|
|
 Re: صفحة من دفتر يومياتي..لعناية(طارق جبريل و بهاء طوكيو)...... (Re: Hawari Nimir)
|
لحظة و كانت تقف امامنا...جاءت تطلب أحد الاصدقاء,بغرض السلام...كانت الطاولةكبيرة و(زولنا) في اخرها بجوار المدفاءة,ينشد بعضا من الدفء..,فبالجو نسمة هواء باردة.
قالت:هسي يصلوك ويسلمو عليك كيف؟؟
هممت بفتح(خشمي) و اقول ليها اتفضلي من هنا,أحببت ان افتح لها الطريق كي تصل الي مبتغاها..لكنني لم استطع,وتسمرت في مكاني..!!ماذا عساي ان افعل؟؟امام هذا الجمال الخرافي و التحفة الفنية عالية الجودة ..وهذا التمثال الابنوسي بديع الصنعة, ياااااااه..رأيت مقرن النيلين وتسلقت غابات الابنوس العالية..وملئت رئيتئ من رائحة الدعاش المخلوطه برائحه قش النال المعطون بماء المطر...تنفست هواءا من (تالا)الصعيد الغادي..وغسلت روحي فيك يا نيل وعفرت قدماي برمال العتمور...
مازال محدثي يواصل حديثه عن الصوت الغليظ و السوبرانو..والاوبرالي و السلم الخماسي و السداسي....ونقرشات العود..وعن عثمان مصطفي و قوة صوته و عن الخالدي و مسحة الحزن البائنة في اغنياته...وطفق يتحدث عن الحقيبة..و ثم عرج الي مصطفي سيد احمد,ومقدرته اللحنية العالية...وعن اشياء و(شويات)..و انا لا هنا ولا هنااااااااااك(بين بين), اذن معه بلا اهتمام و اخري هناك ترهف السمع لكلماتها و صوتها (الحنين).....لها منصتا و مع صديقي(اطرش), ما عندي غير
اهااا قلته شنو؟؟
منو ...الكاشف....اها مالو..؟؟
وانا في سري اتمتم(يا زول موسيقي شنو؟؟و كمنجة مين؟؟انت يا زول شايفني (باخ) و لا قالو ليك انا (رخمانيوف)....عليييييييييك الله كدي هدي اللعب شوية..,انت ( ماك نصيح)....هسي انت ماشايف السيمفونية القدامك دي؟؟و لا ماسامع ترانيم الوتر دي؟؟أمانة في ذمتك لو شافوها ناس(حاول يخفي نفسه) اكان قالو شنو؟؟ياخي ديل في شوفة توب بس عملو البدع!! أمنت بالله الواحد القهار........ لم يكف صاحبي عن مواصلةحديثه و توجيه الكلام الي وجهي مباشرة..و بالرغم انه زول(شفت) المفروض ان يكون فهمها و هي طائرة...و هي تتثني وتتمايل و تتحدث...وطالت وقفتها وطال كلامهامع صديقنا الاخر واندفقت في الهضربة و الهذيان(يا اخوانا ما تقولو حاجة...شاي...قهوة..كباية عصير...حجر شيشة...(شيشة) شنو يا مقطوع الطاري..!!وشاي منو ,هسي ده قدوم شاي..الله يشوي اضنيك ديل!! امانه في ذمتك شوف الخشيم الودعه ده ,ديل يا يابا..ناس الاسبريسو..و اللاتييه .والكابتشينو...والملك شيك.. (كاب منو؟؟؟ وشيك بي كم؟؟.اسبير باتو عربيه؟؟) يا النبي نوح ..ويا سيد اللوح, دي شيتا بشربوها و لا مراهم للمسوح, الله يمرضك يا المسنوح.. قال شاي.. قــــــــــــــــــــــــــــــــــــــال.
|
|
 
|
|
|
|
|
| العنوان |
الكاتب |
Date |
| صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:01 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:03 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:05 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:07 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | طارق جبريل | 04-23-09, 10:09 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:15 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | SHIBKA | 04-23-09, 10:30 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | ياسر نجيلة | 04-23-09, 10:36 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:38 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 10:43 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-23-09, 11:09 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 11:16 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-23-09, 11:19 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | SHIBKA | 04-23-09, 11:21 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 11:29 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | SHIBKA | 04-23-09, 11:38 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-23-09, 11:39 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 12:02 PM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-23-09, 12:05 PM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-23-09, 12:34 PM |
| Re: صفحة من دفتر يومياتي..لعناية(طارق جبريل و بهاء طوكيو)...... | Abdlaziz Eisa | 04-23-09, 03:22 PM |
| Re: صفحة من دفتر يومياتي..لعناية(طارق جبريل و بهاء طوكيو)...... | فيصل محمد خليل | 04-23-09, 07:58 PM |
| Re: صفحة من دفتر يومياتي..لعناية(طارق جبريل و بهاء طوكيو)...... | طارق جبريل | 04-23-09, 10:50 PM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-24-09, 07:02 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-24-09, 07:07 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-24-09, 07:26 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-24-09, 07:28 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-24-09, 07:38 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-24-09, 07:54 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-24-09, 09:40 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Hawari Nimir | 04-24-09, 09:53 AM |
| Re: صفحة من دفتر يومياتي..لعناية(طارق جبريل و بهاء طوكيو)...... | Baha Elhadi | 04-24-09, 10:00 AM |
|
| |
Hawari Nimir
فيس بوك
تويتر
انستقرام
يوتيوب
بنتيريست