|
|
 سمعتو بي بت ,,,جنت,,,عشان ادوها شاكوش !!!!
|
اصلا سبب سؤالى الغريب انى كنتا برتب في شوية اوراق قديمة(مش اوى يعني) من ايام ماكنا طلبة في السنة النهائية في الجامعة وكان عندنا
فترة عمل اكتر من شهر في مشفي التجانى الماحي للامراض النفسية,,وكانت فترة جميلة وايام لها لون وطعم ورائحة(سقا الله تلك الايام)واتاحت
لينا الظروف اننا نعمل لفترة مع الطبيب الصوفي الراحل د:الادريسي,,,والكلام عنو عايز بوست منفصل,,,المهم بعد نهاية الفترة كانت عندى
ملاحظة مدهشة يمكن تكون ما لفتت انتباه زول غيري,,,,شفتا اكتر من حالة لشباب(زى الورد) مصابين بحالات نفسية بدرجات متفاوتة بسبب,,,,
(اسفة على التصريح الصادم)لكن بسبب البنات,,,وكنتا ولازلت بتساءل,,,
هل انحنا (البنات) بندى مشاعرنا بحساب ؟؟ولا انتو (الاولاد)بتغرقو في شبر موية,,,يعني بالواضح ما بتعرفو تختارووووو
د:سلافا العاقب
|
|
 
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
والله يا دكتورة اظن الكلام دا كان بدري شوية لكن هسي علي الجزيمة الولد كان اتشوكش من ليلى العامرية الجننت قيس ما بتجيه الحبة ...
ايقاع الحياة اختلف الان يا دكتورة ومفهوم الحب زاتو قد يكون مختلف الان والبنات بقو على قفا من يشيل ...
يعني لو راجعتي المستشفى دي تاني ما اظن بكون في زول مشوكش دخلها ... وبقو شغالين باغنية
الناسيك يا قلبي انساه والساليك يا قلبي سيبو
معاي في الحتة دي ؟
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: علاء الدين حيموره)
|
يقال : من المؤلم ان تحب بصدق وتخلص بصدق وتغفر بصدق ثم تصطدم بنهاية تخذل كل الصدق
ومن العذاب ان تشعر بمن لا يشعر بك وتكتب لمن لا يقرأ لك
وتحتاج الي من لا يحتاج اليك ثم تكتشف أن أجمل سنوات العمر كانت سراب
يقال علي قدر الحب تأتي الكراهيه .. رغم اني لا اوافق علي هذا القول
لان البحب عمرو ما بكره .. لكن اقول علي قدر الحب تأتي الصدمه
اذا كان الحب عميق جدا تكون الصدمه اكبر واقوي ..
واذا كان سطحي وغير صادق لا تكون هناك اي صدمه زي قانون الفيزياء البقول
لكل فعل رد فعل مساوي له في القوة ومضاد له في الاتجاه
هو جنون بس يا دكتوره ؟ من الحب ما قتل
تحياتي
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: ناجية مصطفى)
|
علاء الدين حيمورة,,,اول شي ابدعتا جدا في الاغنية الجميلة اللى من الزمن الجميل اللى اتحفتنا بيها ,,,اول ما تسمعا تحس بنسيم بارد
ملا عليك الجو وزاد من مقدرتك علي تحمل الم الشواكيش,,,,لكن كلامك في المداخلة بيدل علي انو الناس هي اللي اتغيرت ما الزمن,,,وبقي
الزول او الزولة واحيانا الاتنين للاسف بيدخلو العلاقة من الاول باحساس البيع والتخوين(مش الخيانة)يعني بمعنى يابت سيبك كل الرجال زى
بعض وعيونهم طايرة اول فرصة احسن(من نواحي مادية طبعا)تبيعي طوالى عشان لو هو لقى الفرصة قبالك بيبيعك,,او ياخى عليك الله اطلع من
راسنا يعني زولتك دى حتكون خلقة براها ما زى باقي بنات حوا ديل كلهم ما تديها امان وتصرف ليها مشاعرك كلها والاحسن اول ماتكون روحك
ترجع البلد تعرس بت عمك حب شنو ياخ انت عايز مرة تمسك ليك بيتك تقول لي حب(تقول المرة البيحبوها ما بتمسك بيت)
*نوفل عبدالرحيم حسن,,,,والله صدقت انا غايتو ما لاقانى زول كان بيحب بقي بيكره نفس الزول البحبو,,لكن اتعاظمت صدمتو فيهو وخلتو لو ما
ميت زى الميت,,,يمكن الناس ما بتختار صح وزى ما بيقولو البدايات الغلط بتجيب النهايات الغلط
***معتصم
شاكوشك ظاااااهر
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
***باسط المكى,,,, حتى انت يا بروتس
***لا يا بهاء ,,,لا لا لا ,,,اوعك تخلى هموم الحياة ومشغولياتا العادية شماعة الفشل العاطفى فى حياتنا,,,الحب ما ترف ,,,الوفاء
ما رفاهية,,,,وعلى قدر اهل العزم تاتى العزائم,,,حب ايه !!! حب الصيف وحب الشتى علي قول الست فيروز ,,ويسمعنى حين يراقصني
كلمات ليست كالكلمات,,,و,,,,اعز عزيز في دنيايا
***محمد فضل الله ,,,ناجية
شكرا للمرور والتوقف للمداخلة ,,,كلام محمد دا يا ناجية زى المرة اللى قالو ليها راجلا عرس فيها قالت ما مشكلة كفاية انو طهر لي
الحيطة وجير لي الاولاد,,,,طيب المشكلة وين!!!
