|
|
 بابــــا تلفون ,,,,,,,,, وااارقـــو جاب قــــــون,,,,
|
لهدف محترف المريخ النيجيرى استيفن وارغو الاول له فى الدورى الممتاز السودانى منذ التحاقه بصفوف المريخ كمحترف اجنبى فى
الوظائف السنية فى يناير الماضى والذى احرزه امس الاول فى شباك الاتحاد ودمدنى .. اسرار وحكاوى ماقبل وبعد الهدف .
فاللاعب وارغو جاء للمريخ بعد صراع مع النادى الاهلى المصرى وحائز على لقب هدافى مسابقة ابطال افريقيا النسخة الماضية مع فريقه السابق انيمبا النيجيرى ولكن بعد ارتدائه شعار المريخ دخل اللاعب فى صيام طويل عن احراز الاهداف مع فريق المريخ فى المسابقتين المحلية (الممتاز) والخارجية (ابطال افريقيا) رغم ان المريخ لعب سبع مباريات فى الممتاز قبل مباراة الاتحاد ودمدنى امس الاول وخمس مباريات فى مسابقة ابطال افريقيا شارك اللاعب فى اربع منها وغاب عن مباراة المريخ امام الاتحاد الليبيى الاولى بطرابلس فى ذهاب دور ال32 بعامل الاصابة . وهذا الصيام عن احراز الاهداف ادخل اللاعب فى دوامة ضغوط نفسية رهيبة انعكست على مستواه فى جميع المباريات التى شارك فيها فالاهداف الخمسة التى احرزها للمريخ فى المباريات التجريبية بواقع ثلاثة فى شباك الفريق الاوزبكى ابان معسكر الامارات وهدف فى شباك قورماهيا الكينيى فى معسكر نيروبى وهدف فى شباك الشجرة الخرطومى لم ترض طموحاته وطموحات انصار المريخ والتى ظلت تنتظر هدفا من اللاعب فى احدى المباريات الدورية على احر من الجمر ولكنها ظلت تسانده وتهتف باسمه باستمرار بمناسبة وبدون مناسبة حتى اصبح اسمه انشودة عذبة فى شفاه جماهير المريخ تردد فى اى زمان ومكان .. وعندما اشتدت الضغوط النفسية على اللاعب بسبب تاخر هدفه الاول فى مباراة تنافسية
كشف وارغو عن معاناته مع المريخ فى تصريحات ادلى بها لهيئة الاذاعة البريطانية ( بى بى سى ) مشيرا لعدم التأقلم مع الحياة فى السودان وذاكرا انه يعيش وضعا صعبا جدا بقوله : اواجه صعوبة كبيرة فى التأقلم هنا .. اى شئ مختلف .. ثقافة مختلفة .. لغة مختلفة .. كل الوقت هنا لكرة القدم وقال انه يامل فى ان يكون بمقدوره مغادرة السودان بعد فترة قصيرة .. الى هنا انتهت تصريحاته لاذاعة البى بى سى والتى نشرتها قوون قبل 24 ساعة عن موعد مباراة المريخ والاتحاد ودمدنى التى شهدت ميلاد الهدف الاول لوارغو فى الدورى السودانى الممتاز وهو الهدف الذى غادر على اثره ملعب المباراة مباشرة بالبطاقة الحمراء بعد نيله البطاقة الصفراء الثانية فى نفس المباراة لخلعه (الفانلة) احتفالا بهدفه الاول الذى انتظره اللاعب طويلا وكذلك انصار المريخ
هذا الهدف الذى صاحبته اسرار وحكاوى قبل ان يستلم اللاعب الكرة من امام منطقة المريخ الدفاعية وتوغل بها متخطيا كل من حاول اعتراض طريقه من لاعبى الاتحاد ولكنه استغل مهاراته الفنية العالية حتى اودع الكرة داخل شباك الرومان معلنا ميلاد هدفه الاول (رسميا) مع المريخ
ولحظة نزول نجوم المريخ لارض ملعب استاد ودمدنى لاجراء عملية الاحماء استعدادا للمباراة تنبأ موسى الزومة فى حديثه لوارغو بانه سيحرز هدفا فى هذه المباراة الامر الذى جعل وارغو ينظر للسماء فى انتظار الافطار عن هذا الصيام وتمر الدقائق حتى انقضى الشوط الاول بالتعادل السلبى والذى شهد نيله البطاقة الصفراء الاولى لاحتجاجه على قرارات الحكم عندما اصر سبت لبراتو على اللعب بكرة محددة غير ان وارغو رفض اصرار الحكم وغادر الملعب لاحضار كرة اخرى بحجة ان الكرة الاولى غير قانونية وهنا لم يتردد الحكم فى اشهار البطاقة الصفراء فى وجه وارغو
