|
|
 سـودانيز .... عالم جميل !!
|
سودانيز... عالم جميل
دعوة للتآلف وعرفان بالجميل
في مطلع الألفية الجديدة و أنا ماذلتُ طفلاً يخربش علي جدار السايبر ,, وانا ساعتها كنت في المملكة العربية السعودية طلبت
من صديق سعودي ,, كان يكبرني بآلاف النقرات في غرف الدردشة ,, أن يمدني بعناوين لمواقع سودانية عساها تخفف عني
غربتي الألكترونية ..!
فلم يتردد ألا مقدار نقش في ثقوب الذاكرة المرهقة من التحديق في الشاشات والكبورد ... وسرعان ما كتب لي في قصاصة ورقية صغيرة عنوان موقع سودانيز أون لاين وغرفة الدردشة الشهيرة بأسم (الراكوبة) لرواد ذلك العصر الذهبي ... والجدير بالذكر أن خدمة الأنترنيت في ذلك الزمن الغابر كانت اسود و ابيض! .
فكانت هذه تعتبر أول سابق معرفة لي بالمهندس (بكري أبو بكر)
ربنا السفينة .. ولكن لم أكن أعلم أن هذه القصاصة ستغير مجري حياتي و أنها ستكون مسمار جحا في مقبل أيامي .
(( أنا كنت فاكر المسالة مسألة جير و بتنتهي)) !
وفي الخاطر موقف طريف حدث لأبن عمتي و صديقه أيام المدرسة الثانوية وما يصحبها من مواقف لا تبارح الذاكرة ,, فقد صادف انو في جماعة جيراننا عندهم بنات في منتهي الجمال و كان عيد الأضحي علي الأبواب وعايزين يجيروا البيت .. أها الشباب ديل ما قصروا و أتبرعوا عشان ينجزوا المهمة وبعد أنتهي الجير ومعاه العيد بي خيروا وشروا ما أنقطعوا من بيت جيراننا و كل يوم يقيلوا وكمان يتغدوا لكن بطلعوا قبل ما أبوهم يرجع من الشغل ..وفي يوم
الحاج رجع بدري ما زي عوايدوا و لقي ليك الجماعة آخر بهجة و مشغلين المسجل بأعلي صوت ,, يا زول طوالي قام ساقهم ليك الصالون و أداهم ليك محاضرة تأريخية وختما بي مقولته الشهيرة
(( أنا كنت فاكر المسألة مسألة جير و بتنتهي عمالنها لي حدوتة))
الكلام هنا موجه للباشمهندس بكري علي لساني!
ومن ديك وعيك بقيت قبل الأيميل أول حاجة بشوف الحاصل شنو في الحيشان التلاتة ( الراكوبة .. نادي القلم ... والحوش الكبير )
سودانيز هذا الوطن الجميل
وطن حدادي مدادي
فيه تعارفنا وتآلفنا
و أتفقنا و أختلفنا
و أكتسبت علاقاتنا الأجتماعية أبعاداً اخري
شـُتنا حزن السنين ضفاري وما أتضارينا ورا صرًّة وش
وعرفنا أنو البسمة علبة هندسة في حصة معمار !
الخلانا نكنكـِش فيه أنو طعم الحتة فرايحي و حبة صندل
وريحة الناس لون الموية الباردة وضل الساعة سخانة !
نكنكــِش لمن الأيام شتا وكترة هجايم برد
مساحات صد لقيتك جد حنيناً أصلوا ما بتعد!
