|
|
|
 Re: امسية جميلة برفقة ود الخواض و صحبة الكرام بمنزلنا (صور ) (Re: هجو الأقرع)
|
Quote: كمال الزين تبين انه صديق أشرف الخواض وكانا زملاء ومعرفة بعدها قال الزعيم عزام حسن فرح
اذا كان كدا نمشي اهلنا
|
المفاجأة طبعاً إنو (عصام جعفر خضر) هو (عصام الخواض) ..
سنوات طويلة وأنا و(أشرف جعفر) أصدقاء لا نفترق
بيتهم وبيتنا .. والطريق بينهما ..
والمبيت مع الحاجة (أم عصام ) ..
و(أشرف ) طويل جداً ..
و(عصام) قصير ..
و(أشرف) شاعر وأديب وفيلسوف ..
و(عصام) زول قروش..
أربط كيف بينهم ؟
إسم (الخواض) ده طلع مع القروش ..
):
برجع السودان بسأل عنهم قالوا رحلوا ..
بفتش في الديم والحلة الجديدة والكلاكلات والدعاويس
و(أشرف جعفر) بقى زول قروش وسكن الرياض ..
طلعتا (ودناس) يا(عصام الخواض) ..
):
وبالمناسبة :
والدة (عصام الخواض) و(أشرف جعفر) ..
من أعظم النساء اللائي يضرب بهن المثل ..
(عصام) غني بهذه المرأة العظيمة ..
وليس ب(دريم وشوية الملاليم ديل) ..
بعد أن تحدثت مع (أشرف جعفر) الشاعر الذي فاز يوماً بجائزة
للشعراء الشباب ..
عدت بالذاكرة لأيام جميلة ..
قضيتها مع هذه الأسرة العظيمة ..
والكلام ده عاوز بوست منفصل ..
| |
 
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: Deng)
|
| Quote: غايتو يا خوى دينق الناس ديل بعد طلعوا من المنزل ، اصر عليهم الابناء على ومجاهد الى اخذهم الى النادى البحرى الخاص بقطر للبترول ، على شاطى الخليج ، اها طبعا الاولاد ما قالوا لى الحصل شنو بعد داك ، وانا اشيل و اضرب فى التلفونات لكن ما فى زول ( عبرنى ) (؟) |
قلت لي يا هجو نادي بحري وعلى الشاطي !!
طيب كمال الزين ده كان شايل شنو في جيوب بدلتو السودا دي؟
دينق.
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: Deng)
|
ماشاء الله يا هجو ,,,
ربنا يزيدكم من خيرو ويوسع ليكم ,,,
فعلا ضيوفك رجال كرام يستحقون الاكرام ,,,
وانت كريم تعرف اقدار الرجال ,,,
جلسة تمنيت ان اكون حاضرا بينكم فيها ,,
ربنا يجعل ايامكم كلها ساكوبيس ,,,
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: هجو الأقرع)
|
والله ودالأقرع سوا عَوايِد أهلو فينا ... أكرمنا غاية الكرم والله قرب يشيلنا مِن
اللرِض شيل ... والعجبتني عِيالو مؤدبمُ أدب سمِح بعرفو حق الضيف وإكْرامو ...
باشين وهاشين ... وإتباشرو بينا والله ... الله يخليهُم ليك ويِكبِرُم ... قول آمين
وأكلنا الحوت (السمك) وده بريدو تقول مِن توتي حواتي ... وجابولنا الفواكهة
أكان ما إلتزمت قربت أقول < صدق وعده > وأي شئ حلال عَصرو وده عبار الأقرع
يا خوي يا دينق أصلو كُل زول بِشرب عِبارو ... والفي بالو ... واحدين رِوو وواحدين
فوقو غالو ... قالو باكِر أصلو مالو ... فوق شِمالُم ضِحكو مالو ... فِرد عبار
تانيهو قامو حالو ... بخيت حالي ماهو حالو ...