واثناء سير الشوط الثانى وبعد هدف المريخ الاول وقبل هدف وارغو الاسطورى بدقيقتين فقط قام رادان باستدعاء اللاعب على خط الملعب لبعض التوجيهات وطلب منه اللجوء للحل الفردى باختراق حائط الصد الدفاعى للرومان والتوجه مباشرة صوب المرمى وهذا مافعله وارغو حرفيا حتى اودع الكرة داخل الشباك لينطلق نحو الجماهير فى المدرجات وهو فى حالة فرح هستيرى انساه البطاقة الصفراء ويخلع الفانلة لتحية الجماهير وكم كانت فرحة نجوم المريخ كبيرة حيث هبوا جميعا بما فيهم الجالسون على دكة البدلاء لمشاركة وارغو فرحته بالهدف وحاولوا اخفاءه عن الحكم حتى يتمكن من ارتداء الفانلة وحتى لايعاقبه الحكم بالبطاقة الصفراء والتى سيكون بموجبها الطرد بحكم انها الثانية له فى المباراة وفى هذه الاثناء كانت قوون قريبة من موقع وارغو وفرحة اللاعبين معه بالهدف حيث قال موسى الزومة .. الم اقل لك انك ستحرز هدفا الليلة .. فيما يصيح اكرم مبروك ياوارغو .. عارض وانفكا .. وبصوت عالٍ كان يصيح مجاهد .. يا اكرم .. غطوه ولبسوه .. وكان ايداهو والسعادة بادية على وجهه يراقب الموقف وهو ينظر للحكم والساتر الذى صنعه نجوم المريخ وكانت المفاجأة عندما قال بله جابر للحكم انا من خلع الفانلة وليس وارغو على امل ان لا يطرد الحكم وارغو .. ولكنه غادر الملعب بالبطاقة الحمراء ويديه مرفوعتان للسماء وهو يحيي الجماهير وعقب المباراة حظى وارغو بعناق من القائد فيصل العجب والكابتن ابوجريشة والمدرب رادان .. لتنتهى قصة هدف انتظرته جماهير المريخ طويلا
http://goansport.net/article/id/18116[/B]
|
|
 
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: abuguta)
|
لم اكن مشاهدا لتلك المباراة التى احرز فيها ولدنا قوون ولا مباراة زعيم المتديرة مع نيل محافظتنا طبعا انا اخضر والهوى ازرق,,فكل الدورى المتاز حاليا هلال او من اولاد الهلال يعنى الافرع بتلعب مع الاصل,,احدى نظريات تاج السر رد الله باسورده,,
كنت ليلة امس مشاهد فى مباراة للدورى الفرنسى بين ليون و باريس سان جيرمان,,وانا مستمتع بابداعات بنزيما واولاد الخالة الما ليهم حد فى الدورى الفرنسى,,تجينى بنتى شايلة الروموت تقولى بابا جنا بابا جنا,,امها قالت لى البنت عاوزة قناة طيور الجنة, ففتحت تلك القناة فوجدنا اغنية كانت ترددها لدن كثيرا وما كنت بفهم منها حاجة,,وهى اغنية طالعة فى الكفر..بابا تلفون قول ليه مو هون
فى هذه الاثناء اتصلت على اختى من السودان بتقول لى امك عاوزاك فى موضوع مهم,,اتصل بعد نصف ساعة هى مشت لمناسبة فى الحى
وبعد السلام وطلبها سالتهاعن المناسبة قالت لى تذكر حاجة (ام سانى) التى كانت تسكن جنبنا,,قلت ليها ايوة قالت لى عندها ود اختها نيجيرى مغترب فى الخرطوم وهو خطيب فطيم بنتها ,,اها ولد اختها دا بلعب فى كورة ,,,قالو جاب ليه قوووووون لاول مرة ,,اها نحن مشينا نبارك ليها وهى ذاتها عاملة حفلة شاى,,وقالت بكرة ماشة ام درمان عشان تبارك ليه,,وهى قالت كلمت رئيس النادى الاهلى ابقوتة ,,عشان يلعبو معاهم ويكون قريب منها لانه قال لخالتو كم مرة انا ما مرتاح مع الناس ديل حتى النيجرين المعاى ما بعرفو يرطنو تامه,,
المهم ولدنا جاب قوووووووووون
وصرت اغنى مع لدن بابا تلفون وارقو جاب قوووووون
مبروك وارقو ,,لكن عشان تظهر اكتر حاول سكر ايداهور دا,,,لان الكومر لما يعمرو ليه مكنتو بضيع البكاسى
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: abuguta)
|
|
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: haroon diyab)
|
سري للغاية!