|
|
 
|
|
|
|
|
|
|
 Re: سـودانيز .... عالم جميل !! (Re: حبيب نورة)
|
التحية لدناصير و أسافين المنبر الحر ومنهم من فقد باسورده ومنهم من ينتظر وما بدلوا تبديلا
باشمهندس بكري
عادل عبد العاطي بجرحه الليبرالي الساخن
هشام شيخ الدين يازول يا زول
تاج السر الملك( الاسماء الحلال)
أبو جهينة ( حبيبي والله العظيم)
دكين
أبوبكر
ودرملية
منوت( الليمون سقايتوا علي انا)
طلال عفيفي ( العسل)
اساسي ... ناذر الخليفة أنور كنق .. أمير التبلدي ( الجني الأبنوسي)
معتز تروتسكي .... ودافي ( المافي)
موصلي موسيقار الحتة دي والزمن الجاي
صديق الموج \ الطيب شيقوق \ خالد المحرب \ هاشم خلف الله
بهاء عيسي \ حامد محمد حامد \ عبد الغفار \ عبد العظيم ( الماركيزي ) و عصام الخواض
سفيان نابري \ قاسم مهداوي \ ابو قصي
ووووووو
حببيب نورة
وسمعني أجدع سلام لنون النسوة و تاء التأنيث
دكتورة نجاة نسيبتي في السايبر و أمي في الحسبة
الجندرية \ تماضر شيخ الدين \ تماضر الخنساء ( بي زعلتي منها)
رجاء و راوية العباسي
مني بت خوجلي \ ناهد الطيب \ عواطف ادريس
ست البنات\ بت الهنا \ عشة بت فاطنة \ تبلدية
مريم بت الحسين \ أشراقة مصطفي
ويا جماعة رأسي دة ما كمبيوتر
أيي زول نسيتوا ما يقول جفيتوا أو أبيتوا !!
والناس الذكرناهم من غير ترتيب ...
سنعود!
| |
|
|
|
|
|
|
|
|
|
Re: سـودانيز .... عالم جميل !! (Re: حبيب نورة)
|
مرفق
التحية الحبيبو نورانية للحلوين
منصور المفتاح ( قريبي )
أشراقة مصطفي
وليد محمد المبارك
عثمان الريح
عبد الكريم الامين حامد
نادوس 2000
قمر بوبا
قيقراوي
سيف الدولة الكامل
بنت الأحفاد
فتحي البحيري
قير تور تونق
صفاء فقيري
خليل
نادية عثمان( أنساك انت انت بتتنسي)
وليم أندريا
محمد السني دفع الله( مسرح)
تولوس( حبيب قلبي)
حمور زيادة( القلم الرفيع)
دكتور بشار صقر
الشامي الحبر
حبيب الكل
شيراز
علاء حيمورة ( والأسرة الكريمة)
نوفل عبد الرحيم
ود الباوقة
امجد
انعام عبد الحفيظ ( أديبتنا وحبيبتنا)
القرضابي
ألق هاشم ( ألق في قلق مافي)
فرانكلي
دينق
هارون دياب( مريخك نار منقد)
ووووووو
| |
|
|
|
|
|
|
|
|
|
Re: سـودانيز .... عالم جميل !! (Re: mamkouna)
|
ممكونة
ياخي تسلمي والله
Quote: ما ح أقول ليك ...نسيتني أنا و خلاص يعني..
ح أقول ليك...حد يقدر ينسى نفسو...!!؟؟؟
|
والله صدقيني انا كنت خايف من الحتة دي
والعتب داخل البوست علي مسؤولية حبيب نورة
زهايمر شديد يا ممكونة
| |
|
|
|
|
|
|
|
|
|
Re: سـودانيز .... عالم جميل !! (Re: filan)
|
hallllo good and best friend
sodanese is so nice and also me
by the way
sorry i am going to do habeb nora
or i am going to do .....gasim almahdawey
really i neeed to seeeeeee youuuuu
gasim
| |
|
|
|
|
|
|
|
|
|
Re: سـودانيز .... عالم جميل !! (Re: ابو جهينة)
|
أبو جهينة
Quote: يأتي مثل هذا الدفق المتألق إلا من يحمل بين جنبيه روحا مترعة بالجمال و المحبة
لله درك
أنت أحد أركان هذا العالم الجميل دون مبالغة.