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
يعني ياشبكة احنا البنات احساسنا ما عالي ولا شنو ,,,اذا ساء فعل المرء ساءت ظنونه ,,,البت البياعة مصيرا تقع في راجل بياااااع
بالفطرة ,,,وهم كثر
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: DKEEN)
|
زي ما قلت ليك يا دكتوره
أنا طِوال المسيره بتاعتي ماخِد لي زي تلاتين شاكوش من الوزن
التقيل في راسي (مرزبه). بعدين راسي بِقى تخين من الضرِب( عادي يعني)
يعني عايز أجيك تشوفي الحاله دي ، لاكين خايفِك تقولي لي أمشي أعمل
صورة أشعه لي راسك دا. أمشي أدفع خمسين جنيه لزوم الصوره وأجيبه ليك
تقومي تعايني ليها في الضو الجنب طربيزتِك داك تقولي لي ( دا راس شِنو دا..
شايل ليك ظلطه تقول لي عندك راس).
شايفِك يا دكتوره بتكتبي في التقرير.. لقطت لي كلمتين ( لعدم الإختصاص يحول
لمصلحة الآثار)
بعدين بوريك حصل لي شنومع ناس الآثار!
يا ربي دكين دا بيكون ضاق لو شاكوش؟
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: محمد فضل الله المكى)
|
يبدو انك يا محمد فضل الله بقيت غير لائق (حبيا) علي وزن طبيا
***بعتذر لعدم التواصل الايام الماضية بسبب مرض صغيري (يزن) الذى مسخ علينا الحلة ,,ثم تعافي الحمدلله وربي ما تحرم بيت من الاطفال.
***
الشواكيش زاتا خشوم بيوت ,,يعني تلقي علاقة من اولا شكلها منتهية بشاكوش قدر الكوريك,,,زى علاقة الحب من طرف واحد,,,ياخوانى دا
براهو ما شاكوش
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
د.سلافه.. ألف سلامة على يزن.. وان شاء الله ما يشوف شر..
فعلا سؤال يستحق الوقوف...
موش احنا قالوا عاطفيات عشان كده ما عندنا حق الطلاق!
والله احنا انصح منهم...
والله الواحد منهم يكون متزوج وفي أمان الله.. ماكل شارب نايم.. بيته ضيفه واولاده مستحميين.. اها..
تقوم تمر شافعه في الجامعة، بي "ديانه" وخطوة لركبة.. تسيّب ركبه.. وتفلّس بيه بارد وساندوتشات..
وممكن تعرسه، وتمصر جيبه.. وتبيّعه الوراه والقدامه.. وبعد ده يجيكم في المستشفى القلت عنها يا دكتوره
حسي العاقل منو والمجنون منو عليك الله؟
البنات يمكن "بشتروا" دماغهم... أولاً.. البت ما بتمش "تتشوبر" وتعرض مشاعرها للهواء الطلق..
عشان كده لما ما يحصل اتفاق والعلاقة ما تستمر، هي ما خسارنه "كتير"..
الحاجه التانيه.. انه هي ما بتصرف على العلاقة.. عشان كده خسارته اقل طبعا..
