|
Re: رصاص ومطاردات مسلحة وسط الخرطوم «2» والعمارات (Re: Salah Abdulla)
|
سلام يا يسرى ,,,
إضافة بسيطة يا حبيبنا,,,
أولا الشارع الذى حدث فيه تبادل إطلاق النار نفسه يحمل الرقم 43 الخرطوم (2)!! هذه ليست المرة الأولى والجيران أنفسهم يحاولون أن يفهموا ماذا يدور فى هذا المنزل الذى يقال أنه شركة إستثمارية و كمية ضخمة من السيارات تتردد عليه ويتحرك فيه مجموعة كبيرة من الناس وحوله!!!!
المواطن السودانى اصبح غير آمن تماما ولا أحد يتحمل مسؤولية حمايته وكميات ضخمة من الأسلحة المختلفة تتبادلها ايدى غير مسؤولة وغير معروفة وغالبا ما تختفى الحقيقة وتبقى القصص والروايات غير المؤكدة!!!
يوما ما وجدت أن مخزن المنزل قد اصبح بقدرة قادر مخزنا للسلاح وبعد الضغط على شخص بعينه إعترف أن السلاح أمانة من أخيه ووووو قصة طويلة ولكن المهم فى الموضوع أن كل الناس الآن يعرفون أنه لا أحد آمن فى بيته أو أى مكان آخر,,,
وعلى الناس أن تكون مستيقظة دائما لما يدور حولهم خاصة بعد أن ثبت لهم أن الشرطة والجيش قد يرفعا أيديهم عنهم فى وقت ما بتعليمات عليا بعدم التدخل كما حدث قبلا!!!!
مودتى,,
| |
|
|
|
|
|
|
Re: رصاص ومطاردات مسلحة وسط الخرطوم «2» والعمارات (Re: أيمن الطيب)
|
باسط مكي ادانة سوداني قتل لصا بقذيفة آر بي جي محاولته سرقة دراجه
أدانت محكمة سودانية رجلاً بتهمة القتل العمد، بعدما طارد لصاً حاول سرقة دراجة من منزله، فأرداه قتيلاً بقذيفة "آر بي جي" المضادة للدروع.
وكان المدان لاحق اللص في حي الرياض الراقي شرق الخرطوم، بعدما حاول المجني عليه اقتحام المنزل خلال النهار، وسرقة دراجة منه.
ورغم أن اللص ألقى بالدراجة بعد تجمهر الناس حوله، إلا أن صاحب المنزل لم يتركه، بل استهدفه بطلقة من قاذف آر بي جي، فقتله على الفور.
وبرر رئيس محكمة جنايات الخرطوم القاضي سيد أحمد بدري حيثيات الإدانة بتهمة القتل العمد، أن المدان لم يستفد من حق الدفاع الشرعي عن النفس، خاصة وأن المسافة لم تكن قريبة بين الجاني والمجني عليه.
وأضاف القاضي أن الدفوعات بالدفاع عن العرض والمال سقطت أيضاً، لأن القتيل ترك المسروقات وولى هارباً.
وأشار قرار الإدانة إلى أن القاتل لا يستفيد، أيضاً، من أي تخفيف بحكم الاستفزاز المفاجئ، أو المعركة الفجائية، لأن الرجلين لم ينخرطا في أي اشتباك أو عراك، وفق ما نقلت صحيفة "الرياض" السعودية الثلاثاء 27-5-2008.