حفظك الله |
بحبك والله
ربنا يحفظك انت ذاتك
أسمح لي أديك الدعوة الحبيبو نورانية الحصرية المستجابة
ربنا ينجيكا و يهنيكا و يضاريكا و يغطيكاويخليكاويعليكا وما يدليكا و محل ماك ماشي يوديكا
| |
|
|
|
|
|
|
|
|
|
Re: سـودانيز .... عالم جميل !! (Re: filan)
|
فلان يا حبيبو
Quote: ليك حق يا زول . اها نحنا بنقرأ , وآخر الليل بنفس واحد بنطفيء الفانوس ، و بنتكرفس ، عشان ما نهاتي بالقريناهو .
|
ياخي
الروح مشحتفة في البلود الفيها سيرتك
خليك حنين
ما تكون ضنين
| |
|
|
|
|
|
|
|
|
|
Re: (Re: baha eassa)
|
حبيب نوره
سلامات
| Quote: سـودانيز .... عالم جميل !! |
وانت ممن يجملونه
لك الود
| |
|
|
|
|
|
|
|
|
|
Re: سـودانيز .... عالم جميل !! (Re: baha eassa)
|
الحبيب بهاء عيسي
في الحقيقة فعلاً
الواحد من سودانيز عرف ناس جميلين شديد
قد يكون أثرهم في حياة الواحد
علي المدي البعيد
والمسألة ما مسألة جير و بتنتهي
بقت علاقة جميلة جداً
شكرن كتيرن!
| |
|
|
|
|
|
|
|
|
|
Re: سـودانيز .... عالم جميل !! (Re: حبيب نورة)
|
التحية كمان
لي أبو ساندرا
وعسكوري
و بشري سليمان
و ريد سي
وعزاز شامي
و بت سلامة(سلمي الشيخ سلامة)
والجميل تبلدينا
وعمر عثمان
وعمر بوب
وحنين للبلد
و رحيم سوداني
هشام المجمر
ياسر بينوي
خالد محجوب المنسي
حيدر الزين
وهجو
ومحمد الأمييييييييييييين محمد
وسوركتي
ولنا المهدي ( تفرحون)!
الفاتح ميرغني
و أنعام حيمورة
وكوستاوي
وود الباوقة
والملككككككك
وبلاير
وجني
والرفاعي حجر
و أيي زول نسيتوا ما يقول أبيتو و اللأ جفيتوا
| |
|
|
|
|
|
|
|
|
|
Re: سـودانيز .... عالم جميل !! (Re: الق هاشم)
|
سلام يا ناس .
يا حبيبها معليش يا زول العتب على اليوم الفيهو 24 ساعة بس !!
نرجع لسيرة العالم الجميل ، فقد كان ( وهناك من يحتج على مثل هذه الكان) قد كان جميلاً بحق وحقيقة ، ونتيجة لذلك الجمال فها هم هنا الآن ، فقد جاء بهم الأجمل، ومن يقرأ الجمال ثم يستطفيه فهو بلا شك جميل - بصورة أو بأخرى - بهذه الميكانيكة مشت سودانيز لما هي فيه الآن ، ولا يعني ذلك أن نكتف أيدينا و نرضى بما آلت إليه ، فالتجويد هو نهر جاري ، سوى رضيت القيفة أو لم ترضى ، لو إحتجت المراكب او إهتزت، برضو بيظل النهر ماشي لمستقرو ..بطعمو و لونو و طميهو .
مسكت في درب زلق يا حبيبها ، الاعضاء يقاربوا الـستة آلاف عضو ، اها حا تتذكرهم كيف ديل ؟ كلٌ منهم له سمة مميزة ، و لهذا مرات بنسال من فلان من الناس لاننا بنفقد نكهته أو شتارته ، و لربما لهذا السبب يكون هذا الفلان الغائب صديقك أو صديقك اللدود !
