|
قصيدة جديدة من النوع البيدشدش ويكسر .. مين يفتح البوست ؟؟ ..
|
بالله مالك .. هسي لو تديني .. من خاطرك شوية .. بس تسمعيني بقول شنو .. أو حتى .. لو فكرتي مرة .. أدي نفسك فرصة واااحده .. دققي في معنى الكلام .. حتعرفي .. وحتحسي جد .. بي دقة القلب البريدك .. من زماااان .. زولاً بريدك .. وريدتو جد .. لا بتتوصف .. لا بتنكتب .. مرات أقول بي اندهاش .. شايفك هلال .. أرجع أقول .. شايفك قمر .. أشهق وأقول .. في تمامه .. ياك بدراً عديل .. شايفك عينين .. ما أجملها .. ماليات مساحة من الظلال .. الحلوة فيك .. يا حلوة جد .. بتدي للحزن انبساط .. ونوناتها ووووب من روعتها .. ماخدات جمال .. من كل لون .. كان قوس قزح .. أكتر كمان .. أرجع وأقول .. والله غالبني الوصف .. ما إنتي لوحة من الجمال .. فنانها أبدع وصورها .. ماااا خلا شيء .. أنا قلت ليك .. لو تسمعيني حتعرفي .. بس أسمعي .. وأدي نفسك فرصة بس .. حتعرفي .. صمت البريد أبلغ كلام .. صمت البريد أبلغ كلام ..
|
|
|
|
|
|