وقال القاضي إن الجاني لحق بالقتيل وأطلق النار عليه بعد خروجه من المنزل، بدلاً من الإمساك به وتسليمه للجهات المختصة. وحدد الأول من يونيو المقبل موعداً لسماع رأي أولياء الدم من ذوي القتيل، بشأن قبول العفو، أو الدية، أو القصاص من القاتل، قبل اتخاذ الحكم النهائي
العربية http://www.sudaneseonline.com/news.php?action=show&id=465 اها يا باسط , ح تعتذر عن تكذيبي ولا ح تكابر ؟ الخرطوم بقت غير الخرطوم والسودان بقي غير السودان زمان ظاهر انك بعيد شديد عن السودان , والدليل كلمة ( الجاك ) دي لانها كانت مستخدمه في زمن بعيد وغابر
| |
|
|
|
|
|
|
Re: رصاص ومطاردات مسلحة وسط الخرطوم «2» والعمارات (Re: نوفل عبد الرحيم حسن)
|
Quote: قبل مده مواطن في الخرطوم ضارب حرامي ب أربجي اي والله مدفع اربجي |
المشكلة وين دة ما عادي في الخرطوم قبل كدة ( سنة كم وتسعين كدة ) جماعة من ميز المجاهدين في مربع 23 الطائف مش فجروا محل الترزي المقابل ليهم بكم قنبلة كدة قتلت من قتلت وشوهت من شوهت
مرع 23 الطائف غرب جامع السواحلي وشرق منزل الشيخ محمد عثمان عبدة البرهاني
| |
|
|
|
|
|
|
Re: رصاص ومطاردات مسلحة وسط الخرطوم «2» والعمارات (Re: الزبير صالح الزبير)
|
الخرطوم بقت زي هوليود يا الزبير
قبل مده برضو حصل حادث حركة عادي في تقاطع شارع ال 60 مع اوماك الذي يفصل المنشيه عن الرياض تجمهر المواطنين وحضرت الشرطه . احد الضباط طلب من المتجمهرين بعيدا عن مكان الحادث حتي يتمكنوا من آداء واجبهم , رفض احدهم الابتعاد ولما احتد معه الضابط طلع طبنجه وهدد الضابط تمكن الضابط من اخذ الطبنجه بالقوه وقام بأعتقاله , اثناء صعوده لسيارة الشرطه تحدث مع احد معارفه - قول للجماعه تعالوا - بعد شويه حضر عدد كبير من افراد المليشات المسلحه- مسلحين - طبنجات وكلاشات طلب الضابط تعزيزات من ادارة الشرطه , وصلت 9 دوريات شرطه لمكان الحادث , استطاعت السيطره علي الموقف يعني لو حصل تبادل نيران , كان الله في عون المواطن الاعزل
| |
|
|
|
|
|
|
Re: رصاص ومطاردات مسلحة وسط الخرطوم «2» والعمارات (Re: نوفل عبد الرحيم حسن)
|
المواضيع دي بقت عادي في بلدنا يامعتصم
اجازتي الفاتت دي ياباسط كنت واقف مع واحد صحبي ( ربنا يطراه بالخير ) وهو ابن شخصيه كبيره جدا من الاثرياء بتاعين السودان وعائله مشهوره اثناء مابنتونس ونحن واقفين في الشارع اتصل عليه قريبو وقال ليه فلان الفلاني ( قريبهم ) عامل مشكله ولاقينا في المكان الفلاني اها ياعمك الزول ده فجاءة كده جر من تحت كرسي العربيه بتاعتو طبنجتين وانا واقف طبعا مذهول قلت ليه ياحبيب انت دخلت الشرطه ولا شنو قال لي ياحبيب لو ماعملت كده الناس دي مابتمشي عديل وودعني مسرعا متجه نحو مكان المعركه اقصد الشكله فاذا ده فرد ومشكله افراد بتسوي كده فما بالك بمشاكل ممكن يدخل فيها منظمات وحاجات كبيره كبيره
وقس علي ذلك
| |
|
|
|
|
|
|
Re: رصاص ومطاردات مسلحة وسط الخرطوم «2» والعمارات (Re: Abdulbagi Mohammed)
|
Quote: المشكلة أنو الأربجي قالو مرخص |
فعلا دي المشكله الكبيره اترخص كيف ؟ وليه ؟ علما انه الاربجي سلاح غير شخصي . سلاح حروب عديل كده كيف يترخص لمواطن عادي وداخل العاصمه
من عجائب الاربجي انه بطلق القذيفه للامام وبطلق لهب ناري من الخلف لعدة امتار كافيه لتحرق كل من يقف خلف حامل الاربجي وهو مضاد دبابات ومدرعات . في الحروب بتلقي بتاع الدبابه بفتش علي بتاع الاربجي وبتاع الاربجي بفتش علي بتاع الدبابه . لانه اي واحد لو لقي التاني اول بوديهو التوج
| |
|
|
|
|
|
|
Re: رصاص ومطاردات مسلحة وسط الخرطوم «2» والعمارات (Re: نوفل عبد الرحيم حسن)
|
Quote: فعلا دي المشكله الكبيره اترخص كيف ؟ وليه ؟ علما انه الاربجي سلاح غير شخصي . سلاح حروب عديل كده كيف يترخص لمواطن عادي وداخل العاصمه
|
يا بقة وين يا زول لا بترد على الميل ولا التلفون على الفويس الرجاء الأتصال ضروووووووووووووووري
بالمناسبة السنة اللي فاتت مشيت لتجديد تراخيص سلاح بتاعي وحصلت أيامها هذه الحادثة فسألت أحد الضباط كيف ترخصوا أربي جي فأجاب بأن لو المهنة راعي بيرخصوا ليك !!!!!!!!!!!!!!!!!!!!!!!
بلد عجب الراعي بأربي جي والرئيس هارب من العدالة ودقي يا مزيكة
| |
|
|
|
|
|
|
|