ودسالم كرهني الأكِل ... ما رَيحني تب ... جيب العيش ... إتناول لي الصلطة ... قرب
الفول ... أديني التنبوله قلتلو ودي كمان شنو المِتل الإسبير دي قالي ياخ الصلطة
الحداك دي ... غايتو تاني ما بقنِب جنب الزول ده كلو كلو ...
وكمال ود الزين سوا الشئ بيت طهور هو وود الخواض وبِقو في جِنس ده < خالتي وخالتك
... وفُلان وفُلانة ... تِتذكر يوم ما أخوك سوا داك ... وعمل شنو ما بعرفو ... > وعندهُم
ضحكات كدي مو سمحه ... مُريبة ... تخلي الزول يِعايِن لِروحو ...
الله ستر كُنت خايِف الزول السليط ده ... هو مِنو؟ ياخ مالك ومالو خليك في القِصة ...
خليك عميق ... ما تنصرِف ... المُهِم كُنت خايِفو يِتلحني ...
- إتْ يا عزام غير القميص ده ما عِندك ولا شنو ( وبيني وبينكُم ما عِندي )
بس الجاحة الوحيدة الكانت في صالحي ... أبو ساندرا ما كان في ... ربُنا ده ما كريم
وما بِعصِر علي بِالحيل قدُر ده ... معقول غُربة + أبو ساندرا ... أصلو ماف غيري في الوطا
ياخ أبو ساندرا ده مِن يدخُل لامِن يطلع يشتِم فوقنا آخِر مره فوق بيتي غالتو في شيتاً كدي
قالي : إتْ إبن كلب ولا شنو ... قُلت ليهو : شنو ... الزول شرير ... غايتو نستحمل أصلو
الجنة دي عِلا بِالصلاة بس حرم الصبُر يِحل الما بِتحل في يوم الخمج ...
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: عزام حسن فرح)
|
الاخ الكريم عزام ، ابو رشاد ، شرفتنا وشرفت دخان كلها و اليوم داك حقول البترول انتاجها زاد تصدق ، و الله يا عزام صاحبك ابوساندرا ، اعتذر فى اخر لحظة و قال عندو اجتماع ضرورى ، اها قلت لى كمال و عصام ضحكاتهم مريبة ، غايتو دينق رسل لى على الخاص فى تهم بالجملة لكم جميعا . مازال ولدنا مجاهد يردد الحكم هو المشكلة على قولتك ، و الله العظيم حسن بعد مغادرتكم سالته من عرفت من الجماعة قال لى اخوك عزام .
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: هجو الأقرع)
|
اخى هجو و الاسرة
تلتــــــــــاشر (13) مليون شكراً على الدعوة و اتاحت الفرصة لمعرفة الاخوة عن كثب , كما لصديقى الهندى للاحتكاك بالمريخاب فى حضرة برشلونة و شيلسي . المشوار كان طويل لاكن الونسة ماشى و جاى كانت مثيرة, مرة نكتة و مرة قصة و مـــــرة .....وفى الخلاء داك كانت محتاجة لتوثيق بالصور ذى صورك دى. اجمل شى انك خليت الصور تحكى قصة كانت قصيرة جداَ فى حضرتك و كرمكم انت و اولادك الله يحفظهم ليك و ينالوا مرادهم
و الحمدلله ما انتظرنا الحلوا كتير لانوا كان اقرب من الفوز لولا الحكم الكان متعشى معانا.
ما فى دخان من غير نار = مافى دخان من غير هجو الاقرع . الله يحفظك و اولادك
علوب
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: Yasir Aloob)
|
Quote: هجو اخوي
جلسة ما منظور مثيلها
وطبغ وزير الري ما قصر معاهم
سقاهم من كاس المودة ، محبة
نحن لا سمعنا لاجابو لينا
لكن حمدنا الرحمن
لانو جلسة كلها مريخاب
بتأثر على صحتنا
محبتي |
نحنا نقول عبابير وشوفو السني بقول في شنو؟
"كاسات مودة" قال
نحن يا السني نقول عبابير وأنت تقول "كاسات مودة" ؟
كاسات المودة دي شكلها كيف وهل لها نفس مفعول عبابيرنا؟
دينق.
