|
Re: مجموعة المصورون السودانيون (Re: Salma Daoud)
|
وفي قرابة العامين هي عمر المجموعة تبادل الأعضاء التجارب والمقالات والمصادر وأدبيات التصوير وفنيات معالجة الصور بأريحية وكرم ورغبة خالصة في التعلم الأمر الذي انعكس بصورة واضحة على تطور نوعية وجودة ما تلتقطه عدساتهم..
وقد قام البعض ممن تواجد بنفس المكان برحلات ومغامرات تصوير امتدت من حمد النيل بأمدرمان إلى منطقة الضوء الأحمر بأمستردام.. وقد نتج عن هذه اللقاءات مجموعات من الصور البديعة التي تعكس رؤية كل شخص وإحساسه..
| |
|
|
|
|
|
|
Re: مجموعة المصورون السودانيون (Re: Salma Daoud)
|
سلمي
سـلام
بالتأكيد دا شي رائع واكثر من رائع ياخي نحن فعلا محتاجين الي مجموعات مثل هذه حتي تتفجر المواهب وبالتظافر يمكن تزليل العقبات التي تواجه مثل هذه الهوايات والمتمثله في الامكانيات الماديه و التدريب وورش العمل.
لدي تجربه مماثله في الامارات وقد استفدت فائدة كبري من خلال انضمامي الي احدي مجموعات التصوير الفوتوغرافي، فبدونها وعلي الرغم من وجود الرغبه لدي، ما كنت لاصل الي ما وصلت اليه. فالتعلم من خلال مجموعة والاستمرار معها افضل وسيله للابداع.
المزيد .... المزيد
سلمي
اشكرك
| |
|
|
|
|
|
|
Re: مجموعة المصورون السودانيون (Re: Salma Daoud)
|
يا سلوم ..
اخترتي فتحي محمد عثمان صدفة ولا عارفة انو (رحمة الله محمد عثمان) متزوج (آمال حيمورة)!!
عارفة فتحي انسان فنان بجد .. وكمان اضيف انو مصمم ديكور خطير جدا..
اشتغل مكتب الخطوط الجوية السودانية في دمشق كان تحفة !!
التحية ليهو عبرك ..
وشغلك حقيقة ابداع ابداع ..
وحقيقة اخدت في الموقع وقت طويل جدا واستمتعت وغيرت جو لدرجة حسيت بي برودة شديدة رغم درجة الحرارة (ههههه)
عارفة قبل 4 يوم دخلت موقع حيمورة ونزلت بوست (خاص) بصور قديمة كلها كانت بي كمرتي قبل الديقل والتكنلوجيا الحديثة ..
بعد شفت صوركم دي خجلت ولو ما كدة كان اديتك الرابط (هههههه)
مودتي لكل المصورين السودانيين وعلى راسهم تاج السر الملك ..
| |
|
|
|
|
|
|
Re: مجموعة المصورون السودانيون (Re: ناصر احمد الامين)
|
الأخت سلمى...شكراً لهذا البوست الفريد...والذي يلقي الضوء على أحد تطبيقات ال Web 2.0 وما عرف بأن المستخدمين أنفسهم الآن يتحكمون في مسار ومحتوى الإنترنت... User Generated Contents
حفزني هذا البوست لعمل إشتراك جديد آخر في موقع فليكر... وأتمنى أن يتواصل معنا الجميع هناك...
خالص مودتي أنور
2005-Seoul-Korea
| |
|
|
|
|
|
|
Re: مجموعة المصورون السودانيون (Re: Rihab Khalifa)
|
. .
بوست جميل ، وصور أجمل .
لك جزيل الشكر والتقدير .
(مجموعة المصورين السودانيين)
مجموعة: خبر لمبتدأ محذوف تقديره (الموضوع أو العنوان)
المصورين: مضاف اليه مجرور بالياء لأنه جمع مذكر سالم.
السودانيين : صفة
. .
| |
|
|
|
|
|
|
Re: مجموعة المصورون السودانيون (Re: الوليد محمد الامين)
|
سلمى يا مرهفة ,,يا ذات الاهتمامات الجميلة في زمن كاد الجمال فيه ان يتلاشي,,,,من اروع الفنون الحيوية فن التصوير الفوتغرافي
تلاقي نفسك غرقان في دنيا تانية بعيدة وانت واقف محلك متسمر قدام صورة عبرت لدواخلك فجاة ,,,فن بحتاج لزول مرهف فعلا عشان يحس
بيهو صح وينقلو صح,,,هسي انا فاتحة fliker
شكرا علي السياحة الوجدانية العميقة
د:سلافا العاقب
| |
|
|
|
|
|
|
Re: مجموعة المصورون السودانيون (Re: Solafa Alagib)
|
سلمى... ما زلت سلمى الجميله بجمال ما تقول وما تفعل.... ولسه سلمى التى تهدى جمالا لكل من يعرفها ....رائع انو بعد انقطاعه طويله الاقيك محفوفه بكل هذه الروعه....
الغريبه مؤخرا قامت لى شجرة تصوير فى راسي برضو.... beauty is in the eye of the beholder>>عشان كده قلت احاول اسجن بعض اللحيظات الجميله التى يمكن انتزاعها من هذه الفوضي فى اطار.... لكن غايتو...النتيجه طلعت مصيبه!!
....الموقع رائع...وسأحاول الاستفاده منو... وبالله واصلي اتحفينا...بالذات البورتريه..
--------------------------------- مشتاقين!!
| |
|
|
|
|
|
|
Re: مجموعة المصورون السودانيون (Re: Shiraz Abdelhai)
|
شيراز!!
ياخي أنا ممتلئة بشوقي إليكي "حتى غازلني الناس في الشوارع.." محاولة ألم فيك بكل وسائل الإتصال الممكنة.. وبسأل عليكي سؤال ضهبان حتى أسالي أمل عاصم...
ما تحكمي على لحيظاتك السجينة بالمصائب سريع كده.. إدينا فرصة معاك..
بعدين بما إنك بتعرفيني من زمان عليك الله قولي ليهم إني شاطرة في العربي :(
محبتي التي تعرفين
| |
|
|
|
|
|
|
Re: مجموعة المصورون السودانيون (Re: Solafa Alagib)
|
شكراً يا وليد على الإطراء اللطيف... أنا بقول الصورة الجميلة بتطلع من الراس الجميل.. والفكرة الجميلة..
_____ شكراً على المشاركة يا أخ كوستاوي.. خليك زائر دائم
_____ سلافة العاقب.. من كلامك شكلك كده عندك فكرة ومحبة للقصة دي.. ورينا شغلك وخليكي معانا
محبتي
سلمى داود
| |
|
|
|
|
|
|
Re: مجموعة المصورون السودانيون (Re: Kostawi)
|
الاستاذة سلمى سلام لولا بستك الجميل ده كان عمرنا راح ساي بدون ما نشوف كل هذا الابداع لكم كل الود مع امنياتنا لكم أن يتطور القروب وتكون عندكم معارض في بقاع الدنيا المختلفة وتساهم رؤاكم في خلق سودان ينعم بالاستقرار
زوربا
| |
|
|
|
|
|
|
|