والاهم من ده كله.. نمره تلاته... صرّة الوش والبكا، بخلو الوش يتملي تجاعيد من بدري.. 
قال شاكوش قال!
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: مريم بنت الحسين)
|
د. سلافة
تحياتي و تقديري
| Quote: هل انحنا (البنات) بندى مشاعرنا بحساب ؟؟ولا انتو (الاولاد)بتغرقو في شبر موية,,,يعني بالواضح ما بتعرفو تختارووووو |
السؤال مُرْبِك شوية
فالجزء الأول ( هل انحنا (البنات) بندى مشاعرنا بحساب ؟؟؟ )
مش كل البنات ... فهناك بنات يندلِقْن كإندلاقة الشباب. و لكن النسبة ضئيلة و لهذا أسباب.
فالبنت السودانية و إنطلاقا من المجتمع الذي تعيش فيه شبه المنغلق لا بد أن تكون حريصة في دلْق مشاعرها ، و أن تكون مشاعرها بجرعات متأنية و حذِرة حتى تأمن جانب القيل و القال إن هي فشلتْ في الوصول بالعلاقة إلى نهابتها المرجوة.
أما الجزء الثاني : ( ؟؟ولا انتو (الاولاد)بتغرقو في شبر موية,,,يعني بالواضح ما بتعرفو تختارووووو)
أعتقد غير جازم بأن الذي يغرق في شبر موية ما هو إلا مراهق عاطفيا مهما كان عمره.
لأن الحب ليس لهاث وراء وجه أو أنثى مجرد أنثى مكتملة.
من يحب ثم ياخد شاكوش مؤدي للجنون أظنه محب صادق لم يستطع أن يوفق في خلْق التوازن النفسي الذي يجعله يتقبل في دواخله فقدانه محبوبته ..
ربما كان موفقا في إختياره ... و لكن هناك أكثر من ظرف للشاكوش الذي إنهال على رأسه ..
ربما كانت الفتاة مجبرة على تركه لظروف أسرية لم تعلنها له.
ربما خدعته .. و المحب يكون مغمض العينين عن أشياء كثيرة .. و لا يرى إلا الجوانب التي تجعل قلبه يخفق كلما رآها.
ربما أعطته إشارات لم يفهمها .. و قام بتفسير هذه الإشارات لصالحه .. فالمحب يفتح قنوات الإيجاب و يغلق كل نوافذ السلب و النواقص... و هنا يكمن الخلل في العقل المؤدي للجنون ...
دمتم
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: مريم بنت الحسين)
|
تحياتي د.سلافة ..
فى رأي ان بعض الرجال يعتبر الشاكوش ضربة فى الصميم لكبرياءه و من هنا يأتي الاهتزاز النفسي اذا تعرض للرفض ,, فالمسألة مسألة كبرياء و بعضهم لديه Big Ego عشان كدة بتفك منو لمن واحدة ترفضوا
اما نحن معشر النساء لا نعاني من تلك النزعة -فى الغالب - هذا لا يعني ان "الشاكوش" اقل ألما للمرأة ,, لكن المجتمع اصلا لا يساعد المرأة على أن يتولد عندها احساس بتضخم الذات.. خاصة مجتمعنا الذي يفضل الولد على البنت منذ الصغر ....
اما التفسير المنطقي الاخر هو ان الانسان-رجلا كان ام امرأة- اذا اختل نفسيا او عقليا بسبب شاكوش فالسبب ليس الشاكوش بل الشاكوش ما هو الا القشة التي قصمت ظهر البعير .. يعني انسان اصلا لديه مشاكل نفسية اعظم و اخطر من اي شاكوش و مصيره فى النهاية الى الجنون -بشاكوش او بدونه.
...
و الله أعلم .....
(عدل بواسطة Outcast on 05-01-2009, 11:15 PM)
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Outcast)
|
انا بنت جيراننا جنت و دخلت المستشفى عشان ادوها شاكوش, رغم انه العلاقه كلها كانت من بنات افكارها يعني الولد ما صارحها, لكن غايتو جنها جاء بفايده حنسنا الولد و عرسها و من يومها قاطعت كل الناس الحنسوه ليها, ما عارفه بتغير عليه ولا عشان عارفين القصه
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
تحياتى د/ سلافه
بالفعل سيدتى انا لغاية يومنا هذا ما قابلتنى بنت جنت بشاكوش
اما الاولاد فحدث ولا حرج بالكوم.......
