مدارس القبس للاساس في معسكر صيفي بكوالالمبور بالصور

Quote: التجربه جديده بالنسبه لمدارس الاساس بالسودان

Quote: التجربة جديدة ل (بعض المدارس الخاصة بالخرطوم)... صياغة أخرى لجزء من الخبر بعد الاستئذان من صاحب البوست

Quote: بالتاكيد التجربه جديده لمدارس الاساس بالسودان و مدارس التعليم الخاصه جزء من مدارس السودان .

Quote: جك ملك.. أطفال في مرحلة الأساس تقطع بهم ألالاف الأميال لمعسكر صيفي!!!! ولا حتى إلى دولة مجاورة.. هذا إذا كان من المنطق العقلي لقبول الفكرة.. بلا لا تشبه السودان فس أي شئ.. اختلاف ثقافات.. اخلاف لغات.. اختلاف اثنيات.. اختلافات عقدية.. اختلاف انماط الحياة.. هذه كلها اسلحة لها اكثر من حد اذا لم يعوق التلميذ نفسه.. فانه سيعوق اقرانه من آلالاف الغبش الذين لايجدون كرسيا ولا كراسا ولا حتى مدرسا في مدارسهم.. سودان المفارقات.. التجربة هي تجربة الترف الأعور يا عزيزي أسامة.. تحياتي عبدالعزيز

Quote: طبعاً أطفال مدرسة القبس لا ذنب لهم في هذا و أتمني لهم معسكراً ناجحاً أنا فقط أتحسر على المرحلة التى وصلنا إليها

Quote: جك ملك.. أطفال في مرحلة الأساس تقطع بهم ألالاف الأميال لمعسكر صيفي!!!! ولا حتى إلى دولة مجاورة.. هذا إذا كان من المنطق العقلي لقبول الفكرة.. بلا لا تشبه السودان فس أي شئ.. اختلاف ثقافات.. اخلاف لغات.. اختلاف اثنيات.. اختلافات عقدية.. اختلاف انماط الحياة.. هذه كلها اسلحة لها اكثر من حد

Quote: أنا شخصيا لن اوافق على خروج إبني في هكذا رحلات ناهيك عن البنت في هذه الأعمار مالكم كيف تحكمون؟؟

Quote: سمحه المقدره يا اخوي معسكر صيفي لطلاب اساس بماليزيا عشنا وشفنا

Quote: أطفال في مرحلة الأساس تقطع بهم ألالاف الأميال لمعسكر صيفي!!!! ولا حتى إلى دولة مجاورة.. هذا إذا كان من المنطق العقلي لقبول الفكرة.. بلا لا تشبه السودان فس أي شئ.. اختلاف ثقافات.. اخلاف لغات.. اختلاف اثنيات.. اختلافات عقدية.. اختلاف انماط الحياة.. هذه كلها اسلحة لها اكثر من حد اذا لم يعوق التلميذ نفسه.. فانه سيعوق اقرانه من آلالاف الغبش الذين لايجدون كرسيا ولا كراسا ولا حتى مدرسا في مدارسهم.. سودان المفارقات.. التجربة هي تجربة الترف الأعور يا عزيزي أسامة..

Quote: ولكن دعنا نتاول التجربه بزاويه اخري..

Quote: معقولة لكن .. !!؟ والمحير كيف سمح هؤلاء الاباء واولياء الامور لادارة المدرسة بان تاخذ اولادهم فى عمر 7- 12 يقطعواالمسافات بهذا المنطق .. والله نحن فى الثانوى الواحد عشان يمشى الرحلة السنوية للدندر او رحلة الجمعة المفاوضات تاخد ايام وابائنا كانوا معلمين واساتذة .. فما بالكم فى هذاالزمن القبيح .. والمخاطر والسؤولية بل الكنترول على تلميذ هذه الايام رحلة مدهشة ومثال غريب للتناقض مدارس فى اقصى الشمال والغرب والقلب الجزيرة بلا اساتذة ناهيك عن وسائل التعليم والفصول .. يعنى لو كان اديتوهم مفهوم انحنا لازم نزور اخوانكم وزملائكم فى مدرسة امبده ونقيل معاهم ونشترى ليهم كراسات وكم درج ؟؟ فى يوم مفتوح يشتمل على ما لذ وطاب هعشان الساخنة وعشان التعبانين ديل برضو يحسوا بالتكافل الاجتماعى لكنتم احستوهم بالترابط والاخوية والتعاضد وحب الغير والخير .. كوالالامبور عديل ياخى نص المنبر ما شافها !! ________ غايتو جانبكم الصواب التربوى والمنطقى فى هذه النجربة واتمنى ما تعملوها تقليد ثابت زى اولاد مأمون حميدة وطلاب MBA ى السودان بتعملو لبقية المدارس نفسيات كفاية الفرق فى متلقى الفقير عن الغنى والوسيلة

