|
Re: كي كي ومن لف لفه من المساحين والمهندسين.. (Re: د.نجاة محمود)
|
سلامات د.نجاة محمود الهندسات دى كل واحده براها. (الهندستين اللى قريبات من بعض هم الهندسة المكانيكيه و الهندسة الزراعيه...و ده فى السودان بس...فى باقى الدنيا الزراعيه اقرب للمدنيه "رى") لكن اقرب هندسه للمساحه هى الهندسة المدنية..و السبب هوانو ناس المدنيه بياخدوا كورسات مساحة كتيرة. بعدين زولك ده مالو ما عاوز هندسة المساحه؟؟؟....بالحاص فى الدنيا هسى ذى ال GIS و الحجات دى.... هندسه المساحه خيار ممتاز جدا (المدنيه دى اسالينى منها انا...ما جايبه همها)
| |
|
|
|
|
|
|
Re: كي كي ومن لف لفه من المساحين والمهندسين.. (Re: smart_ana2001)
|
سلامات يا سمارت
هنا المساحة تدرس في الجامعات الحكومية
ولدينا اتفاق مع جامعة خاصة في ترفيع الدبلومات من جامعة السودان والتقانة..
ما عندهم مساحة قالو لي يمكن يعملو ليه اعفاء من بعض المواد الدرسها في مواد الهندسة بس عيازة اعرف اقدم لياتو قسم عشان يحصل تحويل المواد..
وشكرا ليك جدا على معلومة تقارب الهندسات بتاع الزراعة والميكانيكيا تاني حاجننك جن بالاستشارات دي.. ان شاء الله اكلمو بكلامك عن المساحة والمدنية... ولك المودة والمحبة التي تعرفينها..
سؤال اخير كم عدد المواد المشتركة بين كل الهندسات؟
| |
|
|
|
|
|
|
Re: كي كي ومن لف لفه من المساحين والمهندسين.. (Re: Kostawi)
|
شفتى ؟؟؟اهو كوستاوى قال ليك (بطريقه غير مباشره انو الهندسه المدنية ما جايبه همها)
Quote: سؤال اخير كم عدد المواد المشتركة بين كل الهندسات؟ |
طلبه الهندسه فى جامعه الخرطوم بيقبلوهم فى سنه اولى مع بعض ..بيدرسوهم كيميا و فيزيا و رياضيات (و دين و عربى و انجليزى) سنه تانيه بيقسموهم لقسمين: القسم الاول فيه طلبة: كهربا و مدنيه و كيمائيه القسم التانى فيه: مساحه و تعدين و بترول و مكانيكا و بيدرسوا القسمين نفس المواد تقريبا و هى مبادى كل الهندسات .مبادى هندسه كهربيه ومبادى مساحه و مابدى اى حاجه حايمه فى الدنيا فى سنه تالته كل ناس بيمشوا براهم. بس ناس مدنيه بيفضلوا يدرسوا كورسات مساحه لحدى سنه رابعه هندسه. ما عارفه اذا كان كلامى ده رد على استفسارك!!!
| |
|
|
|
|
|
|
Re: كي كي ومن لف لفه من المساحين والمهندسين.. (Re: smart_ana2001)
|
Quote: ما عارفه اذا كان كلامى ده رد على استفسارك!!! |
ايوا دا رد لما اريده طيب انا لقيت جامعة فيها تخصصات هندسية ما عرفتها شنو رغم اني ارجعت معناها في اليكوبيديا
عايزة اعرف التخصصات دي هل يمكن ترشيحها للطلاب وهل مفيد في وجهة نظرك لطالب سوداني..يعيش في الخليج او السودان؟ يعني سوق العمل كيف؟
Quantity Surveying
Nanotechnology
لك التحية مقدما واتمنى الا اكون مزعجة لك ولكن احتاج لكل المعلومات الممكنة لدراسة الهندسة..
| |
|
|
|
|
|
|
Re: كي كي ومن لف لفه من المساحين والمهندسين.. (Re: Kostawi)
|
Quote: يا حبوبة أنا لو منو, بحاول أدرس االتكنلوجيا الحديثة في علم المساحة ودي ما بتحتاج لجامعة يشوف ليه معهد للتكنولجيات المسح الهندسي و الجيولوجي
لأنو لو مافي مسح مافي هندسة و لو مافي وضوء و تيمم أظن مافي صلاة و لو مافي فلوس مافي حج
و الله أعلم |
يا كوستا ازيك حيشتغل يون بعدين في امريكا؟
اي زول قاعد جنوب العالم يحتاج لشهادات نظامية حتى يتوظف الكورسات والشهادات لا تقبل ..الا مع بكالريوس
ودي المآساة
حتى ا لبتخرجوا بدبلومات في بلد تحتقر االتخصصات الوسيطة يجد الخريج صعوبة في العمل والترقيات.. المواهب والقدرات الفردية لا تقويم لها في الوظائف ولذلك كل الاباء عايزين اولادهم يكونوا مهندسين ولا اطباء ولا احد يريد ابنه يكون كادر وسيط ..