انا القدامك ده اتشوكشتا لمن لقطا لى 3 ورقات من الشارع ولو ما كان
الشارع خالى من الورق لكنت رحتا فيها لا محاله.......
البنت ما بتقدر الحب دايره تتلما على رجل والسلام
الله يقلع البنات وسنين حب البنات
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: ASHRAF MUSTAFA)
|
نورتونى واسعدتونى واثرتوا شهيتى للرد بمزااااج ,,,اصلى المغرب وارجع ليكم,,,,,,,,,يا ناس ,,,,ياحلوين
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
سمعتو بي بت ,,,جنت,,,عشان ادوها شاكوش
آآآى سمعنا وشفنا كتير
بل بالعكس الولد لو ادوهو شاكوش الموضوع عادى حتى
اصاحبو بتريقو عليهو ويبقى نكتة طويلة
لكن البت لو حبيبها شراها ساكت فى محطة ( سبعة )
ترجع البيت كدارى والغبار لاحق الركب من الزعل
ده غير الشواكيش غير المعلنة ، يبقى سؤالى ؟
شفت ليك بت صاحباتها اتريقو عليها عشان فسخوا خطوبتها
من جانب الولد
وفى الاخير الجابرى قال
حواء من زمن بعيد زايدة دايما فى عنادا
ما اصلو كان ادم بريدا
يبرا فى حواء وحلاتا لما فات الجنة زاتا
ـــــــــــــ
بنات القديمة ويييين
يا حليل اللبنى
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: عبد الدائم سيد أحمد)
|
يا دى النور يا دى الهنا,,,,,
مريم بت الحسين
ابوجهينة
outcast
دانية المكى
نادية عثمان
وليد الطيب قسم السيد
الكباشي البكري
اشرف مصطفي
تانى,,,,,,
محمدفضل الله المكى
اللييييييييييلة
عبدالدايم سيداحمد
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
تسلمى يا مريم يا بت الحسين و يزن (جهجه)امنى بالحمى وزاد عليها سخانة الجو في الخرطوم والمكيفات بقت زى حلل البرستو .
مريم ياختى الراجل البعمل كدا ما بيجن لو البت خلتو عشان اصلا هو داخل الموضوع من الاول(مستبيع)زى ما بقولو وبيقضي في زمنو
يعنى مافي مكان للمشاعر فبالتالى ما بيحس انو خسران او تم التخلى عنو عشان البدايات الغلط بتجيب النهايات الغلط.
************
اخوى ابو جهينة,,البيغرق في شبر موية ابدا ما مراهق عاطفي كل الحاصل انو قرر يحب بصدق لكن في الزمن الغلط,,,يا اما زمن بدري
ويكون الامر تسرع او زمن متاخر ويبقي الموضوع للاسف,,,خيانة ,,خيانة اسرة اتكونت ربما من غير رغبتو او ضد مشاعرو وهنا بيجى الغرق
مش في شبر موية بس ممكن 5 سي سي تغرقو ,,وانا معاك انو الزول البيصل مرحلة الجنون من فقدان محبوبه او محبوبته هو محب صادق,,,,اساء
الاختيار.
***********
outcast
الظاهرة بعد اختفاء ,,,يمكن اختلف معاك شوية في مسالة الكبرياء في الحب من حيث ضيق فهمنا ليها احنا كلنا رجال ونساء ,,,في الحب
كبرياء وليس تكبر ,,الست(ام كلثوم) او محمد عبدالوهاب لااذكر تحديدا لديه\ها اغنية يقول مطلعها ,,,الهوان وياك,,,معزة
فهم خاطئ فبين المحبين لابد من وجود كبرياء يحفظ للعلاقة بريقها وتوهجها ويعطى للطرفين مساحة الاحترام المطلوبة لكل ذات بشرية.