و مع ذلك سلامنا للذكرتهم ديل ، وللباقيين كلهم ، ولكل من تعلمنا منه حرف وفاء وصدق .. ولكل من أهدانا درس عصر ، شهقنا دهشةً حتى جفّ المداد فعبرناهم بفصدة في الجبين ، وعاهة مستديمة في الإكسبلورر .
| |
|
|
|
|
|
|
|
|
|
Re: سـودانيز .... عالم جميل !! (Re: filan)
|
يا حبيب
صدقنى لو الانطباعات وجبه .... قبل ما تدخل يدك حتشبع
سميها وهما ... سميها طيبة خاطر سميها كما تشاء
ما استطيع ان اقوله نحن شعوب مليانين طيبه لو قدر لنا ان نتعايش و
تستمر دون اى حروبات او مشاكل .. فقط بالانطباع السائد قد ننآآآآآلف
ولا كـــــــــــــــــــــــــيف .....
يا عمك شنو
حنتقابل متين ... انا ماشى اصيف وكدا !!
ولا كــــــيف برضو ؟؟؟؟؟
ياخى بان واظهر
ممكن احكى ليك قصة ..
فى واحد مسطول ابوه زهج منو
فى مره جاهو بليل مسطول .. رقم التحزيرات
المهم الوالد قام طردو ليك من البيت .. الزمن كان .... والمساواة .... ام درمان
عارف المسطول وهو متخارج ... كتب فى باب البيت
منزل ..............!!! جد موضوع صعب
عارف الحصل شنو ؟؟؟؟
قابلنى علشان اتم ليك الباقى
قاسم المهداوى
قاسم المهداوى
| |
|
|
|
|
|
|
|
|
|
Re: سـودانيز .... عالم جميل !! (Re: قاسم المهداوى)
|
مهداوي يا عسل
هههههههههههههه
عارفك نصيبة زمان
وصدقني عايز أجيك لكن خليها علي الفوقاني
لو أداها كلتشي
بتمشي
Quote: صدقنى لو الانطباعات وجبه .... قبل ما تدخل يدك حتشبع
سميها وهما ... سميها طيبة خاطر سميها كما تشاء
ما استطيع ان اقوله نحن شعوب مليانين طيبه لو قدر لنا ان نتعايش و
تستمر دون اى حروبات او مشاكل .. فقط بالانطباع السائد قد ننآآآآآلف
ولا كـــــــــــــــــــــــــيف |
بيت القصيد!!!
| |
|
|
|
|
|
|
|
|
|
Re: سـودانيز .... عالم جميل !! (Re: filan)
|
والله صدقت يا فلان يا أخوي
Quote: مسكت في درب زلق يا حبيبها ، الاعضاء يقاربوا الـستة آلاف عضو ، اها حا تتذكرهم كيف ديل ؟ كلٌ منهم له سمة مميزة ، و لهذا مرات بنسال من فلان من الناس لاننا بنفقد نكهته أو شتارته ، و لربما لهذا السبب يكون هذا الفلان الغائب صديقك أو صديقك اللدود !
و مع ذلك سلامنا للذكرتهم ديل ، وللباقيين كلهم ، ولكل من تعلمنا منه حرف وفاء وصدق .. ولكل من أهدانا درس عصر ، شهقنا دهشةً حتى جفّ المداد فعبرناهم بفصدة في الجبين ، وعاهة مستديمة في الإكسبلورر |
لكن كل ما أتذكر زول جميل
بجيب أسموا هنا
اصلاً الفكرة كانت غير كدة
انا كنت عايز أجيب مع الأسماء
الحاجات الجميلة برضو
لكن لي ضيق الزمن
ما قدرت
لكن ح أعمل بوست تاني
والفكرة قبل كدة أتعملت لكن ما بالطريقة الأنا عايزا
شكرن كتيرن!
| |
|
|
|
|
|
|
|
|
|
Re: سـودانيز .... عالم جميل !! (Re: حبيب نورة)
|
سودانيز أون لاين بناسها ياحبيب نورة
موش بقولوا المكان بي ناسو ؟
لكن حوش بكري سمح بس فيهو الماسمح وأنت عارف صاح ؟
حوش بكري سمح بطيبة الناس وإنسانيتهم ووقفتهم الجميلة
جنب بعضهم في الشدائد والكوارث والمحن ده كلام حقيقي وبالوقائع.