Quote: معاك حق التجربه دي ليها وجهين .. وجه كما ذكر الاخوه سالب لمجتمع فيه تباين طبقى رهيب لكن لو فكرنا في التجربه دي وفائدتها بالنسبه للطلاب السافروا حنلقاهوا رهيب كمان رحلات ذي دي بتخلق روح الاكتشاف وحب المعرفه للاطفال وبتقوي ثقتهم بانفسهم وبتعلمهم جانب من المسئوليه وان ينتبهوا على انفسهم في ظروف ذي دي .. بتشجعهم وتحببهم في المدرسه وبتخلق علاقه قويه بين الطلاب .. بتفتح عوالم واسعه للطالب وتعلمهم من تجربتهم .. وح تكون ذكرى جميله يحتفظوا بيها مهما مشو لي قدام صح في اطفال في بلدنا محرومين حتى من ابسط حقوقهم .. بس ما لازم نحرم الكل من افضل الميزات

Quote: التجربة جديدة ل (بعض المدارس الخاصة بالخرطوم)... صياغة أخرى لجزء من الخبر بعد الاستئذان من صاحب البوست..

Quote: صديقي اسامة تحياتي: الغرض من التربية احداث تغير في سلوك الفرد في ثلاثة جوانب الجانب المعرفي ومايتعلق بالعلوم والرياضيات وووووووووووووووفيما يتعلق بهذا الاتجاه اعتقد ان للرحلات المدرسية فوائد عظيمة في تنمية الاتجاه المعرفي فيما يتعلق بالاستزادة اللغوية والجغرافيا هذا اذا تم شرح كامل من قبل العارفين بجغرافيا التاريخ الانساني للبلد المضيف.. وهناك الجانب السلوكي والانفعالي والذي اعتقد ان الرحلة توفر له النمو والتطور لما تحدثه الرحلات المدرسية من نمو المسؤلية وزيادة سعة الخيال ....والتعرف علي ثقافة الغير الغناء الفن ، الرسم النحت الطبيعة الخلابة او غير الخلابة حتي ...ولكن هذا الجانب خطير جداً اذا الاهداف المدرسية المطولبة من اطفالنا كسودانين ان ننمي في اطفالنا روح التعاون الوشعور بآلام الغير والتعاطف معها .والوطنية..حينئذ ربما يكون هذا الهدف ذهب ادراج الرياح وربما يكون استبدلناه بالضد... وهناك الجابب الحركي المهاري واعتقد ان الالعاب البدنية هي مايكن ان توفر انجاز مثل هذه الاهداف واخيرا لك شكري

Quote: شكرا أخ أسامة على إيراد هذا الموضوع الهام وحقيقة فإن الأخ عبد العزيز عيسى ضرب الملك في مقتل Quote: جك ملك.. أطفال في مرحلة الأساس تقطع بهم ألالاف الأميال لمعسكر صيفي!!!! ولا حتى إلى دولة مجاورة.. هذا إذا كان من المنطق العقلي لقبول الفكرة.. بلا لا تشبه السودان فس أي شئ.. اختلاف ثقافات.. اخلاف لغات.. اختلاف اثنيات.. اختلافات عقدية.. اختلاف انماط الحياة.. هذه كلها اسلحة لها اكثر من حد أنا شخصيا لن اوافق على خروج إبني في هكذا رحلات ناهيك عن البنت في هذه الأعمار مالكم كيف تحكمون؟؟

Quote: سمحه المقدره يا اخوي معسكر صيفي لطلاب اساس بماليزيا عشنا وشفنا

Quote: مدارس بلا أسوار، فصول يشكو كل ركن من أركانها من التصدع وشبح الانهيار الذي يحوم حواليها، ومن المؤسف حقاً أن في هذه المدارس يتلقى اطفال ابرياء العلم وهم يواجهون خطر الموت في كل دقيقة، بل كل ثانية!! والأمر الاكثر إيلاماً أن هذه المدارس تقع في العاصمة القومية ولدينا امثلة عديدة لما سقناه سالفاً نذكر منها على سبيل المثال ولا الحصر مدرسة في احدى الثورات بأم درمان حدث تصدع في البناء في بعض الفصول فرأت «مديرة» المدرسة حفاظاً على حياة التلميذات تحويلهن الى مدرسة البنين المجاورة على ان يبدأ الدوام الدراسي بعد الحادية عشرة صباحاً عقب انصراف التلاميذ وقد ظل هذا الوضع حتى انتهاء العام الدراسي.. كاميرا «الرأي العام» تجسد هذه الظاهرة.