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
يلا يادانية دا كلامى عن الاختيار الغلط من الاول يعنى هسي دا حب معوق وحتى بعد ما اتكتب ليهو الاستمرار يظل حب مبستر ,,يعنى,,,
جنا سبعة شهور ,,ينتكس وتحصل ليهو مضاعفات عند حدوث اى هزة انسانية بسيطة من هزات الحياة الزوجية الكثيرة
**********
والله يا نادية عثمان انا اجرست لما لقيت الوضع في المستشفي كدا وحنيت على الاولاد
تسلمى علي المرور الجميل يا جميلة ,,,بالله عليكم الله نادية موش سمحة عديل كدا؟؟
**********
وليد الطيب
مادام انتو مش(اد)الهوى بتحبوا لييييه؟؟؟
والله ضحكتنى ,,,لما الله يقلع البنات وسنين البنات تلقي وين الصدر الحنين والبسمة اللطيفة والسؤال الشفوق
والخضرة والماء والوجه الحسن,,,يعنى انتا زعلان عشان ال 3 ورقات اللي لقطتها !!!انت ما سمعتا بورق جورجيت بتاعة بورسودان؟؟
القصة رومانسية ذات نهاية مؤلمة زى روايات يوسف السباعى لو عندك مزاج تعرفا قول لي ,,,المهم جورجيت دى لقطت ورق شوارع بورسودان
كلو ,,عشان اختارت غلط ,,هسي انت كمان تلقاك اخترت ليك واحدة ملقطة ساي عشان كدا خلتك تلقط في الورق ,,,ما عجبنى ليك
في ورقة في الصفحة الجاية ماتنسي تلقطا
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
الكباشي البكرى تصدق انا ماعارفة الجنن عبدالقادر شنو!!!دى زى (كلمتى المست غرورك وفرقتنا يا حبيبي)بتاعة محمديوسف موسي
اللي نفسي ومنى عينى اعرفا شنو .
****
اشرف مصطفي ,,,,يا جميل يا حلو ,,,ازيك وانت منو الزيك .
****
شكرا يا محمدفضل الله علي دعوتك ليزن ,,انشا الله تسلم
*****
عبدالدايم سيداحمد وكيل الخرطوم القديمة بنات فرع سودانيزاون لاين,,,,سلام مربع ,,,بالغتا والله ,,البنات البنات الطف الكائنات على
قول سعاد حسنى ,,ما ممكن تكون دى وجهة نظرك فيهم ,,,
تخريمة: انتا حصل شريت ليك واحدة في محطة سبعة؟؟؟اعترف فالاعتراف سيد الادلة
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: وليد الطيب قسم السيد)
|
د. سلافة
البنات بقوا بياعات لاسباب اقتصادية اولا وعدم ثقة في الرجل الذي يبيع لاتفه الاسباب وباتفه الاسعار
عشان كدا بقت الواحدة تحب وتعمل احتياطي
اذا الهدف زاغ بيكون في الاحتياطي
دي واحدة من الحاجات الحاصلة وشفتها قدام عيني
واحدة خاتة واحد للحب واتنين احتياطي واهم شي كل واحد ما عارف التاني
لما سالتها عن دا شنو دا
قالت لي
واحد في الكف وواحد في الرف والتالت ما متذكراهو شنو (لكن على نفس الوزن)
المهم دي بت من القديمة قرت معاي القديمة ومشينا الجامعة سوا
اها عرست واحد من التلاتة ديل واحنا في سنة تانية
تاني لي هسة ما شافت الجامعة بعينها
دا مثال بس لكن ما قاعدة
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Mohammed Ibrahim Othman)
|
سلام
يعني حتى في المشاعر يمكن الأشياء تفرق!!!
في مجتمعناالسوداني البنت في الغالب تمثل الدور السالب في الحب, بلا مشاعر بلا احاسيس متجاوبة
مع القدر الكبير الذي يجود به الولد..
صمت البنت وسلبيتها هذه تجعل من الولد ان يبذل مجهود فياض من العواطف لإستنطاقها ولو همسا بمشاعرها..
لو بي همسة
قولها أحبك
لو ترسل لي سلامك
ولو بتحلم في منامك
قولها أحبك..
وكم العواطف الكبير الذي يبديه الولد يكون قد بناه من دواخله بصدق حتى قبل ان يصل للمرحلة استنطاق البنت, وفي نفس الوقت تظل البنت متشككة ومنتظرة المزيد المزيد خاصة اذا كان هنالك شخص آخر منتظر.. احتياطي يعني..
كمية المواد التي استنفذها الولد في بناء هرم الحب تكون قد خلفت فراغا كبير بداخله وهوة من الصعب ردمها الا بالحب المقابل.. وإلا لكانت هنالك الصدمة.. أو الشاكوش الذي تختلف حمولته من الحمى الخفيفة إلى التجاني الماحي..