* دخلنا عالم الممنوعات.. قبل أن ندخل دور المجموعات!
* وجاء المدخل بحجب شريط لقاء الهلال وأول ثلاثة أغسطس بلا سابق إنذار!
* علمنا أن من طلبوا عدم بث الشريط عللوا طلبهم (بالمصلحة العليا).. ولا ندري أي مصلحة يمكن أن تتحقق بإخفاء الحقيقة.. وحجب المعلومة عن الناس!
* من الغريب أن يتم التعامل مع شريط لإحدى المباريات وكأنه شريط خادش الحياء العام!
* الهلال ليس أول فريق سوداني يخسر خارج السودان ولن يكون الأخير.. بل إن خسائر فرقنا خارج الوطن هي القاعدة.. وما سواها شاذ!
* فلم الحساسية؟ وفيم الحجب؟
* التعتيم لا يفيد.. وكان من الأجدى عرض الشريط مع التنبيه.. تمنع مشاهدته لأقل من 18 عام!
* جماهير الهلال تعلم حقيقة ما حدث.. وتدرك أن فريقها كان سيئاً بدليل أنه خرج مهزوماً بالثلاثة!
* وهي مستعدة لتقبل الحقيقة مهما كانت مرة.. ومساندتها لفريقها لن تنقطع مهما حدث.. وقد سبق وتعرض الهلال لهزائم أمر وأبشع.. فهل خاصمته جماهيره؟ وهل امتنعت عن تشجيعه؟
* ما حدث يشكل سابقة غريبة وعجيبة لم نشهد لها مثيلاً من قبل!
* واللوم يقع على قناة النيل الأزرق التي شاركت في جريرة تغبيش وعي الناس وحجب الحقيقة عنهم!
* نحن ما بنروق.. إلا نشوفوا في الشروق!
* ربنا يستر.. ما يطالبوا باكر بإلغاء شريط السكة حديد!
الممنوع مرغوب!
* أحدث أفلام الشاشة الزرقاء: (سري للغاية)!
* بطولة مانو.. وبينا.. ومرق!
* تم التصوير والطبع والتحميض بمعامل أول ثلاثة أغسطس الأنغولية!
* دخل الهلال سيضاعف في لقاء الرد.. من باب (الممنوع مرغوب)!
* تم حجب الشريط فغابت الحقيقة وتناسلت الإشاعات!
* هناك من زعم أن مرق كان نجماً للمباراة.. وأن الأهلة فضلوا حجب الشريط خوفاً عليه من عيون المريخاب!
* وهناك من ادعى أن القارورة طارت مجدداً بعد التبديل!
* وهناك من زعم أن السلحفاة شاهدت الشريط سراً فسخرت من بطء أمولادي!
* ما سترته قناة النيل الأزرق بالفلوس سيظهر للعيان بالمجان في الثالث من مايو المقبل!
* ويا خبر بفلوس!
أغاني وأغاني
* من أشهر أغنيات الراحل عبد العزيز داؤود (بتصرف): يا عذارى الحي.. هل رأيتن (شريطاً) قد توارى!
* ومن أشهر أغاني المطربة ندى القلعة: الشريط (مدسوس) مني!
* ومن الأغاني الشعبية الشهيرة: (الشريط) الضيف.. ودرتنو كيف؟
* شريطك الخايف عليهو ونحن ما خايف علينا!
* (الشريط) المرّ.. فيه مرّ حبيبي!
* رسلت ليك أجمل (شريط).. لليلة ردك ما وصل.. زعلانة من أنغولا.. وللا شنو الحصل؟
* وشوشني (الشريط) فانتشيت.. وساقني الهوى إلى أنغولا.. فما أبيت!
* لا شوفةً تبل الشوق.. لا (شريطاً) يطمن!
* النوم مني فرَ.. وقلبي ناوي (الشريط)!
* يا حبيبي ظمئت روحي وحنت (للشرايط)!
* فات الأوان.. وما قادر أصدق إنه نحن.. نحن (شريطنا) فات!
* لا تقل إني بعيد في الثرى.. (فشريط) الشعر يرتاد الثريا!
* بكرة يا قلبي (الشريط) تلقى السعادة!
* كلما النسمات عطروني.. فاجأوني دموعي مطروني.. رب أغفر للعكروني.. في وداعة الباري العروني.. رب وقت يتذكروني.. أو يقول القائل ذروني.. أو يحدث عني (الشريط)!
* يا حياة أنفسنا وهلاكها.. لو ظليت في النار ما سلاكا.. قلبي صابر وهاك (الشريط)!