Quote: اولا: مرحباً بابناء وبنات السودان في ماليزيا ثانيا: التجربة فعلا في حاجة الى دراسة وتقييم وتمعن

Quote: نسأل الله ان يعلمهم علما نافعا وان يجد كل اطفال السودان الاهتمام الذى يستحقونه

Quote: فكرة رائعة من كل الجوانب اولا من ناحية نفسية خروج الطلاب من جو الدراسة للابحار في ثقافات اخري كالماليزية يعني تغير جو ثانيا من ناحية تربوية اكتساب خبرات مع مدارس اخري اجنبية مع صغر عمر الطلاب

Quote: يعتمد تمويل مثل هذه الرحلأت على المنح والتبرعات من رجال الأعمال والمؤسسات والأستضافة المجانية مع التخفيض الكبير فى تزاكر الطيران

Quote: عشان كدا اي طفل يلقى فرصة يطلع يشوف العالم يطلع عشان الاجيال الجديدة تجي اكثر تفتحا وفهما وتعرف تتكلم بموضوعية..

Quote: عشان كدا اي طفل يلقى فرصة يطلع يشوف العالم يطلع عشان الاجيال الجديدة تجي اكثر تفتحا وفهما وتعرف تتكلم بموضوعية..

Quote: ودي سنة الحياة ان تتفاوت الناس في الارزاق..

Quote: غايتو قدر ما الواحد يحاول يمسك خشمو بلقى ما بقدر اكتر من كدة

Quote: ابنة اختي الطالبة رحاب عبد الرحيم عبد الرحمن ضمن طلبة المعسكر ابقوا فيها عشرة..

Quote: السيدة نجاة سلامي : الحلم الاشتراكي في هذه المرحلة يظل حلم فقط، ولكن كيف تكون سنة الحياة هي التفاوت في الارزاق؟ يعني مافي اي طريقة لتساوي الناس علي الاقل في التعليم والعلاج والنفقة وكيف يعدل الانسان المسلم في النفقة علي زوجاته؟؟سيما ان سنة الحياة هي التفاوت ؟؟مش برضو ممكن تكون مثل هذه المقولة هي مخرج لظلم النساء تحت ذريعة سنة الحياة هذه....قلنا لا بأس من يوفر رب الاسرة تعليم جيد لابنأءه في ظل تنطيش الدولة لحجات الناس ...ولكن ان نستمرأ مثل هذه الاوضاع تحت دعوي ان ذلك من سنة الحياة تظل مثل هذه المقولات هي ايجاد مبررات للدولة للمضي قدما في سياسة طبقية التعليم ...وللاخرين العمل لخدمة الطغمة وعند المرض يستعد للقبر فقط ...

Quote: الاخ اسامة هل هذة الرحلة رحلة رسمية يعني عن طريق المدرسة ام تنسيق بين اولياء الامور في ما بينهم

Quote: عشان الطاهر ساتي مايمسك العصاية من النص ويهاجم ساكت

Quote: وبعد أن أصبحت مخزنا لأموال الناس ، ومرتعا للفارين من مشاكل الناس

Quote: بعداك الحاجة اسمها ماليزيا فيفر موش فوبيا الفوبيا عند المعارضة من ماليزيا...

بجد بستغرب ممن يتحدّثون عن الطبقية وهو يريد لنفسه أفضل وظيفة وأفضل مسكن ولأولاده أفضل مستقبل

واستغرب بصورة أكبر لمن هو خارج السودان في بلداً طيرها عجمي وأطفاله يدرسون العام كلّه في ذلك البلد ويتكلّم عن مدارس السودان والتتفاوت الخدمي فيها

بل في بعض البلاد يرسل الأباء أبناءهم في مراحل دراسية متفاوتة للدراسة لبلد ثالث وهناك طلبة سودانييون لا يستطيعون دفع فاتورة الإمتحانات.

وأي مغترب لو وجد من المال وشاء الله وكان أبناؤه في السودان فسيرسلهم لأافضل المدارس.

تصريف طبييييعي جداً

عشان كدا ناقشوا الفكرة من جوانبها التربيوية والتعليمية والإجتماعية وخلّو الحسد ولوك السياسة الفارغ دا

Quote: ارسل ليك الدعوة واوريك محل تشتري تذكرة رخبصة عشان الامور تتضح.. وندبر لك محل تقعد واسلفك عربية انت تدفع حق السواق

Quote: عشان كدا ناقشوا الفكرة من جوانبها التربيوية والتعليمية والإجتماعية

Quote: الاخ كمال يمكن ان يناقش الموضوع بكل جوانبه وحتي الساسيه منها لنستطيع والقاري في تقيم التجربه .. شكرا لمرورك مع التقدير..