Quote: فى رأي ان بعض الرجال يعتبر الشاكوش ضربة فى الصميم لكبرياءه و من هنا يأتي الاهتزاز النفسي اذا تعرض للرفض ,, فالمسألة مسألة كبرياء و بعضهم لديه Big Ego عشان كدة بتفك منو لمن واحدة ترفضوا
اما نحن معشر النساء لا نعاني من تلك النزعة -فى الغالب - هذا لا يعني ان "الشاكوش" اقل ألما للمرأة ,, لكن المجتمع اصلا لا يساعد المرأة على أن يتولد عندها احساس بتضخم الذات.. خاصة مجتمعنا الذي يفضل الولد على البنت منذ الصغر ....
اما التفسير المنطقي الاخر هو ان الانسان-رجلا كان ام امرأة- اذا اختل نفسيا او عقليا بسبب شاكوش فالسبب ليس الشاكوش بل الشاكوش ما هو الا القشة التي قصمت ظهر البعير .. يعني انسان اصلا لديه مشاكل نفسية اعظم و اخطر من اي شاكوش و مصيره فى النهاية الى الجنون -بشاكوش او بدونه.
...
|
لا لا لا يا أخت Outcast الرجال صادقين أكثر من النساء خاصة في هذا الزمان.. لذلك وبعد التجارب الكثيرة المرت بالرجل.. فالحال بدأ في التغير..
الشاكوش لو أقل ألما للمرأة هو بالضبط كما ذكرت آنفا أن المرأة لا تحب بصدق مثل الرجل..
الزمان تغير الآن..
يعني الشاكوش لا يؤثر في الجنسين.. سبحان الله..
تحياتي
عبدالعزيز
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Abdlaziz Eisa)
|
د. سلافا ... كيفك؟
ركزي لي على كلام الإتنين ديل:
Quote: سلافه يا بتي
أنا القدامك دا أي سنتمتر مربع
في راسي فيهو ضربة (مرزبًه).
عادي...... مافي مشكله. |
| Quote: عليك الله يا دكتورة دا كلام زول نصيح |
بعدين يا سعادتك والله باقي مداخلاتك بس زكرتني قالوا واحد جا لي مرتو بالليل قال ليها أنا خلاص من بكرة حأبطّل شراب الشاي، يعني من الصباح ما تعملي لي شاي.
صحى من الصباح .. المرة ما عملت ليهو شاي .. قعد شوية وقال ليها: أها أنا ما شربت شاي جاني شنو يعني؟ ... بعد 5 دقايق قال ليها: والله حكاية كيف الشاي دي إشاعة ساكت الناس عاملينها .. أنا هسي ما نصييييييح الجاني شنو. المهم، من الصباح لحدي وقت الفطور قال ليها جملة (الجاني شنو) زي 150 مرّة ... المرة زهجت وقالت ليهو (جاك جنس البتسوي فيهو ده .... يا راجل قوم أشرب شاهيك سويت لينا منخوليا).
______
قلت لي سا سعادتك عادي .... مافي مشكلة؟
يا نجية قومي سوي الشاي احسن.
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: محمد أبوالعزائم أبوالريش)
|
القصة يا وليد الطيب كالاتى :
جورجيت شابة قبطية من اهالى بورسودان ربط الحب بينا وبين شاب من الشمالية جابتو ظروف العمل والوظيفة واقام في بورسودان
قرروا الزواج وقبل ما يستعدل ويكلم اهلو اتبرع واحد من(متلقيين الحجج)من معارفو في بورسودان ووصل الخبر بطريقتو الخاصة
اضاف ما اضاف وحذف ما حذف والخلاصة انو ولدكم حايضيع ويعرس نصرانية,,وبالفهم (او قل عدم الفهم)البسيط لاهل الشاب ,,ابوهو
حلف طلاق وعقد ليهو علي بت عمو وطالبو بنقلية سريعة للشمالية (لو عايز رضا والدينو),,اضطر الشاب ينفذ وبس ,,داس القلب والمشاعر
قتل العهود والاحلام الوردية وخلي جورجيت تصبح فجأة في يوم تلقي دنيتا من غيرو وغلبا التحمل وبقي عقلها المسكين يصور ليها اي
ورقة طايرة انها جواب منو وبقت تحوم الشوارع وتحكي للناس انو دى جواباتو وانو جاى ,,,وما قال بجي مالو ما جا.