* يا شريطي المكتول كمد!
* الزول (الشريط) في طبعو دايماً هادي!
* أما المريخاب فيفضلون الاستماع إلى أغنية: أنا (شريطي) ظاهر!
* وشريطي وشريطك.. أسباب لوعتي!
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: haroon diyab)
|
شكرا ياهارون ,,,شفت نحن بنحبكم كيف
عشان اولادنا الماعكم مايضيعو,,
هو من الفرحة خلع الفنلة وعندو كرت اصفر دى ذاتها كويسة معاه,,عشان ياخد ليه راحة
والله الزول دا مما جاكم ,,ساكنو سك الفيلة ياجماعة خليوه يمشى يسلم على خالتو جنوب جبل اولياء
حقو تسموه الركشة ,,,مش الرقشة بجارها يوميا وبسكهوها سك الجن
كميات من التحاياقدر فرحة وارقو,,,
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: abuguta)
|
Quote: كلما النسمات عطروني.. فاجأوني دموعي مطروني.. رب أغفر للعكروني.. في وداعة الباري العروني.. رب وقت يتذكروني.. أو يقول القائل ذروني.. أو يحدث عني (الشريط)!
* يا حياة أنفسنا وهلاكها.. لو ظليت في النار ما سلاكا.. قلبي صابر وهاك (الشريط)!
* يا شريطي المكتول كمد!
* الزول (الشريط) في طبعو دايماً هادي!
* أما المريخاب فيفضلون الاستماع إلى أغنية: أنا (شريطي) ظاهر!
* وشريطي وشريطك.. أسباب لوعتي! |
عمو حمزاوى,,,
مزمل دا كاتب رياضى راكب على الخازوق عرى( بكسر العين والراء)
اسى دا ما غنى طقطاقات
من المفترض ان يحاسب على يسطر اعوجاجا,,هذا الزخم تحريف للاغانى الخوالد
دمت هلاليا زعلانا
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: abuguta)
|
وارغو يا اب قوتة
بالله لو ما جب قون في الاتحاد الروماني
حيجيب قون وين يعني
صيام صيام
والفطور بصلة
والبصلة محروقة
عشان في قون للرومان قبل ما البطيخ يسجل
منقوض
قال الحكم تسلل
سنة يا التسلل
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: جمال السنوسي)
|
جمال السنوسى
الراجل تعب والله وعانى كثير,,,عشان كدا خلع الفنلة
ونال الكرت الاصفر,,,الله يستر عليه من كنبة الاحتياطى
لانه كل من دخل ما بدى الاخر طريقة
اسى شفت ايداهور دا,,,كل مباراة لازم يدخل هدف
لكن اهمس فى اذنك نحن متاهلين ,,لو لعبنا فى استاد الخرطوم
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: abuguta)
|
مبرووك .. اها فضل ليه كم قوون ويسدد المبلغ..
الشئ القصير ده قووونو غالي بغلاتو اضوقك حلاتو.. الشئ توم ايفوسا عديل
هارون اخوي
بعد شفنا شريط كمبالا ما في داعي لشريط انغولا والله جنس عك
لكن المباراة الحلوة كانت في اعمدة الصدى وفي خشم سيد محد صالح المتطلع لمنصب مساعد مساعد مرب المريخ،، يعني مساعد إبراهومة
تش ترش تش
| |
|
|
|
|
|
|
|
|
|
Re: بابــــا تلفون ,,,,,,,,, وااارقـــو جاب قــــــون,,,, (Re: ALMURADABI)
|
Quote: مبرووك .. اها فضل ليه كم قوون ويسدد المبلغ..
الشئ القصير ده قووونو غالي بغلاتو اضوقك حلاتو.. الشئ توم ايفوسا عديل |
الموردابى,,,,حبابك فى بوست الهدف الذهبى
عندنا قبيلة فى الجزيرة حرامية,,يعنى بسرقو غنم ابل بقر,,كلهم فى قرية واحد
اها يوم ظفل منهم سرق ليه حمل من طرف الحلة,,,اهل الحمل شافوه
الولد ناجح خلاص ,,دخل الحمل داخل غرفة امه,,,اها الجماعة جو لوالده
يطالبون بالحمل,,,ابوه قال ليهم ديك الزريبة شيلو بدل الحمل خاروف
قالو ليه قال ليهم دا جديد ولدى ما بديكم ليه
اها نحن نحتفل بالهدف,,,لانه جديد وراقووو
تحياتى لك
| |
|
|
|
|
|
|
| |
abuguta
haroon diyab
جمال السنوسي
ALMURADABI
فيس بوك
تويتر
انستقرام
يوتيوب
بنتيريست