واذكر الباشمهندس ابوبكر اتكلم عن الموضوع دا مرة هنا..
لك المودة يا جدو
| |
|
|
|
|
|
|
Re: كي كي ومن لف لفه من المساحين والمهندسين.. (Re: د.نجاة محمود)
|
هلا بيان والجميع وجميل انو السادة المهندسين كوستاوي واسمارات كفو ووفو... وبالفعل الهندسة المدنية اكثر العلوم الهندسية الاخري تقاطعا مع المساحة بل في ماضي كلية الهندسة بجامعة الخرطوم كان خريجي المدنية وكثيرين منهم تخصصو في دراساتهم العليا في المساحة ويكفي انو البروفسر عبدالله الصادق وهو واحد من اميز علماء المساحة في السودان خريج مدنية.... ولكن بالتاكيد هنالك تقاطع مع كل الهندسات الاخري (الكهرباء والهندسة الزراعية وغيرهما من الهندسات).. اتفق مع كوستاوي بان الاخ الذي يريد ان يطوره دبلومه بتاع المساحة عليه لحوق سوق المواكبة ودراسة كورسات تقنيات المساحة المعاصرة ودي فيها مساحات وعلوم راقية وسهلة التعامل معها لزول عندو فكرة عن علم المساحة 1-نظم المعلومات الجغرافية (GIS) 2-تقينة البرنامج المساحية (سوفت وير) 3- لو تواجدت فرصة لدراسة البصريات برضو مكسب لانو تخصص السودانين قليل في صيانة وضبط اجهزة المساحة (بمعني دراسة متخصصة تعني باصلاح وتجهيز اجهزة المساحة ذات النمط البصري) 4-اي دراسة تعني بالاراضي وادارتها وتوزيعها 5-الاستشعار من البعد(remote sensing وهكذا......
كي كي دي يا بيان خلاص حنسجلها ماركة مميزة لظلاميي المنبر شايف معتز قريش برضو مدرعها ههههههه وتحياتي
| |
|
|
|
|
|
|
Re: كي كي ومن لف لفه من المساحين والمهندسين.. (Re: عبدالكريم الامين احمد)
|
سلامات يا عبد الكريم......خلاص يا نجاة عبد الكريم وصل..احنا تانى ما عندنا كلام فى المساحه ...اسيادها جو...
Quantity Surveying ذى ما بتكونى عرفتى من وكيبيديا...ممكن تكون فرع من المدنيه. لكن هسى بقت علم براها. المختصر المفيد الزول اللى قاريها شغلوا فى النهايه ح يكون ان لما يدوه رسومات التصميم يقدر يحسب منها الكميات بتاعة المواد (سيخ واسمنت و كده). بعد ما يبدا تنفيز المشروع بيكون متابع الجدول ماشى كيف مقارنه باللى حاصل فى الموقع. و كمان بيكون مخلى باله من التكلفه باتعه المشروع فى الحقيقه مقارنه بالميزانيه الموضوعه فى البدايه اما عن سوق العمل فدى سوال صعب...التخصص بيحتاجو ليه فى المشاريع الكبيرة..عاوزين يبنوا منصع... مبنى كبير جدا. ..خزان ...ترعه كبيرة..حجات ذى دى او ذى ما بقولوا عليها Heavy civil فى الخليج اكيد بيحاجوا ليهم فى السودان....حقيقى ما عارفه الان الحاصل شنو.لما كنت فى السوق فى السودان (قبل حوالى 6 سنوات ) كانت شركات البترول (حتى السودانيه) بتشغل هنود فى ذى الشغل ده.
Nanotechnology بصراحه ما بقدر افتى فيها...اللى عارفاه انها علم متطور جدا...ما اظن يكون فى ليه سوق فى السودان او الخليج
| |
|
|
|
|
|
|
|