*****
SHIBKA
ما تقولو لي الزمن اتغير ياخوانا والله احنا اللى اتغيرنا واذا ساء فعل المرء ساءت ظنونه,,يعني الناوى يبيع بيلقي العايز يبيعو
وكما تدين ,,,,,,,تدان
المقولة انو,,,واحد في الصف وواحد في الرف وواحد للف وواحد,,,,,,,,,للسف ودي يقال انها عايزة بت بمواصفات نانسي او هيفا او روبي
علي اقل تقدير عشان تعمل اضافة لزول يصرف بدون حساب,,,يلا ما اظن في اى حب ولا بطيخ في علاقة زى دى,,,,, دى مصلحةتنتهى بانتهاء الغرض
منها بينما الحب علاقة ازلية فيها العطاء لاجل العطاء بدون كلل او انتظار مقابل او حتى شكر,,,علاقة تستمتع فيها بانك تدى ,,,,وبس
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
محمد ابراهيم عثمان,,,,شكرا على المرور واتحفنا بما شاهدت
*****
دلال عزالدين,,,, فترت الحالة الاقتصاديةمن استعمالا كشماعة لفشلنا العاطفي ,,,انا معاك انو ممكن الحالة الاقتصادية تطول لينا المدة
يعني الناس تعرس بعد خمسة سنين بدل تلاتة,,,الشيلة تكون اتنين اتنين بدل ستة ستة,,, الناس من تانى يوم يبدو حياتهم ما يمشوا شهر عسل
لكن ماممكن اخلى حبي واملى وحلم حياتي تحت ستار الحالة الاقتصادية والوضع المادى الصعب,,,والله ما مثاليةمنى لكن بالجد دى مبالغة.
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
عبدالعزيز عيسي,,, تحياتى
لو العلاقة متوازنة والاساس سليم تاكد انو درجة الاحساس بتكون واحدة وزمن التعبير واحد وحرارة المشاعر واحدة,,,ما حيكون في طرف حاسي
انو بيدي والتانى بياخد,,,او انو هو الجانب الايجابي والاخر هو السلبي,,,انا عندى خلاصة بسيطة وصلت ليها انو الراجل(السودانى تحديدا)
بتختلف طريقة تعبيرو عن المرأة,,,يعني البت بتبكى وتنهار ويجيها اكتئاب وممكن تخلي الشغل وتاخد اورنيك مرضي من المدرسة,,,ممكن تجينا
في الحوادث ب HYS يعني هيستريا بكل بساطة ,,,لكن الراجل(اندينا) اتربي علي عدم التعبير وكبت المشاعر تحديدا السلبية ,,,,عينة ياولد
ماتبكي البكا دا ما للرجال,,,عشان كدا الواحد بيطق ليهو عرق في راسو ما بيتعالج الا في التجانى الماحى
***********
محمد ابوالعزايم ,,,,والله مشتاقين من ايام القديمة(كان اولاد كان بنات) تانى ما اتلاقينا ,,,والله ضحكت علي قصتك لحدى ما امى سالتنى مالك
قلتا ليها (عادى الجانى شنو)
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: عبدالعزيز الفاضلابى)
|
Quote:
عبدالعزيز عيسي,,, تحياتى
لو العلاقة متوازنة والاساس سليم تاكد انو درجة الاحساس بتكون واحدة وزمن التعبير واحد وحرارة المشاعر واحدة,,,ما حيكون في طرف حاسي
انو بيدي والتانى بياخد,,,او انو هو الجانب الايجابي والاخر هو السلبي,,,انا عندى خلاصة بسيطة وصلت ليها انو الراجل(السودانى تحديدا)
بتختلف طريقة تعبيرو عن المرأة,,,يعني البت بتبكى وتنهار ويجيها اكتئاب وممكن تخلي الشغل وتاخد اورنيك مرضي من المدرسة,,,ممكن تجينا
في الحوادث ب HYS يعني هيستريا بكل بساطة ,,,لكن الراجل(اندينا) اتربي علي عدم التعبير وكبت المشاعر تحديدا السلبية ,,,,عينة ياولد |
zعزيزتي سلافة
مجتمعنا شرقي وغارق في قيم عجيبة
فلا اتوقع ان قيم الإحساس تكون متوحدة لان الرجل له مساحات ليست متوفرة للمرأة..
لكن فوق ذلك فإني ما زلت أقول أن العبء على الرجل أكثر من المرأة.
طبعا انا أتكلم غن زماننا وليس ما صار فيه شباب اليوم..
