Adam Omer
دينا خالد
فيس بوك
تويتر
انستقرام
يوتيوب
بنتيريست