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: Yasir Aloob)
|
ود علوب ...
Quote: تلتــــــــــاشر (13) مليون شكراً على الدعوة و اتاحت الفرصة لمعرفة الاخوة
عن كثب , كما لصديقى الهندى للاحتكاك بالمريخاب فى حضرة برشلونة و شيلسي . المشوار
كان طويل لاكن الونسة ماشى و جاى كانت مثيرة, مرة نكتة و مرة قصة و مـــــرة .....
وفى الخلاء داك كانت محتاجة لتوثيق بالصور ذى صورك دى. اجمل شى انك خليت الصور تحكى
قصة كانت قصيرة جداَ فى حضرتك و كرمكم |
أي كلمة تاني ... أي حرف حنصنِفك تبع كوم هجو الأقرع (المظلومين بِالكوزِية وما هُم بِأكواز)
أنصح أن يكون الشُكر في البريد الداخلي أو الخارجي أو أمشي ياخ أسكُن دُخان ...
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: عزام حسن فرح)
|
دينق
ده شرابنا عصير برئ وحياتك إتْ يا زول ما نصيح ولا شنو
هجو الأقرع ده يا الله يا الله جاب لينا شاي وهو صاري وشو
قال الشاي مِن < المُكَيِفات > تقوم تقول عبار وما بعرِف شنو
والله أكان أقام علينا < الحد >
لكِن أكان سألت عن ده مالو
ده يا خوي قاعِد يِسكلِب ... ما سألتو مالك يا جنى بِتسكلِب ... خُفتْ يِحرِجني
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: عزام حسن فرح)
|
| Quote: أي حرف حنصنِفك تبع كوم هجو الأقرع |
ما عندى مشكلة شايقية و جعلية عزاز على قلبى خالص.
| Quote: المظلومين بِالكوزِية وما هُم بِأكواز |
انا و السياسة ما عندنا اااى غرام مع بعض و كوز و جك دى هى سبب مشاكل ناس كتيرة و انا شايق انوا عدد السياسين و البتلكموا فى السياسة كافى جدا جدا.
| Quote: أو أمشي ياخ أسكُن دُخان ... |
احسن لى اسكن ام القهاب لوا انتا ما عندك مانع عشان اكون بين هنا و هناك.
..........................................
واحد كوز لبن من الصباح على الريق مع ريحة الدعاش
| |
|
|
|
|
|
|
|
|
|
Re: امسية جميلة برفقة ود الخواض و صحبة الكرام بمنزلنا (صور ) (Re: Deng)
|
Quote: يا عزام.
عليك الله الشئ الاحمر ده هسع عصير؟
بعدين ضحكاتكم دي كلها ضحكات "عصير"؟
عصيركم ده ماركتو شنوا علشان نمشي نحنا ذاتوا نشتري، يمكن يضحكنا ويبسطنا برضو.
دينق. |
والله يا(دينق) كأنك كنتا معانا .. قدر ماحاولنا ندسها أبت ..
):
بعدين قعدة الرجال بلا عبار تبقى (قعدة) كيف؟
| |
|
|
|
|
|
|
| |
هجو الأقرع
baha eassa
كمال علي الزين
نوفل عبد الرحيم حسن
سارة علي
كمال سالم
Amin Mohamed Suliman
سيف اليزل جعفر عبد الرحمن
Deng
محمد سنى دفع الله
العوض المسلمي
عزام حسن فرح
Esam El-Khawad
Yasir Aloob
بشير أحمد
فيس بوك
تويتر
انستقرام
يوتيوب
بنتيريست