لك تحياتي
عبدالعزيز
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Abdlaziz Eisa)
|
عبد العزيز الفاضلابي,,,,سؤالك هو الحلال,,,,والعقاب دعوة كاربة وغضب من الله
*****
عبدالعزيز عيسي,,,,سمعتا (حبي ليك كان زادى),,,,تلك المنظومة الشايقية الحنينة ؟؟؟ارجع تانى واقول ليك لو العلاقة متوازنة
التعبير بيكون واحد,,,,عشان الحاجة دى بينك وبينا ,,,ومافي تالت في الموضوع ,,,الناس بتعبر مرتاحة بدون حسابات فارقة او
حتى اختيار الفاظ
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
(جاك جنس البتسوي فيهو ده .... يا راجل قوم أشرب شاهيك سويت لينا منخوليا).
الأخ ابو العزائم القصة ضحكتنى وفعلا تشبه الحالة ألأنا فيها دى
والله الراجل خرف وعامل لى منخوليالكن أشربو الشاى دا كيف يا دكتورة؟؟؟؟
قولى لى وصفة طبية أمكن تكون كترة الشواكيش بتعمل هضربة ....
عشان أرتاح من جنس البسوى فيهو دا
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Huda AbdelMoniem)
|
ناجية الطيب ,,,,علاجك تكتري من شراب الشااااااااااااى
****
هدي عبدالمنعم,,,,سؤالك يودي ورا الشمس عديييييل كدا,,,شاكوش بعد الزواج سجمنا ,, كان اتكلمنا اتقلمنا وكان سكتنا انظلمنا على
قول امى
| |
|
|
|
|
|
|
|
|
|
Re: سمعتو بي بت ,,,جنت,,,عشان ادوها شاكوش !!!! (Re: Solafa Alagib)
|
عزيزى المنصور جعفر ,,,,,,شكرا على مرورك الجميل ومداخلتك الثرة كالعادة,,,بالجد سعدت جدا بتداخلك في الموضوع,,,شكرا علي دعوتك
اللطيفة ليزن ,,,الله (يطعمك)حجة علي قول السوريين .
الفضفضة من اجمل الممارسات الانسانية في حياتنا واتخيل لي لولا وجودا كناتعبنا في تفريغ دواخلنا,,,المهم بس اختيار زمان ومكان
الفضفضة والجهة المستمعة,,,اهم معلم من معالم الحب اللي انت ذكرته,,,الرغبة في اسعاد الاخر ,,,هو دا اللي انا قصدتو بالعطاء
بلا مقابل او انتظار شكر ,,,الرغبة في اسعاد الاخر هى ممارسة متعة الاحتواء وشعور التداخل ,,فتصبح العلاقة كالدائرة ,,,غير محددة
البداية او النهاية,,,فلا نعرف متى بدأ حبنا ولا نتساءل حتى متى تستمر,,,ففي علاقة من هذا النوع لا تخطر علي بال اي منا اي افكار
في ترك هذه المتعة التى تماثل الحياة بذاتها عندنا,,فلا يكون هناك مكان لبيع او تخلي او تنازل ,,,بالتالى ما حيكون في شاكوش ولا
بطيخ.
اصلا اذا بدت العلاقة بلعبة (توم وجيري) ويا كديسة سكى الفار تكون ملامح الصدق في العلاقة قد انتفت,,,ويبقي داخل كل منا هاجس انه
هو من بنى العلاقة اذا فهو مسئول من الحفاظ عليها,,,اجمل الحب الذي نعثر عليه اثناء بحثنا عن شئ اخر,,كأن تكون العلاقة جيرة سنين
طويلة وعشرة زى صلة الدم وفجأة يتكشف خيط حب جميل يلمع في داخل العلاقة المشرقة اصلا بطيب التعامل وحسن الصلة,,,
| |
|
|
|
|
|
|
| |
علاء الدين حيموره
نوفل عبد الرحيم حسن
باسط المكي
Baha Elhadi
SHIBKA
معتصم مكاوي
محمد فضل الله المكى
مريم بنت الحسين
ابو جهينة
Outcast
Dania Elmaki
وليد الطيب قسم السيد
ASHRAF MUSTAFA
عبد الدائم سيد أحمد
Dalal Ezzaldin
Mohammed Ibrahim Othman
Abdlaziz Eisa
محمد أبوالعزائم أبوالريش
عبدالعزيز الفاضلابى
فيس بوك
تويتر
انستقرام
يوتيوب
بنتيريست