لكن حوش بكري فيهو ناس إتخصصت في تعكير
أجواء المحبة والمحنة والإحترام المتبادل بين الناس
وتلقاها سمها فاير في الفاضية والمليانة وتستميت في محاولات تشويه الآخر !
عشان حوش بكري يكتمل جماله ياحبيب نورة تعال نقول لي زي ديل الله في !!
سمح ؟!!
| |
|
|
|
|
|
|
|
|
|
Re: سـودانيز .... عالم جميل !! (Re: نادية عثمان)
|
ندوية
والفرح الجاري عليك نيلين
الناس دي فهما شنو بالضبط
لو قاصدين نضال و تبني قضايا وغيرو
مافي داعي لشخصنة المواضيع
انا هسة بحترمك وبحبك جداً
وممكن أختلف معاك في رأي
لكن ح تفضلي برضو غالية علي
ودة علي مستوي علاقتنا الشخصية
أجيكي سالّي سيفي في البوست
وأعمل ساين آوت عشان ألحق عزومتك لي علي كباية شاي و ساعة سمر
دة الفهم
ثمح!!!
| |
|
|
|
|
|
|
|
|
|
Re: سـودانيز .... عالم جميل !! (Re: حبيب نورة)
|
يا صديقي الجالس القرفصاء .. انا تسربلت بلباس "الكهولة والكبر" و ما يصاحب ذلك من ضعف في الذاكرة والامنيسيا الاغترابية ومضاعفات السكري والضغط عندما اصدرت فرماني دااااك باسم "لو.." يوما ما وبرضووو كررت وحلفت بانني ربما نسيت اسماء كتيرة وانو يا هل الخير ما تزعلو لو نسيت اسم بس انتو تمو الباقي ولكن لو صارت "لو لكن انت ما نسيتنا ...""
انت ما كنت تخليها جهوية وتقول ناس الشمال ( ما الجغرافي ) والشرق والغرب والجنوب والوسط وكدة تبقي زي محمد علي باشا مسحت كل الارض السودانية ....
انا غايتو قلت ليك ...
ياااخ هذه العوالم الاسفيرية ادين لها بعلاقات انسانية كثيرة ومهنية واكاديمية منذ ثمانينات القرن الماضي وصارت راكوبتي في غربتي التي طالت ومسخت....
التحية لك ولكل اهل هذا المنبر الواسع الذين في الداخل (مشتركيين) وبالخارج(وهم الغالب الاعم ملح الارض ) ....
| |
|
|
|
|
|
|
|
|
|
Re: سـودانيز .... عالم جميل !! (Re: abubakr)
|
أبو بكر
صديقي القديم
أحبك من ذمن صانع المراكب نوح
والذي صار فيما بعد نبياً شهيرا
Quote: ياااخ هذه العوالم الاسفيرية ادين لها بعلاقات انسانية كثيرة ومهنية واكاديمية منذ ثمانينات القرن الماضي وصارت راكوبتي في غربتي التي طالت ومسخت....
|
في الحقيقة يا حبيبو
المسألة ما بقت مسألة تضييع وقت وخلاص
ولا أدمان كمان
الشغلانة أمتدت لأبعاد متناهية في الحجم
والناس بقت أهل
والبعض أتحولوا ألي أعداء
وغايتو!!
وشكرن كتيرن!
| |
|
|
|
|
|
|
|
|
|
Re: سـودانيز .... عالم جميل !! (Re: حبيب نورة)
|
Quote: حبيب نورة يا حبيبنا
حقيقة سودانيز عالم جميل لانو فيهو امثالك يا غالي
خالص الود |
حبيب نورة وحبيبنا
شكرا لك وانت تدرجني في قائمة الكوكبة اعلاه.