Quote: تحياتي أسامة سياسية شنو البتناقشها؟ يا زول كدي بالراحة طلبة سافروا لبلد لقضاء معسكر صيفي شتوي هلم جرا دخلو بالسياسة شنو؟

Quote: لو ما إنتقدنا أى حاجه يبقى مااااااا سودانيين بالدارجى كدا يا جماعة ما تخليكم كسارين مقاديف- اول حاجه انا شاركت فى تنظيم الرحله دى.. وقعدت 10 ايام مع الاطفال ديل فى المعسكر ده ومستعده لتوضيح أى فهم والاجوبه على اى سؤال--تانى حاجه المدرسة الاقيم بها المعسكر ده إسلاميه وتعتبر أكبر مدرسة بماليزيا -وثالثا للمعترضين على البلد اطفالكم البتتكلمه عنهم ديل إتعلمه لف الحجاب هناك ما هنا واتعلموا الصلاة فى مواعيدها فى المعسكر ده وفى فترة وجيزه (دى واحده من القيم الاسلاميه) والقصه ما سياحه وبس عشان تقولوا خليهم يشوفوا باقى السودان واراضيه الواسعه ولا غيره..القصة تعليم لغة انجليزيه لانه المعسكر اصلا معسكر تعليم لغة انجليزيه ومهما كانت المدرسة قويه اكاديميا برضو فى احتياج لممارسة اللغة فى مكان تضطر تستخدمها فيه عشان تكسر حاجز الخجل فى الكلام بلغة ما لغتك وبعدين أسألكم سؤال منو فيكم مابتمنى هو ولا اولاده يجيدوا اللغة الانجليزيه خصوصا انه التعاملات العالميه وبعض المحليه اصبحت تحتاج لغة تانيه؟ وبعدين هسه كان وديناهم الشرق ولا الجنوب ولا الغرب وطبعا ما ننسى الشمال تفتكروا حيتعلموا لغة انجليزيه بنفس الطريقه؟ ولا كمان اللغة ما مهمه وأهم منها لغة لحس الكوع والرطانه والكلام البتقولو ده؟ كان بنفع لحس الكوع والرطانه كان بقينا اعظم دوله. ولا شنو؟؟؟ حقه يا سودانيين ياوطنيين تبطلوا النقد الهدام فى كل حاجه وتشوفوا البلاد المتطوره اتطورت كيف واعملوا زيها مع الاحتفاظ بتقاليدنا السمحه بلا شك-وشهر فيه فايده من نواحى كتيره لاطفالنا فى بلد آخر مسلم أو حتى ما مسلم غير بزيد مابنقص حاجه وانا كسودانيه شايفة انه ما دام اطفالنا بقضوا اجازتهم قدام التلفزيونات ولا فى سخانة الشارع احسن ليهم يستفيدوا من وقتهم . سؤال:- إذا كان أغلب أولياء الأمور بسفروا أبناءهم فى الاجازات الصيفيه سنويا عشان يقضوها كلها لعب ومولات واختلاط غير هادف باطفال بلاد مختلفه مسلمه وغير مسلمه يبقى البمنع شنو اننا ندخلهم معسكر يستفيدوا منه إذا كان داخل السودان أو خارجه. فى الختام أنا شايفه انه مفروض تسألوا عن برنامج الرحله شنو فى الأول وبعدين إنتقدوا ومع إحترامى لأستاذنا الطاهر ساتى ياريت قبل ما تنتقد كان تقابل المنظمين للبرنامج فى الأول وتعرف أبعاده شنو لانه قلمك وكتاباتك الغرض منها فايدة الوطن وليس العكس. بالمناسبة بعد ما الاطفال ديل يرجعوا بالسلامه انشاء الله حيكون فى تقييم كامل لمستواهم اللغوى وسلكوهم فى البيت والمدرسة ويقارن مع المستوى اللغوى والسلوك قبل المعسكر ده. لو عندكم أى سؤال فى موضوع المعسكر ده ياريت تسألوا ناس نفذوا وعاشوا البرنامج ده مش ناس قروا عنوان مقال فى جريده ولا موقع اليكترونى وكان همهم ينتقدوا وبس- وياريت تطلعوا السياسه بره الموضوع ده وتخليكم متذكرين إنه ربنا قسم الارزاق وجعلها متفاوته وده لحكمه والا كان خلقنا كلنا متساويين وفى مستوى معيشى

Quote: بالسياسة الرشيدة أصبحت ماليزيا كما هى عليها الآن .. ولولا السياسة الرشيدة لما كنت - أنت - أحد معجبيها يجب أن نلوك ، حتى نصنع وطنا يعجبك ..!!

Quote: بالدارجى كدا يا جماعة ما تخليكم كسارين مقاديف