|
|
 عسل الورد الخامل همسِك ...
|
عسل الورد الخامل همسِك
وخدر الصوت المس أوتار العصب الهام بي مسِّك
أراجيف الطبل الدقَّ حنين في نص الليل
والطبع الحاد زي حد السيف
ورقيق كالموية
هداها الخدر الساكن فيك
الليل مسكون بي الوحدة وشوقي إليك
هزيت نصل الحرف المشتاق
ادّفق عِطر النيم رقراق
وكيف إسمح لي زول مشتاق
ومشلول من وخز الهمس الدفّاق
إفوق بي عِطرو
من خَدَرو الشاق
إحساس الفجر جواي وين راح
وبقيت في زمناً ما هو الليل
وما إظنو صباح
وقفت على ناصية وردو الخامل
وإحساس معدوم
غير زمنو الكامل
مولاي ...
الناس نامت وقفلت أبوابا
شالتني الريح قدام شجر الغابة
والطير النائم في غصنو
مشتاق لي صباح
زقزق فرحان
ولا مِن حس بي الفجر الكاذب
غمض عينيهو ونام ..
وبقيت حيران
خشيت في سح الصوت النعسان
عبِّيت من وجع الخدر الفتّان
دخلتني ملامح المطر الما حقنوه بي ركعات زيف
المطر الرطَّب حرقة صيف
المطر الطيف
المطر الهدّ بويت الطين
بويت حاج أحمد ود الزين
وجات الناس من آخر الحلة
الخير مو جاك آود الزين
وطيبوا خاطرو
ما الخاطر الطيب ما بخبر شين
ولاحقني الصوت .. الرجعو معاي
فجتني جحافل ليل قسّاي
وبقيت مقسوم
ما بين إحساس الخدر النام جواي
وبين ترديد همسات لي صوت لولاي
حاولت أجمّع في لحظة
مقدار الخطوة البرجع بيها
لي أول نقطة من دفق الورد
لي شغف الحس السبق اليد
لي الفجر الطال ميعادو
ومستني خلاص من ضُلمة ليل ممتد
ومن وهم الخدر الفات الحد
مستني خلاصو
يا ريق الروح الحاملو الورد
مستني خلاصو
|
|
 
|
|
|
|
|
|
|
|
Re: عسل الورد الخامل همسِك ... (Re: عروة علي موسى)
|
إنا لله ..
يا عروة .. إنا لله .
وقفت كلماتك شعرات جلدي ..
و أنا جلدي تخين .. عارفو ..
من كم ما وقفن شعراتو ؟| Quote: دخلتني ملامح المطر الما حقنوه بي ركعات زيف |
و لو بس ديل كانن ابياتك ..
فكفانا بشارة .. إنك زول موزون و مدوزن ..
فياخي حبابك .
....
أنا غايتو قريتها كده : ( دخلتني ملامح المطر الما حقنوه بركعات زيف ) ..
على كيفي كقاريء ..
يا شاعر يا جميل .. شكراً للمتعة .
| |
|
|
|
|
|
|
|
|
|
Re: عسل الورد الخامل همسِك ... (Re: طارق جبريل)
|
صديقي العزيز د طارق جبريل
سلام ومحبة
إديك العافية يا راقي وده من ذوقك الطيب
وحقيقي الأخ عماد زول خطر وأكيد حأستفيد منو شديد
مرفق تقديري
وسلامي للحبيب الصديق الراقي ناصر جبريل
| |
|
|
|
|
|
|
|
|
|
Re: عسل الورد الخامل همسِك ... (Re: Emad Abdulla)
|
العزيز صاحب الذوق العالي عماد عبد الله
سلام ومحبة
وعلى كيفك يا سيدي .. وإدلع يا عمدة على وش المطرة العينتها طرفة ..
سعدت جداً بهذه القراءة
وأملي أن تكون بالجوار فأنا أشد ما أكون لمن هم مثلك ..
مرفق تقديري ،،،
| |
|
|
|
|
|
|
|
|
|
Re: عسل الورد الخامل همسِك ... (Re: 7abib_alkul)
|
حبيب الكل
سلام ومحبة
قال الشاعر :
( قال لي المحبوب لما زرته مـــــن ببابي قلت بالباب أنا
قال لي أخطأت تعريف الهوى حينمـــــا فرقت فيه بيننا
ومضى عام فلما جئته أطــــرق الباب عليه موهنا
قال لي من أنت قلت أنظر فما ثم إلا أنت بالباب هـــنا
قال لي أحسنت تعريف الهوى وعرفت الحب فادخــــل يا أنا)
وسعيدأنا والله بندرتك كندرة الوفاء في هذا الزمن ..
هلا أنت عرفت عني حتى الاسم الثالث فافصح لنر ..
مرفق تقديري ،،،
| |
|
|
|
|
|
|
|
|
|
Re: عسل الورد الخامل همسِك ... (Re: عروة علي موسى)
|
مرحب يا عروة ...سلامات و مشتاقين رغم اننا على مرمى حجر من بعضنا الا الجفا ده سببو شنو ما معروف!
ان غايتو متابعك في فوراول بس ما متأكد ده انت و لا واحد تاني.
واصل و ما تحرمنا من الابداع و الجمال.
| |
|
|
|
|
|
|
|
|
|
Re: عسل الورد الخامل همسِك ... (Re: مدثر محمد ادم)
|
دكتورنا الراقي سيف النصر محي الدين
تسلم يا غالي .. ويا هو ذاتو الفي فورآل ...
ليس هناك من جفاء فأنت ملء القلب والخاطر وغداً نكون كما نود ..
وتشكر يا سيدي على المرور
مرفق تقديري وسلامي للأسرة الكريمة ،،،
| |
|
|
|
|
|
|
| |
حيدر حسن ميرغني
Emad Abdulla
طارق جبريل
7abib_alkul
عبد الدائم سيد أحمد
أميرة فاروق عبد العال
فيس بوك
تويتر
انستقرام
يوتيوب
بنتيريست