لم اجد سوى الإقتباس اعلاه للزميل ياسر كي اعبر لكل عن إمتناني.
مرات كدة ، كما يقول الباشمهندس كيكي الواحد بحتاج لوحي إلهي وروح قدس ووحي للتعبير عن خاطرة معينة.
محبتي التي تعرف
| |
|
|
|
|
|
|
|
|
 Re: سـودانيز .... عالم جميل !! (Re: الفاتح ميرغني)
|
حبيب نورة
والحق يقال
من أجمل الشباب الذين إلتقيتهم عبر هذا المنبر وكما يقولون فى الزمن السمح
لك التحية صديق الأسافير والعصافير والقمارى
لك التحية يا مجذوب ويا درويش ويا صافى السريرة
لك التحية يا معشوق ويا عاشق ويا موجود ويا تايه
لك التحية تنبع مفعمة برائحة الصندل من شارع بن لادن لأى حتة إنت فيها
رجعتنا سنين لى وراء
وأتارى الناس الحلوين الزيك بدو الكون بهرجة وفرحة وزخارف
أخوك هشام
| |
|
|
|
|
|
|
|
|
|
Re: سـودانيز .... عالم جميل !! (Re: يازولyazoalيازول)
|
هشام ود الشيخ
ياخي وحشة موت
علي فكرة قابلت صهيب بالصدفة مع مجموعة من الناس الحلوين
وسألتوا منك ومن أخبارك
Quote:
والحق يقال
من أجمل الشباب الذين إلتقيتهم عبر هذا المنبر وكما يقولون فى الزمن السمح
لك التحية صديق الأسافير والعصافير والقمارى
لك التحية يا مجذوب ويا درويش ويا صافى السريرة
لك التحية يا معشوق ويا عاشق ويا موجود ويا تايه
لك التحية تنبع مفعمة برائحة الصندل من شارع بن لادن لأى حتة إنت فيها
رجعتنا سنين لى وراء
وأتارى الناس الحلوين الزيك بدو الكون بهرجة وفرحة وزخارف
أخوك هشام |
والله مافي أجمل و أطعم من الكلام دة
وعلي فكرة تاني
لحدي هسة بضرب بيك المثل لمن أطرا أيام البورد العسل
تسلم يا رب
| |
|
|
|
|
|
|
|
|
|
Re: سـودانيز .... عالم جميل !! (Re: حبيب نورة)
|
حبيب نورة
وحبيب الكل بدون مجاملة والله
ما يجعل هذا الكون جميل كونك تكون بتعرف الزول من كتابتوا وتكون له صورة جميلة بداخلك حتي أن أتلقيته قبعة الصورة في القرنية
فعلا سودانيزأون لاين عالم يشكل السودان الواسع مليون محب متربع بيب نورة في كل أركانه معا نبني عالم خالي من الكروسترول السايبري
حبيب لك كل المني ياصديق.
،،،،أبوقصي،،،،
| |
|
|
|
|
|
|
|
|
|
Re: سـودانيز .... عالم جميل !! (Re: مجدي عبدالرحيم فضل)
|
أبو قصي يا حبيبي
Quote: ما يجعل هذا الكون جميل كونك تكون بتعرف الزول من كتابتوا وتكون له صورة جميلة بداخلك حتي أن أتلقيته قبعة الصورة في القرنية
|
ياخي والله انت راجل زي الفل
عاجبني الجمال الفي وشيك
تلقاهو باين للعيان
عاجة زي عزف الكمان
حاجة جواي من زمان
| |
|
|
|
|
|
|
| |
حبيب نورة
ذواليد سليمان مصطفى
filan
mamkouna
قاسم المهداوى
علاء الدين يوسف علي محمد
ابو جهينة
baha eassa
haroon diyab
عبد العظيم احمد
abubakr
حامد محمد حامد
الفاتح ميرغني
يازولyazoalيازول
مجدي عبدالرحيم فضل
Yousif A Abusinina
فيس بوك
تويتر
انستقرام
يوتيوب
بنتيريست